СУПЕР-ИНТЕРВЬЮ!

(639 )
229
230
231
232
233

СУПЕР-ИНТЕРВЬЮ! Форумчулар учун.....суроо-жооп......

#4601 zhiza 04 February 2013 - 13:09

Супер-активист

Кыймылы жок
2517
18 June 11
: 30 Mar 2018 09:18
Жынысы:Аялзаты

zhiza, бул жумадагы кызыктуу маегиң үчүн рахмат сага. Дагы качандыр бул темадан амандашканча ушунуңдан жазбай арабызда бол. Жашооңдо жана Суперстанда мындан ары ийгиликтер жар боло берсин!

Форумчулардын кызыктуу суроолору учун дагы ыраазычылык! Мондур эже,сизге дагы чон рахмат!

Адамга адам кымбат болуш керек....

of the page up there ^

#4602 Барс 04 February 2013 - 18:53

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

А биз албетте теманын жүрүшүн улай бермекчибиз. Бул жумада темабыздын каарманы, маек төрүбүздүн коногу, 2008-жылы катталып, ошол убакыттан бери форумда түркүн темаларды өзгөчө билдирүүлөрү, калыс сөзү менен көркүнө чыгарып, жалпыбыздын сый-урматыбызда келе жаткан кадырман форумчубуз болмокчу! "Акындар айтышы" темасындагы маанилүү ыр-саптардын жана андагы сынактардын жеңүүчүсү, биз сүйгөн "Бытыгый аңгемелердин" автору ошондой эле 2009-жылдын "Супер сынчысы" наамынын ээси, тарбия кепке суугарган сөзү да, өзү да улуу , урматы бийик форумчубуз Барс аба.
Барс аба кош келиңиз Супер-интервьюга! Сунушубузду четке какпай маек курууга макулдук бергениңиз үчүн рахмат. Бул жума сиз менен катар өрнөктүү өмүр жолуңуз, Суперстандагы өзөктүү өмүрүңүз тууралуу угуп, маек кызыгына сүңгүйбүз деген илгери ишенимдемин. Сизге ийгилик жар болсун!
Эмесе, сизге да интервьюунун өздүк суроолорунан:

1 Өз ысымыңыз жана форумдагы нигиңиздин тарых-таржымалы жөнүндө эки ооз кеп..
2 Супер сайтка катталган алгачкы күнүңүз..
3 Суперстандагы кызыкка бай күндөрдөн бир элес..

Алгач Супердин форумчулары менен түз байланышууга мүмкүнчүлүк берген жана оголе мактоо сөздөр менен мени дардайтып салган, Мөндүр, сага ырахмат! Ал эми интервью деген жарыктыкты илгери бир башымдан өткөргөнүм болбосо, бул жаатында адис деле эмесмин. Анткен менен берген суроолоруңардын ылайыктууларына жооп бергенге аракет кылайын. Эмесе баштадык...

1. Ысмым-Айтмырза. Эртең Айт болот деген күнү туулган экенмин, "Арапамырза" дебей "Айтмырза" дешип коюшуптур. Мындан башка тарыхы деле жок! Ал эми нигимдин "Барс" болуп калышы кокустан эле болгон нерсе. Чындыгында, эрдикти, шамдагайлыкты, кооздукту жакшы көргөн жаным (өзүмдө бул сапаттардын элементтери гана бар...) ушул жаныбардын атын ала койгонум ырас!
2. Супер сайтка 2008-жылдын 24-октябрында катталганмын. Охоо, ошондо сүйүнгөнүмдү айтпа! Ал боюнча "Супер-Инфо" гезитинин 10 жылдыгына карата жазылган макаламда кеңири айтканмын. Сайттан таап окусаңар болот.
3. Суперстанга кирген күндүн баары эле кызыкка бай күндөр эмеспи!!!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

#4603 Evelet 04 February 2013 - 19:35

Супер-активист

Кыймылы жок
5382
13 November 09
: 04 Aug 2020 13:47
Жынысы:Аялзаты
Калаасы:Алтын тор

Барс ава кош келипсиз.
Ден соолуктарыныз жакшыбы? Сизге кандайдыр бир суроо бергени деле алсызмын. Болгону бул жумага ийгилик каалаганы келип калдым.
Чыгармаларыныз аябай жагат. Ошол чыгармаларды дагы да жаратууга Аллах узун омур, ден соолук берген болсун.
Суроолорум пайда болуп калса, кайрылам буюрса.

Жанымда бол! Айырмасы жок кай жерде болгонубуздун. ..

of the page up there ^

#4604 Spartak0001 05 February 2013 - 00:41

Активист

Кыймылы жок
407
03 August 12
: 07 Jun 2019 12:12
Жынысы:Эркек
Калаасы:Улуу Кыргыз Державасы

Ассалоому алейкум! Интервюьга куш келипсиз!
Сизди талантуу акын-жазуучу катары баарыбыз жакшы тааныгандыктан алгачкы суроолорум чыгармачылык жаатта болсун.
1)Эмнеден эргүү аласыз?
2)Баш аягы канча чыгармаңыз бар?
3)Кайсы белгилүү акын-жазуучулар менен таанышып, маектештиңиз эле?
4)Чыгарма жазуу үчүн кандай кызыктуу, өзгөчө кадамдарга бардыңыз эле? (М: Чолпонбек Абыкеевди "Бриллиант жыланга" керектүү маалымат топтоо үчүн атайын түрмөгө түшкөн дешет.
Азырынча ушулар... Дагы кызыктырган суроолорум бар эле. Мөөнөтүңүз бүткөнчө дагы келем буюрса.

of the page up there ^

#4605 Барс 05 February 2013 - 07:38

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

Салам, Evelet! Жылуу сөздөрүң жана каалоолорң үчүн ырахмат. "Барс ава кош келипсиз." деген экенсиң, кош келе албай, өзүм жалгыз эле келе бердим. А баса, эгер "куш келиңиз" маанисинде айтсаң, кушубак бол, ылайым! Сени Суперстандын мыкты форумчусу катары тааныймын жана урматтаймын. Суроолоруңа жан дилим менен жооп бергенге даярмын. Бирок, татаал суроо бербесең экен деп суранамын...

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

#4606 Барс 05 February 2013 - 07:58

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

Валейкума вассалому, Бекболот! Эми сенин атыңдан нигиң көп, нигиңден талантың көп жигит экенсиң, ошондуктан, атың менен эле кайрылдым. Кушубак бол!
1. Эргүүнүн эмнеден келерин чынын айтайын билбейм. Кээде асмандагы бүркүт, кээде жердеги кумурска, кээде булут, кээде бир тал гүл, анан адамдар...адамдар. .. эргитет го чамасы...
2. Ушуну санабапмын. Анын (санын) мага зарылчылыгы жоктой сезилет. "Туулганы эмес, турганына сүйүн" дейт го, анын үстүнө кыргыз балдарынын, неберелеринин санын айтканды эрээн көрөт...
3. Бир тобу менен маектешкем. Мектепте Жунай агайдын (Мавлянов) сабагын алгам. Темиркул Үмөталиевдин үйүндө даам сызгам. Университетте Салижан Жигитовдордун лекцияларын уккам ж.б.
4. Чыгарма жазуу үчүн эч кандай кызыктуу жагдайларга барган эмесмин. Мектептен чыккан эмесмин. Өзүмдү жазуучу, же акынмын деп азыр деле ишенимдүү айта албаймын. Мен-мугалиммин!
Келип тур!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

#4607 adalsvards 05 February 2013 - 09:26

Супер-активист

Кыймылы жок
5812
10 July 08
: 27 Feb 2022 18:34
Жынысы:Аялзаты
Калаасы:Жомоктогу сепил сарай

Кандайсыз? Жакшы жүрөсүзбү? Менин суроолорум мындай болот:

- Күндүн кайсы убагы, аптанын кайсы күнү, айдын кайчы чеги, жылдын кайсы мезгили жагат сизге? Жана алар сизди эмнеси менен арбайт?

- Артка бир кылчайып караганда, эмнеге өкүнөсүз, кубанасыз, ийгилигим деп билесиз, жана эң чоң катам болчу деп моюнга аласыз?

- Мемуар жазганыңыз барбы?

- Небере эрмек болот дешет (илинген фотолордон көрүп калганым го). Жыл өткөн сайын жашоо нугу, заман талабы өзгөрүп жатпайбы... Андыктан, неберелериңизди көбүрөөк эмнеден коргойсуз? Кандай насаатты көп кайталайсыз?

Чаржайыт суроолор болуп калды окшойт. Аман туруңуз...

Үмүт - менин жолум,

Жеңиш - менин тагдырым.

of the page up there ^

#4608 Барс 05 February 2013 - 18:12

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

Жакшымын. Жакшы эле жүрөмүн ырахмат!
-Таңдын атканы кубаныч тартуулайт. Аптанын дүйшөмбүсүндө окуучуларыма барамын деп сүйүнөм, ишемби, жекшембиде чыгармачылыгымды кыймылдатам деп кубанамын. Айдан "кайчы чеги" дегениңди "кайсы чеги" деп түшүндүм, бирок "чегин" түшүнө албадым(?) Ал эми жаңырган Айды да, толгон кезин да карап туруп суктанганым суктанган... Жылдын жаз мезгилин жакшы көрөм, анткени ошондо абдан эргиймин жана көп ооруймун. Август айын чыдамсыздык менен күтөм, себеби, менин туулган күнүм келет!!!
-Артка кылчайып караганды жаман көрөм. Анткени, жалкоолугумдан тим эле көп кемчилдик кетирдим. Бирок, жакшы иштерден деле куржалак эмесмин!
-Мемуар окшогон бир нерсе баштадым эле жарымына жетпей ошол жалкоолугумдан бүтпөй токтоп турат. Анын качан сааты чыгат белгисиз...
-Неберелериме какшаганым эле ушул-менден алда канча кыйын болгула! Негизгиси Адам болгула деп айтып да, көрсөтүп да, окутуп да жатамын... Ылайым заман оңолуп, мен тилегендей болушуп өсүшсүн деп Жараткандан тилеймин!
Суроолоруңдун чаржайыттыгы мага сезилген жок. Өзүң да аман бол!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

#4609 Orbit_bezsahara 05 February 2013 - 22:19

Активист

Кыймылы жок
1338
23 January 13
: 04 Jul 2025 17:06
Жынысы:Аялзаты
Калаасы:OSH

Саламатсызбы? Эл катары өз суроомду бергени мен да келип калдым. Анда суроом мындайча: Сиз үчүн кечээги, бүгүнкү жана эртеңки күндүн айырмасы эмнеде? Алдын ала рахмат! Аман болуңуз!

Мен дүйнөгө ибадатка келгемин,
Түбүм ылай түркүк эмес пендемин,
Бүгүн болсом убактылуу дүйнөдө,
Эртең эле сурак берчүү жердемин.

of the page up there ^

#4610 Барс 05 February 2013 - 23:33

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

Саламатчылык. Келгениңе кубанычтамын. ..
Мен үчүн кечээги күн-тарых, бүгүнкү күн-жашоо, эртеңки күн-үмүт.
Сага да ырахмат! Бар бол!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

#4611 SMS Aroma 06 February 2013 - 18:25

Активист

Кыймылы жок
1801
03 October 08
: 13 Dec 2023 13:53
Жынысы:Аялзаты
Калаасы:Жалган дуйно

Арбаныз,Барс ава ! Маанайыныз жакшыбы? Омурлош-тугойунуз аманбы? Бала чака, айыл апа тынчпы?
1. Кесибиниз тууралуу :
а)"Мугалим - момолуу дарак"- демекчи, ардактуу кесиптин татыктуу ээси экенсиз, албетте урматтайм ,сыйлайм жана ото туйшуктуу кесип экенин , мугалим - окутуучу гана эмес ,окуучуларга улгу корсоткон инсан , мектептеги тарбия берген - экинчи ата-эне экенин да баса белгилейм ,ошого байланыштуу мектептеги эсте калган окуя же кызыктуу кундорунуз тууралуу жаза кетсениз...
б) Болочок мугалим учун кандай насаат айтмаксыз ? (союз учурундагы мугалимдер менен жаш мугалимдердин айырмасы ат менен тоодой эмеспи)
в) Билим алуу - ийне менен кудук казгандай дейт ,а билим беруучу ?
г) Эгерде тагдыр ташы мугалимдикке эмес ,башка кесипке оогон болгондо ,кесип боюнча ким болмоксуз?
2) Тугой тууралуу:
а) Кайдан тапкансыз омурлошунузду?
б) Кандай сапаттарын жактыргансыз?
в) Биринчи
жолу кантип билдиргенсиз суйуунузду? О.э.турмуш куруу сунушун каерде кантип билдиргенсиз?
г) Тугойунуз ачуунузга тийген кундору болобу? Ошондо сиздин реакцияныз?
д) Омур - шеригиниз жонундо кызыктуу ангеме сыяктанган кичи-чыгарма жаза кете аласызбы?! (Кесиби ,мунозу б.а деги эле кандай жан ,ошол тууралуу.)
Жооп берчу жоопторунузга алдын ала ыраазычылык, жакпаган суроолор болсо жооптобой койсонуз туура тушуном.

ар бир тамчы бакыт - сенин дидарында , аруулугун - жылмайган ууртунда ...

of the page up there ^

#4612 Лиана 06 February 2013 - 19:00

Активист

Кыймылы жок
720
18 May 09
: 28 Feb 2022 16:46
Жынысы:Аялзаты
Калаасы:Кыргызстан

Саламатсызбы Барс аба кутман кечиниз менен! Ар дайым арыбан да карыбан! Сизге суроом 1. Жетекчи болуп иштеп жургонунуздогу эн кызыктуу окуяныз. 2. Жетекчи кандай болуш керек? 3. Саясатта эркекчилик болбойт дегенге кош карашыныз? 4. Билим Беруу Министри болуп калсаныз кандай реформа жургузот элениз? Ар дайым жаштарга акыл, насаат айтып биз урматтаган инсан болуп журо бериниз! Алдын ала рахмат.

Кызганыч адамда эки нерсени жаратат.Суйууну жана жек корууну...

of the page up there ^

#4613 Таллас 06 February 2013 - 20:18

Супер-активист

Кыймылы жок
4603
30 December 07
: 03 Jun 2024 14:58
Жынысы:Эркек
Калаасы:..:Жалган дүйнө:..

Жылмайттыңыз. (Сиз деле жаш болгон турбайсызбы? ))

Ой, ассалааму алейкум!

Мугалимдик кесипке байланыштуу суроолорду узатайын.

1. 5 жылдык, 10 жылдык, 20 жылдык дегендерге кандай карайсыз?
2. Эгер, кайсы бир бүтүрүп кеткен окуучу мектепке белек кылам десе, эмнени "эң сонун белек" деп эсептейсиз?
3. Эркек директор менен аял директордун эмне айырмачылыгы бар экен?
4. Райондук жана облустук олимпиадаларда тааныш-билиштикке жол берилеби? Сиз комиссиянын курамында болгон чыгарсыз? (Бул суроону бергенимдин себеби, убагында мен ошондойго туш болгом)
5. Мектепте "информатика" сабагынан дагы эле "Q Basic'ти" окутуп жатышабы?
6. Мугалимдин айлыгы жакшы деген денгээлге жооп бериши үчүн канча суммада болушу керек?

... жүрөктөр Аллаhты эстөө менен жибип, Андан түшкөн Акыйкатка муюган мезгил келбеди бекен?!. [57:16]

of the page up there ^

#4614 Барс 06 February 2013 - 20:32

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

Бар бол, SMS Aroma! Маанайым жакшы, өмүрлөш-түгөйүм аман, бала-чака, айыл-апа тынч, Кудайга шүгүр!
1. а) Мектепте кызыктуу күндөр күн сайын болбосо да, күн алыс болуп турары бышык. Ошолордун ичинен "Ырдалбай калган ыр сабагы" деген аңгемемде баяндадым эле. Анын баарын мында көчүрсөм, болбойт го!.. Же... Мына эмесе:
Ырдалбай калган ыр сабагы Директор планы боюнча өзү анын сабагына кирүүгө тийиш болчу. Сабакка кирүүнүн максаты да ачык эле. Жаңыдан окуу жайын бүтүп келип, эми гана мугалимдик кесипти баштаган жаш мугалимдин сабагын көрүп, ага анализ берип, усулдук жардам көрсөтүү директордун негизги милдеттеринин бири эмеспи. Окуу жылынын башталганына да эки айдан ашайын деп калды. Коллектив менен, класстагы окуучулары менен таанышып, көнүшкөнгө деле убакыт жетишерлик болду го деген кыязда, анын расписаниедеги алтынчы класстагы бешиничи сабагына кире тургандыгын о биринчи саатта эле эскертип койду. «Даярданып, кемкаржын толуктап алсын жаш мугалим»-деп ойлоду ичинен директор.

Жаш мугалим жаңыдан мектепке райондук билим берүү бөл үм үн үн буйругун алып келген күн ү директор кубана кабыл алып: «Биздин мектепке куш келипсиз. Мектепте музыкадан сабак берген адис жок, абдан кыйналып жаттык эле. Эми сиздин келгениң изди угушуп, ырга, музыкага шыктуу окуучулар абдан кубанышы турган сөз. Айрыкча, класстан тышкаркы иштерде жыргатып салсаң ыз болду бизди эми…»-деп бапыраң дап, өт ө сылык да сыпайы да кабыл алган. Анан кичине мактангандай: «Мектепте комуз десең из беш-алты комуз бар, мондалино, баян, а тургай былтыр жаңы аккардеон да сатып алганбыз»,-деген директор. Чынында эле анын мактанганынча эле бар бекен? Себеби, ушул кезде мындай музыкалык аспаптар бардык эле мектептерде бар экенин кудай билет. Анда жаш мугалим кичине уялымыш болуп туруп: «Мен, агай, ал инстурменттерде ойной албайм, мен фортепианно классын бүтк өм», -десе болобу, директордун шаабайын суутуп. «Анан кандай аспап керек?»деген директор шалдая түш үп. «Мага эч болбосо пианино болсо»,-деген ал. Мына сага музыка! Пианино айылда кайда? Анан да мына ме деп ала койчу арзаныраак неме болсо экен аның!

Ошентип жүрг өнд ө, иштин оңолгонун караң ыз, оңдой берди болуп, мурунку бүтүрүүчүлөрдүн бири мектепке пианино белек кылып салса… Ой тообо, көкт өн тилегенди нак эле ушерден бере салды. Баарыдан директордун кудуң дап сүй үнг өн үн айтпа!.. «Мына, биздин окуучулар да, шаардагылардай пианино ойношуп, классикалык музыкалардан кемтеме болбой турган болуп калды!-деп, ата-энелер чогулушунда да жарыя айтып жиберген- Специалисттибиз болсо бар!»

Мына бүг үн ошол мугалимдин музыка сабагына кирмей болду директор.

Акыры убакыт да болду. Кирүү гө коңгуроо кагылды. Директор, андан кийин музыка мугалими сабак өт үлүү чү кабинеттке киришти. Класстагы окуучулар орундарынан турушуп, саламдашышты. Боло жүрг өнд өй эле директор арткы партага барып отурду. Отурду да, сабактарга анализ берүү чү калың дептерин ачып, адаттагыдай эле сабактын жүр үш үн жаза баштады.

Бул директордун адаты бар эле. Дайыма сабакка киргенде, айрыкча жаш мугалимдердин сабагында, көп эле туш тарапты карай бербөө чү . Анткени. «жаш мугалим директордон сүрд өп кетип, биринчи сабагын жакшы өт ө албай калышы мүмк үн», деп эсептөө чү ал. Бүг үн да дал ошондой кылды. Арткы партага отурары менен эле дептерин ачып, бир сыйра гана катышкан окуучулардын санын эсептегени болбосо, башын дептерден албай, кайсы сабак, мугалими ким, кайсы класста бул сабак качан өт үлү п жатат, анан өз ү санын алган окуучулардын саны сыяктуу жазуулар менен алек болуп жатты. Ушуга чейин класс тымтырс. Же окуучулардан, же мугалимден табыш чыкпады. «И,-деп ойлоду директор-класстык журналды толтуруп, дагы бир сыйра сабакты кантип баштоону ойлонуп жатса керек. Анан кызы түшк үр, убакыттан уттуруп койбос бекен? Өт үлүү чү материалды толук берегенге жетише алар бекен?» «Убакыттан уттуруп жатат» деп жазды дептерине. Директор колунан чечип алдына коюп койгон саатын карады. Сабактын башталганынан аш-паш дегиче он мүн өтт өн да көб үр өө к өт үп кетиптир. «Он бир мүн өт өтт ү, бирок, али сабак башталган жок» деп жаза баштады директор. Ошол учурда:

-Эми эмне кылабыз?-деген мугалимдин үн ү угулду. «Бул суроо окуучуларга берилген болуш керек,-деп ойлоду директор-Эмнени сурап жатты экен?». Ойлоду да, башын көт өр үп, окуучуларды айландыра карады. Ал эми окуучулардын жабыла өз үн тиктеп турушканын көрд ү да, таң кала мугалимге карады. Мугалим да директорду карап туруптур. Көрс ө, жанагы суроо окуучуларга эмес, өз үнө берилген суроо экен. Директор суроонун маңызын жакшы түш үн ө албай, кайра мугалимдин өз үнө н:

-Эмнени эмне кылабыз?-деп сурады.

-Сабакты кантип өт өбү з?-деди мугалим кайра директорго суроо узатып. «Таза балээ болгон турбайбы? Буга эмне деп жооп бериш керек?»-деп ойлогуча, мугалим:

-Проигрователь жок го? Азыр музыка угузуш керек эле… - десе болобу!

Мына сага тамаша!.. Эми эр болсоң , бул суроого жооп берип көр!

Директор деле сөзд өн кем калып, бирөө гө жемин жедирчү лө рд өн эмес болчу. Анткен менен ал ушу сапар негедир күйм өн ө түш үп, токтой калды.

Ал өз үнү н ката кетиргенин эми билди. Сабакка кирерден мурда мугалимдин кайсы теманы өтө тургандыгы, кантип өтө тургандыгы туурасында аз да болсо аңгемелешиши керек эле. А тургай анын күнд өл үк сабагынын планын да көр үп койбогонун азыр эстеди. Бирок, сөзс үз түрд ө ушундай кылыштын көп деле кажети жок эмеспи. Сабакты кандай өт үү керек, кандай усулдарды пайдалануу зарыл, көрс өтм ө куралдарды пайдалануунун жолдорун жогорку окуу жайында үйр өнд ү да. Ал аз келсе, бул мектепте иштегенине деле бир чейрек болоюн деп калбадыбы?

Анын токтой калганынын дагы бир себеби: биринчиден, мындай таң калыштуу кырдаалга алгач туш келиши болсо, экинчиден, мугалимдин жаш экендиги аны араң кармап турду шекилди. Болбосо, оозуна адамдын сезимин куйкалоочу ар түрд үү сөзд өр келип кетип жатты дечи.

Өз үн кармаган ал акырын гана:

-Бая айтпапсыз да, эртеден бери сураштырып, ала келет элем... Гармпластинкасы да керек беле?.. Кайсы музыканы угузмак элеңиз, Бахтыбы, же Шопендиби? А пианино менен деле угузсаң ыз боло берет го? Сиз фортепианно классын бүтк өнс үз да, чынбы?-деди. Мугалим башын жерге салып, тымпыйып эле туруп калды. «Азыр ыйлайт,-деп ойлоду директор-Ушул эле жетпей жатты эле окуучулардын көз үнч ө». Бир нерсе кылыш керек. Тез чара көрб өс ө азыр уят иш боло тургандыгын билди да, директор окуучуларга:

-Кана, азаматтар, ордуң ардан тургула! Эжекенин сөз үн уктуң ар го. Бүг үн музыка уга албайт экенбиз. Азыр эшикке чыга бергиле,-деди. Окуучулар да ушуну гана күт үп турушкансып, шыр эле эшикке чыгып кетишти, кудай жалгап.

Директор да эшикке чыгып баратып, артын бир караса, мугалим эки колу менен жүз үн жаап алып, столуна башын коюп, бөйр өкт өр үн солкулдата баштаган экен. «Мейли,-деп ойлоду директор эшикти сыртынан жаап жатып,-Бү гү нк ү сабак туурасында кийин сүйл өш өрб үз. Азыр бугун бир чыгарып алсын. Ырдай албай калбадыбы сабакта…»

б) Мугалимдик оңбогондой оор жумуш. Башка кесиптегилердин дээрлик баары күндүзгү, мейли түнкү жумушу бүткөн соң эс алат. Мугалим мектептен келип эртеңки сабагына дагы ошончо саат даярданат. Айлыгы аз. Айдан айга араң жетет. Ушуларга чыдасаң, чын эле балдарсыз жашай албасаң, анда мугалим бол! Болбосо, өзүңдү да, окуучуларды да кыйнабай башка кесипти тап!

в) Окуучу ийне менен бир кудукту казат, мугалим класста канча окуучу болсо, ийне менен ошончо кудукту казганга жардамдашат. Ансыз бир да кудук казылбайт...

г) Сөзсүз тил жана адабият мугалими болмокмун. Башка жумуш колумдан келбей тургансый берет...

2. а) 3-курстун студентимин. Сентябрда каникулда айылдан келдик. Эми түшүнүктүү да, 1-курстун кыздарына ууга чыгабыз. Бир күнү эле ошолрдун арасында бирөөсү жүрөт. Ой, жылдыз, ой жок Ай!

б) Сапатына деле карабапмын. .. Сулуулугуна мас болуп эле... Кудай жалгап, мыкты аял болуп чыкты.

в)Студенттик жатаканадан. Жолдош балдардын бирөөнү айттым, ошону биздин комнатага алып кир деп. Ал оюн-чын менен комнатага ойбоюна койбой алып кирди. Мен деле билбеген киши болуп сылык гана:"Ой эмне болуп кетти? А келиңиз, келиңиз..." - дедим эле, не дээрин билбей туруп калды. Көрсө, мен деле оңой эмес окшойм да! Анан таанышып, анан башталды. Ысык-көлдүк болот экен.

г) Ачууга тийген күндөрү болот. Ой ошондо бир кумардан чыгып былчылдата сабасам дейм, ага кантип колуң барат? Ызырынып барып өөп-өөп салам. Анан ал дагы жооп кылат. Болду!

д) Ушунча болду бир тамашалуу ырымды да илейин. Бирок, эч кимге көрсөтпөй окуп кой.

Эрди-катын жө н ү нд ө ыр

Кадими ^* Бозбу деген тоого жакын,

Жашашты аман–эсен эрди-катын.

Айтылбайт бул баянда аял ысмы,

Айталбайм ошондой-ак эрдин атын.

Кү йөөс ү күлт үйг өн жан семиз эле,

Кү пүлд өп ак көңүлдүү деңиз эле.

Тең ирим берип койгон бардык жактан,

Тегереги төп келген тегиз эле.

Аялы абдан эле арык болчу,

Андан да ысык-кө лд үк балык болчу.

Үлп үлд өп жүрс ө дагы желге ыргалып,

Үй-б үл өг ө шам өңд үү жарык болчу.

Бала-чака термелип бешигинде,

Багы өст ү мөм өл өп эшигинде.

Кө п жыл бою иштешип мектептерде,

Кө гөр үштү мугалимдик кесибинде.

Кем болбостон жашашты эч нерседен,

Кудайым беш уул-кыз перзент берген.

Суктанышчу алардын турмушуна,

Сугун артып ошерде көрг өн, билген.

Жок болуучу оокаттан жетпегени,

Жок болуучу турмуштун кемтемеси.

Ошентсе да билинбей сызып турган,

Бар болуучу экөөн үн эңсегени:

Аял эңсейт азыраак семиргенди,

Эркек эңсейт курсакты жемиргенди.

Канчалык тилек кылып жүр үшс ө да,

Капырай, тилегени берилбеди.

Караса ң тилектер да түрк үн келет:

Кайсы бирин көз үңө сүртк үң келет,

Кайсы бирин укканда кыжырланса ң,

Кай бирине туруп, туруп күлк үң келет.

Шонтип жүр үп аялы азып калды,

Эри болсо андан көп казы алды.

Анткен менен тамашалуу ушул ырды,

Кү йөөс ү күл үп туруп жазып салды…

_________________________________

^*Кадими- байыркы, эзелки .

Мына ушундака! !!

Сага да ырахмат. Жакпаган жооптор болуп калса, сен да окумаксан болуп кой, мен да туура түшүнөм!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

#4615 Барс 06 February 2013 - 20:53

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

Саламатчылык Лиана! Өзүңө да жарык кеч! Айтканың келсин, мага тилегениңди Жараткан эки эселеп өзүңө да берсин!
1. Ой аксылыктар эй, кызыктуу окуяга абдан кызыгасыңар да!.. Аны жогорудагы жообумда айттым. Капа болбой ошону окуп кой. Дагы бирин айтсам, Таллас өзүн-өзү рекламалаганды дагы баштады деп, кейип жүрбөсүн!

2.Жетекчи болуу үчүн калыстык керек. Анан өзүңдүн кызматкерлериңден эч болбосо бир ээли көп билишиң ылаазым. Бирок, аныңды билдирип койсоң,анда алардын арасындагы кадырыңды бел курчоодон ылдый түшүрүп аласың!
3. Эркек бардык жерде эркек болууга тийиш. Айрыкча, саясатта!
4. Ушул азыркы заманда министр, болгондо да өлкөнүн келечегин түптөөчү Билим берүү министри болуу-келечектин каргышына калуу менен барабар экенин көрүп туруп, "реформа кылып жибермекчимин" деп, колдон келбеген, аткаруу мүмкүн болбогон нерсеге акылым жетип туруп, кантип барам, айтчы?!! Ал үчүн заманды өзгөртүү зарыл!
Жылуу сөздөрүң үчүн ырахмат! Сенин да ишиңде ийгилик болсун!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

#4616 Барс 06 February 2013 - 21:12

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

Оу-у, жаш болбой анан!...

Ой, валейкума вассаламу!
1. Жакшы караймын, эгер чын ниеттен мектебине, мугалимдерине урмат көрсөткөнү келишсе... Эгер башкалардан калбайын, "эшек эшектен калса, кулагын кес" деген маанайда болсо, каршымын!
2. Мектепке бүтүрүүчүнүн эң сонун белеги-анын интелектуалдуу адам болуп өскөнүн өзү. Ал эми материалдык белек тартуулагысы келсе, мектеп окуучулары пайдалана турган зарыл нерсе болсо жакшы болот.
3. Анткетасын толтурушуп жатканда, "жынысы" деген графага бирөөсү "эркек" , бирөөсү "аял"деп жазганында гана айрымачылык болбосо, аял директорлордон да. эркек директорлордон да мыктылары, начарлары толуп атыры...
4. Андай жок деп ыйманыма камчы чаба албаймын. Тааныш-билиштик болуп кеткен учурларын кездештиргеним бар...
5. Окутуп жатышат кыйналышып. Бирок,азырынча бул боюнча окуучулардын толук кандуу билим, көндүм (навык) алышына күмөнсүрөп турам.
6. Айдан айга тамак-ашка, сезондо кийим-кечеге жетип турса эле, шүгүр кылганы араң турабыз. Айлыктан топтоп, машинаны кой, жаңы телевизор, кир жуугуч машина алууга да үмүт жок азыр... "Супер кж" сайтына ырахмат, бир ырым үчүн кир жуугуч машина берип, байбичемдин алдында тилимди узун кылып, жыргатып салды...
Айлыкты көтөрсө, базардын баасы андан эки эсе ашып кетип жатса, мынча сом деп айтуу кыйын-ов!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

#4617 kgman92 06 February 2013 - 23:42

Супер-активист

Жаран
2133
13 October 12
: 19 Oct 2025 22:24
Жынысы:Эркек
Калаасы:Ысык Көл

Эхее,Барс ава келип калыпсыз
Маек куруп жатыпсыз
Салам айтам,эсенсизби?
Анекдот айтып бербейсизби
Конул ачык,кулуп журосузбу,
Аскерге барып коргонсузбу
Мындан башка жок суроом
Бар эле айтчу анча мынча каалом
Ден соолукта болунуз
Ачык болсун жолунуз
Ишиниз алга журушсун
Душманыныз сизден бурушсун
Б-ашынызга бакыт кетпесин
А-рам санагандар сизге жетпесин
Р-омашка гулу сыяктуу жайнаныз
С-ынбастан ойдо осуп жырганыз
Бу Kgman не эле деп атат деп
Айтканы тушунуксуз деп калбаныз

Тан атаар да кеч кирер,
Кайран омур эскирер

of the page up there ^

#4618 aijan 07 February 2013 - 19:18

Супер-активист

Кыймылы жок
10994
18 May 07
: 29 Mar 2021 22:03
Жынысы:Аялзаты

Барс ага, жоопторунузду окуп алып эле жыргап калдым. Мен сизге суроо бергенге батына албай дуйшомбудон бери журом. Бир эле суроо бергим келип жатат. Жекече кыздарга жана жекече балдарга уйбуло жаатында кандай кенеш бермекчисиз? Алдын ала рахмат.

Кенештерим - кетирген каталарымдын жыйынтыгы.

of the page up there ^

#4619 aijan 07 February 2013 - 19:19

Супер-активист

Кыймылы жок
10994
18 May 07
: 29 Mar 2021 22:03
Жынысы:Аялзаты

Кенештерим - кетирген каталарымдын жыйынтыгы.

of the page up there ^

#4620 Барс 07 February 2013 - 20:19

Супер-активист

Аким
2987
24 October 08
: 14 Oct 2025 17:37
Жынысы:Эркек
Калаасы:Айылда

Эхее, келип калдым, kgman,
Эл эсен да, мен аман.
"Маек куруп бер",- дешти,
"Интервьюга кел",- дешти.
Берейин куруп маек деп,
Келип турам мен анан..
Анекдот айтып отурсам,
Чыгып кетебиз го темадан.

Армияга барбагам,
Служит кылгам Ушерде.
Буйрубаптыр карачы,
Солдат болуу биздерге.

СССР анда бар кезде,
ЖОЖго кирип окусаң,
Воен кафедра бар болуп,
Чакырбачу ал кезде.

Жакшылыктын баарысын
айтканыңа ырахмат.
Баш тамгаларын БАРС кылып,
Жазганыңа ырахмат!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

of the page up there ^

Суперстан

(639 )
229
230
231
232
233

Суперстан: СУПЕР-ИНТЕРВЬЮ! - Суперстан

СУПЕР-ИНТЕРВЬЮ! Форумчулар учун.....суроо-жооп......

#4601 zhiza 04 February 2013 - 13:09

#4602 Барс 04 February 2013 - 18:53

#4603 Evelet 04 February 2013 - 19:35

#4604 Spartak0001 05 February 2013 - 00:41

#4605 Барс 05 February 2013 - 07:38

#4606 Барс 05 February 2013 - 07:58

#4607 adalsvards 05 February 2013 - 09:26

#4608 Барс 05 February 2013 - 18:12

#4609 Orbit_bezsahara 05 February 2013 - 22:19

#4610 Барс 05 February 2013 - 23:33

#4611 SMS Aroma 06 February 2013 - 18:25

#4612 Лиана 06 February 2013 - 19:00

#4613 Таллас 06 February 2013 - 20:18

#4614 Барс 06 February 2013 - 20:32

#4615 Барс 06 February 2013 - 20:53

#4616 Барс 06 February 2013 - 21:12

#4617 kgman92 06 February 2013 - 23:42

#4618 aijan 07 February 2013 - 19:18

#4619 aijan 07 February 2013 - 19:19

#4620 Барс 07 February 2013 - 20:19