[angelo4ka_96]

Сонун ырларыңыз бар экен.Талантыңыз ташкындай берсин.

[tynara81]

Жакшы создорунорго чоон рахмат! Жылуу создор шыктандырат да кишини.

[tynara81]

Жарымы жүрөгүмдүн сенде кетип,
Жарым жан жүргөнүмдө санаа эзип.
Түйшөлүп, түн күзөтөм, уйкум качып
Түгөнгүр, кеткен экен сени ээрчип.

[tynara81]

Жанымдан артык көрөм, билчү белең,
Жаныңдай сен да мени сүйчү белең.
Жанымда жүргөнүңдө дүйнөм түгөл
Жарытып ааламымды жүрчү элең.

Жарыкты жүрөк сезбей калды окшойт,
Жаралап, жабыркатып салдың окшойт.
Жанымды жай алдыраар, тынчтандыраар,
Жалгыз сөз сенден күтүп калдым окшойт.

Жалгыздык талаасында калгандаймын,
Жазамды тагдырымдан алгандаймын.
Калпыс сөзүң тийип кетип жарыгыма,
Караңгыны каптатып салгандаймын.

[tynara81]

tynara81 (23 Апрель 2014 - 23:05) жазган:

Жарымы жүрөгүмдүн сенде кетип,
Жарым жан жүргөнүмдө санаа эзип.
Түйшөлүп, түн күзөтөм, уйкум качып
Түгөнгүр, кеткен экен сени ээрчип.

Уйкумду уурдадыңбы, бере турчу,
Уурданып же түшүмдө келе турчу.
Улутунам, убакыт да жылбагансыйт,
Убайым ай, азырынча жеңе турчу.

[tynara81]

Ойлобоюн десең деле жаманды
Ой түгөтөт, ой жейт экен адамды.
Ой-санаа карытпасын десеңер,
Оо адамзат , ойлонуп бас кадамды

[tynara81]

Ооруп турат жүрөгүм, ооруп жүрөт,
Ой-санаа тынчтык бербей тооруп жүрөт.
Ой түбүнөн суурулуп чыга албасаң
Ооруп жүрүп түгөнөт, соолуйт жүрөк !

[tynara81]

Жүрөк соолуйт суусуз калган гүлдөрдөй,
Аны унутуп, баары бейгам жүргөндөй.
Жүрөк ооруйт жоопсуз калып сүйүүсү
Сүйө албаса , кургур жүрөк сүйгөндөй.

Жүрөк соолуйт жазаласа тагдыры,
Арга калбай, түгөп бүтсө сабыры.
Жүрөк ооруйт ызасына чыдабай
Эч бир жанга калбай калса кадыры.

Жүрөк ооруйт жакын адамы сатканда
Кайгы, ызаага белчесинен батканда.
Жүрөк соолуйт оорусуна чыдабай
Бүт арманын бөлүшө албай, катканда.

Жүрөк соолуйт бапестеп карабаса
Кайдыгерлик, ачуу арман табаласа.
Соолуйт бирок, өлбөйт али үмүт бар
Кеч болбостон МЭЭРИМ келип дабаласа.

[VIK]

Баракелде! Азаматсыз! Калеминиз курчуй берсин эжекеси.

[tynara81]

tynara81 (15 Май 2017 - 14:49) жазган:

Жүрөк соолуйт суусуз калган гүлдөрдөй,
Аны унутуп, баары бейгам жүргөндөй.
Жүрөк ооруйт жоопсуз калып сүйүүсү
Сүйө албаса , кургур жүрөк сүйгөндөй.

Жүрөк соолуйт жазаласа тагдыры,
Арга калбай, түгөп бүтсө сабыры.
Жүрөк ооруйт ызасына чыдабай
Эч бир жанга калбай калса кадыры.

Жүрөк ооруйт жакын адамы сатканда
Кайгы, ызаага белчесинен батканда.
Жүрөк соолуйт оорусуна чыдабай
Бүт арманын бөлүшө албай, катканда.

Жүрөк соолуйт бапестеп карабаса
Кайдыгерлик, ачуу арман тарабаса.
Соолуйт бирок, өлбөйт али үмүт бар
Кечиктирбей МЭЭРИМ менен дабаласа.

[tynara81]

VIK (03 Июнь 2017 - 22:57) жазган:

Баракелде! Азаматсыз! Калеминиз курчуй берсин эжекеси.

Рахмаат :-*

[tynara81]

Чырактарым, ааламымды жарытуучу,
Алсырасам кадамдарым арытуучу.
Жаза басып, жакшы үлгү боло албасам,
Жанга азап, ойго салып карытуучу.

Чырактарым, мазмундары өмүрүмдүн
Чырпыктарым, дарыгери көңүлүмдүн.
Жараткандын жалгап берген белектери,
Данектери, сүйүү берген өрүгүмдүн .

[tynara81]

Тиричилик өтүп жатса кыбырап,
Убакытың учат экен зымырап.
Тайгак, кечүү кээде түздүк жол басып
Өмүр өтөт жамгыр сымал дыбырап.

Канат кагып, учкуң келип талпынып,
Мугалимден тарбия, билим мол алып,
ЖЫЙЫРМА жыл илгери ушул күнү
Учкан элең келечекке жол алып.

Жыйырма жыл көз ирмемдей өтүптүр,
Жылдар жылга, айлар айга көчүптүр.
Бирок шүгүр, бул жылдарың жөн өтпөй
Артыңардан уул- кыздарың өсүптүр.

Мезгил шашат артка таштап жылдарды,
Жаштык качат ичке катып сырларды.
Келечек муун ырдап баштайт мына эми
Жаштык, сүйүү, биз ырдачу ырларды.

[regina86]

+5 аябай жакшы жазылган.Ийгилик! !!

[Kyrgyz_bloger]

Чымыным бар такшалбаган,
жалгыз мага баркталбаган,
озго жандар жакшы десе,
оскум келет тайманбастан.

[Perishtem2011]

Аябай соонун ыр саптар .Калеминиз курчуй берсин. Журоктон чыккан ырлар журоко жетет.

[tynara81]

regina86 (11 Июнь 2017 - 22:47) жазган:

+5 аябай жакшы жазылган.Ийгилик! !!

Рахмаат. Жакшы сөз жан эргитет ))

[tynara81]

Kyrgyz_bloger (14 Июнь 2017 - 01:28) жазган:

Чымыным бар такшалбаган,
жалгыз мага баркталбаган,
озго жандар жакшы десе,
оскум келет тайманбастан.

+++

[tynara81]

Perishtem2011 (17 Июнь 2017 - 15:45) жазган:

Аябай соонун ыр саптар .Калеминиз курчуй берсин. Журоктон чыккан ырлар журоко жетет.

Рахмаат)). Мен өзү бүт баарын жүрөккө жакын ала берген адаммын. Кубансам да ыйлап, кайгырсам да ыйлап. Ошондон улам ой- санаа, жүрөк оору, жан дүйнө оорусу тууралуу ырларга басым жасайт экенмин. Ырлар көбүнчө жан дүйнөм кыйналган маалда чыгып калат. Көп деле ыр жазбайм өзү.
Рахмаат, дагы бир жолу. Жакшы сөз кадамыңды арытат, жаман сөз убайымга салып карытат.

[Sweet-Lika]

Өтө жөнөкөй, түшүнүктүү, жүрөккө жеткиликтүү. Түгөнбөгөн эргүү каалайм эжекеси!