[MACKA]

Бишкек автобустары газга өтөт.

Бул тууралуу шаардын жүргүнчү автотранспорттук ишканасынын директору Жолчубай Мамбеткожоев билдирди. Анын айтымында, автобустарга күйүүчү май айына 11 миллион сомго куюлат. Ар бир транспортко күнүнө 60 литрге чейин отун керек. Италиялык компаниялардын бири автобустарды газга өткөрүүнү сунуштады. Анын аркасында ай сайын 5 миллион сом үнөмдөсө болот. Бир жыл ичинде үнөмдөлгөн акчалардан компанияга акчасы кайтарылат, - деди Мамбеткожоев.

[MACKA]

Депутат Нурлан Төрөбековдун жасалма диплом менен жүргөнү аныкталды.

Жогорку Кеңештин депутаты Нурлан Төрөбековдун жасалма диплом менен жүргөнү аныкталды. Муну аталган фактыны иликтеген депутаттык комиссиянын мүчөсү Курманбек Дыйканбаев бүгүн, 2-декабрда SUPER.KG порталына билдирди. Дыйканбаев кесиптеши университетте 13 жыл окуп, бирок диплом албай калганын айтты.

“Башкы прокуратуранын маалыматын иликтеп чыктык. Комиссия Билим берүү жана илим министрлиги менен Кыргыз улуттук университетине суроо-талап жиберип, жооп алды. Нурлан Төрөбеков Улуттук университеттин роман-герман факультетинин биринчи курсуна кирип, бирок экинчи курстан окуудан чыгарылыптыр. Кийин окуусун улантып, сырттан окуу бөлүмүнө которулуп, 2013-жылы декабрь айында карыздары болгону үчүн 5-курстан окуудан айдалган. Жалпы 1990-жылдан 2013-жылга чейин окуп, бирок кайра окууга кабыл алынбагандыктан, диплом ала алган эмес,” - деди Дыйканбаев.

Депутат комиссиянын корутундусу жалпы депутаттардын кароосуна чыгарылып, чечим кабыл алынарын кошумчалады.

“Экинчиден, Нурлан Төрөбеков бир топ жыл Ооган согушунун республикалык кеңешинин төрагасы, парламенттин 4-5-чакырылыштарынын депутаты катары көп иш кылыптыр. Ушуну эске алып, жалпы жыйында карап, бир жыйынтыкка келебиз. Депутат өзү; “дипломумдун түп нускасын жоготуп жибергенмин, көчүрмөсүн пайдаланып жүрөм,” - деп айтууда. Бирок эч кандай дипломго ээ болгон эмес,” - деп кошумчалады Дыйканбаев.

[Soulya]

MACKA (02 Декабрь 2014 - 23:12) жазган:

Кыргызстанда 1 жылда 1300дөн ашык жашы 14кө толо элек кыздар аборт жасатышат.

Кыргызстанда жыл сайын 1300 аброт жасалат. Анан да аборт жасаткандар 14 жашка жашы толо элек кыздар. 15-17 жаштагы секелектердин эне болуусу көбөйүп жатат.

кыздарыбыз ушунчалык бузулуп жатабы э? Тан калыштуу...

[MACKA]

Путиндин олигархтары тууралуу китеби АКШда бестселлер болду.

Путиндин 110 кишиден турган олигархтары Орусиянын байлыгынын 35% көзөмөлдөп турат.
Путиндин олигархтары тууралуу "Путиндин Клептократиясы: Орусиянын кожоюну ким?" - аттуу китеби АКШда бестселлер болууда.
Маалыматка ылайык китептин автору АКШнын Оксфорд шаарындагы Майами университетинин окутуучусу Карен Дэуиша (Karen Dawisha). Бул китеп маалымдама түрүндөгү "Ким кимдир?" суроосуна жооп издеген жана орусиянын ири ишкер адамдары, аткаминерлери тизмеге кирген. Бул китеп 55 барактан туруп,30 доллардан сатылууда. Окумуштуунун пикиринде, Путин бийликке келгенде батышты колдогон, либерал лидер болгон. Ал 90-жылдары бийликтеги олигархтарды тазалап, мамлекеттин ролун күчөтүүнү убада кылган. Бирок китепте айтылгандай, ал анын ордуна жаңы олигархиялык системаны түзгөн. Ага ылайык азыр олигархтар менен мамлекеттик аткаминерлер мурдагыга караганда бардыгы күчтүү байланышкан. Китептин автору 110 киши Орусиянын байлыгынын 35% көзөмөлдөп турат. 90-жылдардагы бардыгына ачык олигархтарга караганда азыркы Путиндин маачыркаган байлары билинбеген, жашыруун кызматтын адамдары. Путин президенттик кызматка келгенден кийин атайын кызматтагы бир топ тааныштарын жумушка чакырган. Мунун жыйынтыгында баардыгы миллиардер болушкан.

[MACKA]

Анджелина Джоли жол кырсыгына кабылды.

Атактуу голливуд жылдызы Анджелина Джоли бараткан автоунаа жол кырсыгына кабылды.
Атактуу голливуд жылдызы Анджелина Джоли бараткан автоунаа кечинде жол кырсыгына кабылды.
Маалыматка ылайык атактуу актриса Беверли-Хиллз шаарында тасманын ачылыша катышкан. Андан кайтып келатканда ижарага алынган унаанын айдоочусу жамгырлуу кечеде рулду башкара албай жолдон чыгып кеткен. Унаанын эки дөңгөлөгү жарылып, алды тарабы талкаланган. Анджелина Джоли эч кандай жарат албастан башка унаа менен үйүнө жеткирилген. Бул жол кырсыгы боюнча башка маалыматтар эртеңден айтылаары кабарланууда.

[MACKA]

Sony электрондук кагаздан жасалган кол сааттарды чыгарды.

Sony компаниясы электрондук кагаз технологиясынын негизинде жасалган кол сааттарды сунуштады. Жаңы түзүм 60 күн бою заряды жок иштей алат.
Саат жасоого колдонулган технологиялар электрондук китептерди даярдоодо колдонулган материалдар болгондуктан, анын 2 ай бою заряды жок иштөөсүнө мүмкүндүк түзөт.
Циферблаттын бети гана электрондук болбостон, сааттын колго тагына турган курунун бети дагы электрондук кагаздан жасалмакчы.
Жаңы саатка дизейнерлер да баа берүүгө үлгүрүштү. Pocket-lint компаниясынын электрондук түзүмдөр боюнча эксперти Стюарт Майлс сааттын ретро стили жаккандыктан аны "эң мыкты жасалган," - деп баалады.

Sony сааттын функционалдуулугу башка смарт-сааттарга караганда эң эле аз болоорун, жаңы саат мода индустриясынын гана предмети экенин кабарлады.

[MACKA]

Ырдап турган жолдор модага айланып бара жатат.

Заманбап айдоочуну эч нерсе менен таң калтырууга болбойт, бирок кокустан эле салондо жаңырган музыкага ким болбосун шок болуп калаары анык.
Дүйнөдө уламдан-улам мелоди-роуд же болбосо музыкалуу, ырдап турган жолдор популярдуу болуп бара жатат.
Учурда ырдаган жолдордун лидери болуп Япония эсептелет. Аталган өлкөдө жалпысынан 20 трассада жүрүп баратканда Япониянын гимни жаңырып турат.
Ошондой эле Түштүк Кореяда дагы музыкалуу жолдор курулуп жатат, бирок көңүл ачуу максатында эмес, зымыраган жолдон айдоочу уктап кетпесин деген ниет менен жасалууда.
Ал эми Америкада композитор Россининин "Вильгельм Телль" операсын аткара турган жол курулган.

[Dadin2]

“Аялынын көңүлдөшүнүн жыныстык мүчөсүн кесип салган”

“Аялынын көңүлдөшүнүн жыныстык мүчөсүн кесип салган” делип жаткан жаран боюнча чыгарган соттун чечимине жабырлануучу тарап макул эмес. Бул тууралуу "Голос свободы" укук коргоо уюмунун басма сөз кызматы билдирди. Маалыматка ылайык, окуя үстүбүздөгү жылдын 4-апрелинде болгон. Анда К.Х. аттуу жаран Н. аттуу жарандын жыныстык мүчөсүн кесип салган. 14-октябрда болсо Талас облустук соту айыпталуучуну шарттуу түрдө 2 жылга эркинен ажыраткан. Бул чечимге жабырлануучу каршылыгын билдирип Жогорку Сотко кайрылган. Бул окуя боюнча эки тарап эки түрдүү версияны айтууда. Жабырлануучунун айтымында, айыпталуучунун аялы көптөн бери бербей жүргөн карызын берем деп чакырып, күйөөсү келгиче алып кетүүсүн айткан. Бирок ал короого киргенде үч адам аны сабап, жыныстык мүчөсүн кесип салышкан. Ал эми айыпталуучунун айтымында, жабырлануучу анын аялынын көңүлдөшү болгон. Үйүнө келгенде аны ушундай жол менен жазалоону чечкен.

Билдирүүнү түзөткөн: Dadin2: 03 Декабрь 2014 - 13:06

[adi_ko.kg]

Күйөөңүздү кантип кайрып аласыз?..
Сизден күйөөңүз кетип калды... Анда
ар кимге чалып же барып даттануунун
кажети жок. Бул маселени бир гана
өзүңүз чечип, ордуна коё аласыз. Ал
үчүн төмөндөгү маалыматтарга
көңүлүңүздү буруңуз. Бул кеңештер
ката кетирип албооңузга жана
жолдошуңуз менен өмүр бою бирге
жашооңузга кепилдик берет.
Канткенде жолдошуңуз сизди
таштабайт?
1. Келбет.
Аялдардын милдети өзүнүн
сулуулугуна кам көрүү жана
жасалмалуулукка бөгөт коюу. Модалуу
кийимдерге жана стилге көбүрөөк
көңүл буруу зарыл. Чачыңызды,
бетиңизди ар дайым жыттуу, таза тутуп,
тырмагыңызды көрктүү алып жүрүңүз.
“Өз үйүмдө мени ким көрмөк эле”
дебей чырайлуу кийинип, боёнуп алып
жүрсөңүз жолдошуңуз сизден кетмек
турсун сизден бөлөк тууралуу
ойлонбойт дагы.
2. Кумардануу, каалоо
Күйөөңүздү сиздин денеңизге кол
тийгизүү укугунан ажыратпаңыз.
Маселен, кучактап, өөп же эркелетип
калса кытыгым же итиркейим келип
жатат деп аны өзүңүздөн
оолактатпаңыз. Жолдошуңузду сүйүңүз,
анын каалоосунан себепсиз баш
тартпаңыз.
3. Бала
Ооба, эркекке бала төрөп берген аял
сүйүктүү болот. Бала деген бакыт,
сиздин эртеңки келечегиңиз. Кээ бир
айымдар балдарын материалдык
кызыкчылыктарга колдонуп ийишет.
Сиз бул кадамга барбаңыз, аларга
жакшы тарбия берип жана досуна
айланып сырдашып, жолдошуңузга
мээримдүү, үлгүлүү апа көрүнүңүз.
Анан уул-кыздарыңызга атасынын
жаман жактарын эзели
айтпаңыз.Тескерисинче мактап гана
туруңуз.
4. Ашкана
Эркектин жүрөгүнө жол ашказандан
башталары бышык. Анткени алар
дайыма даамдуу жана берекелүү аш
жегенди жакшы көрүшөт. Эгерде сиз
ашкана менин ордум эмес десеңиз чоң
жаңылышасыз. Кайда ким болуп
иштебеңиз колго тамакты түрлөп жасап
берип сүйүктүүңүздүн көңүлүн ала
билиңиз. Убакыт таап үй-бүлөлүк кечки
тамактанууну, романтикалык кечтерди
уюштуруп, ага ашканадагы болгон
чыгармачылыгыңызды көрсөтүңүз.
5. Достук
Эгер сиздин күйөөңүз сизге кымбат
болсо, сиз анын жакын досу да болуп
каласыз. Андыктан анын ишине
кызыгыңыз, эмнелер, кайда эс алуу
жагарын билиңиз. Кайгырса да, кубанса
да ар дайым аны колдоп кеңеш берип
туруңуз. Кайра башынан тарбиялайм
деп убараланбаңыз, кандай болсо
ошондой кабыл алыңыз. Ошондо ал
дагы сизге өзүңүздөй мамиле жасай
баштайт.
6. Эркиндик
Үй-бүлөлүк турмуш - түрмө эмес. Ар
кимдин өз эркиндиги болушу шарт.
Эркектин ар бир кадамын текшерип
турууну максат кылбаңыз. Бир күндө
бир нече ирет кайда, эмне кылып
жүргөнүн сурабай эле коюңуз.
Туугандары, достору менен кеңири өзү
каалагандай мамиле түзүүсүнө бөгөт
болбоңуз. Катуу чек коём десеңиз, анда
ал эркиндикке чыгуу үчүн тынымсыз
аракет кыла берет.
7. Баш ийүү
Сиз карьера куруңуз, бизнес леди
болуңуз, көп адамдарды башкарып
иштеңиз, бирок үйдө эркектин
канатына жашынган жөнөкөй гана
назик аял болуңуз. Эркек ар дайым
мамлекеттин башында тургандай өзүн
биринчи сезиши керек. Ага бул
мүмкүнчүлүктү берүү менен сиз аны ар
дайым жаныңызда алып жүрө аласыз.
Эмне себептен күйөөңүз кетет?
1. Ага кызыксыз боло баштасаңыз
Эркектер өзүнүн идеалын гана
издебестен акылдуу кеңешчи жана эң
негизгиси төшөктө өнөктөшүнүн эң
жакшы болуусун каалайт. Бардык
эркектер көзү менен сүйөт. Эгер сиз ага
сексуалдуу жана ажардуу болуп
көрүнүүнү унутсаңыз, анда сиз ал
адамды өзүңүздөн заматта алыстатып
аласыз.
2. Социалдык абалыңыз төмөн болсо
Сиз аны каалабасаңыз да
жолдошуңуздун табитине төп келүү
үчүн өзүңүздүн жагдайыңызды
оңдоңуз. Маселен, жөнөкөй жана арзан
кийим же аксессуарга басым жасабай
өзгөчөлөнгөнүн таап колдонуңуз.
Убагында кымбат экен деп кабагын
бүркөгөнү менен ичинен сиздин
ачылган чырайыңызды жактырат.
Антип өзүңүздү сыйлабай койгонуңуз
жолдошуңузду иренжитет.
3. Мүнөзүңүз келишпесе
Сизге күйөөңүз жагат дейли, бирок
экөөңөрдүн ортоңордо болбогон
жерден чыр-чатак көп чыгат. Тил
табышууга сиз биринчи кадам
жасабасаңыз, бул жерден алыстоо
башталат. Эркектер жаратылышынан
лидер болгонду жактырышат, андыктан
сиз ар качан казан-аяк кагышкан убакта
ага баш ийип койсоңуз көп балээден
кутуласыз. Ага эрегишүү сизди утуштан
биротоло куру калтырып коёт.
4. Ашкере “чечкиндүү” болсоңуз
Бир дагы эркек бош убактысын
аялынын үстөмдүгү алдында өткөргүсү
келбейт. Ошондуктан мен билемдикке
салып көп нерсени кеңешпей туруп
чогуу барабыз же бирге кылабыз деп
пландап алсаңыз макул болгону менен
сизге болгон кыжырдануусу башталат.
5. Чыккынчылык кылсаңыз
Негизинен акыл-эси толук жетишкен
эркек аялы көзүнө чөп салып жүргөнүн
билсе эч качан кечирбейт. Эгерде сиз
күйөөңүздү башка менен алмаштырып
жүрүп ажырап калсаңыз, анда кайрып
келүүгө убара болбоңуз. Кечирген
күндө да мурдагыдай мамиле күтпөңүз.
7. Кемсинтсеңиз
Таарынышууда эмоцияга алдырып
жолдошуңузга жаман сөздөрдү айтып
жана өткөн былыктарын чукуп, анан
ыйлай берсеңиз, анда ортоңордо
ажырым пайда болору бышык.
Айрыкча “баягы эле сенсиң да”, “сенин
колуңан эмне келет”, “сенсиз эле сонун
жашайм”, “сени энең, эжең, байкең...”,
“башкага эле тийбей”, “досуң жакшы
жашайт, бизчи...” деген өңдүү
кептерди көп айтсаңыз, анда
сүйүктүүңүздүн сизди таштап кетүүсүнө
өзүңүз жол ачып жаткан болосуз.
8. Ичкилик ичсеңиз
Айымдарга ичкилик ичүү таптакыр
жарашпайт. Мас болгончо ичип, кусуп
жатып кала бере турган болсоңуз өзү
ичип жүрсө да жолдошуңуздун көңүлүн
кирдетип аласыз.
Кайрып алууга мүмкүн болбой
калганда...
1. Кайра-кайра чалып баланы караганга
киши жоктугун, же үйдө ал жок, бул
жок деген шылтоолорду айтпаңыз.
Мындай боло берсе бул
айткандарыңыз чын болсо да ал баары
бир сизге ишенбей калат. Акыры
сизден атайылап качып биротоло
оолактап кетет.
2. Ал көп болчу жерлерге маселен
жумушуна, тамактанчу ашканасына,
жакшы көрүп эс алган жерлерине
барбаңыз жана анын алдынан чыга
калбаңыз. Муну аткарганга эркиңиз
жетпесе жашаган дарегиңизди өзгөртүп
убактылуу болсо да башка жакка көчүп
кетиңиз.
3. Жолдошуңузду узак убакытка иш
сапары менен кетти деп элестетип
алыңыз. Ошол убакта күйөөңүзгө
таптакыр башкача болуп көрүнүүнүн
айласын издеңиз.
4. Жолдошуңуз кетип калганга чейин
көп чыр чыгарып жаман сөздөрдү
айткан болсоңуз ал кемчилигиңизди
моюнга алып, ушунун үстүндө иштей
баштаңыз. Балким атайын адис
психологго кайрыласыз.
5. Эгер толук болсоңуз тез арада
сырткы келбетиңизге кам көрүңүз.
Бирок ошол эле убакта арыктоо үчүн
ден соолугуңузду жабыркатуучу
дарыларды колдонуп, диетага
отуруунун кажети жок. Стресс болуп
турганыңызда мындай жолду
тандасаңыз саламаттыгыңызды
талкалап аласыз.
6. Ар күнү өзүңүздүн жеке
гигиенаңызга, сулуулугуңузга көбүрөөк
кам көрүңүз.
7. Күйөөңүз балдары менен
учурашканы келсе аны менен таптакыр
сүйлөшпөңүз.
Ал убакта жөн гана бир жакка, жок
дебесе кошунаңыздыкына кетип
калыңыз. Бала менен атанын сөзүнө
тоскоол болбоңуз.
8. Балдарыңызга түшүндүрүңүз: атасы
сиз тууралуу берген суроолоруна жооп
беришпесин. Мейли ал сизди кандай
жаман ойлосо убактылуу ошол оюнда
кала турсун.
9. Күйөөңүз чалса же смс жазса
балдарыңыздарга тиешелүү болгон
темада гана сүйлөшүңүз. Мурункудай
кенен баарлашууну токтотуңуз.
10. Ар убак телефонду биринчи коюп
таштаңыз. Маанилүү бир нерсе менен
алек болуп жаткандай, аны менен
сүйлөшүүгө убактыңыз жок сыяктуу
мамиле жасаңыз.
11. Жолдошуңуз тууралуу кандайдыр
бир маалыматты алгыңыз келсе ал
жөнүндө эч кимге кабарлабаңыз.
Өзгөчө жалпы досторуңарга же аны да,
сизди да тааныган тааныштарыңарга.
Анткени сиздин сөздү толугу менен
күйөөңүзгө жеткирип барса сиз ага түр
көрсөтүп жатканыңыз билинип калат.
12. Активдүү жашоо образына басым
жасаңыз. Киного барыңыз, спорт залга
же көңүл ачуучу жайларга барып
алаксыңыз. Эгер бул учурда күйөөңүз
менен бет келишип калсаңыз
учурашып гана кетип калыңыз.
Жолдошуңузга кантип жагасыз?
Алина Жетигенова:
- Жолдошум мага толугу менен
эркиндик берген. Себеби ал менин
чынчылдыгыма ишенет. Көпчүлүк эле
айымдардай жакшы тамак жасап же
сымбаттуу кийинип алганымда
күйөөмдүн “сонун экен” деп калганына
кубанып калам. Жолдошумдун мындай
көңүл буруусу менин мындан дагы
жакшы кылайын деп аракет жасоомо
себепкер болот. Биздин жашообуз
ушундай аракеттер менен айкалышып
уланып келе жатат.
Алтынай Нарбаева:
- Биз 25 жылдан бери чогуу жашап келе
жатабыз. Башында бири-бирибизди
түшүнүшө албай экөөбүз тең
кыйналганбыз. Эми болсо мен ага эмне
жагарын, эмне жакпасын жакшы
билем. Негизгиси, жакшы көргөн
адамыңа балаңа төгүлгөндөй мээрим
төксөң аны бактылуу кыла аласың.
“Ашың болбосо да кабагың болсун”
дегендей ар убак көңүлүн көтөрүп,
колдоп, күлүп-жайнап турууга
аракеттенем. Бардык эле үй-
бүлөлөрдөй ар кандай маселенин
тегерегинде жумасына 1-2 жолу уруша
кеткен учурлар болот. Бирок аны
тышка чыгарбай бат эле тил табышып
алабыз. Менин ага бетке айткан
мүнөзүм жагарын билем.
Нуриса Абасова:
Мен жолдошума сюрприздерди кылып
туулган күнүндө, майрамдарда өзгөчө
белектерди алып берем. Тамакты,
салатты түрлөп жасап үйдөгү
маанайдын жакшы болуп турушуна
шарт түзүүгө аракеттенем. Көбүнчө
анын пикирин угам, бирок чечимди
өзүм чыгарам. Ошондуктан жолдошума
менин чечкиндүүлүгүм жагат го деп
ойлойм. Биз бири-бирибизге болгон
ысык мамилени булгабай таза сактоого
бирдей аракеттенебиз. Аны менен
өзүмдү бактылуу сезем.
Жылдыз Тутуева:
Башка аялдардай эле мен дагы
сүйүктүүмө жагыш үчүн көп аракет
кылам. Ал менин шайыр мүнөзүмдү
аябай жактырат. Мени менен ар кандай
темада баарлашкысы эле келип турат.
Кызыгы мен көп тил албайм да, ал оң
айтса тескери жасай берем. Акыркы
күндөрү атайылап тескери айтып коюп,
натыйжасында оң болуп калат. Күйөөм
жасалмалуулукту жаман көрөт.
Ошондуктан анын көңүлү үчүн
табиятымда кандай болсом ошондай
эле жүрө берем.

[MACKA]

Кыргызстанда Биллклинтонбек Мукаев аттуу жаран жашайт.

АКШнын мурдагы президентинин урматына аталган 21 жаштагы атуулдун сканерден өткөрүлгөн паспортунун көчүрмөсү социалдык тармактарда таркатылды. Биллклинтонбек 1993-жылы туулган.
Борбордук шайлоо комиссиясынын базасында жаран Мукай уулу Биллклинтонбек деп катталган.

[MACKA]

Селфи, же өзүн-өзү сүрөткө тартуу адамдарды пластикалык операцияларды жасоого түртүүдө.

Америкалык хирургдардын билдирүүсүндө, акыркы жылда мурунду оңдоп-түзөөгө суроо-талап 10 пайызга жогорулады. Мындан тышкары, чачтарды көчүрүп өстүрүү жана европалык сурма жасатуу популярдуу болууда. Селфи - соц.тармактарда өтө жайылган көрүнүш. Сүрөткө өзүн-өзү жаштар гана эмес, жылдыздар жана саясатчылар дагы активдүү тартууда.

[MACKA]

Япониялык компания акылдуу тиш жууган щетканы ойлоп табышты.

Ал тишти жууп жатканда тазалыкты толугу менен көзөмөлгө алат. Аны смартфондогу атайын колдонмо аркылуу тиште кандай көйгөйлөр бар экенин билип алса болот. Ал эми буюм толугу менен экологиялык таза материалдардан жасалган. Буюм сатыкка качан чыгат жана баасы канча болот азырынча белгисиз.

[MACKA]

Калк үчүн газ 3 сомго арзандады.

Бул тууралуу энергетика министри Кубанычбек Турдубаев билдирди. Анын айтымында, учурда “Газпром” компаниясынан келген көгүлтүр от куб метрине 13 сом 93 тыйынды түзөт. Мурун газга тариф 16 сом 80 тыйын болчу. Мындан ары газга болгон баа доллардын курсуна көз каранды болот, - деп билдирди Турдубаев.

[MACKA]

Актилек Жумабек Шах Бобонистен кулатуу боюнча дүйнө чемпионунун курун утту.

Кечээ 3-декабрда Кожомкул атындагы спорт ордосунда кулатуунун WEF (World Еrtaymash Federation) версиясы боюнча дүйнө чемпиону титулуна беттеш болду.
Чемпион наамына кыргызстандык Актилек Жумабек уулу жана АКШдан келген Шах Бобонис ат салышты.
Америкалык күрөшкер өзүнүн кесиптик карьерасында ар түрдүү өлкөлөрдөн 17 беттешти башынан өткөргөн жана анын 11инде жеңишке жетишкен.
Кармаш үч раундда ар бири беш мүнөттөн болду. Катышуучулардын салмак категориясы 75 кг. салмакка чейин деп эсептелди.
Көрүүчүлөр үчүн эң эле күтүлгөн кармаш 1 минута 10 секундага созулду, бул кыска аралыкта Бобонис эки ирет жыгылды. Экинчи жолу кулаган кезде Жумабек уулу мүмкүндүктү колдон чыгарбай, атаандашына муундурган ыкманы колдонду.
Жумабек уулуна дүйнө чемпионунун курун WEF федерациясынын президенти Руслан Кыдырмышев тапшырды.

[MACKA]

Саламат Садыкованын үйүн тоноп кетишти.

Кыргыз Республикасынын Эл артисти Саламат Садыкованын үйүн тоноп кетишти. Кичирайондордун биринде жашаган ырчынын үйүнө 2-декабрь күнү белгисиз бирөөлөр кирген. Бул тууралуу Бишкек ШИИБинен өздүк булактар кабарлашты.

Кечинде ырчы үйүнө кайтканда эшиги ачылган бойдон калган. Уурулар сейфте сакталган 30 миң долларын алып кетишкен. Учурда тергөө иштери жүрүп жатат.

[MACKA]

Дүйнөнүн эң сулуу наристеси.

Орусиялык 9 жаштагы Кристина Пименова дүйнөнүн эң сулуу кызы аталды. Батыштын көпчүлүк ММК москвалык кичинекей наристени кадимки жылдызга айландырганын маалымат булактары жазууда. 9 жаштагы Кристина Пименова мода дүйнөсүнүн жаңы жылдызы болуп жанып келатканын кабарлашууда. Бирок Кристинанын тагдыры баардыгынын тартышкан темасына айланган. Көпчүлүгү кичинекей кыздын балалыгын жашабай жатып чоң адамдардай өмүр сүргөндүгүн сындап жатышат. 2005-жылы төрөлгөн Кристина подиумду багынтып, ааламга атактуу моделдер Наоми Кэмпбелл жана Клаудии Шиффердей болгусу келет. Ал 3 жашынан бери жеткинчек моделдер мектебинде окуйт. Аны модель болгон энеси Гликерия Широкова алып барган. Ал эми атасы футболчу Руслан Пименов кызынын 3 жашынан карьера жасаганына каршы болгон эмес. Азыркы учурда Кристина Пименова жомоктогудай моделдик ийгиликке жетишип, ар бир подиумга чыгышы ышкыбоздордун ызы-чуулары менен коштолууда. Акыркы жарнамалык видеосу менен 2 миллионго жакын көрүүчүлөрдү тапкан.

[MACKA]

Чынгызхан казак болгонбу?

Окумуштуулар Чынгызхандын улутун аныктап чыгышты. Окумуштуулар Чынгызхандын улуту казак болгондугун аныктап чыгышты.
Маалыматка ылайык, Украиналык белгилүү тарыхчы Владимир Белинский Чынгызхандын монгол эмес, казак болгондугун билдирүүдө. Муну далилдеш үчүн окумуштуу бүт өмүрүн арнаган. Улуу аскер башчысынын жеңиштерин толук изилдеп, фактылар менен далилдеп, төрт урууну изилдеп чыккан. Алар түрк уруулары - кыяттар, керейлер, наймандар жана меркиттер болгон. Чынгызхандын атасы Есугей кыят уруусунун башчысы, төрт баланын атасы. Алардын балдарынын аттары дагы түркчө. Монголдордо хандык титул жана түркчө аттар да болгон эмес. Мындан тышкары, тарыхчы тилдери да эски түркчө болгондугун жана хан көтөрүү жөрөлгөлөрү казактардын салттарына ылайык жасалгандыгын аныктаган. Чынгызхандын өз аты казакча Темиршин болгондугу айтылууда.

[MACKA]

Дүйнөнүн эң кичинекей күкүмдөй китеби чыкты.

Дүйнөнүн эң кичинекей, ийненин тешигиндей китеби 0,75 мм. өлчөмүндө Жапонияда чыкты.
"Бүт өсүмдүктөрдүн түсү" аттуу ийненин тешигиндей китепти Жапониянын белгилүү Toppan Printing басылмасы чыгарганын интернет маалымат булактары кабарлоодо.
Басылманын билдиргенине караганда миниатюр китеп болгону 0,75 мм. өлчөмүндө. Кичине китеп 22 барактан турат. Китепте Жапониядагы төрт мезгилде өскөн бардык өсүмдүктөрдүн тизмеси кирген. Китеп төрт айда жасалган. Ал мурда чыккан "Топпан" китебинин мини өлчөмүндөгү түрү. Азыр кичинекей китеп Токионун көркөм музейине коюлган.
Буга чейинки дүйнөдөгү эң кичинекей китеп 1996-жылы чыккан Чеховдун "Хамелеон" аңгемеси болгон 29 барактагы китеп 0,9 мм. өлчөмүндө болгон. Анын автору Анатолий Коненконун китеби расмий түрдө Гиннесс рекорддор китебине кирген.

[MACKA]

Өзбек президенти Каримовдун интернетке кирүүсүнө тыюу салышууда.

Өзбекстандын президентинин небереси Ислам Каримов анын таятасына өлкөдө болуп жаткан жагдай тууралуу чыныгы маалымат бербей жатышканын айтты. Бул тууралуу "Би-Би-Си" нин өзбек кызматы маалымдады.
Каримовдун небересинин айтымында, мамлекет башчысынын жубайы президенттин интернетти колдонушуна каршы чыгат.
"Бир жолу таятам, мен интернетке кошулгум келет, мага компьютер зарыл" - дегенинен мен ага интернет пайдаланууну үйрөтмөк болдум. Таенем мени четке чакырып алып урушту. "Сенин башың иштейби же жокпу? Ал баарын окуп, баарын билип калса эмне болот? Анда биз эмне кылабыз?" - деди. "Андан кийин таенем таятама интернет иштебей жатат деп коюптур," - дейт Каримовдун небереси аталган булакка.
Буга чейин Каримовдун небереси өлкө президентин кимдир бирөө анын апасы Гүлнара Каримовага каршы коюп жатат деп билдирген.
Небере Каримов азыр аны дагы өлкөнүн душманы деп эсептеп жатышканын айтты.
Учурда Гүлнара Каримовага байланышкан иштердин талашы бүтө элек.

[MACKA]

Түндүк Корея лидери Ким Чен Ындын ысмын коюууга тыюу салынды.

Түндүк Корея жаңы төрөлгөн балдарга мамлекет башчысы Ким Чен Ындын атын коюууга расмий түрдө тыюу салынды. Маалыматка ылайык буга чейин балдарын өлкөнүн лидеринин атынан койгондор кайрадан алмаштырууга милдеттүү. Буга кошумча мурдагы лидер Чен Ындын дагы атын колдонууга болбойт. Мындай чечим расмий түрдө бекитилип, бирок толук аты аталган жери жок. Эми аты окшош болгон бардык Ким ысымдары кокустан коюлуп калса дагы баардыгы алмаштырылууга тийиш.
Кечээ жакында эле Түндүк Корея лидери Ким Чен Ын аткаминерлерге чет элдик тамекилерин тартууга тыюу салган.