[Gasu]

Темза дарыясынын түштүк жээгинин так ортосунда ОХО мунарасы бар, анын сегизинчи кабатында 250 футтук терраса жана ресторан жайгашкан. Ресторандан британ борборунун суктандырган көрүнүшү көз алдыңарга чыга келет. Лондондун түштүк жээгинин ажайып кооз жерлеринин бири катары бааланган Охо мунарасынын кызыктуу окуясы бар. Охо кубдарын жасап чыгаргандарга өз продукциясынын жарнамасын жарык экранга чыгаруусуна тыйуу салынат, анын ордуна Охо деген жазууну түзгөн терезелер жасалат. Каштан шорпосу, фазан жана клюква колбасасы, кара трюфель, деңиз алабугасы булар кулинардык шедеврлерди айрымдары гана, сезонго жараша баасы да чоочутпайт. Охо кеме токтоочу жай аркылуу бул жерди адашпай табасыз, Лондон, түштүк жээк 020 7803 3888.

Прикрепленные изображения

• 

[Gasu]

Түшкү тамагыңызды дүйнөдөгү эң бийик имараттын, эң бийик кабатында жайгашкан эң бийик ресторандан ичесеңиз кандай болот? At.Mosphere рестораны Бурдж Халифа мунарасынын 122-кабатында 1,450 фут бийиктикте жайгашкан. Ал жер бетинин деңгээлинен эң бийик ресторан катары Гиннес рекорддор китебине да кирген. Мыкты ашканасынан тышкары At.Mosphere араб булуңуна уникалдуу көрүнүштү сунуштайт. Ресторандын менюсунда икра, хан устрицалар жана падышалардын сүйүктүү тамагы - сүткө чыланган козу бар. Ресторанды издеп кыйналбайсыз деле, аны байкабай калуу эч эле мүмкүн эмес, Дубайдын чок ортосунда.

Прикрепленные изображения

• 

[Gasu]

Дүйнөдөгү эң сонун жерлеринде жайгашкан мыкты ресторандар Манхэтендеги Мандарин Ориентал отелинин 35-кабатында орун алган Asiate рестораны Нью-Йорктогу эң кооз көрүнүштөрдү сунуштайт деп айтылат. Көк тиреп турган жалтырак имараттар шаардагы оазис делген көк жайык Центарл Парк Манхэттендин тушунда турат. Ресторан сунуштаган менюну башка эч жерде жолуктура албайсыз. Кылдаттык менен тандалган шараптардын тизмеги, жана албетте Чоң алманын горизонту. Ресторандын дареги: 80 Columbus Cir #35, Нью-Йорк 10023, АКШ. Oblix at The Shard, Лондон.

Прикрепленные изображения

• 

[Gasu]

Дүйнөлүк деңгээлдеги даамды Британиянын эң бийик имаратынын 32-кабатындагы Oblix ресторанынан тата аласыз. Жайбаракат кофе ичип отуруп Темза дарясына, Саутворка жана ыйык Павел соборуна, Трауэр мунарасына жана "Лондондун көзүнө" карап, суктанып, рахаттанып отура бересиз. Нью-Йорктун горизонтуна шыктанган Oblix кылдаттык менен жасалып бардык меймандын табитине дал келе турган тамак аштары менен көңүлүңүздү алат. Өзгөчө жагымдуу атмосферага сүңгүп кирип, Лондондун жымыңдаган отторуна назар салып отура берип кантип таң атканын байкабай да калышыңыз мүмкүн. Дареги: 31 St Thomas Street, SE1 9RY.

Прикрепленные изображения

• 

[Gasu]

Чикаго шаарындагы The Signature Room 95 ресторанында отуруп шаардык горизонттун 360 градусуна тең көз чаптырсаңыз болот. Себеби полдон чатырга чейин жалаң айнек терезелер салынган. Арт-деко стилинде жасалгаланган интерьер жагымдуу маанай түзөт. Эл аралык деңгээлдеги менюнун ар түрдүүлүгү жана 250 шараптын түрүнөн турган коллекция кандай гана гурман болбосун, кандай гана талап койбосун каалоосун канаттандыра алат. Рестарандын орун алган бийиктиги таң калдырат. The Signature Room 95 көк тиреген имараттын 96 алтынчы кабатында жайгашкан. Бул эс алуу жайын Мичиган Авеню да, Чикаго, Иллинойстон тапсаңар болот.

Прикрепленные изображения

• 

[Gasu]

Эң чоң рекламалык тактайча.


Дүйнөдөгү эң чоң рекламалык баннер Дубай эл аралык аэропортунун аймагында, анын аянты 200000 квадрат метрди түзөт. Мындай баннерди Ад-Айр Британдык рекламалык компаниясы жасап, аны Зорох фирмасы сатып алды.

[Gasu]

Таракан качан пайда болгон?


Кадимки эле азыркы тараканды 18-кылымда Фридрихтин армиясына каршы чыккандар Москвага жана Петербурга алып келишкен. Дал ушул таракандар башы жок 6 саат жашай алышат. Буга чейин таракан болбоптур. Кызык, анда алар тараканды кайдан алып келишкен?

[Gasu]

Мына сага, гамбургер жегич!


Америкалыктарда бир өнөр бар экен. Гамбургерди убакытты ченеп алышып, жарышып жешет. Жакында да ушундай окуя болду. 23 жаштагы Джой Честнат гамбургер жеш боюнча рекорд койду. Ал сегиз мүнөттө 103 гамбургер жегенге жетишкен. Джой мындай эрдиги үчүн 10 миң долларлык гамбургердин чегин алды. Мындан мурда Такеру Кабаяши деген япон ушул эле убакытта 97 гамбургер жеген.

[Gasu]

Кичинекей гезит.
First News Англияда балдардын гезити. Капысынан ал Гиннестин китебине кирип калды. Кантип? Дүйнөдөгү эң кичинекей газета болуп. Газетанын көлөмү 32-22 мм гана болгон. Нускасы-1000 экземпляр. Гезиттин 24 барагы жалаң балдардын жаңылыгына, ар кандай кызыктуу темаларга толгон. Анын кичинекей көлөмдө экендигине карабастан, аталган гезит Англияда абдан окумдуу.

[Gasu]

Адамга Мүйүз чыкты.
Жакында Кытайлык Ма Жонг Нананын башына мүйүз өскөнү белгилүү болду. Мындан беш жыл мурда Ма чачын тарап жатып мүйүз чыккан жерин билбей катуу тарап алган. Кичинекей сөөккө көңүл бурбаган Ма Буга эч канчалык деле мани берген эмес. Жарым жылдын ичинде мүйүз 10 см.ге жеткен. Дале болсо Ма буга эч кайгырган эмес, көңүл да бурбай койгон. Дагы эки аптадан кийин мүйүз чоңоюп кеткенде, Манын балдары врачка кайрылышкан, азырынча мунун себеби тактала элек.

[Gasu]

Дисктерден жасалган кресло.
Белен Хермос деген дизайнер жалаң диск, CD лерден кресло, диван жасап чыккан. Буга бир канча миңдеген диск керектелген. Азыр аны сатып алам дегендер көбөйүүдө. Бирок дизайнер азырынча өзүм эле пайдаланам деп турат.

[Gasu]

Футбол үчүн жынысын өзгөртүп… Футбол үчүн жынысын өзгөртүп…
Футболду сүйүүчүлөр жантыгынан жата калып, экран бетин бербей талашып оюн көрүшөт эмеспи. Көрсө, бул да эч нерсе эмес экен. 19 жаштагы Иябо Абаде аттуу негр кыз футболду жакшы көргөндүктөн футбол командасына кошулуу үчүн өзүнүн жынысын өзгөртүп, эркек болуп алган. Мындай операция Лос-Анджелестин белгилүү клиникасында 45 миң долларга жасалган. Азыр анын аты Джеймс Джонсон, футболчу. Эркектерден кем эмес ойнойт.

[Gasu]

Мышыктар жөнүндө кызыктар:
Мышыктар дүйнө жүзүндө адамдардын айланасында 10 миң жылдан ашуун убакыттан бери жашап келет. Мурда кайсы бир доордо мышыктарды ыйык жаныбар аташып, ага сыйынып да келишкен. Көптөгөн окумуштуулар аныктагандай, мышыктар кандайдыр бир коркунучтун жакындап келатканын алдын-ала cезе билишет, б.а. алар абдан сезгич келишет экен.
Дүйнөдөгү эң кичинекей Мистер Пиблз деген мышык Пекинде жашайт, анын салмагы болгону 1 кг, 300 грамм. Францияда, Болгарияда жана Англияда абдан сыйлашкан адамдар кара мышыкты белекке беришкен.
Ал эми Японияда болсо, үйдүн кире беришинде мышыктын сүрөтү турат, бул үйдүн ыңгайлуу шартта экендигин айтып турат. 1895-жылы алгачкы жолу мышыктардын көргөзмөсү Нью-Йоркто болуп өткөн. Мышык жубайлардын балдары, тукуму жети жылда 420000 миңге чейин жетиши мүмкүн.

[Gasu]

Адамдагы кызыктар:
Адам бир күндө 15 жолу жылмаят, ал эми бир жылда 84 миллион жолу көз ирмейт.
Адамдын мээсинде ар бир секундада 100000 химиялык реакция болуп турат.
Адамдын мээсинин өтө күчтүү өсүшү 2 жаштан 11 жашка чейин. Билбеген иш менен алектенүү мээнин өсүшүнүн эң чоң жардамчысы.
Адамдын мээсинде 20 млрд. нерв клеткалары болот жана ал күн сайын 96 млн. бит маалыматты сактап кала алат.
Адамдын үстүңкү кирпиги 150-200 болсо, алдыңкы кирпиги-50-100, алардын жашоосу 150 күндөн.

[Gasu]

Дүйнөдө эң көп жолу операция кылган Перулук Фульвиа Селика Сигуас аттуу кыз болгон. Ал 64 жолу догдур "бычагына" жатып берген.

Дүйнөдө бойлору жапыз эгиздер Джон, Грег Райстар(86см) эсептелет. Америкада жашап, миллионерлердин катарына киришет.

Дүйнөдө эң көп колу-буту сынган (435 жолу) киши Америкалык каскадер Роберт Крег Книвел эсептелет.
Дүйнөдө эң узакка өбүшүү (30 саат, 59 мүнөт, 27 секунд) 19 жаштагы Америкалык Луиза Альмедовар менен 22 жаштагы досу Рич Ленгли ортосунда болгон.


Дүйнөдө эң алыскы аралыкка (29,1 км) велосипедин тетири карап минип айдаган Дармштадт Маркус Ризе (Германия) болгон. Ал бул аралыкты бир саат чамасында басып өткөн.

Дүйнөдө эң көп манжасы барлар деп индиялык ага-ини Трибхуван, Трилоки Ядавдар. Булардын эки колу, эки буттарында 6дан манжалары бар.

Дүйнөдө эң көп акчага сатылган сүрөт деп Пабло Пикассонун "Труба ойногон бала" картинасы эсептелет. Аукциондо 104 млн долларга бааланган.

Дүйнөдө эң кичинекей деп чихуахуа тукумундагы ит эсептелет. Анын мурдунун учунан куйругуна чейин болгону 15 см.

Дүйнөдө эң кичинекей жаныбар- наноб эсептелет. Өлчөмү-20 нанометрден ашпайт (1 метр барабар 1 млрд. нанометрге) . Алар 5 миң метр жер астында жашайт.

Билдирүүнү түзөткөн: Gasu: 27 Февраль 2014 - 01:13

[Gasu]

Мышык менен сүйлөштүрчү аппарат.
Япония эли мышыктын мойнуна тагыла турган аппарат ойлоп табышты. "Токара" акустика институту тарабынан. Ал- котормочулук милдет аткарып турат. Эгер мышыгың сийгиси, чычкысы келсе мышыктын мойнуна тагылган аппарат сага үн салат. Андан сырткары жардамчы пульту аркылуу мыймыйыңа команда берсең болот. "Укта", "бырылдаба" , "дивандан түш", "чычкан карма" дегендей. Мындай аппарат япония дүкөндөрүндө 7 доллардан сатыла баштады.

[Gasu]

Мейкиндикте калкыган шаар.
Чукулда дүйнөдөгү эң чоң телескоптон мейкиндикте калкыган шаарды байкашкан. НАСА (Америка) астрономдору, жер шарынан чексиз ыраак жайгашканын, ал жерде жашоо бар экенин айтышкан. Бирок, бизге салыштырмалуу өнүгүү шарты, алда канча өзгөчөлөнүп турат имиш. Чоо жайын бүгүнкү күндө изилдеп, эң негизги деген көлөмүн аныктап, жер шары анын жанында кыпын болуп калаарын жарыя кылган.

[Gasu]

Денеси ооруганын сезбейт.
Кичинекей Эшлин Блоккер ата-энеси менен Паттерсон (АКШ) шаарчасында жашайт. Жалпы элден бир өзгөчөлүгү бар. Денесинин ооруганын таптакыр сезбейт. Муну апасы үч жашында экенинде байкаган. Жыгылып түшүп, балбылдап күйүп турган плиткага жабышып калат. Эттери ылжырап сыйрылганына карабай, күлүп жайнай апасына барган. Ошо кезде энеси эс-учун жоготуп койгон. Анткени менен учурда кызынын жанынан такыр кетпегенге аракет кылат. Дүйнө жүзүндө денесинин ооруганын сезбеген адамдар сейрек кездешип, Америкада болгону 30у катталган.

[Gasu]

Дүйнөдө медуза гана өлбөйт.
Аалам алкагында океанографтардын жана суу жаныбарларын изилдөөчү окумуштуулардын айтымында, жалгыз медуза гана түбөлүк жашай алат имиш. Буга чейин бул жагдайда нечен илимпоздор баштарын катырып келген. Себеби, медуза өз алдынча көбөйгөндөн кийин өлүп калганы менен бирге аз убакыт өтпөй, кайра жаш организмге айланып кетээри байкалган. Медузанын биологиялык өлбөс клеткалары жана анын уникалдуу түзүлүштөрү жаратылышта кайталангыс экенин күн санап сыры ачылууда.

[Gasu]

Өзүңдү өзүң дарыла.
Кыкеңдер (баары эмес) бир күнү оору, бир күн соо жүрө берген калкпыз. Төшөккө жатып такыр жылбай калганга чейин. Индеецтер антпейт экен. Жумшактан-ич, катуудан-тиши ооруп баштаса, өзүн-өзү миңдин бири болгон навахо элдик ыкмасы менен дарыланышат. Ал мындай: Таш баканын калканын майдалап, бүркүттүн кыгын, жүз жылдык карагайдын кабыгын 200 грамм кайнак суу кошуп, илбирстин тырмактары менен аралаштырып 20 мүнөтчө демдеп, жылуу кезинде ичүү керек. Кадимкидей алка-шалка түшүп тердейсиң. Андан соң, жылуу жамынып жатып ал. Эртеси оору-сыркоону сен көр, мен көр куландан соо айыгып кетесиң.