[MACKA]

Австралиядагы мектеп окуучусу доо арызын жазып мамлекетти сотко берди.

16 жаштагы окуучу мектеп жетекчилиги иштебегендигин айтып, алардан 21 миң евро талап кылган. Баланы башка окуучулар дайыма шылдыңдашчу. Ага карата мектеп администрациясы тарабынан эч кандай чара көрүлгөн эмес. Мындай көрүнүш 2 жылга созулган. Окуучунун ата-энеси мугалимдерге кайрылуу жасашкан, бирок алардан жооп ала алышкан эмес. Көп мазактоого кабылган бала психологиялык жабыр тарткан.
Окуучу шылдыңдоого кабылып, сотко кайрылганы Австралия боюнча биринчи катталган окуя болуп калды.

[MACKA]

Индонезиялыктар жыгачтан авто машине жазашты.

Анын чеберлери Бугатти Вейрон унаасынын көчүрмөсүн курушту. Машиненин кожоюнунун айтымында, унаанын рулдук дөңгөлөктөрү, педаль жана отургучтары бар. Жаңы жасалган машиненин үлгүсү германиялык жаранга жөнөтүлөт. Ал эми анын баасы 2 жарым миң еврого баалап жатышат.

[MACKA]

Үй- бүлөдө бат-бат чыккан уруштар жана депрессия адамдын ашыкча салмак кошуусуна себепкер болушу мүмкүн.

Мындай жыйынтыкка америкалык окумуштуулар келишти. Маалыматка ылайык, адам эмоцияга алдырган учурда, анын организминде тамак сиңирүүсү ар түрдүү болот. Ал эми жубайлардын тамактангандан кийин бат-бат урушуусу организмде калорийди көбөйтөт. Дайыма чыккан уруштар жана депрессиялар кишинин бир жылда 6 килограммга чейин салмак кошуусуна түрткү болот. Андыктан ден-соолугуңузга кам көрөм десеңиз, үй-бүлөлүк чыр-чатактан алыс болууңузду окумуштуулар эскертет.

Билдирүүнү түзөткөн: MACKA: 25 Октябрь 2014 - 11:43

[MACKA]

Аркасын да көрө алган адам.

Бул адам башын 180 градуска буруп, аркасын карай алгандыктан "үкү-адам" - деп аташкан.
Анткени Мартин Лаурелло таң калыштуу жөндөмү менен башын 180 градуска айландыра алган.

Маалыматка ылайык, Мартин Лаурелло алдыга кетип баратып, башын артты каратып алганда адамдан башкача кейипкерге окшоп калчу. Элестетип көрүңүз, алдыңызда кетип бараткан кишинин көздөрү сизди карап турганын...

Өткөн кылымдын ортосундагы сүрөттөрдө Мартин барда тамеки алып жатат. Анда башын тескери айлантып алган.

Мартин Лаурелло (Martin Laurello) 1886-жылы Германиянын Нюрнберг шаарында төрөлгөн. Анын жаш кездери тууралуу толук маалымат жок. Өмүр баяны болсо 1921-жылы АКШга гастролго келгенден башталат. Мартиндин өзгөчөлүгү анын 180 градуска бурулган башы болгон. Ал учурда анын башынын артты карашына баардыгы таң калышкан. Азыр ишенбегендер болгону менен ал учурларда фотошоп же атайын эффектилер да жок болчу. Мартин башын артка бурганда анын дем ала албай калышкандыгын айтышууда. Болгону анын моюн омуртка сөөктөрү кыйшык чоңойгон жана бул генетикалык кемчилиги туубаса жаралган. Кийин Мартин Лаурелло бул өзгөчөлүгүн сахнада көргөзүп, байма-бай эл алдына чыгып турган.

Мартин Лаурелло 1955-жылы жүрөк оорусунан каза болгон.

[MACKA]

Сагыз - оорунун башаты.
Адам жаагы карышкыча сагыз чайнаганы ага эки зыян алып келет. Биринчиси, ашказан жарасын пайда кылат. Экинчиси, тишке күч келтирет. Ага карабай эртеден кечке аны оозунан түшүрбөй жүргөндөр да бар. Сагыздын пайда-зыянын төмөндөн талдап билип жыйынтык чыгарсаңыз болот.

1848-жылы Джон Куртис аттуу ишкер сагызды ойлоп таппаганда азыр эмнени чайнап жүрмөкпүз бир Кудай билет. Окумуштуулар иликтөө жүргүзүп, сагыздын организмге төмөнкүдөй пайда-зыянын иликтеп чыгышкан.

Зыяны:

Ачкарын сагыз чайноо ашказан жарасына алып келет.

Тамакты өтө эле майдалап чайноо ооз көңдөйүндө шилекейдин көп бөлүнүп чыгышына алып келээрин баарыбыз билебиз. Анан ал шилекейди кайра жутабыз. Шилекей - бул щелочь. Щелочтун ашказанга түшүшү - ашказандын кычкылдуулугун төмөндөтөт. Буга жооп кылып ашказан ашыкча шире бөлүп чыгаруу менен кычкылдуулугун жогорулата баштайт. Ашказандын иштөө функциясы бузулуп отуруп, аягы жаранын пайда болушу менен аяктайт.

Көп чайноо тиштин ткандарына күч келтирет.

Негизи, чайноо пайдалуу. Андан бүйлөлөрдөгү кан айлануу жакшырат. Бирок сагызды ашыкча эле көп чайнап, ткандарга көп күч келтирүү зыяндуу. Бул бара-бара пародонтит, гингивит сыяктуу оорулардын келип чыгышына шарт түзөт.

Ой жүгүртүү жөндөмдүүлүгүн төмөндөтөт.

Психологдордун изилдөөсүнө караганда, сагызды такай чайнап жүргөн баланын интеллекти сагыз чайнабаган баланыкына караганда төмөн болот. Бул сагыздын ойду топтоого мүмкүнчүлүк бербегенине, эске тутууну начарлатканына жана ой жүгүртүү процессин төмөндөткөнүнө байланыштуу.

Пайдасы:

Сагыз ооз көңдөйүн тазалайт.

Тамак жеген соң тиштин арасында калып калган анын калдыктарын сагыз тазалайт. Тазалоо механизми мындай: Сагызды чайнаганда тамактын калдыктары ага жармашып, ооз көңдөйүнөн сагыз менен кошо чыгат.

Оозду жагымсыз жыттан сактайт.

Бул сагыздын жарнамасын берүүчүлөр үчүн күмөн туудурбаган жападан жалгыз курал. Жашоодо ооздогу жагымсыз жыттан арылуу үчүн сагыздын жардамына муктаж болгон көп эле учурлар болот. Бирок эсиңизде болсун, мындай учурда сагыз кыска гана убакытка натыйжа берет.

[Patrik]

Онанын башы кантет кокуй...

[saltanat.]

Сагызды 3-5 муноттон ашык чайнабаш керек.

[MACKA]

Новосибирск академиясынын адистери сасык тумоону алдын алуучу тести иштеп чыгышты.

Ал кыска мөөнөттүн ичинде сасык тумоонун вирустары бар же жок экендигин аныктап бере алат. Тест адамдарга оорууну алдын алууга жардам берет. Окумуштуулардын айтымында, көпчүлүк жашоочулар сасык тумоону өз алдынча даарылашат. Ал эми адистер тарабынан ойлоп табылган тестти колдонуу менен адамдар ооруу тууралуу биле алышат. Эске салсак, тест 1-2 жылдын ичинде колдонууга бериши мүмкүн. Анткени ал акча-каражатка көз каранды.

[MACKA]

Аргентиналык ашпозчулар узундугу 50 метр болгон пицца жазашты.

Тамакты даярдоодо 100 килограмм камыр, 24 килограмм помидор жана 13 килограмм оливка талап кылынган. Бир кесим пиццанын баасы жарым долларды түздү. Андан түшкөн акча Дауна илдетине кабылгандарга жардам катары жумшалды.

[Oceana]

Wumdukkoo men sagyzdy ke4ke bolso da chainai berem.)))

[MEDER_KULETOV]

Бул питса яман чонго е

[MACKA]

Доминикана республикасында контрабандачы 70 миң долларды жутуп, чек арадан өткөрүүгө аракет кылды.

40 жаштагы аял Пунта Кана курорттук шаардын аэропортунда кармалды. Ал Брюсселден келе жаткан. Аялдын ашказанында 16 атайын капсула аныкталды. Алардын ичинде акчалар салынган. Дагы 70 миң доллар контрабандачынын чемоданында табылды. Жергиликтүү мыйзам боюнча, өлкөгө алынып келинген декларацияланбаган акчанын суммасы 10 миң доллардан ашпашы керек.

[MACKA]

Россиялыктар мусулмандар үчүн атайын уюлдук телефон чыгарышты.

BQ Istanbul деп аталган буюм - сатыкка ноябрдын аягында чыгат. Анда араб жана орус тилдеринде куран, намаз окуган адамдарга ылайыкталган ойготкуч сааты бар. Ал атайын үн-сигналы менен намаз убактысын эскертип турат. Телефонду иштеп чыккандардын айтымында, анын баасы бир топ кымбат болот.

[MACKA]

Жердин бетинде калктын өсүшү өтө тездик менен жүрүп жатат.

Бул тууралуу окумуштуулар айтып чыгышты. Австралиялык изилдөөчүлүрдүн божомолунда, 21-кылымдын аягында адамзатынын саны 10 миллиардка чейин жетиши мүмкүн. Профессор Кори Брэдшоунун айтымында, калктын мындай ыксыз өсүшү планетаны тамак-аштын жетишсиздигине жана климаттын бузулушуна алып келет.

[Patrik]

Жер планетасында деп туруп Россиянын картасын илип коюпсуз го?!

[sekret94]

MACKA (29 Октябрь 2014 - 01:34) жазган:

Жердин бетинде калктын өсүшү өтө тездик менен жүрүп жатат.

Бул тууралуу окумуштуулар айтып чыгышты. Австралиялык изилдөөчүлүрдүн божомолунда, 21-кылымдын аягында адамзатынын саны 10 миллиардка чейин жетиши мүмкүн. Профессор Кори Брэдшоунун айтымында, калктын мындай ыксыз өсүшү планетаны тамак-аштын жетишсиздигине жана климаттын бузулушуна алып келет.

Адамдардын азайтыштын жолун табышат булар эми

[Oceana]

Kytailyktar tabat any.

[MACKA]

Барак Обамага бирөөлөрдүн сүйлөшкөн кыздарына тийишпөө эскертүүсү берилди.

Окуя Иллинойс штатынын губернаторун шайлоо боюнча үгүт компаниясы маалында болду. Обама талапкерлердин бирин колдоо үчүн Чикаго шаарына келген. Добуш берүү участкасында президент жаш кызга комплемент айткан. Муну байкаган жанындагы жигит Обамага кайрылып, анын сүйгөнүнө тийишпөөнү суранды. Президент баарын тамашага айландырып, бирок баары бир кызды бетинен бир өөп алды. Бул окуядан кийин Айа Купер аттуу бийкеч жигити үчүн кечирим сурап, президентти үйлөнүү тоюна ардактуу конок катары чакырды.

[MACKA]

Кытайда телевизорлордун көрүстөнү бар экени белгилүү болду.

Чжучжоу шаарындагы мазарда 80 миңден ашык телевизор бар. Жергиликтүү жашоочулар эски телевизорлорун ыргытпастан, атайын көрүстөндөн орун беришет. Кошумчалай кетсек, ал жерде 20 жыл мурунку телевизорлор да жайгашкан.

Билдирүүнү түзөткөн: MACKA: 31 Октябрь 2014 - 22:53

[MACKA]

Сарымсак адамдын өпкөсүн чылым чегүүдөгү зыяндардан 30 пайыз коргоп турат.

Мындай жыйынтыкка кытай окумуштуулары келишти. Алар 4,5 миң адамга изилдөө жүргүзүшкөн. Жыйынтыгында, сарымсакты жумасына жок дегенде 2 жолу колдонгондордун өпкө рагына кабылуу коркунучу азаят. Андан тышкары, чылымдан адамдын өпкөсүн 30 пайыз коргоп турат. Андыктан өпкө рагынан коргоном десеңиз сарымсакты көп колдонгонго аракет кылууңузду окумуштуулар эскертет.