[MACKA]

Германияда учакты ой менен башкара алышат.

Немис окумуштуулары тарабынан учкуч өзүнүн оюу аркылуу учакты абага көтөрүп жана жерге кондура алган алгачкы үлгүдөгү ачылыш жасашты. Бул тууралуу Лента.Ру булагы жазат.

Ойлоп табуу Brainflight (Мозголет) деген ат берилген. Аталган каражат Евро биримдик тарабынан каржыланган. Жаңы ойлоп табылган шайман учкучтун башына орнотулуп электр зымдар менен туташтырылат. Аны сыноого 7 адам катышкан. Алардын биринин учак айдоодо тажрыйбасы болгон эмес. Жыйынтыгында бардык катышуучулар виртуалдуу түрдө авиациялык каражатты ойлору менен жерден көтөрө алышкан. Бул ойлоп табуу коомчулукка качан көрсөтүлөт, азырынча белгисиз.

[MACKA]

Жарык дүйнөгө наристелердин үчтөн бир бөлүгү кокусунан келет.

Шотландиянын окумуштуулары жарык дүйнөгө келген наристелердин үчтөн бир бөлүгү кокусунан төрөлөт деп белгилешти. Адистердин айтымында, наристе атайын пландалбаган учурда төрөлгөндөрдүн көрсөткүчү ушундай. Социалдык иликтөө учурунда сурамжылоого катышкан жубайлардын 10 пайызы пландалбаган учурда төрөшкөнүн айтышкан.

[MACKA]

Мекенчил мышык гимнди ордунан тик туруп угат.

Орусиянын гимнин ордунан тик туруп уккан мышыктын видиосу YouTube көрүүчүлөрүн таң калтырууда. Кээ бир адамдар гимн ырдалып жатканда угуп-укмаксан болушат. Ал эми бул мекенчил мышык алдыкы эки бутун көтөрүп, көздөрүн жайнатып, мекенчилдик сезимин билдирүүдө. Бул тууралуу РИА Новости жазууда.

Маалыматка ылайык мышык өзүнүн кожоюну менен гимн укканда ордунан тура калат. Бул 26-майда интернетке коюлган видео эң көп көрүүчүлөрдүн назарына бөлөндү. Буга пикирлерин жазышкандардын көпчүлүгү мышыктын кожоюну кантип тарбиялагандыгы баардыгын кызыктырууда.

[MACKA]

Дүйнөдө 19-кылымда төрөлгөн 5 гана киши жашап жатат.

2013-жылдын 15-ноябрда 114-туулган күнүндө Великобританиянын эң улгайган адамы Грейс Жонс каза болду. Бул аял 19-кылымда төрөлүп, 21-кылымда каза болгон эң узак жашаган адам катарында тарыхта калды. Бул тууралуу factroom.ru кабарлоодо.

Ал эми бүгүнкү күндө 19-кылымдан бери жашап жаткан дүйнөнүн эң улгайган 5 кишиси гана калган. Узак жашагандар улам азайып, алакандагы беш манжадай кишилер төмөнкүлөр:

Алардын эң улгайганы Жапон тургуну Мисао Окава туулган күнү (5- март 1898-жыл), американын узак жашагандары Жералиэн Тэлли (23- март 1899-жыл), Сюзанна Мушатт Жонс (6- июль 1899-жыл), Бернис Мэдигэн (24- июль 1899-жыл), италиялык Эмма Морано-Мартинуцци (29- ноябрь 1899-жыл).

[MACKA]

Швейцарияда бай жашаган пенсионер жубайлар чиркөөнү талап-тоноо үстүндө кармалды. “The Local” маалымдагандай, 70 жаштагы чал-кемпир кайрымдуулук кутучаларына кол салышчу. Байбиче акча уурдаса, анын жолдошу башкалар көрүп калбасын деп көз салып турчу. Жубайлардын айтымында, аларда акча муктаждыгы деле жок болчу, кылмышка аларды көңүл ачуу зарылчылыгы түрткөн.

[MACKA]

Швейцарияда бай жашаган пенсионер жубайлар чиркөөнү талап-тоноо үстүндө кармалды. “The Local” маалымдагандай, 70 жаштагы чал-кемпир кайрымдуулук кутучаларына кол салышчу. Байбиче акча уурдаса, анын жолдошу башкалар көрүп калбасын деп көз салып турчу. Жубайлардын айтымында, аларда акча муктаждыгы деле жок болчу, кылмышка аларды көңүл ачуу зарылчылыгы түрткөн.

[MACKA]

Пизан мунарасынын кулашы токтотулду. Инженерлер жети жыл мурда анын түндүк тарабындагы түбүнөн 700 тонна жер кыртышын казып, сыртка алып чыгышкан. Натыйжада мунара жарым метрге түзөлдү. Эми 1100-жылы курулган объект дагы 200 жыл туруктуу бойдон калат. Кыйшайып бара жаткан мунараны түзөтүү үчүн 26 миллион евро сарпталды.

[MACKA]

Япония: Күндүн ысыгынан жабыркап 1.600 киши ооруканага түштү.

Былтыркы жылдагы көрсөткүчтү быйылкы жылкы болуп жаткан көрүнүш жокко чыгарды. Анткени Японияда катуу ысыган күндүн кесепетинен 1637 киши ооруканага түштү, 4 киши каза тапты. Былтыркы жылы ысыктан 232 киши жабыркаган эле. Ооруп кайрылгандардын саны өзгөчө ишемби жана жекшемби күнү өскөн. Ысыктын көрсөткүчү +37 градусту түздү. Өлкөнүн Саламакттыкты сактоо министирлиги жарандарынын ысыкта көпкө кармалбоого, талаа жумуштарында убактылуу тыныгуу жарыялап турууга чакырууда.

[MACKA]

Япония: Токиодо көлөмдүү мөндүр менен калың кар жаады.

Япониянын Митака шаарынын жашоочулары үйлөрүнүн алдын жана шаар көчөлөрүн тазалашууда. Анткени жай айынын ортосунда эле калың кар менен мөндүр жаап салды. Жашоочулардан шаар көчөлөрүн тазалоо боюнча арыздануулар түшүүдө. Шейшемби күнү метереологдор кар жаап, мөндүр төгүп, чагылган болоорунан калкты кабарландырышкан болчу. Япон ММКларынын маалыматына ылайык, чагылгандан 2 киши жабыркаган.

Учурда мектептерде ата-энелер өз балдары менен кошо келүүсүн суранышууда. Бүгүнкү күнгө да ошол аба-ырайы болжолдонууда. Күчтүү шамал, мөндүр, жаан күтүлүп жатат.

[MACKA]

Дүйнөдөгү эң бийик имарат Дубайда 2010-жылы ачылган. 828 м. 162 этаж.

[MACKA]

Эки окуучу кызды зордуктап, даракка асып кетишкен.

Индиянын Уттар-Прадеш штатында эки бир тууган окуучу кызды зордукташып, анан даракка асып кетишкен. Бул тууралуу euronews.com булагы жазууда.

Маалыматка ылайык 14 жана 15 жаштагы эки бир тууган кыздарды зордукташып, даракка асып кетишкен. Аларды 5 киши зордуктаганы, анын экөөсү полиция кызматкери болгондугу айтылууда. Кыздардын атасынын айтымында, кечинде кыздары келбей калгандыктан таң атканча издешип, эртең менен полицияга кайрылышкан. Аңгыча айылдаштары кыштак четиндеги дарактан асылуу эки кыздын сөөгүн көрүшкөн. Полиция кызматкерлери келгенде айылдыктар күнөөлүүлөрдү тапкыла деген талап коюшуп, сөөктү дарактан чечтирбей коюшкан. Акыры кечинде үчөө кармалып, дагы эки полиция кызматкери болгондугу аныкталган.

[MACKA]

АВСТРАЛИЯДА ИСЛАМ ТУУРАЛУУ ДАРЕКТҮҮ ТАСМА ТАРТЫЛДЫ.

Австралияда Ислам тууралуу кыска метраждуу даректүү тасма тартылып, Түштүк Австралиянын окуу жайларындагы көрармандарга сунушталды. 20 мүнөттүк тасма мусулманчылыкты кабыл алган адамдардын Ислам үчүн «күнөөлөнгөнүн» баяндайт. Исламды каралаган аракеттерден улам согуш, терракт же дагы башка ыпылас иштерде коомчулук мусулманчылыкты ушул өңүттө гана түшүнүп жатышат. Ал эми Ислам дининин тазалыгын баяндаган бул тасмада Исламдын чыныгы жүзү ачыкталат, бааланат.

[MACKA]

ОРУСИЯДА ЧЫЛЫМ ЧЕГҮҮГӨ КАРШЫ КҮРӨШ БАШТАЛДЫ.

Орусияда 1-июндан тартып коомдук тамактануучу жайларда чылым чегүүгө тыюу салынат. Эми коомдук тамактануучу жайларда чылым күбүгүчтөн бери жок кылынып, ресторан, кафелерде бул тыюу боюнча атайын белгилер илиниши керек. Мындай тыюу күчүнө кирген күндөн тарта чылым сүйүүчүлөр тамекини дүкөн-күркөөлөрдөн да таппайт, атайын катологдор аркылуу сатып алышат экен. Мыйзамга ылайык коомдук тамактануучу жайлардагы тамеки тартуучуларга обочолонгон бөлмөлөр да болбойт. Чегем дегендер, тамактануучу жайдан алыстыктан орундук табышы керек. Бир жылдан бери чылым күрөшүнө багытталган мыйзамдын аркы этаптары мына ушундай катаал талаптарды коюп жатат. Мыйзамды бузуучуларга 500 рублдан 1.500 миң рублга чейин айып салынат. Ал эми буга жол берген кафе, же ресторан жетекчилигине: Жеке тараптар үчүн 30-40.000, юридикалык тараптарга 50-90.000 орус акчасы айып салынат.

[MACKA]

САУДИЯ: 20 АЗИЗ ТҮГӨЙДҮН МАССАЛЫК ҮЙЛӨНҮҮ ҮЛПӨТҮ ӨТТҮ.

Сауд Арапстандын борборунда 20 азиз түгөйдүн үйлөнүү үлпөтү өттү. Иш чараны «Аль-Ибрагим» кайрымдуулук фонду демилгелеп, бардык чыгымдарын өз милдетине алган. Фондун жетекчилигинин билдирүүсүнө караганда, мындай саамалык мамлекеттин «Жаштарды колдоо» программасынын алкагында ишке ашырылып жатат. Салтанаттуу кече, кечки сый тамак жана үй-бүлөлүк жашоого багыт берген насаат экскурсиясы уюштурулуп, үлпөт күнөөкөрлөрүн, тойго келгендердин купулуна толгондугун жергиликтүү маалымдоо каражаттары кабарлаган. Салтанатка кеткен чыгымдардан сырткары ар бир жаш үй-бүлөгө 20. 000 риалдан каражат бөлүнгөн.

[MACKA]

ЕГИПЕТТЕ ИСЛАМДЫ ШЫЛДЫҢДАГАН АДАМ 4 ЖЫЛГА ЭРКИНЕН АЖЫРАТЫЛДЫ.

Египетте тарсачы Бишой Камиль аттуу адам Исламды шылдыңдаганы үчүн 4 жылга эркинен ажыратылып, 10 000 фунт айып төлөмөй болду. Ал Мухаммед пайгамбардын келбетин (саллаллаху алейхи ва саллам) карикатуралап коомдук желелердин бирине жарыя кылган.

[MACKA]

КАТАР БИЙЛИГИ ТУРИСТЕРДИ АДЕПТҮҮ КИЙИНҮҮГӨ ЧАКЫРДЫ.

Катар бийлиги туристерди өлкөнүн кийим кийүү адебин сактоого чакырууда. «Урмат көрсөтүңүз! » деген чакырык акциясы Катарга келген туристерден денесин жапкан кийимдерди кийүүсүн талап кылат. Аялдарга өтө чыпташкан, кыска, жеңи жок кийимдерден алыс болуусун жана сууда түшүүдө, сүзүүдө кийе турган кийимдерин бассейн, суу жээктеринде гана кийүүнү сунуштаган өтүнүчтөр чакырык баракчаларында айтылат.

[MACKA]

Америкада 10 мүнөттө 28 хот-дог жеген кыз жеңүүчү деп табылды.

Чикагодо өткөн жарышта америкалык Мишель Леско 10 мүнөттө сосиска менен жасалган 28 май токоч жеп элди таң калтырды.

Маалыматка ылайык, Мишелдин өз салмагы 50 килограмм. Ал мелдеште Эрик Букер аттуу жигит менен таймашып, бир май токочко көп жеген. "Уюштуруучулар быйыл мелдештин шартын оор кылышыптыр. Мурда батыраак жеш үчүн биз сосиска менен нанды ажыратып алчубуз. Нанды сууга чылап, анан жечүбүз. Ал жумшарып, чайнаганга оңой болчу. Сынактан соң даамдуу салат жегим келди," - дейт.

Азырынча 30 жаштагы Мишель сынактын тандоо турунан гана өттү. Сынактын финалы АКШнын Көз карандысыздык күнүндө, 4-июлда өтмөкчү. Шарт боюнча, жеңүүчүгө чемпиондук кур, бир жылга жетчү хот-дог жана 10 миң доллар акчалай сыйлык берилет.

[MACKA]

Oдноклассники сайтындагы айтышуу өлүм менен аяктады.

Тажикстандын баш калаасы Дүйшөмбү шаарынын борбордук көчөлөрүнүн биринде 11-класстын окуучусун 30-майда сабап өлтүрүп кетишкен. Өлкөнүн билим берүү министрлигинин билдирүүсүнө караганда, окуя болоордун алдында эки окуучу Odnaklassniki.ru сайты аркылуу белгисиз бир маселе тууралуу катуу айтышкан. Билим берүү министри Нуриддин Саидов билдиргендей, ошол эки окуучу окуган №66-мектепке барып мугалимдер жана окуучулар менен сүйлөшүү жүргүзүп жаткандыгын билдирди. Азырынча окуя эмнеден келип чыккандыгы белгисиз.

[Oceana]

toboo zorduktaptyr jon ele jerge tawtap koyboybu,asyp koigonu kyzyk

[MACKA]

Кореянын кыздары арасында пластикалык операциянын жаңы модасы пайда болду. Бийкечтер көздөрүнүн алдына шишиктерди жасатууда. Эми мындай көрүнүш адамдын ооругандыгын же чарчагандыгын кабарлабайт. Эми – бул жаңы тренд. Мындай келбет, кореялыктардын пикиринде, жылмаюну баса белгилеп, жаштыктын элесин берет. Бирок көз алдындагы шишиктер кызарган же карайган болбошу керек. Алар бет менен бир түстө болушу шарт.