[Topcubai]

Африкада ачкачылыктын арааны ачылды
Сомалиде 11,3 миллион адам гуманитардык жардамга муктаж, ачкачылыктан жан берип жатышат. Чыгыш Африкада акыркы 60 жыл ичиндеги кургакчылыктын айынан 11 миллион адам жабыркагандыктан БУУ бул аймакта ачкачылык болуп жатканын расмий жарыялады. Тамак-аш, суу издеген адамдар качкындар борборуна жетүү үчүн жүздөгөн километр аралыкты басып өтүп, жеткени жетип, жетпегени ара жолдон өлүп жатат. Чыгыш Африка өлкөлөрүндө - Сомалиде, Эфиопияда, Кенияда 800 миң жаш бала өлүм алдында деп бийлик өкүлдөрү эскертип жатышат.


Дүйнөдөгү ачкачылык

БУУнун маалыматы боюнча 2010-жылдын сентябрь айына карата дүйнөдө ачкачылыктан жабыркагандардын саны 925 миллионго жеткен. Алардын 578 миллиону Азия-Тынч океан аймактарында, 239 миллиону Африкада, 108 миллиону дүйнөнүн башка өлкөлөрүндө жашашат. Ачкалыктан жабыркагандардын үчтөн эки бөлүгү 7 өлкөдө: Бангладеш, Кытай, Конго демократиялык республикасы, Эфиопия, Индия, Индонезия жана Пакистан.

Азыркы убакта Сомалиде ачкачылык абалы курчуду. Анын үстүнө бул аймак кылмыш топторунун көзөмөлүндө болгондуктан абал ого бетер оорлоду. Боевиктер “ачкачылык болгон жок - бул пропаганда” деп жарыя кылып, Аялдар жана жаш балдар иши боюнча министрди уурдап кетишкен. Алар тийбеген бир эле уюм – Кызыл Крест калды.
Ачкачылыктан жабыркаган адамдарга 2,4 миллиард доллар жардам керек. БУУ демөөрчүлөрдөн 1,6 миллиард жардам сурады

Билдирүүнү түзөткөн: Topcubai: 22 Май 2015 - 15:46

[Topcubai]

Аялдардан азап тарткан атактуу адамдар
Үйбүлөдө пикир келишпестиктер, талаш-тартыштар, кээде чыр-чатактардын болуп турушу кадимкидей көрүнүш. Бул социалдык жат көрүнүштү кыргыздар философиялык көз караш менен “казан-аяк кагыша берет” деп коюшат. Ал эми жогоркуда аталгандай көрүнүштөр дүйнөгө атагы чыккан, акылдуу инсандардын үйбүлөсүндө да кездеше берет тура. Ага далил катары үч белгилүү инсандын өмүрүнө учкай көз жүгүртөлү.

Л. Н Толстойдун көчөдө көз жумганынын себеби эмнеде?

Л. Н. Толстойду (1828-1910) дүйнөгө атагы чыккан жазуучу катары тааныйбыз. Ал диний-философиялык, эстетикалык, нравалык, публицистикалык эмгектерди жазган. Ошондой эле жаштарга билим-тарбия берүүнүн эркин түрүн киргизген (бул ыкма биздин мезгилде да кээ бир мектептерде колдонулат). Ал эми ага адабият тармагында жасаган эмгектери үчүн Нобель сыйлыгын ыйгарышканда аны алуудан баш тарткан.
Ошондой улуу инсан карыганда, 82 жашында Рязандын Астапова деген станциясында өпкөсүнө суук тийип каза болот. Ал киши каза болгондо чөнтөгүнөн кат табылып, анда акыркы керээзи төмөнкүдөй жазылган болот:
“Сиздерден сураныч, мен өлгөндө менин жаныма аялымды жана кыздарымды жолотпогула”. Анын себеби мындай: дүйнөгө белгилүү болгондой улуу жазуучу өз өмүрүнүн көпчүлүк бөлүгүн өз элине арнайт, байлыктан баш тартат, балдарга тарбия берүүгө аракет кылат. Улуу адамдын андай көз карашын түшүнбөгөн аялы жазуучуну эртеден кечке тилдейт, кулагынын кужурун алат, жемелейт. Акыры аялынан тажаган улуу инсан карыганына карабай үйүнөн чыгып, жолдо каза болот.

АКШнын 16- президенти Авраам Линкольн аялынын урушчактыгынан тажап, көчөлөп кеткен

АКШнын 16-президенти, АКШда кулчулукту жойгон, азыр АКШда күчтүү саясий уюм болгон Республикалык партиянын негиздөөчүлөрүнүн бири Авраам Линкольн (1809-1865) да үйбүлөлүк бакытты баштан кечирбей өткөн. А. Линкольндун бою, колу узун, мурду чоң болуп, жүрүм-туруму олдоксон көрүнгөн. Күйөөсүнүн андай жүрүм-турумуна нааразы болгон аялы аны күнүгө жемелеп, мээсинин кужурун алган. Ал турсун бир жолу сый коноктор менен бир дасторкондо кофе ичип, сүйлөшүп олтурушканда олдоксон Авраам байкабай мурдун шар тартып ийет, ага ачуусу келген аялы ысык кофени күйөөсүнүн бетине олтургандардын көзүнчө чачып жиберет. Ошондо да Авраам унчукпай бетин жүзарчы менен арчып тим болот. Аялынын андай тажаалдыгынан чочулаган Авраам ишин шылтоолоп, үйүнө келбей талаа-түздө конуп, эптеп жан сактап жүрө берген. Ал 1861-1865-жылдар аралыгында АКШнын президенти болгон. 1865- жылы Авраам өлтүрүлгөндө аялы ким менен урушаарын билбей жиндеп жүрүп, ошол жин оорусунан каза болгон.

Сулуу кызга ашык болуп бактысыз калган Напалеон III

Франциянын 1852-1870-жылдардагы императору атактуу Напалеон III ( Луи Напалеон Бонапарт) агасынын жолун жолдоп, тынымсыз ар өлкөлөр менен согушуп турган. Бирок анын үйбүлөдөн бактысы болгон эмес. Напалеон III Францияны башкарып турганда Париждин эң сулуусу, бирок жөнөкөй үйбүлөнүн кызын сүйүп калып, аны менен баш кошууну чечет. Бирок анын кеңешчилери император бери дегенде падышанын кызына үйлөнүшү керек деген кеңешин беришет. Бирок Напалеон III кеңешчилердин айтканын эскилик деп чечип, өзү сүйгөн сулууга үйлөнөт. Тилекке каршы анын сүйгөн сулуу кызы кызганчаак, тажаал аял болуп чыга келет. Ал сулуу өзү ойнош күткөнүнө карабай күйөөсүнүн ар бир кадамын аңдып турган. Ал эле эмес Напалеон III өз бөлмөсүндө чет өлкөлөрдүн падышалары менен мамлекеттик маселелерди сүйлөшүп олтурганда аялы бөлмөгө эч уруксаты жок жулунуп кирип: “бөлмөңдүн ичине ойношуңду катып алгансың” – деген учурлары болгон экен. Аялынын кызганчаактыгынан, ажаандыгынан тажаган император кечкисин ишенимдүү жакын жолдоштору менен түнкү Париждин көчөлөрүн кыдырып жүрсө, кээ бир түндөрү тааныштарыныкында түнөп калууга мажбур болгон.
Эң кызыгы жогоруда аталган үч улуу инсан тең аялдары канчалык ажаал болбосун ажырашуу жөнүндө ойлоп да коюшкан эмес.

[DaRhaN.]

Топчубай байке иле коюн эми.

[eldar96]

Адамдан амал качып кутулбайт эмеспи, кытайлык фермерлер жакынкы жылдар аралыгында таракан өндүрүү менен байып жатышат. Бул туурасында америкалык гезит жазып чыкты. Көрсө, биз жийиркенип жүргөн таракандардын адамдын ден соолугуна тийгизген оң таасири да бар экен. Америкалык таракандар Кытайда Дүйнө жүзү курт-кумурскалардан кантип арылуунун жолун ойлоп таап, ага жылына миллиарддаган акчаны сарптап аткан чакта, амалкөй кытайлыктар таракандарды өстүрүп, алардан абдан жакшы киреше таап, кайсы бирлери байып да жатышканы белгилүү болду. Тhe Los Angeles Times гезитинин октябрдагы санында жүздөн ашуун кытайлык фермерлер 10 миллиондон ашык таракандарды өстүрүп, аларды косметикада жана медицинада колдонууга сатып жакшы киреше таап жатышканы туурасында маалымат кеткен. Күн санап өнүгүп жаткан бизнестин бул түрүн бийлик өкүлдөрү абдан катуу тескөөгө жана байкоого алышат. Себеби, алар массалык таракандардын фермадан качып кетүүсүнөн катуу чочулашат. Мындай окуя 2012-жылы болуп, миңдеген таракандар фермадан качып кеткенде кытай бийлиги бир топ бушайман болушкан. Таракандарды медицинада жана косметологияда колдонушат Белгилей кетсек, бул бизнестин ден соолукка бир топ оң таасирлери бар. Таракандарды кытайлар медицинада СПИДге каршы, онкологияык ооруларга, суук тийгенде, иммунитетти чыңдаганда жана косметикалык каражаттарды жасоодо колдонушат. Ушул эле жылдын май айында БУУ белогу көп таракандарды тамак катары пайдаланууга, ачарчылыктан сактанууда колдонууга уруксаат беришкен. Ушул учурдан пайдаланган кытайлар америкалык таракандарды сатып алып, аларды өстүрүп жатышат. Мисалы 3.5 долларга таракан сатып алып өстүрсө ал бери дегенде эле 20 доллар болуп берет. Ошондо эсептеп көрсөңүз, миллиондогон таркандан канча суммадагы киреше түшөт. Таракандарды бизнеске айланткан Ван Фумин 43 жаштагы Ван Фумин Кытайдагы таракан бизнесинин көрүнүктүү өкүлү. Анын 6 таракан өндүрүүчү чарбасы бар. Анын чарбасында 10 миллиондон ашуун таракан өндүрүлөт. Вандын жылдык кирешеси миллилон доллардан ашат. Ван 2010-жылдан бери таракан өндүрүп жергиликтүү дары чыгарган фирмалар менен тыгыз иштеп келген. Анын мындай бизнес менен алектенээрин 2012-жылга чейин эч ким билген да эмес. Качан гана анын чарбасынан таракандар качканда, таракан бизнеси тууралуу билген фермерлер ойлонуп анын бизнесине атаандаштыкты жарата башташты. Алгач Ван чаяндарды жана коңуздарды дары жана деликатеске пайдалануу үчүн өстүргөн. Анан эле алардын жумурткаларынын бир партиясы таракандардын жумурткалары менен чаңдашып кеткен. Айласы жок таракандарды өстүрүп, бирок таракандардан пайда көбүрөөк түшкөнүн байкаган Ван таракан бизнесине баш оту менен киришип кеткен. Эң арзан жана кирешелүү бизнес Жакшысы башка малдарга салыштырмалуу таракандарда оору аз кездешет. Аларга тамак берүүдө да тоют аз кетип, өтө кымбат тоютту талап кылышпайт. Болгону картошканын кабыгын, ашкабактын калдыктарын жана чириген жер-жемиштердин калдыктарын да жей беришет. Таракандарды кургатуу да опоңой. Чаң соргуч менен сордуруп алып, кайнаган сууга салып эле күнгө куртагып алса болот. Таракандар менен дарыланып картайганды алдын алууга болот Кытай медицинасынын профессору Ли Шунань таракандардын пайдалуулугун изилдеп жүрөт. Анын айтымында кээ бир өлкөлөрдө кургак учукту толук айыктыруу үчүн атайын таракандарды колдонушат. Анан дагы чачтары түшүп таз болуп калган профессор таракандар менен дарыланып кайра чач өскөнүн жана картайбай ошол боюнча жүргөнү тууралуу да айтат.< br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;"><br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;">

[eldar96]

1. Диярбакыр абагы Турциянын түштүк чыгышында жайгашкан Диябакыр абагы 1980-жылдары курулган. Ошондон тартып бул абак Турциянын эң оор кылымышкерлерин кабыл алган. Бул абак физикалык кыйнноо менен гана эмес , дагы психикалык жактан кыйноо менен да таанымал болуп саналат. Абак эки секцияга бөлүнөт. 1 “Е” 744 эркинен ажыратылгандар отурат. 2 “D” 688 эркинен ажыратылгандар отурат. Азыркы тапта эки секция тең толук.


2. Сабанета абагы Сабанета Венесуэле да жайгашкан жана булда эң жаман абактардын катарына кирет. Түштүк Американдагы эң жаман, мыкаачы абак болуп саналат. Ошондуктан, бул жерге эркинен ажырап келген адамдар тез аранын ичинде качып чыгууга аракет кылышат. Бул абактын ичинде отургандарга такыр көңүл бурулбайт жана 10дон ашык оору менен оорушат. Мындан тышкары абактын ичинде отурган адамдардын бири-бирине көп кол салууларда болуп турат экен.


3 ADX Florence абагы ADX Florence абагы — АКШнын эң коркунуч жараткан кылмышкерлердин жери болуп саналат. Бул абак Колорадо штатынын Флоренс шаарында жайгашкан. ADX Florence абагы азыркы учурда 439 эркинен ажыратылган адамдар отурат, дагы бул абак өлкө боюнча бекем коргонусу менен сыймыктана алат. “Горный Алькатрас” расмиий эмес аталыштагы абак 1994-жылдан бери иштеп келет.


4. Тадмор абагы Тадмор абагы, Сириянын Тадмар шаары Дамаскадан 200 чакырым алыстыкта жайгашкан. Алгач башында бул абак аскер кылмышкерлерин кармоого дайындалган, 1980-жылдардан баштап бардык эркинен ажыраган адамдарды кабыл ала баштаган. 1980-жылдардан баштап Сириянын президенти Хафез аль-Асад ал абакта отурган баардык кылмышкерлерди атып салуу боюнча буйрук берген. Ал учурда абакта 2400дөн ашык кылмышкер отурушкан. 2001-жылы абакты жаап салган, ал эми 2011-жылдан баштап кайра өз ишин баштаган.


5. Карандиру абагы Карандиру абагы Бразилиянын Сан-Паула шаарында жайгашкан. 1920-жылы бул абак ачылып 1956-жылга чейин кылмышкерлерди кабыл алган эмес. Ал эми, 2002-жылы бул абакты жаап салышкан. 1992-жылы Карандиру абагында кылмышкерлер тарабынан чоң масштаптагы көтөрүлүш чыгып 111 кылмышкер өлгөн. Абактын жабылышы СПИД эпидемиясы себеп болгон. Ал учурда 8 миңдей кылмышкер абакта өз мөөнөтүн өткөрүп жатышкан экен.


6. Лагерь 22 абагы Лагерь 22 абагы түштүк ү кореяда жайгашкан. Лагердин мамлекеттик расмий аталышы Кван-ли-со № 22. Бул абакта отургандардын көбү өмүр бою эркинен ажыратылгандар. Азыркы учурда бул абакта 5 миңден ашык эркинен ажыратылган кылмышкерлер отурушат.


7. Бангкванг абагы Бангквангдын борбордук абагы Тайланттын Нонтхабури провинциясында жайгашкан. Бангкванг абагы Бангоктон 11 чакырым алыстыкта. Бул абактын кароолчулардын катуу көзмөлү менен дүйнөдөгү жаман абактардын бири болуп саналат. Бангкванг абагында бир нече чет элдик жарандарда өз мөөнөтүн өткөрүп келишет. Мындан тышкары өлүм жазасын алган кылмышкерлерди да жиберип турушат экен.


8. Эль Родео абагы Эль Родео абагы Венесуэленин Гуатире шаарында жайгашкан. Азыркы тапта бул абакта 50 миңдей кылмышкерлер өз жазасын алып жатышат. 2001-жылы Эль Родео абагында өз эркинен ажыратылган адамдардан турган эки топтун ортосунда катуу кагылышуу болуп, бул кагылышуу мамлекеттин куралдуу күчтөрүнүн жардамы аркылуу жөнгө салынган. Боштондука чыкандардын көбү Эль Родео абагына келүүдөн коркушат


9. Гитарама абагы Руандеде Гитарама борбордук абагы жайгашып, эң жаман абак катары дүйнөгө таанылып келет. Бул абакта отурган кылмышкерлердин көбү “ бул жер бетиндеге тозок абак” деп айтышат экен. Анткени, бул абактын жашоо шарты абдан начар келет. Алгач башында 1990-жылы Гитарама абагы 400 кишилик болуп салынса, азыркы тапта түшүнүксүз себептерден 7 миңден ашык кылмышкерлер өз мөөнөтүн өткөрүп келишет.


10. Рикерс арал абагы Нью-Йоркдогу Рикерс арал абагы американын эң мыкачы келген кылмышкерлерди камака алат. Бул абак Квинс и Бронокс районунун ортосундагы аралчада жайгашкан. Охраниктердин катуу жана мыкачы тартиби менен дүйнөгө таанылып келет.< br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;"><br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;">

[eldar96]

[eldar96]

Индиялыктар эмнеге жыландан коркушпайт <br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;"><br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;">
Жылан, анан дагы уулуу жылан ар бир адамдын жүрөгүнүн үшүн алат. А Индияда болсо эң уулу жылан Падыша кобрасы. Ошентсе да ал кобра алардын каада-салтынын символу катары каралат. Элдер аталган кобрадан коркмок түгүл, анын атына жылына атайын майрам уюштурушат. Жылан баккандардын көрсөткөн шоусу ал күнү элдин кызыгуусун арттырат. Жыландын тилин билгендер жыландарды ар кандай ойнотушат. Бири шапкесин чечтирсе, экинчиси куйругун кармап, башын өйдө каратат. Бул көргөзүүсү аяктаган соң, жыландарга жаңгак берип кайдан алып келсе, ошол жакка алып барышат. Индиялыктар болсо кобра аларга зыян алып келет деп коркушпайт. Ал абдан уулуу болсо дагы статистика боюнча кобранын чагуусунан адамдар аз өлүшөт. Анын уусу пилди да өлтүрүп кое алат. Ал эми кобрадан башка уулуу жыландардын чагуусунан жылына 50 миң киши бул жашоо менен кош айтышат. Эмнеге Падыша кобрасы адамдарды өлтүрбөйт десеңиз, ал болгону адамдарды коркутуп гана коет. Ал эми уусун өзүнүн жей турган тамагына калтырат. Индиялыктардын айтуусунда Падыша кобрасы гана алардын мантрасынын тилин түшүнгөн акылдуу жаныбар. <br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;"><br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;">

[eldar96]

Жерге окшош дагы бир планета байкалды Автор Б. Б. 06.05.2014 | Комментарий калтыруу Астрологдор дагы бир планета ачышты. Алардын сөзү менен ал планета жерге окшош болуп чыкканын айтышат. Планетаны” Кеплер-186 f” деп атап коюшту. Ал жакта өтө суук эмес, өтө ысык эмес жана ал жактагы суу жердикине караганда суюк экендиги далилденди. Ал жакта тирүү организмдерди өстүрүүгө мүмкүнчүлүктөрү да каралып жатат.< br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;"><br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;">

[eldar96]

Боливиядагы Санта-Крустагы департаменттин аймагына асмандан жааган доллар жашоочулардын эсин оодарды. Себеби, асмандан миллион жашыл акчалар төгүлүп жатпайбы…. Бул боюнча тартип коргоо органдары таңгала турган эч нерсе жоктугун айтышты. Алардын алдын ала божомолу боюнча, баңги сатуу менен шугулдангандардын учактан жерге ыргыткан акчасы. Кыязы, алар конгондон кийин жерден кайра таап алабыз деген ой менен ыргытышкан деп жазды Би-би-си. Маалыматтарга караганда, асмандан “жааган” акча санай келгенде оролгон 26 желим баштык болуп чыккан. Полиция кызматкерлери акча ээлерин аныктап чыгышкан. Учурда баңгизат сатуучулар колго түшүп, алардан акча жана куралдарды кошо алышкан. Эскерте кетсек, Боливия Перу жана Колумбия менен кошо жарыша дүйнө боюнча кокаин өндүргөндөрдүн катарында келе жатат. Боливияда кокаинди медициналык максатта колдонууга тыюу салынган эмес, бирок, өстүрүүгө мыйзам жол бербейт. <br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;"><br style="color: rgb(34, 34, 34); font-family: Arial, Helvetica, sans-serif; font-size: 13px; line-height: 17px;">

[Topcubai]

Агхоралар: «өлүктөр дүйнөсүнүн өкүлдөрү» же «ыйык мыкаачылар»
Алардын тили кара, белдерине чынжыр оролгон, алар тарптарды жешет. Булар агхоралар. Алар кимдер жана эмне үчүн ушундай жашоо образын тандап алышкан?

Агхоралар тарп жеген каннибалдар. Алар адамдардын жана жаныбарлардын калдыктарынын астында түнкүсүн ар кандай ырым-жырымдарды жасашат. Алар негизинен кремациялык оттордун айланасында жашашат. Анткени алардан толук күйүп бүтпөй калган сөөктөрдү алышат.



Шахмат ойношот



Алар денелерине адамдын сөөгүн өрттөгөндөн калган күлдү сыйпашат. Алардын рясалары кара түстө, ал эми моюндарында сөөктөрдөн жасалган шурулар. Алар апийимге, алкоголдук ичимдиктерге жана чарастарга мас болуп, чачтарын бир нече жыл албай жүрө беришет. Рясанын ичинде жыныстык органы чынжыр менен оролуп, аны өмүр бою жараксыз кылат.



Адамдын баш сөөгүн чыны катары колдонушат. Денелери илмектер менен тытылган, алар ооруну сезишпейт. Алар адамдардын сөөгүн жеп жатканда аларды өрттөлгөн көмүрдүн арасынан оозу менен тартып чыгышат. Ошондуктан алардын тилдери кара. Анткени ал сөөк аялдын сөөгү болуп калышы ыктымал. Ал эми аялдарга жолоого тыюу салынат.



Агхоралар үчүн дүйнө — бул табыттар сакталган жай жана айланадагылардын бардыгын, анын ичинде өзүлөрүн да өлүктөр деп эсептешет. Өлүмдөн жаман эч нерсе болушу мүмкүн эмес. Андыктан «жакшы» же «жаман» бир нерсе жасоо да мүмкүн эмес деп эсептешет.



Индустар алардан аябай коркушат. Анткени алар күчтүү магиялык күчкө ээ деп ишенишет. Алар каалаганынын баарын кыла алышат.





Агхоралар эмнеге ишенишет?

Агхоралар индуисттердин кыйроо кудайы Шивага жана өлүм кудайы Калиге сыйынышат. Ай сайын Шивага сүйүү ырын ырдап, Калини жансыз бир нерсе менен канааттандырган ырым өткөрүшөт. Шива өзү апийим тарткандыктан агхорилер да Кайлас тоосунун чокусуна чыгып, апийим чегип, ырдашат.



Кремациялык күл менен жабылган агхори

[Topcubai]

Биз үчүн иштеген жашыл завод

Жашоонун энергиясын өндүргөн завод

Күн жерге жөнөткөн бир күндүк энергия бүт адамзаттын бир күндүк энергия муктаждыгынан дээрлик он миң эсеге көп. Өнүккөн өлкөлөр күндөн келген бул акысыз энергияны топтоп коюу багытындагы изилдөөлөргө өтө көп акча сарпташат.

Бул багытта жүргүзүлгөн изилдөөлөрдө таң калаарлык бир чындык байкалган, т.а. өсүмдүктөрдө күндөн келген энергияны сактап коюучу, кемчиликсиз бир система бар экени аныкталган. Өсүмдүктөрдөгү бул система фотосинтез деп аталат. Өсүмдүктөр фотосинтез процессин ичиндеги күн клеткалары аркылуу жасашат. Ал клеткалар күндүн энергиясын химиялык энергияга айландырып, бүт жандыктардын негизги азык булагы болгон углеводду (көмүртек, суутек жана кычкылтектен түзүлгөн органикалык затты) өндүрүшөт.

Углеводдор – бул бүт жандыктардын түз же кыйыр түрдө энергия муктаждыгын камсыз кылуучу негизги азык булактары. Бул энергияны алуу үчүн сөзсүз өсүмдүктөр менен азыктануу кажет эмес. Жаныбарлар да өсүмдүктөр менен азыктанганы үчүн ушул эле энергия эт азыктары аркылуу да адамдарга жете алат. Мисалы, койлор чөп жешет. Жашыл чөптөр күндүн энергиясын пайдаланып фотосинтез аркылуу углевод молекулаларын синтездешет. Ошентип күндүн энергиясы өсүмдүктөгү углевод молекулаларынын ичине топтолот. Натыйжада чөп жеген койлор алардын ичиндеги энергия алып жүргөн молекулаларды денелерине киргизишет. Андан соң углевод молекулалары жаныбардын денесинде майга айланат. Ошентип чөп молекулаларынын ичиндеги энергия жаныбардын тканьдарына өтөт. Ал жаныбардын эти менен азыктанган адам күндөн өсүмдүктөргө, өсүмдүктөн жаныбарга, жаныбардан ага келген энергияны алып, денесинде колдонот. Көрүнүп тургандай, кандай жол менен болсо да, бүт жандыктар өмүрүн улантуу үчүн фотосинтез аркылуу күндүн нурунан алынган энергияны колдонушат.

Тамак-аштар эле эмес, күнүмдүк жашообузда колдонгон заттарыбыздын көпчүлүгү дагы башында фотосинтез аркылуу алынган энергияны бизге беришет. Мисалы, мунай, көмүр, табигый газ сыяктуу күйүүчү заттар да фотосинтез аркылуу күндүн энергиясы топтолуп коюлган энергия булактары болуп саналат. Күйгүзгөн жыгач отундарыбыз деле дал ушундай. Ушул заттарды караганда эле фотосинтездин канчалык маанилүү экенин түшүнө алабыз. Илимпоздор фотосинтездин сырларын түшүнүүгө жана бул процесстеги механизмдерди аныктоого өтө маани беришүүдө. Эгер адамзат бул процессти түшүнө алса; азык өндүрүшүн көбөйтүүгө, табиятты эң натыйжалуу колдонууга, күндүн энергиясынан максимум деңгээлде пайдаланууга, жаңы дары-дармектерди иштеп чыгууга, күндүн энергиясы менен иштеген өтө ылдам жана өтө кичинекей машиналардын долбоорун түзүүгө мүмкүнчүлүк пайда болот.

Бирок белгилей кетүү керек; фотосинтез жөнүндө билгендерибиз аны туурап күндүн энергиясын топтоп койо турган системаларды өндүрүүгө али жетиштүү эмес. Анткен менен, акылы жана аң-сезими жок бир жалбырак үчүн фотосинтез абдан оңой бир процесс болуп саналат. Адамдар акылы, билими жана алдыңкы технологиясы бар туруп бул системаны туурай албай жатканда, миллиарддаган жылдан бери жүз триллиондогон жалбырактын ар биринин фотосинтез процессин жасап келгени таң калтырбай койбойт. Бул химиялык процесс өсүмдүктөр тарабынан биринчи жаратылган күндөн бери эч кемчиликсиз жасалып келүүдө. Жашыл болуп турган бүт тарапта күндүн энергиясын колдонуп, көмүр кычкыл газы менен суудан кант алуучу бир завод иштеп жатат деп билиңиз. Жеген шпинатыңыз, салатыңыздагы петрушка, балконуңуздагы чырмоок, сиз байкабастан, сиз үчүн тынымсыз өндүрүш жасашууда. Бул чексиз илимдүү Аллахтын адамдарга болгон боорукердигинин бир натыйжасы. Аллах өсүмдүктөрдү адамдарга жана бүт жандыктарга кызмат кыла тургандай абалда жараткан. Адамзат учурдагы технология менен да түшүнө албаган бул кемчиликсиз системаны жалбырактар миллиондогон жылдан бери иштетип келе жатат. Аллах Курандын бир аятында адамдардын бир жалбыракты да жоктон пайда кыла албашын мындайча кабар берет:

(Аларбы) Же асмандарды жана жерди жараткан жана силерге асмандан суу түшүргөнбү? Аны менен (ал суу менен) кооз бакчаларды өстүрдүк, силер бир дарагын (да) өстүрө албайсыңар. .. (Немл Сүрөсү, 60)

Аллах бүт ааламды улуу бир илим жана чеберчилик менен жараткан. Жер жүзүндөгү жашоону түзгөн бүт системалар дагы бул теңдешсиз жаратуунун натыйжасында бири-бирине абдан төп келишет. Космостогу жылдыздардан бир атомдун айланасында айланган электрондорго чейин бүт системалар, бүт түзүлүштөр бири-биринен көз-каранды же бири-бирин толуктап турат.

Бул улуу долбоордо фотосинтездин өтө маанилүү орду бар. Аң-сезими жок өсүмдүк клеткалары топуракты, сууну, абаны жана күндү колдонуп, топурактын ичинен белгилүү өлчөмдө минералдарды жана сууну алып, адам үчүн азык өндүрүшөт. Күндүн нурунан алган энергия менен бул заттарды майдалап, анан майдаланган заттарды белгилүү тартипте бириктирип, азыктарды пайда кылышат. Бул жерде кыскача сүрөттөлгөн бул процесстин ар бир баскычында өзүнчө бир акыл, аң-сезим жана план бар. Өсүмдүктөрдөгү бул таң калаарлык системанын адамзат үчүн атайын пландалган бир жашоо булагы экендигинде эч күмөн жок.



Бул жерге чейин каралгандай, күндүн энергиясынын жер жүзүндөгү жашыл өсүмдүктөргө төп келиши бүт жандыктардын жана адамзаттын жашоосун улантышы үчүн керектүү негизги азык булагын пайда кылууда. Башкача айтканда, адамдар менен бүт жандыктардын ырыскысы асмандардан жер жүзүнө чейин созулган, бири-бири менен тыгыз байланыштуу системанын натыйжасында жаратылууда. Буга Куран аяттарында төмөнкүчө ишарат кылынат:

Айткын: «Силерге асмандардан жана жерден ырыскы берген ким?» Айткын: «Аллах, чындыгында же биз же болбосо силер бир туура жолдобуз же апачык адашууда.» (Саба Сүрөсү, 24)

Же калкты тынымсыз жаратып жаткан, анан аны тапшыра турган жана силерге асмандан жана жерден ырыскы бергенби? Аллах менен бирге башка бир кудайбы? Айткын: «Эгер чындыкты айтып жатсаңар, анык далилиңерди алып келгиле.» (Немл Сүрөсү, 64)

Ар бир өсүмдүк адамдын пайдасы үчүн өзгөчө кылып жаратылган, өзүнөн-өзү иштеген, аба, суу жана күн сыяктуу эң көп жана эң чыгымсыз булактарды колдонгон бир энергия станциясы жана бир азык чыгаруучу завод болуп саналат. Жалбырактар бул «станцияда» күндүн энергиясын топтоочу энергия панелинин жана азык өндүрүүчү заводдун кызматын аткарышат. Өсүмдүктөр мындай химиялык процесстерден тышкары, даамы, жыты жана түсү менен да жогорку бир чеберчиликтин жана кооздуктун чыгармасы. Ар бир бөлүгү улуу бир илим менен жаратылган жалбырактын жана фотосинтездин баскычтарына токтолуудан мурда, жалбырактардын жалпы түзүлүшүндөгү кемчиликсиз долбоорду бир кароо керек. Мунун натыйжасында фотосинтез процессинин эле эмес, бул процессти жасаган түзүлүш жана системалардын да аң-сезимдүү, акылдуу бир план менен жаратылганын тагыраак түшүнө алабыз.

Завод кандай иштейт?

Өтө алдыңкы микроскоптор менен бир жалбыракты изилдесеңиз, Аллахтын жаратуу чеберчилигин дагы бир жолу даана байкайсыз. Ар бир жалбырактын ичинде кемчиликсиз бир өндүрүш системасы курулган. Бул системаны жакшыраак түшүнө алуу үчүн жалбырактын ичинде кызмат кылган түзүлүштөрдү күнүмдүк жашообузда колдонгон шаймандарга салыштырууга болот. Жалбырактын ичин чоңойтуп караганыбызда, тынымсыз иштеген түтүктөрдү, белгилүү процесстер үчүн курулган бөлмөлөрдү, чоң бир күчтүү плитадай иштеген клапандарды, миңдеген процессти контрольдогон сансыз кнопкаларды жана эч тынымсыз чуркап иштеген толтура жумушчулары бар бир азык өндүрүү заводун көрөбүз. Андан да тереңирээк карасак, белгилүү жерлерге орнотулган убакытты жөнгө салуучуларды, термостаттарды, нымдуулук өлчөгүчтөрүн, артка маалымат билдирүү системаларын жана температураны жөнгө салуучу механизмдерди да көрө алабыз.

Бүт тарапты желедей каптаган түтүк линиясы чийки затты өндүрүш жайларына жеткирип, өндүрүш жайларында өндүрүлгөн продукцияны өсүмдүктүн тканьдарына таратат. Бул түтүк линиясы өсүмдүк алган азык суусун жогору көздөй чыгарып, экинчи тараптан жалбырактарда өндүрүлгөн сиропту бүт дарак азыктанышы үчүн ички аймактарды көздөй жөнөтөт. Бул каналдардын баары өтө маанилүү суюктуктарды ташуудан тышкары, ошол эле учурда даракта жана жалбыракта скелет кызматын да аткарышат. Бул кереметтүү бир долбоор. Себеби адамдар курган имараттарда имараттын жүк көтөргүчтөрү (түркүктөр, устундар ж.б.) менен имараттын суутүтүгү өз-өзүнчө курулат. Өсүмдүктөрдө бул эки муктаждыкты бир түзүлүш камсыз кылган кереметтүү бир долбоор бар.

[Topcubai]

Сауд Аравиядагы мечитте террорчу өзү-өзү жардырып, 120 адам жарадар болду

Сауд Аравиянын чыгышындагы шииттик мечиттеги жардыруудан 20 адам каза болуп, 120 адам жарадар болду. Бул тууралуу Reuters агенттиги медикызматка шилтеме берүү менен маалымдады.

Аль-Кедах жергесиндеги мечитте жума намазы учурунда өлтүргүч-террорчу өзүн-өзү жардырган. Күбөлөрдүн айтымында, жардыруу учурунда мечитте 150 ашуун адам болгон.

Аравиянын ИИМи бул окуяны теракт деп атады. ИИМдин маалыматы боюнча, террорчу жардыргычты кийиминин ичине катып келген.

Өз кезегинде «Ислам мамлекети» террористик уюму бул теракт үчүн жоопкерчиликтүү өзүнө алды.

Өзүн-өзү жардырган терорчунун ысымы Абу Аммар ан-Наджди (Abu 'Ammar al-Najdi) болгон.

[Topcubai]

Шаардык тез жардам станциясына чакырыктар: 10-11 жаштардагы 2 баланы унаа уруп кетип, ооруканага жеткирилишти
Өткөн суткада Бишкек шаардык медициналык тез жардам станциясынын кызматкерлери 380 чакырыкка барышкан. Бул тууралуу 23-майда АКИpress агенттигине шаардык медициналык тез жардам станциясынан билдиришти

Ооруканаларга 91 адам жаткырылып, 80 адам госпиталдарга жеткизилген.

13:30 — Киев-Шопоков көчөлөрүнүн кесилишинен 10-11 жаштардагы 2 баланы унаа уруп кеткен. Алган жаракаттарынан улам 2 бала тең ооруканага жеткирилди.

15:44 — Скрябин көчөсүнөн чакырык келген. 36 жаштагы адамга бычак менен жаракат келтирилгендиги маалымдалган. Медкызматкерлери мас абалында жарадар болгон 36 жаштагы адамды ооруканага жаткырышкан.

00:39 Жибек-Жолу көчөсүнөн кайрылуу түшкөн. Белгисиз бирөөлөр 23 жаштагы жигитти сабап кетишкен. Ар кандай жаракаттары жана акыреги сынган жигит№4 ооруканага жеткирилди.

Өткөн суткада биологиялык 2 өлүм катталган. алардын бириси 35 жаштагы адам болгон.

Билдирүүнү түзөткөн: Topcubai: 24 Май 2015 - 12:53

[Topcubai]

Түркмөнстандын президенти элден акча топтоп алтындан жасаткан өзүнүн эстелигин орнотот

Биз баардык жарандар президентибиздин эл үчүн кылган эмгектерин эскерүү максатында өз каалообуз менен каражат чогултууну чечтик. «Хроника Туркменистана» басылмасы Түркмөнстандын президенти Гурбангулы Бердымухамедовго эстелик орнотуу үчүн калктан каражат топтоо фактысын ушундай деп баяндады.

25-майда белгиленчи Ашхабад шаарынын күнүнө карата Аркадаг атындагы сейил бак ачылат. Анын курулуш иштерин түркмөн президентинин үй-бүлөсүнө караштуу «USSAT GK» ишканасы жүргүзүп жатат.

«Ат минип турган президенттин алтын жалатылган эстелиги биринчи президент Сапармурат Ниязовдун эстелигинен ашып түшөт. Ниязовдун эстелиги шаардын четине жылдырылды», - деп айтылат маалыматта.

Ал ортодо мамлекеттик мекемелерде иштегендерден акча топтоо иштери жүрүп жатат. Көптөгөн уюмдарда май айынын маяналары толук кармалып калды. Айыл жергесинде иштегендерден 100 манаттан (30 долларга жакын акча) кармап калышкан. 352 манат пенсия алган биринчи топтогу майыптардын да каражаттарынан үлүш алышкан.

[Topcubai]

Сауд Аравия 2040-жылдары мунай зат сатуудан баш тартууга даяр болорун билдирди

Сауд Аравия 2040-жылдары мунай зат колдонуудан баш тартууга даяр болот. Бул тууралуу 21-майда Сауд Аравиясыны мунай зат министри Аль аль-Наими, климаттын өзгөрүшү боюнча Париждеги конференцияда маалымдады.

Анын пикиринде Сауд Аравиясы «күн жана шамал энегетикасынын глобалдык державасына» айланат жана мунайзатты экспорттобой, электр энергиясын сата баштайт.

Министр дүйндө 1 млрддан ашуун адам электрге жетпей тургандыгын жаа алдыдагы жылдарда мунай затка болгон суроо-талап сакталып кала берерин белгиледи.

Financial Times басылмасы Сауд Аравиясы 3 жыл мурда күн нурунан энергия алчу станцияларды курууну пландап жатканын айткандыгын эскертти. Бирок айрым серепчилер Аравиянын 2040-жылдарга экологиялык таза энергия сата баштоо максатын өтө эле аша чапкандык деп эсептешет.

[Topcubai]

Москвалык кыз селфи кылып жатып, өзүн башына атып алды

Россияда 21 жаштагы кыз травматикалык тапанча менен сүрөткө түшүү аракетин көрүп жатып, өзүн башына атып алды. Бул тууралуу Би-Би-Си маалымдайт.

Полициянын өкүлү билдиргендей, кыз өзүн сүрөткө тартып жатып, тапанчаны басып алган. Жабыр тартуучу учурда ооруканада.

Окуя Москвадагы кеңселердин биринде болгон. Алдын ала маалыматтарга ылайык, тапанчаны ал жерге күзөт кызматкери таштап кеткен.

[Topcubai]

Ар бир адам өзүн миң күчтүүмүн деп эсептегени менен, кандайдыр бир нерселерден же көрүнүштөрдөн коркот. Муну илимде фобия деп коёт. Демек бүгүнкү күндүн темасы: Сиздин фобияңыз?

Ар бир эле адамдын фобиясы бар сыяктуу эле ааламга атагы чыккан инсандардын да фобияларынан кабардар болуңуз.

-Француз императору Наполеон Бонапарт ак боз аттардан коркчу экен. Психиатрлар бул жерден анын эки нерседен: аттан жана ак түстөн коркорун айтып чыгышкан.

-Өлүмдөн корккон орустун улуу жазуучусу Лев Толстой кээде ызы-чууга алдырып, үйүнөн жылаңач качып чыккан күндөрү болгон деп айтылып келет.

-Орустун примадоннасы Алла Пугачёва асманга көкөлөп учкандан аябай коркот. Фобиясынын айынан мындан бир нече жыл мурда жеке поезд вагонун сатып алгандыгы да айтылат. Эгерде аргасыздан учакка түшүүгө туура келсе, анда ырчы чымындай жаны аман туруусун Кудайдан миң мертебе суранат экен.

-Белгилүү актриса Николь Кидмандын биринчи «душманы» көпөлөк болсо, Бритни Спирс кескелдирикти көргөндө акыл-эсин жоготот.

-Коркунучтуу фильмдердин «падышасы», режиссёр Альфред Хичкок тооктун жумурткасын көргөндө коркконунан кирерге тешик таппай калат имиш.

-Голливуд актёру Том Круз таз болуп калуудан коркуп, ар бир түшкөн чачын санайт.

-Жазуучу Гёте бийиктикке чыгуудан абдан коркчу. Фобиясынан арылуу үчүн күнүгө мунараларга чыгып жүргөндүгү айтылат.

-Иосиф Сталиндин фобиясы – токсикофобия. Тагыраак айтканда, ал тамакка ууланып калуудан коркчу.

[Topcubai]

Дүйнөдө бактысыз аялдар жашаган 10 өлкө Кылымдардан бери аял затынын укуктарын талашып, коомчулукта өз ордун сыйлуу жерге коюуга аракет жасалып келет. Бирок, азыркы учурда да, өзүн аял заты болуп төрөлгөнүнө өкүнүп жашап келген аялдар жашаган мамлекеттер бар. Төмөндө, 10 өлкөдөгү аялдардын орду эң эле төмөн даражада экенин назарыңыздарга коебуз.

1. Афганистан

Афганистанда аялзатынын орточо жашоо узактыгы-45 жыл. Бул өлкөдө аялдардын билимсиздиги эң жогорку деңгээлде. Көпчүлүк кыздар 16 жашка чейинки куракта турмушка чыгышат. 85 % аялдар медициналык жардамсыз төрөшөт, анын кесепетинен ар бир 30 мүнөттө жаңыдан төрөгөн аял каза болот. Афганистан – энелер өлүмү боюнча эң жогору орундагы өлкө.

2. Гватемала

Гватемаладагы байкуш аялдар үй-бүлө ичинде эле эмес коомчулукта зордукка кабылган аялдардын саны арбын. Ошондой эле, дүйнөдөгү СПИД менен ооруган жогорку көрсөткүчтөгү өлкө болуп эсептелет.

3. Демократикалык Конго Республикасы

Конго Республикасынын батышындагы болуп жаткан согуш 3 млн адамдын өмүрүн алып кетип, аялдардын ордун да өзгөрттү. Эми аялдарга, алдыңкы аскерлер катарында согушуп, ар бир күнү каар соккуларга жүзмө-жүз көрүшүүгө туура келип калды. Аялдар улам-улам кол салууга кабылып, согушкан тараптын зордук-зомбулугунун курмандыгы болушууда. Күндө зомбулукка 1000ден ашык аял кабылат. Жашоо шарты да начар болгондуктан кош бойлуу аялдардын 57% аз кандуулук менен ооруйт. Конгодогу бир да аял күйөөсүнүн уруксатысыз юридикалык иш кагаздарга кол коё алышпайт.

4. Индия

Индиядагы ВИЧ-инфекциясына кабылгандардын 39% өспүрүм курактагы кыздар. Алардын 70% үй-бүлөдө зордукка кабылышат. Ар бир 29 мүнөттө бир кыз зордуктоонун курмандыгы болот. ХХ кылымда Индияда 50 миллиондон ашык кыздар өлтүрүлүп, 100 миллиондой аялдарды жана кыздарды сатышкан. 44,5% кыздар 18 жашка чейинки куракта турмушка чыгышат.

5. Ирак

Өлкөнү америкалыктар Саддам Хусейндин башкаруусунан куткаргандан кийин, Ирак аял заты үчүн кадимки сектанттык тозок болуп калды. Мамлекет бир учурларда араб өлкөлөрүнүн арасында билимдүүлүктөн жакшы эле тепкичте болгон болсо, азыр эң төмөнкү деңгээлде. Бирок, бул эле аягы эмес. 2014-жылдын аягында “Ислам мамлекети” баскынчылыгы, топтук жыныстык катнашка каршы болгон 150дөн ашык аялдарды өлтүрүшкөн.

6. Мали

Мали дүйнөдөгү эң кедей мамлекет болуп эсептелет. Бул жерде кээ бир аялдар гана азаптуу жыныстык мүчөлөрүн кесип салуу зомбулугунан кутула алышат. Көптөгөн кыздар эрте жашта эле турмушка чыгууга аргасыз. Анын кесепетинен, ар бир онунчу кыз кош бойлуу кезинде же төрөттөн көз жумат.

7. Пакистан

Пакистанда кээ бир уруулар жашаган райондордо күйөөсүнүн жасаган кылмышы үчүн аялын кордошот экен. Ошондой эле, бул жерде намыс үчүн өлтүрүү да орун алган. Жакынкы убакыттан бери диний экстремалдардын таасиринен саясатчы, адвокат, адам укуктары боюнча адис аялдарга каршы толкун да каптап келет. Өлкөдө үй-бүлөлүк зомбулукка каршы туруктуу мыйзам болбогондуктан, 90% аялдар ырайымсыз мамиленин курмандыгы болушат. Ал эми 82% аялдар эркектерден аз акча табышат.

8. Сомали

Сомалинин борбору Могадишодогу жарандык согуш алгач үйдүн куту болгон аялдарга карата абалды түбү менен өзгөрттү. Могадишодо зордук-зомбулукка кабылган кыздардын 95% 4 жаштан 11 жашка чейинкилер түзөт. Өлкөнүн парланментинде 7,5% гана орунду аялдар ээлейт. Төрөгөн аялдардын 9% эле медициналык жардамга кайрылууга мүмкүнчүлүгү бар.

9. Судан

Судандагы аялдардын орду ыйлай турган. Канчалаган мыйзамдарды кабыл алып келишсе да, аялдар уурдоого, зордук-зомбулукка, кордукка кабылып келишет. 2003-жылдан бери эле бир миллион аял заты каза болгон.

10. Чад

Чадда аялдар эч нерсеге укуксуз. Көпчүлүк кыздар 11-12 жашында эле турмушка чыгышат. Батыштагы качкындардын турак-жайында жашаган аялдар ар түрдүү зордукка кабылып келишет.

[Topcubai]

Орусия. Сокур адамдар үчүн көз айнек чыгарат Оруссияда сокур адамдар үчүн акылдуу “iSee glasses” көз айнеги чыгарылат. Жаратуучулардын айтымында, көз айнекке атайын киргизилген билдиргич, радиотолкундар аркылуу бараткан жайларга багыт берет. Эгерде кооптуу жер болсо, титирөөчү кыймылдаткычы менен ээсине кабар берет.

-Биздин көз айнектин баасы окшош үлгүдөгү көз айнектерден он эсе арзан, болгону 10 миң рубль болот,-деп идеянын автору Оренбург мамлекеттик агрардык университетинин студенткасы Ангелина Филлипова айтат.

[Topcubai]

Билдирүүнү түзөткөн: Topcubai: 24 Май 2015 - 16:19