[MACKA]

Анис: Кадимки анис. Бийиктиги 60 см-ге жеткен бир жылдык чатырдуулар тукумундагы өсүмдүк. Анын сабагы издүү тегерек, тамырдын башындагы жана астынкы сабактарынын жалбырактары узун саптуу, тегерек, бөйрөктө, жогорку жалбырактары эки ирет канаттай татаал, башкы жалбырактары үчүлүк татаал. Сырьесу - анистин бышып жетилген мөмөлөрү (уруктары). Өсүмдүктү чалгы менен чаап алат, кургатып, бастырылат жана кошундуулардан тазаланат. Анистин уругу жумурткадай же алмурут сымал, өзүнчө бөлүнбөйт, узундугу 3-5 мм, туурасы 2-3 мм. Уруктун учунда беш тиштүү чөйчөкчө бар, негизинен түбүндө көп учурда чатырдын нурунун калдыгы жабышып турат. Уруктун сыртын кыска түк баскан, даамы таттуураак, жыпар жыттуу келет. Анистин уругунда 3,2 эфир майы бар. Анын курамына анетол (80-90), анис альдегиди, анис кислотасы кирет. Анистин уругунда 28 өсүмдүк майы бар, ал -3°С-да тоңот. Анистин уругу какырык чыгаруучу касиетке ээ, ошондуктан анистин эфир майы нашатыр - анис тамчылары жана эликсир жасоодо колдонулат.

[MACKA]

Арча: Арчалар тукумунан. Дайыма көгөрүп туруучу дарак. Бийиктиги 1-12 м. Жалбырактары майда катуу, ичке бутактарга тыгыз жабышып, түрпүчүлөр түрүндө болот. Гүлдөрү майда, жазында гүлдөйт, уруктары томолок келген тобурчактарынын ичинде жайгашат. Тобурчактын өңү кара-көк, үстү боз нерсе менен капталган. Тоо беттеринде, бадалча түрүндө таралган. Кыргызстанда арчанын ар кайсы түрлөрү - жапалак арча, сары арча, кара арча ж.б. өсөт. Сырье катары арчанын татуу, жыпар жытуу тобурчактары күзүндө жыйналат, көлөкө жерде кургатылат. Химиялык курамында канттар (40 ке чейин), юниперин гликозиди, флавононддер, чайырлар (95 ке чейин), органикалык кислоталар, ийне жалбырагында - аскорбин кислотасы көп. Тобурчактарын кайнатын ичсе тамакка мейил тарттырат, заараны айдайт. 50 гр. тобурчакты 1 стакан сууга кайнатып, чыпкалап, ага бир аз кант кошуп, дагы кайнатып, 1 чай кашыктан тамакка чейин 3 маал ичсе тамакка мейил тарттырат. 100 гр. тобурчакты 1 литр cууда кайнатып, ага кол-бутту малып отурса кызыл жүгүрүктө, муундардын сезгенишинде жардам берет.

[MACKA]

Амарант: Амаранттар тукумундагы өсүмдүк уруусу. Бийиктиги 20-100 см. келген бир жылдык чөп. Жалбырактары жөнөкөй. Гүлдөрү эки жыныстуу, жалбырак колтугунда топтолушкан. Мөмөсү бир уруктуу, кутуча. Амаранттын кээ бир түрлөрү өсүмдүктөр катары гүлзарларда, парктарда өстүрүлөт. Малга сонун тоют болот. Медицинада амаранттын уругунан чыгарылган май колдонула баштады. Ал сезгенүүгө каршы, жараатты айыктыруучу касиеттерге ээ. Амаранттын майы гастритте, карын жана он эки эли ичегинин жарасында колдонулат.

[MACKA]

Анжир - тыттар тукумундагы мөмөлүү дарак. Анын жаңы бышкан мөмөлөрү аскорбин кислотасы, В1,В2 витаминдерге, минералдык заттарга (калий, кальций, магний, фосфор, ж.б.) бай келет. Канттардын (глюкоза, фруктоза) өлчөмү 20-30 ке жетет. Ошондой эле инжирдин мөмөсүндө пектин заттары, клетчатка бар. Анжирдин мөмөсү - таттуу продукт. Ал жаңы бышкан кезде, кургатылган түрдө колдонулат. Анжирден варенье, джем, конфет, вино чыгарылат. Кургак мөмөсүндө 70 ке жакын кант болот. Анжир жүрөк-кан тамыр ооруларында, аз кандуулукта абдан керек. Тамак сиңиртүүчү касиетке ээ, ич катканда ичти жумшартат.

[MACKA]

Абрикос: Кадимки өрүк. Бийиктиги 3-8 м-ге жеткен роза гүлдүүлөр тукумундагы мөмөлүү дарак. Анын 8 түрү бар. Алардын ичинен кадимки өрүк абдан баалуу. Аны - ден соолуктун мөмөсү дейт. Абрикостун сөңгөгүнүн диаметри 30 см. ден ашуун, кабыгы боз күрөң, картайган дарактарда узунунан келген жаракалар болот. Жалбырактары чоң, кезектүү, жумуртка сымал, учу ичкерээк, кыры майда арадай, сабактары кызыл-кочкул. Дарак март-апрелде гүлдөй баштай, гүлдөрү жалбырактарынан мурда ачылат. Гүлдөрү бирден, чоң, мала-кызыл, бир энелик, көп аталыктан турат. 3-4 жылдык болуп жетилгенде мөмө байлайт. Мөмөсү июнь-августта бышат. Мөмөлөрү тегерек - кырдуу баркыттай сары-кызгылт, даамы таттуу. Алардын салмагы 10-70 гр. Абрикостун данеги - овалдуу-ланцеттей, уругу жалпак, мала-күрөң, таттуу же ачуу. Республикада жергиликтүү дарактардан негизги орундарды ээлейт. Бактарда өстүрүлөт. Жапайы түрү Кеминдин, Түштүк Кыргыз, Чаткал, Фергана кырларынын этектеринде өсөт. Дүйнөдө эң даамдуу, таттуу абрикостор республиканын түштүгүндө - Баткен аймагында кеңири өстүрүлөт. Абрикоско аарылар көп келет, анын нектарынан тышкары алар чаңчасын жыйнайт. Кадимки өрүктө 4,7-27 кант, пектин заттары, органикалык кислоталар, ийлөө заттары, аскорбин кислотасы, В1, В2, В15, Р, РР витаминдери минералдык туздар бар, каротин (А провитамини) көп. Абрикосто өзгөчө калий көп, бышкан өрүктө ал 305, кургатылганында 177 мг-ти түзөт. Кургак абрикосто 75-80 кант болот. Данегинде 58 ге чейин кургабаган өсүмдүк майы бар. Мындан тышкары данегинде В15 витамин болот. Данектин ачуулугун гликозид амигдалин берет. Абрикостун данегинен абрикос майы чыгарылат, анда амигдалин жоготулат. Абрикостун мөмөсүн бышкан кезде же кургатылган түрдө жесе жакшы. Андан варенье, ширелер, компоттор даярдалат. Кургатылган, данегинен ажыратылган абрикос (курага) жогорку калориялуу болот. Аны суткасына 100-150 граммдан организмди чыңдоо каражаты катары, катуу ооругандан кийин, кош бойлуулукта, балдарга берсе сонун. Жүрөк, кан-тамыр ооруларында абрикос абдан пайдалуу. Себеби андагы калий көп болгондуктан, ал кандагы натрийдин ашыгын чыгарып, зааранын чыгышы оңолот. Кургак абрикос ич катканда ичти да жумшартат. Кургак өрүктү жөн деле жейт, же андан компот, кисель кайнатса болот, сорпо да бышырса жарайт. Ал үчүн кургак өрүктөн 1 бөлүк, 1 бөлүк кант жана 2 бөлүк күрүч алса туура болот. Абрикосту кургатканда 4 кг. бышкан абрикостон 1 кг. кургагы чыгат, көп убакыт бою сакталат. Көпчүлүк учурда өрүк күндө кургатылат. Ал үчүн абрикосторду суу менен чайкап, экиге бөлүп, данегин чыгарат. Андан кийин аларды 10-12 минутага лимон кычкылынын эритмесине салат (1 стакан сууга 2 чай кашык лимон кычкылы туура келет). Ал убакыт өткөндөн кийин калбырдай тешиги болгон идиштерге жайып, күнгө 3-4 күн кургатып, андан кийин бардыгын бириктирип, көлөкө жерде кургатат. Абрикос темир жетишсиздигинен пайда болгон аз кандуулукта, гипо- жана авитаминоздо сунушталат. Абрикосто кант көп болгондуктан кант диабетинде жегенге жарабайт. Данектен алынуучу абрикос майы кээ бир дарыларды, бет майларды жасоодо пайдаланылат. Бышкан абрикосту косметика маскасы үчүн колдонсо жарайт. Абрикостон чыккан чайыр кээ бир дарылардын курамына кирет. Чайырды апрель-августта жыйнайт. Желдетилген сарайларда, кабаты 2-3 см. кылып кагазга жаят. Кургак сырье саргыч, тунук кесиндилер, даамы таттуу келет. Данегинин катуу кыртышы активдештирилген көмүр жана жогорку сапаттагы боёкту чыгарууда пайдаланылат.

[MACKA]

Ак кайың: Эл сүйгөн популярдуу дарак. Анын бийиктиги 20-25м, бутактары салаңдап турат, кабыгы ак, жылма болот. Жаш, кызыл-күрөң бутактары чайырлуу сөөлдөр менен капталган. Гүлдөрү эки жыныстуу, сөйкөдөй болуп чогулган. Аталык сөйкөлөрү бутактардын учунда 2-4 чачыча болуп жайгашкан. Энелик сөйкөлөрү - бирден, аталыктан эки эсе кыска, четки кыска өркүндөрдө жайгашкан. Мөмөсү - канаттуу данектер. Ак кайың апрель - майда гүлдөйт, мөмөсү август - сентябрда бышат. Дарылык максатта негизинен ак кайыңдын бүчүрлөрү, кээде жаш жалбырактары колдонулат. Бүчүрлөрү эфир майларына бай келет. Ошондой эле, анда флавоноиддер, ийлөө заттары, чайырлар, С витамини, сапониндер ж.б. заттар бар. Жалбырактарында ийлөө заттары, чайырлар, С витамин, каротин эфир майлары, ж.б. организмге пайдалуу заттар табылган. Ак кайыңдын бүчүрлөрү февраль - март айларында ачыла электе жыйналат. Кышында январь - февралда да жыйнаса жарайт. Ал үчүн жаш бутактарын кыйып алып, аны боолоп, караңгы жерге бүчүрлөр барсайганча сактап, кийин 3-4 жума кургатат. Андан кийин ал боолорду таптап, бастырып, силкип, же бүчүрлөрдү терип алып, ар кайсы кошундулардан тазалап, кагаз пакеттерге салып коёт. Бүчүрлөрдүн сактоо мөөнөтү - 2 жыл. Ак кайыңдын бүчүрлөрү негизинен заара айдама каражаты катары табарсык сезгенгенде, ак шишикте, өт баштыкчасы менен өт жолдорунун сезгенүү ооруларында, тердетүүчү, жаратты айыктыруучу каражат катары колдонулат. Ак кайыңдын жалбырактарынын таасири анча күчтүү эмес. Жалбырактарды ак кайың гүлдөгөндө терсе сонун, алар ошол убакта жыттуу, жабышкак, микробдорду өлтүрүүчү фитонциддерди көп чыгарат. Аларды тез эле кургатуу зарыл. Ак кайыңдын ширеси таттуу жагымдуу келет. Ал эрте жазда кар ээриген кезде 15-20 күндүн ичинде алынат. Дарактын сөңгөгүн стамеска менен үч бурчтуу тешик кесип, анын жогорку бурчун ылдый каратып чыгарат. Ага калайдан кобулча киргизет. Ширени алгандан кийин дарактагы жараны мырза карагайдын чайыры, мом, пластилин менен чаптап коет. Диаметри 25-30 см. болгон ак кайыңдан орто эсеп менен суткасына 40-45 л. шире алса болот. Саат 12 ден 18 ге чейин ал көп чыгат экен. Ширени токойдо кыюу пландаштырылган ак кайындардан алса болот. Ичке, жаш ак кайыңдардан шире чыкпайт. Ак кайыңдын ширесинде фруктоза, органикалык кислоталар, витаминдер, микроэлементтер ж.б. пайдалуу заттар бар. Өзгөчө жаз айларында мындай заттар организмге өтө керектүү. Ошондуктан ак кайыңдын ширесин системалуу түрдө ичсе ал организмди чыңдап, тонусун жогорулатат. Ак кайыңдын ширеси витаминдердин жетишсиздигинде, бронхитте, туберкулездо, ревматизмде, бөйрөк менен табарсыкта таш пайда болгондо, аз кандуулукта, ангинада, чыйкан чыкканда, ак шишикте сунушталат. Ак кайыңдын ширеси менен башты жууганда чачтар түшпөй калат жана өсө баштайт. Косметика өндүрүшүндө ак кайыңдын ширеси лосьондорду чыгарууда да пайдаланылат. Бетке безетки чыгып же анда пигменттүү темгилдер пайда болсо, бетти ак кайыңдын ширеси менен аарчып турса жакшы болот. Ак кайыңдын бутактарынан шыпыргы жасап, мончодо колдонсо булчуңдар, муундар ооруганда жардам берет жана бутактагы жалбырактардан чыккан жыпар жыттуу ис организмди чыңдайт, сеп алдыртат, дем алуу органдарына жакшы таасир этип, какырыкты чыгарууга жакшы жардам берет.

[MACKA]

Дарылык касиети бар - Бал.
Эшикте аба ырайы сууктап, кыштын сүрөтүн өзүнүн ызгаар суугу менен тартып жатканда, адамдар ар кандай ооруларга байланып, сыркоолоп калат эмеспи. Дарылануу үчүн ар түрдүү ыкмаларды колдонуп келишет. Жада калса аарынын уусу менен дарылангандар арабызда күндөн-күнгө көбөйүүдө. Ал эми карапайым адамдар "бал" дегенде күнүмдүк тамак катары колдонуп жаткан балды элестетебиз. Врачтар болсо биринчи эле анын адамдын ден соолугуна тийгизген касиеттүү таасирин айтат. Ал адамдын эң таттуу тамагы да, алмашкыс кымбат баалуу дарысы да болуп эсептелет. Анда анын касиеттери жана адамдын ден соолугуна пайдасы тууралуу сөз кылмакчыбыз.

Билдирүүнү түзөткөн: MACKA: 09 Декабрь 2014 - 22:57

[MACKA]

Аарынын дарылык касиети тууралуу тарыхы:
Апитерапия - медицинанын жаңы багыты, ал латын тилинен которгондо "apis, аары" дегенди түшүндүрөт. Апитерапиянын эң негизги куралы: Бал, гүл чаңчалары, прополис, аарынын уусу, гомогенат ж.б. Медицинада "апитерапия" боюнча биринчи илимий ишти 1894-жылы профессор Лукомский жазган. Ал анда ревматизмди жана муун ооруларын изилдеп чыккан. Андан кийин 1941-жылы профессор Артемов аарынын уусун изилдеп, анын курамында иммунитетти жогорулатуучу зат бар экендигин жана нерв системаларына пайдалуу экендигин аныктап, ал боюнча илимий иш жазган.

Билдирүүнү түзөткөн: MACKA: 09 Декабрь 2014 - 22:57

[MACKA]

Бал туралуу:
Балдын антисептикалык жана сезгенүүгө каршы касиеттери медицина тармагындагы айрым адистерди таң калтырат. Канаданын "Глоб энд мейл" гезитинде: "Туруктуу микробдорго каршылык көрсөтө албаган эң эле күчтүү антибиотиктерден айырмаланып, бал инфекцияланган жарадагы микробдордун, жок эле дегенде, айрымдарын жок кылат," - деп айтылган. Балдын дарылык касиети эмнеде? Бул суроого жооп алуу үчүн, гүлдөрдөн нектар жыйнаган жумушчу аарыны карап көрөлү. Аарынын шилекейиндеги глюкозооксидаза нектардагы глюкозанын бөлүнүп чыгуу процессинде негизги ролду ойнойт. Ошол процессте бөлүнгөн кошумча продукт, суутектин кычкылы, адатта, жараатты дезинфекциялоо жана тазалоо үчүн колдонулат. Бирок суутектин кычкылынын таасири узакка созулбайт, ал эми бал менен аралашканда ал башкачараак таасир этет. "Жарааттан бөлүнгөн суюктук менен аралашканда балдын табигый кислоталуулугу төмөндөйт," - деп билдирет "Глоб" гезити. Так ошол кислоталуулугу төмөн чөйрөдө фермент таасирин тийгизе баштайт. Балдын составындагы кант акырындык менен бир калыпта эрийт. Натыйжада, жарааттагы бактерияларды жок кыла алган, ошол эле учурда жарааттын тегерегиндеги соо ткандарга эч кандай зыян келтирбеген өлчөмдө суутектин кычкылы бөлүнүп чыгат. Бал адамдардын баарына эле дары боло бербей турганы эскертилген. Балда беш пайызга жакын ботулис таякчалары болот. Ботулизм оорусу боюнча иш жүргүзгөн канадалык уюм жана педиатрлар ассоциациясы бир жашка чейинки балдарга бал бербөөнү кеңеш кылышкан, анткени "ымыркайлардын ичегисиндеги микрофлора организмди бактериялардан коргой аларлык деңгээлде өрчүй элек."

Билдирүүнү түзөткөн: MACKA: 09 Декабрь 2014 - 22:57

[MACKA]

Бал медицинада:
Медиктердин далилдөөсү боюнча бышык бал жүздөгөн ооруларды айыктыра алат. Экинчи кылымда жашаган байыркы Рим дарыгери Гален өз убагында эле балдын касиетине таң берип: "Ден соолукту чыңдоодо жана ооруларды айыктырууда балдан ашкан дары жок!" - деп айткан. Ал эми байыркы чыгыш жазууларында балдын организмдеги уулуу заттарды жөндөөрү тууралуу айтылган.

Билдирүүнү түзөткөн: MACKA: 09 Декабрь 2014 - 22:57

[MACKA]

Балдын касиети:
Балда 300 дөн ашуун пайдалуу заттар бар. Өзгөчө дем алуу системаларына, жүрөк тамырларына, артериалдык кан басымга пайдалуу. Бал шыбап массаж жасатсаңыз - булчуңдар чыңалат. Аз кандуулук менен жабыр тарткандар балды колдонушса жакшы, анткени, бал кандын гемоглобинин жогорулатып, таң эрте ачкарын бир чай кашык бал жеген адамдын иммунитети көтөрүлөт. Бал организмге тез жана 100 пайыз сиңет. Ошондуктан ал тамак сиңирүүнү, тамакка болгон табитти жакшыртат. Пайдалуулугу жагынан балга бир дагы жашылча тең келе албайт. Ал эми калориялуулугу жагынан ал нан, эт, боор, балыктардын катарында жүрөт. Балды пайдалануудан кандын түзүлүшү жакшырат, иммунитет көтөрүлөт, мындан тышкары ал күчтүү энергиянын булагы болуп эсептелинет, ошондой эле бал организмди мезгилинен эрте картаюудан сактайт.

Билдирүүнү түзөткөн: MACKA: 09 Декабрь 2014 - 22:57

[MACKA]

Өзгөчөлүү терапия касиети:
Балдын негизги дарылык касиети анын аарылар аркылуу ар кандай касиеттүү өсүмдүктөрдөн чогултулгандыгында сакталган. Ошондуктан анын ар бир түрү - өздөрүнүн өзгөчөлүү терапия касиетине ээ. Адамдын дем алуу органдары ооруганда - абасы таза тоолордогу гүлдөрдөн чогултулган тоонун балын колдонушу керек. Бөйрөк ооруганда - жазындагы айылдардын талааларындагы керемет чөптөрдөн жасалган балды колдонсо болот. Нерв жана жүрөк ооруларына - жайында жасалган бал жакшы. Талаалардагы гүлдөрдөн жасалган бал болсо - тамак сиңирүү системасынын ар кандай ооруларын айыктырат. Адамдын организми балды өзүнө өздөштүрүүдө, сиңирүүдө жана иштеп чыгууда анча деле кыйналбайт жана ал процесс башка азыктарга салыштырмалуу жеңил жана аз убакытта жүрөт. Көрсө, эмгекти сүйгөн чаяндар биз үчүн иштин баарын жасап коюшат экен. Ден соолуктун жалпы чың болушу үчүн ар бир адамга суткасына 4-6 чай кашык балды ичип коюусу ашыкча болбойт. Анткени, бал нерв системасын эс алдырат, жүрөктүн булчуңдарын чыңдайт, канды тазалап турат жана адамдын күчүн калыбына келтирет. Ошондуктан мүмкүн болушунча денелик оор жумушту аткараардын алдында жана андан кийин бал колдонуш керек. Спорт менен машыккандарга бул маанилүү. Ооруларды алдын алууда жаңы балдарды колдонгон жакшы. Жапайы арылардын балы ден соолук үчүн коркунучтуу. Ал эми дүкөндөрдө сатылган балдар 49 градуска чейин жылытылат. Тилекке каршы 41-42 градус жылуулукта балдын күчтүү касиети жоголуп кетет.

Билдирүүнү түзөткөн: MACKA: 09 Декабрь 2014 - 22:56

[MACKA]

Кайсы ооруга кандай балды колдонуш керек?
Кара күрүчтөн жасалган күрөң түскө ээ болгон бал темирге, белокко жана кычкылтекке бай. Бул бал кан аздарга пайдалуу. Суук тийип жана вирус ооруулары менен ооруганда сары түстөгү балды колдонгон жакшы. Ал өзүнүн организмди чыңдай турган касиети менен айырмаланат. Акациядан жасалган бал эркектерге пайдалуу. Ал потенцияны көтөрөт жана бөйрөк, табарсык ооруларына жардам берет. Малина балы өзүнүн өңү менен сулуу жана назик жыты менен жыттуу. Аны февраль-март айларында суук күчөп ооруй башташканда колдонгон таасирдүү. Гүлдөрдүн түрүнөн жасалган бал операциядан кийинки адатка айланып калган ооруларга пайдалуу. Бал организмдеги кальций - калий алмашууларын жөндөгөн үчүн, дарыгерлер аны ден соолук үчүн канчалык маанилүү экенин дагы бир жолу эске салышат. Бирок эгер сиздин балга аллергияңыз бар болсо, эч кандай бал азыктарын колдонбошуңуз керек. Ал ден соолук үчүн коркунучтуу.

[MACKA]

Сапаттуу бал тандаңыз:
Балды базардан сатып алуу үчүн бул нерселерди билип алганыңыз жакшы. Чыныгы бышык бал бат эле канттай болуп калат. Ал эми кышындагы суюк бал - жылытылган бал. Эгер бал жылуу сууда толугу менен эрип кетсе - ал сапаттуу. Кээде бышык балга крахмал кошуп коюшат. Мындай учурда анын жасалма экенин бат эле текшерип койсо болот. Эгер бор кошулган болсо, бир аз уксус кошуп көрөсүз, ал дароо эле кайнап чыгат. Бир тамчы йод тамгызып көрөсүз, эгер көк түс чыкса анда ал жасалма. Эң пайдалуу болуп четин (дарагы жана мөмөсү) балы эсептелет. Ал бардык сапаттуу мөмөлөргө бай. Бул бал сулуу кызыл өңгө жана жагымдуу жытка ээ. Ошондой эле, зымды кызытып балга тийгизип көрүңүз, эгер газ чыкса таза, эгерде түтүн чыкса анда таза эмес бал. Дагы бир ыкма, бал менен сууну 1:5 өлчөмүндө аралаштырып, бир күндөн кийин караганда тунбаса анын жакшы экендигин, тунуп калса начардыгын билдирет. Балды жыгач менен алганда узун тартып чоюлуп үзүлгөндөн кийин шарча болуп калса, анда балдын сапаты жакшы деп билиңиз. Мындан сырткары, азыраак балды иод менен аралаштырганда түсү көгөрсө ал таза деп эсептелет.

• 1 - Таза балга бир аз каймак май кошуп тилде 10 мүнөт кармаса жөтөл басылат.
• 2 - Тиштин бүйлөлөрү сезгенгенде туз кошулган бал жакшы жардам берет. Бул аралашма менен тиштин этин кечинде жана эртең менен дайыма жууп туруу керек.
• 3 - Балдардын бронх жана жөтөл ооруларында кара түрптүн ортосун оюп бал кошот. Эки сааттай тургандан кийин бул аралашманы күнүнө тамактануу алдында 2-3 жолу чай кашыктап ичирет. Жатаардын алдында ичүү да пайдалуу.
• 4 - Кара күрүчтөн жасалган күрөң түскө ээ болгон бал темирге, белокко жана кычкылтекке бай. Бул бал кан аздарга пайдалуу.
• 5 - Суук тийип жана вирус ооруулары менен ооруганда сары түстөгү балды колдонгон жакшы. Ал өзүнүн организмди чыңдай турган касиети менен айырмаланат.
• 6 - Акациядан жасалган бал эркектерге пайдалуу. Ал потенцияны көтөрөт жана бөйрөк, табарсык ооруларына жардам берет.
• 7 - Малина балы өзүнүн өңү менен сулуу жана назик жыты менен жыттуу. Аны февраль-март айларында суук күчөп ооруй башташканда колдонгон жакшы. Ошондой эле гүлдөрдүн түрүнөн жасалган бал операциядан кийинки адатка айланып калган ооруларга өтө пайдалуу.

[MACKA]

Бал: С улуулук үчүн бал косметологияда кургак терилүүлөр үчүн кеңири колдонулаары баарыбызга маалым. Бал маскалары кургак бетти жакшы азыктандырат, жумшартат, беттин куудурап кургаганын азайтат жана кайсы бир деңгээлде майда бырыштарды кетирет. Бирок балды маска катары колдоноордон мурун өзүңүздүн бул азыктан аллергияңыз жок экендигин билип алышыңыз керек. Жумасына эки жолу бул мсканы колдонсоңуз ал бет териңиздин агарышына жакшы жыйынтык берет. Бир лимон жана 2 аш кашык суюк бал.
Даярдоо ыкмасы: Идишке 2 кашык балды салып, жарым лимондун ширесин балдын үстүнө сыгып алабыз. Анан шашпай аралаштыруу зарыл. Колго, бетке жана моюнга шыбап коёбуз. Масканы көздүн тегерегине тийгизбөө керек. Тегиз сүйкөлүп бүткөн соң 15-20 мүнөт кыймылдабай чалкалап жатыңыз. Убакыт өткөн соң жылуу суу менен жууп коёсуз.

Билдирүүнү түзөткөн: MACKA: 09 Декабрь 2014 - 23:17

[MACKA]

Кызыктуу фактылар:
Аарылардын пайда болуусу 50 миллион жылды камтыйт. Эң көп жашаган адам катары аарычылар эсептелинет. Гиппократ "баардык ооруларды айыктыруучу дарылардан да аарынын уусу жогору турат," - деп белгилеген. Аарынын уусу менен СССРдин жогору бааланган чиновниктери дарыланганы анык болгон. Алардын арасында Л.И.Брежнев да бар. Иван Грозный муундардын оорусун аарылар менен айыктырса, ушул эле ыкма менен Кар Улуу ревматизмден арылган. Экинчи кылымда жашаган байыркы Рим дарыгери Гален өз убагында эле балдын касиетине таң берип: "Ден соолукту чыңдоодо жана ооруларды айыктырууда балдан ашкан дары жок!" - деп айткан. Ал эми байыркы чыгыш жазууларында балдын организмдеги уулуу заттарды жөндөөрү тууралуу айтылган. Байыркы Египетте аары чаккандан кийин адамдар айыгып кеткендиги туурасында папирустарда жазылып калган. Ал эми балдын негизинен жасалган дарылар Индияда, Грецияда, Байыркы Римде кеңири таралган.
P.S. Сыртта кыш. Эшикте суук өз өкүмүн сүрүп жатканда, адамдар ар кандай оору менен ооругандыктан, бал сиздин организмиңиз үчүн абдан керек экенин түшүндүңүз болуш керек. Ошондуктан бал менен дайыма достошкула.

[MACKA]

Сууктан сактануу үчүн суусундукту көп ичиңиз.

Атайын адистердин айтымында, кыштын күнү малина, ромашка, карагаттын кургатылган жалбырактарын кайнак сууга чылап жана анар ширесин ичсе, сууктан сактайт. Аталган жемиштердин ширесин күнүгө 2-3 маал ичсе ашыкча болбойт. Андыктан суукту алдын алуу үчүн суусундукту көп колдонууну дарыгерлер сунушташат.

[MACKA]

Курма сууктан коргоочу касиетке ээ. Бул тууралуу дарыгерлер айтып чыгышты.

Эгер тамагыңызга суук тийсе, курма жесеңиз ал микробдорду жок кылып, суугун басат. Андан тышкары, курма организм муктаж болгон А жана С витаминдери менен камсыз кылат. Курманын ширесинин дагы кайталангыс дарылык касиети бар.

[Feijipiao]

Теңге гүл

Теңге гүл (календула-ноготки) айдама өсүмдүк. Дарылыкка гүлү колдонулат. Теңге гүл республикабыздын бардык аймагында өсөт. Айрыкча Ысык-Көл аймагы орто нымдуулукта болгондуктан бул жерде өнүмдүү келип, дарылык касиети жогору (жагымдуу) болот. Кайсыл мезгилде айдалып эгилсе да, гүлдөгөндөн кийин гүлү алынат.

Дарылык касиети: гүлүнүн тундурмасы - алсырагандыкты болтурбоого, тамактын сезгенишин айыктырууга, тери ооруларына, тери күйүгүнө, тери жарасына, кесип алганга, ашказан, ичеги ооруларына жана аялзатына мүнөздүү болгон сезгенүү ооруларына колдонулат.

Даярдалышы жана колдонулушу: 3 литрлик айнек банкага кайнатылган 2 л. суу куюп, 300 гр. теңге гүлүн салып, 150 гр. таза бал кошуп, муздаганча аралаштырып, андан соң 150 гр. таза спирт кошуп, оозун жел кирбегендей бекем жаап, эки жума караңгы бөлмөгө коюп коёт. Мөөнөтүнөн кийин даяр болгон тундурманы ар кандай ооруларга колдоно берсе болот.

Тамактын сезгенишин айыктырууга (чайкоо жолу менен) бир чоң кашыгын бир стакан кайнак сууга демдеп алып, тамак ичкенден кийин үч маал тамакты чайкаш керек (оору сакайгыча). Мындан тышкары теңге чөптүн 10 гр. спирт менен болгон тундурмасы тери ооруларына колдонулат (сыйпоо жолу менен).

Жарат, муун ооруларына марли менен компресс жасап, 5-7 саат оору сакайганча жылуу оронот. Алсыраганды жоюуга, ашказан, ичеги ооруларына, аялдарга мүнөздүү болгон сезгенүү ооруларына (ичүү жолу менен) үч маал тамактын алдынан 150 гр. 7-9 күн жатаар мезгилде түнкүсүн ичилет.

Эскертүү: теңге гүлүнөн жасалган дарыны ичип жатканда мүнөздөп тамак ичилет.

[Feijipiao]

Кереч тамыры

Бул көп жылдык жапайы өсүмдүктүн дары катары тамыры жана уругу колдонулат. Кереч тамыры (фенхель обыкновенный) суулуу өрөөндөрдө өсүп, жыты алыстан аңкып, бою эки метрге чейин жетет. Түтүкчө сабактуу келип, данынан таттуу маңыз чыгат. Ал эми тамыры буралып кара күрөң түстүү болот. Август, сентябрь айларында тамыры жана даны алынат.

Дарылык касиети: кан басымы жогору болгондорго, нерв органдарына, ашказан, жоон ичегиге жана башка суук тийгенге, денеден тер чыгарууга жана уйку безинин оорусуна пайдаланылат. Уругу бронхага жана алсырагандыкты болтурбоого колдонулат.

Даярдалышы жана колдонулушу: 700 гр. кереч чөбүнүн тамырын салып, он беш мүнөт кайнатат. Чоңдор үчүн 200 гр., жаш балдар үчүн 50-100 гр.дан 7-9 күн катар ичилет. Ал эми уругун кургатып, майдалап, ун сыяктуу абалга келтирүү керек. Тамак ичилгенден кийин үч маал түтүкчө менен оозду чоң ачып туруп тамактын төрүнө карай үйлөсө, бронха, астма жана башка тамак ооруларын айыктырат.