116 камера

#1 Aijan06 11 Октябрь 2021 - 12:01

Момун

Кыймылы жок
48
22 Март 13
: 01 Ноя 2021 17:31
Жынысы:Аялзаты
Калаасы:бишкек

1-БӨЛҮМҮ...

Пандемия,карантин бизге тааныш эмес сөздөр кулагыбызга сиңип,бир жакшы иштеп жүргөн жерибизден ковид деген балакет чыгып,заматта ишканалар токтоп,элдер үйүндө отуруп калышты.Айрыкча мигранттар үчүн карантин оор болду, көбү ишсиз калды,биздин квартирада тогуз адам жашайт элек,карантин башталганда төрт адам иштебесек жашаган жерибизге кантип төлөйбүз,элчилик жашаган жер,тамак аш менен камсыз кылат экен деп, элчилик тарабынан атайы мекендештер үчүн алынган мейманканага кетишти.Сен дагы жүр биз менен деп мага сунуш кылганда,баргандан баш тарттым.Кантип бармак элем,ичимдеги балам тыпырап,бүгүн эртең жарык дүйнөгө келем деп атканда мейманканага барганда толгоом келип калса,туугандарыма менин кылмышым ашкере болуп уят болбоймунбу? Кой андан көрө квартирада жашап турайын дегениме,ой барсаң болмок бекер жашоо,бир аз жеңилдик болот деген бир квартирада жашаган жердештерим менин кош бойлуу экенимди билишпейт болчу.Боюмда болгондон баштап ичимди байлап жүрдүм,өзүм толугураак кыз үчүн эч ким менин боюмда бар экенин билбейт эле.Аркы бөлмөдө квартираны ижарага алган хозяйка жакында тийген күйөөсү экөө,берки бөлмөдө менден сырткары бир кыз,бир бала бар.Бугун эмнегедир эрте уктадым.Ичимдин катуу ооруганынан ойгонуп кетип,эмне кылаарымды билбей дааратканага жөнөдүм.Бирок бул кадимки ич оорудан өзгөчөлөнүп, курук ооруп аткан.Эптеп ичимди кармап ваннага кирдим, көрсө менде толгоо келип жаткан экен.Ваннаны ичинен култап,кара тер кетип атып,акыры уул төрөдүм.Ооба, мен бул жарык дүйнөгө баланы алып келдим,бирок эми ата энем,бир туугандарыма эмне дейм,азыр мен жаңы төрөгөн баламды сууга тумчуктуруп өлтүрсөм,эч ким билбей калат деп ойлоп,толгоо тартып атканда ваннага суу толтура баштадым,жарык дүйнөгө келип,бир жолу ыңаалап, көзү ачылбай,денеси кан аралаш төрөлгөн баламды ваннадагы сууга салып,кокус ыйлаган үнү чыкса квартирадагылар байкап калбасын деген ойдо бет жагын сууга каратып,колум менен катуу басып туруп алдым.Эч нерсеге алы келбеген балам бетин сууга каратканда эле аба жетпей тумчугуп жан берди.Жарым саат мурда жарык дүйнөгө келем деп ашыгып жаткан балам,бул дүйнөгө келээри менен апасынын колунан жан берди.Кухняга кирип кара пакет таап келип,ваннадагы сууда калкып турган баламдын өлүгүн пакетке салып,пакетти ваннанын астына жакшылап бекитип,кан болгон полду жууп,эч нерсе болбогондой ордума кирип жатып алдым.Мен толгоо тартып ойгонгондо саат төрттөн өтүп калган болчу,азыр саатты карасам алтыдан кырк беш минута убакыт өтүптүр.Демек эки сааттын аралыгында төрөп, өз баламды өлтүргөнү жетишипмин, бирок ушул убакта бактыма эч ким дааратканага келген жок. Төрөгөн оор турбайбы,кадимкидей чарчап, уйкуга кеттим.Ойгонсом жанымда жаткан кыз ашканада жүрүптүр,ии кокус ваннага кирип бирөө жарымдын көзү өлүк салынган кара пакетти көрүп калбасын деп ордуман шашып туруп,үйдөгү мусорду ыргытканча магазинге чыгып келейин деп,ваннанын алдындагы баламдын өлүгү оролгон пакетти алып,сыртка мусорго ыргытып салдым.Эх үстүмдөгу оор жүктөн кутулдум,эми мусор менен кетип калса эч ким билбейт деп ойлоп,магазинге кирип нан алып квартирага кирдим.Чай даяр жүр ичебиз деп чайга чакырган Мавлюдага,рахмат дем алайынчы деп жатып,Москвага жаңы келген күндөн баштап,азыркы убагыма чейин өткөн окуяны көз алдыман өткөрүп жаттым.

Мектепте жакшы окудум,иш чараларга активдүү катышат элем.Спорт тармактан жакшы ийгилик жаратып, көптөгөн мактоо баракча алдым.Мектепти бүткөндөн кийин жогорку окуу жайга тапшырган жокмун.Акча төлөп окуганы шарт жок болчу.Ата быйыл Москвага иштеп,эмки жылы окууга тапшырам,акча топтойм деген сунушума атам каршы болгон жок.Мектепти жакшы бүткөнүм менен кендирди кескен жокчулуктан окута албай калдым деп атам өзүн күнөөлүүдөй сезип жүргөн.Москвада бир тууган бөлөм бар,апам ага телефон чалып мени күтүп алуусун,иш жактан жардам берип кой дегенде, бөлөм ой келе берсин тайэже,жакында мен кетем,менин ордума иштейт,мен баарын көрсөтүп кетем дегенинен,шашылыш билет алып,Москвага кеттим.Билетке акча жок атам кредит алып берди.Болом менден төрт жаш улуу, Москвада сүйлөшкөн жигити бар,экөө баш кошуу үчүн Кыргызстанга кетебиз деп жүргөн.Мени ээрчитип барып иштеген жериндегилер менен тааныштырып, документтеримди жасап берди.Башында үйдү сагынып кыйналганым менен кийин көнүп кеттим.Жакында кетем,ашыкча кийимдеримди машинадан салып жиберейин, жүр жезден келиптир,досунун машинасы менен алып барып келели,биротоло жезден менен тааныштырып коём деп мени ээрчитип алды.Боломдун жигити оор басырыктуу, аз сүйлөгөн жигит экен,жанындагы өзүн Темир деп тааныштырган досунун оозу жабылбай,жетер жерибизге жеткиче күлдүрүп барып келди.Силер кеткенден кийин мен кабар алып турам деп ой боюма койбой телефон номеримди алган Темир, бөлөм кеткенден кийин телефон чалып кабар алып турду.Болом кетип атканда Темир менен өтө жакшы мамиледе болбо,аны аялы, баласы бар деген үчүн мен жолугушууга баш тартып жүрдүм.Мен сени карындашымдай көрөм,жүр тамактанып келели деген Темирге чай ичип келсек эмне болуптур деп макул болуп,чайханага барып бирге тамактанып, кайра үйгө алып келип коюп атты.Бир күнү машинасында көпкө чейин сүйлөшүп отуруп калдык.Сиз эмнеге аялынызды Москвага алып келбейсиз десем,аялымды сүйбөйм,эмнеге алып келем,аны апам жактырып,мен үйлөнгөнмүн, эми апамдын кызматын кылып жүрө берсин,мен үйлөнүп тез эле Москвага келе бердим, сүйбөй үйлөнгөн жаман экен,эгер үйлөнбөй турганда сага үйлөнөт элем.Сени жактырып калдым деген Темир мага жакшы сөздөрдү айтып,акыры мени өзүнө көндүрдү.Ажар мен сени биринчи көргөндө жактырдым,аялым менен ажырашам,эки ай жашадым, көңүлүм жок айылга баргым келбейт деген Темир экөөбүз кыз жигит болуп жүрө баштадык.Эртен сага дем алыш,мен сени конокко алып барып келейин деген Темир мени Конькова метрого алып барып,бир бөлмөлүү квартирага алып киргенде ал жер суткага берилчү мейманкана экенин билдим.

Бул жерде ким жашайт,эч ким жокпу десем,жок жаным,атайы экөөбүз үчүн бир түнгө алдым, экөөбүзгө эч ким тоскоол болбойт деген Темир менен ошол түнү эле калбастан,эртеси жумушка ооруп атам бара албайм деп телефон чалып коюп, кечке ошол квартирада калдык.Сен кыз турбайсыңбы, мен сен жөнүндө жаман ойлодум эле,кечирип кой,Ажар эми сени эч кимге бербейм,сен меники болосуң,экинчи мага аялын,балаң деп сүйлөбө,адамдар беш баласы менен ажырашып кетип атат,баламы алып кетип бакса баксын,бакпаса экөөбүз багып алабыз,сага ишенем, экөөбүз көп балалуу болобуз деп алдаса,мага ишенет деп жүрө берипмин, башында эки,үч жолу мейманканага алып барып акчасын төлөп атты,кийин акчам жок,арендага акча чыкпай атат,бирок сени сагындым жаным,акчам болгондо жакшы болмок,бари бир үйлөнөбүз кичине чыда десе,мени сүйөт,акча кетирсем өзүмдүн келечектеги күйөөмө кетирип атам,башка кыздарга кетип калбасын деп мейманканага өзүм акча төлөп жүрдүм.Мен Темирди катуу сүйдүм,Москвага келээрде жакшы ниет менен,айлык алсам үйгө жиберип окууга чогултам деп келгенмин,Темир мага үйлөнөм дегенден кийин окууга болгон кызыгым кетип,Темирдин билесиң жаным,машина арендага алынган,аренда бергени акча жетпей атат,толобосом ээси машинаны алып коёт,клиент токто десе билбей токтоп алган экенмин,штраф алыптырмын, төлөшүм керек дегенине ишенип,айлык алаарым менен ага берип коюп аттым.Башында үч төрт жолу мейманканага акча төлөгөн болсо,кийин менден акча алып, эки эсе кылып чыгарып алды.Кийген кийимдерин топтоп алып келет,мен жууп, үтүктөп берем,продукта алып бербей,кайра мага манты жасап кой,бүгүн самса кыл кеч барып алып кетем десе,макул болуп айтканын кылып жүрдүм.Бир күнү Ажар выкупка машина алайын деп атам,ай сайын төлөп кутулуп коёт экенмин,кандай деп ойлойсун,сен менин келечектеги аялымсын,сени менен акылдашпай ким менен акылдашам, өзүбүздүн машинабыз болсо жакшы,айына жүз миң таап коет,ушинтип жүрө бербей ата энендин алдына үйдөгүлөрдү жөнөтүп сага үйлөнөйүн деп айтканда,ии жакшы го,машина алыңыз,аренда толойм деп отурбайсыз дедим кубанганымды жашырбай,машина жөн бербейт экен жаным,башында акча бер деди,акча жок болуп атат, каяктан акча тапсак деп олумуш болуп ойлонуп,акыры кредит алып берчи деп айтты.Болочоктогу күйөөм,айына жүз миң тапса төлөп коёт,эртең эле эрге тийсем өзүм төлөшөм деп,макул болуп Байбол деген кредит берген жерден алып бердим.Мен кредит алып бергиче, жаным машинаны алсам,сени эч нерседен кем кылбайм,анан үйлөнөбүз деген сүйгөнүм мен кредит алып берерим менен жаным капа болбой күтүп тур,атам катуу ооруп атат экен,жакында келем,азыр аэропорттомун деп ватсаптан смс жазып,ошол боюнча телефонун өчүрүп салды.Темир кеткенден кийин кош бойлуу экенимди билдим.Таксикоз кыйнап,ишке барып барбай жүрүп кредитти төлөй албай калдым.Мен Темирди келет деп ишенип күтүп жүрдүм,башында атасы ооруп атса чалаар балким өтүп кетсе кайгырып аткандыр дедим.Бирок арадан төрт ай өтүп,Темирден кабар болбогондон кийин үмүтүмдү үзүп,боюман алдырам деп ооруканага барсам кеч деп врач макул болбой койду.Эми эмне кылам,ата энем билсе мени өлтүрөт деп ойлоп,баламды балалуу болбогон үй бүлөөгө бермек болуп, инстаграм аркылуу жарыя берип издештире баштадым.Коп адам бала багып алабыз деп жазып атышты,балага зар адамдар көп экенин билип,баламды жөн берип койгум келген жок.Жуз миң акча,кийим кылып беребиз балаңды бизге бер деген эжеге макул болуп,ал мага акча салып,мен Кыргызстанга билет алдым.

Уландысы бар

of the page up there ^

#2 Aijan06 11 Октябрь 2021 - 12:02

Момун

Кыймылы жок
48
22 Март 13
: 01 Ноя 2021 17:31
Жынысы:Аялзаты
Калаасы:бишкек

2-БӨЛҮМҮ...

Билет алып Кыргызстанга кете турган күнү аэропортко бардым.Менин баламды ала турган үй бүлөө бала төрөлгөнгө чейин мени багып,бала төрөлгөндөн кийин жүз миң берип мен үйгө кетмек элем.Тилекке каршы аэропорттон карызын бар экен, судебный приставга өтүптүр деп өткөрбөй коюшту,жалдырадым, ыйладым,боюмда бар деп айттым,бул кылган аракеттеримден майнап чыккан жок,бари бир өткөрбөй коюшту.Айла жок эжеге телефон чалып кредитим бар эле, төлөбөгөн үчүн аэропорттон өткөрбөй коюшту десем,мага ишенбей сен аферист окшойсун,эптеп бизге билетке акча салдырып алдын деп мени урушуп кетти.Эже чын эле өткөрбөй койду деген сөзүмө ишенген жок.Боюмда бар экенин эч ким билбеши керек деп ичимди катуу таңып жүрдүм,боюм узун үчүн билинбеди окшойт.Эптеп күнүмдүк иш таап иштейм,боюман түшүп калса экен деп оор нерселерди көтөрдүм,секирдим, түшкөн жок.Акыркы убакта ойлогонум ичимдеги балам болуп калган.Акыры айлам кетип,жок дегенде кредитти төлөсүн,Темирдин номерин сурайын деп бөлөмө ватсаптан чалып,ал жайын сурагандан кийин,Тимур аяшыныз жүрөбү,сиз кеткенден кийин кабар алып жүрдү,жакшы адам экен,Кыргызстанга кетем деген эле,эгер барган болсо апама айтып күрүч,курут алдырайын дедим эле десем,ии сага келем деп айткан беле,анда келебй калган окшойт,аялы кеткен Москвага,экөө иштеп жүрөт деген бөлөмдун эч нерседен кабары жок болчу.Аа макул анда башка бирөөлөрдөн алдырам дедим мен да сыр бербей.Акмак, мени алдаган турбайбы,эки дуйно жакшылык көрбөй калгыр деп ыйладым,акча жок кыйналдым,менин боюмда бар экенин эч ким билбесин деп элден жашырдым.Мен баламды өлтүрүп жатканда Тимур көз алдыма келип,ага болгон жек коруумду баламдан чыгардым.Оз канымдан жаралган баламдын өлүгүн мусорго таштар салсам эч ким таппай калат экен деп жаңылышкан экенмин.Мен жашаган квартирага полиция кызматкерлери мени издеп келгенде,баары сенин боюнда бар беле,кантип өлтүрдүн,сен жакшы кыз элең деп ишенишкен жок.Полиция кызматкери келгенде эле баарын мойнума алып,кантип олтургонумду тергөөдө көрсөтүп бердим.Андан кийин сот менин баш коргоо чарамды карап, тергөөчү мага адам өлтүрүү 105 беренени коюп,мен сизого киргизилдим. Мен кирген 116-оор кылмыш кылгандар,башкача айтканда адам өлтүргөндөр отурган камерага киргизилдим. Мен киргенде эле туалеттин жанында керебетте отурган кыргыз кызды көрдүм.

Кыргызсыңбы, кел отур,бул жерде баласын өлтүргөн бир менмин,калганы күйөөсүн,ойношун өлтүрүп келгендер.Сен кимди өлтүргөнүн мага белгилүү,сени мен сизодо көргөн азап,мен көргөн кыйынчылык күтүп турат,зонада эмне болобуз билбейм.Мен биринчи сизого келгенде жаман камерага туш болуп калган экенмин кыйналдым.Ал жердеги аялдар күн көргөзбөй мени өлтүрүп коеюн дешти.Кылган ишиме өкүнөм,аттиң кылам,бирок баарын артка кайтарып алууга болбойт.Бул азап менен өмүр бою кыйналып өтөөрүмду билгенде эч качан ката кетирбейт элем.Сен матрасынды жайгаштырып кел,чай ичкенче сүйлөшүп отуралы.Бул жерде экөөбүз менен эч ким чай ичпейт.Эки үч адам болуп,семейка болуп тамактанышат. Жалгыз болсоң кыйналасың. Мени эч ким кошпойт.Коптон бери эч ким менен сүйлөшкөн эмес элем,сага дардымды айтып алдым.Сен матрасынды коюп келгиче мен чай даярдап турайын,менин атым Райкан,таанышпай эле башыңды оорутуп салыпмын деп сүйлөгөн кыргыз кызды көрүп бир аз коркконум басылды.Матрасымды камеранын старшийи көрсөткөн шконкага коюп,кайра Райкандын жанына келдим.Отур, бир аз сүйлөшүп күн өткөрөлү.Экообуз башыбыздан өткөндү өзүбүз билебиз,менин өткөн күндү эстегим келбейт.Бирок сага айтып жеңилдеп албасам болбойт,сени түшүнүп атам,мага окшоп бирөөнү сүйүдун.Мага окшоп алдандын.Мен бир үйдүн жалгыз кызымын.Апам мен кичине мезгилинде мени тайнеме таштап, өзү Москвага иштегени келген.Мектепти бүткөндөн кийин апамын жанына барам, чогуу иштеп жардам берем деп келдим.Апам мени тарбиялаган эмес,ошондуктан эч кандай сыр айта алчу эмесмин.Апам мен үчүн баарын кылган менен мээрим бере алган жок.Кийимдин, телефондун жакшысын алып бергени менен,эч качан кызым деп эркелетип,мээрим төккөн эмес.Москвага жсмсаны келип иштей элек болчумун,квартираны апам ижарага алып,башка адамдар акча төлөп жашайт экен.Апам жумуштан келгенче тамак аш кылып койчумун.Озум тамак аш жасаганы кызыккан үчүн,тамагымды жеген адамдар жакшы жасайсың деп калат болчу.Мен кухняда тамак жасап атканда,Адил деген квартирада жашаган аке жаныма кирип,сүйлөшүп отуруп калат эле.Менден алты жаш улуу Адиль аке жүр айланып келели деп кээде сыртка алып барып айлантып келчү.Эмнеге үйлөнө элексиз десем,быйыл үйлөнөм,сүйлөшкөн кызым жок,жакшы кыз жолугуп калаар деп айтып калчу.Бир куну квартирадагы эки эже менин үйдө экенимди сезбей,тооба Адил кече апасынын жигити эле,бүгүн кызын ээрчитип калыптыр деген сөздү укканда жүрөгүм болк эте түштү Көрсө апам өзүнөн он үч жаш кичүү бала менен журот турбайбы?Кантип жүрдү,Адил аке менден болгону алты жаш улуу деп апама өчөшүп,Адил акеге эми өзүм жабыша баштадым.

Мен Адил акеге жабышкан сайын,ал менден өзүн алып качып атты.Кухняда эч ким жокто Адил акенин мойнуна асылсам,Райкан мен сени карындаш катары көрөм деп колумду мойнунан алып койду.Адил аке мен сизди жактырып калдым,кандай түшүнбөйсүз дегениме,унчукпай кухнядан чыгып кетти.Коп өтпөй апама мени ишке киргизип койду,Адил аке менден өзүн алып качкан сайын мен жабыша бердим.Бир күнү кухняга кирсем,Адил аке чай ичип отуруптур.Адатымча мойнуна асылып,эркелеп кеттим.Ушул убакта артыман кирип келген апам Адил акеге эмнеге менин кызымдын башын айлантып атасын деп урушуп кетти.Мен башын айландырып эмне кылыпмын,кызын өзү мага асылып атат,мени менен урушкандан көрө, кызыңа тарбия бербейсиңби деп экөө квартира менен бир болуп урушуп,Адил аке кийимдерин алып,квартирадан чыгып кетти.Адил акенин квартирадан чыгып кеткени апам үчүн күтүүсүз болдубу билбейм,Адил аке чыгып кеткенден кийин апам сен эркектердин мойнуна асыла турган болуп калдыңбы деп урушканы аз келгенсип кол көтөрүп урду.Жигитинизди кызганып мени уруп атасызбы?Мен билем сиздин сүйгөнүнүз экенин деп мени уруп аткан апама айтсам,мени бакырайып карап,унчукпай сыртка чыгып кетти.Апамдын айыбын билгениме уялып кеттиби билбейм,ошол боюнча урушкан жок.Мен Бургер кингде иштейм, коллектив жаштар,кечке бутуңа тик турасың,бирок коллектив жакшы үчүн чарчаганын билинбей калат.Адил акеге ватсаптан кандайсыз,каердесиз деп жазсам мени блоктоп салды.Адил аке өзүн алып качкан сайын мен аны ойлоп,ага болгон кызыгуум күчөй берди.Адил акенин каерде экенин таппай,акыры унута баштадым.Бир күнү иштеги өзүм теңдүү жаш кыздар менен кафеге отурганы бардык.Эч качан түнү кафеге барган эмес элем,айылдан келген мен үчүн кафе көзүмө укмуштуудай көрүнүп,жанымдагы кыздардын көзүнчө өзүмдү көптү билген адам көрсөткүм келип,заказ кылган винодон иче баштадым.Торт кыз жакшы отурдук,жаныбызга балдар келип алар арак заказ кылышып,аны ичип эч нерсе билбей калыпмын.Башым ооруп, өзүмө келсем бир квартирада жатыпмын.Жанымда кафеде жанымда отурган бала уктап жатыптыр.Коркуп кетип аны жулкулдатып ойготтум,араңдан зорго көзүн ачкан бала,эмне болду дегенсип мени карады.Кантип бул жерге келип калдым,ким алып кетти,апама эми эмне дейм деп телефонумду издедим.Телефонун сумканда, кече уфф апам тойгозду,ойношун кучактап койсом кызганып мени урду,кайсы эне эркек үчүн баласын урат деп өзүн телефонуңду өчүрүп сумкана салып койдун.Мени бир жакка алып барыңыз,үйгө баргым келбейт деп өзүн айтканынан алып келдим деген жанымдагы баланы алдап атат дейин десем,апамын жигити Адил аке жөнүндө айткандары туура.Сиз мени зордуктадынызбы, мен эч нерсе билбейм, карындашыныз болсо керек,мени эмнеге ойлогон жоксуз деп ыйлап жибердим.Сен эмнени сүйлөп атасың,мен сени зордой турган акмак эмесмин,сага тийишкен жокмун,сен мас болсоң мен соо элем,ичпейм, сенин мастыгындан пайдаланып зордуктап коюп,өмүр бою азап менен өткүм келбейт.Сен карындашым кызсың,мынчалык ичкенин туура эмес,кече мен сени таштап кеткенде башка балдар зордуктап коймок.Сен бирөөгө өчөшүп,бирөө үчүн жашап эч нерсеге жетише албайсың.Бугун бирөө зордуктайт, эртең экинчиси,ошентип колдон колго өтүп кетесиң.Жакшы жүрсөң бир үй бүлөөнүн сүйүктүү жары,апасы болосуң,тур карындашым, мен машинаны жүргүзүп турайын,эртерээк үйүнө бар,апаң кабатыр болуп аткандыр,эшикти култап ключту эшиктин алдында турган тряпканын астына коюп кой деп сыртка чыгып кеткен бейтааныш баланын сөзү катуу тийип,бетимди жууп,квартираны култап,анын айткан жерине ключту коюп,сыртта турган матиз машинага отуруп,үйгө жөнөдүм.Баш кандай деп ватсаптан келген смсти карасам,Адил акеден келиптир,ии бул мени блоктоп салган эле,каяктан билди менин ичип жүргөнүмдү деп таң калып,кандай баш, түшүнбөдүм деп жазсам,кече мас болуп,ар кимдин телефону менен чалып,мени алып кетиңиз мас болуп калдым деп аттын,каердесин башыны жазып берейин,мага бүгүн выходной деген Адилге,жарым сааттан кийин үйдө болом деп жазып жибердим.Аа жакшы анда саат беште метронун ичинде күтүп турам деп жазганын көрүп,көптөн бери өзүңдү алып качып аттың эле,шашпа менин артыман чурката турган кылам сени,бүгүн жолугайын деп саат беште Адил менен жолугушмак болдум.

Уландысы бар...

of the page up there ^

#3 Aijan06 11 Октябрь 2021 - 22:10

Момун

Кыймылы жок
48
22 Март 13
: 01 Ноя 2021 17:31
Жынысы:Аялзаты
Калаасы:бишкек

of the page up there ^

#4 sezima93 12 Октябрь 2021 - 05:15

Карапайым

Кыймылы жок
54
10 Апрель 15
: 15 Фев 2022 00:07

Кана калган уландысы

of the page up there ^

#5 kozunek. 12 Октябрь 2021 - 15:50

Активист

Жаран
1 876
09 Ноябрь 15
: 18 Окт 2025 19:33
Жынысы:Аялзаты
Калаасы:Жалган дүйнө...

Кудай сактасын,эмнеге өлтүрөт өз баласын?(((

of the page up there ^

#6 Aijan06 12 Октябрь 2021 - 16:21

Момун

Кыймылы жок
48
22 Март 13
: 01 Ноя 2021 17:31
Жынысы:Аялзаты
Калаасы:бишкек

3-БӨЛҮМҮ...

Мени үйгө жеткирип койгон Бакыт аке,эми акылын менен бол карындашым деп кетти.Макул эми мындай кайталанбайт деп бир күн мурда көргөн Бакыт акеге убадамды берип,квартирага кирдим.Жакшы үйдө апам жок экен,саатты карасам үч,телефонумду жандырсам апамдан көп жолу званок,смс келиптир.Апама чалып,мен үйдөмун,кече телефондун заряды өчүп калды,чогуу иштеген кыздын туулган күнүндө элем,апа кечирип коюн деп айтып, жуунуп чыгып,Адилге жолукканы жасанып,жөнөп кеттим.Метрого кирсем Адил аке күтүп туруптур.Жур бир жерге барып отуруп келели,мен сүйлөшүп койгонмун,бир эки саат отуруп келебиз деп ээрчитип жөнөдү.Каршы болбой Адилди ээрчип жөнөдүм,бир метрого баргандан кийин экообуз сыртка чыгып магазинден эмне ичесиң деп мага сок, йогурт,шоколад алып,өзүнө пиво алды.Ак пакетти көтөрүп,мени ээрчитип метродон алыс эмес жерге мейманканага алып барды.Бул жерде эмне кылабыз десем,жөн эле сүйлөшүп отурабыз деген Адил экөөбүз квартирага кирип,пиво ичип ,иш кандай,бүгүн эмнеге ишке барбадын деп сүйлөшүп отуруп,экөөбүз кантип өбүшүп кеткенибизди билбей калдык.Уч саатка алганмын,азыр кетебиз деп аткан Адил акеге кантип макул болгонумду билбейм,кечеги апамдын ойношу бүгүн мени намысымдан ажыратып койду.Райкан кечир кече ичип эркектер менен жүргөнүндөн, мен сени бузулган кыз деп ойлопмун,мени кечирип кой деген Адил сага үйлөнөм,бирок деген жери бар деп үшкүрүнүп калды.Уч саат убакыт өтүп,экөөбүз ээрчишип чыгып,мен апам иштен келгиче үйгө барып калдым.Адил мага үйлөнсө кандай болот,өмүр бою апамдан кызганып өтөмбү деп ойлонуп жатып,апам иштен келгиче уктап калыпмын.Райкан тур кызым ишке бар деп ойготкон апамды көрүп таңдын бат атканын көрүп,зорго ордумдан туруп,ишке жөнөгөнү даярдана баштадым.Кантип ушул ишке бардым,эми эмне болот деп ойлонуп,оюмдун түбүнө жетпей койдум.Арадан бир жума өтпөй,Райкан мен Кыргызстанга кетип атам,кетээрде унчукпай кетпей сени менен жолугуп сүйлөшүп кетишим керек деген Адилге макул деп жолукканы бардым.Бул жолугушуу мурдагыдай үч саатка алынган мейманканада болду,бирок бул жолу эч кандай спирттик ичимдик жок эле.Райкан сени апаң мага күйөөгө бербейт,урушуп кеткенбиз деген Адил аке,апам менен жүргөнүн айткан жок.Мен дагы сыр бербей,апам менин тагдырымды чечпейт,өзүңүз кылган ишке өзүңүз жооп бересиз,апама айтканда сизди милицияга берет эле.Кыргызстанга барып башка кызга үйлөнсөңуз менин тагдырым эмне болот десем,баары жакшы болот, кабатыр болбо деген Адил мейманканадан чыккандан кийин үйгө узатып койду.Сага билет алганда айтып коём деген Адил аке билет алганда эмес,самолетко отурганда Райкан мени кечир,мен сага үйлөнө албайм,аны апаңдан сура,бактылуу бол деп смс жазып,мени блоктоп салыптыр.

Райкан дал ушул жерге келгенде,камераны караган аял прогулка деп калды.Жур калган сөздү сыртта аба жутканча сүйлөшөбүз деп,Райкан мени ээрчитип сыртка алып жөнөдү.Баарыбыз тизилип сыртка чыктык,түрмө кызматкерлердин коштоосу менен эшикке чыктык.Эшик дегеним кадимки көчө эмес,төрт тарабы темир менен курчалган кичинекей жер экен.Отур мына жерге, күнгө какталып алалы,бир сааттан кийин алып кирип кетет,ага чейин ушул жерде сүйлөшүп отуралы деп бир чекеге жерге отуруп калдык.Райкан анан эмне болду,кантип камалып калдың деп кызыгып сурасам,ээ иштин баары Адил кеткенден кийин болду.Ал кеткенден кийин көп өтпөй кусуп,кыйналып жүрдүм.Мен ашказаным ооруп атат деп ойлосом,андай эмес кош бойлуу экенмин.Апама билдирген жокмун,боюман алдырып коюшту билген эмесмин.Кундон күнгө ичим чоңойгон сайын,апамын көзүнө корунбогону аракет кылдым.Апам менин кош бойлуу экенимди билген жок.Ичим чоноюп,бирге иштегендер байкап калганда,иштен чыгып кеттим.Апама ишке барам деп алдап кетем,кечке торговый центрде айланып жүрөм ошондой күндөрдун биринде торговый центрде жүргөн убакта толгоом келип,ошол жердеги орустар тез жардам чакырып,мен ооруканага жетээрим менен кыйналбай уул төрөп алдым.Жаштык кылдымбы билбейм,баламды ооруканага таштап кетсем апам билип калат деп, эки күндөн кийинтуугандарым келди деп алдап баламды көтөрүп ооруканадан чыктым.Баламды жакшына кылып өздөрү ороп беришти.Баламдын колундагы бирканы атайы алдырган жокмун,мурда китептен баласын бир жерге таштап кетип,бирөө багып алыптыр дегендерди окуп калган элем,бирка аркылуу баламды бирөө багып алат деп ойлодум.Баламды көтөрүп сыртка чыктым,апам каякта жүрөсүң,сен кыз мени өлтүрүп тынат окшойсун деп жазган апамдын смсин окуп,апа бир жерге ишке келдим ,азыр барам деп телефон чалсам,каерде жүрөсүң,мен такси заказ кылып берем,эртерээк үйгө кел деген апамдын кыйкырганын угуп, ооруканадан алысыраак жерге барып,ал жердеги адрести апама смс кылып жөнөтүп жибердим.Эми баламы эмне кылам,апам көрсө эмне деп жооп берем деп ойлонуп,мен турган жерден алыс эмес жерде үйүлүп турган кардын үстүнө баламды таштап,апам заказ кылган такси келип калып,машинага отуруп кетип калдым.Бул мезгил март айынын экиси болчу.Ошол убакта кар оор түшүп,дворниктер күрөп койгон үйүлгөн карга баламды коюп кетсем,бирөө таап багып алат деп ойлопмун.Кутулдум баламдан деп жумуштан келген адамдай үйгө кирдим.Каякта жүрөсүң,сени айылга кетирбесем мени уят кыласың.Сени каякта,ким өлтүрүп койду деп уктабай чыгам.Алган айлыгындын дайыны жок,андан көрө айылга барып тайэненди кара,эртең билет алып берем деген апама,макул кетем дедим.

Уландысы бар

of the page up there ^

#7 Aijan06 12 Октябрь 2021 - 16:22

Момун

Кыймылы жок
48
22 Март 13
: 01 Ноя 2021 17:31
Жынысы:Аялзаты
Калаасы:бишкек

of the page up there ^

#8 Aijan06 12 Октябрь 2021 - 16:23

Момун

Кыймылы жок
48
22 Март 13
: 01 Ноя 2021 17:31
Жынысы:Аялзаты
Калаасы:бишкек

of the page up there ^

#9 Aijan06 12 Октябрь 2021 - 16:24

Момун

Кыймылы жок
48
22 Март 13
: 01 Ноя 2021 17:31
Жынысы:Аялзаты
Калаасы:бишкек

4-БӨЛҮМҮ...

Уктап жатканмын,апам тур сени издеп келишиптир дегенде ким деп карасам, полиция кызматкерлери экен.Жур отделениеге деп мени алып кетип атышканда,мен түшүнгөн жокмун.Мени менен ээрчип барган апам, отделениеге жеткенде мен төрөп,баламды таштап кеткенимди угуп,ким атасы,эмнеге айткан жоксуң деп ыйлап кирди.Мен атасы ким экенин айтып бергенде,оозу ачылып,биз баланы алабыз,бала каерде деп тергоочудон сурады эле,бала ооруканада деп айтышты.Корсо мен баламды таштап кеткенден кийин,ошол жерден өтүп кетип аткан орус бала таап,тез жардам, полиция чакырыптыр. Мени кантип таап алышкан билбейм,мени сурак кылышып,алгач ивске,кийин сизого киргизилдим. Алгач 125 статья коюшкан эле,балам ооруканада суукта көп жатып калгандыктан тоңуп өлүп калыптыр.Андан кийин статьясы 105 ке өзгөртүп,116- камерага алып киришти.Жакында сотум болот,апам болгон акчасын кетирип адвокат алган,билбейм сот канча жыл берет деген Райкандын айтканын угуп,жиним келип,боорум ооруганы менен өзүм дагы баламды өлтүрдүм го.Коп өтпөй Райканга сот сегиз жыл эркинен ажыратуу чечимин чыгарып, аппеляция жазганы менен мурдагы соттун өкүмүн күчүндө калтырды.Сот бүткөндөн кийин бир айга жетпей Райкан этап менен зонага кетти,аны кандай тагдыр күтүп турганы,азыр эмне болду чынын айтсам билбейм.Аялдар отурган сизодо телефон жок,тергөөчүгө ходатайство жазсаң, үйдөгүлөр менен сүйлөшкөнү уруксат берет.Эгерде сен сизо кызматкерлеринин стукачы болсоң,алар күн сайын үй менен сүйлөшкөнү уруксат берет.Стукач болгондон кийин зонага барганда аларды жакшы тагдыр күтүп турбайт экенин уккандан кийин, өзүмдүн статьям оор, жөн эле жүрөйүн деп стукач болгону макул болгон жокмун.Сизодо мушташ,болбогон нерседен талаш болуп турат.Атам байкуш менин камалып калганымды уккандан кийин жашап жаткан үйүбүздү сатып,Москвага келип адвокат жалдап мени чыгарып алганы аракет кылды.Адвокат мени чыгарып алган жок,бирок 105статьямды 106 статьяга өзгөртүүгө жардам берди.Ушуга да шүгүр деп калдым.106- статья коюлгандан кийин башка камерага которулдум. Ал жерде баары баласын өлтүргөндөр же өлтүргөнү аракет кылган кыз келиндер отурат.Ар улуттан бар,кыргыздардан жалгыз менмин.Бул камерада баарыбыздын статьябыз окшош үчүн бири бирибизге тийишпейбиз. Эми он сегизге чыккан өзбек кыз бар,ошол экөөбүз бирге тамактанабыз. Сизодо семейка болбосон кыйналып каласың.Ал кыз үйүндө төрөп,кухнянын айнегинен баласын ыргытып салыптыр.Эртен сот деген күнү уктабай чыктым,канча жыл берет экен бошотуп койсо жакшы болмок деп Кудайга жалынып чыкканым жардам бердиби билбейм,мени сот үч жыл эркимен ажыратты.Адвокатым аппеляцияга жазганы менен пайда чыккан жок.Эки күн мурда анализ тапшыр деген түрмө кызматкери этапка даярдап жатканын сездим,эки күндөн кийин таң атпай этапка алып кете турган кыздарды текшерип,автозак менен алып жөнөштү.

Сиз кетип калсаңыз мен эмне болом деген Мавлюда,мени ыйлап узатып калган.Автозак менен вокзалга алып келгенин,бизди поездге салып атканда билдим.Бир топ күндөн кийин Красноярскийдеги 22 ик келдим.Мен поездде кетип атканда көп жолу түрмөгө отурган орус аял сенин статьян оор,эгер өзүнө жооп бере алсаң,сага эч ким тийбейт,статьяга карабайт дегенинен абакка келгенден кийин карантин бүтүп,секцияга келгенимде менин статьямды баары угуп,бир орус аял келип мени уруп кетти.Калганы карап турушту.Мен кичинемде спорт менен машыгып келгендиктен орусту уруп салдым.Башкалары ой,да ну деп бизди тегеректеп турушат.Карантинден секцияга чыккан күнү шизого киргизилдим. Шизодо үч күн көрбөгөн күндү көрдүм.Шизодон секцияга келсем,баары башкача карап калыптыр.Корсо отряддын эң кыйын дегенин уруп салыпмын.Статья 106 болгонуна карабай,мага эч ким жаман сүйлөбөйт.Бирок жададым.Кундо эрте менен саат алтыга он беш минута калганда турабыз,он беш минутада бетибизди жууп,зарядкага туруп калышыбыз керек.Ар бир отряддын өзүнүн физрук болот.Ал кандай кыймыл кылса ошондой кылуу керек, күлгөнү,бири бирибиз менен сүйлөшкөнү мүмкүн эмес.Оозунун кыймылдаганын көрсө нарушение.Ар отряддын өзүнүн убактысы бар,андан кийин тамактанганы столовойго жөнөйбүз.Ал жерден чыгып жаткан жерибизди карайбыз,жаткан кроватта чаң болбош керек,очередь менен коридор жууп чыгабыз.Эгерде кичине чан көрсө ал дагы нарушение,баары жалтырап туруш керек.Атайы санитарный отряд бар,ошолор текшерет,кичине жерден чаң чыкканы болбойт.Андан кийин чайыбызды алып,ишке жөнөйбүз.Аялдардын зонасында блатнойлор бар,алардын сөзү өтүмдүү.Мен уруп койгон аял дагы блатной экенин кийин уктум. Иштеген жерибиз чоң тигүү цехи,эрте менен ишке келээрибиз менен оор материалдарды берет,мен аны алып он үч метрлик столго коюп,материалдарды тегиз кылып кыркып кыздарга берем,кыйшатпай тептегиз кылып кыркып берүү керек.Зонада дагы семейка болуп жашашат,башына жалгыз элем,кийин бир цыган аял экообуз семейка алганбыз.Кундон күнгө менин бригада менен мамилем жакшы боло баштады.Саат төрткө чейин иштеп болуп,чыгып атканда шмон кылып чыгарат.Эгерде бир кайчы жетпей калса,ошол кайчы табылбаса бригада чыкпайт,иштен чыгып атканда чуркап кеткени дагы мүмкүн эмес.Иштен кийин бети колубузду жууп,ушул убакта бош убакыт болот, үйгө кат жазып үлгүрөбүз.Ошол убакта завхоз келип хоз работага алып кетет.Хоз работага баары чыксын десе баарыбыз чыгабыз,болбосо беш штук сигарет берип, өзүнө жооп бере албаган,статьясы меникиндей кыздар иштешет.Эки смен менен тигүү цехинде иштейбиз.

Түрмөдө отурганда көп нерсени ойлонуп,бардык күнөө өзүмдө экенин сездим.Москвада эч кимим жок,бирөөлөргө передачка келсе,мага эч нерсе келбейт.Жашоо оор болсо дагы,айла жок өзүм күнөөлүү үчүн чыдап жүрөм.Мен адаштым,катуу адаштым.Эгерде сени суйгон бала болсо,эч качан жаман жолго баштабайт.Окууга тапшырып,контракт акчасын төлөй албай,Москвага иштеп келем деп мынтип түрмөдө отурам.Кызымды түрмөдөн чыгарам деп атам жашап жаткан үйүбүздү сатып,карыганда Бишкекке көчүп келип,жаңы конушта квартирада жашап жүрүшөт.Уй бүлөөдө уул жок, үч кызбыз, менден кийинки сиңдим турмушка чыккан,аны да күйөөсү мас болуп келип эжең зек деп урат экен.Эн кичине сиңдим мектепте окуйт.Менин камалганымды уккан апам ооруп калыптыр,атам апамын дарысына,сиңдимдин мектебине кийим кече кылам деп эртеден кечке базарда араба түртүп иштеп атат .Атам жоош киши болчу,базарда атамдын акысын бербей же арабакеч деп кемсинтип атышкандыр деп эстеп,жашымды токтото албай ыйлап алам.Мен жакшы кыз болсом карыган ата энемди бирөөнүн сыз үйүнө квартирант кылып койбойт элем.Айлык алаарым менен атама телефон чалам,атамдын курсулдоп жөтөлгөнүн укканда заманам тарып,өлүп алгым келет.Сизодо толук бир жыл отурдум,отурган бир күнүм бир жарым күнгө эсептелип,бир жарым жыл срогум сизодо өттү,зонага келгениме беш ай болду,дагы толук бир жыл эки ай отурсам буйруса зонадан чыгам.Андан кийин ата энем үчүн иштеп,аларга үй алып беришим керек.Кантип, качан үй алып берем,ата энем карыганда мен үчүн кор болушту деп көп ойлоном.Апамын жүрөгү ооруп,азыр ишке жакшы жарабай калганын,апам менен сүйлөшүп атканда энтигип дем алганынан билип калдым.Байкуш ата энем ооруганына карабай,биз жакшыбыз,эч нерсе эмес кызым, үй табылат эң башкысы сен аман бол,адашпаган пенде болбойт,биздин кызыбыз боюнча каласың,көп ойлонбо деп турушат.Кантип ойлонбойм,урматтуу кыздар мен баскан жолду силер баспагыла,айрыкча аялын жамандап менин көңүлүм жок деген эркек менен мамиле кылбагыла.Эгер мен алданбаганда менин теңим чыгып,бактылуу жашайт белем?Сенсиз жашай албайм,бари бир үйлөнөм деп төшөккө сүйрөгөн эркектерден алыс болгула,мен кетирген катаны кетирбегиле! Жакында кыш келет,көз алдыма таңга маал арабасын сүйрөп,башын бир жакка шылкыйтып кетип аткан байкуш атам элестейт,суукта титиреп оор жүктү көтөргөн,ар кимге дорога деп кыйкырган,арабакеч көзүн жокпу деп бирөөдөн сөгүш уккан атакемдин эстегенде көзүмөн жаш токтобойт деп сүйлөп атканда телефон тык тык тык деп токто калганынан карточкасында акчасы түгөнүп калган окшойт,айла жок телефонду өчүрдүм.Урматтуу окурман калган жыйынтыкты өзүңүздөр чыгарып алыңыздар! Бул окуяларды жазуу мен үчүн оор,бирок бирөөнүн кетирген катасынан башка кыз сабак алса деген ойдо сиздерге жеткиргени аракет кылдым

АЯГЫ...