[Shanson]

Kosmopolitka (22 Июль 2015 - 14:10) жазган:

Шансон мырза, сиз жиберген сайттан издеген чыгарманы таба албадым.

Башка шилтемесин жөнөттүм.

beka1207 (22 Июль 2015 - 14:27) жазган:

ал сайттын форумунда китепкана деген бар ошого кириниз

Мен бул сайтка курамы окшош сайтты жарнамалабайын деп башка шилтемени жөнөттүм. Тиги сайтка кирбегиле. "Күнөө" болот

Kosmopolitka (22 Июль 2015 - 14:32) жазган:

Кирдим бирок, "мин бир тун" чыгармасын таба албадым го.

Миң бир түндүн кыргызчасы жок болушу керек интернетте.

Билдирүүнү түзөткөн: Shanson: 22 Июль 2015 - 14:38

[Mediziner]

Китеп окуунун пайдалары

1. Китеп окуу стрессти азайтат. Cейилдөө, музыка угуу стресстен арылтат. Башыңызды чыңалткан бул оорчулукту жоюу китеп окуу менен андан да жеңил болорун Сассекс университетинин окумуштуулары аныкташкан. Андай абалда китеп окуу музыка угуу жана сейилдөөгө караганда стресс абалынан 2-3 эсе тез арылтат. Демек, китеп окуу - стресстен чыгуунун эң натыйжалуу жолу.

2. Уйкусуздуктан арылтат. Китеп окуу - эс алуунун жана уйкуга жакшы камынуунун эң жакшы багыттоочусу. Уйку алдында телефон карап жатууда жана телевизор көрүүдө алардан чыккан ачык түстөр уйкуну качырып, мээге жакшы уктоо программасын түзүүгө жолтоо болот. Ал эми уйку алдында пайдалуу китеп окуу мээни тынчтандырып, жакшы ойлорду топтоп алуу менен уйкуга кетүүгө шарт түзөт.

3. Акылыңызга акыл кошот. Китеп окуу маалында биз башкы каармандын кубаныч-кайгысын өзүбүздө жашатып, ага айланып кеткендей абалда болобуз. Көркөм чыгармаларды окуу менен адам жашоону, айланасындагыларды туура түшүнүүгө калыптанат.

4. Мээнин иштөөсүн жакшыртат. Эмори университетинин окумуштуулары китеп окугандан кийин адамдын интеллекти канча бир деңгээлге жогоруларын далилдешкен. Ал изилдөөчүлөр окуу менен мээнин нерв байланыштарынын саны физиологиялык деңгээлде көбөйөрүн аныкташкан.

5. Депрессияны айыктырат. Китеп окуу депрессияны айыктыруу үчүн жакшы ыкма экендиги окумуштуулар тарабынан аныкталган. Оор абалдан кутулууда бир жыл бою китеп окуу менен алек болгон оорулуулардын абалы китеп окубай дарыланган оорулууларга салыштырмалуу кыйла жакшыргандыгын практика көргөзгөн.

6. Китеп окуу менен кызыктуу адамга айланасыз. Жогорку интеллектуалдык деңгээл сизди айланаңызга кызыктуу кылып көрсөтөт. Андан улам айланаңыздагылар талкууларда, таанышууларда, баарлашууларда сизге ишеним артып, сизге карата жакшы ойдо калышат.

7. Китеп окуу жашоого максат коюуга көмөктөшөт. Адам китепти канчалык көп окуса, ошончолук жакшы каармандарга окшошууга аракет кылып, жашоосун китептегидей кызыктуу кылып жашоого умтулат. Ошондой эле көп окуган адам максаттарды так коё билүү менен бирге кыйынчылыктардан оңой кутула алат жана сүйүүгө бай келет.

8. Көп окуган адам жигердүү жашоо образына ээ болот. Коомдук жана маданий органдардын жигердүү катышуучулары жашоосунда абдан китепкөй адамдар экендиги аныкталган.

9. Эс тутумду жана ой жүгүртүүнү жакшыртат. Адам китеп окуган сайын жаңы маалыматтарды алуу жана эске тутууга аракет кылуу менен мээсин машыктырган болот. Бул китепти үндү сыртка чыгарып окуу менен ого бетер бекемделет. Андан улам угуп гана коюучуларга салыштырмалуу окуган жана көп жазган адамдардын эс тутуму жакшы, ой жүгүртүүсү тез болот. Андыктан көп окугандан эч качан качпаңыз.

10. Сөз байлыгыңызды кеңейтет. Китеп окуу маалында окурман көптөгөн жаңы сөздөрдү кезиктирет. Натыйжада аны сөздүктөрдөн карап сөз корун кеңейтет. Эч болбоду дегенде анча түшүнө бербей жүргөн сөзүнүн маанисин тереңден билип алат. Билип алган сөздөр менен адам сөз байлыгын гана кеңейтпестен, билимин да бекемдеген болот.

11. Китеп окуу, жазуу шыгыңызды арттырат. Китеп окуунун сыйкырынан адам кантип автордун жазуу стилин өзүнө өздөштүрүп алганын байкабай калат. Маселен, бирөөгө кат жазууда жакшы көргөн авторуңуздун чыгармасындагы өзгөчөлүктөрдү өзүңүздүкү сыяктуу эркин колдонуп калган болосуз.

12. Китепкөйлөрдүн күч-кубаты туруктуу болот. Китеп окубаган жана аз окугандарга салыштырмалуу күн сайын китеп окууну адатка айландыргандар физикалык оорчулуктарды оңой көтөрүшөт. Ошондуктан машыгуу залында оор көнүгүүлөрдү жеңил жана узакка аткара алышат.

13. Ачык-айрым болууга жардам берет. Китеп окуган адамдардын идеяга бай экенин байкап эле жүрсөңүз керек. Ырас эле китеп жаңы идеялардын булагы болуп саналат. Ошондуктан көп окуган адамдар кичинекейден чоң идея табууга жөндөмдүү келишип, кеңешчилерге анча муктаж болушпайт.

14. Чет тилин тез өздөштүрүүгө жардам берет. Дайыма китеп окуган адамдар жаңы нерсени тез түшүнө алышат. Ошондуктан китеп менен дос болгон адамдар чет тилин үйрөнүүдө кыйналышпайт.

15. Альцгеймер оорусунун алдын алат. Альцгеймер – эс тутумдун кескин жоголушуна алып келген коркунучтуу оору. Бул оорунун китепти көп окуу менен алдын алса болот. Мээ да башка органдар сыяктуу эле мындай коркунучтуу оорулардан коргонууга муктаж. Андыктан бул абалдан сактанууда китеп окуу эң идеалдуу жол болуп саналат.

16. Бирге китеп окуу ата-эне менен баланы жакындатат. Психологдор бала менен бирге китеп окуу аны менен болгон жакындыкты кыйла жакшыртарын байкашкан. Балаңыз менен мамилеңиз мээрим, сүйүү сезимдери менен жакындоосун кааласаңыз, анда аны менен ойноо, телевизор көрүү сыяктуу аракеттериңизди бирге китеп окууга алмаштырыңыз.

17. Каржылык абалды оңдойт. Статистикага таянсак, китеп окуу мүмкүнчүлүгүн пайдаланбаган адамдар 43 пайызды түзүп, натыйжада алар жакырчылыкта күн кечирип келишет. Ал эми каржылык абалды жакшыртууга жол көрсөткөн китептерди окуган адамдарда каржы маселеси аз экендиги маалым.

18. Китепти көп окуган балдар окууда жетишкендиктерге көп ээ болушат. Китепти көп окуган жана окуудан ырахат алган окуучулар мектепте артыкчылыктарга ээ болушат. Ошондуктан мындай окуучулар гуманитардык сабактардан гана эмес, илимдердин падышасы болгон математика сабагын кызыгуу менен окуп, оңой өздөштүрө алышат.

19. Жакшы маектешке айлантат. Башкалардын окуяларын окуу менен адам өзүнүн жашоосу тууралуу кызыктуу кылып айтууга үйрөнөт. Ошол эле маалда айтууга кызыктуу жана айтып убакыт коротпой турган нерселерди иргеп ала алат. Айткандарыңыз канчалык кызыктуу болсо, ошончолук кызыктуу маектешке айланасыз да, айланаңызга сизге ишенген адамдарды топтой аласыз.

20. Китеп ааламдагы жакшы нерселерди көргөзөт. Ыктыярчылар жана кайрымдуулук иш-чаралары менен алектенгендердин негизги курамын жигердүү китеп окуучулар түзүшөт. Анткени алар бардык жерден жакшы нерсени таап көрө алышат, жагымсыз абалдардан качышпайт жана жардам берүүдөн аянышпайт. Ошондой эле ал адамдар мындай көз карашты башкаларга жуктурууга аракеттенишет.

[Shanson]

21. Анча-мынча китеп окуган адам катасыз жазып калышы мүмкүн

[aijan]

Kosmopolitka (22 Июль 2015 - 14:32) жазган:

Кирдим бирок, "мин бир тун" чыгармасын таба албадым го.

Мин бир тундун, болгондо да кыргыз вариантынын мнеси кызык?

Эротикалык элементтери бар узуун жоо жомок

Орусчасын табуу оной болсо керек. ("Оной" дедим, тебелебегиле)

[aijan]

Shanson (22 Июль 2015 - 17:20) жазган:

21. Анча-мынча китеп окуган адам катасыз жазып калышы мүмкүн

Анча-мынча китеп окуган анча-мынча адам катасыз жазып калышы мумкууун

[beka1207]

Kosmopolitka (22 Июль 2015 - 19:08) жазган:

Аа, анда окуштун кереги жок экен бироо сунуш эткен болчу, ошого маанисин сураганым.

Окуп кое бериниз...зыяны жок да баары бир))))))))

[Nurmuhammad]

aijan (22 Июль 2015 - 18:12) жазган:

Мин бир тундун, болгондо да кыргыз вариантынын мнеси кызык?

Эротикалык элементтери бар узуун жоо жомок

Орусчасын табуу оной болсо керек. ("Оной" дедим, тебелебегиле)

Космону алиги жака коп кирет десе анча маани бербейт экенлем. Азыр ошол китепти издеп калганына караганда кичине ишенип калгансыдым дагы да изилдоонун артында экенине))

П.с. Айжан сизда жонокой адам эмессиз андай окуяларды давноо окуп койгонунузга караганда)))

[Shanson]

aijan (22 Июль 2015 - 18:12) жазган:

Мин бир тундун, болгондо да кыргыз вариантынын мнеси кызык?

Эротикалык элементтери бар узуун жоо жомок

Орусчасын табуу оной болсо керек. ("Оной" дедим, тебелебегиле)

Ой, ал жакта жазылган алигилер бул жакта жазылгандардын жанында жөн эле бопорос тартып эс алып калат го. Жомоктун башталышына эле себеп катары 1-2 окуячик жазылат. Же андан башкасы да барбы? Илгери китептин атынан улам эле бекитип окуган экенмин (кыргызчасын).

[Mediziner]

Китеп окуу тууралуу кызыктуу фактылар

Биз көптөгөн маалыматтарды басма символдору аркылуу алабыз. Ал эми телевидение жана интернет пайда боло электе китеп жападан жалгыз маалымат булагы катарында болчу. Окугандарды сүйгөндөр үчүн назарыңыздарга кызыктуу фактыларды сунуштайбыз.

1. М. Горький төрт миң сөздү бир минута ылдамдыкта окуган.

2. Сталин күнүнө эң аз дегенде 400 барак китеп окуучу.

3. Т. Эдисон 2-3 сапты дароо бирге окуп,ар бир бетиндеги тексти эстеп калчу. Ал ыкылас коюп, ойду бир жерге топтогонду үйрөнгөн

4. Ыкчам окуганда караганда жай окуганда көз тез чарчайт.

5. Адамдардын 95% өтө жай окушат - минутасына 180–220 сөз окушат.

6. Көптөгөн окурмандар сексенинчи бетке чейин окугандан кийин кызыгы кете баштайт.

7. Бир саат окугандан кийин 57 мүнөткө келгенде адамдын көзү чарчай баштайт, ага чейин тынч гана абалда болот.

8. Бальзак жарым саатта эки жүз барак окуган.

9. Китеп окуганда көздөр ар кайсы тамгаларды карап жатып,ар түрдүү элестерди көрөт. Бирок, аларды мээ бир сүрөткө бириктирет.

10. Э. Гаон өзү окуган 2500 китепти так жатка айтып берчү.

11. Орточо китеп окуу тажрыйбасы бар адам китеп окуганда 12-16 сабына келгенде бир тыныгуу жасайт, ыкчам окугандар 2-4 сапта бир тыныгат.

12. Н.А. Рубакин 250 миң китеп окуган.

13. Мектеп окуучулары бир сап окуганда 20 регрессивдүү кыймыл жасашат, ал эми студенттер -15

14. Наполеон бир минутада эки миң сөз ылдамдыкта окуган.

15. Адам китеп окуп жатканда көздөрү ар тарапты карай берет.

Билдирүүнү түзөткөн: Mediziner: 29 Июль 2015 - 00:17

[mateus]

Китеп окуу албетте кызыктуу, жана пайдалуу, бирок айтышкандай озумо керек адабиятты тапкыча мага, 20китепти окуганга туура келди.

[mateus]

Келкелдин Т. Касымбеков электрондук туру кай жерде бар?

Билдирүүнү түзөткөн: mateus: 31 Июль 2015 - 15:00

[aijan]

Nurmuhammad (22 Июль 2015 - 20:00) жазган:

Космону алиги жака коп кирет десе анча маани бербейт экенлем. Азыр ошол китепти издеп калганына караганда кичине ишенип калгансыдым дагы да изилдоонун артында экенине))

П.с. Айжан сизда жонокой адам эмессиз андай окуяларды давноо окуп койгонунузга караганда)))

Давнооо окуп койгонум чын. Бирок жонокой жургонго аракеттенем℅)

[aijan]

Shanson (22 Июль 2015 - 20:12) жазган:

Ой, ал жакта жазылган алигилер бул жакта жазылгандардын жанында жөн эле бопорос тартып эс алып калат го. Жомоктун башталышына эле себеп катары 1-2 окуячик жазылат. Же андан башкасы да барбы? Илгери китептин атынан улам эле бекитип окуган экенмин (кыргызчасын).

Ошого "элементтери бар" дегеним. Болбосо "эротика китеп" деп эле бадырайта жазып салмакмын℅)

[windom]

Кандайдыр бир чыгарманы китепте окуган менен интернеттен окугандын айырмасы барбы? Ким кандай ойдо? ( албетте ынгайлуулугу, каражат жактарын алып карабаганда?

[aijan]

Китеп жутуп журуп кекирип калган жаным коптон бери табитиме топ келген жаны чыгарма издеп журуп акыры таптым. Аты "13- жомок". Ото кызыктуу, сюжети "нетривиальный" ал эми жазылган тили дебейин, себеби оригиналын окуй элекмин, орусчага сонун тил менен которулган. Тим эле конул эс алчу чыгарма экен. 2 кундон бери ошонун туткунуна айландым.

[kanat4ik]

windom (28 Август 2015 - 13:30) жазган:

Кандайдыр бир чыгарманы китепте окуган менен интернеттен окугандын айырмасы барбы? Ким кандай ойдо? ( албетте ынгайлуулугу, каражат жактарын алып карабаганда?

Китепти шарактатып ачып окуган башкача да баари бир, электрондук китепке караганда.

[aijan]

Mediziner (15 Июнь 2015 - 01:17) жазган:

Михаил Булгаковдун Мастер и Маргарита романы эн сонун жазылган. Коптогон жакшы нерселерди алууга болот.

Кандай жакшы нерселерди алдыныз экен? Болушпойсузбу? (Чыгарма менен эмес, ойлорунуз менен, кызык болууда)