[Mediziner]

Туура макияж жасаганды билип алыңыз
Эгер макияжды атайын билген адис жасаса аялзатынын сулуулугуна сулуулук кошулат.
Аялзаты сулуулугун арттыруу үчүн көпчүлүк учурда макияж жасап келишет. Эгер макияжды атайын билген адис жасаса албетте сулуулугуна сулуулук кошулат. Бирок, айрым учурда макияжды өз колуңуз менен жасоого туура келип калса, анда кээ бир ыкмаларын туура эмес пайдалануу менен сулуулугуңузду бузуп алышыңыз мүмкүн. Ошондуктан жөнөкөй эрежелерди билип алганыңыз ашыктык кылбайт.



Макияж жасоонун алдында бетиңизди тазалап жууп, териңиздин курамына ылайыкталган бет май коюңуз. Эгер бетиңизде безеткиден калган тактар бар болсо аны жашыруу үчүн боёнууга болбойт. Себеби, боёк аркылуу териңизге зыяндуу инфекциялар кирет да, безеткини жок кылуунун ордуна кайра көбөйтүп жиберет.



Көздүн алдындагы тактарды тональный крем менен эмес, атайын корректор каражаты менен жабуу сунушталат. Ал эми тональный крем корректордун үстүнө эмес, анын чегинен ары уланып жабылат. Упаны өзгөчө тер бөлүп чыгара турган беттин бөлүктөрүнө колдонуу зарыл. Себеби тердеген бөлүкиөр бетти жагымсыз көрсөтүп майланыштырып салат.

Бет сөөктөрүнүн түзүлүшүнө жараша жабылган кызартма (румяна) бетти жандантат жана табигый сулуу кылып көрсөтөт. Бирок, кызмартманы ашыкча жаап албаңыз.



Көзгө туура макияж жасоодо анын кандай түргө киргенине карабай эле асты жагын боёдон баштаса болот. Бирок бир нече шарттарды эске алуу маанилүү:

1-Көздүн асты кара карандаш менен жарымына чейин боёлот

2-Кирпиктин өсүү багыты боюнча боёлот

3-Калың да эмес, ичке да эмес, орточо калыңдыкта болушу керек. Эгерде ал сызык өтө эле ичке болсо көз кичине болуп, беттин жаактары болсо чыгып калгандай көрүнөт.



Ал эми эриндерди өтө жеңил түскө боёп койгон туура болот. Маселен шампан чачындысы же шабдаалынын өңүндөй түстөр туура келет.

[meerim8793]

Макияждардан Смоки айс макияжы жагат.

Билдирүүнү түзөткөн: meerim8793: 29 Июнь 2015 - 23:32

[Senuchunzhashaim]

Суротко карап боенгонду уйронуунун жолдору.

Прикрепленные изображения

• 
• 
• 
• 
• 
• 
• 
• 
• 
• 
• 
• 
• 
• 
• 

[Begimkyz.]

ушул макияжга такыр кызыкпадым, же бир жарытып косметикалык каражат сатып албайм. Боёнуп, өзүнү карап, сыйлап жүргөн кыздарга "завудую" да. Муздак сууга эле бетимди жууп жүргөнгө көнүп бүттүм.

[Senuchunzhashaim]

Карегиниздин онуно карап тень танданыз.

Прикрепленные изображения

• 

[Senuchunzhashaim]

Дагы бир метод аздык кылбас))

Прикрепленные изображения

• 

[Prelestina]

Подводка чийдиргени аябай кызыгып журом.

[rumaika5544]

Козду ушунча боёп,которуп жургондорго "тай берем" чынында. Мен бойосом 15 мунотко жетпей ушалап салам. Козумда оор жук которгонсуй берет.

[Mediziner]

Begimkyz. (03 Август 2015 - 00:54) жазган:

ушул макияжга такыр кызыкпадым, же бир жарытып косметикалык каражат сатып албайм. Боёнуп, өзүнү карап, сыйлап жүргөн кыздарга "завудую" да. Муздак сууга эле бетимди жууп жүргөнгө көнүп бүттүм.

Табигый сулуулукка эмне жетсин.
"Макияж" деп кызыкканыбыз менен, макияжды коп колдонгондор алда канча эрте карыйт экен. Анан да озуно болгон ишеним жоголот, такай колдонгондор макияжсыз элдин козуно корунуудон "уялышат" . Бир нерсесин унутта калтыргансый беришет.

Андан коро "жасалма" сулуулукка кетирген убактыбыздын, акчабыздын ордуна, жумасына 1-2 жолу табигый жолдор менен маска жасап озубузго карап журсок, мына ошол биздин чыныгы сулуулугубуз болот деп ойлойм.

Бирок такыр боенбой коюш керек дегенден да алысмын, боенуу керек бирок макияждын женил туру менен гана.

Билдирүүнү түзөткөн: Mediziner: 07 Август 2015 - 22:10

[nico94kg]

соОнун кенештер! рахмааат!мен учун абдан пайдалуу болду!

[sezim_osmonalieva111]

Козго ким подводка чийдирген?Канча убакытка жасап берет?,билгендер жасаткандар совет бергилечи.Мен вообще тень колдонбойм да,ошого хотя бы козумо подводка чийдиргим келип журот коптон бери..Элестетип атам эртен менен жумушка туруп эле,бетини жууп,анан тушь койуп алып ишке жонойсун ))))кечикпей. .

[Meka77]

3 айга 5 айга 1 жылга чийдиргенге жараша жоон кылып чийдириш керек экен.Ичке болуп жакшы корунбой калат.

[Mediziner]

[Mediziner]

[Mediziner]

[Mediziner]

[forgotten]

Көздү гана боёйм. Боёбосом илайим тообо болуп калат

[Holerik10]

Теп тегерек козду боештун дагы суроттору болсо жуктоп койгулачы кыздаааар.

Мен боенсом деле билинбейт айырмасы жоктой)))))))эчким дагы байкабайт))))

[Mediziner]

Боёк тандоонун жана туура боёнуунун эрежелери




Аял заты өзүнүн сулуулугуна кам көрүп, боёнуу искусствосун туура өздөштүрүү үчүн аракет, убакыт жана, албетте, акча талап кылынат. Бирок айымдар бетине туура түстөгү косметикалык каражаттарды тандап алуу үчүн бет терисинин өңүн так айырмалап, боёк түстөрүн айкалыштыра билүүсү эң маанилүү.





Бетке макияж коюу алдында айымдар түстүү базаны туура тандап алышы керек. Айрыкча жаз мезгилинде шабдаалы жана назик алтын түстүү базалар көп колдонулат. Андан тышкары кызыл бетти жабуу үчүн жашыл база коюлат. Көпчүлүк учурда ак, сирень, күңүрт-кызгылт түстөгү базаларды колдонуу көп сунуш кылынбайт. Анткени ал көпчүлүк айымдардын бетинин териси менен төп келбей калат.

Тоналдык бетмай:

Базаны коюп алган соң бетке тоналдык бетмай коюлат. Эгерде кечеге бара турган болсоңуз алтын түстүү жылтыраган тоналдык кремди койсоңуз болот. Ал эми күндүзгү макияж үчүн шабдаалы түстөгү назик тоналдык кремди же бетти тунук көрсөтүүчү пилдин сөөгүнө түсмөлдөш тоналдык кремди тандап алсаңыз болот. Беттин түсү ак жуумалбы же кара-тору болобу өтө эле ак түстүү тоналдык бетмайды тандап алуудан качуу керек. Анткени ал сизге кан жүгүрбөгөн беттей өң берип коюшу мүмкүн.



Упа:

Жаз мезгилинде ак жуумал беттерге ачык түстөгү упа жабылат. Ал эми кара тору өңдөргө тотугуу (загар) түстөгү упа сунушталат. Эгерде кечеге бара турган болсоңуз күмүш түстөгү упа колдонсоңуз болот. Бирок ак күмүш жана ачык кызгыл түстөгү упаны колдонуу сунуш кылынбайт.



Эндик:

Бетти өңүнө келтирүүчү дагы бир косметикалык каражат эндик (румяна). Эндиктин тунук шабдаалы, өрүк, лосос жана ачык коралл түсүн колдонуу сунуш кылынат. Эндик беттин түсү менен айкалышып турушу керек. Бет терисинин өңү кандай гана болбосун күрөң түстөгү эндик көп айымдарга анча жараша бербейт. Эндиктин ачык кызгылт, саргыч боз жана көк түзүн колдонуу дагы сунуш кылынбайт.



Адамдын көзү макияж жасоодо эң негизги көңүл бурулуучу мүчө болуп эсептелет. Бирок эң маанилүүсү боёнууну каштан баштоо керек. Адистердин айтымында, формасы жок каш кандай гана макияж болбосун бузуп коюшу ыктымал. Андыктан ага форма гана бербестен түсүн туура тандап алуу шарт. Кашты атайын карандаш же тень менен боёсо болот. Күндүзкүгө караганда кечки макияжда каш карараак болуп коёлот.

Көз боёчу каражаттардын түрү:

Учурда көз боёчу каражаттардын 3 түрү бар

- Катуу же тыгыз (компактный)

- Убаланма (рассыпчатый)

- Майлуу (жидкий).

Булардын ичичнен эң ынгайлуусу катуу же тыгыз тень. Боёнуучу каражаттын бул түрүн алып жүрүүгө, кол баштыкка салып коюуга жана түстөрдү айкалыштырууга өтө ыңгайлуу. Алардын түрү абдан көп.

Убаланма тень - бул тендерди алып жүрүү өтө ыңгайсыз. Бирок мындай тендер менен боёп карартуу өтө ыңгайлуу болот.

Ал эми майлуу тендер өтө эле ачык жана боёдо өзгөчөлүүккө ээ.



Тушь

Күнүмдүк макияж үчүн кара-күрөң түстөгү кирпик боёчу каражат сунуш кылынат. Ал эми модалуу кечеге бара турган болсоңуз изумруд жана бирюза түстөгү тушту койсоңуз болот.



Помада:

Назик жана ак жуумал айымдар үчүн ачык кызгылт же ачык коррал түстөгү помадалар абдан жарашыктуу келет. Кара тору айымдарга күрөң түстөгү помадалар жакшы жарашат. Ал эми жаш кыздарга көпчүлүгү түсү жок жылтырак помадалар жакшы жарашат.

Кызыл шарапка түсмөлдөш, сирень жана саргыч боз, ошондой эле өтө күңүрт түстөрдү колдонуудан качуу керек.

[Mediziner]

Көз айнек тагынган айымдар кандай макияж жасашы керек?

Эгер сиз көрүүнү жакшыртуучу көз айнек тагынып, мындан улам сизде тартынчаактык сезими болсо, анда бул сезимди алыс айдаңыз. Себеби мындай аксессуар азыркы тапта модада. Аны көптөгөн шоу дүйнөсүнүн жылдыздары колдонуп келет. Болгону сиз бир аз сырын билип алууңуз керек.



Алысты жакшы көрбөгөнгө көз айнек тагынууда..

Мындай жагдайда, алгач көздүн астындагы бырыштарды жана көгүш тактарды байкатпай тургандай бет май жана тоналдык бет майларды сүйкөп алыңыз. Андан кийин көздөрүңүздү карандаш менен түз кылып чийиңиз. Көздүн кыймылдап турган ирмөөчү тарабын табигый өңгө жараша түс тандап коюңуз.



Жакынды жакшы көрбөгөнгө. ..

Бул көз айнектер көздү абдан кичине кылып көрсөткөндүктөн сызыкчаны калың калем менен чийиңиз, ал тендердин ачык түстүүсүн колдонуңуз.



Метал алкактуу көз айнек тагынсаңыз

Сызыкчаны кашыңыздын жолуна ылайыктап чийесиз. Тендердин күмүш түстүүсүн тандаганыңыз оң болот. Ал эми помаданы табигый өңгө ылайыктуусун сүйкөңүз.



Калың жана түстүү алкактуу көз айнек тагынгандар

Көзүңүздүн асы- үстүн окшош күрөң тен менен сүртүңүз. Көздүн үстү калың карандаш менен чийилет.



Таш бакадай алкактуу көз айнек тагынуучулар

Көзүңүздү жана эриндериңизди күрөң түскө боёңуз. Ал эми карандаш менен чийсеңиз, анда ылдыйкы бөлүгүн ичкерээк, үстүнкү кабатын калыңыраак чийесиз.