[MACKA]

Франциядагы көрүнүктүү кыргыз эстелиги.

Сүрөттөгү эстелик Француз Ривьеренин Ментон шаарынын ботаникалык багына тургузулган. Калпакчан кыргыз жаранынын скульптурасы орус устасы Евгений Александрович Лансеренин (1848-1886) эмгеги болуп саналат. Наполеон аскерлеринин урпагы болуп эсептелген орус устасы 1812-жылы согуштан кийин Орусияда калып калган. Ал өз өмүр жолунда түрдүү алтын, күмүш жана башка баалуу буюмдарды жасап скульптуранын чыгаан устасы аталган. Анын талантынан белгилүү, колунда бар адамдар пайдаланып, өз үйлөрүн жана конок күтүүчү бөлмөлөрүн кооздотуп турган. Ал болгону 38 жыл гана жашаган, ошол убакыт ичинде 400 гө жакын эмгектик далилдерин жасоого жетишкен. Ар жылы уста Орус империясынын түштүк губерниясы тараптагы өзүнүн эмгектеринин элесин көрүү үчүн барып турган. Анын эмгектеринин ичинде украин, Орто Азияга, Чыгыш Кавказ элдеринин өзгөчөлүктөрү кездешет. "Киргиз с беркутом" аттуу бул эстелик Франциянын императору АлександрIII кө көрүнүктүү белек катары берилген.

[MACKA]

Крокодил менен адамдын ортосундагы достук.

Коста-Рикада балыкчы Жунгли арасынан көзгө жарадар болгон крокодилди таап алган. Узундугу 5 метрге жеткен жырткычты ал кайыгына салып, үйүнө алып барган. Ага ал Почо деп ат коюп, бир нече ай бою аны караган. Жырткыч толугу менен айыкканда, эркек аны өзүнүн үйүнөн алыс эмес жерде жайгашкан көлгө коё берген. Сүзүп кеткендин ордуна, Почо артка кайрылып балыкчыга келген. Ошондон бери, крокодил көз жумганча алар кан достордон болгон.

[MACKA]

Судан: Христианга турмушка чыгып, Ислам дининен кеткени үчүн кош бойлуу аялды дарга асышмакчы.

Судан соту кош бойлуу аял христианга турмушка чыккан үчүн өлүмгө - дарга асууга буюрулду. Бул туралуу Би-Би-Си телканалына шилтеме берүү менен Риа Новости маалымат агенттиги жазат. Судьянын айтымында Христиан дининин өкүлүнө турмушка чыгуу менен Мериам Эхья Ибрагим Ишаг Ислам динине "чыккынчылык" кылган. Бул кылык үчүн аны өлкөдөгү эң катаал мыйзам менен жазалоо керек деп билдирет ал өз сөзүндө. "Биз сизге ойлонуп алууңүз үчүн 3 күн бердик. Бирок, сиз Ислам динине кайтуу тилегиңиз жок экендигин айттыңыз. Ошонун баарын эске алуу менен "чыккынчылык" үчүн өлүм жазасына буюрулдуңуз, " - деди судья өзүнүн акыркы сөзүндө. Жергиликтүү маалымат булактарынын айтымында Мериямды баласы туулгандан 2 жыл өткөндөн соң жазага тартышат. Сот өлүм жазасын берүү менен катар аялга 100 балдак уруу менен да жаза атады.

Суданда көпчүлүк Ислам динин карманат. Алардын мамлекеттик мыйзамдары болуп кадимки Ислам дининин талаптары эсептелет. Чыгыш өлкөлөрү кош бойлуу аялга жазаны жеңилдетүү менен кароону сурап бир нече ирет кайрылуу жасады. Amnesty International организациясы бул жазаны "эн жийиркеничтүү" деп атады. Алардын айтымында Мериямдын апасы христиан улутунан болгон, ал эми атасы мусулман болгону менен кызына тарбия берген эмес. Мериям кичинекей кезинен христиан динин карманып жүргөн.

Кош бойлуу мериямга 2013-жылдын август айында "каапырга турмушка чыгуу" беренеси боюнча кылмыш иши козголгон. 2014-жылы "кылмышкер" христиан динин кичинесинен карманып келе жатканын айткандан кийин жаза дагы да күчөтүлгөн.

[MACKA]

Британияда сылык-сыпаа ууру акча ала албай коюп, банктан акырын чыгып кетти.

Жаш жигит кассирге кат сунган. Анда “Бул уурулук. Сураныч, ушул конвертке 3 миң фунт салып коёсузбу?” - деген жазуу бар болчу. Мындан тышкары, кылмышкер жанында тапанча жана балта бар экенин кыстара кеткен. Күтүүсүздөн кассир аял ордунда катып тура берди. Ал эми ууру иш алдыга жылбай жатканын көрүп, акырын чыгып кеткен. Окуяны видеокамералар жазып калды. Полиция шектүүнү издеп жатат.

[MACKA]

Шотландияда эркек киши өз сүйгөнү үчүн 3 саат бою кир сууга чүмкүдү. Шариф Хаддин сүйлөшкүн кызына баш кошуу сунушун узатып жаткан. Каттуу толкунданып кеткен жигит нике шакекти көлмөгө түшүрүп алды. Айласы кеткен жаштар үч саат бою кир суунун түбүн тинтип, бриллиант менен шакекти издеп чыгышты. “Аракет кылсаң - берекет," - демекчи, акыры кыз-жигит аны табышты. Колуктунун айтымында, эми бул күн өмүр бою анын эсинде калат.

Билдирүүнү түзөткөн: MACKA: 25 Июнь 2014 - 15:52

[MACKA]

Сауд Арабиясында экстрим сүйүүчүлөр унаа жүрүп бара жаткан жеринен дөңгөлөктөрдү алмаштырууда. Белгилей кетсек, адреналин издегендер буга чейин машинени капталына жаткырып, эки дөңгөлөк менен айдаганды үйрөнүп алышкан. Эми алар ишин дагы татаалдантып, мындай абалда дөңгөлөктөрдү алмаштырууда. Кошумчаласак, мындай иш-аракет өмүргө кооптуу.

[MACKA]

Түркияда бет түзүлүшү адамдыкына окшош козу туулду.

Түркиянын Измир шаарына жакын жайгашкан кыштакта бет түзүлүшү адамдыкына окшош козу туулду. Козуну көргөнгү келген мал доктурлар анын мурду кетирекей, оозу жана ээги да адамдыкына окшош экенин айтышты. Бул тууралуу 13-майда орусиялык маалымат каражаттары жазып чыгышты.

Маалыматка ылайык, мал ээси кой бооз кезинде араң жүргөнүн айткан. Кой табигый жол менен эмес, ветеринарлардын жардамы менен, кесип алуу жолу аркылуу тууган.

Орусиялык басылмалар белгилегендей, козу өлүү туулган. Ветеринарлар эмне себептен анын жүзү адамдыкына окшош экенин айта албай жатышат. Алар "койго бооз кезинде курамында А витамини көп жем берилген, ушундан улам болушу мүмкүн," - дешүүдө.

[MACKA]

200 сомдукка акын Алыкул Осмоновдун сүрөтү түшүрүлүп, арткы бетине анын:
“Ысык-­Көл кээде тынч да, кээде толкун,
Толкуса толкунуна тең ортокмун.
Турмушта канча жолдош күтсөм дагы,
Бир сырдуу сендей жолдош күткөн жокмун," - деген ыры жазылган. Улуттук валютага ыр түшүрүү практикасы башка элде болгон эмес.

Билдирүүнү түзөткөн: admin_superstan: 25 Июнь 2014 - 15:58

[MACKA]

Токионун эс алуу жайында таз кардарларга арзандатуу киргизилди.

Рейтерс жазгандай, барлардын биринде чачы жок эркектер менюнун бардык тамагына 50 йен арзандатуу алат. Пабдын ээси Йосико Тойод түшүндүргөндөй, мындай жол менен ал таз мырзаларды колдогусу келет. Себеби, Японияда алар чачы жоктугунан уялып, коомдук жайларга көп чыккысы келбейт.

[MACKA]

Кореяда пластикалык хирург 14 жаштагы кызды картаң деп, операция жасоону сунуштады.

Жаш ырчы Шимали Де Сильва эларалык сынакка катышуу үчүн Сеулга учуп келип, жада калса финалга да өткөн. Бирок чечүүчү бөлүктө шоу жетекчилери аны пластикалык хирургга жиберишти. Врачтын ишениминде, жаш кыз 30 жаштагы аялдай көрүнөт. Мындан тышкары, хирургдун пикиринде, Шималинин чекесин, ээгин түзөтүү зарыл. Мындай нерсени уккан жаш кыз ыйлап, өзүнө келе албай жүрдү. Көп өтпөй анын энеси операциядан чечкиндүү түрдө баш тартып, кызын үйгө алып кетти.

[kuba.94kg]

Кызык го

[MACKA]

Кызыктуу фактылардан: Балдар күнүнө орточо эсеп менен 400 жолу күлсө, чоңдор болсо болгону - 15 жолу. Адам орточо эсеп менен, туулган күнүн дагы 9 миллион адам менен бөлүшөт. Үй кожойкеси күнүнө үй оокатын жасап, 11 чакырым басып өтөт. Башка сезонго караганда, балдар жазында эки эсе бат өсөт.

[MACKA]

Дүйнөдө кандай гана тыюулар жок. Алсак, Сингапурда сагыз чайноого такыр болбойт. Анын себеби айтылбайт, тыюу 1992-жылы киргизилген. Бруней, Индонезия жана Малайзияда дуриан аттуу өсүмдүктү коомдук жерлерде жегенге болбойт. Ал даамдуу болгону менен, жыты дүйнөдөгү эң эле жагымсыз жыттардын бири. Ал эми Даниянын ресторандарында тамактануудан кийин, эгер жакшы тойбодум деп эсептесеңиз, тамак-ашка төлөбөй койсо болот.

[Angel92]

Ой бай,тан калып бутпой жатам окугандарыма

[MACKA]

АКШда айдоочу унаа тыгындарын айланып өтүү үчүн манекен колдонду. Тургун Бостон шаарына бара жаткан, деп жазат Ассошейтед Пресс. Жолдун бир чийини жүргүнчүлөр менен бара жаткан айдоочулар үчүн гана болчу. Ал тарап бош болгонун көргөн тургун картондон адамды кесип, аны салонго отургзуп койгон. Көп өтпөй, шектүү унаа токтотулду. Эми айдоочу сот жообуна тартылат.

[MACKA]

Индияда жаан жаадырыш үчүн бакаларды үйлөнтүшөт.

Индияда баардык көйгөйлөр үйлөнүү менен чечилет деген ой кетет. Мисалы: Түшүмдү жакшы алыш үчүн уйларды үйлөнтөт. Ал эми жаан жадырыш үчүн бакаларды үйлөнтөт экен. Мындай ыкмага индиянын тургуну Ассам деген айым иш жүзүнө ашырган. Баардыгынан кызыгы бакаларды үйлөнткөндөн кийин, синоптиктер жаан жаайт деп кабар беришкен.

[MACKA]

Илимпоздордун изилдөөлөрү боюнча адамдын орто манжасындагы тырмак, башка манжадагы тырмактарга караганда батыраак өсөт экен.

[MACKA]

Адам баласы тамактын даамын өзүнүн шилекейи менен аралаштырмайынча сезе албайт.

[MACKA]

Сол өпкөгө караганда, оң өпкө өзүнө көп аба сарптайт.

[MACKA]

Фейсбуктун жаратуучусу Марк Цукерберг дальтонизм (цветовая слепота) дарты менен жабыркайт. Кызыл жана жашыл түстөрдү жакшы ажырата албагандыктан, биз билгендей фейсбуктун дизайны көк түстө. Цукерберг көк өңдүн бардык түрүн гана жакшы айырмалай алат.