[Nursaikal]

Spartak0001 (10 Июнь 2013 - 20:56) жазган:

Сериалым
Көздөй жөнөйм күн сайын жетине албай,
Көңүл дегдеп, көрсөм деп сезим арбай.
Күлүп жайнап чыгасың тээ бир кезде,
Көп күттүрүп башталган сериалдай.

Калтыратып сүрдөтүп затың дагы,
Камдап алган сөздөр жок акылдагы...
Жарымына келгенде сериалдын,
Жарнамадай апаңдын чакырганы! .

Тоодон чыккан ай болуп затың дагы,
Толкундоолор сезимде басылбады.
Аягына келгенде сериалдын,
Ай, ушу ай, апаңдын чакырганы! ...

Алоолонуп отуңа жандым жаным,
Азыр дагы үйүңдүн алдындамын.
Сен чыкканча сырдашчу күчүгүңө,
Ташып бүттүм үйдөгү нандын баарын.

Жан сырымды айтайын эми баарын,
Жашайт өчпөй сүйүүмдүн деми дайым.
Керек болсо саат эмес кылым бою,
Күттүрсөң да тажабайм сериалым!

сизге соз жок, азаматсыз! Талантыныз оркундой берсин! Мага устат болсонуз жакшы болмок...

[Spartak0001]

Башкартып баарын сезимдин,
Байкуштай болдум, эзилдим.
Айланып жүрдүм барабар,
Агына сенин көзүңдүн.

Жазында тийип нур болуп,
Жанаштык көпкө бир болуп.
Жай өтүп күзгө келээрде,
Жанымдан кеттиң дыр коюп!

Дечү элең мени: "опол тоом",
Отуңа жанды ошол тооң.
Чыныңды айтчы сулуу кыз,
Чыктыбы мүйүз ошондон?

[adalsvards]

Ар кандай ыр саптар болот, көбүнчө кайгылуусуна тушугам, анан окуп алгандан кийин ойлоно бересиң, ойлоно бересиң... өзүңдөгү кыйынчылыктар ага кошул-ташыл болуп, караңгылыктан жарык таппагандай болосуң...

Бирок Хисториктин дээрлик бардык чыгарган ырлары момундай эч бир кыйынчылыктан бейкапар балалык кыялды жаратып, атайлабасаң да, көздөрүм жайнап, ууртуңдан жылмаюу жаратат. Бул бакыт порциясына тойбой калганда, аяк сабына келгенде жан талаша кайра башынан окуйсуң, анан дагы бир канча жолу! Тымызын тамаша коштолгон ыр саптар ылайым "фишкаңа" айлансын, албетте, сага каалоомду таңуулап жаткандырмын, бирок ушундай ырларыңды жок дегенде айда бир чыдамсыздык менен күткөн окурмандарың бар экенин унутпа... Рахмат!

[Ханбийке]

Жыргаааап окуп атсам бутуп калды го(((((( Дагы жазынызчы Хисторик мырза.

[historic]

adalsvards (12 Июль 2013 - 12:13) жазган:

Ар кандай ыр саптар болот, көбүнчө кайгылуусуна тушугам, анан окуп алгандан кийин ойлоно бересиң, ойлоно бересиң... өзүңдөгү кыйынчылыктар ага кошул-ташыл болуп, караңгылыктан жарык таппагандай болосуң...

Бирок Хисториктин дээрлик бардык чыгарган ырлары момундай эч бир кыйынчылыктан бейкапар балалык кыялды жаратып, атайлабасаң да, көздөрүм жайнап, ууртуңдан жылмаюу жаратат. Бул бакыт порциясына тойбой калганда, аяк сабына келгенде жан талаша кайра башынан окуйсуң, анан дагы бир канча жолу! Тымызын тамаша коштолгон ыр саптар ылайым "фишкаңа" айлансын, албетте, сага каалоомду таңуулап жаткандырмын, бирок ушундай ырларыңды жок дегенде айда бир чыдамсыздык менен күткөн окурмандарың бар экенин унутпа... Рахмат!

Рахмат! Ушинтип мактап койсоңуздар сүйүнүп, илхом келип кетип минтип жазып ием да :

Байдылда деген ысымдын,
Башында келет "Б"тамга.
Бекболот деген атты да ,
Башкарат экен бу тамга.
Башыма келип ар ойлор,
Байырлап анан бу таңда.
Байдылда болуп кетсем деп,
Байланып канат учам да!

Сарногоевдин башына,
Сызылат тамга "С" деген.
Сарыбаев да ошондой,
Сапарын улайт "С" менен.
Сергиткен ырын окуйм да,
Сезимди көккө күүлөгөн.
Сарногоевдей болсом деп,
Санаамда бийик күүлөнөм!

[Jinn.]

historic (20 Июль 2013 - 14:00) жазган:

Рахмат! Ушинтип мактап койсоңуздар сүйүнүп, илхом келип кетип минтип жазып ием да :

Байдылда деген ысымдын,
Башында келет "Б"тамга.
Бекболот деген атты да ,
Башкарат экен бу тамга.
Башыма келип ар ойлор,
Байырлап анан бу таңда.
Байдылда болуп кетсем деп,
Байланып канат учам да!

Сарногоевдин башына,
Сызылат тамга "С" деген.
Сарыбаев да ошондой,
Сапарын улайт "С" менен.
Сергиткен ырын окуйм да,
Сезимди көккө күүлөгөн.
Сарногоевдей болсом деп,
Санаамда бийик күүлөнөм!

Пай-пай-пай -пай-паааай! Калемиң курчуй берсин,иним! Кезеги келгенде сенин ысымың да ташка тамга баскандай,Чыңгыз атабыздай болуп даңкың дүйнөнү дүңгүрөтсүң! Ушуну мен чын жүрөгүмдөн, чын ыкласымдан каалап кетем!

[historic]

Jinn. (20 Июль 2013 - 14:43) жазган:

Пай-пай-пай -пай-паааай! Калемиң курчуй берсин,иним! Кезеги келгенде сенин ысымың да ташка тамга баскандай,Чыңгыз атабыздай болуп даңкың дүйнөнү дүңгүрөтсүң! Ушуну мен чын жүрөгүмдөн, чын ыкласымдан каалап кетем!

.
Рахмат! Ылайым айтканыңыз келсин!

[historic]

Чилистен(ботаник) кызга

Жүзүң тосуп, кол берүүнүн ордуна,
Жүрөсүң сен сезимимди кор кыла.
Жалгыз мага көңүлүңдү бурам деп,
Жаным түшүн, боло албадым формула.

Күчөтөсүң жүрөктөгү жарамды,
Күйгүзөсүң күнгө таштап караңгы.
Мерезденип, өчөшкөнсүп сүйдүң ээ,
Мени эмес, Менделеев агаңды.

[aruuzat88]

Оо кандай гана керемет ырлар,калемин курчуп,мындан да мыктыларын жарата бериниз.

[Nursaikal]

...окуума кечигип... анан ...будильник. .. дегени да бар беле, ошол саптарды жазынызчы...

Билдирүүнү түзөткөн: Gupa: 26 Август 2013 - 12:23

[historic]

Келе жаткан тил майрамыңар менен!

Эне тил

Эне тилдин ар бир сөзү, сүйлөмү,
Эч табылгыс бак-таалайдын ирмеми.
Эне тилде эркелетип апакем,
Эне тилде таанып-билгем дүйнөнү.

Эне тилсиз кантип болсун жашамак,
Эне тилсиз жүрөк кантип жашарат?
Эне тилде Кудайыма сыйынып,
Эне тилде арнайм кызга махабат.

Эне тилим дастанымдай бүтпөгөн,
Эне тилди уксам толкуп, күчтөнөм.
Удургуган сезимдерди жамынып,
Уктасам да эне тилде түш көрөм.

Энчи болуп бизге калган эскиден,
Эне тилим - байлык, кенчим деп билем.
Өлсөм дагы көргө кирген кезимде,
Өз тилимде сурак берсем деп жүрөм!

Билдирүүнү түзөткөн: Gupa: 20 Сентябрь 2013 - 13:05

[aijan]

Азаматсыз! Калеминиз курчуй берсин!

[witmoon]

"Сөгүнсөм да эне тилде сөгүнөм" деп кой?

[historic]

witmoon (14 Сентябрь 2013 - 17:06) жазган:

"Сөгүнсөм да эне тилде сөгүнөм" деп кой?

Ага жакын саптар бар экен да:

Ташты сыгып тарыхты төккүм келди,
Тилимди мен туу тутуп өткүм келди.
Эне тилин эсирип чанганарды,
Эне тилде ашатып сөккүм келди!
А.Исмаилов

Болбосо жазып деле салмакмын.

Билдирүүнү түзөткөн: Gupa: 20 Сентябрь 2013 - 13:26

[Atabaevtalantbek]

Азаматсын иничек. Талантын ташкындап, калемин курчуй берсин. Атагын таш жарып, авторитетин баш жарсын.

[Барс]

"Эне тил" деген сөздүн ортосуна дефис коюлбайт!

[historic]

Барс (15 Сентябрь 2013 - 08:45) жазган:

"Эне тил" деген сөздүн ортосуна дефис коюлбайт!

Мен да жазаардын алдында ойлондум абдан. Анан журналист таанышыман сурасам колат дегенинен коюп салбадымбы.
Айла жок Гупа эжеден (же сизден ) суранып кетет элем ондоп коюшун.

[historic]

Студенттин заманбап ырларынан:

***

Аяр караар эс кыз жок,

Айтат баары "эссиз" деп.

Ал анткени көп элдей,

Айфон менен Лексус жок.

***

Атак-даңкы угулган,

Артык барбы мунуңдан?

Айтып турчу бар-жокту,

Аман болсун ГУГЛжан.

***

Карашыңда кандайдыр бир шаң бардай,

Кантип сага коёр экем арбалбай?

Эх, карындаш, сени көрсөм кубанам,

Элүү доллар стипендия алгандай!

***

Агент менен ачылат да түндүгүм,

Агент менен батты мына күн бүгүн.

Айрыла албай дале тиктеп олтурам,

Ал кургурга туташ сымал киндигим.

Билдирүүнү түзөткөн: Gupa: 20 Сентябрь 2013 - 13:07

[Барс]

Тексттиңди оңдоп койчу, бай болгур, сөздөрүңдү бири-бирине жармаштырбай. ..