Күйөө сатам ким алат?

(2 )
1
2

Күйөө сатам ким алат?

#1 Zaatulilm 01 Сентябрь 2018 - 22:44

Карапайым

Кыймылы жок
188
19 Июнь 18
: 13 Янв 2025 17:31

Башка сайттан алынды

Күйөө сатам ким алат?

Аман экөөбүз бир айылданбыз. Ал жогорку окуу жайды аяктаган билимдүү жигит эле. Бири-бирибизди жактырып баш коштук. Аман мектепте иштечү. Анын тапкан акчасы менен күн кечирип, баарына жеткирип беш балалуу болдук. Жашообуз элдин асты болбосо деле, элден артта калбай тирилик өткөрдүк. Мектепте жакшы мугалим болгондуктан бат эле көтөрүлүп, окуу завуч андан кийин мектеп директорлугуна көрсөтүлдү. Амандын иши алга жылып, балдарыбыз чоңоюп, жашообуз кызыктуу өтө баштады. Мектепке директор болгонуна эки жыл айланганда чоң класстын балдары мушташып, жакшы иштей албагандыгы үчүн Аман сөгүш алды да, өз каалоосу менен иштен кетип, үйдө олтуруп калды.

Ара чолодо ар түрдү иштерди жасап акча тапканы мага жакпады. Мен иштемек болдум. Кичүү эгиз уулдарым колумда эле. Аны Аманга каратып коюп, Дордой базарында иштеген классташ кызымдан товар подрял алып, башка бир базарга сата баштадым. Барган сайын ишим алга жылды. Контейнер сатып алдым. Киреше кудайга шүгүр. Улам акча көбөйгөн сайын, пейилим өзгөрдү. Каада күттүм. Үйгө барсам, Аман тамак жасап үй ичинде олтурганы жинимди келтирчү болду.

Бир күнү Аман иш тапты. Маянасы сегиз миң экен. Мага жакпады. Үйдө олтур мен балдарды караганың үчүн он миң төлөп берем деп олтургузуп койдум. Ошол болду Аман үйдө олтуруп калды. Мен болсо, контейнерлерди көбөйтүп бир топ байып кеттим. Эри бар эле деген аты болбосо, Аманды киши ордуна көрбөй калдым. Өзүмө окшогон базарчы досторду таптым күндө майрам күндө той. Кыялымда акча тапкан киши ушундай болот десем керек.

Бир күнү базардан маанайым жок бардым. Аман тамак жасап мени күтүп жатыптыр, балдарым паркка эс алганы кетишиптир.

— Айнур, апам ооруп жатат экен шаарга алып келип каратсак кантет деди Аман батына албай?

— Ооруса эмне, сенден башка баласы жокпу? Же сен акча таппасаң, — деп бурк эттим.

— Сен акча тапканыңдан баштап өзгөрдүң.

— Сен деле таба бер. Же сен тапкан акчаны мен талаштымбы, — дедим. Ичимдеги көптөн бери жүргөн кыжырымды чыгардым. Ошол күндөн баштап, жолдошумду урушууну адатка айланттым. Ал кыялыма көнүп деле калды көрүнөт кагып-силксем унчукпай кутулчу адат тапты. Жашообузду башка нукка бурган окуя болбогондо балким үй-бүлөбүз бузулбас беле, окуядан дагы бузулууга өзүм шарт түздүм көрүнөт.

Шаарда жашаган классташ кыздар шерине ойночубуз. Адаттагыдай шеринеде Айдай деген классташ кызыбыз Москвадан келе жатканын кеп салып олтурдук. Эмки шеринени Айдай келгенде өткөрүнү кеңешип тарадык.

Бир күнү «Айдай шаарга келиптир, шеринени өткөрсөк кантет?!! » — деп Марзия мага телефон чалды. Шерине өткөрүү менин кезегим болгону үчүн макул таптым. Шаардагы мен деген элиталык ресторандардын бирине өткөрүүнү чечтим. «Майда-чүйдө көтөргөнгө жардам бер» деп жолдошумду ээрчитип алдым. Курбуларым келгенче столдорду жасатып, күтүп калдык. Көп өтпөй кыздар чогуу кирип келишти. Кучак жайып тостум. Кетүүгө кам урган Аманды курбуларым, «Биз менен чогуу тамактан» деп калтырып коюшту. Кече шаңдуу өтүп жатты. Бөтөлкөлөр биринин артынан бири бошоп, ортодо сөздөр көбөйдү.

— Канча балаңар бар, — деп Айдай, баарыбызга суроо узатты.

— Менде бешөө, — дедим. — Сендечи?

— Менде жок. Жолдошум менен 18 жыл жашап, балалуу болбой ажырашкам. Түгөйсүз жаман экен.

— Ой, эмне кыжаалат болосуң, күйөөсү жок кайра «проблема» жок жыргалда, — дедик бир ооздон.

— Билбейм, мен көнө албай жүрөм жалгыздыкка, — Айдай муңайды.

— Ээ, сен кызыксың го. Азыр акча болсо баарын жасасаң болот. Керек болсо, күйөө сатып аласың, — деп күлүп калдык. — Айдай каалайсыңбы, мен күйөөмдү сага сатайын, — дедим оолжуп. Аман ордунан тура калып, — Айнур, сага эмне болду? — деди.

— Эч нерсе, акча таппаган күйөөнүн кереги барбы, сени сатып жиберейин, — дедим оолуга. Аман унчукпай, өңү оңгон чүпүрөктөй бозоруп, олтуруп калды.

— Айдай сатып аласыңбы? Же акчаң жетпейби? — деп каткырдым. Адам эмес, күчүк сатып жаткансып,

— Канчага сатасың? — Айдай сурады.

-100,000 сомго, — дедим. Оюмда Айдайды жөн эле элдин көзүнчө басынткым келди.

— Айнур, кой сен билесиң, мен бир сөздүү аялмын. Аманыңды сатып алсам, кайрып бербей коём. Кийин ыйлап жүгүрбө! — деп күлгөн болду. «Ыйлап» деген сөзүнө териге түштүм,

— Эмнеге ыйламак элем. Акча таппаса, бизди бакпаса дедим кебелбей. 100,000 сом бер да, алып кет!

— Жарайт! Алаарың 100,000 сом болсо берем. Бирок, кийин таарынышмай жок.

— Таарынбайм, келе колду, — Колумду сундум.

-Көргүлө достор, кийин мени күнөөлөбөгүлө! — деп Айдай баарыбызга тигиле карады. Ким билсин баары тамаша катары көрдүбү, «давай» деп кыйкырышты. Кооз чоктой кызыл сумкасынан акча сууруп чыгып, эсептеп Айдай мага сунду.

— Оо, акча — деп колума алып жыттап койдум. — Рахма-аат, — дедим каткыра.

— Сага да рахмат! Мени күйөөлүү кылганыңа…

Айдай ордунан турду да Аманды карап:

— Аманчик, жүрү кеттик, бүгүндөн баштап менин күйөөмсүң! — деп баарыбыз менен салкын коштошуп, басып кетти. Айдайдын артынан Аман эч ким менен коштошпостон, чыгып кетти. Шалдырап эле жаман түш көрүп жатканда оозумдан сөзүм түшүп эле олтуруп калдым. Баарыбыз кызыктай болуп калдык.

— Айнур артынан чык! Кайда кетишмек эле. Сенин тамашаң орунсуз болуп калды! — деди Марзия. Сыртка чыктым. Экөө Айдайдын джип машинасына олтурушту да, жүрүп кетишти. Соодасы өтпөгөн [moderated]дай болуп туруп калдым. Артымдан кошо чыккан Марзия мени колтуктай ичкериге алып кирди.

— Кайда кетишмек эле. Аман үйгө кетсе керек таарынып калды да дешти. Көпкө олтурбай тарадык. «Аман үйгө келет» деген ойго жетеленип үйгө келдим. Келбептир. Мени коркутуп койгусу келсе керек деген ойдо калдым. Ичимдеги ичимдиктин күчү менен бат эле уйкуга кеттим.

Аман эртеси да келбеди. Анын эртеси. Ошентип көп күн өттү. Балдарым атам кайда деп сурай баштаганда, Аманга телефон чалдым. Көпкө барып Айдай жооп берди.

— Алоо… угуп жатам!

— Аман барбы?

— Ким сурап жатат?

— Мен Айнурмун.

— Аа Айнур сенби, кандайсың?

— Жакшы.

— Аман эми меники! Сен өзүң сатып жибербедиң беле. Экинчи чалып тынчыбызды албачы ээ. Мен кызганчаакмын, — деди. Оозумдан кебим учту.

— Жаным, ким экен? — деген Амандын үнү угулду. — Аа адашкан бирөө экен… — деп телефонду өчүрдү. Жүрөгүм ооруп, көзүм караңгылап, өзүмдү жоготуп бараттым. Ооруканадан өзүмө келдим. Жанымда апам ыйлап отуруптур. Эмне болду кызым, жакшы болуп калдыңбы?

— Ооба апа, жакшымын.

— Балдарың чалгандан кийин, келдим. Эмне болду өзү? Аман кайда? Аманга телефон чалсам башка аял жооп берип жатат. Кайненеңе байланышсам, окуянын чоо жайын кызыңдан сура деп койду. Деги тынчылыкпы, айтчы ботом?..

— Жакшы эле апа. Балдар кайда?

— Балдарың жакшы. Өзүм карап жатам. Эмне болгонун өз оозуң менен айтаарсың деп кыжырдана кетти. Мен апамдын сырын жакшы билгеним үчүн, баштан аяк айтып, бирок Аманды сатып жибергенимди айталбадым. Кыжыры келген апам этегин кагынып туруп кетти. Мени менен коштошпой сыртты көздөй жөнөдү. Унчукпай шыпты тиктеп жатып калдым. Ооруканадан чыктым. Үйдө мени көпчүлүк күтүп жатыптыр.
Машинеден түшөрүм менен, апам башымдан суу айлантып алыс чачты. Кайната-кайненем, кайын журтум түгөл келишиптир. Менин бир-туугандарымда чогуу. Тамак ичилди. Дасторкого бата кылынды, менин апам кепке келди.

— Балаңар көпкөн экен. Кызым менен жашап жатып, башка катындын үстүнө кирип алып… Ой ооруп жатканда келип койбойбу жок дегенде. Беш баланын жүзү үчүн?

— Кызыңызда күнөө. Кайненем кепке келди. Менин баламдан бешти төрөп алып, уул үйлөп кыз чыгарарда торпок саткансып, уулумду сатып акчасын алат деген эмне деген шумдук.

— Эмне деп кызыма жалаа жаап жатасыңар? Баарыңардын тилиңер бир тура. Апам кыжырдана ордунан турду. Аман кайда жүрөт. Мен аны түрмөнүн түбүндө чиритем.

— Аман эле керек болсо, азыр чакырам, келет. Бирок кудагый, абайлаңыз, ушунча жыл жакшы куда болдук, сый бойдон калалы! — деди кайненем. Менде сөз жок. Оозума талкан сугунган өңдүү олтурам эмне кылып койдум эле деп. Көп өтпөй Аман Айдай менен кошо кирип келди.

— Кандайсыздар? Жакшы турасыздарбы?

— Жакшыбыз. Апам кекете жооп узатты. Менин кызымдын башын аттап кетчү сенсиңби? Андай эркек экенсиң, башын ачып кетпейт белең?

— Апа, сиз туура эмес түшүндүңүз. Айнур мени сатып жиберди. Ага акча таппаган эркектин кереги жок имиш.

— Жаныңды жебе.

— Айнура, тур өзүң айт, кантип сатканыңды… Аман мага кайрылды.

— Апам мага бурулуп, — Чынбы? — Чын апа… — дедим. — Аманды саткам Айдайга.

— Айдай, кайсыл классташыңбы? Апам суроо узатты. Айдайга карап, — Айдай, уялбайсыңбы, бирөөнүн күйөөсүн тартып алгандан, — деди.

— Айнур, мен сага башында айткам. Бул эмне кылыгың, мени жаман атты кылып, өзүң акча таппаган эрди сатам деп туруп алдың, мен сатып алдым. Сүйлө, барын баштап коюп отура бербей, — деди мени карап Айдай.

— Туура саткам. Айдайдын сөзүнө чыйралдым. Бирок биз мыйзамдуу аял-күйөөбүз. Кыргызстанда кош никелүү жок.

— Аның чын Айнур, бирок сатып жиберип артынан ызы-чуу чыгарыш уят иш. Мага Аман керек эмес дебейм. Аман өзү тандасын. Менин боюмда бар. Сени менен калам десе өз иши. Мени менен кетем десе каршы болбойм. Тандоо Аманда.

— Мен Айдай менен кетем. Айнур сен кыжаалат болбо, нике күбөөлүгүн кыркууга арыз берип койдум. Эми өзүң каалагандай жашайсың! — деди. Апам «түшүнбөй жатам, баарын башынан айткылачы» — деп суранды. Аман ордунан туруп, үйлөнгөндөн баштап ушул күнгө чейинки турмушубузду тизмектеп айтып берди.

— Айнура ушул аныкпы деди атам, ооба дедим ындыным өчө.

— Бетиң курсун сенин. Эркекти кор туткан деп жекире карады.

Аман ордунан туруп, баарына карап, — Мени кечиргиле. Бул да болсо тагдыр. Менин беш балам бар. Буйруса, дагы көбөйөт. Айнурдагы балдарымдан баш тартпайм. Жардам берем… Жолугам дегендей… Бирок Айнура менен жашабайм. Башын бошотом, кааласа турмушка чыксын… Айдай менен калам. Айдай мага экинчи жашоо берди. Эркек экинимди эске салды. Мен бул дүйнөгө экинчи ирет жаралгандаймын. Мени кечиргиле, жумуштарым көп, — деп коштошуп, Айдайды жетелеп чыгып кетти. Баарыбыз унчукпай олтуруп калдык. Айрыкча менин туугандарым өтө сөзгө сынып калышты. Кайын журтум мени менен суз, балдарым менен эзилише коштошуп чыгып кетишти. Менин төркүнүм калды.

— Ата, эмне кылабыз? — улуу агам сөз узатты.

— Эмне кылмак элек. Өз тагдырын өзү чечип, тарыхта аты калчуудай жорук жасаптыр го карындашың, эми эмне кыла алабыз. Акчага көөп, көзүн май басса олтура берсин эми.

— Балким сотко берип, кайтарарбыз ата, — эжем суроо узатты.

— Кантип?!! Бул акмак эркекти тебелеп сатып жиберсе… Аман намыстуу жигит, кайрылбайт! Кызым адашты… — деп атам баш чайкады.

— Аман келесоода, — апам чебеленди. — Сатса эле сатылып кете береби?!! Итке окшоп бир катынды ээрчип…

— Аман сабырдуу жигит экен. Сатып акчасын алса, унчукпаган. Мен анын ордунда болгонумда, мени саткан аялымды муздап салып, жооп берчүү жерге өзүм бармакмын, — деди атам. Жүрөгүм зырп этти. Аман мени өлтүрбөй, бирок бычаксыз муздап кеткенин сездим.

— Эми кызым, биз кетели. Атам кеп учугун улады. Башың аман, балдарың аман тиричилигиң жакшы, жашай бер. Катуу жаңылдың. Эми бир бүтүм чыгарарда абайла. Өзүңдү жакшы карап, тууган-душманга сөз болбо. Биз бар, бир-туугандарың бар сени жалгыз калтырбайбыз. Ыйлап жаттым, баары кетти. Балдарымдын бетин карай албай, уктоочу бөлмөгө кирип жатып алып, буркурап боздоп ыйладым. Мен Аманды чындап жакшы көрөрүмдү ошондо гана сездим.

Кезектеги шерине

Кезектеги шеринени Асылзат өткөрдү. Айдай кеч келди. Өзү келбей Аманды ээрчите келгенин кара. Ичимди ит тырмагандай болуп, жаман болдум. Аман сулуу болуп кетиптир. Же мен сагынганга ошондой көрүндүбү, айтор, өтө сулуу. Айдай аябай бактылуу, ичи билинип калыптыр. Бир жакка бармак элек деп эрте кетишти. Кайда барышарын эң жакшы билет элем, бүгүн кайненемдин туулган күнү… балдарым куттуктап кетишкен. Аны эстеп жүрөгүм бир эңшерилип алды. Алар кеткенден кийин курбуларым Айдайды жамандашты. Мага «өзүң жалгыз кылдың» деп асылышты.

— Эми кетчү кетип, келчү келди, эмнеси болсо да баары аман. Келгиле Айнурда өз теңин тапсын, — деп кыздар тост көтөрүштү. Көпкө олтуруп кызуу кайттым. Үйдө эч ким жок экен. Диванга куладым. Жалгыздыктын кучагында көңүлсүз отуруп, ошол бойдон уйкуга кеттим…

Аман кеткенине жыл айланды. Акча көп. Бары бар. Бирок жашоомо Аман жетишпей келет. Сагынуу… Күтүү…
Бүгүн ал эгиз уулду болгонун угуп, жанымды жерге коё албай, бул жакка келдим, — деп сөзүн аяктады.

of the page up there ^

#2 kalima88 02 Сентябрь 2018 - 03:35

Активист

Кыймылы жок
881
24 Декабрь 15
: 31 Дек 2021 04:11
Жынысы:Аялзаты
Калаасы:Москва.

Саал ишенбегендеймин, кантип болсун ушундай?

Комурго эле эмес, баарына бай - Таш- Комурум,
Кайда журсом сени мн го ой- конулум.
Мезгилге багынбаган балалыкта ,
Кучагында канча ойнодук чан торундун.
Шамалынды сагынганда шашып жонойм,
Шахталардын кен Мекени -Таш - Комурум!

of the page up there ^

#3 Yago.limon 02 Сентябрь 2018 - 09:56

Активист

Кыймылы жок
827
17 Май 18
: 13 Янв 2020 10:20
Жынысы:Аялзаты
Калаасы:Алыстамын

Окуя чын болсо...

*** мектептен башка иш тапса болбойт беле,ошончо басынып отура бербей...Айнура кылган сооданы,Аман деле кылса болмок го дейм

***апасы ооруганда деле намыска келсе кеч эместтир эле...

***сатып жатканда 100,000ди санагыча отура берген эркеке элестегичим опшум иштебей калды.Кийин балдары билсе кандай кабылдашаар экен...отумдуу эркек спор башталганда токтотсо керек эле,же эртеси деле башкача чечим кабылдаса болмок да,5баласын таштап...кыскасы Аманды тушунуп,туура дегендер аз,а мен тушунбогондор арасындакем.

of the page up there ^

#4 Romantik. 02 Сентябрь 2018 - 10:22

Активист

Кыймылы жок
742
21 Ноябрь 16
: 23 Июл 2025 18:04
Жынысы:Эркек

Чынбы же чыгармабы сонун окуя экен...

of the page up there ^

#5 biznes 02 Сентябрь 2018 - 11:24

Активист

Жаран
1 182
22 Январь 16
: 20 Окт 2025 20:31
Жынысы:Аялзаты
Калаасы:Бишкек

Бул башка сайтта жүргөн айланайындар

of the page up there ^

#6 vikidiki 02 Сентябрь 2018 - 11:33

Активист

Кыймылы жок
646
16 Февраль 18
: 10 Фев 2021 00:49
Жынысы:Аялзаты
Калаасы:Бишкек

Кечээ эле инстадан окуп келсем биякта журот. Ойдон чыккан чыгарма менимче. Ушунчалык подтакашник куйоо болбойт эй. Эркектик намыстан бир чымчым да жок го.

of the page up there ^

#7 Nazka29.07.91. 02 Сентябрь 2018 - 12:21

Карапайым

Кыймылы жок
152
09 Август 18
: 02 Ноя 2018 12:56

Ото эле шалпыйган эр экен эледа.

of the page up there ^

#8 Sagyn.91 02 Сентябрь 2018 - 12:42

Супер-активист

Кыймылы жок
3 565
26 Май 16
: 19 Янв 2025 19:49
Жынысы:Эркек
Калаасы:Ата-бабам өткөн жер...

Аялына бир соз айта албаган кандай киши бул.

Сатам дегенде эле аялын жанчып, чачынан кармап сыртка судуроп чыкса болмок, мына баалашкан кандай болоорун коргозуп, талагын берип! эркек башы мн кантип чыдап отурду, аялдардын алдында басынып, жер карап.

of the page up there ^

#9 Bek_abad 02 Сентябрь 2018 - 13:05

Супер-активист

Кыймылы жок
2 467
14 Август 15
: 24 Июл 2025 15:53
Жынысы:Эркек
Калаасы:Москва (Жалал-абад)

Ушундай кантип болсун?
Арзан сатып коюпсунго.))
Ооруканадан чыга элек боюнда болуп, анысы жылдар айланып эгиз төрөлсө... Кичине окшоштуруп жазбаптырда.

of the page up there ^

#10 Maero 02 Сентябрь 2018 - 13:41

Активист

Кыймылы жок
1 208
17 Февраль 14
: 08 Июл 2025 02:20
Жынысы:Эркек
Калаасы:Москва

Теманардын аты, кыжырды келтирет го! Окуганына сооп берилген, китепти окуганга не жетсин.Кайран гана алтынга алмашкыс убакыт!

of the page up there ^

#11 Pandora 02 Сентябрь 2018 - 13:58

Активист

Кыймылы жок
1 082
14 Ноябрь 15
: 26 Сен 2020 20:37
Жынысы:Аялзаты
Калаасы:Ата-энемдин журогу...

Ойдон чыгарылган окуя боюнча эле калсынчы... Темасы эле адамдын уйурун учуруп адамды жийркентет экен.

Мен дуйнону апам менен тааныгам..... ...

of the page up there ^

#12 asefsa 02 Сентябрь 2018 - 14:48

Карапайым

Кыймылы жок
123
08 Май 16
: 09 Фев 2022 20:25

Шумдугун кур

of the page up there ^

#13 Disease 02 Сентябрь 2018 - 17:29

Карапайым

Кыймылы жок
110
26 Сентябрь 17
: 26 Сен 2019 22:44

Жашоо деген кызыкда эми бул чынбы же калпбы билбейбизгоо бирок ар бир уй бүлөөдө эркек өз ордунда аял өз ордунда болгон жакшы акча адамды эмне гана кылбайт бирде маңкуртка айлантса бирде боорукер адамга айлантат азыркы күндө акчаны биз иштетпей эле акча бизди иштетет

of the page up there ^

#14 Mydearzh 02 Сентябрь 2018 - 17:40

Супер-активист

Кыймылы жок
2 883
18 Сентябрь 17
: 15 Фев 2022 23:42
Жынысы:Аялзаты
Калаасы:Жакшы адамдар арасы...

of the page up there ^

#15 aijan 02 Сентябрь 2018 - 18:22

Супер-активист

Кыймылы жок
10 994
18 Май 07
: 29 Мар 2021 22:03
Жынысы:Аялзаты

Ошончо жыл бирге жашап анан ажырашканда жолдошун же жубайын кандай адам болбосун, мейли алтын, мейли момун, мейли ажыдаар, ажыроо оор. Бул ушундай убак, жон гана жашап отуу керек. Болоору болуптур, куноо экоондо тен, эми ага кайгырганда эмне. Жашоо буткон жок мындай караганда. Жолдошу учун кубанып койууга эмнеге болбосун) Анан да бал айы да бутот, жаны аялы торойт, жанагы эле тирилик башталат. Бул аялы менен жашап кетирген каталарын кетирбесе жана жаны аялы акылдуураак, амалдуураак, которумдууроок болсо, албетте, жашоолору ширин уланат. Болбосо...кырктагы аял торотту кандай которот, денсоолугуна кобуроок кам коруу кажет болот, декретте момун куйоосунун козун карап отурган маал болот. Бул убактан кандай отуп алышат, бул жагы бар. Айтор...жомоктор гана тойдон кийин "аягы" деп бутот, а жашоодо тойдон кийин канес келгени опурталдуу)))
Бул сатып ийген аялдын эле куйоосу учун жакшы жашоого шанс эмес, бул аялдын озуно деле жаны мумкунчулуктор болуп жатпайбы) Али эмне уттурду, эмне утту, тушунуксуз) Эмоцияларга бир жыл берсин, сон корот анан. Айтор...жашоо олум келмейинче токтобойт.

Кенештерим - кетирген каталарымдын жыйынтыгы.

of the page up there ^

#16 Osh.city95 02 Сентябрь 2018 - 19:23

Карапайым

Кыймылы жок
135
30 Декабрь 17
: 09 Май 2019 17:48

+++++

of the page up there ^

#17 rahat84 03 Сентябрь 2018 - 13:57

Момун

Кыймылы жок
5
28 Июнь 15
: 28 Фев 2022 09:57
Жынысы:Аялзаты

Бул, албетте корком чыгарма. Корком чыгарманы адамдар туура жагын, тарбиялык маанисин тушунуу учун чыгарышат.

of the page up there ^

#18 Aigerim.baxa 03 Сентябрь 2018 - 20:31

Момун

Кыймылы жок
22
19 Июнь 18
: 08 Сен 2018 01:23

Куйоосу мектепте иштеп Окуу болумунун башчысы завуч кийинчерек мектеп директорлугунда иштеген адамды элестетип жатам унчукпай отурганын. Чыгарма эле болсун