[Feijipiao]

Ата-эне болуу убактысы
Европалыктар орточо эсеп менен алганда 29 жашында ата-эне болушат. Ал эми орусиялыктар 20 жашынан баштап, Индияда 19 жашынан, ал эми бизде 18 жаштан баштап ата-эне болгонго акылары бар.
Апасынын канынын тобу 1, ал эми атасыныкы 2 болсо, анда күтүүсүздөн 3 тобундагы бала төрөлөт. Баланын канынын тобу ата-энесинин бирөөсүнүкү менен айкалышат же экөөнүн жыйындысынан келип чыгат.

[Feijipiao]

Аяз атанын айынан жумуштан кеткен мугалим
Мындан бир нече жыл мурун Уэльсте кичинекей класстарга сабак берген бир мугалим Аяз ата жок деп айтып койгону үчүн жумуштан бошотулган.

[MACKA]

Кытай миллионери жердештерине виллаларды бекер куруп, белекке берди.

Ошентип миллионер Сюн Шуйхуа кыштактын жашоочуларына мурда ага жасаган жакшылыктары үчүн ыраазычылык билдирди.
Кытайлык миллионер өзүнүн балалыгы өткөн кыштактагы үйлөрдү бузуп, анын ордуна мурдагы жердештерине баалуу батирлер менен виллаларды куруп, бекер берди.
Ишкер Түштүк Кытайдагы Ксинью кыштагын кайра куруп чыкты. Шуйхуа люкс классындагы кабаттуу үйлөрдүн жаңы батирлерине 72 үй-бүлөнү көчүргөн. Ошондой эле ал өзгөчө ыраазычылык билдиргиси келген 18 үй-бүлөгө виллаларды куруп берген. Кыштакта бак-дарактар отургузулуп, балдар аянты жана арт-борбор жасалды.
Сюн түгөтө алгыс акча тапканын, бирок ошол эле маалда өзүнүн туулган кыштагын унутпаганын айтты. "Мен карыздарымды дайыма төлөйм жана мен жаш кезде мага жана менин үй-бүлөмө жардам берген адамдарга карызымды кайтарууну чечтим," - дейт миллионер.
Долбоорго канча каражат кеткенин ал тактаган эмес.

[MACKA]

Дүйнөнүн эң популярдуу китептери:

Дүйнөнүн эң популярдуу китеби болуп Библия эсептелет. Мындай тыянакка Гиннесс рекорддор китебинин адистери келишти. Китептин нускасы 6 миллиарддан ашууда.
Экинчи орунда Мао Цзэдун тандалмалар китеби 900 миллион нуска менен. Үчүнчү орунда Джон Рональд Руэл Толкин турат. Анын китептери 100 миллион нускада басылган. Ал эми бешинчи кезекте Гиннесс рекорддор китеби, ал дагы 100 миллион нускада таркатылууда. Алтынчы кезекте эң популярдуу "Дүйнөлүк күндөлүк" (World Almanac) - 80 миллион нуска. Жетинчи орунда "Макгаффинин балдарга окутуунун антологиясы" (McGuffey Readers) - 60 миллион нуска. Сегизинчи орунда Бенджамин Споктун "Бала багуунун негиздери" китеби - 50 миллион нуска. Ал эми тогузунчу орунда Дэн Браундун "Код да Винчи" (The Da Vinci Code) китеби - 43 миллион нуска. Ал эми бул тизменин акырында Элберт Хаббардын "Гарсиага кайрылуу "(A Message to Garcia) - 40 миң миллион нуска менен чыккан.

[Feijipiao]

Кереметтүү тоок жумуртка эмес жөжө тууду

Шри-Ланкада бир тоок кадимки жөжөнү тууду. Жергиликтүү калк мындай көрүнүштү алгач кездештирип жаткандыктары туурасында айтышууда. Тилекке каршы тоок тууп жаткан учурунда өлүп калган. Мамлекеттик ветеринардын айтуусу боюнча эмбрион тооктун ичинде 21 күн калыптанган.

[Feijipiao]

10 эм төрөгөн Ирина.Тактап айтканда Курск облусунун жашоочусу Ирина 10 эм наристени жарык дүйнөгө алып келди.

Төрөгүчө учетко туруп, дарыгерлерге көрүнбөгөн 10 баланын энеси болгон Иринага дарыгерлер менен кошо элдин баары таң калышууда. Ал эми жубайынын ким төрөгөнүн билгени келген Иринанын жолдошу бул жаңылыкты угуп, 3 күн эсин жоготуп жаткан. Азыркыга чейин ден соолугу чың, 3 кгдан туулган 10 наристенин бир адамдын ичине кантип баткандыгы табышмак бойдон калууда.

[MACKA]

Feijipiao (01 Декабрь 2014 - 12:12) жазган:

Кереметтүү тоок жумуртка эмес жөжө тууду

Шри-Ланкада бир тоок кадимки жөжөнү тууду. Жергиликтүү калк мындай көрүнүштү алгач кездештирип жаткандыктары туурасында айтышууда. Тилекке каршы тоок тууп жаткан учурунда өлүп калган. Мамлекеттик ветеринардын айтуусу боюнча эмбрион тооктун ичинде 21 күн калыптанган.

Минэдэйт?

Билдирүүнү түзөткөн: MACKA: 01 Декабрь 2014 - 12:20

[rumaika5544]

Шумдугуң куур

[DaRhaN.]

Мына сага шумдук.

[MACKA]

Петрушка өсүмдүгүн көп жесе көздүн көрүүсү курчуйт.

Бул тууралуу дарыгерлер айтып чыгышты. Алардын айтымында перушканын ширесин ичип туруу көзгө тиешелүү ооруларды алдын алат. Ал эми аталган өсүмдүк өтө күчтүү болгондуктан, аны бир кашыктан күнүгө эки-үч жолу ичүү сунушталат.

[MACKA]

Көк алманын данектери организмди бир суткалык йод менен камсыз кылып турат.

Адистердин айтымдарында, алманы канчалык көп жесеңиз, анын пайдасы ошончолук көп болот. Күнүнө эки даана алма жеп турсаңыз кан басымыңызды бир калыпта сактап жүргөнгө чоң мүмкүнчүлүк түзүлөт. Ошондой эле алманын суюктугу организмдеги туздуулукту азайтып, өз калыбына келтирет. Уктаар алдында алманын ширесин ичсеңиз ичкен тамагыңыз жакшы сиңип, тишиңиздин бекем болуусуна шарт түзөт.

[MACKA]

Эркектер такалуу бут кийим кийген аялдарга көбүрөөк жардам берет.

Франциялык окумуштуулар тажрыйба жүргүзгөн. Салмагы, жаш курагы, бою жана келбети салыштырмалуу бирдей эки бийкеч көчөдө эркектерден жардам сураган. Бир учурда мырзалар анкета толтурушу керек болчу. Мында такачан жүргөн бийкечтин суранычын 82 пайыз эркек канааттандырды. Жапыз бут кийим кийген айымдын анкетасын 42 пайызы гана толтурган. Экинчи тапшырмада кыздар капчыгын көчөдөн кокустан түшүрүп алмак. Така кийген бийкечтин артынан 93 пайыз эркек чуркап, капчыгын кайтарды. Ал эми ыңгайлуу бут кийимчен кыздын буюмун 62 пайыз мырза кайтарган.

[MACKA]

Россияда рублдин баасы күн санап төмөндөп жатат.

Россияда рубль долларга карата 52 рублге бааланып, кунун азайтып, жаңы рекорд койду. Москва убактысы боюнча саат: 10:11 ге карата орус акчасынын бир долларга карата куну 52,05 рубль болду. Бул тууралуу РБК булагы кабарлады.
Еврого карата курс дагы өткөн аптага салыштырганда сезилээрлик жогорулаган. Эртең мененки саат 10:10 го карата бир евронун баасы 64,714 рублди түздү. Жалпысынан рубль евро жана долларга карата дагы 2 рублге кунун жоготту.
Орус рублинин баасы мунайдын баасынын төмөндөшүнө байланыштуу арзандап жатат. 1-декабрга карата Лондондогу соода биржасы мунайдын баасы 1 баррелине 67,88 доллар болгон чекти көрсөттү.

[MACKA]

Казакстанда биринчи президенттин күнү белгиленип жатат.

"1-декабрь - Казакстандын биринчи президентинин күнү" салтанаттуу белгиленип жатат.
Биринчи декабрь - Казакстанда "Президенттин күндөрү" деп аталып, атайын расмий деңгээлдеги салтанат катары белгиленип жатат.
Маалыматка ылайык өлкөнүн бардык жерлеринде бул майрамга карата салтанаттар өткөрүлүүдө. Астанада мамлекет башчысынын салтанаттуу желек көтөрүү жана мамлекеттик коргоо кызматынын желегин тапшыруу аземдери өткөрүлдү. 2011-жылы декабрь айында Казакстандын парламенти "Биринчи президенттин күнү" майрамын кабыл алышкан. Бул күндү белгилөөгө 1991-жылдагы жалпы элдик шайлоо боюнча Нурсултан Назарбаев биринчи президент болуп шайлангандыгы себепчи болгон. Анда калктын 98,7 пайызы өз добуштарын беришкен. Казакстанда "биринчи президенттин күнү " салтанатуу майрам катарында быйыл үчүнчү жылы белгиленип жатат.

[MACKA]

Аспирин таблеткасынын башка касиеттери:

Аспирин деп аталган таблетканы билбеген адам жок. Көрсө, ал медицинада эле эмес, күнүмдүк тиричиликте да кеңири колдонулат экен. Анын пайдалуу касиеттери төмөндө:

1. Гүл көпкө соолубай туруш үчүн ал салынып турган вазадагы сууга бир таблетка аспирин салып коюу керек.
2. Аспириндин жардамы менен кийимдеги тердин тагын да кетирүүгө болот. Ал үчүн алгач аспиринди сууга салып эритип (1 стакан сууга 2 таблетка аспирин), ага так болгон кийимди чылап коюу керек. 3 сааттан соң кийимди порошок менен жууп салсаңыз, тактан дайын калбайт.
3. Аспирин беттеги безеткилерди кетирет. Аны сууга эзип ботко жасап, аны безеткиге сүртүү зарыл. 2-3 мүнөттөн соң кызылы кете баштайт. Андан кийин кычышканы басаңдай баштаганда самын менен жууп салуу керек.
4. Буттун кабарып, катып калган жерлерин кетирүү үчүн 5-6 таблетка аспиринди аябай майдалап, ага лимон ширесинен кошосуз. Бир аз суу кошуп койсоңуз да болот. Даяр болгон аралашманы маселе жараткан жериңизге сыйпап, чүпүрөк менен байлап аласыз. 5-10 мүнөт бутуңузга полиэтилен баштыгын кийип, андан соң зарылчылыкка жараша процедураны кайра кайталасаңыз болот.
5. Аары чаккан жерди алгач суулап, анан аспириндин таблеткасы менен сүртсө, аары чаккан жериңиз оорубайт дагы, шишибейт дагы.

[MACKA]

Кыргызстанда 1 жылда 1300дөн ашык жашы 14кө толо элек кыздар аборт жасатышат.

Кыргызстанда жыл сайын 1300 аброт жасалат. Анан да аборт жасаткандар 14 жашка жашы толо элек кыздар. 15-17 жаштагы секелектердин эне болуусу көбөйүп жатат.

[MACKA]

Кыргызстан жакыр өлкөлөрдүн тизмесинен чыкты.

Президент Алмазбек Атамбаев билдиргендей, Дүйнөлүк банк баштаган бир катар эл аралык уюмдардын эсептөөлөрү боюнча, Кыргызстан жакыр мамлекеттердин тизмесинен чыгып, орто деңгээлдеги кирешеси бар, өнүгүп жаткан өлкөлөрдүн катарынан орун алды, - деп билдирди Атамбаев.

[MACKA]

Бажы биримдиги боюнча келишимге 23-декабрда кол коюлат.

Бул тууралуу Азаттык маалымдайт. Ага ылайык, аталган биримдикке кирүү тууралуу келишимге президент Алмазбек Атамбаев 23-декабрда кол коёт.
Эске салсак, буга чейин өкмөт Бажы биримдигине кошулуу боюнча 38 мыйзам долбоорду иштеп чыккан. Алгачкы 16 мыйзам долбоор кабыл алынган. Жогорку Кеңештин төрагасы Асылбек Жээнбеков бардык мыйзамы жаңы жылга чейин кабыл алынат, - деп билдирген.

[MACKA]

Декабрь айында күйүүчү-майлоочу майларга болгон баа төмөндөшү мүмкүн.

Мындай божомолдорду мунай ташуучулар ассоциациясынан билдиришти. Маалыматка ылайык, кечээги күндөн баштап Аи-80 үлгүсүндөгү күйүүчү май 50 тыйынга, жайкы дизелдик отун 1 сомго, ал эми кышкы дизелдик отун 3 сом 20 тыйынга төмөндөдү. Алдын-ала божомолдор боюнча башка үлгүдөгү бензиндер да арзандашы күтүлөт.

[MACKA]

Эмки жылдан тартып кыргызстандыктар Россиянын аймагына чет элдик паспорттор менен гана кире алышат.

Жаңы эреже 2015-жылдын 1-январынан баштап күчүнө кирет. Россиядан чыгып кетүү үчүн дагы чет элдик паспорттун болушу шарт. Мындай мыйзам, Бажы союзуна кирген мамлекеттердин жарандарынан тышкары, бардык КМШ өлкөлөрүнүн атуулдарына тиешелүү. 16 жашка чейинки балдарда дагы чет элдик паспорттун болушу кажет.