[Muslimka_Muslimka]

Пайгамбарыбыз саллаллаху алейхи ва салламдын мындай дегени риваят этилет:
"Ар бир адам катачылык кетирет. Катачылык кетиргендердин эң жакшысы-тообо кылгандар."
Тирмизи. Кыяма 49

[azamat1992kg]

Мухаммад (САВ)дын хадистеринен:
“Ырыскысынын көбөйүүсү, өмүрүнүн узун болуусун каалаган киши туугандарынан алакасын үзбөсүн”.

"Кимде- ким өмүрү узун жана ырыскысы кенен болуусун кааласа, ата-энесине кызмат кылсын жана бир-туугандары менен байланышсын! "

"Сообуна эң тез жете турган кайырдуу иштер, жакшылык кылуу жана тууган-уруктар менен карым-катнашта болуу. Жазасы эң тез келе турган жамандыктар, чектен чыгуу жана тууган-уруктар менен болгон карым-катнашты үзүү”.

«Мусулман бир туугандын үч күндөн ашык таарынышы адал болбойт"

[Muslimka_Muslimka]

Абу Саид Худрий (Аллах андан ыразы болсун!) мындай риваят кылат: "Биз Масихуд-Дажжалды эскерип олтурсак, бизге Аллахтын элчиси чыгып келди дагы "Уккула, мен силерге Масихуд-Дажжалдан дагы коркунучтуу нерсе жөнүндө айтайынбы?" деди. Биз: "Ооба, эй, Аллахтын элчиси" дедик. Ошондо ал: "(Дажжалдан да коркунучтуу нерсе - бул) жашыруун ширк. Б.а. бир адам туруп, намаз окуйт. Намазын адамдар карап турганы себептүү (жасалма түрдө) кооздоп окуйт" деди.

[Muslimka_Muslimka]

Абу Хурайра: (Аллах андан ыраазы болсун)

- «Аллахтын элчиси үйдө да сапарда да айдын ак күндөрү орозо камайт эле» - деп айткан. (Айдын он үчү, он төртү, он беши).

Абу Катада (Аллах андан ыраазы болсун) риваят кылган хадисте, Пайгамбарыбыз: (Ага Аллахтын салам-салаваты болсун)

- « Арафа күнүндөгү орозо, андан алдыңкы жана андан кийинки жылдын күнөөлөрүнө каффарат, ал эми Ашура күнүндөгү орозо өзүнөн кийинки жылдагы күнөөлөргө каффарат болот деп үмүт кыламын» - деген.

[Muslimka_Muslimka]

Абу Аюб (Аллах андан ыраазы болсун) риваят кылган хадисте, Аллахтын элчиси: (Ага Аллахтын салам-салаваты болсун)

-«Ким Рамазандын орозосун кармап жана анын артынан Шаввалдан алты күн орозо кармаса, жыл бою орозо кармаган болот» - деп айткан.

[Muslimka_Muslimka]

Сахл бин Саьд (Аллах андан ыраазы болсун) айтат: Пайгамбарыбыз (Ага Аллахтын салам-салаваты болсун) сөөмөй жана ортонку манжасын көрсөтүп: "Мени менен Кыяматтын аралыгы ушунчалык" - деп айтып жатканын уктум. (Имам Бухарий, Имам Муслим).

[CauseLove]

Абу Хурайра (разияллооху анху)
дан риваят: «Пайгамбар
(саллаллооху алайхи ва саллам)
айтты: «Ыймандын жетимиштен
ашык шагы бар. Алардын эң улуусу
- «Лаа илааха иллаллох» сөзү, эң
кичинекейи - жолдогу ыза берүүчү
нерсени алып коюу, жана уялуу да
ыймандын (керектүү) бир шагы».
(Муслим).

Түшүндүрмө: Уялуунун акыйкаты -
инсанды ката иштен тосуусунда
жана укуктуу кишинин укугуна
кыянат кылуудан тосууда жатат.

[CauseLove]

2)Абу Бакр (разияллооху анху) дан
риваят: «Пайгамбар (саллаллооху
алайхи ва саллам) айтты: «Менин
тууганыма (Абу Толиб) (өлөөр
алдында) бул келмени сунуш
кылганмын. Ким ушул келмени
кабыл кылса, ал анын кутулуусуна
себеп болот». (Ахмаддын
«Муснады»)

3)Абу Хурайра (разияллооху анху)
дан риваят: «Пайгамбар
(саллаллооху алайхи ва саллам)
айтты:«Силер ыйманыңарды
тазалай жүргүлө». Бирөөлөр: «Оо,
Аллахтын Элчиси, ыйманыбызды
кандай (жол менен) тазалайбыз? » -
деп сурашты. Пайгамбар
(саллаллооху алайхи ва саллам) :
«Лаа илааха иллаллох» ту көп
айткыла» - деп жооп берди».
(Ахмаддын «Муснады»).

[CauseLove]

4)Жаабир (разияллооху анху)
айтат: «Мен Пайгамбар
(саллаллооху алайхи ва саллам)
дын: «Зикирлердин эң абзели -
«Лаа илаха иллаллох» келимеси,
дубалардын эң абзели «Алхамду
лиллах» деп, айтканын укканмын».
(Тирмизи).
Пайдасы: «Лаа илаха иллаллох» тун
улуулугунун себеби: бүткүл дин
ушул келимеге топтолгон. Ал
болбосо ыйман да дурус болбойт
жана ансыз эч ким мусулман да
боло албайт. «Алхамду лиллахтын»
улуулугунун себеби: Берешенди
мактоо Анын ъзүнөн гана суроону
туйунтат. Аллах Таалага дуба кылуу
- Андан гана суроонун бир
аталуусу. («Музахир Хак»).

[CauseLove]

5)Абу Хурайра (разияллооху анху)
дан риваят: «Пайгамбар
(саллаллооху алайхи ва саллам)
айтты: «Ким чын жүрөктөн «Лаа
илааха иллаллох» ту айтса, ага
сөзсүз асман (дардын) эшиктери
ачылат да, бул келме «Аршка»
жетет. (Башкача айтканда анын
дубасы тезинен кабыл болот).
Эгерде келме айтуучу чоң
күнөөлөрдөн сактанган болсо.
(Тирмизи).
Түшүндүрмө: Чын жүрөктөн айтса
дегендин мааниси - айтуунун
максаты эл уксун же эки жүздүүлүк
үчүн болбогон болсо. Чоң күнөөдөн
сактанууну шарт кылганынын
себеби - дуба тез кабыл болсун
үчүн. Эгерде чоң күнөөлүү адам
айткан болсо деле, ошондо да, ал
пайда-сооптон кур калбайт.
(«Мишкат»),

[CauseLove]

]6)Я‘ла бин Шаддад (разияллооху
анху) айтат: «Мага атам хадис
айтканда Убада бин Самит
(разияллооху анху) дагы бар болчу
(жана) ал анын сөзүн тастыктаган
эле. Ал айтат биз: «Пайгамбар
(саллаллооху алайхи ва саллам)
дын алдында турганда Пайгамбар
(саллаллооху алайхи ва саллам) :
«Колуңарды көтөрүп «Лаа илаха
иллаллох» деп айткыла» - деди.
Бир аз убакытка биз колубузду
көтөрүп, (келмени айттык). Анан
Пайгамбар (саллаллооху алайхи ва
саллам) колун түшүрүп «Алхамду
лиллах» - деп «Оо, Аллах! Сен мага
бул келмени түшүргөнсүң, бул
келмени (жеткизүүнү) өкүм
кылгансың жана бул келмеге
бейишти убада кылгансың. Сен
убадага каршы чыкпайсың» - деп
андан кийин
айтты:Сүйүнбөйсүңөрбү! Себеби
Аллах силердин күнөөңөрдү
кечирди». (Ахмаддын «Муснады»,
Табарони, Баззар, «Мажма'у
завааид»)

[CauseLove]

7)Абу Зар (разияллооху анху) дан
риваят: «Пайгамбар (саллаллооху
алайхи ва саллам) айтты: «Кимде-
ким «Лаа илааха иллаллох» деп
айтып өлсө, сөзсүз бейишке кирет.
Мен айттым: «Ал киши зына,
уурулук кылган болсо дагыбы?»
Пайгамбар (саллаллооху алайхи ва
саллам) айтты: «Зына, уурулук
кылса да. Мен (дагы) айттым:
«Зына, уурулук кылган болсо
дагыбы?» Пайгамбар (саллаллооху
алайхи ва саллам) айтты: «Зына,
уурулук кылса да». Мен (кайра
дагы) айттым: «Зына, уурулук
кылган болсо дагыбы?» Пайгамбар
(саллаллооху алайхи ва саллам)
айтты: «Зына, уурулук кылса да» -
деп, сөзүн улап, «Абу Зардын
мурду топурак болсо дагы ал киши
сөзсүз бейишке кирет» - деди.
(Бухари).
Түшүндүрмө: Арап сүйлөмүндө
«мурду топурак болсо» деген сөз
өзгөчө бир маанини билдирет.
Анын мааниси: эгерде ушул иш
силерге жакпаса да жана силер
ушул ишти каалабасаңар да
ушундай боло берет дегенди
туюнтат. Абу Зар (разияллооху
анху) нун таң калуусу мындай:
«Ушундай чоң-чоң күнөө кылган
киши бейишке кантип эле кирсин,
адилеттик боюнча мындайларга
жаза болуусу керек эле».
Ошондуктан Пайгамбар
(саллаллооху алайхи ва саллам)
анын таң калуусун четке кагып Абу
Зар канчалык каалабасын ал киши
сөзсүз бейишке кирет деп айтты.
Эгерде ал киши күнөө кылганболсо
дагыыймандынсебебинен тообо-
кечирим сурап күнөөдөн тазаланат
же Аллах Та'ала Өзүнүн улуулугу
менен жазасыз ал кишини кечирет
же күнөөсүнө жараша жаза
бергенден кийин сөзсүз бейишке
кирет. Аалымдар айтышат: Бул
хадистеги «Лаа илааха иллаллох»
келмесин айтуунун максаты -
динге жана Аллахтын бирдигине
толук ыйман келтирүү жана аны
тандоо (Ма'ариф хадис)

[CauseLove]

8)Хузайфа (разияллооху анху) дан
риваят: «Пайгамбар
(саллаллоохуалайхи
васаллам)айтты: Кийимдин
оймолорунун кооздугу эскирип,
өчүп калган сыяктуу, Исламда да
ушундай бир убакыт келет. Элдер
орозо, садака берүү, ажылык кылуу
эмне экендигин да билбей калышат
жана бир түн келет Куран
жүрөктөрдөн көтүрүлүп, жерде бир
дагы
аяты калбай калат. Бир гана
картайган абышкалар же
кемпирлер минтип айтышат: «Биз
өзүбүздөн улуулардан ушул «Лаа
илааха иллаллох» ту айтканын
уккан элек, ошондуктан биз дагы
ушуну аитып жүрөбүз».
Хузайфа (разияллооху анху) дан
шакирти Сила: «Алар орозо, садака
жана ажылыкты да билишпесе,
аларга бул келме кантип пайда
берет?» - деп сурады. Хузайфа
(разияллооху анху) жооп бербеди.
Сила суроосун үч жолу
кайталаганда Хузайфа
(разияллооху анху) ал суроодон
жүз буруп, анан жүзүн буруп, ага
кайрылып минтип айтты: «Ушул
келме аларды тозоктон сактайт».
(Хакимдин «Мустадрагы»)

[CauseLove]

9)Абу Хурайра (разияллооху анху)
дан риваят: «Пайгамбар
(саллаллооху алайхи ва саллам)
айтты: «Ким «Лаа илааха иллаллох»
ту аитса күндөрдөн бир күнүндө
сөзсүз пайда берет (кутулат).
Андан мурда бир аз жаза тарткан
болсо да». (Баззар, «Табарони,
Таргиб»),

[CauseLove]

10) Абдуллох ибн Умар
(разияллооху анху) дан риваят:
«Пайгамбар (саллаллооху алайхи ва
саллам): «Мен силерге
«Нух» (алайхис салам) уулуна
кандай осуят айтканын айтып
берейинби? - деди эле, сахабалар
айтышты: «Ооба». Пайгамбар
(саллаллооху алайхи ва саллам)
мындай деди: «Нух (алайхис
салам) уулуна (мындай) осуят
кылган: «Оо, уулум, мен сага эки
нерсени кылууңа осуят кыламын
жана эки нерседен тосомун:
Биринчиси - «Лаа илааха иллаллох»
сөзүнү осуят кылам, себеби бул
келме таразанын бир жагына
койулса, экинчи жагына бардык
асмандар жана жерлер койулса,
бул келме аларды басып кетет,
(б.а. алардан оорлук кылат,)
Экинчиси - «Субхааналлохил ‘азиим
ва бихаамдихи» келмесин окуу,
себеби бул бардык макулуктардын
ибадаты. Ушунун берекетинен
бардык макулуктарга ырыскы
берилет. Мен сени эки иштен
тосомун «ширк» (Аллахка шерик
кошуу) жана текеберчиликтен,
себеби бул экөөсү Аллахтан
алыстатат». (Баззар, «Мажмау
завааид»),

[CauseLove]

11) Талха бин Убайда (разияллооху
анху) дан риваят: «Пайгамбар
(саллаллооху алайхи ва саллам)
минтип айткан: «Мен бир келмени
билем, ким ушул келмени өлөөр
алдында айтса, анын жаны
денесинен чыкканча рахат табат.
(Бул келме) кыямат Күнү ага нур
болот. (Абу Я'лаа, «Мажа'у
завааид»),

[CauseLove]

12) Анас (разияллооху анху) дан
риваят:«Пайгамбар (саллаллооху
алайхи ва саллам) айтты:
«Жүрөгүндө арпанын
салмагынчалык жакшылык (ыйман)
болуп, «Лаа илааха иллаллох» ту
айткан пенде тозоктон чыгат.
Андан кийин жүрөгүндө буудайдын
салмагынчалык жакшылык (ыйман)
болуп, «Лаа илааха иллаллох» ту
айткан пенде тозоктон чыгат.
Андан кийин жүрөгүндө зарра
(чаң) чалык жакшылык болуп, «Лаа
илааха иллаллох» ту айткан пенде
тозоктон чыгат». (Бухари).

[CauseLove]

13) Микдад бин Асвад
(разияллооху анху) айтат:
«Пайгамбар (саллаллооху алайхи ва
саллам) дын: «Жер бетиндеги ар
бир (шаарга, айылга), чөлдөгү үйгө
же чатыр үйгө Аллах Таала Ислам
келмесин киргизет. Ишенгенди
(ыйман келтиргенди) сыйлап
кирип, өзүнүкү кылат, ишенбегенди
кордоп кирип, (мусулмандын кол
астына салат)» - деп айтып
жатканын уктум». (Ахмаддын
«Муснады»).

[CauseLove]

14) Ибн Шимаса Махри
(рахматуялоохи алайхи) ден
риваят: «‘Амр бин 'Ас (разияллооху
анху) өлүм төшөгүндө жатканда
биз анын алдында элек. Ал жүзүн
дубалга буруп алып көпкө чейин
ыйлады. Анын уулу: «Оо, атаке!
Сизге Пайгамбар (саллаллооху
алайхи ва саллам) сүйүнчүлүү
андай мындай кабарларды айткан
эмес беле... Сизге Пайгамбар
(саллаллооху алайхи ва саллам)
сүйүнчүлүү кабарларды айткан
эмес беле...? (Башкача айтканда,
сизге зор сүйүнүчтүү кабарларды
айткан эле го)» - деп айтып жатты.
Амр (разияллооху анху) бул сөздү
угуп дубалдан бурулуп айтты:
«Акырет - эң чоң даярдыгыбыз;
күбөлүк берүү - Аллахтан башка
сыйынууга татыктуу зат жок жана
Мухаммад (саллаллооху алайхи ва
саллам) Аллахтын элчиси», - деп
сөзүн улап: «Мен үч доорду басып
өттүм, анын бирөөсү мындай:
Пайгамбар (саллаллооху алайхи ва
саллам) ды мендей жаман көргөн
киши болгон эмес жана ал менин
колума түшсө өлтүрүп салсам
деген үмүтүм бар эле. Ушул менин
жашоомдун эң жаман доору
болгон. (Кудай сактасын) мен ошол
акыбалда өлгөнүмдө сөзсүз
тозокко түшөт элем. Ушундай
доордон кийин Аллах Таала менин
жүрөгүмө исламды салды. Мен
Пайгамбар (саллаллооху алайхи ва
саллам) дын алдына келип:
«Колуңузду бериңиз, келишим
кылайын», - дедим. Пайгамбар
(саллаллооху алайхи ва саллам)
колун (мага) сунду эле мен
колумду артка тарттым. Пайгамбар
(саллаллооху алайхи ва саллам)
айтты: «Сага эмне болду?». Мен
айттым: «Мен шерт кошойун»
Пайгамбар (саллаллооху алайхи ва
саллам) айтты: «Сен эмнени
шерттешесиң? ». Мен
айттым:«Менин күнөемдүн
кечирилүүсүн». Пайгамбар
(саллаллооху алайхи ва саллам)
айтты: «Ислам өзүнөн мурдагы
нерсени жок кылаарын, көчүү
(хижрат кылуу) өзүнен мурдагыны
жок кылаарын, ажылык өзүнөн
мурдагыны жокко чыгараарын
билбейсиңби? ». Мына ушул доор -
менин Пайгамбар (саллаллооху
алайхи ва саллам) ды мендей эч
ким сүйбөгөн жана аны менден да
аша улуу тутпаган доорум.
Пайгамбар (саллаллооху алайхи ва
саллам) дын улуулугунан мен ага
тике да карай алчу эмесмин.
Эгерде бирөө менден Пайгамбар
(саллаллооху алайхи ва саллам)
дын келбети жөнүндө сураса айтып
бере албайт элем. Себеби мен аны
толук карай албайт элем. Ошол
бойдон өлгенүмдө бейиштик
болуума үмүтүм болмок. Ошол
доордон кийин бир топ иштерге
башчылык кылдык, бирок,
билбеймин ал иш жөнүндө
(Кыяматта) бизге кандай кабар
берилет. (Ушул жашоомдун үчүнчү
доору) мен өлсөм
жаназама өкүрүп жулунуп кошок
ыйлоочу аял жана от кошо
болбосун. Мени кемгенүңөрдө
мүрзөмө топуракты жакшы
салгыла, андан кийин мүрзөмдүн
жанында төө союп этин
таратканчалык убакыт токтой
тургула. Силердин себебиңерден
менин жүрөгүм тынчтансын, жана
да мен көрөйүн Роббимдин
периштелеринин суроосуна кандай
жооп бере алам». (Муслим).

[CauseLove]

15) Умар (разияллооху анху) дан
риваят: «Пайгамбар (саллаллооху
алайхи ва саллам) айтты: «Оо,
Хаттабтын уулу, элдерге барып,
«бейишке момундар гана кирет»
деп жарыя кыл». (Муслим).