Супер-Инфо
super.kg
видео
Спорт Ордосу
Казак ырчысы Кайрат Нуртастын концерти.
Концерт 1 саат кечигип башталды окшойт.
Залдын 100 пайызы тең толду көрүнөт. Көпчүлүгү кыздар.
Алпаруучусу Бакыт Байсариев.
Сахнанада эч кандай жасалга жок (залдын абалынан казактардан уялат экенсиң бери жакта отуруп алып)
Концерт көнүмүш адатка айлангандай кыздардын бийи менен башталды (бул адат уже көпчүлүктү тажатты го, башка бир нерсе ойлоп табышса болмок...).
Андан соң Бакыт Байсариев чыгып кыргызча да, орусча да сүйлөп концертти ачты (залда отургандардын 99 пайызы кыргыздар болгондуктан орусча сүйлөштүн кереги бар беле деген суроо туулду).
Андан соң Кайрат Нуртас сахнага чыкты. Сахнага чыгаары менен зал кыйкырык, кол чабуулар менен жарылган концерттин аягына чейин ошондой маанайда отурушту го...
Эми Кайрат Нуртас жөнүндө айта турган болсом, чыныгы сахна адамы экен. Жүзү аябай жакшынакай деле эмес, бирок жылдыздуу, таланттуу, ырларды берилүү менен аткарган, бийлейт десе бийлейт. Концертте ырдаган ырлардын көпчүлүгүн жандуу үн менен ырдады. Көрсө биздин залдарда деле жандуу ырдаса болот экен. Ырларынын баарын берилүү менен аткарганы аябай жакты. Сүйүнчү жерден сүйүнүп, кайгырчу жерден кайгырып, тамашалуу ырларында күлүп-жайнап. Ал эми биздин ырчылар сахнага милдет кылып жаткансып чыгышат, бир эки ырды жаздырып алышып эле өзүлөрүн аябай жылдыз сезишет, и то жандуу да аткарышпайт. Кайраттын дагы жаккан жагы, залда отургандар менен диалог түзө алганы. Элди аралап, алар менен чогу бийлеп, чогу ырдап. "Мама" атту ырын аткарып жатканда бир букет гүлдү көтөрүп түшүп залда отурган ак жоолукчан апага сунганы жакты. Ал эми дагы бир ырында залга чыгып бир кызды бийге тартты эле, ал да тартынбастан так секирип бийлеп жатты. Ал эми Кайраттын өзүнүн бийлегени баарынан сооонун. Бийлеген сайын залдагылар кыйкырып сүрөп турушту. Негизи эле сахнада өзүн алып жүргөндү аябай жакшы өздөштүрүптүр. Биздин ырчылар сахнанын ортосуна турушат, типа ырдашат, элди аралабай калышсын, араласа жандуу ырдабаганы билинип калат да. Бийлегенди такыр айтпай эле койдум. Өзүлөрүн роботтой эле алып жүрүшөт. Биздин жаш ырчыларда залда отурган көрүүчүлөр менен эч кандай диалог жок. Конок катары биздин жаш белгилүү ырчылар да чыгып жатышты, алар менен айырма асман менен жердей. Кийин Мирбек Атабеков чыкты эле, Кайраттын өзүн сахнада алып жүргөнүн көрүп ардандыбы, ал дагы жандуу үн менен ырдап, кыймылдай баштады, бийлеп дегендей.
Кийинген киймин айтсам, Кайрат чыныгы сахна киймин кийип чыгып жатты. Ал эми биздин ырчылар сахна кийими менен көчө кийимин ажырата алышпайт. Биздикилер спорт кийими, күнүмдүк жашоодо кийилүүчү кийимдер менен ырдай беришет. Бул сахнаны сыйлабагандык же көрүүчүлөрдү сыйлабагандык. Мисалы, концертте ырдаган биздин ырчыларды көчөдөн эле кармап алып келип, кыйнап ырдаткандай туюлду.
Ал эми алпаруучу Бакыт Байсариевдин орусча сүйлөгөну кыжырды келтирип жатты. "Золотой дракон" ресторанына 2 адамдык чакыруу билетти ойнотуш үчүн Бакыт сахнага чыгып орусча сүйлөп, орусча суроо берди эле, залдан бир кыз туура жообун кыйкырып калды. Залды аралап ал кызга барып Бакыт кайра эле орусча сүйлөп жатты, байкуш тигил кыз орусча жакшы түшүнбөйт экен, "ресторанга ким менен барасың?" деген орусча узатылган суроого туура эмес жооп берип койсо зал дүң күлүп жиберди. Байсариев байкебиз улам күчөп, тигил кызды шылдыңдагансып улам орусча суроолорду берет. Залдагылар улам кулүшөт. Бул көрүнүш такыр жага бербеди. Жанымда отургандар кыжырланып да кетишти, атайын жасап жатат дешип.
Ошоооол... негизи эле биздин жаш ырчылар дагы өсүш керек экен. Биздикилердин ырлары аябай жакшы, жаман дебейм. Бирок ал менен эле чектелбей ар тараптуу болушса жакшы болмок.
