[Таллас]

Карызга акча бере турчу?

Ушу сөздү көп угам. Эл ойлойт окшойт, менде "казына бар" деп. Бирок, бары-ы - бар. Ошон үчүн эч качан отказ кылбайм да. Албетте, көрүнгөн адамга эмес. Ишеничтүү адамдарга. Мен тегеригимдеги адамдарды дээрлик 80 пайызына карыз бердим окшойт. Ал эми 20 пайызынын 10 пайызы менден карыз сураганга муктаж болбосо, 10 пайызы мурда карыз алып, анан "мына берем, ана берем, түшүнчү, күтүп койчу", - деп ишеничтен чыккандар.

Бирок, мен карыз берүүчү эле эмес, ошол эле убакта карызга алуучу дагы болуп "катталгам" . Бир жылы бир байкемдаен 100$ алып аны бербей бир жыл сүйрөгөм. Ал, албетте, менин студенттик абалыма түшүнүп эч качан сураган эмес. Мен анан, ал акчаны иштеп таап берип кутулгам. Айтмакчы, ал акчага мен эң биринчи компьютеримди сатып алган экенмин, өзүмдүн акчамды кошуп. Далай керекке жарады го.. Акеме рахмат!

Билдирүүнү түзөткөн: Таллас: 29 Сентябрь 2011 - 10:46

[Таллас]

"Карыз берүү - кайыр берүүгө караганда сооптуу" дегенди окуган элем. Чынбы, калппы тактаган эмесмин. Неси болсо да түшүнүгүм боюнча, кайыр сураган адам муктаждыгы үчүн эмес, адаты боюнча сурап отурушу мүмкүн. Мындай ойго мени мечиттин тегерегинде отурган жана жол кесилиштеринде "эмгек" кылган адамдар алып келди. Ал эми карыз сураган адам ал муктаждыгы болгон себептүү сурап жатат. Бирок, бул деген мен эч качан кайыр бербейт дегенге жатпайт. Мен ал иштер тууралуу көз козгогум келбейт. Неге дегенде Исламда "бир колуң бергенди башка колуң билбеши керек" делинет. Дал ушуга амал кылганга аракет кылам ар дайым..

Билдирүүнү түзөткөн: Таллас: 29 Сентябрь 2011 - 10:47

[andormeda]

Give me 500 $!

[andormeda]

Таллас ,

Цитата

Ал тургай үнүңүздү да уга элекмин.

Диктофонго жаздырып туруп, электрондук адресиңизге жөнөтүп жиберем

Тема боюнча:
Азыр көп деле карызым жок, ушу биздин Суперстандык бир тургунга 7000 сом карызым бар, буюрса жакында берип, кутулам.
Ал эми андан сырткары 1 адамдан карызга алам да, өз убагында кайра берип коём. Ал адамга түн ортосунда чалсам да, 15000 сомго чейин акча бере алат (акчасы болсо албетте)
А мен болсо эч кимге деле акча бербейм, себеби өз жаныман деле артпайт...ошо

[Арина]

Сураса, анан менде ошол сумма болсо, аянбайм. Ким болсо дагы... Атайын сурап жатса, дароо берип турганга аракет жасайм. Өзүм дос-тааныш, кесиптеш, же дагы үй-бүлөмдөн тышкары чөйрөдөн карыз албайм. Аябай керек болуп турса, апамдан, же атамдан эле сурайм. Ошол.

[snejinka]

менден да коптор акча сурашат, убагында баарына бере берчум-кондуруп алган окшойм, азыр болсо кайра мен сурачу болдум, бирок мен эжекемден башка эч кимден албайм, башкалардан аябай зарыл болгондо эле сурайм(((( и то кайтарып бергенче шашам, берип коюп сурай албайм, кээде унутуп да калам...

[Бродяга]

Жаныңды койбой атып алып, анан кайра берээрде кечиктирип, майдалап-чүйдөлөп бергендерге жиним келет да.

[Janayim]

Ооо! Менин темам экен... Ар дайым карызмын бирине болбосо,бирине карызмын... Карызга "опщим" бербейм,анткени "голякмын" ар дайым Карыздарды ойлосом чекем тырыша тушот

[rai]

Акча бул адамдын ортосундагы мамилени бузат да өзгөчө достук мамилени. Муну мен бир эмес бир нече ирет башыман өткөрдүм. Мисалы жакын курбу кызыма аябаай керек болгондо, көз карайлаган кырдаал болот го, ошол чакта карызга акча бердим. Акчаны алгандан бери көп эле убакыт өттү берүү тууралуу ою жок, мен сурагандан уялам, а мага керек... Мындай кырдаал бир нече жыл мурун болгон. Ушул эле курбу кызыма акча бергем, бирок кайтарып берген эмес. Мен достугубуз үчүн макул эми деп кол шилтеп унчукпай койгом. Бул акчаны да берээр алдында ошол кырдаал көз алдымда болду, кайталанат дедим, бирок ушунчалык керек экенин көрүп бергем да... Эми ал менден качып жаткандай... Телефон чалып сүйлөшөбүз, негедир шашалактап сөздү бүтүрүүгө аракеттенет. Карызы тууралуу сөз козголбойт. Бир чети мага ынгайсыздыкты жаратып жатат. Мен кээде андан акчаны сурап эмес жөн гана акыбалды сурап байланышам. .. Мындай кырдаалда не кылыш керек? Дагы кол шилтейин десем мен миллионер эмесмин да (болсом сонун эле го) айлыкка жашагандарданмын.
Өзүм деле кээде сурайм карызга бирок кайтарууга шашылып убактысында берүүгө аракеттенем. Акча алгандардын арасында жоопкерчилиги чоңдор деле бар, айткан убактысынан ашырбай берет.

[Programmer]

Карызга бербеймин жана карызга албаймын ошол менин принципим.
Карызга берип ала албай жаман корунгучо бербей эле койгон он.
Карызга алып кайра бере албай калып жаман корунгучо албай эле койгон он.
Коп жылдан бери ошол принципти кармап келе жатам.

Билдирүүнү түзөткөн: Programmer: 29 Сентябрь 2011 - 12:32

[Арина]

айтмакчы, бирөөгө кофе карыз элем, ошону төлөш керек!

[andormeda]

Арина (29 Сентябрь 2011 - 12:39) жазган:

айтмакчы, бирөөгө кофе карыз элем, ошону төлөш керек!

Мага деле карыз боооо-о-оолчу

Откондо жолума акчам калбай калганда, бир байке 2000 сом бердиле, роахмат!

[rai]

Ииииии баса, кофе, кафе десеңер эстеп кеттим, мага суперстандагы бирөө деревяшканын шишкебегинен карыз. Мелдешип бир жеңип алдым эле да... Эээээх... деревяшканын шишкебеги ...

[dina]

Акча керек болгондо чыкчу кишилерден сурайм, айткан кунумо чейин бергенге аракет кылам.
Бергенде берип коем да унутуп калам, алып келип беришсе эстей албай качан алдын эле деп, бирок суйунуп эле алып коем.

[Strateg]

rai (29 Сентябрь 2011 - 12:55) жазган:

Ииииии баса, кофе, кафе десеңер эстеп кеттим, мага суперстандагы бирөө деревяшканын шишкебегинен карыз. Мелдешип бир жеңип алдым эле да... Эээээх... деревяшканын шишкебеги ...

Жана сырасы ... Мен Доктор Воробейге карыз болуп калдым мелдешип кетип. ( Жаңылып калдым, жаңылбаас жаак, мүдүрүлбөс туяк болбойт). Ошо Деревяшканын сырасын.

[admin_superstan]

Темадан алыстамай жок!

Тема тазаланды!

Билдирүүнү түзөткөн: AGAT: 29 Сентябрь 2011 - 13:49

[Aydashka]

Бродяга (29 Сентябрь 2011 - 12:13) жазган:

Жаныңды койбой атып алып, анан кайра берээрде кечиктирип, майдалап-чүйдөлөп бергендерге жиним келет да.

Менде дайым ушундай да,карызга бербей коё албайм,жок деп айта албай эле.Бергенден кийин ал сумманы болуп-жарып, майдалап-чуйдолоп бергендери жаман,себеби козго корунбой калат экен.

[Aydashka]

Таллас (29 Сентябрь 2011 - 10:46) жазган:

"Карыз берүү - кайыр берүүгө караганда сооптуу" дегенди окуган элем.

Менимче кайырга берген акча эмнеге жумшала тургандыгын билбейбиз да ошондон улам айтылган кеп го деп ойлойм.Бирок, мен дайым кайырчыларга берип турам,боорум ооруйт байкуштарга озгочо кары-картан, майыптырга.

[temu]

Карызга кундо болбосо да кез кез тушуп турам жана ошондой эле карызга берип турган убакыттар болот. Бирок мен алган карызымды берем деген убакыттан эч качан откозгон эмесмин. Ушул принципти баардыгы карманышса жакшы болот эле. А так кээбирлери аларда соз-суз берем деп алып ошол бойдон жылдарга жоголуп кетет. Мисалы алыс барбай эле ушул Суперстанда бир иничек карызга акча алды эле уже алган убакыты жыл карыткана калды. Башында бир эки озумо акча керек болгондо сурадым эле чет берген жок. Азыр сурагандан озум уялып калдым. Так что берсе берди бербесе жок мен озум андан сурабайм. Ии баса кофе десе эстеп кеттим, бир Суперстанда сулуу мага романтическая прогулка менен шаурма карыз эле.

Билдирүүнү түзөткөн: temu: 29 Сентябрь 2011 - 13:55

[ROZI]

Негизи азыркы учурда "карыз" алууга жана берүүгө туура келет.
"Эгер карызга муктаж болгон адамга ажаат ачып берсе бул чон сооп болот. А эгер ал карызды убагында бере албай, мөөнөт узартылса ошол берилген сумма, узартылган ар бир күнү садака болуп эсептелинет" - деп Чубак Ажынын айтканын уктум эле.