[Balamir]

Көрсөтмө - Указание
Көрсөтмө – көбүнчө маалымат-усулдук мүнөздөгү маселелер боюнча, ошондой эле ошол же башкаруунун жогорку органынын буйруктарын, нускамаларын жана башка актыларын аткарууну уюштуруу менен байланышкан маселелер боюнча мамлекеттик башкаруу органы тарабынан чыгарылган укуктук акт. Көрсөтмөлөрдү чыгаруу укугу өндүрүштүк жана административдик тез чечилүүчү маселелерди жол-жоболоштуруу уюмдардын, мекемелердин жана ишканалардын жетекчилерине да таандык.Көрсөтмө жол-жоболоштуруу боюнча буйруктан айырмаланбайт, курамы боюнча да, маалымдаректерин жайгаштыруу боюнча да ошондой эле формулярга ээ болот. Ошондой болсо да көрсөтмөлөрдүн конкреттүү аткаруучулары болууга тийиш, анын буйрутма бөлүгү «СУНУШ КЫЛАМЫН» деген сөз менен башталат.
Көрсөтмө 1970-жылдардан баштап кызмат жазмаларынын, кызмат каттарынын, кызмат буйрутмаларынын максатындай эле иш кагаздын түрү катары ишке киргизилген.

КӨРСӨТМӨ ..................... ...................... ...................... ....Ишканалардын жана уюмдардын 05.02.2000 № 29-Вр........ ...................... ...................... ...................... .....жетекчилерине
10.04.2004-ж ...................... ...................... ...................... ...Бишкек
Келечекке тармакты өнүктүрүү
планынын долбоорун иштеп чыгуу
боюнча иш чаралары жөнүндө
«Келечекке тармакты өнүктүрүү планынын долбоорун иштеп чыгуу жөнүндө» 12.01.2000 № 12-45 министрликтин коллегиясынын чечимин аткаруу максатында

СУНУШ КЫЛАМЫН:
1.Пландын долбооруна киргизүү үчүн сунуштарды иштеп чыгууда министрликтин 20.12.99-жылдагы усулдук сунуштарын жетекчиликке алып тармактын ишканаларынын жана мекемелеринин материалдарга, сырьего, жабдууларга болгон талаптарынын зарыл эсеп-кысаптар алынсын;
2.Эмгек боюнча планга тиркемелерди иштеп чыгууда министрликтин 14.12.99 №2-12/67 катында сунушталган кесиптер боюнча инженер-техникалык кызматкерлер жана жумушчу кадрларына болгон талаптарды эсептөөлөргө таянуу. Министрликке жөнөтүлгөн сунуштардын бардыгы тиешелүү усулдук сунуштар менен ченемдиктерге шилтемелер менен толук эсеп-кысаптар менен коштолсун;
3.Сунуштарды даярдоо боюнча иштерди координациялоо министрликтин Техникалык башкармалыгына тапшырылсын;
4.Ушул көрсөтмөнү аткарууну контролдоо Техникалык башкармалыктын башчысы Р.А.Абдразаковго жүктөлсүн.

Министрдин орунбасары ..................... .(колу) ...................... ...................... ...........М.Т. Шарипов

Закирова 24-15-56

(колу)

01-04 көктөмүнө ............ ...................... (колу)

20.02.2000.

Билдирүүнү түзөткөн: Balamir: 05 Декабрь 2011 - 23:08

[Balamir]

Чечим - Решение
Чечим – башкаруунун коллегиялык принциптеринин (башкаруунун муниципалдык органдары, окумуштуулар жана усулдук кеңештер, деректирлер кеңеши, кооперативдердин башкармалыктары, акционерлердин жалпы чогулуштары ж.б.) негизинде аракеттенген органдар тарабынан чыгарылган буйрутма иш кагазы. Чечим эреже катары төмөнкү маалымдаректерди камтыган бланктарда жоболоштурулат:
· Башкаруу органынын аталышы;
· Иш кагазынын (чечимдин) түрү;
· Күнүн коюу үчүн орун;
· Иш кагазынын индекси;
· Аны чыгаруу орду;
· Тексттин атын жайгаштыруу орду.

Билдирүүнү түзөткөн: Balamir: 05 Декабрь 2011 - 23:11

[Balamir]

Ишенимкат - Доверенность
Жеке адамдан, уюмдан же ишканадан бир нерселерди алууга жооптуу кишиге берилүүчү расмий кагазы ишенимкат деп аталат.Ишенимкатта аны алуучунун аты-жөнү, ишкананын толук аталышы, кимге, кайсы мекемеге ишенимкат берилип жаткандыгы, алына турган материалдык же башка баалуулуктардын тизмеси так көрсөтүлөт. Ишенимкат жеке адам же мекеме тарабынан толтурулат, ошондуктан алар жөнөкөй же расмий ишенимкат делинет. Жөнөкөй ишенимкаттын ээси ишеним берүүчүгө тиешелүү айлык акысынын, пенсиясынын, стипендиясынын же почта аркылуу которулган акчаны алуу үчүн берет. Мындай ишенимкатта ишеним берүүчү иштеген же окуган мекеменин же окуу жайынын жетекчисинин колу жана мөөр менен күбөлөндүрүү зарыл. Үйдү, квартираны өзүмдүк транспортту убактылуу пайдаланууга бергенде же сатканда ишенимкат берилген учурда, мураска калтырганда мүлктүн ээси ишенимкат берет. Эгерде көрсөтүлгөн мүлк материалдык чоң баалуулукту билдирип, ал өз баасын туруктуу сактаса ишенимкат нотариалдык кеңсе же бийликтин жергиликтүү органы тарабынан алардын колдору жана мөөрлөрү менен бекитилүүгө тийиш. Расмий ишенимкат мекеменин, уюмдун, ишкананын, окуу жайынын атынан өзүнүн кызматкерлерине берилет. Мындай ишенимкатты алган киши бул ишкананын кызыкчылыгын көздөөгө тийиш жана башка жерлерде аларды коргоп бул иш кагазы мекеменин жетекчи синин жеке колу жана мөөр менен күбөлөндүрүлөт. Иш кагаздын укуктук баалуулугу үчүн анда ишенимкатты пайдалануу мөөнөтүн көрсөтүү зарыл. Эгерде ишенимкатта пайдалануу мөөнөтү көрсөтүлбөсө берилген күндөн бир жыл мөөнөткө жарактуу боло алат. Акча каражаттарын же материалдык баалуулуктарды алууда алуучу анын ким экендигин күбөлөндүргөн паспортун же башка документин көрсөтүүгө тийиш. Жөнөкөй иш кагаздын маалымдаректери:
1. Иш кагаздын (ишенимкаттын) аты.
2. Ишенимкаттын тексти:
- ишенимкат берүүчүнүн аты-жөнү;
- ишенимкатты алуучунун аты-жөнү;
- ишенимкаттын мазмуну;
- бул ишенимкат боюнча иш жасаган мекеменин, уюмдун аталышы.
3. Ишенимкатты берүүчүнүн өз колу.
4. Ишенимкат берилген күнү.

5. Ишенимкат берүүчүнү күбөлөндүрүүчүнүн аты-жөнү, кызматы, колу, күнү.
6. Мекеменин мөөрү болуп саналат.

Расмий ишенимкаттын маалымдаректери:
1. Иш кагазынын (ишенимкаттын) аталышы.
2. Ишенимкат берүүчү уюмдун, мекеменин толук аталышы жана дареги.
3. Ишенимкат берилген күнү.
4. Номуру.
5. Ишенимкаттын жарактуу мөөнөтү.
6. Ишенимкат алуучу кызматкер жөнүндө маалымат:
- аты-жөнү;
- кызматы;
- паспортунун сериясы, номуру, берилген жери жана күнү;
- өз колу болуп саналат.
7. Бул ишенимкат боюнча иш жасаган мекеменин толук аталышы жана дареги.
8. Алынуучу материалдык баалуулуктардын аталыштары жана саны.
9. Ишенимкат берген мекеменин же уюмдун жетекчисинин өз колу.
10.Мекеменин мөөрү.

Ишенимкат - Доверенность
Мен, Жусубалиев Максат Темирбекович, 2004-жылдын август айы үчүн мага тиешелүү айлыгымды Биринчи Май райондук акимиатынын кассасынан алууга Кадыров Төлөн Дүйшеевичке ишенем.

Кадыров Төлөндүн паспорту ф. 1450084 ИИМ-50-23
Бишкек шаары, Н.Исанов көчөсү 12-үйдө катталган

(колу) ............... ...................... ...................... ...................... .........күнү, айы, жылы

М.Т.Жусубалиевдин колун күбөлөндүрөм
Биринчи Май райакимиатынын
башкы эсепчиси ...................... .......... (колу)..... ...................... ... М.Абакирова

Мөөр.... ...................... ...................... ......... күнү, айы, жылы.

Билдирүүнү түзөткөн: Balamir: 05 Декабрь 2011 - 23:12

[Balamir]

Маалымкат - Справка
Маалымкат – бул адамдын иштеген, жашаган жерин, окуусун ж.б. ар түрдүү абалын тастыктоо үчүн жазылган расмий иш кагазы. Ал жарандын ишмердүүлүгүндө кеңири пайдаланылуучу иш кагаздарынан болуп саналат. Маалымкат колдон жазылышы же атайын стандарт бланкта толтурулушу мүмкүн. Маалымкат жетекчинин атынан жеке кишиге же жеке кишинин атынан мекемеге (мекеменин жетекчисине) берилет. Анткени бериле турган маалымкат атайын иш кагазы болуп саналат, ошондуктан ага экиден кем эмес кол коюлууга, мөөр жана штамп басылууга тийиш.Маалымкат өзүмдүк жана кызматтык болуп эки түргө бөлүнөт. Өз кезегинде кызматтык маалымкат: ички кызматтык маалымкат жана тышкы кызматтык маалымкат болуп бөлүнөт.

Билдирүүнү түзөткөн: Balamir: 05 Декабрь 2011 - 23:12

[Balamir]

Өзүмдүк маалымкат кишинин кызматтык, үйбүлөлүк жана социалдык абалын тастыктоочу белгилүү бир мекеменин талабы боюнча жаранга берилет. Ал маалымат берүүчү, тактоочу жана тастыктоочу иш кагазы болуп саналат. Өздүк маалымкатта анын кайсы мекемеге бериле тургандыгын так көрсөтүү зарыл. Өзүмдүк маалымкат мекеменин аталышы, дареги көрсөтүлгөн атайын бланкта кагазга колдон жазылат. Эгерде маалымкат демейки актай кагазга жазылса, барактын жогорку сол бурчуна мекеменин
штампы коюлат. Өзүмдүк маалымкаттын маалымдаректери:
1. Иш кагаздын (маалымкат) аты.
2. Мекеменин штампы.
3. Текст.
4. Маалымкат кайсы мекемеге, кандай максат менен берилет.
5. Жетекчинин колу, анын кызматы.
6. Маалымкат берүүчү жетекчинин аты-жөнү.
7. Маалымкатты даярдоочунун кызматы.
8. Колу.
9. Маалымкатты даярдоочунун аты-жөнү.
10.Мөөр болуп саналат.
Маалымкатта берилген күнү, айы, жылы көрсөтүлүп, мекеменин штампы басылат.
Маалымкаттар мекеменин катчысы, кадрлар бөлүмүнүн башчысы, бугалтери же башка кызматкерлери тарабынан даярдалышы
мүмкүн.
Маалымкатта «Маалымкаттын тексти» маалымдарегин түзүүчү
маалымкатты алуучунун толук аты-жөнү, туулган жылы, же ээлеген кызматы көрсөтүлөт.

[Balamir]

Маалымкаттардын төмөнкүдөй үлгүлөрү бар.
.


............... ...................... ..............МААЛЫМКАТ
Ж.Баласагын атындагы
Кыргыз улуттук университети
25-май, 2004-жыл.№ 147
Бишкек шаары

Бул маалымкат Токонов Бакытка журналистика факультетинин (Сырттан окуу борбору) 5-курсунда окугандыгы анык экендиги үчүн берилди. Маалымкат Атбашы райондук аскер комиссариатына көрсөтүү үчүн берилди.

Сырттан окуу
борборунун деректири ............... ......(колу) ............... ............Э.Усубалиев
Окуу бөлүмүнүн кызматкери ............. (колу) ............ ............ Ш.Асанова
Мөөр

Билдирүүнү түзөткөн: Balamir: 05 Декабрь 2011 - 10:59

[Balamir]

Ички кызматтык маалымкат – бул мекеменин, уюмдун ички иштерин аткарууну маалымдоочу расмий иш кагазы. Мындай маалымкат кадрлар бөлүмүнүн башчысы, иш кагаздарын жүргүзүүчү тарабынан даярдалып алардын колу коюлат. Ички кызматтык маалымкат актай кагазга колдон жазылат же машинкада, компьютерде басылат.
Мындай малымкаттардын маалымдаректери:
1. Мекеменин аталышы, маалымкат жөнөтүлгөн жетекчинин атыжөнү.
2. Иш кагаздын (маалымкат) аты.
3. Текст.
4. Маалымкатты түзүүчүнүн кызматы, аты-жөнү.
5. Колу.
6. Маалымкат даярдалган күнү, айы, жылы болуп саналат.
Тышкы кызматтык маалымкат жогорку органдардын талабы боюнча мекеменин, уюмдун жетекчилигинин атынан даярдалат. Маалымкаттын мындай түрү машинкеде, компьютерде басылып, мекеменин жетекчисинин колу коюп.

[Balamir]

Баяндама кат - Докладная записка
Баяндама кат – түзүлгөн кырдаал, орун алган көрүнүш же факты жөнүндө, аткарылган иш жөнүндө ага маалыматтоочу, ошондой эле
түзүүчүнүн корутундуларын жана сунуштарын камтуучу ошол же жогорку мекеменин жетекчисине даректелген иш кагазы. Баяндама каткызматкердин өзүнүн демилгеси боюнча да, жетекчиликтин көрсөтмөсү боюнча да даярдалат. Демилгечи баяндама каттын максаты – белгилүү бир чечим кабыл алуу жетекчинин эсине салуу. Ошондуктан анын тексти эки бөлүккө так бөлүнөт. Белгиленүүчү (баяндалуучу) биринчи бөлүгүндө орун алган факты келтирилет же кырдаал баяндалат, экинчи бөлүгүндө сунуштар менен өтүнүчтөр келтирилет. Баяндама кат менен иштин жүрүшү жөнүндө жетекчиге маалымат берилет.
Мындай каттар үзгүлтүксүз берилип турулат.

Билдирүүнү түзөткөн: Balamir: 05 Декабрь 2011 - 23:13

[Balamir]

Ички баяндама катты жол-жоболоштуруунун үлгүсү БАЯНДАМА КАТ Бирикменин башкы деректири Н.К.Асановго 10.05.99 № 36 Бишкек ш.
Оргтехниканы алмаштыруу жөнүндө

Басма бөлүмү бүгүнкү күнү оргтехниканын эскирген үлгүлөрү менен жабдылган, алардын көпчүлүгү пайдаланууга болбой тургандыгын сизге маалымдайм.
Жаңы алты компьютер жана бир лазердик принтер алуу жөнүндөгү маселени карооңузду суранам.

Басма бөлүмүнүн
башчысы ............... ...................... ....(колу) ............ ...................... ...................... ...... Г.Н.Мамытова

Билдирүүнү түзөткөн: Balamir: 05 Декабрь 2011 - 11:04

[Balamir]

Келишим - Договор
Келишим – экономикалык ишмердүүлүктүн субъектилеринин чарбалык же башка өз ара мамилелерин жөнгө салуучу укуктук көп
кырдуу иш кагазы. Учурдагы мыйзамдарда келишим жарандардын жана уюмдардын ортосундагы ар түрдүү байланыштарды жана экономикалык мами-лелерди аныктоочу негизги иш кагазы катары колдонулат. Келишимдер сатып алуу-сатуу бүтүмдөрүн, ижара мамилелерин жоболоштурууну, кепилдиктерди, продукцияны жеткирүүнү, баа түзүүдө, пайданы бөлүштүрүүнү, ишкердик ишмердик субъектилеринин өз ара мамилелерин документтештирүүдө, ошондой эле ишканалардын айрым формаларын (акционердик коомдор ж.б.) түзүүдө уюмдаштыргыч иш кагазы катары түзүлө тургандыгы мыйзам тарабынан белгиленген.

Билдирүүнү түзөткөн: Balamir: 05 Декабрь 2011 - 23:14

[Balamir]

Бүттү. Дагы керектүү делинген иш кагаздарга жолугуп калсам бул жакка жөнөтүп жиберем.

Билдирүүнү түзөткөн: Balamir: 05 Декабрь 2011 - 23:03

[admin_superstan]

Balamir,

Рахмат сизге, аябай керектүү маалымат!

[EmMiR]

Ошол маалым кат, ишеним кат жана башка каттардын орусча котормосун өзүнчө бир тизмек кылып жаза турган экенсиң. Көбүбүз биле бербейбиз да биз күнүмдүк турмушта колдонуп жүргөн справка, ж.б. лардын кыргызчага кандай так жана туура которуларын.

[Balamir]

EmMiR (05 Декабрь 2011 - 15:58) жазган:

Ошол маалым кат, ишеним кат жана башка каттардын орусча котормосун өзүнчө бир тизмек кылып жаза турган экенсиң. Көбүбүз биле бербейбиз да биз күнүмдүк турмушта колдонуп жүргөн справка, ж.б. лардын кыргызчага кандай так жана туура которуларын.

Бул ойго келбептир. Азырынча башкы темаларын эле өзгөртүп турайынчы. Түшүнүшөт да... же орусчасын сен жазып кет.))

[nrl80]

чон рахмат, абдан керектуу маалыматтар экен

[nazgul2011]

отунуч каттын улгусу керек болуп жатат...сураныч. .

[Balamir]

nazgul2011 (10 Декабрь 2012 - 13:11) жазган:

отунуч каттын улгусу керек болуп жатат...сураныч. .

Төмөнкү эки шилтемени карап чыгыңыз.
1. шилтеме
2. ссылка

Билдирүүнү түзөткөн: Balamir: 11 Декабрь 2012 - 14:51

[meerimka86]

эн керектуу теманы корбой жургонумду кара.азамат экенсиз,рахмат

[Dimonbek]

Электрондук варианттагы бул китепти кайдан кочурсо болот. Алдын ала рахмат

[Balamir]

Dimonbek (25 Март 2015 - 00:15) жазган:

Электрондук варианттагы бул китепти кайдан кочурсо болот. Алдын ала рахмат

Ушуну шилтеп ийсең

Билдирүүнү түзөткөн: Balamir: 29 Апрель 2015 - 14:23