[slastenka]

Nurdoolot94 (13 Июнь 2015 - 19:02) жазган:

Жок э тутуш керек созсуз, парз.! эгер узурлуу болсо карыз болот" - деп кенири айта беребиз да а озубуздукулорго?

И парз экенин жакшы билебизго... ..

Кош бойлуу болгонума байланыштуу кармай албаймында. .

[kerakg]

Хадисте Пайгамбарыбыз (саллаллаху алейхи васаллам) айтты;
"Шариятта көрсөткөн эч кандай себеби болбой туруп, кимде ким орозо кармабаса, өмүр бою орозо кармаса да, орозо айында кармаган орозого барабар болбойт".
Пайгамбарыбыз (саллаллаху алейхи васаллам) кээ бир адамдар туурасында өтө катуу эскертме берген эле. Парздарды аткарууда жалкоолук кылган адамдар Алла Тааланын каары тууралуу өтө көп коркуусу зарыл. Себеби өлүмдөн эч ким кача албасы белгилүү, бирок дүйнөнүн ырахаты өтө тез кетүүчү нерсе.
Адам өлгөндө өзү менен ала кетүүчү нерсеси, бул бир гана Жаратканга кылган кулчулугу.

Билдирүүнү түзөткөн: kerakg: 14 Июнь 2015 - 08:43

[timan.86]

Буйурса кармайм

[kerakg]

Көптөгөн наадандар себепсиз орозо кармабагандыктары менен чектелишет, аша чапкандары каапырлыкка жеткирерлик сөздөрдү айтышат, мисалы; Орозону өзуңдү өзүң кыйнап не кереги бар, орозону жегенге тамагы жоктор кармаса болот, биздин ачка калганыбыздан Жаратканга эмне пайда, же кылаарга иши жок жалкоолор кармайт деген ж.б. ушул сыяктуу сөздөргө Алланын Каары келээрин билип тилибизге сак болуу керек, тирлик кылуу керек, бирок тирлик орозо кармабай койууга себеп болбойт, 12 айдын жакшысы Орозо айы, ошондон берекесинен, Жараткандын жайган дастарханынан насип ырыскы, бакыбатуу ден соолук, Жараткандын рахматын алууга жетишип калгыла момун бурадарлар.

Билдирүүнү түзөткөн: kerakg: 14 Июнь 2015 - 09:18

[Nurdoolot94]

Врачи советуют,во время поста вообще не пить совсем холодные напитки,это может вызвать почечную недостаточность, в худшем случае-отказ почек.



Советы врачей:
Особенно вредны употребление газосодержащих холодных напитков,лучше всего- вода комнатной температуры. Желаем всем здоровья!

[TAYNAYA]

БАЛКИМ УШУЛ РАМАЗАН СЕН ҮЧҮН АКЫРКЫ РАМАЗАН ЧЫГААР…

Балким ичеер сууң түгөнүп, саналуу күн калган Рамазанды да көрбөйт деп тагдырыңда жазылгандыр. А балким арабызда канчалаган адамдар азыр бул дүйнө менен кош айтышып жаткандыр. Ажал адамга эч качан алдын ала айтып келбейт. Ал капыстан келет.

Арабыздан ким айталат, менин дагы ушунча убакыт жашаймын деп. Эч ким айталбайт. Анткени өлүм жаш-карысына карабайт, жаман-жакшы деп тандабайт, ажалы жеткен адамды аябайт, адамдын оюн эч качан сурабайт. Ажалың келсе эркиңе карабай көз ирмемде сени бул жалган дүйнөдөн алып кетет. Мына ошондо ушуга чейин канчалаган бекер өткөргөн күндөрдүн бирин да кайтара албайсың. Ажалың жетсе, ошол күндөрдүн бири да сага кайтып келбейт, ажалдан кийин кайра жашоого келүүгө экинчи жолу мүмкүнчүлүк берилбейт. Ажалың келсе, жер бети толо алтын берсең да өмүрүңө бир мүнөт да кошулбайт.

Мына ошондо али көптөй сезилген өмүрдүн бир паста бүткөнүн сезесиң, үзүлбөгөн үмүттөрдүн бир заматта үзүлгөнүн билесиң. Мына ошондо адамдын ушуга чейин тапкан-ташыганы, ишенген байлыгы, чиренген бийлиги бир тыйынга да тете эмес экендигин өз көзүң менен көрөсүң.

Билгин, ар бир өткөргөн күнүң менен өлүмгө жакындайсың, а бирок ошол ар бир күнүң сени Аллахка канчалык деңгээлде жакындатты. Убактылуу дүнүйөнүн артынан чуркаганга дайым даярсың, а бирок өлүмдөн кийинки түбөлүк жашоого канчалык деңгээлде даярданып жатасың. Эртеңки акыретке бүгүн кандай кам көрдүң? Же оюңдун баары акчабы? Же өлүм азырынча планда жок деген адамдардын бирисиңби? Же Аллахтын сага берген 24 саатынын 20 мүнөтүн Ал үчүн бөлүүгө убактысы жок адамдардансыңбы?

Мына азыр окуп отурасың, оюңа эмнелер келип жатканын билбеймин го, бирок бүгүн Аллах үчүн эмне кылдым деп өзүңдөн сурачы? Эгерде азыр сага өлүм келсе, өлүмдү татыктуу тосуп алганга даярсыңбы? Өлүм – бул жыргал жашоо бүттү, эми эсептешээр күн келди деген сөз. Сенин чыныгы тагдырың өлүмдөн кийин чечилет. Өлгөндөн кийин өксүп ыйласаң да, өкүнүп кайгырсаң да, бул өмүргө кайра кайтып келбейсиң. Өлгөндөн кийин жалынсаң да, жалдырасаң да бул жашоого кайра тирилбейсиң. Аллах Таала “муъминуун” сүрөөсүндө өлүмдөн кийинки каапырлардын абалын мындайча баяндаган:

«Алардын бирине өлүм келген кезде (жалбарып): «Оо, Раббим, мени (жашоомо) кайра кайтара көр. Балким аткарбай таштап койгон жакшылыктарды (эми) аткараармын», – деп айтат. Андай болбойт! Бул анын айткан (курулай) гана сөздөрү. Алар кайра тирилген күнгө чейин алардын артында барзах (кабыр жашоосу) болот. А Сурнай тартылган (Кыямат) күнү алардын ортосунда туугандык болбойт жана алар бири-бирин да сурашпайт. Кимдин таразасы оор болсо, мына ошолор ийгиликке жеткендер. А кимдин таразасы жеңил болсо, алар өздөрүн өзү кыйроого учураткандар жана Тозокто түбөлүк калгандар. Алардын беттери отко куйкаланат жана ал жайда алардын (жүздөрү) тырышып калат. «Силерге Менин аяттарым окулганда аны жалганга чыгарбадыңар беле?» – деп айтылат. Ошондо алар: «Оо, Раббибиз! Нафси-шахватыбыз бизге үстөмдүк кылып, биз адашкан адамдардан болдук. Оо, Раббибиз! Бизди бул жерден чыгара көр. Эгер биз күнөөгө кайра кайтчу болсок, мына ошондо анык залимдерден болобуз»,– деп айтышат. Ошондо (Аллах) аларга айтат: «Бул жайда калып кор болгула жана Мага сүйлөбөгүлө». Муъминуун сүрөөсү (23:100-108)

Демек, өлүмдөн кийин кайра кайтуу болбойт. Бул жашоодо Аллахка убакыт бөлбөгөн адамга Акыретте ага көңүл бөлүнбөйт. Бул жашоодо Аллахты унуткан адам Акыретте унутулат. Мына ошондо канчалаган адамдар Аллахка сыйынбаганына өкүнөт. Бирок ал Күндө өкүнүч эч пайда бербейт. Ал эми ушул эле аяттардын уландысында Аллах Таала ыймандуулардын өлүмдөн кийинки абалын мындайча сыпаттайт:

«Чындыгында, Менин пенделеримдин бир бөлүгү: «Оо, Раббибиз! Биз ыйман келтирдик, бизди кечир жана бизге ырайым кыл. Сен ырайымдуулардын эң ырайымдуусусуң», – деп айтышат. А силер болсо аларды шылдыңдоо менен (алектене берип) Мени эстөөнү унуттуңар жана алардын үстүнөн күлдүңөр. Бүгүн Мен аларга сабыр кылышканы үчүн сыйлыктарды бердим. Албетте, алар ийгиликке жеткендер. Аллах сурайт: «Силер жер бетинде канча жыл жашадыңар?». Алар айтышат: «Бир күн же күндүн бир аз бөлүгүндөй гана убакыттай болдук. Эсептегендер сурап көр». Ал айтат: «Силер аз эле убакыт болдуңар, (муну) билсеңер кана! Биз силерди жөн эле жаратып, силер Бизге кайтпайбыз деп ойдобуңарбы? ». Муъминуун сүрөөсү (23:109-115)

Оо, Раббибиз! Биз Сага гана кайтабыз, Сенден гана жардам сурайбыз, Сени гана улуктайбыз, Сага гана сыйынабыз. Бизди ыйман жолуна сал, ал жолдон адаштырба. Бул дүйнөдөн куру калтырсаң да Акыретте Өз ырайымыңдан куру калтырба. Бул саналуу өмүрдө ийгиликке жетпесек да түбөлүк жашоодо ийгиликке жеткир. Оо, Раббибиз! Биз ушунчалык күнөөгө баттык, бирок Сенин кечиримиң чексиз, күнөөлөрбүздү кечир жана бизди Сага гана ибадат кылууга жардам бер.

Аттиң, Кыяматтын кандай күн экенин билгенибизде, анда Аллахка гана жанталашмакпыз, Ага гана жалынып жалбармакпыз. Аллахка жакындаткан ибадаттарды тынбай аткармакпыз.

Мына Рамазан да жакындап калды. Саналуу гана күн калды. Бул Аллахтын сага берген мүмкүнчүлүгү. Бул мүмкүнчүлүктү пайдаланып кал, ал сага экинчи жолу кайтып келбейт. Азыртан ниетиңди бекемде, Рамазанга бүгүнтөн камын. Эртең эле кирип келет. Бул айдын сообун пайдалангандар пайдаланып калды, ал эми орозо тутпагандар көп жакшылыктардан куру калды. Рамазанда орозо туткан адамдын даражасын пайгамбарыбыздын бул хадисинен билсек болот. Талха ибну Убайдуллах айтат:

«Балия деген жерлик эки адам Аллахтын Элчисине келишип, экөөсү бирдей Исламды кабыл кылышат. Бирөөсү экинчисине караганда ушунчалык аракетчил эле. Ошол аракетчили газваттардын биринде шахид болуп өлөт. Ал эми экинчиси бир жылдан кийин анын артынан кайтыш болот. Талха сөзүн улап мындай дейт: «Мен бир түш көрдүм. Түшүмдө Бейиштин оозунда турган экем. Аңгыча эле жанагы эки адамга жолугуп калдым. Ошондо Бейиштен бирөө чыгып, бир жылдан кийин өлгөн адамды Бейишке (биринчи) киргизди. Кийин кайра чыгып, шахид болуп өлгөн адамды Бейишке (андан) кийин киргизди . Андан соң мага келип “А сен кайткын! Сенин убактың али келе элек” деди. Эртең менен турганда Талха түшүн адамдарга айтып берет, алар буга таң калышат. Ошентип ал сөз Аллахтын Элчисине да жетет. Ошондо ал: «Силер мунун эмнесине таң калып жатасыңар?» деп сахабалардан сураганда, алар: “Оо, Аллахтын Элчиси! Биринчиси ушунчалык аракетчил эле, кийин шахид болуп өлдү. Ал эми экинчиси Бейишке андан мурун киргени кандай?” деп таң кала сурашты. Аллахтын Элчиси сурады: “Экинчиси андан кийин бир жыл жашабады беле?”. “Ооба” дешти. Алардан кайра сурады: “Ал (шахид болуп өлгөн адамдан кийин) Рамазанга жетишти, орозо кармады жана канчалаган намаздарды окубадыбы?”. “Ооба” дешти. Ошондо Аллахтын Элчиси айтты: “Ал экөөнүн ортосундагы айырма – асман менен жердей». (Сахих Ибну Маажах)

Кийинки Рамазанга жетип, орозо тутканы үчүн төшөктө жатып өлсө да, Аллахтын жолунда шахид болгон адамдан мурун Бейишке кирди. Пайгамбарыбыз алардын даражадагы жана сооптогу айырмачылыктары асман менен жердей болот деп баяндады.

Мусулман бир тууган! Мына Рамазан да келейин деп калды. Арабызда канчалаган адамдар бул Рамазанга жетпей бул дүйнөдөн өтүп кетти. Аларга бул мүмкүнчүлүк берилген жок, а бирок сага берилди. Эми Аллахтын сага берген мүмкүнчүлүгүн колдон чыгарба. Бул мүмкүнчүлүктү колдон чыгарганың – бактыңды колдон чыгарганың. Кандай тоскоолдуктар болбосун, орозо карма. Жайдын чилдеси, күн узак же жумушум оор деп шылтоо кылба. Ибадат кылуу адамга канчалык машакат жараткан болсо, анда сооптуулугу да ошончолук көп болот. Эгерде адам чын ыкластан Аллах үчүн ибадат кылган болсо, анда аны толук аткарууга күч-кубат берет. Орозо кармасамбы же кармабасамбы деп экиленбе, бекем ниет кылып сөзсүз орозо карма. Аллах Таала кулдарынан чечкиндүүлөрүн жакшы көрөт.

Оо, Аллахым! Орозо кармаганга шарты жокторго шарт түз, ниети экиленгендердин ниетин бекемде, оор жумушта иштегендерге күч-кубат бер. Баарыбызды Рамазан айына аман-соо жеткир, бул айда көптөгөн ибадаттарды кылууга жардам бер жана бизди орозонун сообунан куру калтырба! Ааминь!

[TAYNAYA]

Пайгамбарыбыз айтты: «Кимде-ким орозо парз деп ыйман келтирип жана сооп үмүт кылып Рамазанда орозо кармаса, анда анын өткөн күнөөлөрү кечирилет».

Прикрепленные изображения

• 

[osh93]

Москва убактысынын орозо каленьдарын илип коюнуздарчы.

[osh93]

ОРОЗО – ОРГАНИЗМДИН ТАБИГИЙ ТАБЫПЫ

Орозо – табигий табып десек болот. Орозо учурунда организм уулу заттар, шлак, туздар жана башка мусордон тазалана баштайт. Себеби сырттан келип жаткан азык заттар түгөнгөндө, организм өзүн сакташ үчүн ички элементтер менен азыктана баштайт. Ички элменеттер деген эмне? Шлактар, туздар, радикалдык элементтер, вирус жана микробдор. Булар организмибиз үчүн жакшы азык болуп ал тарабынан жеп жоголонот.

Андан тышкары. Узак убакыт ачка болгондо тамакты сиңирүүгө кетип жаткан энергия - клеткаларды тазалоого сарпталат: адамдын заарасы, тери, деми аркылуу жылдап денебизге толуп калган кирлер чыга баштайт. М: Орозо учурунда 1 литр заарадан 90г кир, дем аркылуу 150 уулу заттардын түрү чыгат.

Адам эмнеге ооруйт? Организм кир жана шлакка толуп калгандан ооруйт. Демек орозо – бул табигий табып десек болот. Далилденген илимий факт боюнча оорулардын 99 пайызын орозо кармап денеден шлактарды чыгаруу аркылуу жеңсе болот экен.

Орозо учурунда организмдин функцияналы өзгөрүп, тээ тереңдикте уктап жаткан механизмдер ойгонуп – дене жаңыча иштей баштайт. ОРОЗОНУН МЕДИЦИНАЛЫК МААНИСИ – ОРГАНИЗМ СЫРТТАН ТАМАК-АШ АЛБАГАНДА – ӨЗҮНҮН ИЧИНДЕГИ ЗАТТАР МЕНЕН АЗЫКТАНУУГА ӨТҮШҮ. Бул дегендик организм өзүн-өзү тазалоосу (самоочищение).

Орозо рак илдеттеринин коркунучун азайтат.

КӨБҮН ЭСЕ АДАМ ТУУРА ЭМЕС ТАМАКТАНГАНДАН ООРУЙТ

Адамзат жылына 3 миллион тонна дары-дармек ичет – бул канча деген миллиард сом! Ал эми тамак-ашка кетирген каражат канча эсе көп. Көбүн эсе адам туура эмес тамактангандан ооруйт. Анан ушандай болуп калып жатпайбы: адам тамактанам деп балээнин баарын организмине толтура берет, ооруйт, анан кайра айыгам деп дары-дармек ичи берет. Бирок экинчиси биринчисинен пайдалуураак эмес.

Орозо – организм үчүн табигий дары. Ал аркылуу дененин өзүнүн ички ресурстары ачылып, организм өзүн-өзү дарылоого өтөт. Мына, айбанаттарды карасаңыздар. Бир жери ооруса алар жаратылышындагы инстинкт аркылуу “орозо” тутуп киришет. Ушундай бир окуя болгон: бир итти мотоцикл сүзүп кетет. Ал тамак жана суудан баш тартып, караңгы сарайда бир жума жатат. Сегизинчи күн болгондо гана суу ичип, анан кичинеден тамак жей баштайт. Медициналык көз караш менен алганда – бул жаныбар кырсык учурунда травма алган, жаратына суу толо баштаган (отёк). Ит суу ичүүдөн баш тартып өз жаратын айыктырып алды, ошентип аман калды.

Аллахтын буйруктарынан алыстап, мыйзамдарын бузган сайын адам кыйынчылыкка дуушар боло баштайт эмеспи. Мына, орозо тутпаган адамдар көп оорушат, алсыз, чабал келишет. Көрүп эле жүрбөйбүзбү.

ОРОЗО АР КАНДАЙ ООРУЛАРДЫ АЙЫКТЫРАТ

Орто эсеп менен алганда чоң шаарда жашаган 40 жаштагы кишинин организминин 1/3 шлакка, тузга жана майга толгон. Шлак жана майлар дененин “стратегиялык мааниге ээ” органдардан (мээ, жүрөк, кан-тамыр) алысыраак жерлерине биринчи чогулат: эркектерде бул курсак, аялдарда жамбаш жана бел жактары. Туздар болсо сөөк бириккен жерлерге туруп калып – остеохондроз оорусун пайда кылат. Кийин мусорлордун свалкалары толуп калып шлак организмдин стратегиялык жерлерине да келе баштайт: кан тамырлар кирге бүтөлүп атеросклероз болот, жүрөк кан-тамыр системасынын иштеши бузулуп стенокардия жана инсультка алып келет. Организмдин интоксикацисясы (уулу заттарга толуп кетиши) – рак ооруларынын бирден бир себеби.

Организми шлакка толгон кишиниоорулуу деп айта албайсың, бирок дени сак деп да айтыш кыйын. Бирок бул адамдар иммунитети алсыз келип суук тийүүгө, грипп жана башка ооруларга тез-тез чалдыгып турушат.



Денени бул уулу заттардан тазалоонун бирден-бир табигий методу – ОРОЗО тутуу.

Орозо тутуу аркылуу кандай илдет, оорулардан арылса болот?

· Семирүү – Жер шарынын 1/3 бөлүгү жапа чеккен оору.

· Гастрит, ашказан язвасы. Калктын 50% бул илдетке чалдыккан (ич ооруйт, тил агарат, ооздон жагымсыз жыттар келе баштайт).

· Сахар диабети.

· Жүрөк кан-тамыр оорулары (инсульт, инфаркт ж.б.)

· Кан-тамырлардын атеросклерозу.

· Депресия, стресс.

· Аллергия, бронхиалдык астма, тери оорулары (псориаз, нейродермит, экзема), ар канда

[osh93]

[osh93]

[Jypargul]

Тилекке каршы бул жылы да кармай албайт экемин . Кудай өзү кечирет ( себептүү ) .

[osh93]

[osh93]

[KUMTOR1]

Буюрса кармаймын.

[TAYNAYA]

osh93 (15 Июнь 2015 - 02:51) жазган:

Москва убактысынын орозо каленьдарын илип коюнуздарчы.

Прикрепленные изображения

• 

Билдирүүнү түзөткөн: TAYNAYA: 15 Июнь 2015 - 15:56

[osh93]

TAYNAYA (15 Июнь 2015 - 13:23) жазган:

Рахмат

[rozka]

Новосибирдин календарын таппай жатам болсо илип койгулачы

[atai9292]

Мен быйылда кармаганга аракет кылып ниет кылып койдум

[Murzakanova]

Ушинтип көптөн күткөн Рамазан айы да келди) Баарыңарды куттуктайм, кылган амалдарыңар кабыл болсун!