[General.kg]

Салам достор! Биздин өлкөдө кландык башкаруу жакшы эле өнүккөн өңдүү.

1)Жээнбековдар
2)Матраимовдар
3)Карашевдар
4)Акаевдер
5)Бакивдер


Кыргызстанда эң белгилүү кландар. Булардын ар бирине токтоло кетели!

Билдирүүнү түзөткөн: General.kg: 30 Октябрь 2017 - 13:58

[no.comment]

General.kg (30 Октябрь 2017 - 12:59) жазган:

Салам достор!

1)Жээнбековдар
2)Матраимовдар
3)Карашевдар
4)Акаевдер
5)Бакивдер

Ва алеки салам!
Катардагы колдонуучу болсон бир жон, атайын тема ачып, талкуу баштаган сон, минтип туура жазсан жакшы болмок: "Жээнбековдор, Матраимовдор, Карашевдер" , болот жалпы эрежеге ылайык.
Матраиомовдор кимдер? Эмне менен алектенишет?
Карашевдер кадимки эле Аалы Карашевдин туугандары болуп калабы же башкаларбы?

Билдирүүнү түзөткөн: no.comment: 01 Ноябрь 2017 - 11:12

[General.kg]

Жогорку Кеңеш Төрагасы Асылбек Жээнбековдун өмүр баяны
Бишкек, 21-декабрь. /Кабар/. 2011-жылдын 21-декабрында Кыргыз Республикасынын Жогорку Кеңешинин Төрагалык кызмат ордуна шайланган Жээнбеков Асылбек Шарипович 1963-жылдын 27-августунда Ош облусундагы Кара-Кулжа районунун Биймырза айылында туулган.
Жогорку билимдүү. 1985-жылы К.И. Скрябин атындагы Кыргыз мамлекеттик айыл чараба институтун, 1991-жылы Кыргыз жер иштетүү илим изилдөө институтунун аспирантурасын, ал эми 2002-жылы Экономика жана ишкердик университетин бүтүргөн.
Эмгек жолун 1985-жылы Ош облусунун Өзгөн районундагы «Ак-Жар» совхозунда агроном кесибинен баштаган.
1987-1992-жылдары Кыргыз пахтачылык жана түштүк айыл чарбасы боюнча тажрыйба станциясында илимий кызматкер болуп иштеген.
1992-1996-жылдары «Шариф», 1996-2002-жылдары «Искен» жоопкерчилиги чектелген коомдордун директору, 2002-2007-жылдары «Агрозооветсервис» ишканасынын башкы директору болуп турган.
2002-2007-жылдары – «Жер азыгы» Кыргызстан агробизнесчилер ассоциациясынын Директорлор кеңешинин төрагасы. 2007-2010-жылдары – IV чакырылыштагы Кыргыз Республикасынын Жогорку Кеңешинин депутаты.
Ал эми 2010-жылы Кыргызстан Социал-демократиялык партиясынын тизмеси аркылуу V чакырылыштагы Кыргыз Рсепубликасынын Жогорку Кеңешинин депутаттыгына шайланып, Жогорку Кеңеш Төрагасынын орунбасары болгон.

[General.kg]

Сооронбай Жээнбеков эмгек жолун 1976-жылы Ɵзгɵн районундагы Ленин атындагы орто мектепте орус тили жана адабияты мугалими болуудан баштаган. Андан кийин К.Скрябин атындагы айыл чарба институтунун студенти болот. 1983-жылы окуу жайды аяктап, кесиби боюнча иштейт. 1988-жылы С.Жээнбековду жетекчилик кызматтарга сунушташат. Совхоздун директору жана колхоздун башкармалыгынын тɵрагасы болуп иштейт. 1995-жылы бир мандаттуу округдан Жогорку Кеңештин Эл ɵкүлдɵр жыйынына депутат болуп шайлануу менен Жээнбековдун мамлекеттик ишмердиги башталган. Ошол эле жылы КСДПнын катарына кирип, Алмазбек Атамбаев тарабынан демилгеленип түзүлгɵн Кыргыздагы алгачкы "Реформа" депутаттык фракциясынын курамында иштейт. Жээнбеков 2007-жылы айыл чарба министри болуп дайындалган. Бул кызматтан кеткенден кийин КСДПнын курамында саясий ишмердигин уланткан. 2010-жылдагы Апрель революциясынан кийин Ош облусунун губернатору болуп дайындалат. Бул кызматта 5 жыл иштеген. 2015-жылдын аягында Мамлекеттик кадр кызматынын жетекчиси болуп дайындалып, андан кийин президенттик аппараттын жетекчисинин биринчи орун басары кызматына которулат. 2016-жылдын апрелинде Жогорку Кеңеш Сооронбай Жээнбековду Кыргыз Республикасынын Ɵкмɵт башчысы кызматына бекитти. 2017-жылдын 15-июлунда КСДП партиясынын съездинде Сооронбай Жээнбеков Кыргыз Республикасынын Президенттик кызматына талапкер болуп кɵрсɵтүлгɵн.

Билдирүүнү түзөткөн: General.kg: 01 Ноябрь 2017 - 11:44

[General.kg]

Кыргызстандын Кувейттеги элчиси Жусупбек Шарипов Кара-Суу районунун аймагында туулган. Киевдеги инженердик- курулуш институтун бүтүргөн. "Ошкурулуш" трестинде инженер, ушул тресттин Жалал-Абаддагы бөлүмүндө мастер, аймактын начальниги, 1985-жылдан партиянын Кара-Суу райкомуна инструктор, Таш-Көмүр шаараткомунун төрагасынын орун басары, биринчи орун басары, Саратовдогу жогорку партиялык мектепти бүтүргөндөн кийин Ош шаарынын акиминин орун басары, кийин Президенттик администрациянын жооптуу кызматкери, Бишкек шаарынын Октябрь районунун акими, Ош шаарынын мэри болуп иштеген.
Жусупбек Шарипов 2014-жылдын 6-мартында өлкө башчы Алмазбек Атамбаевдин буйругу менен Кыргызстандын Кувейттеги элчиси болуп дайындалган.

[General.kg]

Кезек Матраимовдордо!

[General.kg]

Искендер Матраимов 1962-жылдын 9-октябрында Ош облусунун Кара-Суу районуна караштуу Агартуу айылында туулган. 1990-жылы Скрябин атындагы Айыл чарба институтун аяктап, зооинженер адистигине ээ болгон. 1997-жылы Кыргыз мамлекеттик улуттук университетинде юриспруденция багыты боюнча экинчи жогорку билимин алган.
Эмгек жолу:

1982 — Кара-Суу районунун Калинин атындагы колхозунун зоотехниги;
1983-1986 — Кара-Суу агроөнөржай биримдигинин зоотехниги;
1986 – 1989 — Кара-Суу району боюнча райондук комсомол уюмунун уюштуруу бөлүмүнүн инструктору;
1989-1991 — Кыргызстан ЛКЖСнын Ош облустук комитетинде уюштуруу бөлүмүндө инструктор, сектор башчы, бөлүм башчы болуп эмгектенген;
1991 — Мамлекеттик мүлктү башкаруу комитетинин Ош аймактык фондусунун башкы адиси;
1992-1995 — Мамлекеттик мүлктү башкаруу комитетинин Ош аймактык фондусунун башчысы;
1995-1999 — Кайра түзүү жана ликвидация башкармалыгынын жетекчиси;
1999-2003 — Мамлекеттик мүлктү башкаруу комитетинин Ош, Жалал-Абад жана Баткен аймактык башкармалыгынын башчысынын орун басары жана башчысы;
2003-2006 — Өкмөткө караштуу Монополияга каршы саясат боюнча мамлекеттик комиссиясынын Ош шаардык башкармалыгынын башчысы;
2006-2015 — Мамлекеттик кадр кызматынын түштүк аймактык өкүлчүлүгүнүн жетекчиси;
2015 — КСПД партиясынын тизмеси боюнча Жогорку Кеңештин депутаты болуп шайланган.
Үй-бүлөлүү, төрт баланын атасы. 2009-жылы Кыргыз Республикасынын Ардак грамотасы менен сыйланган. "Мамлекеттик кызматтын мыктысы" төш белгисинин ээси.

[General.kg]

Ошто бир канча жылдан бери бажы тармагын жетектеп турган Матраимов тууралуу түрдүү уу-дуу кеп көп.

Апрель ыңкылабынан кийин Убактылуу өкмөттүн мүчөлөрү Алмазбек Атамбаев менен Азимбек Бекназаровдун тымызын жаздырылып алынган телефондогу кайым айтышуусу да ушул Матраимовдун айынан чыккан.

Ал такай көмүскөдө жүрөт жана эл арасында “Райым миллион” деген каймана ат менен таанымал.

Райымбек Матраимов бул тармакка Бажы кызматынын мурдагы жетекчиси, Оштун Кара-Суу районунан чыккан Муратбек Малабаев аркылуу келгени айтылып жүрөт. "Кыргыз Ата" партиясынын төрагасы Төлөгөн Келдибаевдин билдиришинче, ишин алгач айдоочу болуудан баштаган деген эл арасында сөз бар:

- Ошол кездеги Бажы кызматынын жетекчи орун басары Муратбек Малабаевдин шоопуру болуп жүргөнүн уккам. Кыргызстанда белгисиз адамдардын бийликке келишине таң калуунун деле кереги жок. Чынында ал эмнеге “Райым миллион” деген атка конгонун билбейт экем. Кыргызстанда таза, чынчыл, жакшы адамдар бийликке келет деп күтпөй деле койсо болот. Баягы Ак үйдөгү аттуу-баштуу таасирлүү жетекчилеринин тымызын жаздырылып алынган телефон сүйлөшүүлөрү ачыкка чыгып, анын кантип Бажы кызматына жетекчи болгонунун жашыруун сырлары коомчулукка жарыяланып кетпедиби. Ошол боюнча иликтөө жүргөн жок. Бирок бул эртеби-кечпи ачыкка чыгат. Азыр Кыргызстанда таза иштеп, маңдай тери менен карьера жасаган адам бийликке келбейт.

Атамбаев менен Бекназаровду айтыштырган бажычы

Төлөгөн Келдибаев апрель ыңкылабынан кийинки Убактылуу өкмөттүн мүчөлөрү Алмазбек Атамбаев менен Азимбек Бекназаровдун тымызын жаздырылып алынган телефон сүйлөшүүсүн кеп кылып жатат. Анда Атамбаев менен Бекназаров кадр маселелери, тактап айтканда, Бажы кызматынын түштүктөгү жетекчисин дайындоо тууралуу кайым айтышканы белгилүү.


0:00

"Райым миллиондун" ийгилигинин "сыры"
Азимбек Бекназаров кийинчерээк сөз Райымбек Матраимов тууралуу болгонун тастыктаган. Ал ошол сүйлөшүүнүн таржымалын “Азаттыкка” айтып берди:

- Аны Бажы кызматынан революционерлер, азыркы губернатор Сооронбек Жээнбековдор кууп чыгыптыр. Ордуна башка баланы коюптур. Анан алар мага “биз ушул баланы койсок, Матраимов Бишкекке барып 400 же 700 миң доллар берип, кайра буйрук чыгартып алыптыр, бул эмне кылганыңар” деп арызданып, Сооронбай ыйлаган. Мен анан Атамбаевге чалып, Сооронбай ыйлап атат, мындай болбойт да дегем. Ошол боюнча эле анан иштеп калбады, эми бул жакка орун басар болуп келди. Албетте, мунун баары акчанын күчү менен. Кийинчерээк ал баланы бир жолу көрдүм. Бою кичинекей эле бала экен. Ал бала өмүр бою эле “капчык” болуп, пул менен ишин бүтүргөн неме экен.

Бардык бийликтин тилин тапкан, канча өкмөт алмашса да ордунда бекем отурган, ташы өйдө кулап, кирешелүү кызматында жогорулаган Райымбек Матраимовдун ийгилигинин сыры акчада деген пикирлерге Жогорку Кеңештин мурунку депутаты Бегалы Наргозуев да кошулат:

- Ал жакынкы күндөрү күтүп турсаңар Бажы кызматынын төрагасы да болот. Анын ийгилигинин жалгыз сыры эле - ал дайыма президенттердин чөнтөгүн толтуруп жүрөт. Мурун Бакиевдин учурунда да, азыр Атамбаевдин учурунда да ушундай. Болгон сыры эле ушул. Бийлик өзгөргөнү менен салыктар көбөйгөн жок. Болгону бажы салыгы гана соодагерлердин эсебинен көбөйтүлдү. Бул тармактагы мурунку коррупциялык схемалар ошол боюнча калды.

Ошто бир канча жылдан бери бажы тармагында жетекчи кызматтарда иштеген Райымбек Матраимов бир дагы жолу интервью берген эмес жана дайыма көмүскөдө жүрөт. Биз дагы байланышып, комментарий алуу аракетибизден майнап чыккан жок. Ал тууралуу Бажы кызматынын мурунку маалымат катчысы, бул тармакта бир топ жыл иштеп кеткен Абдылда Малдыбаев айтып берди. Ал кызматынан алууга бир канча аракеттер болгонун, далай текшерүүлөр жүргөнүн, бирок Матраимов баарына туруштук бергенин кеп салды:

- Апрель окуясында, ага чейин деле бардык нерсеге туруштук берди. Кылмыш топтор анын ордун алабыз, басып алабыз деген учурлар болду. Ошолордун баарына туруштук берди. Өкмөт алмашкан сайын ошол кызматты алууга аракеттер болду. Бул бала ошол жерге колун матырган жери жок. Анын жүк ташуучу ишканасы бар. Өзүнүн кызматкерлерине, Эркеч-Тамга барып, мага муну-тигини алып келип бергиле деп, салык салган фактылар жок. Органдагы адамдар анын ишинен кемтик табууга бир канча жолу аракет жасашты. Бирок майнап чыккан жок. Анын кызматына көз арткандар көп болду. Ошонун баарына чыдады. “Алгыла кызматыңарда, мен тоюп кеттим” деп кетип калган жок. Мен ошонусуна таң калдым.

Абдылда Малдыбаев Райымбек Матраимовду мыкты уюштургуч, берешен жетекчи деп мактады:

- Анын уюштуруу деңгээли мыкты. Кээ бирлер саймедиреп сайраганы менен ишти алып бара албайт. Анын кемчиликтеринин бири орус тилинде мыкты сүйлөп, жаза албайт. Эми ал деле түшүнүктүү, Оштун Кара-Суусунда чоңоюп, ошол жакта кыргыз мектепте окуган. Бажы кызматына ар кандай долбоорлор боюнча келген чет өлкөлүк конокторду тосуп алганды, аларды жайгаштырганды, "үшүгөн жоксуңарбы" деп кам көргөндү билет. Ошол эле апрель окуялары, июнь окуялары боюнча өкмөттүк комиссия келген сайын алардын баарын жайгаштырып, бүт баарын даярдап, тааныбаган кишилерди деле көчөгө калтырбайт, кыргызча айтканда, дасторкону кенен киши.

Иш жолун кантип баштаган?

Бажы кызматынын кызматкерлер менен иштөө башкармалыгынын жетекчиси Чолпон Батаеванын билдиришинче, ал иш жолун 1997-жылы жөнөкөй инспектор болуу менен баштаган жана 2004-жылдан баштап кызматы боюнча көтөрүлөт.

- 2004-жылы Кирешелер боюнча комитет түзүлгөндө аны түштүк региону боюнча жеке курам менен иштөө бөлүмүнүн жетекчиси кылып дайындашкан. Бир жылдан кийин эле Ош бажысынын жетекчи орун басары болуп көтөрүлгөн жана бул кызматта 2007-жылга чейин турган. 2007-жылдан 2013-жылга чейин Ош бажысын жетектеген. 2013-жылы Бажы кызматында структуралык өзгөрүүлөр болуп, Ош, Баткен жана Жалал-Абад бажылары биригип, Түштүк-батыш башкармалыгы түзүлгөн жана ага Матраимов башчы болуп дайындалган. Эми болсо Бажы кызматынын жетекчи орун басарлыгына келди. Ал бул кызматка капыстан эле келе калган жок, акырындап өсүп отуруп, ушул деңгээлге жетти.

Чолпон Батаева Райымбек Матраимов бир дагы жолу сөгүш албаганын айтып, кынтыксыз иштеди деп кошумчалады.

Бирок айрым байкоочулар Райымбек Матраимов Ош бажысын бир канча жыл жетектеп турганда коррупция тыйылбаганын, бул тармак оңолбогонун белгилеп жүрүшөт.

Карасуулук Матраимовдор ким?

Матраимовдордун үй-бүлөсү Ошто абдан белгилүү. Анын Мамлекеттик кадр кызматынын түштүктөгү башкармалыгын жетектеп келген бир тууган агасы Искендер Матраимов Социал-демократтар партиясынын тизмесинде 27-орунда шайлоого баратат. Иниси Тилек Матраимов Кара-Суу районунун акими. Оштогу жергиликтүү журналисттеринин биринин айтымында, Матраимов журналисттик чөйрө менен такыр байланышпайт:

- Негизи Матраимов деген фамилияны көп эле угабыз. Алар көп бир тууган, баары жетекчи кызматтарда иштейт. Абдан таасирлүү. Иш тажрыйбаларын мен жакшы деп айта албайм. Коррупциялык иштерге аралашканы, айрыкча Тилек Матраимов бир айыл өкмөтүн жетектеп иштегенде жерлерди сатып, ушундай иштерге аралашкан деген маалыматтарды окуганбыз. Тилек Матраимов өзү да орой, одоно сүйлөгөн киши. Мыйзамдуу кызмат укугу жетпеген жерди күч менен алган киши катары тааныйм. Акимчилик орунга деле бир топ ыр-чырга карабай отуруп албадыбы. Бирок Тилек Матраимов интервьюдан качпайт. Ал аким болуп дайындалганда агасы кийлигишти деген сөз чыкканда агасы Искендер Матраимов маалымат жыйын өткөргөн. Анын бир эжеси санитардык- эпидемиологиялык кызматта көп жылдардан бери башкы дарыгер болуп турду. Коомдук тамактануучу жайлардагы санитардык абалды оңдогон жок. Мен журналист болуп он жылдан бери иштейм, бирок Райымбек Матраимов маалымат жыйын өткөрүп, Бажы кызматындагы жаңылыктарды айтып, ушундай иштерди кылганын бир да жолу уккан эмесмин.

Райымбек Матраимовго байланыштуу чуулуу окуялар да жок эмес. 2012-жылы Оштогу “Транс-Ордо” автожүк ташуучулар бирлигинин теңтөрагасы Мырзамат Чынгараевге кол салуу болгон. Анда жабырлануучу бул окуянын артында Ош бажысынын жетекчиси Райымбек Матраимов менен Эркеч-Там бажы көзөмөл бөлүмүнүн башчысы Зафар Айдаров турат деп айтып чыккан. Ал аймактагы Бажы кызматындагы эбегейсиз коррупция, кыңыр иштер тууралуу айтып чыкканы үчүн сабалганын билдирген.

2008-жылы Райымбек Матраимовдун үйү каракталган жана ири суммадагы акча жана алтын буюмдар уурдалган. Бул окуя тууралуу жазып чыккан жергиликтүү басылмаларды коомчулукта мынча байлыкты кайдан жана кантип топтогон деген ашыкча суроолор жаралбасын деген таризде Матраимов тарабынан коркутуп-үркүтүү болгонун айтып чыгышкан.

Матраимовдун Ош шаарында жана Кара-Суу районунда спорт клубдары жана билеги күчтүү жоон топ балдары бар экени да кеп болуп жүрөт.

[General.kg]

Калганын эртең уланталы ушул жагын сиңирип алгыла бүгүнчө

Билдирүүнү түзөткөн: General.kg: 01 Ноябрь 2017 - 12:03

[Patriot7]

Nurmuxammet (31 Октябрь 2017 - 23:12) жазган:

General.kg, Карасуудан окшойсун

Кара-Кулжадан болот, Жээнбековдордун жердеши, колдоочусу, бекеринен Жээнбековдордун омур баянын жазып жатыптырбы? !!

Бут омур жогорку мамлекеттик кызматтарда иштеп, бирок элге бир тыйынчалык пайдасы жок, кайра элдин ырыскысын уурдап-тоногондорду ким баалайт?!!

Жээнбековдордун эч кайсынысы элдин бешенесин жылыткан эмес. Улуусу, маркум Канторо Шарипович Токтомаматов жеткен коррупционер болуучу... Асылбек фермер болуп журуп эле Атамбаевдин тушунда саясатка аралашып Атамбаевдин "любимчигине" айланды...

Баса Жусуп Шарипов Акаев убагында Жалал-Абаддын губернатору болуп турган... Эгер 2005-жылдагы тонкоруш Жалал-Абадда башталганын эске алсак, Шарипов элдин да, Акаевдин да ишеничин актай алган эмес... Дегеле бул Жээнбеков/Шарипов да губернатор болуп туруп эл учун эч бир кызмат кылып жарыткан эмес, иниси Сооронбайга окшоп... Кыскасы Жээнбековдорду ким кандай мактаган кундо да, андан Жээнбековдор жакшы болуп онолуп, ыймандуу, ынсаптуу боло калбайт.. (Адам мактоо укса эле онолуп кетсе, бардык президенттер онолуп, эл учун ак кызмат кылуусу керек эле, анткени айланасында кошоматчылары, камчы чабаарлары ошончо, айрыкча Атамбаевде). . Эл учун ак кызмат кылуу деген тушунук булардын дээринде болбогон сон, ага-ини Жээнбековдордон кайсы жакшылыкты кутмоксунор? !!

[General.kg]

Patriot7 (01 Ноябрь 2017 - 22:24) жазган:

Кара-Кулжадан болот, Жээнбековдордун жердеши, колдоочусу, бекеринен Жээнбековдордун омур баянын жазып жатыптырбы? !!

Бут омур жогорку мамлекеттик кызматтарда иштеп, бирок элге бир тыйынчалык пайдасы жок, кайра элдин ырыскысын уурдап-тоногондорду ким баалайт?!!

Жээнбековдордун эч кайсынысы элдин бешенесин жылыткан эмес. Улуусу, маркум Канторо Шарипович Токтомаматов жеткен коррупционер болуучу... Асылбек фермер болуп журуп эле Атамбаевдин тушунда саясатка аралашып Атамбаевдин "любимчигине" айланды...

Баса Жусуп Шарипов Акаев убагында Жалал-Абаддын губернатору болуп турган... Эгер 2005-жылдагы тонкоруш Жалал-Абадда башталганын эске алсак, Шарипов элдин да, Акаевдин да ишеничин актай алган эмес... Дегеле бул Жээнбеков/Шарипов да губернатор болуп туруп эл учун эч бир кызмат кылып жарыткан эмес, иниси Сооронбайга окшоп... Кыскасы Жээнбековдорду ким кандай мактаган кундо да, андан Жээнбековдор жакшы болуп онолуп, ыймандуу, ынсаптуу боло калбайт.. (Адам мактоо укса эле онолуп кетсе, бардык президенттер онолуп, эл учун ак кызмат кылуусу керек эле, анткени айланасында кошоматчылары, камчы чабаарлары ошончо, айрыкча Атамбаевде). . Эл учун ак кызмат кылуу деген тушунук булардын дээринде болбогон сон, ага-ини Жээнбековдордон кайсы жакшылыкты кутмоксунор? !!

Патриотчик эмне анча ызааланып?

[Sagyn.91]

General.kg (01 Ноябрь 2017 - 19:35) жазган:

Патриотчик эмне анча ызааланып?

Ызаланбай эле, акты АК, караны КАРА деш керек да, жаап жашырганда эмне, эл билет, бут баарын.
СОКЕНи кайсы жасаган иштери учун бийликте жетелеп журот,Атамбай озу билет, отугун торго илет болуп. Жээнбековтун аркасын казса толгон токой былыктары ачыкка чыгат, аны жаап жашырып отуруп жаап салышты. Эгерде козу курч, элим жерим деп куйуп бышкан инсан болгондо булар качан эле кесилип кетмек эле. Ош шаарындагы 2010- ж коогаландан сон туптолгон турак жайлардын сапатсыз бутконун, канчалаган миллиондордун текке кеткенин басылмалар, теле-радиолордон байма бай берип жаткан, Акча менен жаап салганы чын. Ошон учун да Атамбайдын этегине чыкпаган кирнедей жабышты да калды, эми кезек Сокеге келди да Ашанын былыктарын ачыкка чыгарбоо учун болгон куч аракеттерин жумшап жатканы айдан ачык эле маалым!

[General.kg]

Султан Раев, Кыргыз эл жазуучусу: «Мен билген Матраимовдор. ..»

Султан Раев, Кыргыз эл жазуучусу: "Мен билген Матраимовдор. .."



Акыркы кездерде басма сөздөрдө, ар кайсы социалдык түйүндөрдө Матраимовдор тууралуу ар кандай ойлор, сөздөр айтылып, көбүнесе каралаган материалдар иттин кара капталындай жайнап кетти. Бу династияны коомчулукка өзгөчө монстр, олигарх, алдым-жуттум ракурсунда көрсөтүү аракети ар кайсы булактардан, маалымат тарамдарынан чыгып жатат. Албетте, бул маселени “медалдын бир жагы” дейли… Кантип эле ушул кара шакмар боёктор менен бүтүндөй үй-бүлөгө, жакшы адамдын балдарына сөз тийгизүүгөболот… Бул да суроо… Адамды бир жактуу кароо, алардын адамдык абийирине шек келтирүү, орунсуз сөздөрдү айтуу бир чети маданияттуулуктун белгиси эмес, сындасаң да адамдын кадыр-баркына шек келтирбей, конкреттүү ишине карап сындасаң жарашат. Билип-билбей, карандай калпты урдура бергенден чындык келип чыкпайт… Чындык ар кайсы кайчы пикирлерден кийин, калыс бүтүмдөн кийин гана жаралары айдан ачык…

Албетте, бир жактуу пикирлерди угуп, бир жактуу каралоо материалдарын окуп булүй-бүлөгө карата көз караш да ар кандай маанайды жаратышы мүмкүн… Мен бул Матраимовдор жөнүндө бу гезит бетине миңдеген жердештеримдин, айылдаштарымдын өтүнүчү менен жазып олтурам… Анткени, алар да жөн эле жерден кеп угуп, бетине кара көө сыйпалып жаткан балдарына карата мамилесин билдиргиси келет… Чындап эле ошондойбу? Бул чети, экинчиси менин жазып жатканымдын себеби, мен да бул жигиттерди жерден бели чыккан мезгилден, али бели ката элек мезгилден билем… Биз бир жер, бир элден болобуз… Өмүр бою жаштыгыбыз, балалыгыбыз, көргөн күнүбүз бир жерде өткөн адамдарбыз… Аталарыбыз, апаларыбыз чогуу жүрүп чогуу талаада, мал чарбасында иштеген өтө карапайым үй-бүлөлөр…

Ошондуктан, кээ бир сөздөр да айылдаш катары менин да намысыма тийип кетет…

Мени атам да, апам да өмүр бою талаачылыкта күн өткөрүп, жер менен жер болуп өскөн адамдар… Биз сөз кылмакчы болгон Искендер, Тилек, Раим, Ислам Матраимовдордун ат-энеси да өмур бою биздин айылда жумушчу, карапайы жумушчу болуп эмгеги менен элге таанымал, кадыры менен эл сыйлаган адамдар эле… Адамдар эле дегеним Матримовдордун атасы Исмаил акенин өтүп кеткенине отуз жылга жакындап калды, апасы Апиза эженин өткөнүнө да эки-үч жыл аяк басты… Бул эки адамды биздин айылдыктар адал иштеп, ак мээнет таткан эмгекчил, колунан жакшылыктын нуру төгүлүп турган карапайым адамдар катары билчү…

Мындан үч-төрт жыл мурда… Түркиянын Малатия шаарына эл аралык китеп көргөзмөсүнө барып калдым… Ал жерде менин Анкарадан чыккан түрк тилиндеги китебимдин эл аралык бет ачаары болду… Түрк туугандар чоң-чоң көчөлөргө кечээ Президенттикке талапкерликке койгон адамдардын сүрөтүнөн да чоң сурөтүмү илип коюптур… Бир чети ага таң калдым… Мени бу эларалык китеп форумуна катышып жатканымы ошол жерде жашап, иштеп жаткан жердештерибиз да угуп, сыймыктанып, китептин бет ачаарына келиптир… Мен ал жерден бир боордош, мекендешерибиз менен тааныштым… Алар мени кубаныч менен тосуп алды… Сөздөн-сөз чыгып, баягы каерден болосуз деген сөздөр уланды. Мен Кара-Сууданмын дедим… “Кара-Суудансызбы, жакында эле Матраимов Искендер деген Жогорку Кеңештин депутаты келди… “ дешти. Мен аларга “Ал менин иним болот” дедим… Мен ойлогомун бул жакка Искендер иним иш менен келсе керек эле деп… Көрсө, апасы Апиза эжени Малатия шаарындагы эң чоң клиникага алып келиптир… Апасынын боору иштебей, өзүнүн боорун кестирип апасына салдырганы келген экен бул шаарга… Ал гана эмес… Искендердин боорун кесип салдырабыз дегенде доктурлар аныкы көп туура келбей тургандыгын айтканда, өздөрү менен чогуу барган небереси да чоң энесине боорун кестирип берүүгө даяр экендигин айтышкан… Эне балдарын аяп, эми канча Кудай өмүр берсе ошончо жашайын балдарым, ушунча алыска алып келип дарылатканыңарга ыраазымын деп айткан экен… чындыгында ушу сөздү укканда таң калдым… Искендер Апиза эжеге өз жанын да аябай, кесип бергенге да даяр барган экен… Аны мекендештерибиз да ыраазылык менен айтты… Өз энесине жанын аябаган адамды биринчи жолу көрүп жатабыз деп… Искендер инимдин бул жигитчилигин угуп… мен да ага ыраазы болгом… Апа деген апа… ал ыйык. Ал кымбат… экинчи жагы, атадан эрте кол үзгөн бу карапайым үйгө Апиза эже апа ордуна апа, ата ордуна ата болду…

Искендер эл сыйлаган адам… Элдик депутат…

Ал эми экинчи уулу Тилек да туулган жердин топурагы алтын дегендей… ошол айылдан көгөрүп, өсүп… Өлкөбүздөгү эң ири райондун акими… Тилек Матраимов да элдин купулунда жүргөн адам… Акыркы жылдары биздин райондо көп өзгөрүүлөр болуп жатканын көрүп… өтө ыраазы болдум… Жолдор оңдолуп, айылдарга таза суу чыгарылып, кара-суулук туугандарым жакшынакай тамдарды салып, маданият очоктору иштеп… райондо күжүлдөгөн жашоо башталып жатыптыр… Албетте, буерде районду башкарган Тилек инимдин эмгеги баа жеткис… Калкынын көптүгүнө карабастан, элдин көйгөйүн чечүүгө батыл киришип жүргөнү мени сүйүнттү… Кара-Суу районунун көпчүлүк айылдарында спорт аянтчалары, ошондой эле заманбап футбол талаалары курулуптур… Бу сапатты, бу мээнет сүйгөн мээнеткечтикти бу жигит да атасынан, апасынан алган… алар да эмгек менен эл көзүндө жүргөн адамдар эле… Тилекте ошол сапаттар бар. Ал жерге жакын, дыйкан мүнөз жигит…

Матраимовдордун арасынан эң эле көп “атагы чыккан”, эң эле туура-туура эмес сөздү уккан ал — Раим. Айрымдар айтмакчы, “Раим миллион”. Раимди тээ кичинекей кезинен билем. Унчукпаган, бирок өз ишин билген… ашыкча, ооз көптүрүп сөз кылбаган, мээнетти сүйгөн бала эле… Жаштыгы ушул пахта талаасында өстү… Атасы Исмаил акеге эң жакыны ушу эле… Өзү да бир курдай окшошуп кетет… Өң-келбет жагынан гана эмес, ички адамдык сапаттары да… Исмаил аке көл киши эле… Элдик мүнөз адам эле… ушул артыкчылык да Раимде бар. Ал бажы тармагында, бажы системасы жаңыдан телчигип келаткан мезгилден бери иштеп келет… Жөнөкөй бажычыдан… бажы кызматынын жетекчилигине жетти… Чындыгын айтканда, анын бу ишке келгенин ар кандай апыртма сөздөр менен жаадырып, анын тегерегинде ар кыл болумушту түзгөндөр анын деле бу ишке кантип келгенин деле жөндөп билбейт да болушу керек… Кичинекей майда кызматтан өсүп, торолуп, үйрөнүп бажы башчылыгына жетип олтурат… Ырас, анын азыркы кездеги кайсы бир жактарына баа бере албайм… Ал тек гана эл арасында жүргөн сөздөр… Эми чыныгы жигитти сөз ээрчийт… көрө албаган бар, ичи тары бар… айтор беш кол тең эмес…

Ошо тээ эчен жыл мурда… Раим үйлөнгөндө мени өкүл ата кылып дайындашты… Ушу кезге дейре, ичимдеги купуя кебим… аялым экөөбүз алардын тоюна билетке акчабыз жоктон баралбай калганбыз… Жаңы үй-бүлө… балабыз төрөлүп… квартирада жашайбыз дегендей… Раим да бирде жетип, бирде жетпеген турмушту жашады. Бирок, эл айтымында бажы кызматын ийне-жибине дейре билген адис дешет. Болсун. Атагы да өсүп, баркы да өсүп жетерлик турмушта жүрөт…

Чындыгын айтайын, бу инимин ийгилигине сырттан гана назар салып, жакшыны уксам сүйүнүп, жаманын уксам күйүнүп жүрөм… Ага күнүм түшүп деле барган эмесмин… Айрыкча, чыгармачыл адам китеп, спектакль чыгарганда, койдурганда каражат көздөн учуп калат… Ага кылган бир кездеги жакшылыгымы эсине салайын деп, жардам да, колдоо да күтүп барган адам эмесмин… Эң башкысы, бул жигит да айылдаш туугандарымын сыйлаган инсаны. Анын атына сөз тийгизе көрүшпөйт… Биздин бала деп бийик сыйлашат…

Матраимовдордун Исламы да намыстуу балдардын бири деп угам…

Бу макаланы жазып жатканымын себеби, бул карапайым Исмаил аксакалдын балдары бүгүн өлкөбүздө төбөсү көрүнгөн инсандар. Баарынан баса белгилеп кетерим, алар өз туулган жерине, мекенине иштеп жаткан адамдар. Элде кадыры чоң инсандар. Матраимовдордун эң улуусу Искендер ушу өзүнөн кичүү инилерине баш-көз болуп, окутуп, чоңойтуп, ага ордуна ага, ата ордуна ата болгон жигит. Жогорку Кеңештин депутаты. Айылдаштары Искендердин эмгегин эске алып, бир добуштан депутаттыкка шайлаган. “Эр эмгегин эл жебейт” деген тура. Раим да биздин айылдардагы жаштарга шарт түзүп, маданий-спорттук мекемелерди өнүктүрүүгө жардам берип келет. Айылдык клубду да ушул Матраимовдор калыбына келтирди. Айылда спорт Сарайы бар. Футбол талаалары ар бир айылда курулган.

Матраимовдор жыл сайын 9-майда Жеңиштин урматына бүткүл райондогу аксакалдарды, согуштун жана эмгектин ветерандарын чакырып, 5 миңге жакын адамга сый көрсөтөт. Бул салтка айланган өзгөчө жөрөлгө болуп калды. Спорттук оюндар, маданий иш-чаралар өтөт. Матраимовдор район боюнча колу жука адамдардын зирек балдарынын жогорку окуу жайындагы контрактысын төлөп келет. Ал эми жарды, оор турмушта жашаган адамдарга, кары-картаңдарга көрсөтүп келген жардамдары өзгөчө сөзгө татыйт…

Тилек Матраимов райондун акими катары — өлкөдөгү эң алдыңкы акимдердин бири…

Кара-Суулуктар бул Матраимовдордун үй-бүлөсүн элдик балдар деп келет… Элдик баага алар элге кылган кызматы менен жетип олтурат… Дагы бир айтып коёюн… бул макаланы мен эң оболу жердештеримдин өтүнүчү менен, биз өз балдарыбызды бирөөлөргө талатып кор кылып карап турбайбыз, аларды дайыма сактап, алар менен сыймыктанып алганга күчүбүз жетет деп келишет…

Ооба, эл билген Матраимовдор ушундай…

Мен билген Матраимовдор да ушундай…

Кербен жүрө берет… элдик уулдардын намысын эл асырайт… Бул да чоң баа…

Султан РАЕВ,Кыргыз эл жазуучусу

[General.kg]

Султан Раев билген балапан Матраимовдор азыр ажыдаарга айланган!

(Жеке оюм)

[General.kg]

ЖӨНӨКӨЙ. ЭМГЕКЧИЛ. ЭЛГЕ ЖАКЫН. Жаңы ажо тууралуу эмнелерди билебиз?


№783 3-9-ноябрь, 2017-ж.

Кыргызда жаңыдан шайланган президент Сооронбай Жээнбеков тууралуу маалыматтар башка үлкөн саясатчыларга салыштырмалуу аз. Ал маекти өтө аз берген адам. Үгүт кампаниясында «сүйлөгөндөн көрө, иштегенди жакшы көргөн адам» деп көрсөтүү менен анын бул мүнөзүн командасы кошумча упай топтоого пайдаланышты. Эмгек жолун 18 жашында мугалимдик кесиптен баштап, 58 жашында мамлекет башчылыгына келген Сооронбай Жээнбеков тууралуу азын-оолак кеп козгоону эп көрдүк.
Борбордук шайлоо комиссиясы президенттик шайлоонун расмий жыйынтыгын 30-октябрда жарыялады. Ошентип, 54,22 добуш менен Сооронбай Жээнбеков жеңип чыкты. 24-ноябрда Алмазбек Атамбаев президенттик кызматты расмий түрдө Жээнбековго өткөрүп берери, жаңы ажонун кызматка киришүү инаугурациясы болору күтүлүүдө. Муну менен Кыргыз Республикасы алдына койгон эң маанилүү иштин өтөсүнө чыга алды. Тактап айтканда, бийлик тынч жол менен шайлоодон утуп чыккан адамга өткөрүлмөкчү.

АЙЫЛДАГЫ БАЛАЛЫК

Кара-Кулжанын Биймырза (Тельман) айылы Кыргыз жергесиндеги башка айылдардан көп деле айырмаланбайт. Бул айылда деле күн сайын эл мал-жанын багып, эгин сугарып, чөп чаап мээнет менен жан багып келет. Улуу Ата Мекендик согуштун ардагери, советтик Кыргызстандагы ири колхоздун башчысы Шарип Жээнбеков менен жубайы Самаранын үй-бүлөсүндө 1958-жылы 16-ноябрда жарыкка келген Сооронбай мырза да кадимки айылдык балдардын турмушун көрүп ошол айылда өскөн. Ири колхоздун башчысы, райондук керек-жарак коомунун жетекчиси болгонуна карабай Шарип Жээнбеков балдарын эмгекке, элге жакын кылып тарбиялаганын жана өзүнүн жөнөкөйлүгү, токтоолугу, адилеттүүлүгү менен эл сыйына татыган адам болгонун айылдаштары азыр да эскерип калышат. Ал эми болочок президенттин апасы кадимки кыргыз энелери сыяктуу эле сыйчыл, жумшак, өмүрүн балдарын тарбиялоого арнаган адам болгон. Жээнбековдор көп бир тууган. 6 уул, 4 кыз. Агалары Искендер жана Кантөрө Жээнбековдор бул дүйнөдөн өтүп кетишкен.
Арасында атасы Шарип Жээнбековго токтоолугу, элге жакындыгы менен уулу Сооронбай көбүрөөк окшош дешет айылдаштары.

«ПИАР КЫЛА АЛБАЙТ»

«Чык эшикке!» деп жыйынга даярданбай келген чиновникти сыртка чыгарып салганын эске албасак, анда токтоолук Сооронбай Шариповичте анык байкалып турган сапат. Адатта өкмөт башчылыкка баргандар маалымат каражаттарына тынбай маек берип турушчу. Бирок Сооронбай Жээнбеков премьер-министрлик кызматта бир жылдан ашык иштеп бир эле жолу мамлекеттик телеканалдарга маек берди. Аны жакындан билген адамдар «бул анын өзүн пиарлоону сүйбөгөндүгү» деп түшүндүрүшөт. Учурдагы өлкө башчысы Алмазбек Атамбаев да Сооронбай Жээнбеков тууралуу: «Ал жасаган ишин айтып өзүнө пиар жасаганды билбейт»,- дейт.
Ырасында Алмазбек Атамбаев менен Сооронбай Жээнбеков бири-бирин мыкты билген адамдар. 1995-жылы Жогорку Кеңештин биринчи чакырылышына депутат болуп келгенден кийин ал ошол кезде парламентте Алмазбек Атамбаев негиздеген «Реформа» парламенттик тобунун мүчөсү болуп калат. Аталган депутаттык топко ошол кездеги 29 эл өкүлү кирип, эгемендүүлүк жолунда бараткан республиканын өнүгүшүнө салым кошкон көптөгөн мыйзамдардын кабыл алынышына себепчи болушкан. Ал кезде жасалган элге пайдалуу иштердин бири катары Жер кодексине киргизилген өзгөртүүлөрдү айтууга болот. Мурдагыдай 12 түрдүү эмес, айыл чарбасына бирдиктүү салык киргизилген. Муну менен дыйкан чарбада, фермалык чарбаларда иш алып барып жаткан эл жеңилдей түшкөн.
Ошол жылдардан бери чогуу иштешип келе жаткан Сооронбай Жээнбековду Алмазбек Атамбаев «саясаттан тапкан досум» деп атайт. Ал КСДП партиясынын башатында турган адамдардын бири катары саналып, дээрлик 20 жылдан ашуун убактан бери ал партиянын туруктуу мүчөсү болуп келген.

СҮРӨТТӨР, УЛАК ТАРТЫШ, МУГАЛИМДИК

Сооронбай Жээнбековдун биографиясын карап, архивдик сүрөттөрүнө көз чаптырган киши анын өмүрүнүн, ишинин көп бөлүгү жөнөкөй, карапайым адамдардын катарында өткөнүн байкайт. Бир сүрөттө ал класстагы эң бою узун окуучу, биринде жамааттын эң жаш мугалими, дагы бир сүрөттө жөнөкөй өтүкчөн кызматкер. Башкача айтканда, бардык тепкичтерди басып өткөн жетекчи.
Классташтарынын арасында боюнун узундугу менен айырмаланып турган Сооронбай мырзаны ага билим берген мугалими Вера Эшматова жөнөкөй, таптакыр конфликтке барбаган окуучу катары сыпаттайт. Бирок спорттук иш-чараларда, волейбол ойногон жерлерде, улак тартылып жаткан аймакта Шарип Жээнбековдун уулу Сооронбайды дайым көрүүгө болот эле дешет замандаштары.
Советтер союзундагы талапка ылайык, келечектеги президент дагы жогорку окуу жайына тапшырганга чейин эмгек жолун баштап, 1976-жылы мектепти бүткөн соң Өзгөн районунда бир жыл орус тили жана адабияты мугалими болуп иштеген.

ТУРУКТУУЛУК МЕНЕН КЕЛГЕН КАДЫР-БАРК

Сооронбай Жээнбеков Cкрябин атындагы айыл чарба институтуна тапшырып, 1983-жылы зооинженер адистигин алып, ийгиликтүү аяктаган. 1983-1995-жылдар аралыгында ал жөнөкөй кызматкерден, жетекчиликке чейинки кызматтарды басып өткөн.
1995-жылды Сооронбай Жээнбековдун жашоосуна бурулуш алып келген, саясий жолу башталган жыл деп эсептөөгө болот. Башкача айтканда, Жогорку Кеңештин биринчи чакырылышына бир мандаттуу округдан депутат болуп шайланып келген Жээнбековдун президенттик кызматты көздөй кадамдары башталган. Бирок ал кезде 20 жылдан ашуун убактан кийин дал ушул жөнөкөй, популизмден алыс, унчукпай иштеп, жыйынтыкка келгенди адат кылган адамдын президент болуп каларын эч ким боолголобосо керек.
Өзүнүн саясий жолунда ал эмгекчилдиги жана мамилеге туруктуулугу менен кадыр-барк топтой алганын саясий үзөңгүлөштөрү белгилеп келишет. Мисалы, партиялашы, Жогорку Кеңештин депутаты Иса Өмүркулов, «Азаттыкка» ал жөнүндө: «Чоң сыноолордон өттү. Кыйын кырдаалдарда башкалардай качпай, сатпай туруп берди. Мунун өзү саясий лидерге мүнөздүү позициянын көрсөткүчү», - деп билдирген.
3 ирет катары менен бир мандаттуу округдан Жогорку Кеңештин депутаты болуп шайланып келген Сооронбай Жээнбеков 2007-жылы Алмазбек Атамбаев баштаган өкмөттө айыл чарба жана өнөр жай министри кызматына келип, жарым жылдан кийин жумушун тапшырып отставкага кеткен. 2007-2010-жылдар аралыгында ал ишкерлик менен алектенет. Мамлекеттик жумушта иштебеген бул 3 жыл оппозицияда жүргөн саясатчылар үчүн оңой эмес жылдар болду. Ал жылдарда деле Жээнбеков саясий багытын өзгөрткөн жок. Партиялаштары белгилегендей, «качпай, сатпай» оппозициянын катарында жүрдү.

ҮЙ-БҮЛӨСҮ

Жаңыдан шайланган президенттин үй-бүлөсү тууралуу да маалымат аз. Сооронбай Шариповичтин жубайы Айгүл үй кожойкеси. Алардын ортосунда бир уул, бир кызы бар. Президенттин кызы Бактыгүл Кыргыз-Орус Славян университетинде окуйт. Жогорку Кеңештин депутаты Алиярбек Абжалиевдин уулу Атабек Абжалиевге турмушка чыккан. Жакында эле ал Сооронбай Жээнбековго таята статусун ыйгарып, наристелүү болгону маалым. Эң аз маалымат президенттин уулу тууралуу. Анын окуучу экени гана белгилүү.


ГУБЕРНАТОР, ӨКМӨТ БАШЧЫ, ПРЕЗИДЕНТ

2010-жылдагы Апрель төңкөрүшүнөн кийин Сооронбай Жээнбеков Ош облусунун губернатору болуп дайындалат. 2012-жылы өкмөттүн Ош облусундагы ыйгарым укуктуу өкүлү кызматына бекийт. Ал дээрлик 5 жыл бою өлкөдөгү ири облустун эки тизгин, бир чылбырын колго алып иштеп келди.
2015-жылы Мамлекеттик кадр кызматына жетекчи болуп барып, аз өтпөй Президенттик аппараттын жетекчисинин биринчи орун басарлык кызматында иштеп баштайт.
Ал эми 2016-жылдын апрель айында Кыргыз Республикасынын Өкмөт башчылык кызматына дайындалат. Белгилей кетүүчү жагдай, Сооронбай Жээнбековдун өкмөтү жетишкендиктери менен мактана бербеген өкмөт болду. Деген менен коомчулукка жарыялай турган жетишкендиктер бар болчу. Мисалы, премьер Жээнбеков өкмөттүн ишин, өлкөнүн экономикасын дээрлик 7 пайызга, экспортту 30 пайызга өстүрүү менен өткөрүп берди.
Үстүбүздөгү жылдын 15-октябрында Сооронбай Жээнбеков президенттикке шайланды.
Жаңы президенттин эки бир тууганы саясий кызматта. Агасы Жусупбек Шарипов Кыргыз өлкөсүнүн Кувейттеги элчиси болсо, иниси Асылбек Жээнбеков Жогорку Кеңештин депутаты, экс-төрагасы. Кыргыз эли көп бир туугандуу президенттердин жакындарынын мамлекеттик башкарууга кийлигишүүсүнөн жалкып калган. Сооронбай Жээнбеков үгүт маалында «мен жол туткан ишеним – «тууганчыл бийде ыйман жок» деген кыргыздын накыл кеби»,- деп туугандарын мамлекеттик башкарууга кийлигиштирбей турганын айтып, убада берип жатты.

АТА СӨЗҮ

Калың эл жаңы өлкө башчыдан стабилдүүлүктү, өнүгүүнү, жумушсуздуктун жоюлушун, чет өлкөлөрдө каруу-күчүн сатып, жанын оозуна тиштеп иштеп жүргөн мигранттарга өз үйүнө, үй-бүлөсүнө кайтып келүүгө ылайык шарттарды түзүүнү, акыйкаттуулукту күтөт.
Сооронбай Жээнбековдун: «Раматылык атам «байлык, бийликтин артынан кууба. Жараткандын буйругу болсо, сенде баары болот. Жаңы жумушка, кызматка барсаң көп сүйүнө бербе, андан көрө ошол жумуштан кандай акыбалда кетесиң, баш көтөрүппү же басыныппы, ошону ойло. Мамлекеттин колу узун. Бир күн болбосо, бир күнү күнөөлүүнү табат. Уурдаба. Ак иште» деп айтчу. Анын бул сөздөрү менин жашоо принциптериме айланган. Мен дайым аны сактаганга аракет кылам»,- деп айтканы бар.
Демек, макаланы жаңы өлкө башчы элдин үмүтүн жана ата сөзүн актаган инсан болсун деген тилек менен жыйынтыктоо максатка ылайык болот.

[ajdaaar]

Ушул генерал деген никтеги бала жердеши Сооронбайды мактап буто албай койду да...

Сооронбай тууралуу бийликтин Арзыматтары мин турдуу, чындыктан алыс мактоолорду жаадырган менен андан Соке онолуп, жакшы адам болуп кетпейт... Мына Мырзакматов тууралуу аны мактаган макала болбосо да, ал кишинин Ош шаары учун жасаган эмгегин калын эл билет...

Ал эми Сокенин кайсы ишин эл билет?!! Соке 22 жылдык саясий карьерасында эл учун эмне жумуш жасаптыр, ким санап берет?!! Соке башкасын коюп, кулаган самолеттону айфондор кайда экенин, анын ээси ким экенин айтсын элге!!!

[ajdaaar]

Баса Сокенер жакшы адам болсо, ушундай ыплас шайлоо менен такка келбейт болуучу!! ! Намыстуу, ыймандуу адам мындай ыплас жол менен бийликке келбейт, намысы жол бербейт... Соке кандай жол менен бийликке келип жатканынан билсе болот, колунан жакшылык келбесин, буга чейин да элге пайдасы тийген эмес 22 жылда.....

[dinajanka]

И что!?
Билсекле бир нерсе озгордубу? Талашкан менен толк жок!!!

[General.kg]

Матраимовдор менен Жээнбековтарды эки тараптан көрсөтүп койдум болгону Жээнбековдарды мактаганым эмес чынында булар мафия деп уккам!
Баяман менен Асылбектин тирешин бүтүндөй түштүк жергеси билет.

Мен Жээнбековдарды сырттан гана билем себеби булар райондун борборунда мен Алай-Куу өрөөнүнөн болом!

[Kyrgyz_bloger]

Мен билгенден бизде бир гана тууганчылык жердешчилик деген кландар бар го дейм