[Барс]

historic (19 Сентябрь 2013 - 12:54) жазган:

Мен да жазаардын алдында ойлондум абдан. Анан журналист таанышыман сурасам коюлат дегенинен коюп салбадымбы.
Айла жок Гупа эжеден (же сизден ) суранып кетет элем ондоп коюшун.

Ошол "колат" деген журналист таанышыңа "бали"! Оңдогонго менде укук жок экен!
Эскертүү: "Мага эле асылып калды..." - деп дагы жүрбө, баатыр!

[historic]

Барс (19 Сентябрь 2013 - 17:42) жазган:

Эскертүү: "Мага эле асылып калды..." - деп дагы жүрбө, баатыр!

Барс ава, сиздин "асылып" турганыңыз мен үчүн табылгыс нерсе да! Кана эле күн сайын асылып турсаңыз!

[Барс]

historic (19 Сентябрь 2013 - 17:57) жазган:

Барс ава, сиздин "асылып" турганыңыз мен үчүн табылгыс нерсе да! Кана эле күн сайын асылып турсаңыз!

Даракка мойнумамбы?..

Билдирүүнү түзөткөн: Барс: 20 Сентябрь 2013 - 10:58

[historic]

Фейсбукта бир ага менин ырларыма көз карашын билдириптир:

" Чындык издеп, чындык издеп кашкайган... "

Жаш акын Бекболот Сарыбаевдин чыгармачылык дүйнөсүнө сапар....

Мен Бекболоттун ырларын окуган сайын, Тээ 70-жылдар эсиме түшөт . Анда студенттик мезгил... Байдылда Сарногоевдин калың жана көлөмү кичинереек, БОЗ ТҮСТӨГҮ китебин тытып окуйт элек. Байдыкемин китебин табыш ал мезгилде өтө кыйын эле. Ырлары, окуп баштар замат, жүрөккө жетет эле. Ырдын ырын окуган экенбиз да. Тытышып окуйбуз. Анан да жатка да билет элек. Байдыкемин ырларын жатка билбеген кыргыз жокко эсе го. Отуруштарда окуп калабыз, тим эле өзүбүз жазган сымал кычырап, кыздарга сыр билгизбей. Алар да кыйын да. Апей, бу Байдылда Сарногоевдин ыры го ,-дешет. Бизди ит кылып... Анан билет да... Автору ким экенин. Кыргызда Байдыке бирөө эле да.

Мына , Бекболот Сарыбаевдин ырын да так ушинтип окуймун. Бекеми түзүк билбеймин. А ырларын окуп турам. Чыгып келе жатат бир акын, камчылана, теминип, тээ алыска көз сала, ал жакта Ала Тоо, ак кар баскан. Мына ал күлүгүң , Кыргыз элим:

Чындык издеп, чындык издеп кашкайган,
Чырмалып ойлор, маң болууда баш кайран.
Чын дүйнөгө көчүп эле кетүүдөн,
Чынын айтсам калбай калды башка айлам...

Бу саптар, акындын азыркы абалга көз жүгүртүүсү, аңдоосу , Элине, Жерине күйүүсү.... Акын эли менен жери менен дайым бир болот. Мен акын дараметин болгонундай эле, калыс айтып берүүнү туура көрдүм. Акын изденүүдө. Акын зор, эбегейсиз деңиз толкунуна туш келди. Чыгармачылык куду ошол толкун сымал. Акын болгонун болгондой, таза жүрөгү менен кабыл алат. Чын дүйнө, таза дүйнө, аруу дүйңө, о дүйнө! Бул салыштыруу, бул дүйнө кандай экенин ушул саптар менен эле аңдасак болот . Бирок, жашоо да керемет экенин акын билет. Аны тынымсыз сезет. Акын кооздук менен кыйындыкты кабыл алууда. Алар сыртка оргуштап чыгууда. - Ооба, чыгып жатат ырлар, керемет ыр саптар...Дүйнө сулуулугу, аял сулуулугу, керемет назик заттар жөнүндө акын мындай дейт:


" Баткендик кызга"

Айтчы кантип, мен сага жанаша алам,
Күлөсүңбү сүйлөсөм тамашадан.
- Жолуксакпы, -деп айтсам жооп бердиң:..
-Жолуга албайм, урушат "аяш авам!"

Сулуулугуң сүйүүмдү байлап алды,
Сезим сени тандаса айла барбы?
Табалбадым кыдырып жер жүзүнөн,
Таң каламын сендейлер айда барбы?

Баткендик, татына кызга болгон сезим аңдоосу, сулуулукту баалай билүү, турмушка , жашоого умтулуу, бул дүйнөнүн да керемет жактарын байкоо, кабылдоо, берилүү. Бу, керемет кыз, абдан сулуу кыз, мындай кыз башка дүйнөдө да барбы? А айдачы? Жо- ок, сендей сулуу, АЙ-ЧЫРАЙЫ КЕЛИШКЕН КЫЗ ЭЧ ЖЕРДЕ ЖОККО...Кыргыз жеринин, кыргыз назик затынын келишкен дүйнөсүн акын ушул саптар менен эле окурманына жеткире алды. Мындай нерсе окурманында да болгон. Ооба, болбой анан. Муну . АКЫН КАЯКТАН БИЛДИ А ,-ДЕП ОЙ ЖҮГҮРТӨТ ЫР ОКУРМАНЫ. Ушул акын даремети. Менде да "Кара Кулжалык кызга" деген арзуу болгон. Бах! Десең...Кимде гана болбогон... Рысбайда, Токондо, Жолондо, Турарда, Чыңгызда, Жолболдуда. .. Ушуну жеткире алган бу, акын даремети.

Бекболоттун чабыттаган даремети...Дагы чабыттайт... Ырлар, суудай аккан ырлар кайдан келет, устатынан, керемет акындардан, керемет Кыргыз жеринен...Керемет Кыргыз сулуу уздарынан...

"Көзүм түштү көк көйнөк сулуу кызга"(Автобустагы окуя).

Аптабы күч, жай мезгил, күн ысыкта,
Автобуста баратам тыгылышта.
Көңүлүмдү өзүнө тартып алчу,...
Көзүм түштү көк көйнөк сулуу кызга. ..."

Ырас эле бир чыкты жолубуз!,- деп,
Ыңгайлуурак таанышуу жолун издеп.
Түшүп кетти камданып жатканымда, Тигил жерден токтотуп коюңуз деп.
Мына ирмем элес, ирмем окуя, ирмем баё туюм сезими... Бу, дүйнө ушундай оомал-төкмөл дүйнө. Акындын бир ирмемдеги окуяны кабылдоосу. Кетти ушундай сулуулук түш сымал, жомок сымал... Жашоого шыктануу да ушунда да...Балким бул болочок тагдырдыр??? Аа! "Айылды сагынуу" деген ырында тээ өткөн балалык мезгил, Ата Журт, Кичи Мекени сүрөттөлөт:

Аттыр жыттуу абасынан айылдын,
Алгач жыттап, анан өлсөм кайылмын.
Айкырыгы аалам жарып туруучу,
Айылдагы эшегимди сагындым.

Токтолбостон күндөр жылга жалгашты,
"Токто" ,-десек тагдыр көнө калмакпы?
Азан айтып ойготуучу корозум,
Азыр болсо будильнике алмашты.

Мына, айыл турмушу, айкырып тынчтык бузган эшек, анан кыйкырып ойготкон короз, баары Мекенден башталган жашоо. Ата Журт. Бейпил жашоо. Бу, керемет жашоо. Эненин тандырда бышкан наны, каймак, баарын акын көз алдыңа элестетет. Ушул маани бербеген, керемет саптар менен. Бир ирмем убакытка артка кайрылуу...Сагынуу, кусалануу... Боё сезим...

"Чоң энеме"

Тентек кылсам атам берсе шапалак,
Өңгүрөп мен ыйлачуумун "апалап" .
Арачыга энем түшүп анда да,
Сооротчу эле сунуп мага шокалад.

Эненин асылдыгы, чоң эне, небереге болгон меерим. Өткөнгө кайрылуу. Калыптануу, баё балалык доор, акындын ар бир ирмем менен керемет дуйнөсү менен ыр дүйнөсүнүн айкалышуусу. Мен Улуу акын Байдыкемин жолу менен келе жаткан, аргымагын таптап, чоң жарышка түшкөн акынга ийгилик каалап кетмекмин. Бар бол Бекболот акын! Кыргыз Элине кызмат кыла бер! Ырларың , элиңе суусунун кандыруучу керемет кымыз сымал өз кызматын өтөй берсин! Ала Тоо жергесине ,топ күлүк минген жаш чабандестер келе жатышат... Бар болгула акындарым жана Бекболот акыным!

Калмамат Турдубаев.
Мырза Аке айылы,
2013-жыл 20-Сентябрь.
Жума, Саат 23-11.

[BORN.kg]

Калмамат агандын колун катуу кыспасан болбойт калыптыр...

Абайласан ай, иним, абайласан! Бул жакта бул аган, тиякта Барс агай кайсы дарака бараарын билбей журот:-)

[historic]

BORN.kg (22 Сентябрь 2013 - 01:29) жазган:

Калмамат агандын колун катуу кыспасан болбойт калыптыр...

Абайласан ай, иним, абайласан! Бул жакта бул аган, тиякта Барс агай кайсы дарака бараарын билбей журот:-)

Сиз билбейт турбайсызбы, Барс авам ошондой тамашакөй киши .

[Барс]

Борн.кж билет, жөн гана кууланып атат!

[baktygul91]

Азаматсын "Эне" деген ырынды окуп алып козумо жаш тегеренип кетии

[Nursaikal]

Хисторик, кандайсыз, кечирип коюнуз, сиздин эне тил боюнча ырыныздын учунчу куплетин кабарчы кызга алып берип койдум, материалына кошуп окумак, сизден уруксат ала албадым, байланыш жок, шашылышта, керек болуп калды, кечиресиз...

[BORN.kg]

Карматпай качып кай жакта жүрөт чымын бу,
Кайрачу кыздар жокпу же сенин шыгыңды?
Чымчылап бир аз чындыкты гана жазчу элең,
Чынымды айтсам сагындым иним ырыңды...



Ыры бар жерге айттырбай басып келчу элең,
Ырасын айтсам ырлардын гүлүн терчү элең.
Жылуу сөз менен жакпагандарды какшатып,
Жылмайып гана сазайын колго берчү элең...

Билдирүүнү түзөткөн: BORN.kg: 11 Декабрь 2013 - 18:48

[aijan]

Иий, автор жаны шингилден бирди илген го, десем, жокко, ийя?

[Anhel]

Aida.1995 (26 Сентябрь 2012 - 22:19) жазган:

+ ийгилик! Калемин курчуй берсин!

[KblCHAS]

Акындык дарамети, ой-туюму коро билуусу, уйкаштыктарды колдоно билуусу мыкты экен. Калеминиз курчуй берсин!

[Deesmond]

Тердим да акындыктын тамчыларын


Сезимдин ыр жоргосун камчыладым


Апаке ак сүтуңдү акташ үчүн


Жан үрөйм калгычакты тамчы каным!


Ушул ырды бирөө ырдап жүрөбү???

2012-жылы жазып баштаган экен да.
Ийгилик!! !

[CauseLove]

Форумга каттала албай "конок" болуп кирип жүргөндө ушул тема менен Борн.кж'нын темасына көп баш бакчумун. Мамам да ушул темаларды сүйүп окуйт.
Талантыңыздаргы таазим!

[orhideya]

Керемет саптар болсочу. Азамат экенсиз!
Конул толкуткан ырларыныз менен дуйно жузуно тааныла бериниз.

[historic]

Курсташ кызга
Бир тарапка багытталган ойлор бир,
Бир сабакка алып барган жолдор бир.
"Бирге болсун" деген өңдүү турмуш да,
Бүт баарысын бирдей кылып койгондур.

Окуу жай бир, ортодогу достор бир,
Оргуштаган жүрөктөгү оттор бир.
Тагдыр дагы экөөбүздүн кош жолду,
Тандап келип ушул жерден кошкондур.

Жашообуз бир, бир сызыкта бараткан.
Жан-дүйнө бир, бир кесипти саматкан.
Дээрлик окшош өткөрөбүз ар күндү,
Бирдей кирип, бирдей чыгып сабактан.

Билсен бизге бул жарыктын таңы бир,
Билсең бизге бул жашоонун шаңы бир.
Бириксе деп жан үрөдү табият,
Бириге албай койдук а биз баарыбир! ...

[adalsvards]

"Бириксе деп жан үрөдү табият,
Бириге албай койдук а биз баарыбир! ..."

Эң таасирдүү саптар болуптур! Эх, бирде тамшантып, бирде ойлонткон ырлар менен биздин суктандырып жүрө бер.

[ayildik_kiz]

Хисторик ырларыны жарыялап турсан бизди сагындырбай

[kyrgyzstan00]

Онорун оркундой берсин,калемин курчуп,эч качан мокобосун,кыргыздын алдынкы жазуучусу болуп журо бер.Азаматсын!