[kanat4ik]

Кантип көзөмөлдөө керек? Бардык көйгөйлүү маселелерди, окуяларды жеңил кабылдап, ар нерседен кабардар болуп турууга аракет кылуу шарт. Кандай гана милдет жүктөлбөсүн аларды дайыма так аткарып, жакын адамдар, достор, кесиптештер менен мамилени көзөмөлдөп туруу шарт. Андан тышкары дайыма позитивдүү ой жүгүртүп, кайгылуу, капалуу маалыматты туура кабыл алганды үйрөнүү керек. Нервге абдан басым кылуучу жумуштарда иштеген кызматкерлер көңүлдүү эс алууга, үй- бүлө менен бирге убакыт өткөрүүгө, сейилдөөгө жана башка ушул сыяктуу күч бере турган нерселерге убакыт табуу керек.

[kanat4ik]

Стресске көбүнчө кимдер чалдыгышат? - Эркектерге салыштырмалуу көбүнчө аялдар чалдыгышат. Айрыкча кош бойлуу учурунда стресс болуу абдан коркунучтуу. Ал баланын өз салмагында төрөлүүгө же нерв тамырларынын жабыркашына алып келет. Кээде стресстин айынан балдар майып болуп төрөлгөн учурлар кездешет. Оор стресс кош бойлуулуктун 24-28- жумаларында өзгөчө кооптуу. Бул учурдагы стресс баланын баш мээсинин калыптанышына терс таасирин тийгизет. Натыйжада, изилдөөлөр көрсөткөндөй, "аутизм" менен ооруган балдар төрөлөт. Ошондуктан, аялдар ден соолугу чың баланын төрөлүшү үчүн кош бойлуу учурунда стресс боло турчу нерселерден оолак болушу шарт.

[kanat4ik]

Адам стресс аркылуу кандай ооруларга кабылышы мүмкүн? - Стресс психологиялык оору болгондуктан, анын аркасы менен көптөгөн оорулар козголот. Стресс болгондо адамдын бир нече клеткалары өлөт. Адам өзү дайыма чыңалып, кайсыл бир көйгөй чечилмейинче стресс менен жүргөн убакыттар да болот. Мисалы, тез чарчоо, кыжалаттык, шалдыроо, жүрөк, ашказан, ичеги-карын, ашказан, баш оорулары, рак, артрит, остеохондроз жана башкалар стресстин айынан болорун медицина эчак эле аныктаган.

[admin_superstan]

Маңызы окшош "Стресс-бардык дарттын башаты" темасы менен бириктирилди. kanat4ik , ушул темадан уланта бериңиз.

[ANGEL_]

Стресстен арылтуучу 10 азык
Жашоонун бушайман кылган көрүнүштөрү көп учурда бизди эмоцияга алдырууга кептеп коюп жатат. Билинбегени менен мындай маалда организмде кортизол жана адреналин гормондору ашыкча бөлүнүп чыгып, алар глюкозаны төмөндөтүп жиберишет. Өзүңүздү алсыз, чарчаңкы жана оор сезген бул абал "стресс" деп аталат. Бирок, кам санабаңыз, бизде стрессти жокко чыгаруучу азыктар да жетиштүү.

[ANGEL_]

Грейпфрут.
Грейпфрут С витамининин булагы болуп саналат, анан да ал организмге энергия берүүгө жөндөмдүү. Жегенден көп убакыт өтпөй эле грейпфрут денедеги стресс гормону болгон кортизолдун бөлүнүп чыгышын чектейт, чарчоону жазат жана көңүлдү көтөрөт. Аталган цитрус жемишин кабыл алууда чектөө коюлбайт, себеби, анын организм үчүн коркунучтуу жагы жок.

[ANGEL_]

Сулу боткосу.
Сулу боткосу адамдын жан дүйнөсүндөгү оорчулукту кубалоого жана аны толугу менен тынчтандырууга эгедер. Ал үчүн 2 стакан сулу талканына 3 стакан суу куюп, жай отто суусу соолуганча кайнатасыз. Андан соң үстүнө 3 стакан сүт куюп ботко болгуча бышырасыз да, оттон алгандан кийин татымына жараша туз жана каймакмай кошуп жейсиз. Сулунун курамы углеводго бай келгендиктен, ал тез эле организмде кубанычтын гормону болгон серотониндин бөлүнүп чыгуусун жөнгө салат. Банан. Курамында табигый шекер, калий жана белок көп болгон үчүн банан нервди басууга жөндөмдүү келет. Андагы триптофан аттуу белок организмге түшкөндөн кийин тез эле серотонинге айланып, адамды тынчтандырат, эс алдырат жана көңүлүн көтөрөт. Ошондуктан, бананды стрессти жазуу үчүн жесе болот, ал эми депрессия менен күрөшүү үчүн күнүнө сөзсүз 1-2 банан жеп турууга туура келет.

[ANGEL_]

Ромашка чайы.
Элдик медицинада стрессти ромашка чайы менен кубалоого тең келе турган ыкма жок деп айтылат. Адамдагы оорчулукту жокко чыгаруу менен гана чектелбестен, ал организмдеги титирөөнү, бушаймандыкты жана муундардагы алсыздыкты жоёт. 1 чай кашык ромашка гүлүн 250 мл кайнак сууга демдөө жана аны жылуу абалында ичүү шарт. Бул үчүн дарыканадан алынган да, үй шартында кургатылган да ромашка гүлүн колдоно берүүгө болот.

[ANGEL_]

Грек жаңгагы.
Грек жаңгагы адамдагы бушайман абалды жокко чыгарат жана ага ишеним тартуулайт. Мында албетте, "кантип?" деген суроо туулушу мүмкүн. Жаңгактын курамындагы химиялык активдүү заттар - май кислоталары кандын курамындагы холестеринди төмөндөтөт эмеспи, муну менен катар психологиялык стресс дагы жоголот. Андыктан, нервдин бир калыпта болушу үчүн күндө эмес, бирок, маал-маалы менен грек жаңгагын жеп туруу зарыл.

[ANGEL_]

Болгар калемпири.
Болгар калемпирин күнүмдүк турмушта тамакка кошулган түрдө да, чийки түрүндө да көбүрөөк жеп жүргөн жакшы. Себеби, ал денеде сүйүнүчтүн жана ырахаттын гормону болгон эндорфиндин жакшы бөлүнүп чыгышын шарттайт. А бул болсо өз учурунда оор-жеңилди бирдей көтөрүүгө, бушайман болбоого жана токтоолукка, сабырдуулукка негиз болот. Ошондой эле болгар калемпири баштын чыдаткыс болуп турган оорусун басаңдатат.

[ANGEL_]

Төө буурчак.
Нерв системасына жагымдуу таасир эткен азыктардын катарына төө буурчак да кирет. Төө буурчакта адамдын организминин нормалдуу иштеши үчүн керек бардык минералдар болгондуктан, ал стрессти кубалайт, баш мээни сергитет жана булчуңдардын, муундардын титирешин токтотот. Өзгөчө эмоцияга алдырып, өзүңүздү жаман сезип турганда жашыл төө буурчак кошулган тамактарды, салаттарды жегениңиз таасирдүүрөөк болот.

[ANGEL_]

Кара шоколад.
Катуу стресске дуушар болуп, өзүн жаман сезген шартта адам күн сайын 40 граммдан кара шоколад жеп турса болот. Илимде мындай ыкма аркылуу анын стресс гормондору толук 2 жумада калыбына келери тастыкталган. Так айтканда, бул маалда шоколаддын курамындагы какао жүрөк-кан тамыр тутумунун иштешин жакшыртып, булчуңдардагы глюкозанын нормалдуу иштелип турушуна шарт түзөт экен. Бул болсо албетте, адамдын психологиялык абалына оң таасирин тийгизет.

[ANGEL_]

Сабиз.
Кыргычтан өткөрүлгөн бир сабизге бир аз бал кошуп алып жесе, ал адамды тынчсызданып турган абалдан тезирээк чыгарат. Бул анын курамында бор, йод сыяктуу микроэлементтердин жана табигый шекердин көптүгү менен түшүндүрүлөт. Бирок, колдон келишинче буга сабиздин көлөмдүүсүн колдонгон жакшы, себеби, анда шире жана каротин көбүрөөк болот. Стресстин алдын алуу максатында курагы 30 жаштан өтүп калгандар күн ара 200 г үй шартында сыгылган сабиз ширесин да колдонушу керек.

[ANGEL_]

Семичке.
Семичкенин курамындагы В витамини адамдын нерв системасын бекемдөөгө жөндөмдүү. Андыктан, чөгүп турганда, стресске кабылганда, депрессияга туш болгондо куурулган семичке чагууну адатка айлантып алган жакшы. Аны менен алаксуу аркылуу кантип сабырдуулукка, туруктуулукка алдырып койгонуңузду сезбей каласыз. Ошон үчүн илимпоздор семичкени мыкты антидепрессантка теңеп коюшкан.

[mili84]

ANGEL_ (06 Февраль 2014 - 22:21) жазган:

Семичке.
Семичкенин курамындагы В витамини адамдын нерв системасын бекемдөөгө жөндөмдүү. Андыктан, чөгүп турганда, стресске кабылганда, депрессияга туш болгондо куурулган семичке чагууну адатка айлантып алган жакшы. Аны менен алаксуу аркылуу кантип сабырдуулукка, туруктуулукка алдырып койгонуңузду сезбей каласыз. Ошон үчүн илимпоздор семичкени мыкты антидепрессантка теңеп коюшкан.

Азаматсыз чон рахмат, чын эле тамеки менен арак ичкиче семичке сонун жол го. Сормо конфеттер да жакшы деп уктум эле.

[kanat4ik]

ANGEL_ (06 Февраль 2014 - 22:16) жазган:

Кара шоколад.
Катуу стресске дуушар болуп, өзүн жаман сезген шартта адам күн сайын 40 граммдан кара шоколад жеп турса болот. Илимде мындай ыкма аркылуу анын стресс гормондору толук 2 жумада калыбына келери тастыкталган. Так айтканда, бул маалда шоколаддын курамындагы какао жүрөк-кан тамыр тутумунун иштешин жакшыртып, булчуңдардагы глюкозанын нормалдуу иштелип турушуна шарт түзөт экен. Бул болсо албетте, адамдын психологиялык абалына оң таасирин тийгизет.

Шоколад кайрадан стрессти козгойт деп уккан болчум.

[Vazir]

Ангел менен Канат силерге рахмат форумду кызытып жакшы нукура маалыматар менен болушуп жатканынарга. !

Билдирүүнү түзөткөн: Vazir: 10 Февраль 2014 - 22:24

[Ylykbek1990]

Жакшы кенештер жазылыптыр.

[momuntay]

kanat4ik (05 Ноябрь 2013 - 08:34) жазган:

Жалгыздыкты самоо жакшы эмес Бул дартка чалдыккандар болбогон нерсеге тынчсызданып, абдан кабатыр болушат, көңүлү суз тартат. Өзүнө болгон ишеним жоголуп, өзүн өзгөлөрдөн төмөн коюп, чукул жинденип, эч ким менен сүйлөшкүсү келбей калат. Энергиясы аз болот. Бат-баттан чарчап, ызы-чууну сүйбөй калат. Жалгыздыкты самайт. Түнкүсүн уйкусуздук менен жабыр тартат же тескерисинче уйку басат. Дайыма башы ооруйт, өзүн алсыз сезет, жөнү жок ыйлагысы келет, бирөөгө бат таарынат. Булчуңдардын, муундардын какшап оорушу стресске алып келет. Бир канча жаңы өнөкөт ооруларга туш болуу жана мурдагы ооруларды андан да өтүштүрүп жиберүү. Демек, мындай болбош үчүн өз убагында чара көрүп, иммунитетти көтөргөнгө аракет кылышыңыз абзел.

Чын. Азыркы тапта мен ушул абалдамын ал эле эмес эки ай аралыгында 4 кг салмак когуоуп кетти. Кантип арылат дешсе кобуле сейилде, музыка ук, аны кыл муну кыл аны же муну же дешет. А мен деген эч нерсе кылгым келбей калат. Музыка кино кочодогу адамдар мени кыжырдантып а кан учуру. Просто сама собой болуп калат. Угу тапта мен н жиниме эч ким тие корбосун деп отурам......

[Feijipiao]

Стресс- адамдын эмоционалдык жактан озгоруусу.Стресске кабылган адам озу жашап турган чойродон алыстап,айланасындагы адамдарга жакындабай калат.Мындай абалда адамдын тынчы кетип,уйкусу бузула баштайт.Адамда кандайдыр бир коркунуч пайда болуп,ички туюмунда мурда болуп корбогондой сезимдер туюла баштайт.Айланасында болуп жаткан корунуштор ага эч кандай таасир этпестен,тескерисинче дайымкы корунуштордон алыстагысы келет.Копчулук учурда тун бир убакта ойгонуп алып,кайра уктай албай кыйналат.Ошол эле учурда тамакка табити тартпастан, бардык нерсеге болгон кызыгуусу жоголот.Кандайдыр бир нерсеге абдан конулу чогуп,озун таштап койгон учурда стресске кабылган адамдан эн биринчи томонку белгилерди байкаганга болот:
-Жанындагы адамдар менен суйлошпой калат
-Оз алдынча эле кандайдыр бир белгисиз нерселерден чочулай берет
-Мурунку калыбынан таптакыр башкача болуп,келбети да озгорулуп калат.
-Жашоо образы бузулат
-Уйкусуздук пайда болот
-Ой жугуртуусу начарлайт
-Жумушка жондомдуулугу азайып,эч нерсеге кызыкпай калат
-Кандайдыр бир алсыздык пайда болуп,бат чарчайт.
Адам стресске кандайча кабылып калганын озу дагы сезбей калат.Кандайдыр бир маселени коп убакытка чейин ойлонуп журо берет,ичиндеги сырды сыртка чыгарбайт,натыйжада узак убакыт ойлонуудан улам адам стресске чалдыгуу менен,иштеги жондомдуулугун азайтат.Белгилей кетуучу нерсе,стресс бир кундун ичинде эле,тез убакытта эле башталбайт. Канчалаган убакыттар бою адамдын чечилбеген маселеси,тынч албаган ички туюму стресске себепкер болот.Эгерде адамда кандайдыр бир тынчсыздануу, акырындык менен кыжырдануу пайда боло баштаса,ал адам стресске чалдыкпаш учун ошол чойродон алыстап,жаны чойрого дароо аралашып кетуу мындай дартка чалдыкпай калууга мумкунчулугу бар.Кандайдыр бир алыска сапар тартып келуу дагы жакшы жардам берет.Ошол учурда микроклиматты алмаштыруу зарыл.Андан сырткары созсуз турдо кимдир бироолор менен пикир алышып,ачылып суйлошуу керек.Ошондой эле кандайдыр бир жумуш менен алектенуу стресске чалдыккан адамды акырындык менен айыктырат.