Карылыкка капамын.
Жаштык менден кетээр менен арылып,
Бүткөн бойду ээлеп алды карылык.
Өзү келбей кошо келип далай "ит",
Көөдөнүмү талап кирди жабылып.
Кезек-кезек сыздаттырып "холест-ит" ,
Кээде талып,кээде мыжыйт "миокард- ит".
Бассам-турсам мени кошо "үрдүрүп" ,
Кайда барсам ээрчип жүрөт "бронх-ит" .
Жанымды өйкөп,жай бербеген "гастр-ит" ,
Ээн баштыкты көрсөтүштү далай "ит".
Айла таппайм,ажырабай өзүмдөн,
Өмүрүмө жолдош болду "геппат-ит" .
Далай жылдар азап тартып келемин,
Шалдырады шайы кетип денемин.
"Ит ээлери"канча аракет кылса да,
Таба алышпайт айыктыраар себебин.
Катар басып,каткырышып күлө албай,
Сакал сылап,эл ичинде жүрө албай.
Канча кылсам арыла албайм онтоодон,
Карылыктын доорун жакшы сүрө албай.
Араң күтөм кээде таңдын атаарын,
Түнү бою "ит талоондо" жатамын.
Ит ээрчиткен мергенчидей, байкатпай
Жөн келбеген карылыкка капамын. (Алымжан Токтосунов)
Билдирүүнү түзөткөн: morther: 20 Июль 2013 - 00:21
Цитата
бардык оорулардын атында "ит"-деген мучо журот экен чындап эле......
Мобилдүү версия