[ROUSE]

- Жок. Токто, - деди Мурат. Мынча болду жырткычтык оюнду да өз эрежеси менен калыс ойнойлу. Мен
телохранителди чечип бошотоюн. Экөөң тең бош болгула. Абалыңар бирдей. Анткени, телохранитель жанакы мен урган соккудан али өзүнө толук келе элек" - деп Мурат телохранитель жакка басты.
- Коетур. Бошотпо. Балким, экөөбүз сүйлөшпөйлүбү. Менде жетишээрлик акча бар. Керек болсо 2 миллион доллар берейин. Кепке кел. Акча ал да кете бер. Мен сен жөнүндө такыр унутам. Буларды болсо өзүм тазалап коем. Сен органдан же комитеттен экениңди билип турам. Мыйзамдуу жол менен мага колуңар жеткен эмес. Аргасыз мыйзамсыз жолду
колдонууга oтүпсүңөр. "Тариелди аткам,
Кошбаевди аткам" деп моюндарына алуучу кылмышкерлерди да бир күндун аралыгында комитетпи, органданбы бөлүмүңө жеткиртип
берейин. Келишели, эр жигит экенсиң. 2
миллион доллар берейин. Тиешелүү адамдарың менен өзүң бөлүш. Бул менин эркектик сөзүм, - деди. Мурат унчукпай укту. Улам ири суммадагы акчаны уккан сайын ичи эңшерилип итатайы тутула түшүп жатса да өзүн кармады. Булар үчүн бүткүл дүйн акчадан туруп калган адамдар экенин. "Баары сатылат. Баасын тапсаң сатылбаган эч нерсе
жок" деп ойлоп көнгөн адамдар экенин мыкты
билүүчү.

[ROUSE]

- Болуптур сүйлөшсө сүйлөшөлү. Бирок, сүйлөшөөрдүн алдында бир суроом бар ошого жооп бер. Эгер чындыкты айтсаң, жообуң канааттандырса сөздү улайм. Кичине эле кылтыңдасаң оюнду өзүм билген эреже менен улайм.
Келиштикпи?
- Келиштик. Мен болгон чындыкты айтам. Андан башка жол да жок экенин көрүп турам. Кантсе да кара маскачандын ийге
келгенине тигил жеңилдене түштү. - Эмесе мындай. Кошбаевди эмнеге жок кылдыңар? Буйрукту аткаргандар кимдер? Ким буюрду?
- Сөздү ирети менен
баштайын. Кошбаевдин жок болушунун себеби бир нече топтун аракети менен топтолгон тоннага жакын таза апийимди жалгыз өзү соодалап ири пайда көргүсү келип алкымы ашыкча ачылып кеткендиктен, эч ким менен эсептешкиси
келбегендиктен, босс болгусу келгендиктен жогорку жактан ошондой чечим чыккан. Калганын түшүндүңүз да. Ал эми буйрукту аткаргандар көзгө
урунуп kалышкандыктан тигинин подвалында
камалып жатышат. Семизди көрсөтүп койду.
- Жок кылууга үлгүрө элек болчубуз. Машиналары гаражда, эшиктеги алкашты алып кел сүйлөшөлү, - деп акмак башым силердин кайырмагыңарга түшүп бердим. "Аңдыган жан киши жок" деп бул чочко мени ишендирбедиби. Жүрөгүм сезген эле арты жаман экенин.
Мурат түшүндү. "Бул
оозгу бөлмөдө калган туткундун артынан аңдып келип тапты" деп ойлоп жатканын.
Ичинен мейли ойлой
беришсин деп койду.
- "Жогорку жак" дегенге түшүнбөй турам.
- Жогорку жакты мен өзүм да билбейм. Европа-Азия болуп түзүлгөн ири наркосоода босстордун уюгу бар. Биз алардын астында кумурскабыз.

[ROUSE]

Бизге тиешелүү адамдары байланышчу, же телефон аркылуу гана команда берип турушат. Мурат эми көздөрүн алайтып "менин тагдырым эмне болоор экен" дегенсип беркилердин сөзүн
тыңшап жаткан телохранителге
кайрылды.
- Эй, эсиңе келдиңби? Тигил үнсүз башын ийкеп койду. Эмесе кеп мындай. Азыр экөөң
кармашасыңар. Кимиңер жеңсеңер сөздү ошонуңар менен улайм.
- Келишели дебедим
беле. Кантсе да телохранителге алы
жетпесин билгенсип
сулуусымак чыйылдап жиберди.
- Мен эч кимге эч кандай убада бере элекмин.
- Анда экөөбүздү тең
органгабы, комитеткеби өткөр. Биз бүт чындыкты айтып беребиз.
- Жок, бирөөңдү гана калтырам. Мурат үнүн сүрдүү чыгарды да телохранителдин
кежигесине мылтыгын такаган калыбында колундагы кишенди
чечти. - Эми маселе мындай: Тигил сенин
кожоюнуңду кантип
тынчытканын көрдүңбү?

[ROUSE]

Телохранитель башын ийкеди. Эгер мүмкүнчүлүк берсем сени да тигил дүйнөгө жөнөтмөк. Калыстык кылайын, экөөң кармашкыла. Кармаш өлүм же өмүр үчүн - деди да телохранителди астыга түртүп, өзү арты менен кетенчиктей орунтуктун артына өттү. Телохранитель эмне кылаарын билбей далдырап ордунда туруп калды.
- Жок биз кармашпайбыз - деди сулуусымак
телохранителге жакындап. Биз өз эркибиз менен органга колго түшүп беребиз. Чечимди сот чыгарсын. Сүйлөй да берди,
телохранителге жакындай да берди.
Чукул келгенде телохранителди келиштирип туруп, болгон күчү менен чатка тээп калды. Мындай жорукту Мурат да күткөн эмес.
- Уу-уу... деп чатын кош колдоп баскан
телохранитель ордунда бүк түшө чимирилип кетти. Эсине келтирбей дагы боорго тепкенде телохранитель кулап түштү. Мурат
телохранителдин соодасы бүттү деп ойлоду. Сулуусымак
күүлөнүп барып кекиртеке тепкенде
күтүүсүз окуя болду.
Телохранитель беркини шап буттан алды да, шак тескери толгоду. Мындайды күтпөгөн
неме оңкосунан кетти. Эми tелохранитель атып тура калып качырып сала берди. Шамдагай оодарылган сулуусымак
телохранителди жаткан калыбында кош буттап бетке тепти. Телохранитель
чалкасынан түштү. Кайра экөө тең орундарынан атып
турушту.

[ROUSE]

Жашы өтүп калгандыгы болбосо
телохранителди эмгиче тынчытмак экен деп ойлоду Мурат. Бул жолу телохранитель биринчи чабуул койду. "Ки-аа-а" деп чимириле беркини чыкыйга тепти. Демигип чарчап калган сулуусымак буйтаганга үлгүрбөдү. Ордунан айланып барып "күп" кулады. Үстүнө секирип минген берки бир колу менен ээгинен, экинчиси менен кежиге чачынан кармап туруп шак толгогондо "кырс" эткен добуш чыкты да "күш" дей түштү.
Телохранитель шалдырап отуруп калды. Бөлмөдө жымжырттык өкүм сүрүп тунжурай түштү. Тынчтыкты Мурат өзү бузду:
- Демек, "кан коебербейт" деген чын экен го. Бирөөлөрдүн тагдыры менен оюнчуктай ойногон
канкор өз желдетинин колунда жаны жаннатка кетти. Эми экөөбүз шашпай сүйлөшөлү... Жанатан шалдырап
отурган телохранитель башын булка көтөрүп Муратты акшыя тиктеди. Көздөрү кутурган
иттикиндей кызарып кеткен экен. Ордунан дене бою бүт түйүлсө секирчү мышыктай бүкчүйүп турду да Муратка тап кое жакындады:
- Ат мени?! Атып сал?! Бары бир мени тирүү калтырышпайт. Уктуңбу! Атып сал! Жанагы сен сураган Тариелди так ушул колум менен жайлагам. Нечендерди жайладым. Бирок, Кошбаевдин иши
меники эмес...
Эс-акылынан кеткенсип оозунан ак көбүк да чыга түштү. Мурат Тариелдин атын укканда, кайра каны дүргүп кыжыры кайнай түштү. Астындагы мыкаачынын аз жерден башын былчырата атып кое сактап кайра карманды.

[ROUSE]

- Сени аткан ит атканменен барабар. Сени атпайм. Сени азыр эсиңе келтирем. Органга өзүң баргыдай кылам. Колундагы кесилген мылтыгынын окторун чыгарып бир бурчка, өзүн бир бурчка ыргытты да шалк этмесин орунтуктун астына таштады.
- Эми экөөбүз эркекче кармашабыз. Бүт кылган күнөөң үчүн азыр жооп бересиң.
- Эй сенин эс-акылың ордунда немесиңби? Мени менен куралсы3 кармашкың барбы? Тигил таңдана өз көзүнө өзү ишенбей караn калды. Мурат үнсүз тигиге бет алды.
- Мейли. Өз убалың
өзүңдө. Жашооң бүткөн неме экенсиң. Органдансыңбы, комитеттенсиңби аео жок. Болору болду, -деди да Муратты качырып сала берди. "Ки-аа" деген ачуу үнгө удаа буттары шуулдап, Мурат араң буйтаганга үлгүрдү.
Чыгыш күрөшүн мыкты өздөштүргөндөрдөн
экенин Мурат түшүндү. Аңгыча тигин колунун соккусун тосо бергенде бир буту ичке тийди. Мурат эки кадамча артка учуп барып түштү.
Сокку катуу болгондуктан өзөрө түштү. Муратты эсине келтирбей кош буттап түйүлө секирип келип дагы кулак түпкө тепти. Буйтоого үлгүрбөй калгандыктан, сокку
толук болбосо да эсин деңгиретип койду. "Чын эле Тариелдин артынан мен да кетемби" деген ой мээсин жарып өттү. Жыгылып баратып
тоголонуп-тоголонуп
кетти да, секирип тура калды. Бүт денесиндеги тарамыштар түйүлө
түштү. Колдору аба жара "шуу-шуу" шилтенип, "Ма-ауу" деген үн тетиги көкүрөгүнүн үпкүрүнөн киркирей чыкты.

[ROUSE]

Операнын бийчилеринче бутунун учтары менен эки кадам оңго, бир кадам солго секирди.
"Эми ордунан тургус кылдым окшойт" деген телохранитель кара кийимчендин кылыгын көргөндө бир чети таңданса, бир чети үрөйү уча жанагыдай чабуулга өтпөй саксынып калды. Бул жолу чабуулду Мурат баштады. "Аа-уу" деген үн менен кошо, шуулдаган буттар менен кошо колдун соккулары уланды. Tелохранитель чынында мыкты спортсмендерден экен. Анын үстүнө күн сайын үзбөй машыгып жүргөндүк кылдыбы Мураттын соккуларынан буйтаганга үлгүрдү. Биринин артынан бири болуп, экинчи-үнчүнчү соккулар уланып кетти. Кежигеге тийген буттун соккусунан учуп түшкөн телохранитель туура
кесилген мылтыктын үстүнө жыгылды. Шаk мылтыкты ала койду да, кундагы менен Муратты уруп калды. Мылтыктын кундагын сол колу
менен шак кармаган
Мурат оң колунун кыры менен беркини кекиртекке берди. "Кыйык" деген үн чыкты да телохранитель кыйган чөптөй кулап түштү. Мурат көкүрөгүнө секирип минип, дагы бир жолу чыкыйга сого
турган болуп барып өзүн араң кармады.
Эси ооп wылкылдаган неменин ээгинен кармап ары-бери
башын чайкап койду да, ордунан туруп барып арыта жаткан мылтыгынын окторун жыйнап, тигинин колуна
карышып калган
мылтыкты сууруп алды. Орунтуктун астындагы шалк этмесин да алып, эми эстеп экранга карады. Үстүнкү кабаттагы телохранителдер баягы калыптарында тизилип отурушкан экен. Баштарын шылкыйтышып баары ойлуу. Орунтуктаг схемаларды карап кнопкаларын басты эле эшиктер ачылды. Аден калган бөлмөгө
чыкканда, ал көздөрү алайып эшикке жөлөнгөн калыбында отурган экен. Мурат эшиктин туткасынан кармап тартып койду эле ачылып кетти.
- Жүрү! - деди үнсүз
тиктеп турган Аденге. Экөө ээрчишип сыртка чыкканда, күндүн
нурлары тоо баштарынан чачырап жаңы чыгып келаткан
экен. Дарбазадан чыккандан кийин Аденге кайрылып:
- Түптүз азыр Ички
иштер министрлигине барасың, - деди да тиешелүү бөлүмдү,
кимге кайрылыш
керекти айтты.

[ROUSE]

Кетип жатып "Эгер жан керек десең эч жака токтолбой түз бар. Экинчи жолу булардын колунан сени эч ким сууруп албайт" - деди да шыпылдай басып
бурчтан кайрылып дайынсыз болду.

[ROUSE]

ххх
Күн али көтөрүлө электе шаар тынчтыгын бузуп сиренасын кошуп коюп катуу бараткан
милициянын машиналары сырты бийик дубал менен курчалган эки кабат үйгө жеткенде, тегеректей токтошту. Көп өтпөй ушул эле үйгө "тез
жардам" машинасы да келип токтоду. Ашыкча чуу, атылган мылтык үндөрү деле болбоду. Колдору аркасына кайрыла толгой кармалган жапжаш спортсмен жигиттер түшүрүлгөн милициянын машиналары биринин аркасынан бири кетип жатты. Үйдүн ээсинин аялы, эки кызы, бир баласы менен экинчи кабаттын терезесинен өңдөрү купкуу болушуп, эртедир-кечтир ушул күн келээрин күтүп жүрүшкөнсүп, чуу чыгарышпай, ал түгүл көздөрүнөн жаш да чыкпай сырттагы ары бери чуркаган милицияларды тиктеп турушту.
Бир кезде баласы апасына;
- Апа эми үй-жайды бүт буюму менен
конфискация кылабы? - деди.
- Ооба. Бүт үй-жай кетет. Бирок, силер кам жебегиле. Мындан кем эмес үйдө, мындан кем
эмес жашоодо жашайсыңар. Баарына кам көрүп койгом. Болгону бул
айтканымды эч кимге оозуңардан
чыгарбагыла, - деди.
- Папамды кантебиз? - деди кичүү кызы.
- Папаңды тигилердин текшерүүсү бүтүп
колубузга кайырганда кадимкидей эл катары жерге коебуз - деди кайдыгер гана.

[ROUSE]

ххх
Мурат бул маалда канча бир күндөн бери уйку көрбөгөн адамча чалкасынан түшүп мемиреп уктап жатты.
Аягы.

[ermek86]

Ай ушинтип эле бутуп кала бы???

[Azem2013]

Жаkшы чыгарма автoргo рахмат .

[ROUSE]

ermek86 (24 Июнь 2013 - 16:36) жазган:

Ай ушинтип эле бутуп кала бы???

ии ушунтип эле бутуп калат

[Altyndai]

Жакшы чыгарма экен.берилип окуп чыктым.автор сизге рахмат!

[Ylykbek1990]

Аябай жакшы чыгарма

[MEDER_KULETOV]

автор рахмат.

[KAREGLAZAYA_VOLCHICA]

Аябай сонун чыгарма экен рахмат.

[Djoni88kg]

Чынында сонун чыгарма ойлонуп кетесин бизде ушундай детективдүү окуялар болот экен деп бизде да мафия күчтүү экен билинбеген менен!

[jipara86]

diskke 4yktyby

[Djoni88kg]

Жоок чыкса сонун болмок жакшы чыгарма!