[Gupa]

Барс агайдын "Коңшулар жана тооктор" аңгемесине карата жазылган ой-пикир, тамашалар.

Адам (14 Август 2010 - 20:04) жазган:

Айылда менин тоогум кошунанын тамына барып жатып алган. Ошолордун тамына жумуртка коюп жүргөн экен, ошентип жөжөлөрүн да ошол эле жеринде басып чыгарган. Аны биз "кошуналар эле союп жеп алды..." деп жүргөн элек.

Demon (18 Август 2010 - 21:33) жазган:

менин тооктор да наглый болуп кетишкен, чекеден союш керек окшойт ...

Delicacy (02 Март 2012 - 15:21) жазган:

шумдугун кур тиги куймак тууган тоок шумдук экен айе.

serche (06 Март 2012 - 15:34) жазган:

Биз озубуз тоок бакпайбыз. Атам жердин баарын булгайт деп жаман корот. Кошуналардын тооктору огородго картошка эгилгенден жыйнаганга чейин кычык-пучуктан кирип келип жей турган болгондо пытырата кууп журуп машыгып алган экенмин мектепте чуркагандан биринчиликти алчумун

Барс (23 Ноябрь 2012 - 18:15) жазган:

Ал эми менин коңшуларым: "Бизди жамандап жазып салыпсыз..." -дешип, таарынышып жүрүшөт.

Таллас (24 Ноябрь 2012 - 20:02) жазган:

Коңшуларыңыз да бир күнү "ответный" аңгеме жазышпаса болду ))

М-даа, айылдын ортосунда жашасаң тоок көйгөйү чындап эле өзүнчө баш ооруга айланат. Айрыкча, жайдын толгон убагында, помидор бышкан кезде..
Тооктор ошол убакта ырдайт дейт: "Помидор бышкан кезде... барам сага, барам сага", - деп Шахра Талипованын обонуна салып

historic (24 Ноябрь 2012 - 23:09) жазган:

Балким Шахра Талипова обонун тооктордон алгандыр. Аксы жакка гостролдоп барган кезде

Барс (25 Ноябрь 2012 - 09:14) жазган:

Эмне Сузактагы тооктор: "Патинжан пышкан кезде, барам сага... барам сага..."-деп ырдашабы?

historic (25 Ноябрь 2012 - 10:23) жазган:

Патинжан...патинжан. ..бир жерден уккандай болуп атам. Ал эмне эле?...

Сузакта Расул Маматкуловдун ырчы тооктору бар дешет. Барып угуп келиш керек экен

Барс (25 Ноябрь 2012 - 11:23) жазган:

Патинжан-помидордун кыргызча аты...

Билдирүүнү түзөткөн: Gupa: 30 Август 2013 - 15:12

[Gupa]

tashbu (25 Ноябрь 2012 - 11:57) жазган:

айбай кулкулуу экен.борум ай,борум ай,тоок багыш керек экен.болгонда ырчы тоок.хи хи хи

REKETIR (25 Ноябрь 2012 - 12:38) жазган:

Кызыктуу экен.

Basmachy111 (03 Апрель 2013 - 18:27) жазган:

Жыргап кулуп алдым, жанымда олтургандар жинди болгонсунбу деп да жиберди.))

ROUSE (04 Апрель 2013 - 09:23) жазган:

биздин короодо эмне отургузсак да кошунабыздын тооктору жеп кетет. баардык чараларды колдондук, тооктор созсуз ответный АНТИ ЧАРА табышат. мисалы: кубалап жоносон качышат, бирок мекенине кетпейт. жон эле мени ойнотуп, арыктасын дегениби огородду 5 тегеренип разминка кылгандан кийин кайрадан ишке киришет. согуш ыкмаларын да колдондук таятам экообуз: тузак койдук тооктордун боюна мойнуна чактап, рогатка менен аттык айла кеткенде ЖЕНЕ ТООКТОРУН ТАЖАТТЫ КАМАСАН БОЛО деп барсам озу ажылдап кое берет анысы аз келгенсип тяжелый артиллериясын жиберет (индюктары шашпаай эки учтон аркы терки жанылыктардан кеп салып басып келишет десен жинге тийип).
бир куну ошол женем келип калды жаадырап жайнап, тюльпандын уругун сурап, отургузат элем деп. мен ЖЕНЕ АНЫ ЭЧАК ЭЛЕ АЛЫП КЕТПЕДИНИЗ БЕЛЕ?
жене ОПЕЕЙ, КАЧААН БОТОМ?
мен ТООКТОРУНУЗДАН ЭРТЕ ЖАЗДА АЛЫП КЕТКЕН, ЭМНЕ АЛГАН ЖОКСУЗБУ? жене ОЙ БЕРГИН КЕЛБЕСЕ ЖОН ЭЛЕ АЙТПАЙСЫНБЫ ТООКТУ ОРТОГО САЛЫП КАКШЫКТАБАЙ деп 180 градуска шарт бурулуп, жерди ое басып кетип калды. чынында эле тюлпан чыкпай калган.

Kg.lady (27 Апрель 2013 - 01:34) жазган:

Эми Аксы менен Сузактын тоокторуна фестиваль кылсакпы кимиси мыкты обон созот деп.Женгендерине патинжандан бепбекер,анан свежийинен беребизда.Бизде Базар-Коргондун талааларында аябай коп патинжандар, алачапан туугандар эгишет(албетте тамаша)

Барс (07 Май 2013 - 13:42) жазган:

"Патинжан, патинжан,
патинжандан бериң, катынжан! " - деп эри аялына кыйкырып турат деп кой, Базар-Коргондо!

kaisarbek (14 Июль 2013 - 21:03) жазган:

Кызык,патинжан деп аталышын мен жакында эле билдим,кимдин акылына келди экен... А капустаны да эркелетип которуп алсакчы,же барбы?

Spartak0001 (15 Июль 2013 - 10:37) жазган:

Патинжандарыңызды даярдай бериңиз, Сузактын тооктору по любому жеңет.

konfetka_love (25 Июль 2013 - 09:31) жазган:

Менин тоогум дагы Барс байkениkиндей даяр куймаk чыгарса..хе хе укмуш экен

Arinsa (26 Июль 2013 - 21:15) жазган:

Чыгарма сонун жазылыптыр, бир кулуп жыргап алдым го)) Тоок демекчи бир окуя эсиме тушуп кетти.Негизи менин таятам аябай созго чечен,куйкум соз менен тамашаны таап суйлогон киши болчу.Бир жолу таятам короо жакта жугорулорду карап жатса кошунабыздын тооктору келип калган экен.Кубалап журуп бир корозун кармап алып айландырып жерге чапса тиги короз эси ооп калыптыр.Таятам байкуш олтуруп алдым го эми кантип айтам корозунду олтуруп койдум деп ойлонуп отурса,бир убакта тиги короз тура калып (кошунабыздын аты Манас болчу)"Манас эле Манас жеди мени жутту"деп качып кетти деп айтып берсе боорубуз эзилгенче кулдук эле.

[Gupa]

"Башка дүйнөдөн келген күч күйөө" чыгармасына калтырылган ой-пикирлер.

laki (07 Март 2013 - 15:31) жазган:

Alar emki tagdyryn oz kolu menen jasap alat bolush kerek. birok bul buiruk ech kimge aityp kelbeit da, oshonu uchun Tagdyr go...

Ханбийке (24 Март 2013 - 01:56) жазган:

ооо сонун го жомоктогудай.

Gupa (08 Май 2013 - 18:46) жазган:

"Архатты" эстеп кеттим... Ошондо бул кимдин чыгармасы болуп калды? Сын айтса болобу, ия, ушул теманын ичине эле?

Барс (08 Май 2013 - 22:18) жазган:

Бул менин чыгармам. Ой, ошол сынды күтүп отурбаймынбы акыйып. "Архаттын" каерине окшош экен, же ошол чыгармадан көчүрүлүп калыптырбы, айта гой!

Gupa (09 Май 2013 - 16:02) жазган:

Чыгармаңыз аягына чыга элек окшойт. Аягына чыгарып-чыгарбай сындаган "менталитетке" туура келбейт го... Аягына чыгарыңыз. "Архатка" окшош эмес, бизде (адабиятта) тууроо, таасирленүү, өздөштүрүү деген үч нерсе бар эмеспи, ошону кыйытканым эле... Аягына чыгарсаңыз анан талдап көрөм а, сындап дебейинчи, сынчы болбогондон кийин...

Барс (09 Май 2013 - 22:04) жазган:

Баш-аягы ошол эле, кокуй! " Ал эми калган турмуштары ошол бакта көргөн сымак жомоктогудай уландыбы, же Тагдырдын боло жүрчү оош-кыйышына туш келдиби, ага бул аңгеменин автору кепилдик бере албайт." деп жатпайбы... Анан кийинки турмушун көрбөсөм, же укпасам, кантип улантмак элем?!!

Gupa (09 Май 2013 - 22:41) жазган:

кызык автор экенсиз, кепилдик бере албайм десеңиз дагы уландысы бар го, окуянын кандай уланышы жөнүндө, жакшы уланышы же жаман уланышы тууралуу кепилдик (гарантия) бере албайм дегени го депминда...

Kg.lady (07 Июнь 2013 - 23:48) жазган:

Фантазияныз шумдук экен Барс агай........))))))

Shopok (08 Июнь 2013 - 14:55) жазган:

Жакшы чыгарма экен. Анан да идеясы, мен ойлогондой болсо...

Askaruli (11 Июнь 2013 - 01:47) жазган:

Окуп баштаганымда эле,акыры эмнее болоорун алдын ала тушунушко аракет кылдым,бирок ммен ойлогондой болуп чыкпады чиркин.
Чыгарма жакты!

[Gupa]

"Ким ким?" новелласына калтырылган комментарийлер.

jikitai (12 Август 2010 - 09:59) жазган:

Барс байке сиздин ангемелериниз мага абдан жагат, тажап деле кетпейсин тескерисинче кутуп окуйм.Бирок сиз адабий тилдин нормасында эмес диалект да кошуп жиберет экенсиз ,ичине ошол создор тушунуксуз болуп калат экен.Дагы жакшы ангемелерди кутобуз.

Адам (14 Август 2010 - 04:51) жазган:

Сонун новелла экен!

Delios (18 Ноябрь 2012 - 12:44) жазган:

Аңгемелериңизди жадавайле тапкан жерде баса калып окуватам. Ушундай жакшы чыгармаларды илип жатканынызга рахмат. Акыркы күндөрү жаны чыгармаларыңыздан илбей калдыңыз... Анан форумда кара сөз түрүндө жазып жаткандар деле көбөйүп калды окшойт.

gulas (18 Ноябрь 2012 - 14:14) жазган:

Чыгармаларыныз жакшы тушунуктуу жазылган. Бул жакка киргенде эле биринчи сиздин жазгандарынызды издеп окуйм, ийгилик.

Барс (18 Ноябрь 2012 - 19:09) жазган:

Мен баштап бердим, эми силер уланткыла!

Delios (18 Ноябрь 2012 - 21:11) жазган:

и Барс ава мындай талантым богондо айттырбай жазатлемгооо. Шоо жарабайтамда. ..

Narynbek (18 Ноябрь 2012 - 23:19) жазган:

Абдан жакшы новелла экен.Барс ава чыгармачылыгыңызга ийгилик!Дагы ушундай таасирлүү чыгармаларыңыздан жазып туруңуз!

mili84 (19 Ноябрь 2012 - 11:55) жазган:

Жакшы ангеме экен мага жакты,озу апасын,атасын байке,жене дегендер жакпайт мага да такыр эле.

Kg kyz (19 Ноябрь 2012 - 13:55) жазган:

Бардык ангемелериниз озунчо оригиналдуу. Жаны ангеме куто берем барвир))))

Basmachy111 (03 Апрель 2013 - 19:10) жазган:

Чон аталар бар болсун.

[Gupa]

"Жаңы ыр төрөгөн жаз" аңгемесине жазылган пикирлер.

Адам (14 Август 2010 - 21:02) жазган:

Мындай чыгармалар эмне деп аталчу эле?? Кызыктуу экен.

Merischka (15 Август 2010 - 03:47) жазган:

Bars ava , sizdin dujnonuzdun chagine kirgim kelbejt, birok suroo tuuldu:
Bul angeme sizdin 1 sujuunuz bele?

Барс (15 Август 2010 - 17:23) жазган:

Билбейм. Ошол сүйүү беле, же...

Merischka (15 Август 2010 - 17:49) жазган:

tushunuktuu, ubakyt bolup zhoop zhazganyzga chon rahmat

Demon (18 Август 2010 - 16:49) жазган:

жаз, жаштык, суйуу
бул учоо чынында эле сыйкырдуу создор эмеспи ...
бирок 60 жаштын да жазы болорун эске салып койгонунуз учун ыраазы болуп кеттим ...

[Gupa]

"Мен таштабадым беле?" чыгармасына калтырылган билдирүүлөр.

Jeka (10 Март 2009 - 16:36) жазган:

Барска

Ой азамат! Айтышта эле мени сындап жүрөт экен десем, бул жакта сонун нерселерди жазат турбайсынбы досум. Куттуктайм!
"Көч" деген аңгемеңи окуп алып 10 мүнөт каткырып отурдум. Убакыт болгон сайын сенин аңгемелериңи окуп турбасам эми.

Буларды чоң сценадан окусаң деле жарашат.

Туруктуу окурманың катары "Ийгиликтер боло берсин досум" демекчимин.

Клаваң эч качан "жабышпасын" .

Барс (10 Март 2009 - 16:51) жазган:

Ырахмат, Жека! Сага да ошондой эле каалоо. Публицистикалык чыгармаларың мага абдан жагат. Ал эми ырларыңдын көркөмдүүлүгүн атайын сөз кылууга арзыйт. Албетте, сызыкчаларды (деффис, тире) ылайыгы келсе келбесе деле ашыкча көп колдонуп жиберген катаңды эсепке албаганда. Кимибизде ката жок дейсиң!..

Jeka (12 Март 2009 - 14:47) жазган:

Ха-ха! Туура баамдапсын. Аракет кылам аларды азыраак колдонгонго!

nurbara (12 Март 2009 - 18:50) жазган:

Э Барсым, бытыгый ангемелерин ушундай болсо, бир бытыгый эмес ангеме жазып корбойсунбу? ! Уктап калалы.... биротоло

Барс (12 Март 2009 - 20:04) жазган:

nurbara, эмне уктай албай жүрөсүңбү? Аңгемени уктабай окуйт го...Же сенин уктатып коюп жатабы? Андай гипноздук күчүн байкабаган экенмин!..

Адам (14 Август 2010 - 20:55) жазган:

Арактын айынан мына менин ата-энем ажырашып кетишкен, а мен ошонун курманы болуп чоңойдум.

Merischka (15 Август 2010 - 03:56) жазган:

Eh zhindi suu kancha adamdyn uj buloosun ortop, zhan dujnosun talkalap...

Demon (18 Август 2010 - 18:18) жазган:

окунучтуу булардын абалы ...

Delios (18 Ноябрь 2012 - 12:56) жазган:

Хе хе таштаганы чын экен ээ?

Aidana91 (23 Ноябрь 2012 - 22:21) жазган:

Мага "арак" атын окшоштуруп айтканы (жазганы) жакты

[Gupa]

"Майрамда окулган ыр" аңгемесине жазылган пикирлер.

AeCHka (05 Май 2009 - 22:40) жазган:

Баракелде, Барс аксакал! Мага абдан жакты ангемениз. Коптон бери кирбей бул темага, жетимсиреп калды эле бул жак.

Барс (05 Май 2009 - 22:46) жазган:

Аечка, сенин өгүнкү мугалимдерге карата айткан сыныңа жооп катары деп түшүнө бер!!!

AeCHka (05 Май 2009 - 23:06) жазган:

Рахмат Барс аксакал, мага ошондой эле сезилди. Дагы да болсо ангемелеринизди кутобуз.

Jeka (14 Май 2009 - 15:14) жазган:

"Майрамда окулган ыр" деген аңгемеңизди ырахаттануу менен окуп чыктым. Тарбиялык мааниси өтө зор аңгеме экен! Менимче, азыркы мугалим наамын алып жүргөн коллегеларыңыздын көпчүлүгү ал наамга татыксыз. Айла жогунан эле иштеп жүргөндөй сезилет.
Ушул ой-толгоолоруңуздан эле Барс аке сиздин чыныгы педагог жана "МУГАЛИМ" (атайылап чоң тамгалар менен жаздым) экениңизди сезип жатам.
Сиз "шайтан алгырды" чорттуку дегендей, мен да "Так держать!" деп койойун.
Сизди урматтоо менен айтыштагы өнөктөшүңүз.

Барс (14 Май 2009 - 16:41) жазган:

Ырахмат, Жека! "Мактоо сүйдү" жаным дагы дардая түштүм. Ал эми "шайтан алгыр" деген сөздү "чорттуку" деп мен айтпадым. Ошол аңгемедеги тилчи каарман айтып жатат, биздин кээ бир чыгаан журналисттер окшоп. "Так держать!" дегениңде, кемедеги капитандын буйругун уккан рулевой сыяктынып:" Есть, так держать!" деп жиберипмин. ..

Ханбийке (07 Июнь 2009 - 00:06) жазган:

Барс байке-ее бытыгый ангеменизден дагы жазынызчы аябай окугум келип жатат. Алдын-ала рахмат.

jikitai (12 Август 2010 - 14:10) жазган:

Сонун жазылган,Барс байке дагы сонун ангемелерди кутобуз.Бирок чынында "беш кол тен эмес "дегендей чыгаан билимдуу мугалимдер да бардыр деп умут кылалы.

Адам (14 Август 2010 - 04:50) жазган:

Чыныгы турмуштан алынганы белгилүү болуп турат.

Demon (22 Август 2010 - 00:28) жазган:

соз жок ... но комент деп койчу беле ...

[Gupa]

"Үчөө" аңгемесине калтырылган ой-пикирлер.

arhidey (07 Июнь 2009 - 09:19) жазган:

Барс байке окуп алып толкунданып кеттим сонун бытыгый ангеме бирок мен Таардын устуно баласын отургузуп койду деп жазыпсыз Таар-бул эмне тушунбой жатам мумкун болсо тушундуруп бере аласызбы?Сонун ангеме ата-эне канчалык ыйык.куйумдуу биз учун.

Барс (07 Июнь 2009 - 09:30) жазган:

Ырахмат, Архидея! Таар кыргыздын өрмөк менен токулуп, анан азыркы паластын ордуна салынчу буюму. Силерде "шалча" дебес бекен???

USSR (07 Июнь 2009 - 09:43) жазган:

Оо Барс ава,акыркы ангеменезди бир дем менен окуп чыктым....чынын айтсам,козумо жаш тегеренип кетти аягында......дагы бир жолу талантынызга таазим.....! Бар болунуз!

Барс (07 Июнь 2009 - 10:03) жазган:

Ырахмат, СССР! Бирок, менин силерди ыйлатайын деген оюм жок эле, кечирим сурайм!! !

vais (07 Июнь 2009 - 10:17) жазган:

Маладес Барс ага! тарбиялык мааниси бар нерсе жазыпсыз.. Атанын акылын карасан.. балага оюн жеткизиш учун эмнени ойлоп тапканын....уйронуш керек экен мындай "методдорду" ,а то кээ бир адамга кыйкырсан да, бакырсан да, туртсон да баары бир соз жетпейт....

arhidey (07 Июнь 2009 - 10:21) жазган:

Арзыбайт байке рахмат тушундум Таар демек бизде шалча рахмат.

Ханбийке (07 Июнь 2009 - 13:20) жазган:

Суранычымды четке какпай жазып койгонунузга териме батбай суйунуп отурам, чыным айтсам
суроомо жооп болот деп ойлогон эмесмин. Ырларынызды дагы окудум аябай сонун экен, сизден
кыргыздын улуу жазуучусу чыкса керек, талантыныз осо берсин.

Барс (07 Июнь 2009 - 15:44) жазган:

Ырахмат, Ханбийке! Ылайым, турмушуң нигиңе бап келип, хан бийке болуп жүрө бер. Ошондо мен эсиңден чыкпасам болду!!!

Maika (07 Июнь 2009 - 15:56) жазган:

chyndap ayvay soonun ee...? mynday tarbiyalyk maanisi jogorku chygarmalardy jazyp,yrahat tartuulap jatkanynyzga choon rahmat...talantynyzg
a taazim..! sizdin bytygyi angemelerdi daiyma kaltyrvay okuym jana kutup okugan kuiormanynyzmyn... iygilik sizge BARS agay!

[Gupa]

AeCHka (07 Июнь 2009 - 15:59) жазган:

"Балам, балам дейт, а баласы балам дейт", "Балам, балалуу болгондо билесин". .. эн туура айтылган, илгертен калган улуу создор.
Бар болунуз Барс аке!

Адам (14 Август 2010 - 20:26) жазган:

Дагы бир жолу нравалык тарбия! Абдан сонун экен.

Merischka (15 Август 2010 - 04:12) жазган:

Akylynyz teren, kalem sabynyz kurch...sizdin kijinki angemelerinizdi kutup
Urmatoo menen Merischka

Demon (18 Август 2010 - 17:39) жазган:

аталардын балдары болгон мээрими баалангыс экен го ...

akusya (27 Август 2012 - 12:07) жазган:

Кошулам сизге

Таллас (27 Август 2012 - 15:01) жазган:

Таласта дагы "таар" сөзү колдонулат.

Ал эми темага улай жаза турган болсом, мазмуну дал ушундай кыргыз тилиндеги ролик көрдүм элем. Автору биздин катарда эле жүргөн экен да-а..

ona (28 Август 2012 - 17:01) жазган:

Накта жашоодон алынган чыгарма экен... дээрлик озум аралашып жандарында кубо болгондой окудум Рахмат Барс агай

Elit (28 Август 2012 - 19:46) жазган:

Чынында эле кээ бирде балдарыбызга ашыкча уйрулуп тушуп ата-энелерибизди таарынтып алабыз да.

solnyshko (04 Сентябрь 2012 - 11:27) жазган:

сооонун экен....

[Gupa]

"Бала тили" аңгемесине жазылган ойлор.

ХАНЗАДА (17 Март 2010 - 22:41) жазган:

Сонун, Барс ава. Сизде чымындар дайым айланчыктап журот тура. Мага жакты.

Azura (18 Март 2010 - 08:21) жазган:

Барс
Коптон бери жазбай неге калдыныз деп сурагандан тартынып жургом! Абдан жакшы! Дагы кутом!

Айзиля (18 Март 2010 - 09:31) жазган:

Бул ангеменизди окуп алып кичинекей наристенин таттуу тили, бытыгый колу,кыткылыктаган кулкусу коз алдыма тартылып, озумчо жылмайып алдым. Алардын "жаргондорун" эстетип койгонунузга рахмат Барс аба.

azalove (19 Март 2010 - 15:57) жазган:

Эх кандай сонун чыгарма!
Баракелде аваке!
Ата-эне дегенин оз баласын багып чонойтуп, анын балдарын да мээрими менен эркелетип чонойткондон "эшек" болушса да тажашпайт тура. Кудайым сиздерге чоборо, гыбыра, шыбыраларыныздардын да бал тилин угууну насип кылсын.
Аман болунуздар ата-энелерибиз!

Адам (14 Август 2010 - 20:00) жазган:

Бала кезимден окуялар эске түштү.. мени да айтып калышат: "сенин тилиң алгач ата-апа деп чыккан эмес..." деп.

Demon (20 Август 2010 - 05:28) жазган:

кызык кичине бала бул созду кайдан уйронуп алды экен ... улуулардан эле уккан го кыязы ...

Elit (02 Апрель 2012 - 12:45) жазган:

Уядан эмнени корсо, учканда ошону алат деген чын. Кызыма 11 ай болду биз эмне ни кылсак бут туурайт, ошол сымал эле уйроткон создорду да айтат.

Барс (23 Ноябрь 2012 - 18:16) жазган:

Балким...

Ashurova- gulida (23 Ноябрь 2012 - 23:58) жазган:

jakshi chigarma eken.dagi kutup kalabiz

Nuura (24 Ноябрь 2012 - 04:35) жазган:

Атамды-" байкем" менен эжелерим байке деп айтчу экен анткени ,чоң- атамды "ата "деп айтышчу.Менин тилим жаңы чыкканда атамды ата деп чон атамды -чоң "ата" деп айтчу экем .Чоң атам апам менен атама силер үйрөткөнсүңөр деп таарынган экен.

[Gupa]

"Арак кечтин аңгемеси" тууралуу пикирлер.

IndiGo (23 Май 2010 - 14:34) жазган:

kuzuktuu eken! + % 100

jaina (25 Май 2010 - 20:14) жазган:

Сонун жазылыптыр, Барс аба. Сизге чыгармачылык ийгилик!

Merischka (12 Август 2010 - 00:48) жазган:

Urmatuu Bars ava, abdan zhakchy zhazylgan. Dagy sizdin emgekterinizdi chydamsyzdyk menen kutobuz.

Адам (12 Август 2010 - 01:14) жазган:

Эх ичкилик, ичкилик, адамды эмнелерге гана алып барбайсың??

jikitai (12 Август 2010 - 13:58) жазган:

Барс байке калеминиз курчуй берсин,чыгармачылык эргуу, ийгилик каалайм .Эн сонун жазылыптыр.

Demon (22 Август 2010 - 00:30) жазган:

эн сонун, бар болунуз ава ...

Aikoou (27 Декабрь 2010 - 14:22) жазган:

Азаматсыз! !! Жакшы жазыптырсыз. .Бирок аягы жакшы болуп бутсо болмок(уландысы болсоо ээ) Например: Анан ал аракеч кой мен да жакшы жашоо курам,болду ичпейм......Кандай жумуш болбосун ,оокат кылып кун откором.... Намызына тийчуу создорду уккандан кийин

[Gupa]

"Көч" аңгемеси жараткан пикирлер.

jaina (25 Май 2010 - 20:11) жазган:

Ушуну окуп алып аябай таасирлендим. Чын эле биз жаш кезибизде ата-энебизге эркелеп чоңоёбуз. Кийин гана кеч болуп калганда баарын түшүнүп, аттиң деп калабыз. Бирок анда баары кеч болуп калат. Миң өкүнгөнүң менен өтмүштү кайтара албайсың да... Ошондуктан адамзаты, жакын адамдарыбыздын кадырын өз убагында баалай билели! Рахмат сизге Барс аба, ушундай терең мазмундуу аңгеме жазганыңыз үчүн! Бул бардык жаштарга сабак болот деп ойлойм.

Барс (25 Май 2010 - 20:43) жазган:

Ырахмат, Жайна! Сенин билдирүүңдү окуп, өзүм жазган аңгемемди дагы бир сыйра окуп, ырахматы болгур атамды эстеп, көзүмө жаш алдым...

Адам (14 Август 2010 - 19:51) жазган:

Аңгеме жакты. Тарбиялык мааниси зор чыгарма экен.

Demon (20 Август 2010 - 05:39) жазган:

окуя жетээр жерине жетти, баарын тушундум, мен да атама ошенткен болсом керек, козу тируу экенинде мен да жалынып жалбарып анан эркелеп алайын ...

[Gupa]

"Айлык" бытыгый аңгемесине. ..

mikasa (10 Январь 2011 - 15:16) жазган:

Балли Барс ава. Бул сиздин жазган ангемениз ар бир мектептеги, ай сайынкы корунуш болсо керек.

Narynbek (10 Январь 2011 - 18:25) жазган:

Чындап эле бул ай сайын болчу корунуш болсо ал мектепте билим алып жаткан балдарыбызга мугалимдер конул коюп сабак берер бекен?

Romantic (22 Январь 2011 - 22:47) жазган:

Негизи эле бюджетниктерге боорум ачыйт,айрыкча мугалимдерге. Окуучуларга билим берип,келечекте адам болушуна туздон туз мугалимдин да эмгеги бар.Ушу эмгек акыларын кичине болсо да кобойтуп коюшса,кууратпай. Рахмат сизге Барс ава.Чыныгы турмуштагы мугалимдердин образын жараткансыз. Калеминиз курчуй берсин.Жаратканым чын ден соолук берсин сизге.

[Gupa]

Автордун макулдугу менен аңгемелер бир темага бириктирилди.
Окурмандарга ыңгайлуу болот деген ойдомун жана
Барс агайдын чыгармалары бир темада чогуу "жетелешип"
жүрүшсүн, бир китепке чогултулган жыйнак сымал...

[Karakchy]

Барс агайда чексиз ийгиликтерди жолдойм
ангемелерин окуп алып, аябаай кулкум кыстап жыргадымгоо кызыктуу ангемелер экен супер

[aybek.shermambetov]

Сонун жазылган экен Барс ава айылымды бир элестеп окудум ар бир ангеменизде айылдын чыныгы жашоосуу чагылдырылган. Калеминиз курчуй берсин жаны ангемелерди кутобуз. Кошуна жана тооктор ангемесин окуп бир жылмайып алдым анткени кошулар м.н ушул маселе чыгат да жаз башталганы анан кубалап жаман жакшы айтышмай. Айлык алганда оо сиз айткандай тизилет да тизилет жетпей калгандары андан коп, анан кийинкиде бересин бербей корчу уйуно келип абийринди тогот. Оо эже жетпей калды десен жаман коруп баштайт. Откон кунду эстеп бир жылмайып алдым ээх айлымды сагындым. Жазган ангемелеринизде ар бир айылда каармандар бар ушуну так жазып бере алганызда, сизге ийгилик каалайм!

[Барс]

Gupa (30 Август 2013 - 15:52) жазган:

Автордун макулдугу менен аңгемелер бир темага бириктирилди.
Окурмандарга ыңгайлуу болот деген ойдомун жана
Барс агайдын чыгармалары бир темада чогуу "жетелешип"
жүрүшсүн, бир китепке чогултулган жыйнак сымал...

Гупа, сага чоң ырахмат! Өзүм чыгынып таптакыр аткара албаган татаал сооп ишти аткарыпсың. Жараткан сага жакшылыгын берсин. Бир гана "Араккечтин аңгемеси" деген аңгемедеги "араккеч" деп жазганымды, ката катары караганыңды мен жакшы түшүнөм. Дээрлик көп жазмаларда, атургай "Кыргыз тилинин орфографиялык сөздүгүндө" ал сөз "аракеч" болуп жазылганы чын. Бирок, бул сөздүн уңгусу "арак "болгондуктан, ал эми ал сөзгө "-кеч" мүчөсү уланып жаткандыктан, мен тилчи адис катары макул болбой келем. Анткени, "аракеч" болгондо, уңгусу "ара" болуп калып жатпайбы! "Арабакеч" деген сөздү "арабкеч" деп жазган сыяктуу. Силер да ойлонуп көргүлө! Кыргыз тилинде дээрлик бардык сөздөрдүн уңгусу алгачкы формасы сакталуу менен (кээ бир гана сөздөрдү эске албаганда. Мисалы: Бала+лар= балдар.) жазылууга тийиш деген эреже бар. Антпесе, сөздөрдү угулушуна карай жазсак, " түнбү" деген сөз "түмбү" болуп жазылышы керек эле, анда ката болуп калат. Анда "араккеч" деген сөз да "аракеч" болуп жазылса ката болот да, чынбы?

[Gupa]

Барс (01 Сентябрь 2013 - 10:58) жазган:

Гупа, сага чоң ырахмат! Өзүм чыгынып таптакыр аткара албаган татаал сооп ишти аткарыпсың. Жараткан сага жакшылыгын берсин. Бир гана "Араккечтин аңгемеси" деген аңгемедеги "араккеч" деп жазганымды, ката катары караганыңды мен жакшы түшүнөм. Дээрлик көп жазмаларда, атургай "Кыргыз тилинин орфографиялык сөздүгүндө" ал сөз "аракеч" болуп жазылганы чын. Бирок, бул сөздүн уңгусу "арак "болгондуктан, ал эми ал сөзгө "-кеч" мүчөсү уланып жаткандыктан, мен тилчи адис катары макул болбой келем. Анткени, "аракеч" болгондо, уңгусу "ара" болуп калып жатпайбы! "Арабакеч" деген сөздү "арабкеч" деп жазган сыяктуу. Силер да ойлонуп көргүлө! Кыргыз тилинде дээрлик бардык сөздөрдүн уңгусу алгачкы формасы сакталуу менен (кээ бир гана сөздөрдү эске албаганда. Мисалы: Бала+лар= балдар.) жазылууга тийиш деген эреже бар. Антпесе, сөздөрдү угулушуна карай жазсак, " түнбү" деген сөз "түмбү" болуп жазылышы керек эле, анда ката болуп калат. Анда "араккеч" деген сөз да "аракеч" болуп жазылса ката болот да, чынбы?

Эч нерсе эмес, өзүмө да темалардын ушундай турганы жагып жатат. Оюңузга кошулса болот, бирок билбейм, мен аракеч (араккеч болсо деле) деген сөздүн өзүнүн маанисине кошулгум келбейт.

[Барс]

Улукмандын «катасы»

Анын оозуна суу тамызып калган күндөр эле. Жашоодон күдөр үзүлүп, өмүрү кыл үстүндө турганы баарыга аян болуп, «ана кетет, мына кетет...» деп турган кез. Мына ошондо ал жерге, ошол тоо арасындагы бир коктудагы жалгыз алачыкка айтылуу Улукман келип калат деп ким ойлоптур десең. «Айыгар оорунун дабасы өзү келет» деген сөз туура бейм! Ошентип, оңдой берди болуп, бул жактын тоолорунда табылбас дары өсүмдүктөрдүн бар экенин билип, аларды жыйноо үчүн жүргөн Улукман өзү оорунун тамырын кармап, оорусун аныктамакка бардык дитин коюп карап калды. Анткен менен улуу дарыгердин барган сайын жүзүнүн өзгөрүшү, жакшы кабардан дарек бербей тургандай абалды ишара берип тургансыйт. Акыры Улукман оорулуунун колун коё берип, оор үшкүрдү да, сыртка чыгып:
- Жараткандан гана даба болот. Пендеси бул оорунун алдында алсыз... Буга даба жок... – деп кесе айтып салды. Бул сөз оорулууга чыгарылган акырыкы өкүм сыяктуу эле. Же бул байкушта күйүмдүү жакын тууган,же үй-бүлө болсочу. Аялы былтыр көз жумуп, жалгыз уулу жетиге жетпей чарчап калган. Улукмандын тигил айтканы ошол жердеги бирин-экин алыс туугандарынын эңкелерин кесип салды. Антпегенде кантет? Эртең менен эле бийдин буйругу келген. Чабаганчы жигит:
- Эртең менен эрте жүктөрүңөрдү жүктөп, жандыктарыңарды айдап, бийдин көчү менен кошо, жайлоого жөнөйсүңөр. .. – деп, атын чымын-куюн кылып чапкан бойдон, белди аша кеткен.
- Мында оорулуубуз бар эле, шартыбыз жок. Көчкө кошула албайбыз биз... – деп айтып көр эр болсоң.
Анан « Эми эмне кылабыз?..» - деп баш кашып, айласыз турганда Улукман дарыгердин келип, өзү оорулууну көрүшү чоң үмүттүн пайда кылды эле. Анткени, «азыр ал бул оорунун дабасын табат да, айыктырып жиберет» деген ой, ишенич күч алып турган. Мына, ал үмүт да талкаланган таш табактай чачырап калды. Улукман тоонун дары чөптөрү салынган куржунун мойнуна арта салып, анда тургандар менен кош айтышып, чайга да күйбөй, ошол жердеги жерде сакал табыпка бир нерселерди айткандай болду да, сапарын улантты.
Эми оорулууну эмне кылуу керектигин макулдашуу турду. Көч менен кошо алып жөнөгөнгө болбойт. Улукман дарыгер: «Бир аз эле кыймылдатып, денесин урунтурсаңар, анын жашоосунун бүтүшүн тездетесиңер. ..» - деп бекер жерден айтты дейсиңби... Мында калтырганда муну ким карайт? Баарынын бөлүнгөн иши, өзүдөрүнө жараша тирилиги бар эмеспи.
Ошентип, баш катырышып олтуруп, алачыкта убактылуу жалгыз калтырмай болушту. Бул эми тамак деле жеп кыйратпай калган. Тиги кысыр саан кара уйдун сүтүн саап, аякка куюп таштамак макулдашылды. Калганы баары кудайдан! Жайлоого жетип, антип-минтип жайлашкан соң, бирөөсү кабар алып кайра келмек болду. Буга баш-аягы үч-төрт күн кетет. «Ажалы жетпесе... аман болсо... дагы бир айласы табылаар...» - деген күмөнү көп ой айтылды. Мастаат ушуга тынды.
Эртеси таң эрте «көч-көч» башталды. Баш көргөндү көз көрбөй кыйсыпыр болуп эле жатып калышты. Макулдашылгандай чоң кара аякка айтылган уйдун сүтүн саап, бышырып, оорулуунун жанына коюшуп, ыйлап-сыктаган болушуп, алачыктын эшигинен ит-куш кирип кетпесин дегенчелик кылышып бекемдей жаап, баарысы көчүп кетишти.
Оорулуу көзүн жалдыраткан бойдон, тагдырына баш ийип, алачыктын ичинде жалгыз кала берди.
Мына ушундан кийин убакыттын өтмөгү азап болду. Мурун да дурус болгон экен. Адамдардын кирип чыкканын карап, алардын кеп-сөзүн угуп, алыксыйт экенсиң. Эми кулак-мурдуңду кесип салгансып, жымжырт. Эшикке чыгып, эки жакты кароодон кур жалак калганына көп болбодубу. Эч болбосо, эш болчу эшикте бир-эки баш жандыктын жоктугу, анын жалгызсыроосун андан бетер күчөтүп жиберди.
Ушундай ой-санаа менен ал күндү да кечирип, түн караңгысы каптады. Ташталган кара аяктагы сүткө карап да койбой, уйку-соонун арасында жата берди. Ага күн да, түн да бирдей эле.
Эртеси кайрадан таң атты. Кичине көзү илинген ал, таңдын атканын алачыктын жылчыктарынан кирген жарыктын шооласынан боолгоду. Анан эле...
Бир мезгилде эшик тараптан бир дабыш эшитилди. Оорулуу көз кыры менен ошол жакты карады. Карады да, тилден калгандай көздөрү чакчайып, же бакыра албай, же шып төшөгүнөн туруп кеткенге алы жок, жалдырап, жансыз денеси дүркүрөгөнсүп кетти. Анткени, жанагы шыбырт кеминде эки кулачтай кара чаар жыландын алачыкка кирип келе жаткан дабышы эле. «Ажалым жыландан экен!..» деген ой мээсинен, жанысыз бутуна чейин чуркап өткөнсүдү. Жылан улам ачакей тилин чыгарып, кээде ышкыргансып, бериге жылып келе жатты.
Акыры кара аякка куюлган сүткө токтоду да, башын бийик көтөрө эки жакты карап туруп, сүткө башын малды. Башын малдыбы, же тилин гана тийгиздиби берки жакшы да байкай албай калды. Анан кайрадан коркунучтуу ышкыра акырын сойлоп, кирген жеринен чыгып кетти. Бардык сезими тик туруп, чыңалып турган неменин ошондо гана денеси бошоңдоду. Бая эле өлүмдү күсөп турган жан жылан түспөлүндөгү ажал жакындашып, аны менен бетме-бет келгенде, өлсөм деген ниети өчүп, өлүп каламбы деп жанталаша жыйрылып турушу, али өлүмгө чындап бет бурбагандын белгиси эмей эмне. Мына ушуну ойлоду ал. Аны жандын ширин экени таңдантты. Азыркы абалында да, бир аз болсо да жашоо кызыктуу экенине башы катты. Анан кайрадан өлүмдү самай баштады. Ал өлүмдүн өз колунда болуп калганына ишенип, ишене албай эс-мас тартты. Тигине өлүм! Кара аякта муну күтүп турат. Ал ошол аяктагы сүткө тигил жылан уусун таштап кеткенине күмөн санабай турду. «Ушундан көрө... – деди сөзүнүн аягына чыга албай буулуккан тейде. – жылан чагып өлгөнүм жакшы эмес беле... Жараткан ал өлүмдү да мага ыраа көрбөй, уулуу жылан да менден жүз үйрүдү. Чакканга да жийиркенди, иренжиди. Жылан иренжиген мен, анан дагы эмнеме жашаганга умтулуп, кайсы арыма жыландан жыйрылып коем, ыя? Кой андан көрө, өз жанымды өзүм кыяйын...» Ал ушундай чечимге келди да, аякка карай кол узатты. Мына тагдырдын дагы бир тамашасы! Шашылганданбы, же кенебестиктенби, аякты кол жетпеген жерге коюп кетишиптир. Ага жылып жеткенге дене жансыз. Анын өксүп-өксүп ыйлагысы келди. Ал Кожожашка окшоп, башка мергендер көрүшүп, бошотуп алганга чейин аскага үч күн, үч түн камалып калганда да, карышкырдын сырттаны менен кармашта ал бир бутун жара чайнаганда да, мындай абалга туштукпаган. Бирок, негедир көзүнөн жаш да, тамагы буулуп айкырган үн да чыкпады. Көзүн жумуп дагы далайга жатты. Анан көзүн ачып, бир шыпты, бир алачыктын керегесин карады. Көзүнө камыш урунду. Кудайдын кудурети менен алачыктын керегелерине жармаша өсүп турган бул камышты мурун байкабаганын кара. Ушуга да шүгүрчүлүк келтирип, илгертен жан жолдошу болуп калган кестигин жаздыгын астынан алып, ал камышты түбүнөн кыйып алды да, жаткан жеринен кара аякка карай сунуп, ага толук жеткидей кылып, болжоп туруп, кесип алып, түтүк кыла кетти. Акыры канча түйшүктөн кийин камыш түтүк даяр болду.
Анан ал асте камыш түтүктү кара аяк жакка сунуп, камыштын наркы учун аяктагы сүткө малды. Малды да селт эте кайра тартып алды. Өлүм алдында эмне кылыш керек экенин, кантип акка моюн сунуунун ырасмисин эске салганга ой жүгүрттү.
Алгач ал ырасмини кечирим суроодон баштады: «О, Жараткан, билип-билбей кылган күнөөлөрүмдү кечир... О, кайберендин, илбесиндин тукумдары, силерге далай кыянаттык кылдым. Кекиртектин айынан далайыңардын жаныңар менен каныңарга забун болдум. Силер да кечиргиле... Эң негизгиси мыкты мерген атагын алганыма курсант болуп, «керегине жараша гана жан кый» деген те илгерки ата-бабадан калган мергендердин мыйзамын бузуп, аңдын кумарына азгырылып, ашыкча жан кыйганымды, жандын таттуу экенин азыр өзүмдүн жанымды кыяр алдында сезип турганым жалганбы?! ! Эч болбосо, азыр мени чагып өлтүрүүгө шарты келишип турса да, менин арсыз жанымды кыйгысы келбей чыгып кеткен кара чаар жыландай да боло албаганыма өкүнүп турган кезим». Ал дал ушинтип ойлоду. Жалгыз баласынын белгисиз оорудан чарчап калганы да, аялынын капыстан каза болгонунун баары ошол мергенчилигинен, кайберендин каргышынан экенине ишенип, сезими зыркырап, жүрөгү титиреп жаткансыды. Он гүлүнүн бир гүлү ачылбай жатып көз жумган жалгызынын, бейкүнөө зайыбынын өлүмдөрүнүн себепчиси өзү болгонуна, ал каргыштар өз башына тийбей, тигилерге тийгенине эми көзү жетти...
Адам өзүнүн тирүүсүндө кылган күнөөлөрүн өлүм алдында гана мойнуна аларын, өлүмдүн улуулугу да, ыйыктыгы да, актыга ушул экенин ал өз жаны менен сезип турду. Ал өткөн өмүрүндөгү жакшына учурлардын (андай учурлар көп эле болду го!..) алдамчы экендигин, жан кумары, дене кумары, курсак кумарын кандыруу утурумдук гана жыргал сөрөйлөр экендигин, өлүк дүйнөң байлыгың утурумдук гана канагаттануу тартуу кылбаса, алардын баары бейпада экенин азыр билип атты. Булардын баарын билген менен не пайда?! Алардын баарын: желге кеткен жашоосун, өтүп кеткен өмүрүн кайра артка кайтарууга, андагы кетирген каталарын кайра оңдоо мүмкүнчүлүгү да, ылаажы да жок экендиги аны эзип турду. Азыр гана ушул тапта, өмүр менен өлүмдүн чек арасында туруп чыгарган өмүр жыйынтыгын, турмуш чындыгын артында калган жумуру баш, ача аяк пенделерге керээз катары, мурас катары айтып кеткенге да жан адам жоктугуна мүңкүрөп турду. «Өзү менен кошо гөрүнө ала кетти», - деген сөздүн мааниси ушул турбайбы! ..» - деп ой калчады ал. «А баса, гөр демекчи, менин гөрүм болобу? Аны ким казып, ким мени ак кепиндеп, жерге берет. Азыр кирип тиги кесеге уусун таштап кеткен жыландан башка жан болбосо... Менин гөрүмдү жылан казат...» Ал аргасы калбагандай ачуу жылмайып койду. Арам өлүм. Ал тоо аралап жүрүп арам өлгөн жандыктардын өлүмтүгүн далай эле көргөн. Аны жаңы өлгөндөрү сасып, курттап, эски өлүмтүктөрдүн сөөктөрү аркайып... Ал өзүн өлүк денесинин сасып, курттап жатканын элестетип, бир сестенип алды. Өлүмдүн үрөйү суук, тирүүлүк менен ымалаша албаган карааны кайрадан көз алдына тартылып, төшөктө жаткан чала жан, жарым өлүк, шал денесине шыргалаң муздун илебин чачып турду. «Тагдырым ушул экен!.. Ушундай өлүм тапмак бешене жазылган экен...» - деп ойлонду ал. Баарысына кайыл болуп, камыш түтүктүн наркы башын кара аяктагы сүткө матырды да, кеберсиген эриндерине берки учун алып келип, соргонго ылайыкташтырып туруп калды. Курсагы да ачып калганы эми даана сезилди. Дайыма тамак жээр алдына: «Биссимилла ирахман ирахим, ушул жээр тамагым аш болсун!» деп тилек кылганы эсине келип, алсыз гана кайрадан бир жылмая: «Биссимилла ирахман ирахим, ушул ичер уум аш болсун!» - деди да, сүттү ырахаттана соро баштады. Өзөргөн өзөгүнө жылан башын салган сүттүн даамы алда немедей таттуу да, жагымдуу сезилип жатканына таң калып жатты.
Ошентип жатып, андан кийин не болгонун сезбей калды. Кандайдып бир туңгуюкка түшүп бара жатканын бир билди да, барып-барып эле бир оокумда бардык нерсе жалп этип өчтү...
* * *
Канча мезгил өттү белгисиз. Бир убакта эс-учу ордуна келип атканы кадимкидей билине баштады. Көзү жабык экен... «Наркы дүйнөдөмүн! » деди элдир-селдир келип жаткан сезими. Көзүн ачкандан коркту. Мурун кыймылсыз жаткан, жаны жок, эч нерсени сезбеген денеси абдан эле жеңил тартып, өйдө турууну каалагандай болуп турганы аны таң калтырды. Дем алуусу ордуна келип, көңүлү да көтөрүлүп калыптыр. Мурунку уккан уламыштардан улам:«Ии, өлгөн соң, ооруң билинбей калат тура. Жеңил тартканым, денемден жаным чыгып, абада калкып жүрсө керек...» - деген ой келди ага. Анан жаңы, али өзүнө белгисиз дүйнөнү көргүсү келип, пенделик кызыгуусу артып кеткенден улам, салмактанган кирпиктерин акырын көтөрүп көзүн ачты. Ачарын ачып, бирок таң калганынан каректерин чекчейтип барып, кайра жаба салды. Ал бир тынымдан соң, кайра көзүн ачты. Бир үстү жакты, бир жака белин карады. Баягы эле, мурунку эле тааныш дүйнө, так айтканда өзү жаткан алачыгында жатканына бир ишенип, бир ишене албай дендароо боло түштү. Башын көтөрдү. Көөдөнү башы менен кошо жеңил гана жогору карай өйдө болуп кетти. Буттарын өзү деле байкабай сунулган жерден тартып алды. Сулк жаткан буттар кадимки соо буттардай эле кыймылдап жатты. «О, Кудай, кудуретиңден, өлбөй эле оорудан сакайып калганмын го!..» Ушуну ойлоду да, ушул оюнан өзү өлгүдөй коркту. Түшү эмес бекен? Жаңы бул ооруга кабылган жылдары да, ушундай тоо-ташты аралап жүгүрүп жүргөнү түштөрүнө кирип, ойгонсо,төшөккө маталып жатканы канча жолу кейитти эле. Ошол нерсе кайра кайталанып жаткансыды. Акырындап барып өзүнүн өлбөгөнүн да, азыркы абалы түшү эмес, өңү экенине даана көзү жетип, таң калганынан тили байланып, сөз сүйлөөгө кудурети жетпей турду. Анан соо кезиндегидей лып этип ордунан туруп кетти. Турарын жеңил турду го, бирок башы айланганынан алачыктын жан жыгачына сүйөнүп о итабарга чейин калтыраганын баса албай дирт-дирт эте кадам шилтөөдөн коркуп, жер карап акылын пештеди. Тамтуң баскан жаш бөбөк сыяктуу алгачкы кадамын алачыктын эргенчеги тарапка шилтеди. Кадамы шилтенди! Дагы эки-үч кадамдан соң эргенчекке жетип,аны ачуу үчүн түрттү. Чын эле ит-куштан чочулашкан го, катуу бекитишкен экен. Оңой менен ачылбай тургандай. Ушуну ачса эле, сырттагы жарык дүйнө менен бет келише тургандыгы аны бири эсе кубантса, бир эсе чочулатып турду. Бир аптада бир жолу гана кээде көтөрүшүп, эшикке чыгарышканы болбосо, эшик көздөн учкан кыял эмес беле. Мына ушул кыялга азыр өз аягы менен чыгып, көрмөк мүмкүнчүлүгү болуп турганы оңой эмес, о! Ачылбай жаткан эргенчекти таш-талканын чыгаргысы, тез эле сырттагы жарык дүйнөнү көргүсү келгени менен бекемдеп жабылган эшиктин ачылмагы азап болду. Мурунку күчү, кайраты болсо кана эми.
Тирүү жан эмеспи акыры көп аракет менен эшик ачылды! Алгач көз уялткан жарыктык Күн, андан соң шаңкайган асман, андан ылдыйда тоолор заңкая бой керип турганы көрүнүп, аларды бүт дити менен кумарлана, ачыгып калгансып, аптыга карады. Тоо тараптан жумшак жел согуп турган экен, өсө түшкөн чачы менен сакал-мурутун жай гана сылап өттү. «О Тирүүлүк, кандай укмушсуң деги!» Анын оюна, дилине, тилине келген алгачкы сөз ушул болду белем. Көздөрүнүн кычыктарына жаш толуп, бет ылдый карай он талаа болуп агып жатканын өзү сезген деле жок го, сыягы. Анан жаш чайган көздөрүн аарчып, жайлоого кетчү тоо тарапка көз салды. Те алыстан кыялай түшүп келе жатышкан топ атчандын карааны көзгө чалынды.
Ал атчандар мунун абалын билгени, ачыгы көз жумса, адамдык парзын аткарышып, акырыкы сапарга узатканы келе жатышкан алыс-жакын туугандары саналган аял-эркектер эле.

***
- Ие. – деди тиги келгендердин улуусу – бу кандай болду? Атагы зор Улукман аким жаңылганбы? Анын айтуусу боюнча... Айтып бараткан сөзүнүн аягына чыкпай токтоп калды.
- Ошону айтсаңыз... – дешти калгандары жаалашып, мерген менен учурашып, сыртка кийиз жайышып отурушкан соң.
Башкалары мунун кара ашына деп ала келишкен кара койду эми түлөө өткөргөнү, арбактарга куран окуганы союшуп, келиндер от жагышып, боорсок салышып жатышты нарыда.
- Жок э, Улукман кантип жаңылсын?! ! Кандай сыр болгонун бир баштан айтчы... - деп калды жерде сакал ошол жердик баягы табып.
Мерген болгон окуяны айта баштады эле, аны жерде сакал токтотуп:
- Коё турсаң, эми мен айтайын... Улукман аким кетип баратып мага буларды айтты эле... Ал:«Бул ооруну айыктыруунун дабасы бар, бирок анын ылаажы жок. Ал үчүн төрт жыл кысыр калган кара уйдун сүтүн төрт жүз жылдык арчадан чабылган кара аякка куюп, кырк жылы адам көрбөгөн жыландын уусун кошуп, аны илгери өлгөн баатырдын көмүлгөн мүрзөсүнөн өсүп чыкканы аз келгенсип, ошол баатырдын жамбаш сөөгүнүн көзөнөгүнөн чыккан камыш менен ичирүү даркер. Мына ошондо гана мунун оорусу сен көр-мен көр жоголуп, калдыксыз айыгып кетет... Ушулардын бири эле жок болсо, айыкпайт. Аны кайдан табасың?.. Ошондон улам дабасы жок, - деп айткан. Мына ушуну тактабай туруп, «Улукман жаңылыптыр» - деген болбостур... – деди.
- Ооба. Силер таштап кеткен кара аяктагы сүткө эки кулачтай кара чаар жыландын баш салганы, анан мен ошол ууну ичип өлөйүн деп, тиги алачыктын ичинде жаткан камыш түтүк менен соруп ичкеним, анан... анан эсимди билбей жатып калып, кайра эсиме келгенде сакайганым чын... – деди мерген.
- Ой, тооба!!! – дешип жакаларын кармашты отургандар.
- Чын эле бул укмуштун укмушу эмеспи! Улукмандын айткандарына кара уйдун сүтү да, кара аяк да туура келип жатат. Эки кулачтай жыландын уусун таштаганын мына бул өзү айтып отурат. Андай болсо, ошол камыштын өскөн жерин казып көрбөйсүңөрбү, балким, чын эле адам сөөгү чыкса, жараткан өзү кечирсин, андан соң бир жыйынтыкка келели! – деди карыя.
Мергендин көрсөтүүсү боюнча, камыштын дүмүрүн этияттап, көр казганы ала келишкен кетмендери менен ал жерди каза башташты. Камыш да тамыры тереңге кеткен өсүмдүк бейм, оу итибар казгандан кийин чын эле гөргө туш келишти. Айтканың келсин деп ошол камыштын тамыры адам сөөгүнүн жамбашынын көзнөгүнөн өскөнүн көрүшүп айран калышканын айтпа! Ал сөөккө багыштап куран окушкан соң, кайрадан тез көмүштү.
***
Бул окуянын аңызы узун элдин учуна, кыска элдин кыйырына желдей тарап, кулагы чалган жандын баарын Жараткандын керемети, Улукмандын дарыгерлик дарамети таң калтырып жатты...

30-окябрь 2013-жыл.

[ROUSE]

ушул уламышты чон атам бала кезде айтып берди эле