[MACKA]

MACKA (05 Июль 2014 - 21:49) жазган:

Кытайда өспүрүмдөрдү интернет көз-карандылыктан атайын лагерлерде арылтып баштады. Мындай лагерлерде аскердегидей тартип орун алган. Анда өспүрүмдөрдү мурдагы аскердик кызматкерлер тарбиялоодо. Ал жактагы балдарга катуу дисциплина, физикалык машыгуулар жана башка тиричилик милдеттер орнотулуп, уюштуруучулардын пикиринде бул аларды интернет көз карандылыганан куткарат. Арасынан кимдир бирөө интернет булагына кирсе, бардык топ жазаланат. Өкмөт жакынкы арада мындай мекемелерден 250нү ачуу ниетинде.

Шумдугуң кургур мессле, шоруң каткыр экенго!

[MACKA]

АКШда “Elysium Space” компаниясы адамдын өлүгүн узатуу салтанатын космосто өткөрүүгө сунуштап жатат. Алгач жансыз дене өрттөлүп, анын күлү капсулага салынат. Андан соң, кутуча Жер шаарынын орбитасына жеткирилет. Бир нече ай бою адамдын күлү планетаны айланып жүрө берет. Кийин капсула атмосферага кирип барып өрттөнөт дагы, көздөн кайым болуп жок болот. Дүйнө салган адамдын жакындары бул салтанатка, Андроид жана ИОС үчүн иштелип чыккан атайын түзүмдөр аркылуу көз салса болот. Кызмат ушул жайда ачылат жана баасы 2 миң долларга жакын акчаны түзөт.

[MAPKC]

Фейсбуктан "баарын билгим келет"группасынан окуган экенмин.

Билдирүүнү түзөткөн: MAPKC: 05 Июль 2014 - 23:46

[MACKA]

[MACKA]

[MACKA]

[kara_kulzha]

Ысык Колдо Жети Огуз районунда Пакровка айылынын батыш тарабын, Ысык Колдун чыгыш тарабында туздуу суу менен таза суу аралашпай турган жери бар.

[MACKA]

[MACKA]

Роза гүлүнөн КОРОЗ.

[MACKA]

Үч бир тууган энесинин этин жешти.

Үч бир тууган энесинин ички органдарын жешип, канын ичишкен. Мындай үрөйдү учурган окуя Филиппиндин Анпатуан шаарында болуп өттү. Маалыматка ылайык: Данте (35 жашта), Парой (21 жашта) жана Ибрагим (18 жашта) аттуу үч бир тууган бир канча күн 56 жаштагы энесин кыйнашкан. Ар кандай ачуу үндү уккан коңшулары полицияга кабар беришкен. Полиция келгенде аял өлүп, кээ бир ички органдары жана каны жок болгон. Жергиликтүү полициянын өкүлү Сураида Мамалуба аялдын көзү жок, кекиртеги кесилген жана кээ бир ички органдары болбогондугун билдирген. Ал эми үч бир тууган болсо, адегенде кылмышты моюндарына албай, кийин эскиден калган ырым-жырымдар менен "шайтандын ооруусунан" энесин куткаруу үчүн жасашкандыгын айтышкан. Алар "кара рухту кубалап, жан дүйнөсүн тазалагандарын" билдиришкен.

Азыр үч бир тууганды энесин өлтүрүшкөндүгү үчүн кылмыш иши козголуп жана балдардын психикалык саламаттыгы, бангизат колдонгондугу текшерилип жатат.

[MACKA]

65 тонналык учакты 20 метрге чейин сүйрөдү.

Мындан мурун 188 тонналык учакты 9 метрге чейин сүйрөгөн канадалык алп балбаны - Кевин Фаст 65 тонналык учакты 20 метр аралыкка чейин сүйрөп, дүйнөлүк жаңы рекорд койду.

Гиннесс рекорддор китебинин бир канча жеңүүчүсү 51 жашындагы Кевин Фаст Тайланддагы телепрограммасына катышып, көрүүчүлөрдү таң калтырды. Ушуга чейин жүк ташуучу оор унааларды, учак жана имараттарды да жылдырып жүргөн алп балбан бул ирет 65 тонналык учакты 20 метрге чейин сүйрөп барды.

Мындан мурун 2009-жылы Канаданын Трентоне аскердик-аба базасында Кевин Фаст 188 тонналык учакты 9 метрге чейин сүйрөгөн. Ал эми 2010-жылы 35.9 тонна салмактагы имаратты 12 метр аралыкка чейин сүйрөп барып, өзгөчө рекорд койгон. Алп балбан Гиннесс рекорддор китебине 5 жолу расмий түрдө "ааламдын эң күчтүү адамы" катарында катталган. Мындан тышкары балбан тапкан каражаттарын кайрымдуулук иштерине жумшап, боор жана рак оорулууларга, балдар жетим үйлөрүнө таркатып келет.

Нравится "}" data-reactid=".2j. 1" style="color: rgb(109, 132, 180); cursor: pointer; text-decoration: none;">Нравится ·

[MACKA]

Америкалык саясатчы Тимоти Рэй Мюррей Охлахомадагы конгрессте утулуп калгандан кийин, жеңишке жетишкен өзүнүн атаандаш талапкери - Френк Лукастын мурда эле каза болуп калгандыгын жана анын ордуна башка окшош түгөйү жүргөндүгүн жарыялаган.

Анын айтымында, Лукас 2011- жылы дагы башка конгрессмендер менен чогуу Украинага иш сапары менен барган учурда күбөөлөрдүн көзүнчө өлтүрүлүшкөн жана ал украиналык телеканал аркылуу көрсөтүлгөн. Буга байланыштуу, Мюррей Лукаска берген добуш жараксыз деп эсептелиниши керектигин айтып чыккан.

Мюррей атаандашынын ДНКсы текшерилсин деген талап койгону тууралуу азырынча маалымат жок, бирок Лукас өз кезегинде өзүнүн каза болгондугу чындыкка жакындабай тургандыгын жана Украинада эч качан болбогондугун билдирген.

[MACKA]

33 жаштан кийин төрөгөн айымдар узак жашашат:

33 жаштан кийин биринчи наристесин төрөгөн айымдар башкаларга салыштырмалуу узак жашашат. Мындай жыйынтыкка Бостон медициналык окуу жайынын окумуштуулары бир нече тажрыйбаларды жүргүзүүдөн кийин келишкен.

Маалыматка ылайык; тажрыйба жүргүзүү учурунда 29 жашка чейинкилерге караганда, 33 жаштан кийин биринчи жолу төрөгөн айымдар 95 жашка чейин жашашкан. Бирок окумуштуулардын айтымдарында кеч төрөө пайдалуу дегендикке жатпайт. Болгону кечиккен бойго бүтүү организмдин картайышын гана кечеңдетет. Тажрыйба жүргүзүүгө кечигип төрөгөн 551 айымга анализ жасалган. Алардын 462си узак убакыт жашашкан.

[MACKA]

Адамдын жашоосун онлайн режимде интернетке жеткирип туруучу түзүм чыгарылды. Ал “Google Glass” же “Гуугл көз айнектери” деп аталат. Аны тагынып алган адамдын баскан-турган жери бүт соц. тармактагы колдонуучуларга түздөн-түз көрсөтүлүп турат. Азырынча мындай көз айнектер Израилде тажрыйбадан өтүүдө. Долбоордун авторлору билдиргендей, түзүм үчүн акча акысын, аны орнотуп алгандар эмес, видео трансляцияны көрүп жаткандар төлөйт. Жакында бул жаңычылдык соц. тармактарда популярдуу болушу күтүлүүдө.

[MACKA]

ДҮЙНӨДӨГҮ ЭҢ УЗАККА СОЗУЛГАН ОРОЗО 22 СААТКА ЖАКЫН.

Дүйнө мусулмандары орозо кармап жатышат. Орозонун тартиби, таалими бирдей болгону менен, күндүн узактыгына байланышкан жагдайында айырма бар. Орозо эң узакка созулган өлкө - Исландия. Күндүн узактыгы 21 саат 57 мүнөт. Германия жана Англияда 19 саат болсо, Түркияда 17 саат, Иран, Египет жана Мароккодо 16 саат, Сауд Арабистанда 14 саат 53 мүнөт. Орусияда 19,5 саат. Ал эми австралиялык мусулмандар 9 саат 56 мүнөт орозо кармашат.

[MACKA]

Тешиктен чыккан буттар:

Казакстанда скульпторлордун тобу мурдагы баш калаа Алматынын көчөлөрүндөгү тешиктерге көңүл бурдуруунун жаңыча ыкмасын колдонушту.
Алар шаардын ичиндеги он тешикти тандашып, алардын ичинен жасалма бутту чыгарып коюшкан. Сырттан караганда бул тешиктерге киши башынан ылдый сайылып калгандай көрүнөт.

Скульпторлор муну менен алар жөө кишилерди тешиктен сактоо максатын көздөгөнүн айтышкан.
“Биз бул маселеге мыскыл менен мамиле кылалы дедик. Жолдордун абалы өтө начар, жаман деп кыйкыргандан көрө бул натыйжалуураак болушу керек,” - дешет активисттер.
Тешиктен жогору карай сороюп чыгып туган буттарга ар түстүү байпактарды кийигизип коюшкан.
Бул сыяктуу өнөктүктөр Казакстандын коңшусу Кыргызстандын баш калаасы Бишкекте да уюштурулуп келет. Жергиликтүү активисттер өткөн жылы көчөдөгү ондогон тешиктерди “тешик” деген жазуулар менен боёп кетишкен эле.

[MACKA]

ИНТЕРНЕТ "СҮЙҮҮ" ӨЛҮМГӨ СЕБЕП БОЛДУ.

Индиянын Жабалпур шаарында трагедиялуу окуя катталды. 22 жаштагы улан интернет аркылуу таанышып, 2 жылдай убакыт коомдук желе аркылуу пикирлешип жүргөн "кызын" жана өзүн алгачкы жолугушууда атып өлтүргөн. Өлүм алдында ооруканага жеткирилген жигит дарыгерлерге бул кылыгын жалганды кабыл ала албагандыгы менен түшүндүргөнгө үлгүргөн. Көрсө, интернет желе аркылуу «арзуулаш» болгон сүйүктүүсү 44 жашын, 3 баланын энеси экенин жашырып, 21 жаштагы бийкеч болуп таанышып, жаш курагындагы сүрөттөрүн Facebookтагы баракчасына жайгаштырган экен. Бул маалыматтарга ишенип жүргөн жигит жалганды көрөөрү менен тигиндей жосунга барган. Эң кызыгы, сүйүктүүлөрдүн жолугушуусуна пистолеттин зарылдыгы жана кайдан алынганы суроо жаратып жатат.

[MACKA]

1 долларга түрмөгө түшүп калуу мүмкүн:

Сөзсүз түрдө, эгер кааласаңыз. Шанхайда жергиликтүү сүрөтчү өзүнүн батирин түрмө кылып жасап, 1 түнгө 1 долларга ижарага берет. Келишим 2 күнгө түзүлүп, ижарага алган киши күнүнө 3 сааттан ага келип жатышы керек. Бул убакыт аралыгында ага Интернетке кирүүгө, телефон менен баарлашууга, уктоого тыюу салынат. Эгер ал талаптарды бузса, 100 доллар айыпка тартылат.

[MACKA]

Кекчил мырза өзүнүн мурдагы сүйлөшкөн кызынан өч алды. Ал бийкеч күйөөгө тийип жаткан учурда гүл жөнөткөн. Анда болсо кыздын мурдагы жигити менен түшкөн ачык сүрөттөрү киргизилген. Күйөө бала муну көрүп, дароо кайра ажырашуу чечимин кабыл алган.

[MACKA]

Сиям эгиздеринин махабаты.

Индияда жашаган 45 жаштагы Ганга менен Ямун сиям эгиздери тагдырын өзгөрткөн махабатка кабылышты.

Өмүр боюу жалгыздыкта жашап келаткан көчмө циркте иштеген сиям эгиздер айылдык мугалимге ашык болуп калышкан. Бош убактысында үн режиссеру болуп иштеген Ахмет Жазимуддин бул ашыктыкты "бир көргөндө эле сүйүп калуу," деп эсептейт. Алар 7 ай мурун таанышкандарына карабай азыр өтө ынак болушуп, ашыктыктын кайталангыс күндөрүн жашап жатышат. Алардын айтуусу боюнча, сүйүүлөрү көңүл көтөрүп тамашалашуу жана баарлашуу менен гана чектелет. Бул мамилени Ганга: "Биз экөөбүз тең Ахметтин чындап сүйөөрүнө ишендик жана чексиз бактылуубуз, " - деп билдирген. Эгиздердин ич органдары эки денеде жүрөктөрү, өпкө жана бөйрөктөрү эки башка. Алар Батыш Бенгалиядагы эң кедей үй-бүлөдө төрөлүшкөн. Ата-энелери медициналык каражаттарына мүмкүнчүлүгү болбогондуктан, өспүрүм жашка келгенде таштап кетишкен. Ошондон бери сиям эгиздери көчмө циркте "Жөргөмүш эгиздер" аталышып атайын программа менен эл алдына чыгып келатышкан.

Эгиздердин ашыгы Ахмет болсо: "Мен алардын абалын өзүмдүкүндөй көрөм. Ар дайым боорума кысып, таң атканча сүйлөшүп отурабыз. Кубаныч менен кайгыларыбызды биргеликте бөлүшөбүз," - деп билдирген. Ахмет күндүзү жергиликтүү мектепте мугалим болуп иштейт. Ал эми кечинде сиям эгиздердин программасына жардам берет. Азырынча үйлөнүү тууралуу пландары жок. Аны жергиликтүү коомчулук чечээрин айтышууда.