Ыр сабындагы жаңырыктар

(5 )
2
3
4
5

Ыр сабындагы жаңырыктар Сүйүү ырлары, жүрөк сырлары

#61 Syilar 04 March 2013 - 11:55

Активист

Кыймылы жок
425
12 December 12
: 16 Jul 2023 22:05
Жынысы:Эркек
Калаасы:Карасуу

АРАПТАН ЖАЗГАН САЛАМ КАТ

Энеке эсенсиңби, амансыңбы,
Алдырбай карылыкка, жүрөсүңбү?
Түйшөлүп, түн ичинде миң толгонуп,
Сагынып, кусаланып жүдөдүңбү?

Таң аткандан күн батканча жолум карап,
Карегиң агып түшүп соолудубу?
“Медерим кандай жүрөт” болду экен деп,
Мени ойлоп жан-дүйнөң оорудубу?

Агайын-туугандардан, ар кимдерден,
Сураштырып жүрөсүңбү кабарымды?
“Түшүмдө көрөөр бекем” деп тиленип,
Уктаарда дуба кылып жатасыңбы?

Мен жүрөм, араптардын бир жеринде,
Сагынып, Ата-Журтту, сени дагы.
Оозумдан кетпей жүрөт алигиче,
Тандырга өзүң жапкан нандын даамы.

Жүрөм Эне... араптардын арасында,
Абасын, суусун эңсеп Ала-Тоонун.
Жалгызсырап, мээримиңе суусап жатам,
Сезгим келип жылуулугун колдоруңдун. (10.11.2012, Амман, Иордания)

Salamatsizbi?

kechee jakinda ele sizdi izdep jazgan bolchum bugun bul jaktan korup kubanip oturam,irlaringizdi dayim okup kelem,ayabay maaniluu jakshi jazasiz. talantingizga taazim!

eneler jonundo jazganingiz ayabay jakti,jakshi chigiptir!

jok bolup ketpesten bat-bat dayiningizdi bildirip kirip,irlaringizdi jazip turung ee? rahmat!

of the page up there ^

#62 Kirgizshaa 04 March 2013 - 18:55

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

ЖАШООНУН МАҢЫЗЫН ИЗДЕП КЕЛЕМ

Бул жашоонун маңызы эмнеде экен?
Таппай жүрөм... көп ойлоном түнү менен.
Абийир, намыс... баарын сатып алып берген?
Байлыктабы. .. аны колдун кири дешет,
Жууганыңда суу менен агып кеткен...

Бул дүйнөнүн мааниси эмнеде экен?
Бир айтканың жерде калбай аткарылган,
Бийликтеби. .. баарын сага баш ийдирген?
Дүйнөгө түркүк болбой хандар кеткен,
Сааты келип бийлигинин, түшүп ээрден...

Бул жашоонун маңызы эмнеде экен?
Дастан болуп айтылган сүйүүдөбү?
Сүйүктүүңдү мүнөт сайын миң эңсеткен...
Акмөөр Болот, Олжобай Кишимжандар,
Курмандыкка айланып жапа чеккен...

Бул дүйнөнүн мааниси эмнеде экен?
Алга карай колуңдан жетелеген,
Баткан күндүн атаар таңын күтүп жүргөн,
Же жашоонун маңызы үмүт бекен?
Издеп жүрөм,
Издеп жүрөм... табаар бекем ?...

of the page up there ^

#63 Tomega 04 March 2013 - 22:06

Активист

Кыймылы жок
1313
29 November 12
: 14 Jan 2021 22:48
Жынысы:Аялзаты
Калаасы:Кыргызстан

Байкенин форумга кайтып келиши кубандырат. Жазган ырлары оригиналдуу, формасы,стили да озгочолонуп турат.Кыргыз адабий поэзиясынын аренасынан оз ордун ээлейт деген ишеничтемин. ..Талантыныз ташкындап,калеминиз курчуй берсин.

"Побеждает тот,кто верить,что он может победить."

of the page up there ^

#64 zhainadamir 04 March 2013 - 23:59

Карапайым

Кыймылы жок
55
02 July 11
: 26 Apr 2018 14:38
Жынысы:Аялзаты

КЫЗЫГЫҢ ЭРТЕ, ТАРАДЫ НЕГЕ?

“Багындым сага, арбалдым сага, бакытым сенде,
Бир өмүр бою сүйөмүн” деп айтпадың беле.
Батберектей, үзүлүп жиби, асманда учкан,
Бийиктеп учуп...билдирбей кеттиң дайныңды неге?

“Үндөшүм менин, сүйгөнүм менин, үмүтүм сенде,
Үчүнчү айда келемин” деп айтпадың беле.
Үкүдөй болуп, таң атканча уктабай күтсөм,
Үлпүлдөп жанган, үмүттүн шамын өчүрдүң неге?

“Карегим менин, кагылайын, көңүлүм сенде,
“Кызганып жүрөм, көзүңдү” деп айтпадың беле.
Кайырчы сымал... колумду сунуп жалооруп турсам,
Кылчайбай кеттиң... кызыгың эрте тарады неге?

Соонун ырлар!Негизи гелгенин жакшы болду)))

Жизнь-театр. ..

of the page up there ^

#65 Kirgizshaa 05 March 2013 - 01:08

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

ДҮЙНӨМДҮ ТҮШҮНБӨДҮ БИР ДА ЖАН

“Дүйнөмдүн” дартын,
Түшүнбөй койду жан адам.
Бугумду каттым,
Буурадай болуп буулуккан.
Көңүлдү көзөп,
Көөдөндү жарган үшкүрүк,
Аскадан чыккан,
Үнгө окшоп ичте жаңырган.

Ырымды окуп,
Түшүнөөр бир жан таппадым.
Ызага муунуп,
Өзүмө өзүм батпадым.
Кебездей жумшак,
Кечээги сонун “дүйнөмдү”,
Түтөтүп турат,
Жалыны өрттөп “жалгандын”. ..

of the page up there ^

#66 Kg.lady 05 March 2013 - 02:24

Супер-активист

Аким
7580
26 January 13
: 17 Feb 2025 13:10
Жынысы:Аялзаты
Калаасы:Ак монгулуу Ала-тоо

аябай маныздуу ырларекен жан дуйноно дурболон салчу

Ал мени эшек деди, ооба дедим,
Менинда кемсинтууго жетет тилим!
Не кылам айкырышып, кыйкырышып,
Эшектигин мен анын билип туруп.
Байдылда Сарногоев

of the page up there ^

#67 Kg.lady 05 March 2013 - 03:13

Супер-активист

Аким
7580
26 January 13
: 17 Feb 2025 13:10
Жынысы:Аялзаты
Калаасы:Ак монгулуу Ала-тоо

ай иииий жигиттердин махабатка туруктуулугун сизден кордум....махабатынызга таазим,журокту ооруттуго

of the page up there ^

#68 Miregya 05 March 2013 - 17:20

Момун

Кыймылы жок
43
20 February 13
: 04 Oct 2020 20:02
Жынысы:Аялзаты

Соонун ырлар екен калеминиз курчуй берсин

of the page up there ^

#69 nikulya 06 March 2013 - 11:53

Карапайым

Кыймылы жок
212
30 July 12
: 19 Aug 2013 16:22
Жынысы:Аялзаты
Калаасы:Жалалабат шаары

kirgizshaa, чындыгында сссонун ырлар :good:

, окуп жатып, толук бир сериял тасма көргөндөй эле болдум :кола-жүгөрү:

, жөнөкөй бир инсан, ал инсандын жетпей калган азаптуу сүйүүсү, асыл энесине болгон чексиз мээрими жана бул жалганда жанын кейиткен жагдайлар... Талантаңызга таазим!! ! :0108:

Альхамдулиллях я Роббим шүгүр...!!! :)

of the page up there ^

#70 Kirgizshaa 06 March 2013 - 21:02

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

БАЛАЛЫККА КЕТКИМ КЕЛДИ

Абасы, суусу таза кең жайлоого,
Ондогон жылдардан соң кайтып бардым.
Жамбаштап жатып алып көк майсаңга,
Балалыгым өткөн жерге байкоо салдым...

Чөк түшкөн кербенчинин нарларындай,
Козголбостон тоолор жатат кырка тартып.
Ичсең тишти какшатчу муздак булак,
Дале турат ордунда оргуп агып...

Тигилген боз үй дагы өзгөрбөптүр,
Жамаачылуу эски кийиз жабылган.
Турат дале ошол бойдон жыртыктары,
Жамгыр жааса тыпылдап тамчы тамган...

Жат караан жакындаса корообузга,
Куу күчүк борсулдап алдын тосот.
“Тажаттың го ушул сен” деген өңдүү,
Карыган ит зеригичтүү үрүп койот...

Желеге байлаткысы келбегенсип,
Карагер бээ, кулунун алып качат.
Тайкарын эмизгенден тажагансып,
Көк эшек үргүлөп ары басат...

Короого киргиси келбегенсип,
Таргыл музоо кежирленип кетенчиктейт.
Бир ордунда тура албай тыбырчылап,
Тентек улак оюн салып так секирет...

Чокойун чече албай кобуранып,
Чоң атам өзүнчө наалып, кейийт.
Энеси жээрип кеткен козуларга,
Энем жүрөт, упчу менен сүтүн берип...

Жайлоодогу өзгөрбөгөн бул көрүнүш,
Эске салды күндөрүн балалыктын.
ЧОҢОЙГОНДО УЛУУ АДАМ БОЛОМ деген,
Суудай тунук, балдай таттуу кыялдарын...

Улуу адам болгум келип кыялданчу,
Байоо мүнөз балалыкка кайткым келди.
Так түшүп, кирдеп калган жан-дүйнөмдү
Тазартып, жаңылантып алгым келди...

of the page up there ^

#71 Kirgizshaa 11 March 2013 - 02:57

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

МЕН ӨЛСӨМ ЭНЕМ ЖОКТООР...

Ажал келип, жанымды алып
Мен өлсөм кимдер жоктоор?..
Ажыраган тайлагынан, боз ингендей,
Аза күтүп, Энем боздоор.

“Аргымак болбой кеттиң,
Кулунум” деп,
Өмүр күнү бүткөнчө,
Кошок кошоор.
Дүйнөсү эңшерилип,
Жүрөгү тең жарылаар.
Муң толгон карегинен,
Мончоктоп жашы агаар.

Мен өлсөм,
Эки дүйнө, Энем жоктоор...
Калганы жашын төгүп кайра токтоор.
Жалган ыйлап,
Жылмайып мыйыгынан,
Табалашаар,
Көрө албас душман, жоолор...

Мен өлсөм да өзгөрбөстүр. ..
Өз нугунда, абалкыдай агып суулар,
Бир ордундан козголбой бийик тоолор,
Көл үстүндө ээрчишип аппак куулар,
Бейкапар, бак ичинде балдар ойноор...

Күн көрүнүп сур булуттун арасынан,
Жарымы жок Ай да толоор...
Жымыңдаган миң сан жылдыз,
Мончоктой тизилишип көңүл козгоор...
Жылдыздардын арасынан кулап кеткен,
Жылдыз уулун бир көрө албай,
Энем жоктоор...
Мен өлсөм бир гана Энем жоктоор...

of the page up there ^

#72 Kirgizshaa 11 March 2013 - 11:41

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

Узун жолго аттануу

Кароолчудай дүрбү салган дөбөдөгү
Кара шумкар айланып учуп жүрөт
Кулактарын тикчийтип добуш укса
Кумайыгым атырылып чуркап үрөт

Таң ашырган тору ат ойдолоктоп
Тапка келип акырда турат туйлап
Түркүктүн бутагында асылып
Токулгасы, ээри менен даяр турат

Чоң атам ак бараңын алып чыгып
Чаң баскан кундагын тазалаптыр
Чоң энем талканын, майын кошуп
Чогултуп күлазыгын даярдаптыр

Унчукпадым. ..баары белен...камдалыптыр
Улутундум... ушул болчу каалаганым. ..
Улуу адам  болуу үчүн узун жолго
Ушул күнү тобокел деп аттанайын....

of the page up there ^

#73 esenbay 12 March 2013 - 09:31

Момун

Кыймылы жок
24
12 January 12
: 17 Mar 2013 12:23
Жынысы:Аялзаты

Ыр жазам туулган жерди сагынганда,
жетелеп кыялдарым агылганда.
Озумду жан дуйномду башкаралбай,
суйуунун тузагына чалынганда.

Ыр жазам конул ачык суйунгондо,
ношорлоп жаз жамгыры тогулгондо.
Алыскы бийик тоолор арасынан,
тан заарда кун шооласы корунгондо.

Кайдадыр ой- санаалар алып учат,
келгин деп,ыр дуйносу колун сунат.
Кээде мен, жазганыма конул тойбой,
негедир ички дуйном ооруп турат.

Ыр жазып акынмын деп мактанбаймын,
ыр жазуунун туйшугун тартсам дагы.
Ырларым жан дуйномдун бак доолоту,
мен учун, ар бир сабы барактагы. (автор) Фрунзе шаары 19886-жыл.

of the page up there ^

#74 Kirgizshaa 13 March 2013 - 20:14

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

ЖАЗДАГЫ ЖАҢЫЛАНУУ

Арыш керип чуркай албай,
Тушалган аргымактай.
Калганда кадам баспай...
Канат кагып уча албай,
Уясынан түшүп калган балапандай,
Жатканда, жалдырап жардам сурай...

Кайырмакка илинген ак сазандай,
Аба жетпей... тыбырчылап. .. айла таппай...
Топтолуп, туруп калган балчык суудай,
Тамырлардан кан айланбай....
Уюган коргошундай. .. токтоордо жүрөк какпай...

Бар күчүм топтоп, чымырканып,
Бутума туруп, сүйрөлүп басып.
Ызы-чуу түшкөн чөйрөдөн качып,
Жаратылыш, тоо койнуна бара жатып,
Асманда жаңырган айды көрдүм...
Табиятка жашоо берген жазды көрдүм...
Жаздын жыты... жаңырган Ай...
Жагымдуу сезим берет бир укмуштай.

Бүчүрүн байлаган жаш дарактай,
Жанчылган жан-дүйнөм да жандангандай.
Жазгы жаандан кийинки таза абадай,
Көөдөндө да эч бир так калбагандай.
Кызык сезим бир башкача...толкунданам,
Жаңы эле бул дүйнөгө жаралгандай.

Ай менен кошо жаңырамын,
Жаз менен бирге жаңыландым.
Жаңырган Айлуу, жаз кечинде,
Жаратканга жалынамын.
Мындан кийин эскирбейин. .. жаңылбайын. ..
Жыгылбайын. .. жыдыбайын... жанчылбайын...

of the page up there ^

#75 Kirgizshaa 14 March 2013 - 17:38

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

СЕН ЖОГОЛСОҢ МЕН ДА КОШО ЖОГОЛУПМУН

Капыстан кайып болдуң, сен жоголдуң,
Ай ааламдан издеп таппай көп жоктодум.
Таманым тешилгиче дүйнө кездим,
Дайнын сурап сага барчу жолдордун.

Тутуна албай сен тууруңдан куладың,
А мен болсо чапкан чөптөй суладым.
Түңүлбөй, түнөгүңдү издеп жүрдүм,
Алдан тайып, калбаса да кубатым.

Кирип кеттиң кучагына кара түндүн,
Мен да кеттим аркасынан баткан Күндүн.
Көз ирмебей карегим соолугуча,
Караңгы-жарыктардан издеп жүрдүм.

Кетип калдың булуттардын үстүнө,
А мен калдым, колум сермеп жүткүнө.
Уктабай таңды тосуп сени издедим,
Табаармын деп күндөрдүн бир күнүндө.

Сен жоголсоң, мен да кошо жоголупмун,
Сени издеп, а өзүмдү жоктобопмун.
Сезбепмин, асман-жердин ортосунда,
Сени дагы, өзүмдү да жоготконум…

of the page up there ^

#76 mamalak94 17 March 2013 - 03:34

Карапайым

Кыймылы жок
219
12 December 12
: 22 Jun 2013 03:17

Сонун ырларго мага жакты

of the page up there ^

#77 Kirgizshaa 17 March 2013 - 17:07

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

БИР ТАМЧЫ ШҮҮДҮРҮМ

Балалык кез... жайлоодомун,
Жанында чоң энемдин.
Көңүлүм ток,
Энекеме эркелеймин.
Жалгызымын, максатымын, үмүтүмүн,
Күчүгүмүн, эң эркетай неберемин.

Энекем, эртең менен уйду сааган,
А мен болсо улак-козу айдап баргам.
Келе жатып, жүгүрүп булак жактан,
Көрүп калып, бир тамчы суу жалбырактан,
Тык токтогом!
Багытымдан бара жаткан.
Сулуулугу, шүүдүрүмдүн тунуктугу,
Арбап алган...
Мени өзүнө байлап алган....
Көзүм албай, көпкө карап таңыркагам. ..

Тоо учунан күн нуру көрүнгөндө,
Шүүдүрүмүм жалбырактан үзүлгөндө,
Карегимден ачуу жаш төгүлгөндө. ..

Шүүдүрүмдү жутуп алып топурак,
Ордуна пайда болгон кара так...
Аздан кийин такты дагы,
Таппай калгам карайлап...

Өксүп ыйлап шүүдүрүмүм жоголгондо,
Энекем келип мени соороткон го...

Адат болду жүгүрөм таң эртелеп,
Шүүдүрүмгө, “бир тамчы суу” үзүлбө деп.
Суранып, жалбарып, тилек тилеп,
Алган элем, аны өзүмө энчилеп...

Арадан айлар өтүп, жылдар кетип,
Көп нерсе унут калып мен эр жетип.
Бир гана шүүдүрүмүм эстен кетпейт,
Ойлордун тереңине ал жетелейт....

Адамдын да өмүрү шүүдүрүмдөй,
Дал ошондой төрөлөбүз тунук, аруу.
Күн тийгенде жалбырактан үзүлгөндөй,
Бир күнү жыгылаарбыз калбай каруу....

Кирээрбиз түпкүрүнө кара жердин,
Эстелик тургузулуп,
Жазылып барагына эскерменин.

Жаңылар ордун ээлеп эскилердин,
Унутулуп түпкүрүнөн сезимдердин.
Тамчынын артындагы кара тактай,
Жок болоор издери да эстеликтин. ..

Бир тамчы шүүдүрүм... бир адамдын өмүрү...

of the page up there ^

#78 Kirgizshaa 20 March 2013 - 18:06

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

ОТУЗ ЖАШТЫН БЕЛЕГИ

Колун булгап алыстап барат улам,
Жалындуу күндөрү жаштыгымдын.
Чачылып, чар тарапта калып кетти,
Күкүмүндөй ушаланып көмөч нандын.

Күн ордун түнгө таштап, айлар өтүп,
Күтпөйт экен, жылып кетти жылдар дагы.
Кол куушуруп, таазим кылып тосуп алдым,
Кырдан ашып келе жаткан отуз жашты.

Тыбырчылап, ордумда тура албаган,
Ойноок элем, токтолгонсуп калыптырмын.
Өткүр элем, тартынып турам бүгүн,
Белеги ушул белем отуз жаштын...

of the page up there ^

#79 Kirgizshaa 25 March 2013 - 17:33

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

КАРАҢГЫ ТҮН...

Караңгы түн...
Каракчылар кайгуулдап кербен күтөт,
Кара чүмбөт жамынып жортуп жүрөт.
Капыстан кирип келген жан кестилер,
Коюу түндө байкатпай түндүк түрөт...

Караңгы түн...
Каптаган асман бетин кара булут,
Катырып жаап келди, жамгыр куюп.
Карды ачкан кашайгыр карышкырлар,
Кыр-кырларда жортуулдап жүрөт улуп...

Караңгы түн...
Ай тутулду... көрүнбөйт... жарыгы жок,
Айланбай калган өңдүү Жер да токтоп.
Алоолонгон жалыны эбак өчүп,
Алда качан күлгө айланган очокто чок...

Караңгы түн...
Кадам шилтеп алга карай, кээде токтоп,
Күн чыгышка жетемин деп күчүм топтоп.
Караңгынын арасында бара жатам,
Көөдөй кара бул ааламды сөгүп боктоп.

Карангы түн...
Кургур Энем көзүнөн жаш кылгырып,
Колун жайып Жараткандан бата тилейт.
Кырдагы каңгып жүргөн карышкырлар,
Келээр жолун Медеримдин билбесин деп...
Кабатыр болуп жүрөт... караңгыда,
Кескилердин кесепети тийбесин деп...
Канжары кара ниет каракчынын,
Кулунумдун жүрөгүн тилбесин деп...

of the page up there ^

#80 Kirgizshaa 29 March 2013 - 03:33

Активист

Кыймылы жок
828
09 December 07
: 08 Jun 2014 17:56
Жынысы:Белгисиз

Бата

Адаштырбай ак жолуңдан
Аллахым акыл берчи...
Атыңды унуттурбай
Ар дайым эске келчи...
Алоого бизди салба
Алкаймын жалгыз Сени
Алдыңа кулдук урам
Ааламдардын Эгедери

Караны-акты билбей
Кашайган пенделердин
Көкүрөктө көзүн аччы..
Кайрымсыз таш боорлордун
Көңүлүнө мээрим салчы...
Көрсөтүп туура жолду
Кулдарыңа нуруң чаччы...
Кылынган баталарды
Кынтыксыз кабыл алчы...

of the page up there ^

Адабият жана поэзия

(5 )
2
3
4
5

Суперстан: Ыр сабындагы жаңырыктар - Суперстан