[Muslimka_Muslimka]

Усама ибн Зайд (радиаллаху анху) бир күнү Пайгамбардан (салляллаху алейхи уа саллям) сурайт: “Оо, Аллахтын Элчиси, сизди шаабанда орозо туткандай башка айларда көрбөдүм”. Ал жооп берди: «Адамдар бул айды ражаб менен рамазандын ортосунда унутуп калышат. Бул айда амалдар ааламдардын Раббисине көтөрүлөт. Мен каалайт элем амалдарым көтөрүлүп жатканда орозодо болуумду».( ан-Насаи 2357. Хадис хасан)

[Muslimka_Muslimka]

Пайгамбар Мухаммад Мустафа саллалоху алейхи вассалам: «…дүйнөдөгү эң чоң жакшылык – туура жолдо жашаган аял» (Муслим, Ахмад) деген.

[Muslimka_Muslimka]

Пайгамбар саллалоху алейхи вассалам : «Күйөөсү төшөккө чакырса, аялы келбегенине кыжыры келген эркек ойгонгонго чейин - ал аялды периштелер каргашат» (Бухарий, Муслим) деген. Дагы бир хадисте пайгамбар саллалоху алейхи вассалам: «Күйөөсү чакырганда аялы дандырдын алдында болсо да келсин» (Тирмизи, Насаи) деген.

Билдирүүнү түзөткөн: Muslimka_Muslimka: 17 Июль 2014 - 02:07

[Muslimka_Muslimka]

Пайгамбар саллалоху алейхи вассалам: «Аял күйөөсүнүн уруксатысыз кошумча (нафил) орозо кармабасын жана анын үйүнө уруксатысыз бирөөлөрдү киргизбесин » (Бухарий, Муслим) деген.

[Muslimka_Muslimka]

пайгамбар саллалоху алейхи вассалам : «Эгер аялы күйөөсүнүн бузулбаган тамагынан садага берсе – аялына - бергендиги үчүн, күйөөсүнө - таап келгендиги үчүн сооп» (Бухарий)

[Muslimka_Muslimka]

Айша р.а.: «Мен пайгамбардын саллалоху алейхи вассалам: «Аялдын эринин үйүнөн башка жерде чечингени Аллахтын алдында шерменде болгону» дегенин уккамын» (Ахмад, Тирмизий, Абу Дауд )

[Muslimka_Muslimka]

Пайгамбар саллалоху алейхи вассалам : «Күйөөсүнүн дайым кылган жакшылыктарын унутуп, бир эле жолу өз каалоосундагы болбой калса - сен дайыма ушундайсың - деген аялдар бар»

[Muslimka_Muslimka]

Мухаммед Мустафанын (Ага Алланын салам салаваты болсун): «Силердин араңарда аялдарга жакшы мамиле жасагандар - асыл адамдар» (Тирмизий) дегени далил. Асыл адамдар деп өз аялына жумшак жана татыктуу мүнөздө мамиле жасагандарды айтат.

[Muslimka_Muslimka]

Пайгамбар (Ага Алланын салам салаваты болсун) өз кезегинде: «Аялыңарды аңдыганга окшоп каласыңар» деп сапардагы эркектерди үйүнө түнү кайтуусуна тыйуу салган

[Muslimka_Muslimka]

Пайгамбар (Ага Алланын салам салаваты болсун).: «Аллахтан сыйлык үмүт кылып аялына каражатынан жумшаган эркекке садага кылгандай эсептелет» (Бухарий, Муслим)

[Muslimka_Muslimka]

Пайгамбар (Ага Алланын салам салаваты болсун) : «Чындыгында Аллах үчүн эмнени сарптасаң, аялыңдын оозуна бир чайнам тамак салган болсоң да ошого жараша сыйлык аласың» (Муслим)

[Muslimka_Muslimka]

Муслим пайгамбардын(Ага Алланын салам салаваты болсун) : «Адам сарптаган динарлардын эң сонуну – өз балдарына сарптаганы» деп айтканын бир хадисте келтирет.

[Asan-aka]

Муслимка алла раазы болсун сизден.
Эме суроолордон да жаза кетсениз

[Muslimka_Muslimka]

Asan-aka (17 Июль 2014 - 12:36) жазган:

Муслимка алла раазы болсун сизден.
Эме суроолордон да жаза кетсениз

Аминь сизден жана жалпы момун мусулмандардан Аллах ыраазы болсун! Кандай суроолордон?

[Asan-aka]

Сурөөлөрдөн дейин деген элем

[Muslimka_Muslimka]

АМАЛДЫН БААЛУУЛУГУ НИЕТТИН ТҮЗДҮГҮНѲН.
(ырайымдуу боорукер Алланын аты менен баштаймын)
Момундардын (мусулмандардын) өкүмдары Абу Хафса Умар ибн аль Хаттаб (радиАллаху анху) нун айтымында:
Бир жолу Алланын Элчиси (азирети Мухаммад алайхис салам) мындай дегенин уктум:
«Бардык иш - аракеттер адамдын ниетинен болот жана ар кимге ниетине жараша берилет. Ошондуктан кимдин хижраты Алла жана анын Элчиси үчүн болсо ал адам Алла жана анын Элчиси үчүн хижрат кылды (деп эсептелинет). Ал эми ким бул дүйнѳнүн пайдасы үчүн же үйлөнүү үчүн хижрат кылса ал хижрат эмне үчүн болгон болсо ошол үчүн болду (деп эсептелинет)».

[Muslimka_Muslimka]

ХАДИС ЫЙМАН, ИСЛАМ, ИХСАН ТУУРАЛУУ БАЯН
Ошол эле Умар (радиАллаху анху) нун айтымында: Бир жолу биз Алланын Элчисинин жанында олтурсак жаныбызга адаттан тыш аппак кийимчен жана адаттан тыш кап- кара чачтуу бир адам пайда болду, бул адамда алыс жол басып чарчап чалыгуунун эч бир белгиси жок эле. Бирок бул адам биздин эч кимибизге тааныш да эмес болучу. Ал Мухаммад алейхис саламдын жанына тизе тийиштире олтурду да алаканын анын санынын (тизесинин) үстүнө коюп: «О, Мухаммад мага Ислам тууралуу айтып берчи!»- деди.
Алланын Элчиси айтты:
«Ислам, бул - бир Алладан (Кудайдан) башка кудай жок жана Мухаммад - Алланын Элчиси экендигине күбө болуу (бекемдөө), (Бир күндө беш маал) намаз окуу, (балагатка жеткендер Рамазан айында бир ай) орозо тутуу, (турмушу начар, бей-бечара, жакырлага ыктыярдуу жардам катары) зекет берүү жана (Меккедеги ыйык) Үйгө (Кабатуллага) зыйарат кылуу».
«Сен туура айттың»- деди тиги киши, Анын суроо берип жана өзү кайра ага (Алланын Элчисинин жообуна): туура- деп айтып жатканына таңгалып олтурдук.
Алиги киши: «Эми мага Ыйман жөнүндө айтып берчи»- деди.
Алланын Элчиси айтты:
«Ыйман бул- Алланын барлыгына, Анын Периштелерине, Анын Китептерине, Анын Пайгамбарларына, Кыямат Күнүнө ишенүү жана Алланын алдын ала белгилеп койгон жакшы-жаман тагдырына ишенүү».
«Сен туура айттың»- деди тиги киши.
Ал дагы сурады: «Мага Ихсан тууралуу айтып берчи». (Мухаммад алейхис салам):
«Ихсан бул - Алла Тааланы көзүң менен көрүп тургандай сыйынып кулдук уруу. Анткени Алланы сен көрбөсөң да Ал сени көрүп турат»- деди.
«Эми мага Кыямат тууралуу айтып берчи»- деди тиги киши.
«Бул тууралуу, суралып жаткан (Алланын Элчиси) сурап жаткандан артык билбейт» -деди Алланын Элчиси.
Тиги киши дагы: «Эми мага анын (Кыямат Күнүнүн) алдын -ала болуучу белгилери жѳнүндѳ айтчы»-деди.
Алланын Элчиси айтты:
«Аялдан анын кожоюну туулушун жана бийик-бийик имарат үйлөрдү куруу боюнча мелдешип жан талашкан жылаң аяк, жылаңач, томаяк (жакыр) малчыларды көрөсүң».
Ушундан кийин баягы киши кетип, мен бир азга унчукпай туруп калдым. Ошондо Алланын Элчиси:
«Э Умар, (суроолор) сураган бул ким экенин билесиңби?-деди. Мен: «Аны Алла жана Анын Элчиси баарынан жакшы билет»- дедим.
«Бул силерге өз диниңерди үйрөтүү үчүн келген Жабрийл (периште)»-деди Алланын Элчиси. (Муслимден келтирилген).

[Muslimka_Muslimka]

Умар ибн аль Хаттабдын уулу Абу Абд ар-Рахман Абдилланын (ал экөөнө тең Алланын ыраазылыгы болсун) айтымында: Мен Алланын Элчисинин (мындай деп) айтканын уктум:
«Ислам беш нерсеге негизделген: (Алар): Алладан башка кудай жок жана Мухаммад (алайхис салам) Алланын Расулу (Элчиси) деп күбөлүк берүү, (Аллага сыйынып күндө беш убакыт) намаз окуу, (белгилүү өлчөмдө байлыкка жетсе) зекет берүү, (Алланын ыйык) үйүнө (Кабатуллага) зыяратка баруу (ажыга баруу) жана Рамазан айында (балагатка жеткен ар бир мусулман аял- эркек бир ай) орозо тутуу».
(Бухари жана Муслимдер тарабынан келтирилген).

[Muslimka_Muslimka]

Абу Абд ар Рахман Абдулла ибн Масуддун (А.Ы.Б.) айтымында: «Биз анык ишенген Алланын Элчиси мындай деп айтып берген:
«Акыйкатта силердин ар бириңердин жаралууңар энеңердин курсагында өтөт: 40 күн урук түрүндө 40 күн уюган кан түрүндө, анан дагы 40 күн бир үзүм эт түрүндѳ болот. Анан ага периште жиберилип жан салат жана ага 4 сөздү жазууга буйрук кылынат. Ал жазуу төмөнкү төртөө: Анын ырыскы-насиби, анын ажалынын мөөнөтү, анын амалы(иш- аракеттери) жана касам ичип айтамын: Силердин кай бирөөңөр Бейишке кирүүчүлөрдүкүндөй иштерди кылып жүрүп анан ага (Бейишке) кирерине бир кадам орун калганда Анын (Алланын) жазмышы өткүрлүк кылат да ал тозокулардын кылчу иштерин кыла баштап акыры Тозокко барып түшөт. А кээде болсо, кай бирөөнүн кылган иши тозокулардыкындай болуп тозокко кол жеткидей жакын калганда Алланын жазуусу өткүрлүк кылып ал адамдын амалы (иш-аракети) өзгөрүлүп бейишилердикиндей жакшы иштерди кыла баштайт да акыры бейишке чыгат».
(Бухари жана Муслимден).

[Muslimka_Muslimka]

Момундардын энеси Айша (ради Аллаху анха) нын айтымында: «Алланын Элчиси мындай деди:
«Кимдир бирөө биздин ишибизге жаңылык кийрем десе ал (артка) кайтарылган (четке кагылган)».
«Биздин ишибизге шайкеш келбеген иш жасоочулар бизден куулуп ташталат».
(Муслимден