[Mediziner]

Үч күнгө ылайыкталган экспресс диетада 5 килограммга арыктайсыз

Диетанын кайсы түрүн тандабаңыз, эң башкысы ага олутту мамиле жасап, эрежени так аткаруу керек. Бул диетаны кармоо менен организмдеги зыяндуу заттар тазаланып 3-5 килограммга арыктай аласыз.

1- Күнүнө 1,5-2 литр таза суу ичүү керек. Газдалган жана таттуу ширелер жарабайт.

2- Сууну тамактанууга чейин ичүү зарыл. Же ачкалыкты сезгенде ичсе болот.

1. Бир күндүк кабыл алган азыктардын калориясы 1300 килокалориядан ашпашы талап кылынат.



2. Куурулган, майлуу, туздалган, жогорку калориялуу тамак- ашы ичүүгө толугу менен тыюу салынат.

3. Диетанын мөөнөтүн узартпай так сактоо маанилүү. Эгер күткөн жыйынтыкка жетпесеңиз, анда эки аптадан кийин кайра кайталасаңыз болот.



4. Диета кармоо учурунда колдонгон азыктардын баары жаңы болушу шарт.

5. Диета бүткөндөн кийин, баштапкы тамактанууңузга акырындык менен өтүү сунушталат жана суусундукту көбүрөөк ичүү керек.



Үч күндүк экспресс диетасынын биринчи ыкмасы

Бул диета үч күнгө ылайыкталган жана үч этап менен жүрөт.

1- Күн

Бир күн боюу кечки алтыга чейин жашылча ширелеринен 1 стакан, сууга бышырылган жашылчадан бир килограмм кабыл аласыз. Көк чай жана суусундукту каалаган өлчөмдө кабыл алууга болот.

1- Күн

Суудан башка эч нерсе ичпейсиз. 3-4 литрге чейин суу ичсеңиз болот. Суу ичүүнүн аралыгы 40 мүнөттөн кем болбошу зарыл.

2- күн

1,5 литр майсыздандырылган кефирди беш порцияга бөлүп бир күн боюу ичесиз. 200 грамм майсыздандырылган быштак. Муну эки порцияга бөлөсүз.



Экинчи ыкма

1- күн

400 грамм майсыздандырылган быштак. 600 мл 2%5 пайыз майлуулуктагы йогурт. Шекерсиз көк чай жана суусундук ичсеңиз болот.



2- Күн

700 грамм жашылча жана 700 грамм жемиш кабыл аласыз. Банан, жүзүм жана картшкадан алыс болуңуз. Жашылчалардан салат жасап жесеңиз болот. Бирок ,майонез жана туз кошпой, зайтун майын кошсоңуз болот.

3- Күн

4 даана грейфрут, 4 даана сууга бышырылган жумуртка. Буларды кезеги менен ар бир саат аралыгында жейсиз.

[Mediziner]

Машыгуу залына барбай эле 5 ыкманы аткарып арыктаңыз

Ашыкча салмактуулук ар бирибизди ойлондурган олуттуу маселе эмеспи. Идеалдуу бой келбетке ээ болуу үчүн жүздөгөн ыкмаларды колдонуп көрүүдөн тажабайбыз, машыгуу залдарына барабыз. Бирок, буга бардыгынын эле мүмкүнчүлгү жок. Алгач сизде канча салмак жана канча калория ашыкча экенин эсептет чыгыңыз. Андан кийин күнүмдүк жашоо- тиричилик иштерине канча калория жумшай тургандыгыңызды бөлүштүрүп, ага карата арыктоону баштасаңыз болот. Бул үчүн машыгуу залына баруунун кажети жок.



1- Күн сайын жумушка жөнөөрдө чачыңызды жасалгалайсыз. Фен менен кургатып, чачты формасына келтирүүгө сизден 100 калория кетет.



2- Дүкөнгө барып азык түлүк сатып алууда 167 калорияңыз жоголот. Сатып ала турган азыктарды өйдо- ылдый болуп карайсыз, бийик турганын кол сунуп аласыз. Андаан кийин аны көтөрүп үйгө келесиз. Ошондуктан күчүңүз жеткидей азык- түлүк салынган баштыгыңыз болсо үйгө жөө келиңиз.



3- Күн сайын жеңил жана жумасына толугу менен үйүңүздү жыйноо менен 200 калория кетиресиз. Кийимдерди иреттеп саласыз. Килем күбөсүз. Төшөлмөлөрдү жууйсуз. Чаң сүртөсүз жана кир жууйсуз.



4- Балдарыңыз менен күн сайын кечки жумуштан кийин же кечки тамактан кийин бир аз сейилдегенди адатка айлантыңыз. Кур кол чыкпай колуңузга секиргич (скакалка) ала чыгыңыз. Ыңгайы келген учурда күчүңүздүн жетшинче 50 дөн жогору секирип коюңуз. Муну менен сиз 200 калорияны алыс айдайсыз.



5- Таза абада иштегенге аракет жасаңыз. Дем алыш күндөрү эгер жер үйдө жашап огородуңуз болсо аны карап кам көрүңүз. Көп кабаттуу үйдө жашасаңыз колго шыпыргы калак алып өзүңүздүн кабатка тиешелүү тепкичтерди жана эшиктин алдын шыпырып коюңуз. Бул соопчулук ишине да тазалыкка да жакшы эмеспи. Мындай аракетиңиз менен 300 калория жоготосуз.

[Mediziner]

7 күндүк кефир диетасы: бир күндө 1 кг салмактан арыласыз

Негизи эле, сүт азыктары адамдын организмине тийгизген эң таасирдүү жана пайдалуу азык катары баалашат. Сүт азыктарынын ичинен кефирге токтололу.

Кефирдин пайдалуулугу

Буга чейин жана азыркы тапта бул сүт азыгы менен тамак- сиңирүү органдарынын жабыркашын, жүрөк- муун жана нерв торчолорунун жабыркашын даарылап келишет. Күнүмдүк азыктанууга кефирди дайыма кабыл алып жүрүү менен тырмактары бекемделип, чачтар көркүнө чыгып жана теринин өңү жакшырат.

Мындан сырткары, кефирдин курамын изилдеп чыккан окумуштуулар анын ашыкча салмактан арылтууга да колдонууга боло тургандыгын аныкташкан.



Кефир ичип арыктоо ыкмасы

Ашыкча салмактан арылуу үчүн диета учурунда 1%дык кефир колдонулат. Кошумча, бууга бышырылган сабиз менен картошка (куурулган жарабайт), калориясы көп жүзүм менен банандан башка жемиштер, кургак жемиштер аз өлчөмдө, майсыз ак эттер (тооктун, балыктын), бир күндө бир стакан таза кофе ичке болот.



Туз, курчутмалар, шекерге толугу менен тыюу салынат. Анткени алар, жакшы жыйынтыкка жетүүгө токоолдук жаратышат. Кефир менен эки түрдүү диета кармоого болот. Күчтүү жана жеңил диета.

Күчтүү диета бир апта колдонулат

Такталып, иреттелген диетаны эрежеге ылайык колдонуу менен бир аптанын ичинде 7 килограммга чейин арыктоого мүмкүнчүлүк бар.



1- Күн

Бир күн боюу кабыл алына турган азыктар: кефир- 0,5 литр, картошка 2-3 даана, муну сууга же духовкага калдырканга ороп бышырып жесеңиз болот.

2- Күн

Кефир- 0,5 литр, 300 грамм майсыздандырылган быштак



3- Күнү

Кефир- 0,5 литр, кургак жемиштин түрлөрүнөн 500 грамм



4- Күн

Кефир- 0,5 литр, 500 грамм ак эт, сууга бышырып же духовкага калдырканга ороп бышырып кабыл алуу. Туз, курчутмалар кошулбайт.



5- Күн

Кефир- 0,0 литр, кыйгыл алма же чийки сабизден 2-3 даана

6- Күнү

1,5 литр кефир гана ичесиз



7- Күнү

Газдалбаган минералдык суудан 1,5 литр ичесиз.

Кефирден сырткары, кошумча кабыл ала турган азыктарды бир күн боюу эртең мененки саат 6дан кечки саат 6га чейин гана жешиңиз керек. Ал эми, андан башка учурда газдалбаган таза суу ичип коёсуз. Күчтүү диета чындыгында катаал диетага кирет. Муну ар бир эле айым чыдап жасай албайт. Алар үчүн экинчи жеңил диета колдонуу сунушталат.



Бул диетаны колдонууну баштаардан эки күн мурун өзүңүздү даярдап алыңыз. Ал үчүн эки күн боюу ар бир күнгө 1,5 литр кефирди 5ке бөлүп бир күн боюу кабыл аласыз. Андан кийин бир апта боюу жогорудагы күчтүү диетаны кайталайсыз. Бирок, төмөнкү азыктарды кошосуз.



Түшкү тамакка 150 грамм ак эттер, балвктын же тоок эти, майсыз эт сорпосу, бир кесим ак эт менен. Ошондой эле табитиңизге жараша чөп чай ичсеңиз болот.



Кефир диетасын аягына туура чыгаруу

Бул диетаны кармап бүткөн соң, дароо эле күчтүү тамактарды кабыл албай акырындык менен жеңил тамак- аштарды колдонууну унутпаңыз. Эртең менен бир апта боюу буламык жасап жеңиз. Суюк тамак ичиңиз.

[Mediziner]

Арыктоо үчүн колдонулган эң коркунучтуу ыкмалар

• Тамактануудан толугу менен баш тартуу

• Гидроколонотерапия

• Арыктоо үчүн дары- дармектер

• Яйцеглист жуктуруу

• Алма уксусу

• Майлуу теринин бөлүгүн хирургиялык жол менен алып таштоо

• Сауна

• Кусууну атайылап чакыруу

Кээ бир айымдар арыктоо үчүн ар кандай ыкмаларды колдонууга тобокелчиликке барышат. Заманбап диетология тармагы шек жаратуучу жана күмөндүү, ден- соолукка зыянын тийгизүүчү тез арада арыктоо ыкмасын колдобойт.

Бирок, сулуулуктун артынан кууган айымдардын басымдуу бөлүгү коркунучтуу диета экенин билсе деле жакшы натыйжасы болсо ошол жолду тандап алышат. Айымдарды теринин жабыркашы, гиповитаминоз жана тамак сиңирүүнүн бузулушу деле чочута албайт.



Тамактануудан толугу менен баш тартуу

Баарына белгилүү болгондой эле, ачкалык эң натыйжалуу ыкмаларга кирет. Ачка жүрүү жакшы жыйынтык берүү үчүн, ачка болуу учурунда толугу менен дарыгердин козөмөлүндө болушуңуз керек. Ал эми өз алдынча керээли- кечке кезерип ачка жүрүүжашоого маанилүү органдардын иштешин бүлүндүрүп көйгөй жаратат.

Албетте, убакытуу ачкачылык ашыкча салмактан арылууга жакшы ыкма болуп эсептелет. Бирок, организмге керектүү заттар барбагандыктан органдардын иштөөсү начардай баштайт. Ачкачылык учурунда гликогенанын топтому иштетиле баштай. Кийинчерээу азыктандыруучу белок жетишпей ал керектүу затты кандан жана булчуң торчолорунан ала баштайт. Ачкачылыктын алгачкы бир аптасында озүңуздү жеңил сезгениңиз мене нкийинки күндөрү шайыңыз ооп, алсырай баштайсыз. Кан басым төмөндөйт. Денени температурасы түшөт. Кандагы канттын деңгээли ылдыйлайт. Ал эми тамак сиңирүү органы "авариялык" абалда иштей баштайт. Май менен белоктун жетишпегенинен улам тери жабыркайт. Бозомук- сары өң тартып калат. Тырмактар сынып, чач түшө баштайт.



Гидроколонотерапия

Ичегилерди клизма жолу менен тазалоо арыктоо үчүн колдонулган күмөндүү ыкма. Анткени клизма дарыгердин көрсөтмөсү менен гана жасалат. Эгер оз алдынча жасай турган болсоңуз, анда, ичегилердеги микрофлорду жууп саласыз. Ал, болсо өнөкөт дисбактериозго алып келет. Мындан сырткары, организм өз алдынча жашоо үчүн керектүү азыктарды кабыл алуу жана бөлүп чыгаруу жөндөмүнөн ажырайт. Мунун айынан улам эле дааратканага чуркаганды каалабасаңыз керек.

Ошондой эле, ичти өткөрүүчү каражаттары да колдонууга болбойт. Бирок, тилекке каршы көпчүлүк айымдар бул ыкманы колдонуудан да баш тартышпайт.



Арыктоо үчүн колдонулуучу дары- дармектер

Буга чейин деле "Керемет дарынын" зыяндуулугу тууралуу көп эле жолу айтылып келет. Бирок, ага карабай айымдардын басымдуу бөлүгү дал ушул "керемет дарыны" колдонуудан баш тартышпайт. Мунун айынан депрессияга, стресске кабылып, уйкусуздук тооруйт.



Яйцеглист жуктуруу

Бул ыкманы узак убакыттан бери колдонуп келишет. Паразиттер чындыгында арыктоого жардам берет. Бирок, организмди эң күчтүү интоксикацияга алып келип, натрийдин запасын жоготот. Иммунитет төмөндөйт.



Алма уксусу

Алма уксусу табигый кислота чынында эле арыктоого жардам берет. Бирок, аны эрежелерге ылайык так аткаруу сунушалат. 2 апта боюу бир аш кашык алма уксусун жылуу сууга ралаштырып ачкарын ичүү сунушталат. Ичкенден кийин тишинизди паста менен жууп коюу керек. Себеби калган кислоталар тиштин эмалын бузат.



Майларды хирургиялык жол менен алуу

Бул ыкма эң эле коркунучтуу ыкмаларга кирет. Албетте жыйынтыгы дароо эле билинет. Бирок толук айыгуу көпкө созулат.



Сауна

Ысык буулануу менен арыктаса болот. Бирок буулануудан кийин массаж жасатсаңыз, жыйынтыгы жакшы болот.



Атайылап кусуу

Бул ыкма дагы коркунучтуулардын катарында. Атайылап кусуу чакыруу менен калий, гиповитаминоздун азайышына себеп болот. Тамак сиңирүү органы такыр эле иштен чыгат анын айынан анарекция булимия илдеттерине кабылуу коркунучу бар.

[Mediziner]

Каалагандай тамактанып, бирок арыктоого мүмкүндүк берчү диета
Бул диета эки жумада 8-12 килограммга арыктоого мүмкүндүк берет. Бул диета эки аптада 8-12 килограммга арыктоого шарт түзөрүн диетологдор белгилешүүдө. Аны кармоодогу жалгыз талап кылынган шарт-тамак ичердин алдында эки стакан суу ичүү жана андан кийин эки саатка чейин эч кандай суюктук ичпей туруу.

Анын мааниси абдан эле жөнөкөй. Ар бир тамак ичердин алдында сиз 2 стакан суу ичишиңиз керек, андан аз эмес же көп эмес. Ушундан соң 15-20 минут өткөндөн кийин тамак ичүүгө киришсеңиз болот. Бирок тамактанып жаткан учурунда жана андан кийинки 2 сааттан кийин эч кандай суюктук ичүүгө болбойт. Эки сааттан соң өзүңүздүн сүйүктүү чайыңызды же кофеңизди ичүүгө, таттуу токочту жегенге уруксат берилет.

Бул диетаны кармагандарга күн сайын төмөнкүдөй меню сунушталышы керек:

Эртең мененки тамак: 2 стакан суу. Көңүлүңүзгө жаккан даам менен суюктук ичпей тамактануу. Тамактан кийин эки саат өткөнгө чейин суусундук ичүүгө тыюу салынат.

Түшкү тамак: 2 стакан суу ичесиз. Менюга эч кандай чектөө жок. Болгону тамактанып жатканда жана андан кийинки 2 саат аралыгында суусундук ичилбейт.

Кечки тамак: 1 стакан суу ичесиз. Калаасаңыз 2 стакан суу ичсе болот жана 20 мүнөттөн соң каалаган тамагыңызды жесеңиз болот. Андан соң эки саатка чейин суюктук ичпейсиз.

[madina.87]

Моу акыркы диета абдан жакты.аткарыш керек.

[neizvesnyi]

Mediziner (09 Июнь 2015 - 22:01) жазган:

Каалагандай тамактанып, бирок арыктоого мүмкүндүк берчү диета
Бул диета эки жумада 8-12 килограммга арыктоого мүмкүндүк берет. Бул диета эки аптада 8-12 килограммга арыктоого шарт түзөрүн диетологдор белгилешүүдө. Аны кармоодогу жалгыз талап кылынган шарт-тамак ичердин алдында эки стакан суу ичүү жана андан кийин эки саатка чейин эч кандай суюктук ичпей туруу.

Анын мааниси абдан эле жөнөкөй. Ар бир тамак ичердин алдында сиз 2 стакан суу ичишиңиз керек, андан аз эмес же көп эмес. Ушундан соң 15-20 минут өткөндөн кийин тамак ичүүгө киришсеңиз болот. Бирок тамактанып жаткан учурунда жана андан кийинки 2 сааттан кийин эч кандай суюктук ичүүгө болбойт. Эки сааттан соң өзүңүздүн сүйүктүү чайыңызды же кофеңизди ичүүгө, таттуу токочту жегенге уруксат берилет.

Бул диетаны кармагандарга күн сайын төмөнкүдөй меню сунушталышы керек:

Эртең мененки тамак: 2 стакан суу. Көңүлүңүзгө жаккан даам менен суюктук ичпей тамактануу. Тамактан кийин эки саат өткөнгө чейин суусундук ичүүгө тыюу салынат.

Түшкү тамак: 2 стакан суу ичесиз. Менюга эч кандай чектөө жок. Болгону тамактанып жатканда жана андан кийинки 2 саат аралыгында суусундук ичилбейт.

Кечки тамак: 1 стакан суу ичесиз. Калаасаңыз 2 стакан суу ичсе болот жана 20 мүнөттөн соң каалаган тамагыңызды жесеңиз болот. Андан соң эки саатка чейин суюктук ичпейсиз.

Мен неге семирбейм десе мобул жерде жазып койуп койуптурго. Дайыма тамак алдынан суу ичип тамактан кийин суу ичпей журо берем

Билдирүүнү түзөткөн: neizvesnyi: 10 Июнь 2015 - 18:57

[rumaika5544]

Ушундан койгойум жок менин кудайга шугур,бойдок кезде 90 60 90 болчумун. Азыр кичине эле арыктаганым эле болбосо,озгорбодум. Тамактан деле эмесго менимче

[antiwithin14]

. . эххх эмне кереги ,ач калып ток калып, аш казанды кыйнап.
Эн негизи ден соолукта бол!

[Mediziner]

Ашыкча салмактуулук менен күрөшүүдө майларды ээритүүчү суусундуктар эң мыкты каражат болуп эсептелет. Метаболизмди тездетип, ачка болууну сездирбейт жана ошол эле учурда огранизмди витаминдер жана минералдар менен камсыз кылат. Бул суусундуктарды үй шартында оңой эле жасап алсаңыз болот.

1- рецепт

Бардык рецептерди 10 күн боюу эртең менен ачкарын ичесиз. Жарым сааттан кийин гана тамактануу туура болот.

Керектелүүчү азыктар:

Киви- 1 даана

Лимон- 2 кесим

Мята- 7 талча

Петрушка- 7 талча

Суу- 100 мл

Бал- татымына жараша

1. Кивини кабыгынан тазалап анча чоң эмес бөлүктөрө кесип алып блендерге саласыз. Ага лимонду, көк чөптөрдү жана сууну кошуп аралаштырасыз. Даяр болгон соң дароо ичесиз.



2- рецепт

Экзотикалык жемиштерди сүйгөндөр үчүн өтө пайдалуу.

Керектелүүчү азыктар:

Грейпфрут - ¼ даана

Ананас - 4 кесим

Кефир - 250 мл

Ашкабак данеги- 30 грамм

Кокос майы - 30 мл

1. Грейпфрут менен ананасты тазалап, орточо кесимдерге бөлүп блендерге саласыз. Ага кефир, данек жана кокос майы кошулат.



3- рецепт

Керектелүүчү азыктар:

Кефир - 250 мл

Кызыл калемпир- 1 чымчым

Имбирь - 0,5 чай кашык

Корица - 0,5 чай кашык

1. Бардык азыктарды аралаштырып, блендердерге саласыз.



4- рецепт

Керектелүүчү азыктар:

Суу- 250 мл

Бал- 1 чай кашык

Алма уксусу- 1 чай кашык

Корица - 1 таякча

1. Сууга бал менен уксусту кошуп аралаштырасыз. Ага корицаны кошосуз. Суусундук даяр.



5- рецепт

Керектелүүчү азыктар:

Селдерей - 200 грамм

алма- 2 даана

Лайма ширеси- 05 даана

Суу- 100 грамм

Муз- 0,5 стакан

1. Селдерейди анча чоң эмес кесимдерге бөлүп блендере саласыз. Ага тазаланган алманы, лайма ширесин жана сууну кошуп аралаштырасыз. Андан кийин стаканга куйган соң музду кошоуп ичесиз.

[brunette]

Арыктагым келет, бирок эч эле план кое албайм, таттууларды оло жакшы коргонум учун баш тарта албаайм )

[Aselina_kg]

brunette (19 Июнь 2015 - 02:07) жазган:

Арыктагым келет, бирок эч эле план кое албайм, таттууларды оло жакшы коргонум учун баш тарта албаайм )

Ангелочка96 сыңбы?Арык элесиң го Дагы каякка арыктайсың?
Фигура -не кости ваши дейт го

[brunette]

Aselina_kg (19 Июнь 2015 - 16:05) жазган:

Ангелочка96 сыңбы?Арык элесиң го Дагы каякка арыктайсың?
Фигура -не кости ваши дейт го

Жок, томпошкамын

[Alymkan.]

Ошондой элемин,азырынча нааразычылык деле жок.

[s9zen098]

,

Билдирүүнү түзөткөн: s9zen098: 19 Август 2015 - 20:44

[Mediziner]

Ичке бел үчүн туура тамактануу:

Бул азыктардан толугу мен баш тартыңыз, эгер буга эркиңиз жетпесе, жок дегенде өлчөмүн азайтып, чек коюуну үйрөнүңүз.

• Фаст-фуд, майлуу, куурулган, ышталган, майонез көп кошулган жана колбаса

• Таттуулар, торт, шоколад, ак нан

• Спирт ичимдиктери, калориясы күчтүү суусундуктар

• Май топтоого жөндөмдүү болгон туздун өлчөмүн азайтуу

• Газдалган, таттуу суусундактардан баш тартып, жөнөкөй эле таза суудан күнүнө 2-2,5 литр кабыл алуу



Мындан сырткары, тез арада күткөн жыйынтыкка жетүү үчүн, күн сайын ачкарын бир чай кашыктан зыгыр майынан ичип туруңуз. Бир ай жетиштүү болот.

[Mediziner]

Ичке бел үчүн жасалуучу көнүгүү

Курсак булчуңдары үчүн көнүгүү:

1. Чалкалап жатып, тизеңизди ийиниңизге жеткидей көнүгүү жасаңыз. Колуңуз желкеңизде болушу шарт. Ал эми белиңиз жогору көтөрүлбөй, бут жогору созулган сайын күч келиши шарт. Алгач, жайбаракат жасаңыз. Андан кийин бир аз ылдамдатып жана тыныгуу жасабай 20 жолудан кайталайсыз.



2. Андан кийин эки бутуңузду бириктирип, жогору көтөрүп 20га чейин санаңыз, түшүрүп, кайра көтөрүңүз.

3. Андан кийин колуңузду желкеңизден албай, эки бутту бириктирип, пресс жасайсыз. Кыймылдар кыска жана кыйын болот. Бирок, дал ошол учурда курсактагы майларга күч колдонулат. Мун да 20 жолу кайталайсыз.



4. Эми түз отуруп, буттарды бириктирип, колуңуз менен буттарыңыздын манжаларына жеткидей абалда көнүгүү жасаңыз. 20 жолу.

5. Кайрадан чалкалап жатып, эки колуңузду бош эки жакка жайып, буттарыңызды бириктирип, 20 ирет жогору көтөрүп кайра түшүрүңүз.

6. Чалкалап жаткан абалда белиңизди колуңуз менен кармап, пресс жасоого аракет жасаңыз. Бул 20 жолу кайталанат. Андан кийин, эки бутту бириктирип, тизеңизди көкүрөгүңүзгө жеткидей абалда дагы 20 жолу кайталаңыз.



7. Мындан сырткары бул ыкмаларды ыңгайына жараша капталдап жатып алып да жасаңыз болот.

Ар дайым, күнүнө 30 мүнөт эринбей бул көнүгүүлөрдү жасап жүрсөңүз, кыялыңыздагы ичке белге ээ болосуз. Андыктан келишимдүү келбетиңиз үчүн аз убакыт бөлүп, чоң ийгиликке жетишиңиз.

[Meruet84]

Mediziner айым аябай пайдалуу кенештер учун ракмат.

[Meruet84]

Mediziner (09 Июнь 2015 - 22:01) жазган:

Каалагандай тамактанып, бирок арыктоого мүмкүндүк берчү диета
Бул диета эки жумада 8-12 килограммга арыктоого мүмкүндүк берет. Бул диета эки аптада 8-12 килограммга арыктоого шарт түзөрүн диетологдор белгилешүүдө. Аны кармоодогу жалгыз талап кылынган шарт-тамак ичердин алдында эки стакан суу ичүү жана андан кийин эки саатка чейин эч кандай суюктук ичпей туруу.

Анын мааниси абдан эле жөнөкөй. Ар бир тамак ичердин алдында сиз 2 стакан суу ичишиңиз керек, андан аз эмес же көп эмес. Ушундан соң 15-20 минут өткөндөн кийин тамак ичүүгө киришсеңиз болот. Бирок тамактанып жаткан учурунда жана андан кийинки 2 сааттан кийин эч кандай суюктук ичүүгө болбойт. Эки сааттан соң өзүңүздүн сүйүктүү чайыңызды же кофеңизди ичүүгө, таттуу токочту жегенге уруксат берилет.

Бул диетаны кармагандарга күн сайын төмөнкүдөй меню сунушталышы керек:

Эртең мененки тамак: 2 стакан суу. Көңүлүңүзгө жаккан даам менен суюктук ичпей тамактануу. Тамактан кийин эки саат өткөнгө чейин суусундук ичүүгө тыюу салынат.

Түшкү тамак: 2 стакан суу ичесиз. Менюга эч кандай чектөө жок. Болгону тамактанып жатканда жана андан кийинки 2 саат аралыгында суусундук ичилбейт.

Кечки тамак: 1 стакан суу ичесиз. Калаасаңыз 2 стакан суу ичсе болот жана 20 мүнөттөн соң каалаган тамагыңызды жесеңиз болот. Андан соң эки саатка чейин суюктук ичпейсиз.

Бул ыкма жакшы экен.
Суротто суу ичуу ыкмасы жазылыптыр кг веске карап ушул тууралуу кошумчалай кетсенер .
Мединизер айым .

[Azada93]

саламатсызбы мендизинер еже менин еки балам бар. Екинчи баламды торогондон кийин спирал салдырып алгам анан 2 айдан кийин еле ичим чыгып озум семирип еле кетип жатам. Емне кылсам болот кенешинизди беринизчи суранам. Жиним келгенде спиралды алдырып койгум келет.