' Пaйдaлуу кеңештер - Суперстан 7
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан
Информация о рекламе
☰ Меню

Суперстан: Пaйдaлуу кеңештер - Суперстан

  • (19 )
  • +
  • 5
  • 6
  • 7
  • 8
  • 9

Пaйдaлуу кеңештер Ден соолук, туура тамактануу жана башкалар

#121   stafs   02 March 2012 - 09:02

  • Активист
  • Кыймылы жок
  • 633
  • 14 December 11
  • : 04 Mar 2013 21:00
  • Жынысы:Аялзаты
  • Калаасы:Дениздин ары жагында



Скотчтун тагын кантип кетирүүгө болот?

Кичинекей чүрпөлөрү бар үйлөрдө көбүнчө балдары скотчту ар кайсы жерге жабыштыра беришет. Ал эми эмеректерге жабышкан скотчу кээ бир бычак менен кырып ийип, так калтырып коёт. Мындай учурда айдоочулар колун жууган паста менен такты сүртүп, 10-15 мүнөт коёсуз дагы губка менен сүртүп коёсуз.



Ал кандай паста, так жооп жазып койчу, алтышка! :give_rose:Колдон келсе суротору менен!

#122   Aydashka   22 March 2012 - 01:13

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

Ашканадагы ар кандай учурлар үчүн
Эгер мискейдеги тамак күйүп кетсе, мискейге көп туз кошулган суу коюп коюңуз. Бир нече сааттан кийин кайнатып, анан тазаласаңыз оңой болот.
Тамак күйүп кетсе, аны дароо эле башка идишке которгонго шашпаңыз. Мискейди тамагы менен кошо муздак сууга сала турсаңыз, күйгөн тамак мискейдин түбүнө чөгүп кетет. Ошондо тамактын күйбөгөн бөлүгүн башка идишке которуп аласыз.

Лимондун кабыгын ыргытпаңыз - идиш жууган сууга салып койсоңуз, өзгөчө айнек идиштериңиз жалтырап калат.

Кол пияз, сарымсак же балык жыттанып калса, аны азыраак уксус кошулган суу менен жуу керек.

Бычак, вилка, кашыктагы датты кетирүү үчүн чийки пиязды колдонууга болот.

Мискейдин, чайнектин ичи карарып калса, ага алма менен алмуруттун кабыгын кайнатсаңыз, идиштериңиз жаңы калыбына келет.

Мокок бычакты курчутуунун алдында аны бир аз туз кошулган сууга жарым сааттай салып койсоңуз, бычак жакшы курчуйт.

★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

#123   Nuura   01 April 2012 - 18:56

  • Активист
  • Кыймылы жок
  • 785
  • 13 March 11
  • : 28 Jan 2022 13:29
  • Жынысы:Аялзаты
  • Калаасы:Катар Доха

Men ushu bychaktyn,kashyktyn datyn ketiruunun jolun tappai jurdum ele,yras bolbodubu.Koptogon kenesjterdi taptym,raxmat!
Кетким келбейт ата-энемдин жанынан.
Турмуш экен алыстаймын барынан.
Сагынычта өтөт дагы күндөрүм.
Кетип калсам ата-энемдин алдынан.

#124   Murok   27 April 2012 - 13:02

  • Активист
  • Кыймылы жок
  • 776
  • 10 April 12
  • : 03 Dec 2020 19:44
  • Жынысы:Аялзаты
  • Калаасы:Бишкек

Ундун даамы кычкыл тартып калса жылуусу кете элек жыгачтын комурунон тункусун салып коюу керек.***Этти бышыра же куура турган болсонуз сутко бир нече саат салып коюунуз,эт жумшак болуп бышат.***Балыкты туздун муздак эритмесине жууп алса ал балыр жыттанбайт.

#125   zama_mama   02 May 2012 - 14:52

  • Момун
  • Кыймылы жок
  • 41
  • 02 May 12
  • : 20 Nov 2015 09:05

1.Эт асып жатканда чий кобугу этке жабышпай, шорпо тунук болуш учун, кайнап чыккандан кийин 1 баш аарчылган пияз салып коюу керек.
2.кышкы бут кийимдерди жайкыга алмаштырып, тазалап салып жатканда ичине кереги жок гезит же картондордон тыгып койсо, эмки кышта бут кийим формасын жоготпойт.

#126   Aydashka   02 May 2012 - 17:00

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

Ашкана майлыктарын жуугандан мурун бир аз уксус кошулган жылуу сууга чылап койсоңуз, майы жакшы кетет.

Түктүү сүлгүнүн мамыктай жумшак болуп калышын кааласаңыз, жуугандан кийин туздуу сууга 15 мүнөт салып коюңуз жана үтүктөбөңүз.

Ашкана пардасын түнү менен туз кошулган муздак сууга салып койсоңуз, оңой жуулат.

Тор парданы чайкаган сууга бир аз сүт кошуп койсоңуз, апапак болуп калат. Ошондой эле сүт парданы бир аз катуу да кылып коёт.

Саргыч тартып калган тор парданы агартуу үчүн жуугандын алдынан туздуу сууга бир аз салып коюу сунуш кылынат.

Ак капрон ашкана пардасы үчүн крахмалдын ордуна шекерди пайдалансаңыз болот: чайкаган соң 2 чоң кашык шекер кошулган сууга чылап коюңуз.
★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

#127   Таллас   10 May 2012 - 16:45

  • Супер-активист
  • Кыймылы жок
  • 4603
  • 30 December 07
  • : 03 Jun 2024 14:58
  • Жынысы:Эркек
  • Калаасы:..:Жалган дүйнө:..

Сонун кеңештер экен!
Мен өзү "ушу муздаткычты иштеткенди билбейт экенмин" деген жыйынтыкка келдим.
Биле жүрөйүн эми.
... жүрөктөр Аллаhты эстөө менен жибип, Андан түшкөн Акыйкатка муюган мезгил келбеди бекен?!. [57:16]

#128   Aydashka   14 May 2012 - 00:56

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

Жашылчаларды кышка кантип сактоо керек?
Мына жай,жай артынан күз келет.Күз аяктап, кышкыга жашылчалардын запасын топтогонго киришебиз. Эми аларды кышы бою чиритпей, сапатын бузбай кантип сактоо керек деген маселе бар. Аларды ороого көмүүдөн сырткары да бир нече ыкмалар бар:

Картошка
Картошканы казып жатканда аны күндүн түз тийген нурунан сактоо кажет. Күн нурунун астында 5 сааттай жаткан картошка жашыл түскө айланып кетет. Бирок аны желдетүү да керек. Күн нуру түз тийбеген салкын жерге 2-3 жумадай коюп, андан кийин гана сактоочу жайга алып барыңыз. Эгер казып алгандан кийин дароо эле жер төлөгө алып жөнөсөңүз же аз эле желдетип койсоңуз, мындай картошка кайнаганда карарып кетет.
Картошканы сактоо үчүн оптималдуу температура - +2 - +50С. Өтө сууктан крахмал кантка айланып, картошка таттуу даамга ээ болуп калат.

Көк чөптөр
Көк пияз, сельдерей, салат жалбырагы, шпинат, петрушка, укропту сактоодо алар кургак болууга тийиш. Полиэтилен баштыкка салып, жел кирип туруу үчүн вилка менен баштыктын бир нече жерин тешип, муздаткычта сактоо зарыл. Мындай ыкмада сакталган көк чөптөр 1-1,5 ай сакталат, ал эми шпинат кышы бою жаңы бойдон тура берет.
Ал эми полиэтилен баштыгына салып, баштыктын оозун бекем бууп туруп муздаткычтын тоңдургучуна салып койгон көк чөптөрүңүз кышы бою жагымдуу жытын да, түсүн да, пайдалуу витаминдерин да жоготпойт.

Бадыраң
Бадыраңды "куйругун" ылдый каратып сууга салып коюп, суусун күн сайын алмаштырып турсаңыз, бадыраң көпкө чейин жаңы бойдон тура берет.
Бадыраңды кайнаган суу менен жакшылап жууп, ар бирине жумуртканын сарысын сүртүп чыгасыз. Ошондо бадыраңдын бетинде жука пленка пайда болот. Полиэтиленден айырмаланып, бул пленка бадыраңдын дем алышына тоскоол болбойт. Андыктан, мындай бадыраңдар караңгы, салкын жерде сакталып тура берет. Айрыкча "куйругунан" илип койсо көпкө сакталат.
Айылда мындай ыкманы пайдаланууга болот: бадыраңга толтурулган жыгач бочокту такай суу агып турган кичинекей арыктын үстүнө койсо, бадыраңдар жазга чейин сакталып тура берет.
Түбүнө бир аз уксус куюлуп, капкагы бекем жабылган эмаль идиште сакталган бадыраңдар да кышы бою жаңы боюнча турат.

Сабиз
Сабиз суукту көтөрө албайт, -1 градуста тоңот да, эриген соң бузула баштайт. Андыктан, сабизди калың полиэтилен мүшөккө салып, жер төлөдө сактоо сунуш кылынат.
Нымдуу кум салынган ящикке сактоого болот. Сабиздин учу кумдун ичинде, башы сыртта калууга тийиш.
Тамакка пайдаланган пияздын кабыгын ыргытуунун кажети жок. Анын сырткы жука, кургак кабыгын ящиктеги сабиздин үстүнө таштап турсаңыз, сабиз көпкө сакталат.
5 градустан жогорку температурада сабиз өнө баштайт. Андыктан, сабизди 0 градус температурада сактоо талапка ылайык.
Сабизди бузбай сактоонун дагы бир ыкмасы - үстү тыгыз жабылган айнек идишке сактоо. Сабизди таза жууп, бир аз марганцовка кошулган сууга чайкап, кагаз менен аарчып кургатып, андан кийин гана банкага салсаңыз, сабизге андан да көп өмүр берген болосуз.

Пияз менен сарымсак
Бул жашылчалар өзгөчө деле кам көрүүнү талап кылбайт. Болгону сактоо алдында пиязды да, сарымсакты да мешке жакын жерге коюп жакшылап кургатып алышыңыз керек.
Аларды "чачтарынан" бириктирип байлап, караңгы, кургак бурчка илип койгонуңуз жетиштүү. Же болбосо "чачтарын" кесип салып, эски, узун капрон байпакка салып туруп илип койсоңуз да болот.
Кээде пияз чирип, анда майда чымындар пайда болот. Буга жол бербөө үчүн сактоо алдында пияздын түп жагын шам менен бир аз күйгүзүп коюу керек. Ал эми өнүп кетпесин десеңиз, эки жагын тең күйгүзүүгө туура келет. Сарымсакка да ушундай эле ыкманы колдонсо болот.
Пиязга караганда сарымсак бир аз "чыргоороок" . Ошондуктан, аны сактоодо кээде өзгөчө ыкмаларды колдонууга туура келет. Мисалы, пияздын жука кабыктары салынган мүшөктө сакталган сарымсак жазга чейин эч нерсе болбойт.
Дагы бир экзотикалык ыкма: сарымсакты тазалап, тишчелерге ажыратып алып, аларды күн карама майына салып койсо болот. Мындан майга зыян келбейт, тескерисинче, тамакка жагымдуу даам берет.
Тазаланбаган сарымсактарды айнек банкага салып, ун себелеп коюу да сарымсакты бузулуудан сактайт. Сарымсактын бетине себеленген ундун калыңдыгы 2 сантиметрден кем болбоого тийиш.
Эгер пияз тоңуп калган болсо, аны 2-3 саат салкын сууга сала турсаңыз, мурунку калыбына келип калат. Бирок мындай пиязды узак убакыт сактоого болбойт.

Капуста
Капустаны сактоо татаалыраак. Анткени, ал суука чыдамсыз келет. Капуста үчүн оптималдуу температура - 0 градустан 1 градуска чейинки температура. Капустанын чоңу да эмес, кичинеси да эмес, орточолору жакшы сакталат. Сакталуу учурунда капуста катуу "дем алып", өзүнөн буу чыгарат. Андыктан, аны тор баштыкка салып, жел кирип турган жерге илип коюу талапка ылайык. Анын сырткы жалбырактарын сыйруунун кажети жок. Алар капустаны соолуудан сактайт.
Эгерде сиздин жер төлөңүз бар болсо, мындай ыкманы пайдаланып көрүңүз: капусталардын ар бирин бирден гезитке ороп, жер төлөгө коюп коюңуз. Капусталар бири-бирине тийбегендей аралыкта турсун, оролгон гезиттерин маал-маалы менен алмаштырып туруңуз.
Капустаны сактоонун эң натыйжалуу ыкмасы - тамыры менен кошо казып алуу. Жер төлөгө топурактап сээп, ага кайра отургузуп койсоңуз капуста көпкө сакталат.

Кызылча менен түрп
Бул жашылчалардын калың кабыгы сууктан сактайт, ошондуктан, буларды сактоо оңой. Кызылча менен түрптү оозунан аба кирип тургандай кылып ящикке же мүшөккө салып, салкын жерге коюп койгонуңуз жетиштүү болот.
Кызылчаны да, түрптү да нымдуу кум себилген ящикке сактасаңыз ишенимдүү сакталат. Кызылча сакталган бөлмөнүн температурасы нөлдөн бир аз жогору болуш керек, болбосо кызылча тоңуп калат. Бул жашылчаларды сактоо үчүн эң оптималдуу температура - +1-2 градус.
Канчалык кеч жыйналган түрп болсо, ошончолук жакшы сакталат. Түрптү нымдуу, жамгырлуу аба-ырайында жыйноо сунуш кылынбайт.

Помидор
Помидор - өтө назик жашылча, андыктан, аны көпкө сактоого мүмкүн эмес. Бирок кыштын орто ченине чейин сактоонун бир нече ыкмалары бар. Алардын бири мындай: сактай турган помидорлорду эми кызарып келатканда эле үзүп аласыз. Бүтүн, тегиздерин тандап алып, сабагын үзүп саласыз. Андан соң ысык сууга 2-3 мүнөт салып аласыз. Эгер суу өтө ысык болсо помидорлорду жумшартып жиберет, ошондуктан, болжол менен 60 °С болууга тийиш. Суудан алган соң аарчып, кургатасыз. Анда соң кебезди спиртке же аракка малып, помидорлорду бирме-бир аарчып чыгасыз. Гезитти аракка чылап, аны ящиктин түбүнө саласыз да, дезинфекцияланган помидорлорду анын үстүнө тизесиз. Ар бир кабаттын арасына аракка чыланган гезит саласыз. Помидорду үч кабаттан ашык кылып тизүү сунушталбайт. Эгерде помидорлоруңуздун жазга чейин жетүүсүн кааласаңыз, аракка чыланган кагаз менен алардын ар бирин ороп чыгыңыз. Анын үстүнө кургак опилканы сээп коюңуз. Опилка нымдуулукту өзүнө сиңирип алат. Помидор сакталган жай сөзсүз түрдө кургак болууга тийиш.
★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

#129   aminali   14 May 2012 - 07:20

  • Супер-активист
  • Кыймылы жок
  • 3020
  • 06 September 10
  • : 11 May 2023 15:44
  • Жынысы:Белгисиз
  • Калаасы:Italia,Sardegnia.



Такты кантип кетирүү керек?

Жаңы так түшсө муздак сууга чылап коюңуз, анан жылуу сууда самындап жууп салыңыз.

Ысык үтүктүн изи: пияздын ширеси же боткосуна чылап, бир канча саат коюңуз. Анан жууп саласыз. Андан сырткары суутек кычкылына (перекись водорода) чылап койсо болот.

Дезодорант: кийимди жуугандан мурда ашкана уксусуна чыланган кездеме менен дезодоранттын тагын сүртүңүз.

Помаданын тагы: спиртти сүйкөп, анан жууп салыңыз.

Сагыз: кийимди баштыкка салып, муздаткычка салып тоңдуруп коюңуз. Бир сааттай убакыт өткөн соң сагыз ушунчалык катып, щетка менен оңой эле алына турган болуп калат. Калган такты самын менен жууп саласыз.

Шамдын мому: момду бычак менен акырын кырып алыңыз. Андан кийин тагы калганда үстүнө сууланган кездемени жаап, анын үстүнө бир нече кабат кагаз салфетканы коюп, ысык үтүк менен басаңыз. Так жоголгонго чейин кагаздарды алмаштырып туруңуз.


Айдашка эже жанагы белизна деген балекеттен так калса эмне кылыш керек,боеп коембу же ыргытыш керекпи?Өлдү да күйүп калды ээ?

#130   Таллас   16 May 2012 - 16:57

  • Супер-активист
  • Кыймылы жок
  • 4603
  • 30 December 07
  • : 03 Jun 2024 14:58
  • Жынысы:Эркек
  • Калаасы:..:Жалган дүйнө:..

Жакында форумда Айдашка жана Фианит баштаган "Колуктулар курсу" ачылайын деп калды окшоду .
... жүрөктөр Аллаhты эстөө менен жибип, Андан түшкөн Акыйкатка муюган мезгил келбеди бекен?!. [57:16]

#131   Таллас   16 May 2012 - 17:00

  • Супер-активист
  • Кыймылы жок
  • 4603
  • 30 December 07
  • : 03 Jun 2024 14:58
  • Жынысы:Эркек
  • Калаасы:..:Жалган дүйнө:..

Бир аз кошумча кошуп койсом капа этпеңиз:

Мүмкүн болушунча азыраак колдонуш КОЛДОНБОО керек болгон эң зыяндуу азык:

Алкоголдук ичимдиктер
Алкоголь калктын өлүмүнүн 3-себепчиси (жүрөк-кан тамыр жана онкологиялык оорулардан кийинки). Спирттик ичимдиктер бөйрөк, боор, ашказан, ичеги жана башка көптөгөн органдарга өз зыянын тийгизет.


... жүрөктөр Аллаhты эстөө менен жибип, Андан түшкөн Акыйкатка муюган мезгил келбеди бекен?!. [57:16]

#132   azamat1992kg   16 May 2012 - 17:18

  • Супер-активист
  • Тартип бузгандар
  • 3724
  • 24 May 11
  • : 20 Feb 2018 15:15
  • Жынысы:Эркек
  • Калаасы:Бишкек

Кызыктын баары ушул жакта турбайбы! Соонун нерселер жазылыптыр!
Ак ийилет, бирок сынбайт.

#133   Aydashka   16 May 2012 - 19:04

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

Сиздер менен пайдалуу кеңештер менен бөлүшө кетейин,интернет булактарынан алынды:
Үй ичиндеги ден соолукка зыяндуу буюмдар
Күнүмдүк жашоодо биз көңүл бурбаганыбыз, байкабаганыбыз менен үй ичинде биз колдонгон кээ бир буюмдар ден соолукка зыян алып келишет. Алар акырындык менен ар кандай ооруларды пайда кылышат. Дал ошол оорулардын алдын-алуу үчүн төмөнкү буюмдарды өз орду менен туура колдонуу зарыл.


Суу краны
Кадимки суу агуучу кранда, негизинен, легионелла аттуу бактериялар болот. Суу аккан кезде бул бактериялар абага тарап, дем алуучу органдар аркылуу өпкөгө келип кирет да, пневмония оорусун пайда кылат. Ошондуктан, ар бир үч ай сайын крандан 10 мүнөткө чейин ысык сууну агызып коюп туруңуз. Бул зыяндуу бактерияны жок кылат.


Таштанды салуучу чака
Таштанды салуучу чака жагымсыз жыт гана бөлүп чыгарбастан, өзүнө ар кандай курт-кумурскаларды чакырат. Андагы зыяндуу бактериялар тынымсыз жана тез-тезден көбөйөт. Мисалы, 7 күндөн кийин эле таштандысы бар чаканын ичиндеги мындай бактериялардын, микробдордун саны 600дөн ашып кетет! Ал эми 14 күндүн ичинде дагы 130%га көбөйүшөт. Бул зыяндуу микроорганизмдер аллергия, астма, кызамык жана башка ар кандай тери жана дем алуу органдарындагы ооруларды пайда кылат. Температура көтөрүлүп, зат алмашуу, кан айлануу бузулат. Андыктан, айрыкча иммунитети төмөндөр, кары-картаңдар, жаңыдан операция болгондор, жаш балдар таштанды салуучу чакадан алыс болуулары кажет. Таштандыны эки күндө бир төгүңүз жана чаканын ичин да, колуңузду да сөзсүз самындап жууңуз.



Газ плитасы
Газ плитасы күйүп жатканда андан көптөгөн организмге зыяндуу заттар жана рак ооруларын пайда кылуучу канцерогендер бөлүнүп чыгат. Ал эми майга азыктарды кууруп жатканда, айрыкча этти кууруганда токсиндер бөлүнүп чыгып, сиз алар менен тамакты жасап бүткүчө дем аласыз. Пайда болгон токсиндердин жарымы бөлмө ичиндеги абага тарайт. Эгерде жарым күн бою тынымсыз газ плитасынын жанында турган болсоңуз, башыңыз ооруйт, жүрөгүңүз ылдам согот, тез чарчайсыз. Мындан тышкары, газ плитасын көп колдонуу төмөнкү ооруларды пайда кылат: боор циррозу, эндокриндик бездердин жана ичегинин рагы, өпкөнүн кургап, кичирейүүсү. Демек, тамак жасап жатканда ашкананын эшигин жаап, терезесин ачып коюу зарыл. Бөлмөнү бат-баттан желдетип туруңуз. Жакшысы, газ плитасынын ордуна электр плитасын колдонуңуз.


Алюминден жасалган идиш
Мындай идишке тамак жасасаңыз, курамындагы алюминий аттуу зат ошол бышып жаткан тамакка аралашып кетет. Натыйжада, ал боор менен бөйрөктүн иштөө функцияларын бузат, бара-бара сөөктөрдүн сынышына алып келет. Эң жаманы, организмди тез картайтат. Тактап айтканда, өз мезгилиңизден эрте эле картаюу менен кошо пайда болуучу ооруларга баш ийип каласыз. Демек, чоюндан, болоттон жасалган идиштерди колдонгонуңуз дурус.


Кичитолкундуу меш
Кичитолкундуу мештен электрдик жана магниттик зыяндуу толкундар бөлүнүп чыгат жана бул жагынан уюлдук телефондон да зыяндуураак болуп эсептелет. Албетте, анын айнеги мындай нурлардан коргоп турууга ылайыктуу болуп жасалганы көп айтылат. Бирок жакында эле окумуштуулар изилдеп, иштеп жаткан кичитолкундуу мештин жанында бир мүнөттөн ашык жана бир метрден жакын турууга болбостугун, андан зыяндуу нурлар баары бир бөлүнүп чыгарын далилдешти. Аны ток менен туташтырган кезде тамактануучу столдон бир метр алыс коюу керек. Болбосо моюндагы ички без, көрүү органдары жана нерв системасы жабыркап калат.



Сүлгү
Стафилококк аттуу зыяндуу микроорганизм сүлгүдө жашаганды жакшы көрөт. Эгерде териңизде жара, же кесип алган, тытылган жер бар болсо, ал жерге сүлгү менен аарчынган кезде стафилококк кирип ырбатат, ар кандай тери ооруларын пайда кылат. Андыктан, сүлгүңүздү 6-7 күндө бир жолу сөзсүз жууңуз. Суунун ысыктыгы 95 градус болуусу кажет. Ошондо андагы микробдор өлөт.


Желим идиштер
Булардын курамында (желимден жасалган бөтөлкө, стакан, тарелка, кашык ж.б.) бисфенол-А аттуу зыяндуу зат бар. Бул простатит жана эмчек рагын, кант диабетин, семирүүнү жана кыздардын жыныстык жактан эрте жетилүүсүн пайда кылат.


Тиш жуучу щётка
Изилдөөлөр боюнча, бир тиш жуучу щёткада 10 миллионго жакын зыяндуу бактериялар жашайт. Дайыма бирөө менен эле тишиңизди жууп жүрө берсеңиз, акырындык менен жүрөк оорусуна, анын ичинде инфаркт менен артритке чалдыгасыз. Ошондой эле сасык тумоо болгондо шилекейде бардык вирустар, бактериялар болот. Ал эми тишиңизди жууганда щётканын кылдарынын арасында дал ошол вирустар калып калат жана узак убакытка чейин өлбөй сакталып жүрө беришет. Анткени, тиш жуучу щёткадагы вирустар кайрадан иммунитетиңиздин начарлашын күтүшөт. Алардан сак болуу үчүн сасык тумоодон соң дароо тиш жуучу щёткаңызды алмаштырыңыз.


Куштун жүнү салынган жаздык
Жаздыгыңыздын ичине куштун жүнү салынып жасалган болсо, анда колдонбой эле коюңуз. Мындай жаздыкта башты какач кылуучу микробдор бар. Адам уктап жатканда жаздык акырындык менен жылыйт жана ошол жер нымдалышат. Дал ушул учурда микробдор жаздыктан башка өтүшөт. Пайда болгон какачты канча жуусаңыз деле кетпей турганын эске алыңыз. Ал үчүн куштун жүнүнөн башка нерседен жасалган жаздыкка жатуу зарыл.


Жыгач тактай,жыгач кашык
Ар бир жолу эт, жашылча туураган сайын жыгачтан жасалган тактайдын бетине зыяндуу микробдор толуп алат. Алардын саны дааратканадагы микробдордон 50 эсеге көп! Ушундай эле микробдор жыгач кашыкта да болот жана булар ашказан-ичеги ооруларын пайда кылышат, ууланууга алып келишет. Ар бир колдонгондон кийин тактайды жана жыгач кашыкты ысык суу менен самындап жууңуз. Эгерде тактайдын бетине бычактын изи терең түшүп, ал жер оюлуп калса, же тактайга жарака кетсе, дароо ыргытып жибериңиз. Себеби, ал жеринде микробдор эң эле көп!
★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

#134   Aydashka   16 May 2012 - 19:09

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

Жакында форумда Айдашка жана Фианит баштаган "Колуктулар курсу" ачылайын деп калды окшоду .

Таллас,кана эми ачылып калса...келин- кезеке пайдасы тиет эле да.
★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

#135   Aydashka   16 May 2012 - 19:53

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

[color="#4B0082" ][b]Мен кызыктуу маалымат окусам, шак эле силер менен бөлүшкүм келе берет да...


FIANIT сен пайдалуу кеңештериң менен бөлүшкөн ниетиң,өзүң окуп,эл дагы окуп пайдасы тиээр деп бул жака жазып жатканың эң жакшы.
★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

#136   Aydashka   16 May 2012 - 20:22

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

Кожойкелерге килемди колдонуу боюнча кеңеш:
Килемди туура күтө билиңиз
Ар бир кыргыз үйүндө эч болбосо бирден килем бар болушун каалайт эмеспи. Анткени, килем үй ичине кооздук жана жылуулук берет. Жаңы кезинде жаркыраган килем бара-бара эскирип, кирдей баштайт. Демек, аны туура күтүү жана тазалоо тууралуу кеңештерге ар бир эле кожойке муктаж.


Түрлөрү жана баалуулуктары
Жүндөн токулган килем. Калың жана жылуулукту жакшы сактайт, өңү өчпөйт, кирди ичине сиңирип албайт.
Жибектен токулган килем. Өтө ачык түстө болуп, жылтырап турат. Жука болгондуктан, жылуулукту жакшы сактабайт. Бирок мындай килемдер аябай тыкыс токулгандыктан, бышык болот, узак жылдар бою эскирбейт. Тез кирдейт.
Синтетикадан токулган килем. Жылуулугу таптакыр жок, нымдуулукту өзүнө сиңирбейт, тез эскирип жыртылат.

Эмне үчүн килем колдонобуз?
Килем салынган бөлмө жагымдуу, жакшынакай көрүнөт.
Полго караганда килемдин бетиндеги чаң анча көзгө илинбейт.
Суук аба ырайында үй ичине жылуулук берип, бөлмөдөгү нымдуулукту нормалдаштырат.
Жүндөн токулган килем ден соолукка пайдалуу: кан басымды түшүрөт, бут жана омуртка ооруларынын алдын-алат.

Килемди бөлмөгө ылайыктап тандоо
Уктоочу бөлмөгө ачык түстөгү, жүндөн токулган, түгү узун килем ылайыктуу. Килем полдун баарын жаап турушу зарыл. Ачык жер калбасын. Ошондо башка бөлмөдөгү үндөр угулбай, уйкуңуз тынч болот.
Конок тосуучу жана балдар уктоочу бөлмөгө түгү кыска килем жакшы. Анткени, ал оңой жуулат.
Коридорго күңүрт түстөгү жасалма килем салып коюңуз. Астыңкы бети резина болсун. Мындай килемдин кирдегени көп байкалбайт жана канча жуусаңыз да чыдамдуу болот.
Эгерде бөлмөдө эмеректер жок болсо же аз болсо, сүрөтү көп, аябай кооз килем салуу керек, Тескерисинче, кымбат баалуу эмеректер бар болсо, анда сүрөтү өтө аз, же бир өңчөй килем туура келет.
Кичинекей бөлмө чоң болуп көрүнүш үчүн ачык түстөгү килем салыңыз.
Анча жарык тийбеген күңүрт бөлмөгө салынган килемдин түсү күңүрт болбосун. Ал эми өтө жарык бөлмөгө ачык эмес түстөгү килемдерди ылайыктаңыз.

Кантип туура күтүү керек?
Бурчтары өйдө карай түрүлүп калбаш үчүн астыңкы бетине калың картонду жабыштырып тигип коюңуз. Ошондо килем түз жатат.
Килемди эч качан бир нерсеге (мисалы, кашаага) асып алып күбүбөңүз. Мындан анын сапаты бузулат.
Килемди жаңы сатып алгандан кийин 6 айга чейин катуу щётка жана чаң соргуч менен тазалабаш керек. Жумшак щётка менен тазалап, шыпыргы менен шыпырып гана коюп туруңуз. Ошондо көпкө чейин сапаты бузулбай, эскирбей кызмат кылат.
Килемди дайыма нымдан сактоо зарыл.
Полду жуугандан соң жакшылап кургагыча күтүңүз. Андан кийин гана килемди салууга болот.
Полдо салынып турган килемдин ары-бери жылып кетишин каалабасаңыз, ички жээктерине эски велосипеддин камерасынын же дагы ушул сыяктуу резиналардан ичке кесип, жабыштыра тигип коюңуз.
Алыскы сапарга чыксаңыз жана үйдө бир топ күнгө чейин эч ким жок боло турган болсо, килемдерди полго салынган боюнча таштап кетпеңиз. Аларды тазалап, жыйнап коюңуз. Сиз келгиче таза турат.
Килем кирдеп, эскирип кетпеш үчүн бат-баттан чаң соргуч менен тазалап туруңуз.
Килемдеги такты кетирип тазалаган соң ошол жерге көбүрөөк кылып кагаз коюп коюңуз. Сууну тез соруп алып, килем тез кургайт.

Тазалоонун элдик ыкмалары
Щётка менен тазалоо. Сыртка чыгарбай туруп килемди бөлмөдөн тзалагыңыз келеби? Анда бир чака жылуу сууга эки аш кашык кир жуучу порошокту салып аралаштырып, ага щётканы салып суулап аласыз да, щётка менен килемди бетин сүртөсүз. Аркасынан алгач ным, анан кургак чүпүрөк менен сүрүп тазалап коёсуз.
Нандын күкүмү менен тазалоо. Түгү кыска килемди кара нандын күкүмү менен тазалоого болот. Ал үчүн килемдин бетине күкүмдү чачып, кайра шыпырасыз.
Кар менен тазалоо. Кышында килемди сыртка алып чыгып, жердин үстүнө саласыз. Андан соң үстүнө текши кар себелейсиз да, бир канча мүнөткө чейин коюп коёсуз. Эми шыпыргы менен жакшылап шыпырып саласыз.
Чай менен тазалоо. Кайнаган кадимки кызыл чайдын чамасын алаканыңызга салып суусун кетире сыгасыз да, күңүрт түстүү килемдин бетине текши чачасыз. Бир канча мүнөттөн кийин гана таза шыпыргы менен шыпырып чыгуу зарыл. Жакшы жагы, тазаланып эле тим болбостон, килемдин өңү да жакшырып калат. Бирок ачык түстөгү килемди тазалоодо бул ыкманы колдонбой эле койгонуңуз жакшы. Анткени, кызарып боёлуп калышы ыктымал.
Үбөлөнгөн жыгач (опилка) менен тазалоо. 1 литр бензинге кир жуучу порошокту аралаштырып, муну 10 литр сууга кошосуз. Ага үбөлөнгөн жыгачты салып нымдайсыз да, килемдин бетине текши чачып, аябай кир болсо бир түнгө калтырасыз. Же 30 мүнөттөн кийин кайра шыпырып салуу кажет. Бул ыкма эгерде килемге май төгүлүп калган болсо колдонууга өтө натыйжалуу.
Туз менен тазалоо. Майда тузду килемдин бетине сээп, дароо эмес, бир аздан кийин шыпыруу керек.
Уксус менен тазалоо. 1 литр сууга 1 чай кашык уксус кошуп, губка же щётканы ага маласыз. Муну менен алдын-ала шыпырылган килемдин бетин сүртүп тазалап чыгыңыз.
★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

#137   Aydashka   16 May 2012 - 20:42

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

Телефонду кантип туура тазалоо керек?
Урматтуу форумчулар, уюлдук телефонду үй шартында кантип тазаласа болору тууралуу төмөнкү кеңештерге көңүл буруңуз. Бул телефондун көпкө кызмат кылуусуна өбөлгө болот.


Тазалоодон мурда алгач телефонду өчүрүңүз жана батареясын чыгарып коюңуз.
Идишке куюлган сууга бир канча тамчы идиш жуучу каражатты кошуп аралаштырыңыз. Аралаштырганда көбүк пайда болуп кетпегидей болуш керек. Ага кебезди болор-болбос эле нымдайсыз да, катуу сыгып аласыз. Андан кийин телефондун сыртындагы чаңын, экранындагы майланышкан колдун тактарын сүртөсүз. Бирок эсиңизде болсун, телефонду суудан жана көбүрөөк нымдалуудан сактоо кажет. Анткени, ичине кирген суу менен ным телефонду бузат. Ным кебез менен сүртүп тазалаган соң кургак салфетка менен жакшылап кургатууну унутпаңыз.


Эгерде экранында чаңдан коргоочу атайын плёнка чапталуу болсо, анда ным вата менен эмес, кургак, жумшак чүпүрөк менен гана сүртүү зарыл. Болбосо ным плёнкага зыян келтирет.


Эч качан телефонду спирт жана бензин менен тазалабаңыз. Спирт менен тазалагандан кийин телефондо агала так пайда болушу ыктымал. Кокус спирт телефондун ичине кирип кете турган болсо, телефонуңуз керектен чыгып калышы ажеп эмес.


Заманбап моделдеги бардык уюлдук телефондордун үстүңкү панели ачылат. Этияттап ачкан соң ичинде, айрыкча клавиатуралардын арасында канча чаң бар экенин көрөсүз. Эч качан аларды металл буюмдар (скрепка, төөнөгүч, ийне ж.б.) менен чукуп тазалабаңыз. Жакшысы, кадимки тиш чукугучту колдонуңуз. Ал ичке жана учтуу болгондуктан, сизге жакшы жардамчы болот.


Тиш чукугуч менен тазалагандан кийин деле өтө таза болуп кетпейт. Андыктан, калган-каткан чаңдарды катуу-катуу үйлөсөңүз кетет.


Кадимки сүрөт тартуучу кисти же балдардын тиш жуучу жумшак щёткасы менен да клавиатуралардын арасы жакшы тазаланат.


Эгерде тазалап жатып ичинен дат басып жаткан жерин байкасаңыз, аны кырып кетирем деп ойлобоңуз. Аны ремонт кылуучу жайларга гана алып барыңыз. Болбосо телефонуңузду бузуп аласыз. Баса, дат - бул суу кирип кеткендин натыйжасы.


Тазалап жатканда телефонуңуздун ичине кокус суу кирип кетсе, дароо өчүрүп, андан соң батареясын чыгарыңыз да, жылуу жерге коюп коюңуз (бирок ысык жерге эмес). Же фен менен деле кургатып алсаңыз болот. Бирок эч качан ысык плитага, отко кактабаңыз.


Кадимки гигиеналык салфеткалар тазалоого өтө ыңгайлуу.


Эч качан майда түктөрү, кылдары, чаңы жабышып кала турган чүпүрөк менен телефонду сүртпөңүз.
★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

#138   zhazira   18 May 2012 - 04:13

  • Активист
  • Кыймылы жок
  • 1881
  • 31 May 11
  • : 30 Jun 2014 19:31
  • Жынысы:Аялзаты
  • Калаасы:Гамбург


Картошканы жыйноо жана сактоо
Картошканы мурда экинчи нан,- деп келсек, азыркы учурда картошка кирешебиздин негизги булагы болуп калды. Ошондуктан өстүрүп алган картошкабызды убагында, туура жыйнап алуу жана сактоожөнүндө билгенибизди ортого салсак, - дедик:

Картошканын бышып жетилгендигин анын ботвасынын саргайып, соолуп, түймөктөрдүн кабыгы катып калганынан билсе болот. Жыйнап чогултуу иштерин тоолуу райондордо 20-октябрга калтырбай аяктагандай болуш керек. Картошканы казып алуунун алдында аткарылуучу жумуштар: сабагын оруп-чаап, аны жыйнап алып кетүү, арыктарды түздөө, бурулуш тилкелердеги картошкаларды казып алуу. Муну түшүм жыйноого 10-15 күн калганда жүргүзүшөт. Максаты: түймөктөрү жакшыраак жетилиши үчүн жана алардын бетиндеги кабыкчалары сыйрылбай, тыгыз пайда болушу үчүн жасалат. Казып жатканда мешокко салып ташууда түймөктөрдү жабыркатып албоого аракет кылуу керек. Анча чоң эмес, чакан аянттардагы картошканы кол менен күрөк, же кетмендин жардамы менен жыйнап алган ыңгайлуу. Атка чегилген культиваторду колдонуу кол жумушун бир топ эле жеңилдетет. Күн ачык мезгилде жыйналып алынган картошка талаада 2-3 сааттын аралыгында жыйнап, сорттоп жаткан маалда кургап калат. Аба ырайы жаан-чачын кезде жыйнаганда, картошканы 2-3 күн бастырманын алдында, же кампада кургатуу керек. Өтө кургатып жибергенде, түймөктөрү соолуп калат жана сактай баштаганда эрте эле өнүп кетет.
Сактоонун шарттары: Картошканы сактоодо абанын нымдуулугу салыштырмалуу 90%, оптималдуу температурасы +3 – 5 С болушу керек. Бул минималдуу жоготуулар менен түймөктөрдү сактоого шарт түзүлөт. Картошканы сактоо 3 фазадан турат: · Жыйнап алгандан кийинки эки жума. Температура- сы +15+18; · Экинчи фазасы – 7-10 күн. Сактоо температурасы+12+14 С. Бул эки учурда жыйнап жатканда жана транспорт менен ташуу мезгилинде жабыр тартып калган түймөктөр калыбына келет. · Үчүнчү фазасы – негизги сактоо мезгили. Сактоо температурасы +2 +5 С. Сактоо мөөнөтүнүн узактыгы фермердин керектешине жараша аныкталат. Жазында сактоочу жайлардын температурасы тез көтөрүлүп кеткен шарттарда көп учурда картошка өнүп, узун жипче сымак өнүмдөр чыгат. Мындай учурда уруктукка сакталган картошканы жарык тийген жерде, парникте, же теплицада пленканын алдында сактаган жакшы. Бул сактоо мөөнөтүн 230 күнгө чейин узартууга жардам берет жана жоготуулар 10%ке төмөндөп, караңгыда сактаганга караганда түшүмдүүлүгүн 30-60%ке жогорулатат. Картошка багуучулар үчүн бир кыйла эффективдүү оңой ыкма түймөктөрдүн өнүп кетүүсүн жалбыздын жардамы менен токтотуу ыкмасы саналат. Ал үчүн үйүлгөн картошкага (анын төмөнкү, ортоңку жана үстүңкү бөлүктөрүнө) кургатылган жалбызды 1,0-1,5см өлчөмдөгү катмарда жайгаштыруу керек. Бөлүнүп чыккан жыпар жыт өсүү стимуляторунун аракетин жайлатат жана ошондой эле илдеттердин алдын алат. Албетте, өсүп чыккан өсүндүлөрдү сыдырып турса болот, бирок, мындай түймөктөрдү олтургузууга пайдалануу жакшы болбой калат. өсүп чыккан өсүндүлөрдү кайрадан үзүп таштаганда түшүмдүүлүк 25-30% ке азаят. Мындай түймөктөр 3-7 күн кечирээк өсүп чыгат. Ал эми аба ырайы ыңгайсыз болуп калган шартта 8-10 күнгө кечеңдеп чыгат. Андыктан түймөктөрдүн эрте өнүп чыкпашы үчүн алдын ала чараларды көргөн оң. Картошканын түймөктөрүн сактоо үчүн чуңкурларды, траншеяларды, ороолорду короолордун алдындагы погреб (жертөлөөлөрдү), гараждарды жана ошондой эле турак-жайлардын полунун алдындагы жайларды жана стационардык сактоочу жайларды пайдаланса болот. Картошка өндүрүп сатууга багыт алган фермер картошка сактоочу туруктуу жайларды куруп алганы эң жакшы. Туруктуу сактагычтар сактоо режимин регулировкалап турууга, картошканын абалына көз салып турууга, аларды иргеп, сорттоп жана каалаган учурда сатып жиберүүгө мүмкүнчүлүк түзөт. Сактагычтардын 3 түрү болот: · Жердин бетинде; · Жердин алдында жарым-жартылай тереңдикте казылган; · Тереңдетилип казылган түрү бар. Тереңдетилип казылган сактагычтар сактоонун эң мыкты шартына ээ. Анткени, алар күзүндө жана жазында көп жылыбайт жана кышында суук кирбейт. Сактагычтардын түрлөрүн тандоодо тереңдикте жайгашкан жер алдындагы суулардын абалын эске алуу зарыл. Жер алдындагы суулар картошка сактагычтардан 2м төмөн жайгашкан болсо, абдан жакшы. Сактагычтарды толтураардан бир жарым ай мурда формалин, күйүүчү күкүрт менен санитардык тазалоо иштерин жүргүзсө болот. Көк таштын 5%түү эритмеси менен да иштетсе болот. Картошканы ташып келип төгөөр алдында жайды актап актап коюу керек. Курт-кумурскаларга каршы күрөшүүдө өчүрүлбөгөн акиташты пайдаланса болот. Аны металл идишке 300г/м3 көлөмүндө салып коюп, сактагычтын эшигин жаап кою керек. Сактоочу жайдын температурасын ченеп туруу үчүн эки термометр колдонулат, биринчиси - эшиктен киргенде (30см бийиктикте), экинчиси – ортодо (160см бийиктикте). Абанын салыштырма нымдуулугун аныктап туруу үчүн психрометр орнотулат. Табигый вентиляциянын шартында бууланышы –картошканын үстүңкү катмарынын нымдалышканынан байкалат. Бул көрүнүштүн алдын алуу үчүн таар, камыштан токулган бойро, кызылчанын тамыр жемиши менен жаап койсо болот. Мындай учурда жылуулук берүүчү материалды кургатуу үчүн 2-3 күндө алмаштырып туруу зарыл. Ал эми кызылча болсо, канча сакталса, ошончо тура берет. Картошканы төгөөр алдында анын узак мөөнөткө сактоого ылайыктуулугун текшерүү керек. Ал үчүн арасынан жүздөй сырткы кабыгы жакшынакай түймөктөрдү алып туруп,50х70см көлөмдөгү полиэтилен баштыкчасына салып коюу керек. Пакетти бууп туруп, +15 С температурада эки жумага кармап туруу зарыл. Пакеттин ичинде ыңгайлуу микроклимат түзүлөт. Эгерде түймөктөрдө инфекция бар болсо, анда анын бетинде сууланышкан чириндилер, фитофтора тактары жана башка илдеттер пайда болот. Эгерде, бул белгилер түймөктөрдүн көбүнө тарап кетсе, анда мындай картошкалар узак мөөнөткө сактоого жараксыз, аны андан көрө жакынкы арада сатып, же пайдалануу керек. Ал эми иргеп алганда, зыян тартпаган картошкаларды коркпой эле узак мөөнөткө сактай берсе болот.

Бири кем арман дүйнө...

#139   elif   24 May 2012 - 04:23

  • Активист
  • Кыймылы жок
  • 1021
  • 01 November 09
  • : 21 Jan 2019 03:26
  • Жынысы:Аялзаты
  • Калаасы:Туркия

Aydashka jana Fianit,azamatsınar,kolunar dart korbosun,ayabay sonun maalımattar kaltırıp ketipsiner,maga abdan jaktı,okugan baardık okurmandarga da jakkanina ishenem.Bir gana ushu sulgunu juu boyuncha 6-7 kun degenine koshula albadım,al degen sulgu(chachık) uchun kop kun,men 2-3 kundo almashtirip turam,uydo en taza bir nerse bar bolso,al sulgu bolush kerek menimche...Emnesi bolso da rahmat super maalımattar eken
все что ни делается все к лучшему :(

#140   Aydashka   14 June 2012 - 02:35

  • Супер-активист
  • Кыймылы жок
  • 3624
  • 19 October 10
  • : 24 Apr 2018 02:37
  • Жынысы:Аялзаты
  • Калаасы:Австрия

o Бычакты, кайчыны туздуу сууга жарым саат салып коюп, андан кийин кургатпай курчутса натыйжалуу болот.
o Сууга идиш жуучу атайын каражаттарды эмес, тескерисинче бир аз уксуз же туз кошуп жуусаңыз, айнек идиштер: бокал, гүл салгыч, стакан тазарып, жаркырап, көркүнө келе түшөт.
o Картошканын, алманын кабыгы же уксус кошулган сууда кайнатсаңыз, алюминий мискей тазарып калат.
o Атайын идиш жуучу каражат кошулган сууда кайнатып, анан жылуу суу менен жууп койсоңуз, эмаль идиш карарып кетпейт.
o Унга зыянкечтер жолобосун десеңиз, ал салынган капка сарымсактын аарчылбаган бир нече тишчесин салып коюңуз.
o Балыкты, сарымсакты кармагандан кийин колуңузга туздан шыбап, анан самындап жууп койсоңуз, жыты бат кетет.
o Петрушканы бир аз чайнап жүрүү менен ооздогу сарымсактын жытын кетирүүгө болот.
o Ашканадагы жагымсыз жытты кетирүү үчүн уксус кошулган сууну казандын капкагын ачып коюп жарым саат кайнатып, бир аздан кийин бөлмөнү желдетип койсо болот.
o Ысык плитага төгүлүп, күйүп жаткан сүттүн жытынан арылуу үчүн ал жерге туз себелеп, анын үстүн нымдалган кагаз менен жаап коюу керек.
★•:*´¨`*: •. *.:｡✿*ﾟ‘ﾟ･✿. ｡.:* *.:｡✿*ﾟ¨ﾟ✎･ ✿.｡.:*`•.¸♥•♥•♥¸. •´

  • (19 )
  • +
  • 5
  • 6
  • 7
  • 8
  • 9



БАШКЫ БЕТ СОҢКУ КАБАР СУПЕР-ИНФО SUPER.KG ВИДЕО МЕДИА-ПОРТАЛ Кинозал ЖЫЛНААМА Суперстан
Байланыш
Редакция
+(996) 779 47 39 39
kabar@super.kg
Жарнама бөлүмү
+(996) 770 882 500
+(996) 770 882 777
+(996) 312 882 777
pr@super.kg
reklama@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.