[MACKA]

Индонезияда футболчулар мафиядан коркуп, беш автогол киргизишти.

Өлкө кубогунда “Слеман” жана “Слемаранг” клубдары өздөрүнүн дарбазаларына беш топ киргизген. Индонезиянын футбол федерациясы футболчулар атаандаштарына атайлап жардам берип, утулуп калууга умтулганын байкашты. Натыйжада эки клуб оюндан четтетилди. Eurosport телеканалынын пикиринде, командалар кийинки этапта «Борнео» клубу менен ойногусу келбей койгон. Себеби, бул команда жергиликтүү мафия менен тыгыз байланышта деген имиштер бар.

[MACKA]

Белгилүү мушкер Майк Тайсон 7 жашында зордуктоого кабылгандыгын айтат.

Америкалык белгилүү мушкер Майк Тайсон ыймандай сырын ачты. АКШдагы атактуу басылмага берген интервьюсунда ал 7 жашында сексуалдык- зомбулукка кабылганын айтты. "Мен ал кезде болгону 7 гана жашта болчумун. Бир кары киши мени көчөдөн кармап алып, мени шылдың кылды, зордуктады. Ал кезде мен жаш гана бала кезим эле. Аны ошол бойдон көргөн жокмун..." - деди ал маегинде. Мушкер ал окуя тууралуу эч кимге айткан эмес, жергиликтүү полицияга да кайрылган эмес. "Болуп өткөн окуя менин психологияма таасир бергенби жокпу, билбейм. Мен жөн гана жашоону уланттым," - деп кошумчалайт мушкер.

Майк Тайсон 1992-95 жылдар аралыгында зордуктоого айыпталып 3 жыл камак жазасын өтөп чыккан. 1997-жылы таймаш учурунда атаандашы Эвандер Холифилддин кулагынын бир бөлүгүн тиштеп, жулуп алганы менен белгилүү. Ал эми 2005-жылы ал бокс дүйнөсүнөн биротоло кеткен. Мушкер учурда 48 жашта.

[MACKA]

Apple компаниясынын жетекчиси Тим Кук кумса экенин ачык айтып чыкты.

Apple компаниясынын жетекчиси Тим Кук өзүнүн кумса экенин ачык айтып чыкты. "Мен муну менен сыймыктанам, " - деди ал өз сөзүндө. Жетекчинин айтымында, анын адаттан тыш жыныстык кызыгуусу коомчулукта кандай азчылыкты түзөөрүн жүрөгүнөн түшүнүп жеткен. "Мен көп жылдар бою кумсалык тандоомду элдерге айтып эле жүрдүм. Жумушта баары менин кумса экенимди билишет жана бул нерсе биздин ийгиликтерибизге жолтоо болбойт," - деди Тим Кук.

Белгилүү компаниянын жетекчиси Тим Кук Apple компаниясына 1988-жылдын март айында келген. 2011-жылы компаниянын негиздөөчүсү Стив Жобстун отставкасынан соң жетекчиликке дайындалган. Анын башкаруусу астында мекеме көп ийгиликтерге жетишти. iPhone 5, 6 серияларын, iPadтарды жана жаңыча программаларды сатыкка чыгарды. Ал учурда 53 жашта.

[saltanat.]

Кумса деген эмнеси?

[FREZIYA]

Обама катынпозго? Мишелге тан бердим чыдап жүргөн,өпкөсүн жулбай!

[MACKA]

Араван - Ак-Буура каналы кызыл түскө боёлду. Жергиликтүү эл тынчсызданууда.

Кечээ, 29-октябрда саат 15:35де Ош шаарынын Набережная көчөсү менен Мушкетова көчөсүнүн кесилишкен жериндеги Араван - Ак-Буура каналы кызыл түскө боелуп, шектүү баштык сууга ыргыталганын көргөн жергиликтүү жашоочулар жана "Төлөйкөн" айыл өкмөтүнүн башчысынын милдетин аткаруучу А. Кокулов ӨКМга кайрылган. Бул тууралуу министрликтин басма сөз кызматы билдирди.

ӨКМнын Ош шаардык башкармалыгынын калкты жана аймакты коргоо бөлүмүнүн кызматкерлери Ош шаардык санитардык- эпидемиологиялык көзөмөлдөө борборунун адиси менен биргеликте окуя болгон жерге барып, Ош шаардык башкармалыгынын ыкчам кезметчисине кабар беришкен.

ӨКМнын Ош шаардык куткаруу кызматынын куткаруучулары атайын шаймандар менен суудагы болжол менен 10 килограммдык сумканы суудан алып чыгышкан. Сумканын ичинде кызыл түстөгү порошок болгон.

Бул шектүү порошок Ош шаардык санитардык- эпидемиологиялык көзөмөлдөө борборуна текшерүү үчүн берилген. Азырынча экспертизанын жыйынтыгы чыга элек.

[Maero]

Теги алин алин, келин келин дегендердин иши эмес бекен, кандай порошок болду экен?! Эч кимге зыяны тийбесе экен!

[Oceana]

Koralbastardyn iwi.

[sensei]

saltanat. (01 Ноябрь 2014 - 00:56) жазган:

Кумса деген эмнеси?

Көгүш (гей)

[MACKA]

Дүйнөдөгү ден соолука пайдалуу болуп Япония ашканасы табылды.

Мындай жыйынтыкты Forbes журналы чыгарды. Маалыматка ылайык, япониялыктардын көбүнүн жашоо өмүрү 82 жашка чейин уланат. Ал эми калктын 1,5 пайызы гана ашыкча салмактуулук менен жабыр тыртышат. Бул ашкананын жакшы экендигинен кабар берет. Япония ашпозчулары тамакка көбүнчө жашылча жемиштерди колдонушат жана жергиликтүү жашоочулар гречканын унунан жасалган кесмени баалап жешет. Кошумчалай кетсек, ашкананын пайдалуулугу боюнча дүйнөдө экинчи орунда Сингапур, үчүнчү орунда Кытай ашканасы турат.

[MACKA]

Франциянын окумуштуулары СПИДден коргоочу даары ойлоп табышты.

Препаратты жыныстык катнаш маалында ичүү керек, деп жазат РИА Новости. Француздардын ачылышын азыртан эле, “ВИЧ - инфекциясы менен күрөшүүдө чоң жылыш!” - деп аташты. Ал эми атайын фонддор анын натыйжалуулугу АКШда далилденгенин жар салууда. Эске салсак, расмий маалымат боюнча дүйнөдө ВИЧ - инфекцияны 34 миллион адам алып жүрөт. Алардын басымдуусу Африка өлкөлөрүндө.

[MACKA]

Кофе адамдын чарчоосун жазат, бирок аш казанга ракты пайда кылуусу мүмкүн.

Мындай жыйынтыкка Швециянын окумуштуулары келишти. Алар 60 аялга изилдөө жасашкан. Күнүнө 2-3 жолу кофе ичкендердин чарчаганы жазылып, физикалык жактан күчтөнүшкөн. Бирок ошол эле учурда ашказан рагынын пайда болгондугу байкалган.

[MACKA]

Голландиялык дизайнерлер кыймылсыз жашоо менен кантип күрөшүү керек экендигин ойлоп табышты.

21-кылым - компьютердин өнүккөн заманында көпчүлүк жумуш үстөлдө, компьютердин алдында отуруу менен өтөт. Ал эми көп отуруу адамдын ден соолугуна зыян алып келет. Андыктан голландиялык дизайнелер туруп иштей турган үстөл ойлоп табышты. Буюмда атайын чоңойтуп, кичирейткен механизми бар. Баскыч менен анын бийиктигин өзүнүн боюна жараша коё алышат.

[MACKA]

Дүйнөдөгү эң чоң ит Америкада.

Жаныбардын аты - Джордж жана ал Гиннесстин Рекорддор китебине кирди. Анын салмагы 110 килограмм. Куйругунун узундугу 2 метрден ашат. Айына 50 килограммдан ашык тамак жейт. Ал эми кожоюуну итинин чоңдугуна байланыштуу чоң үйгө көчүп барганга аргасыз болгон. Белгилей кетсек, жаныбардын атайын уктоочу керебети да бар.

[MACKA]

Ошто социалдык түйүн аркылуу жихадга үндөгөн бала аныкталды.

29-октябрда Ош шаарынын мектептеринин биринде 9-класста окуган 3 окуучу досторун чет өлкөдө туруп жихад жасоого үндөгөн бала пайда болду. Бул тууралуу Ош шаардык ички иштер башкармалыгынын маалымат катчысы Замир Сыдыков билдирди.

Окуяга байланыштуу кечээ үч баланын ата-энелери жана мектеп жетекчилиги менен биргеликте Ош шаардык ички иштер башкармалыгынан алдын алуу жана түшүндүрүү иштери жүргүзүлдү. Маалыматка ылайык, чет өлкөдө жүргөн Хасанбай аттуу баланын үч классташын жихадка үндөгөнү аныкталды. Хасанбай Ош шаарында 8-класста окуп жатып, окуусун таштап, Орусияга кеткен. Ал учурда чет жакта туруп, бул үч классташын жихад жасоого "Одноклассники" социалдык түйүнү аркылуу көптөн бери үндөп келгендиги маалым болду. Иликтөө иштеринен улам ал баланын ата-энеси ажырашып, Ошто жашаган маалында социалдык жактан аябагандай оор күндөрдү башынан кечирип жүргөн. Учурда Түркияда же Орусияда экендиги так эмес, бирок ушул эки мамлекеттен байланышка чыгып жаткан. Ал классташтарын "тозок оту" менен коркутуп, такай жихад жасоого үндөп, Сирияда тартылган видео жана фото материалдарды жөнөтүп турган жана ал материалдарды өз классташтарына таркатууну буюрган. Ош шаарынын милиция кызматкерлери алдын алууга жетишишти. Окуучуларга түшүндүрүү иштеринен соң, үйлөрүнө ата-энелери менен биргеликте коё берилди.

[MACKA]

АКШда космоско жүк ташыган ракета жарылып кетти.

Orbitdal Scicences аттуу компанияга таандык болгон коммерциялык жүк ташуучу ракетасы АКШнын Вирджиниядагы Валлопос аралдарында учуруу станциясынан көтөрүлүп жатканда жарылып кетти. Жарылуу жерден көтөрүлгөндөн 6 секунддан соң болгонун Хюрриет басылмасы жазды.

[MACKA]

Жашоо үчүн өтө ыңгайлуу болгон каражаттар:

Жакшылап карап отуруп бул буюмдар чындап эле өтө уникалдуу экенине ынандык. Кишилердин ойлоп тапкан бул каражаттарына башында анча маани бербеген болсок, алардын эмгектерин жакшылап карап отуруп чындап эле өтө уникалдуу экенине ынандык. Сырттан караганда жөнөкөй, бирок адамдын жашоосуна эң керектүү болгон буюмдар.

Билдирүүнү түзөткөн: MACKA: 04 Ноябрь 2014 - 01:01

[MACKA]

1. Сууну жана чыгымды үнөмдөөчү туалет менен раковина.

[MACKA]

2. Тоголок розетка. Буюмдарды электрге туташтыруунун эң ыңгайлуу жолу.

[MACKA]

3. Жуула турган клавиатура. Эми клавиатурага төгүлүп кеткен кофе, чайдан коркпой эле койсоңуз болот.