Пaйдaлуу кеңештер

(19 )
7
8
9
10
11

Пaйдaлуу кеңештер Ден соолук, туура тамактануу жана башкалар

#161 ANGEL_ 06 February 2014 - 20:08

Активист

Кыймылы жок
587
13 January 14
: 15 May 2023 05:28
Жынысы:Аялзаты

Зыяндуулугу
Гастрит, ашказан жарасы жана кант диабети менен ооруп, бул дарттардан жабыркап жүргөн адамдарга ашкабак жана ашкабактан жасалган даамдарды жегенге болбойт. Себеби, аталган жашылча күчтүү кычкылдандыруучу сапатка ээ. Ал организмдин кычкыл чөйрөсүнүн тең салмактуулугун бузуп жиберет. Ошондой эле ашкабак семичкесин көп чагуу да зыян деп айтылат, ал тиштин эмалын жабыркатат.

Эгер жашоону түшүнгүң келсе - айтылып жана
жазылып жаткандардын баарына ишене берүүңдү
токтот. Андан көрө, көңүл төшөп көзөмөлдө жана
сезимиң менен ирге.

of the page up there ^

#162 ANGEL_ 06 February 2014 - 20:09

Активист

Кыймылы жок
587
13 January 14
: 15 May 2023 05:28
Жынысы:Аялзаты

Ашкабак
Ашкабакты дүйнөдө кайсы өлкө биринчи болуп пайдалана баштаганы белгисиз. Анткен менен ашкабак Түштүк Америкадан чыкканы белгилүү. Азыркы маалда аталган жашылчадан эң көп даамдарды америкалыктар жасашат. Муну менен катар ар бир элде аны даярдап колдонуунун бири-бирине окшошпогон улуттук ыкмалары менен рецепттери кездешет. Муну эске алганда, организм үчүн ашкабактын маңызы дагы, данеги дагы, гүлү дагы жана жалбырагы дагы пайдалуу экен.

of the page up there ^

#163 ANGEL_ 06 February 2014 - 20:10

Активист

Кыймылы жок
587
13 January 14
: 15 May 2023 05:28
Жынысы:Аялзаты

Ашкабакты кантип тандоо керек?
3-5 кг салмактагы ашкабак нормалдуу деп саналат. Ошондой эле анын кабыгы сыйда жана жабыркабаган болууга тийиш. Ашкабактын ичиндеги маңызы канчалык ток сары түстө болсо, анда ал ошончолук жакшы болуп эсептелет. Өтө бышып кеткен ашкабактын маңызы чачтуу, камыр сыяктуу жана даамсыз болот. Нормалдуу бышкан ашкабакты үзүлгөн жеринин кургак жана кара түстө болушу дагы тастыктайт.

of the page up there ^

#164 ANGEL_ 06 February 2014 - 20:11

Активист

Кыймылы жок
587
13 January 14
: 15 May 2023 05:28
Жынысы:Аялзаты

Саламаттыкта
Уйкусуздукка кабылганда 1 стакан жаңы сыгылган ашкабак ширесине 2 чай кашык бал кошуп жатаарда ичип туруу керек; Циститтен арылуу үчүн күнүнө 2 жолу ботко катары даярдалган ашкабакты 50 граммдан жесе болот; Ушундай эле максатта күн сайын 2-3 стакан жаңы сыгылган ашкабак ширесин ичип турууга да мүмкүн; Ашкабактын семичкелерин көбүрөөк чагып жеген эркек кишинин потенциясы жакшырат; Маал-маалы менен ашкабакты тамак катары даярдап жеп туруу аркылуу жүрөк-кан тамыр ооруларынын алдын алууга болот; Ачкарын ашкабактын семичкелерин чагып жеген шартта ичегидеги ар кыл курттар өлүп жоголот; Ашкабактан жасалган даамдар кандын курамындагы холестеринди кубалоого эгедер; Ашказан-ичеги тутумунда көйгөйү барлар ашкабакты сууга бышырып жешсе болот. Бирок, бул гастрит жана ашказан жарасы үчүн эмес; Бул жашылча ич катууну дагы жөнгө салат; Ашкабактын семичкесиндеги А, В, С витаминдери жүрөктүн иштешин жакшыртууга шарт түзөт. Ал үчүн аларды кууруп, тазалап, бал менен аралаштырып, андан күнүгө эртең менен ачкарын 1 аш кашыктан жеп жүрүү керек.

of the page up there ^

#165 ANGEL_ 06 February 2014 - 20:11

Активист

Кыймылы жок
587
13 January 14
: 15 May 2023 05:28
Жынысы:Аялзаты

Сулуулукта
Бет үчүн маска
Жарым стакан ашкабактын маңызын, 3 аш кашык майда шекерди жана жарым чай кашык ашкабак семичкесинен алынган майды (сатыкта бар) жакшылап аралаштырасыз. Бирдиктүү масса болгондо аны бетке тегиз жабасыз да, манжаларыңыз менен жай массаждайсыз. 10 мүнөттөн кийин бетиңизди жууп салсаңыз, териңиз жумшак, назик болуп, чарчаңкы абалыңыз энергиялуу жүз менен алмашат.

of the page up there ^

#166 ANGEL_ 06 February 2014 - 20:13

Активист

Кыймылы жок
587
13 January 14
: 15 May 2023 05:28
Жынысы:Аялзаты

Дене үчүн маска
Мындай маска үчүн алгач сууга бышырылган ашкабактын маңызын блендерден өткөрүп аласыз. Андан 3 аш кашык идишке салып, ага 3 аш кашык майда күрөң шекерди жана 1 чай кашык ашкабак семичкесинин майын кошосуз. Даяр болгон масканы денеге кебез менен массаждоо аркылуу сүртүп, бир аздан соң жылуу сууга жууп жибериңиз. Жетпей калса масканы ушул эле рецептте көбүрөөк даярдоого болот. Мындан кийин дене жумшак жана назик болуп калат.

of the page up there ^

#167 ANGEL_ 06 February 2014 - 20:14

Активист

Кыймылы жок
587
13 January 14
: 15 May 2023 05:28
Жынысы:Аялзаты

Бут үчүн маска
Үй шартында жасалуучу натыйжалуу СПА- процедура деп ушуну айтса болот. Анткени, бул маскадан кийин бутуңуз жумшак, жагымдуу жана сыйда болуп чыга келет. Ал үчүн биринчи жарым стакан ашкабак маңызы менен 1 жумуртканы жана жарым чай кашык балды жакшылап аралаштырасыз. Анан масканы бутуңузга таманыңызды кошо толук жабасыз. 15 мүнөттөн кийин жылуу сууга жууп салуу керек.

of the page up there ^

#168 ANGEL_ 08 February 2014 - 14:20

Активист

Кыймылы жок
587
13 January 14
: 15 May 2023 05:28
Жынысы:Аялзаты

Бакча зыянкечтеринен кантип арылуу керек? Жаздын келиши менен табият жанданды. Табият менен кошо ойгонгон айрым курт- кумурскалар бизге болуп көрбөгөндөй пайда алып келсе, айрымдары бакчадагы өсүмдүктөрдүн иммунитетине доо кетирип, түшүмдүүлүктү төмөндөтөт. Колорадо коңузу, өсүмдүк митеси, кумурска - айыл чарбачылыгы менен алектенген ар бир адам "жолугушчу" зыянкечтер. Булар жаз, жай бою жасаган бүтүндөй эмгегиңизди текке кетириши мүмкүн.

of the page up there ^

#169 ANGEL_ 08 February 2014 - 14:21

Активист

Кыймылы жок
587
13 January 14
: 15 May 2023 05:28
Жынысы:Аялзаты

Колорадо коңузу
Биринчи кезекте картошкага, андан кийин помидорго, баклажанга, болгар калемпирине залал келтирүүчү эң коркунучтуу зыянкеч. 9-12 мм чоңдуктагы сары түстүү бул коңуздун денесинде кара сызыктары болот. Ургаачылары жалбырактын ички бетине сары түстөгү жумурткасын таштайт да, ал жумурткадан личинкалар чыгат. Бир эле жумуркадан чыккан личинка 2-3 түп картошкага зыян келтирет.

of the page up there ^

#170 ANGEL_ 08 February 2014 - 14:23

Активист

Кыймылы жок
587
13 January 14
: 15 May 2023 05:28
Жынысы:Аялзаты

Колорадо коңузунан арылуунун элдик ыкмалары:
1.Картошка гүлдөгөн маалда жаандан же шүүдүрүмдөн кийин жыгач отунунун күлүн картошкага чачып чыгыңыз (10 кг күлдү 1 сотых жерге). Бул ыкманы жайы бою 3-4 жолу ар бир 15 күн сайын пайдаланганыңыз жетиштүү болот.
2. Жыгачтын 1 кг күлүн 2-3 литр сууга 15 мүнөт кайнатасыз да, 2 сутка тыныктырып коёсуз. Сууну тундуруп алып, ага 40 грамм майда тууралган кир самынды кошуп жакшылап аралаштырасыз. 10 литр сууга кошулган бул аралашманы картошканын үстүнө чачып чыгасыз. 3.100 г ачуу болгар калемпирин 10 л сууга салып 2 саат кайнатасыз. Андан соң сузуп алып, ага 40 грамм тууралган кир самынды аралаштырасыз. Мына ушул аралашманы картошканын үстүнө чачып чыксаңыз да натыйжасын көрөсүз.
4. Күзүндө жаңгактын түшкөн жалбырактарын жыгач бочкага чылап коюңуз. Жайга чейин турган маңызды тундуруп, картошкага чачасыз. Жаңгактын 1-2 кг көк мөмөсү менен жаңы жалбырагын 10 л сууга 5-7 күн чылап коюп, тундурулган маңызын картошкага чачсаңыз да жакшы жыйынтыгын берет.
5.Картошканын ар бир түбүнүн ортосуна жазгы сарымсактан эгип койсоңуз, анын жыты картошкага коңузду жолотпойт. Же сарымсактын 200 г майдаланган сабагын 10 л сууга чылап, тундуруп, ага 40 г кир самынды кошуп аралаштырып, бул аралашманы картошкага чачыратсаңыз да болот.
6. Шыбактын ачуу маңызы да картошканы колорадо коңузунан коргойт. Ал үчүн чаканын үчтөн бир бөлүгүнө шыбактын сабактарын салып, үстүнө толтуруп ысык суу куясыз. 2-3 күн тыныктырып, тундурасыз да, аны өсүп турган картошкага чачыратасыз.
7. Чакага жарым бөтөлкө уксусту куюп, 100 г сода саласыз. Үстүнө толтура муздак суудан куясыз да, аны дароо картошкага чачыратып чыгасыз. Бул колорадо коңузунун чоңдору жана личинкаларына каршы натыйжалуу ыкма.
8. Күн караманын 0,5 кг гүлүнүн үстүнө 10 л жылуу суу куюп, 2 күн тыныктырасыз. Андан соң тундуруп, бул маңызды картошкага чачыратасыз.
9. Картошка эге турган жериңизди күзүндө 25-30 см кылып казып, ага пияз менен сарымсактын кабыктарын көөмп чыксаңыз, жазында айдаган картошкаңызга коңуз жолобойт.
10. Тоокторуңузду колорадо коңузуна "аңчылыкка" үйрөтсөңүз болот. Ал үчүн 20 күндүк жөжө кезинен баштаганыңыз оң. Жытына көнө берүү үчүн бул курактагы жөжөлөргө жемине кошуп аз- аздан майда тууралган картошкадан бере бериңиз. 1 айлык болгондо ар бир жөжөгө жарымдан туура келгендей өлчөмдө колорадо коңузун майдалап бериңиз. 4-5 күндөн кийин дозаны бир аз көбөйтөсүз. Ошентип, 3 айлык тоокту картошка айдоосуна "аңчылыкка" коё берсеңиз болот. Мунун алдында жаш тооктор ачка болсун жана картошкага химиялык дары себилбеген болсун.

of the page up there ^

#171 ANGEL_ 08 February 2014 - 14:24

Активист

Кыймылы жок
587
13 January 14
: 15 May 2023 05:28
Жынысы:Аялзаты

Кумурска
Биздин бакчабыз үчүн эң белгилүү зыянкечтердин дагы бири - кара кумурска. Алар өсүмдүк митесине кам көрүп, эл кайда көчөт сыяктуу душмандарынан аларды коргойт. Мындан сырткары, кумурскалар өсүмдүк митесин жабыркабаган таза даракка улам көчүрүп турушат. Анткени, кумурскалар жайында дал ошол өсүмдүк митеси бөлүп чыгарган углеводдуу азык менен тамактанышат. Кумурскалардын бул бизге келтирген биринчи зыяны болсо, экинчи зыяны - алар бакча өсүмдүктөрдүн мөмөлөрүн, мисалы, кулпунайды же курамында канты көп сабиз, ашкабак сыяктуу жашылчаларды жеп коюшат.

of the page up there ^

#172 ANGEL_ 08 February 2014 - 14:25

Активист

Кыймылы жок
587
13 January 14
: 15 May 2023 05:28
Жынысы:Аялзаты

Кумурскадан кутулуунун жолдору:
1.Кечинде кумурскалардын баары уюгуна киргенде ал жакка кайнак суудан жайылта куюп жибериңиз.
2. Уюкка керосин куюп жиберсеңиз, андагы кумурскалардын жана личинкаларынын баары ууланып, өлүп калышат.
3. 400 г кара кир самынды бир чака жылуу сууга салып эритесиз. Ага 10 чоң кашык керосинди куюп аралаштырып, бул аралашманы уюкка куюп жибересиз жана кумурска каптаган даракка сүртүп коёсуз.
4. Кескин жыттуу азыктардан кумурскалар коркушат. Мисалы, күн карама майы, петрушка, пияз, лимон, сарымсак жана башка. Бул азыктарды кумурскалар жол салган даракка сүртүү менен алардан арылууга болот.
5. Идишке бир аз кыям же бал саласыз да, ага жарым чай кашык бор кислотасын жана 1 чай кашык дрожжду аралаштырып, кумурска көп чыккан жерге коюп коёсуз. Өзүнө жаккан таттуу азыкты көргөн кумурска сүйүнүп жеп алат да, бир нече убакыттан кийин өлүп калат. Дрожж менен бор кислотасы кумурсканы ууландырып өлтүрүүчү касиетке ээ. 6. Ысык күлдү кумурсканын уюгуна төгүү менен да бул зыянкечтерден арылсаңыз болот.
7. Кумурска көп байырлаган жерге жана анын уюгуна кадимки ашкана тузунан себелеп коюңуз.
8. 10 л сууга 2 стакан өсүмдүк майын, кандайдыр бир арзан шампунь жана уксус кошуп аралаштырып, бул аралашманы кумурсканын уюгуна куясыз. Бир нече күнгө чейин уюктун үстүн клеёнка менен жаап коёсуз.

of the page up there ^

#173 ANGEL_ 08 February 2014 - 14:26

Активист

Кыймылы жок
587
13 January 14
: 15 May 2023 05:28
Жынысы:Аялзаты

Өсүмдүк митеси
Мөмөлүү өсүмдүктөрдүн жалбырагын үймөлөктөшкөн майда жандыктар каптап, ал жалбырак жабышчаак, ширелүү болуп калганын көрүп эле жүргөндүрсүз. Бул майда жандык өсүмдүк митеси деп аталат. Өсүмдүк митеси өсүмдүктүн сабагы менен жалбырагынын ширесин соруп алат да, натыйжада, жалбырак кургап, буралып кетет, өсүмдүктүн өсүүсү жайлайт, мөмөсү бышпайт. Өсүмдүк митесинен жабыркаган жаш дарак кышка туруштук бере албай калышы мүмкүн. Мындай түздөн-түз тийгизген таасиринен тышкары өсүмдүк митеси вирустуу ооруларды ташуучу жандык болуп да саналат.

of the page up there ^

#174 ANGEL_ 08 February 2014 - 14:28

Активист

Кыймылы жок
587
13 January 14
: 15 May 2023 05:28
Жынысы:Аялзаты

Өсүмдүк митесине каршы чачыратмалар:
1.Өсүмдүк митесинен арылуу үчүн 10 л сууга 1 чоң кашык уксус эссенциясын аралаштырып, аны өсүмдүккө чачыратыңыз.
2. Өсүмдүк митесине каршы дагы бир чачыратма - суу менен күлдүн аралашмасы. 10 л сууга 300-400 г күлдү салып 20 мүнөт кайнатып, муздаган соң чачыратасыз.
3. Сарымсак менен пияздын кабыгынын маңызы: 1 стаканга ныктап салынган сарымсак менен пияздын сырткы кабыктарынын үстүнө 3 л кайнак сууну куюп, 3-4 саат тыныктырып коёсуз. Аны 10 л муздак сууга аралаштырасыз.
4. Каакымдын 400 г жалбырагы менен 300 г тамырын майдалап, 10 л сууга саласыз да, 3 саат тыныктырып коёсуз. Бул аралашманы өсүмдүккө чачыратуу ыкмасын бүчүр байлаган же гүлдөгөн кезде жасаңыз.
5. 100-200 г чалканды 1 л сууга бир нече саат чылап, пайда болгон жашыл аралашманы чачыратма түрүндө пайдалансаңыз болот.
6. Өсүмдүк митесине каршы дагы бир натыйжалуу чачыратма горчица порошогунан даярдалат. Ал үчүн 200 г кургак горчицаны бир чака сууга аралаштырасыз.
7. 200 г кир самынды майдалап туурап, бир чака сууга эритесиз.
8. Мандариндин, апельсиндин же лимондун 100 г кургатылган кабыгынын үстүнө 1 л жылуу суу куюп коёсуз. Бир нече сааттан кийин чачыратма даяр болот.
9. 40 г тамеки өсүмдүгүнүн кургак жалбырагынын же махорканын үстүнө 1 л суу куюп, 2 сутка тыныктырып коёсуз. Тундуруп алгандан кийин дагы 1 л суу кошосуз. 10. Картошканы өсүп турган жеринен сабагы, жалбырагы менен кошо жулуп алып, майда кылып туурайсыз. Сууга салып 3 саат тыныктырып коюп, тундуруп алып пайдалана бересиз.
Жогорудагы чачыратмалар өсүмдүк мителери үчүн жеңил каражаттар болуп эсептелинет. Андыктан, бир эле жолу колдонуп койбой, зарылчылыгына жараша маал-маалы менен бир нече жолу колдонгондо гана өз жыйынтыгын берет.

of the page up there ^

#175 ANGEL_ 08 February 2014 - 14:34

Активист

Кыймылы жок
587
13 January 14
: 15 May 2023 05:28
Жынысы:Аялзаты

Туура тамактануунун 15 жөнөкөй эрежеси:
1.Ар бир тамактануунун аралыгында курсагыңыз ачса, жер-жемиш жеңиз. Эгер кечки тамактан кийин курсагыңыз ачса, жөн гана жылуу суу ичип коюңуз. Адам баласынын организминин болжолдуу түрдө 75 пайызы суудан турат. Андыктан, күнүнө 2 литрден кем эмес суусундук ичип туруу шарт. Себеби, организмден күнүнө эки литр суу ар кандай жолдор менен сыртка чыгып турат. Аны толуктап турбаса, суунун жетишпегендигинен ден соолук начарлап, тез чарчап, кан айлануу бузулат.
2. Эртең мененки тамакты сөзсүз ичүү зарыл, бул маалдагы тамакты убагында ичпей коюу адамдын толуп кетишине алып келет.
3. Шекерди пайдаланууну мүмкүн болушунча азайтыңыз. Анын ордуна чайга бал кошуп ичкениңиз пайдалуу. Шекер кошулган таттуу азыктардын ордуна таттуу жер-жемиштерди жеңиз.
4. Организм белок, углевод жана май менен толукталып турат. Ошондуктан, майдан таптакыр баш тартуунун кажети жок. Организмдеги майдын жетишсиздиги нерв системасынын, ошондой эле боордун, өттүн иштөөсүн начарлатат. Андыктан, аз өлчөмдөгү майды ар кандай нерселерге кошуу аркылуу пайдаланыңыз.
5. Күнүнө 600 грамдан кем эмес жер-жемиш жеген эрежеге ылайык. Бардык витамин менен организмиңиз жетиштүү болуш үчүн жашылча, жер-жемиштин тизмесин түзүп алып, мүмкүнчүлүгүңүздүн жетишинче утур жаңысын кезек-кезеги менен алып жеңиз.
6. Балыктан жасалган тамакты бир адам жок дегенде жумасына үч жолу жеш керек. Балыктын түрүн карап, өтө майлуусун албаганыңыз оң.
7. Сүт азыктарын сөзсүз пайдаланыңыз. Ар кандай дан менен сүт боткосун жасап ичиңиз. Боткого 1 кашыктан бал кошуп койсоңуз өтө пайдалуу.
8. Ооздогу тамакты кеминде шашпай 20 жолу чайнап, майдалап жеңиз. 9. Бир порция тамагыңыз өзүңүздүн муштумуңуз менен бирдей болушу керек.
10. Эртең менен жана кечки тамактан кийин сөзсүз тишиңизди тиш пастасы менен жууңуз. Ал эми башка тамактануулардан кийин суу менен тишиңизди чайкап тазалаңыз.
11. Кетчуп, газдалган суусундук жана ылдам даярдалган (фастфуд) тамактардан баш тартыңыз.
12. Мүмкүн болушунча жарым фабрикат эмес, жаңы азыктарды пайдаланыңыз.
13. Тамак-ашты дүкөн, ашканалардан сатып албай, үйдөн өз колуңуз менен жасаңыз. Сатып алынган азыктарда майды, шекерди, тузду өлчөмүнө ылайык кошушпайт.
14. Тузду аз пайдаланыңыз.
15. Балдарыңызды да башынан туура тамактанууга үйрөтүңүз. Чоңойгондо калыптанып калат да, тамактануу жаатында маселе жаралбайт.

of the page up there ^

#176 ANGEL_ 08 February 2014 - 14:35

Активист

Кыймылы жок
587
13 January 14
: 15 May 2023 05:28
Жынысы:Аялзаты

Куурулган тамакты жегенди азайтыңыз
Анткени... Биринчиден, азыкты кууруу үчүн жогорку температурада кызытылган май өзүнүн курамын жоготуп, химиялык затка айланып кетет. Ал тамак даярдалып жаткандан баштап дем алуу аркылуу адамга зыянын тийгизе баштайт. Биздин ден соолукка тийген мындай зыян тамак жеп жатканда да улана берет. Экинчиден, куурулуп жатканда азыктардын курамындагы витаминдер өлүп калат да, организм талап кылынган витаминдер менен камсыз болбойт. Үчүнчүдөн, жашылча-жемиштин, эт азыктарынын калориялуулугу жоголот. Төртүнчүдөн, куурулган тамак ички огандарга зыян алып келүү менен рак оорусунун башаты болуп саналат.

of the page up there ^

#177 ANGEL_ 08 February 2014 - 16:56

Активист

Кыймылы жок
587
13 January 14
: 15 May 2023 05:28
Жынысы:Аялзаты

Кофе

Муздаткычтын же шкафтын ичи жагымсыз жыттанып кетсе, ал жакка кофеси ичилип бүтүп түбүндө жугу калган кружканы марляга ороп туруп салып коюңуз. Кофенин бошоп калган сыртын кийимдердин арасына салып койсо, ал жакка күбө түшүрүүчү көпөлөк жолобойт. Кумурскадан арылуу үчүн анын үй ичине кирип жаткан жолуна жана уюктарына ичилген кофенин калдыгын кургатып, сээп коюу керек. Кофени ысык сууга аралаштырып, аны менен жыгачтан жасалган кара түстөгү эмеректин көчүп калган жерлерин боёп, кургатып койсоңуз, эмерегиңиз жаңыдай болуп калат. Демделген кофенин буусуна чүпүрөктү бир аз тосуп турасыз. Анан аны менен булгаары сумкаларды, колкаптарды, кийимдерди сүртсөңүз, жаңыдай көрүнүп калат. Күл түшүргүчтүн жагымсыз жытын кетирүү үчүн аны кофенин даны менен жууңуз. Жаңы булгаары сумканын жагымсыз жытын кетирүү үчүн анын бетине кофенин данын себелеп, ошол бойдон бир күн калтырып коюу керек.

of the page up there ^

#178 ANGEL_ 08 February 2014 - 16:58

Активист

Кыймылы жок
587
13 January 14
: 15 May 2023 05:28
Жынысы:Аялзаты

Сүт
Айнек парданы жуучу сууга бир аз сүт аралашкан синьканын эритмесин кошкон жакшы. Ал кургаганда айнек парда жаңы сатып алгандагыдай болуп калат. Шейшепти, ак кийимди жууй турган сууга бир аз сүт жана крахмал кошуп койсо болот. Мындан кийин ал жаркыраган ак түскө ээ болот. Өтүк майга сүттүн бир нече тамчысын кошуп аралаштырып, ошону менен бут кийимиңизди сүртсөңүз, ал жылтырап жакшы көрүнөт. Кийимге жаңы түшкөн кара такты сүт менен жууп жиберсе кетип калат. Сүткө малынган чүпүрөк менен сүртсө, күзгү таза болот.

of the page up there ^

#179 ANGEL_ 08 February 2014 - 16:59

Активист

Кыймылы жок
587
13 January 14
: 15 May 2023 05:28
Жынысы:Аялзаты

Уксус
Дубалга жазылган калемсаптын тагын уксус менен сүртүп кетирүү жеңил. Бир аз уксус кошулган сууга чайкаса, шейшептин самыны таза кетет. Кийимде калган атырдын тагын кетирүү үчүн аны уксус менен айна кошулган сууга салып колго жышып жууш керек. Сатылып алынган жашылча-жемишке сиңип калган химиялык жер семирткичтен арылуу үчүн аны бир аз уксус кошулган сууга салып койсо болот. Бирок, бир нече мүнөттөн кийин алып, таза сууга жакшылап жуу зарыл. Эски килемди жакшылап күүп, уксуска нымдалган чүпүрөк менен сүртсө, ал жаңы көрүнүп калат. Алкактарын сырдаганда айнекке чачыраган сырларды уксуска нымдалган чүпүрөк менен сүртсө тез кетет. Линолеум менен паркеттен жасалган полду уксус кошулган сууга (10 л суу+1 стакан уксус) жууган жакшы. Нан көгөрүп кетпеш үчүн нан салгычтын ичин жумасына бир жолу уксус кошулган суу менен сүртүп турса болот. Жумуртка бышып жаткан сууга бир аз уксус кошуп койсо, ал жарылбай бышат.

of the page up there ^

#180 ANGEL_ 08 February 2014 - 17:00

Активист

Кыймылы жок
587
13 January 14
: 15 May 2023 05:28
Жынысы:Аялзаты

Кока Кола
Эки стакан Кока Коланы унитаздын ичине айланта куюп жиберип, капкагын бир саатка жаап коюңуз. Бул аралыкта бардык бактериялар өлүп калат. Ушундан соң жуулган унитаздын ичи жаркырап таптаза боло түшөт. Кийимдеги майдын тагына Кока Коланы куюп, 2 саатка коюп коюңуз. Андан кийин жуусаңыз тактан эч нерсе калбайт. Эгер ал так мунай майыныкы болсо, аны 8-10 саатка чейин кармап, анан жууп салуу жакшы натыйжа берет.

of the page up there ^

Ашкана сырлары

(19 )
7
8
9
10
11

Суперстан: Пaйдaлуу кеңештер - Суперстан