[Damira_Arstanova]

КРнын жарандыгын алуу үчүн кандай документтер керек?

[Kubanych_Sydykov]

Damira_Arstanova (16 Октябрь 2012 - 09:37) жазган:

КРнын жарандыгын алуу үчүн кандай документтер керек?

Керектүү документтер жана төлөмдөр:

1. Туулгандыгы тууралуу күбөлүк (түп нускасы жана ксерокөчүрмөсү).
2. Ата-энесинин паспорттору (түп нускасы жана ксерокөчүрмөсү).
3. Аскердик билет (1-26-беттердин көчүрмөсү) же аскердик каттоого коюу жөнүндө күбөлүк (1-2-беттердин көчүрмөсү) жана түп нускасы.
4. Жашаган жеринен маалым кат.
5. №1-форма карточкасы (бул жергиликтүү паспорттук столдон берилет).
6. Сүрөт 4 даана (4Х6 көлөмүндө, түстүү, ачык фондо, баш кийимсиз жана көз айнексиз).
7. Социалдык коргоо күбөлүгү.
8. Салыктарды төлөгөндүгү тууралуу дүмүрчөк (паспортту жасоого 1,18 евро (72 сом), арыз бланкына 0,43 евро (26 сом) жана мамлекеттик төлөм 30 сом. Бул төлөмдөр банкка же паспорттук столдун ичиндеги кассага төлөнөт).

Жогоруда көрсөтүлгөн документтер жана төлөмдөрдөн сырткары төмөнкүлөр керек:
1. Алмаштырылуучу паспорт (мурда колдонуп жүргөн башка мамлекеттин паспортунун түп нускасы жана ксерокөчүрмөсү).
2. Нике тууралуу күбөлүк (түп нускасы жана ксерокөчүрмөсү, эгер никеси жок болсо, талап кылынбайт).
3. КРнын Президентинин жарандыкты кабыл алуу буйругунун көчүрмөсү (жергиликтүү паспорттук столдон алынат).

Паспорттук столдун иш тартиби:
Дүйшөмбүдөн жумага чейин саат 09:00дөн 17:00гө чейин.
Кээ бир аймактарда шаршемби күнү саат 12:00гө чейин гана иштейт.
Түшкү тамактануу – саат 12:00дөн 13:00гө чейин.
Ишемби жана жекшемби – дем алыш.

Эскертүү! Паспортко төлөнүүчү төлөмдөр КРнын Улуттук банкынын еврого болгон курсу менен эсептелинет (10-октябрга карата 1евро=60.88 сом).
Жогорудагы маалымдамалар КРнын Мамлекеттик каттоо кызматынан алынды.

[Sumayya]

Туркиянын жарандары Кыргызстандын жарандыгын алса болобу? Кандай учурларда мумкун?

[admin_superstan]

Sumayya (15 Февраль 2013 - 15:41) жазган:

Туркиянын жарандары Кыргызстандын жарандыгын алса болобу? Кандай учурларда мумкун?

Суроого КР Өкмөтүнө караштуу Мамлекеттик каттоо кызматынын басма сөз катчысы Анарбек Абазбеков жооп берди:
Кыргыз Республикасынын жарандыгын каалаган ар бир башка өлкөнүн жараны,же жарандыгы жок адам, ошонун ичинде Туркиялык жарандар “Кыргыз Республикасынынжарандыгы жөнүндө”мыйзамдын жана Эл аларык келишимдердин негизинде Кыргыз Республикасынын жарандыгын жалпы тартипте жана эгерде ал этникалык кыргыз болсожөнөкөйлөтүлгөн тартипте ала алат.

[vangolu]

Озбекстандын жараны Кыргыз Республикасында никеге туруп жана кыргыз жараны боло алабы.Жана фамилиясын которо алабы

[admin_superstan]

vangolu (10 Октябрь 2013 - 11:19) жазган:

Озбекстандын жараны Кыргыз Республикасында никеге туруп жана кыргыз жараны боло алабы.Жана фамилиясын которо алабы

Суроого КР Өкмөтүнө караштуу Мамлекеттик каттоо кызматынын басма сөз катчысы Абдылдаева Рита жооп берди:

1. Кыргыз РеспубликасынынПрезидентинин 2013-жылдын 10-августундагы №174- Жарлыгы менен бекитилген “Кыргыз Республикасынын жарандыкмаселелерин кароонун тартиби жөнүндөгү” Жобого ылайык Кыргыз Республикасына туруктуужашоого келген чет өлкөнүн жараны болгон же жарандыгы жок аялдар Кыргыз Республикасынын жараны менен никеге турса Кыргыз Республикасынынжарандыгына жөнөкөйлөтүлгөн тартипте кабыл алынат. Алар жашаган жери боюнчапаспорт- виза жана каттоо иштери боюнча бөлүмгө төмөндөгү документтердитапшыруусу зарыл:

- Кыргыз Республикасынын жарандыгына кабыл алуу тууралууанкета- арыз эки нускада;

- Арыз ээсинин ким экендигин тастыктаган документтердин(паспорт, жарандыгы жоктор үчүн туруктуу жашап турууга уруксаат) түп нускасы жанакөчүрмөсү;

- Кыргыз Республикасынын жараны менен никегетургандыгы тууралуу күбөлүк;

- Кыргыз Республикасы менен чектешкенмамлекеттердин (Казахстан Республикасы, Тажикстан Республикасы, ӨзбекстанРеспубликасы, Кытай Эл Республикасы) жарандары үчүн мурдагы жарандыгынан баштартуу тууралуу жеке фрызы;

- Ак фондогу 4Х6 өлчөмүндөгү эки түстүү сүрөт;

- Кыргыз Республикасынын аймагында жашагандыгын тастыктоочу( туруктуу жашап турууга уруксаат, катталгандыгы тууралуу белги, айылөкмөтүнөн же жашаган жеринен аныктама) документ.

2. Кыргыз Республикасынын Жарлыгыменен Кыргыз Республикасынын жарандыгына кабыл алуу тууралуу өтүнүчүңүз канааттандырылганданкийин Сиз никелешүү тууралуу күбөлүктүн негизинде фамилияңызды жубайыңыздынфамилиясына которо аласыз.

[kilim]

мен кыргызмын тажикстандык .бирок ошто окугам 6 жыл .азыр кр гражданын алайын деп журом тез аранын ичинде кандай жолдору бар жана кандай кылсам тез арада мисалы (канча айда ала алам)??

[nasesha28]

Бир жылдан бери документтерин тапшырып алалбай жургон тажикстандык кыргызды билем,паспорт алып берем деп18000рубль алган кишиге кандай чара корсо болот.Ар шылтоону айтат.