[Meruet84]

Аллахым озун тура жолго башта ..........
Мынча кайгылуу болбосо , озумду ыйдан басалбай калдымго

[Xanif.Kg]

Жакшы окуя экен. Бирок "Тасирлуу окуялар" темасына эле улап жаза берпетирсинда автор...

[rnurzida]

Бейишке от менен киргенге болбойт.

Эки илимдүүнүн бирөөсү тамеки чегет экен. Экинчиси бир күнү айтат: "Ушунча илимиң бар, бир канча китептерди жаздың бирок тамеки чеккениң эч акылга сыйбаган нерсе. Бардык кылган жакшылыктарыңды ушул түтүн аркылуу жок кылып жатасың."

Берки болсо: "Тамеки чеккен арам эмес, болгону бул макүрө. Менин китеп жазганыма, ойлонгондорума жардам берет. Күнөө деле эмес" деп жооп берет.

Экөө аябай талашышат бирок эч жыйынтык чыкпайт. Ошол түнү тамеки чеккен аалым түшүндө бейиште жүргөн болот. Чөнтөгүнөн тамекисин алып чыгып күйгүзөйүн десе ширенкеси жок. Ал жердегилердин баарынан сурайт эч кимде жок болот.

Бирөөсү айтат : " Кыйналбай жакын эле жерде тозок бар, барып күйгүзүп алсаң болот" дейт.

Чын эле деп тозокко барып тамекисин күйгүзүп алып кайра келсе, бейиштин эшиктери жабык дейт. Ары чуркап, бери чуркап бир эшигине келсе, ал жерде чоң жазуу турганын көрөт. Жакшылап караса мындай деп жазылып туруптур.

"Бейишке от менен кирүүгө болбойт."

Ушул жерден чочуп ойгонуп кетип, тобоо кылып тамекисин таштаптыр.
Аманатка кыянаттык кылбагыла дейт. Берген ар мүчө биз үчүн аманат. Аны уулап напсиге баш ийген сөзсүз макшарда сурагын берет. Келгиле эгер жаңылган болсок тезирээк тобоо кылып чыныгы кул бололу.

[azamat_star74798]

Башка жерден окуган элем ,таасир калтырган ото ...(((

[nurik2103]

Xanif.Kg (02 Февраль 2016 - 18:10) жазган:

Жакшы окуя экен. Бирок "Тасирлуу окуялар" темасына эле улап жаза берпетирсинда автор...

рак болуп олуп калса неси жакшы окуя! бирок сабак боло турган окуя екен

[uikuchu7]

ҮЧ АДАМДЫН СЫНАЛЫШЫ
Бани Исраил коомунда үч жөөт жашаган экен. Бири
башы таз,экинчиси сокур,үчүнчүсү денеси ала була
котур болгон. Аллах аларды сыноо максатында
периштени жөнөтөт. Денеси ала-буласы бар котур
жөөткө келип периште сурайт:
-Сенин бардык нерседен жогору турган каалооң
кандай?
- Жылмакай тери жана сулуу денени каалайм.
Себеби, оорума байланыштуу бардык адамдар менден
жийркенип качышат.
Периште денесин сылаар замат тактар кетип, дене
мүчөсү келишимдүү болот. Периште кайра суроо
берет:
-Кайсы жаныбар сага абдан жагат?
-Төө
Туутуна аз калган боз төө менен сыйлайт да,
“Аллахтын тартуулары берекелүү болсун” деп
көздөн кайым болот.
Андан соң башы таз жөөттүн жанында пайда болот
да, ага да суроо берет:
- Сенин бардык нерседен жогору турган каалооң
кандай?
-Менин таздыгым жоголуп, элдер шылдыңдабай
калуусун суранат элем.
Периште башын сылаары менен коюу, жылтыраган
чач пайда болот.
Кайрадан сурайт:
-Кайсы жандыкты барынан жакшы көрөсүң?
-Уй
Аллах аны да боз уй менен сыйлайт. “Ушул уй сага
берекелүү болсун!” деп коштошуп, периште сокурдун
жанына барат да андан да сурайт:
-Сенин бардык нерседен жогору турган каалооң
кандай?
-Аллах мага көрүүмдү берсе, мен адамдарды көрөт
элем.
Периште сокурдун көзүнө тиери менен анын көздөрү
көрө баштайт. Андан да периште кайсы жаныбардын
бар болуусун сурайт.Жөөттүн “кой”- деген жообуна
периште боз кой тартуу кылат.
Бир канча мезгил өткөндөн кийин белекке
тартууланган төө, уй жана кой ээлерине тукум
алып келишет. Алар ошентип отуруп көбөйүп отуруп,
ар биринде үйүр-үйүр төө, уй жана койлордун
ээлери болушат. Периште Алланын буйругу менен
алардын ар бирине кезигүүгө жана сынап көрүүнү
чечет. Алгач денесинде ала тагы бар котур болгон
жөөткө келет.
-Мен чет жактан келген бактысыз кедеймин. Жолдо
акчамдын барын сарптап, эми ата мекениме кайта
албай калдым. Менин үйүмө жетишимди Аллахтан
жардам сурап жатам. Ушундай сулуулукту жана
келбетти тартуулаган, байлыкты тартуулаган Аллах
үчүн бир төөңдү мага берчи.
Ала-тагынан айрылган жөөт кыжырданат:
- Бул жакта бекер байлыкты каалаган жакырлар
көп. Сурагандын барына бирден төө бере берсем
эмнем калат!?
-Сени эстеп жатам. Кебетеңен адамдар качкан сен
белең? Кедей болуп, Аллах бай кылган сен белең?-
деп периште эскерди.
-Жок, бул байлыктын бары ата-бабаларымдан
мурас болуп калган-деп жалган сүйлөйт.
-Эгер сен алдасаң Аллах бардыгын кайра ордуна
кайтарып коёт.
Мындан соң периште мурдагы таз болгон жөөттү
сынайт. Ал да бербей коёт. Периште “Эгер сен
алдаган болсоң Аллах сени мурда кандай болсоң,
ошол абалыңа кайтарсын”, -деп коштошот.
Акырында периште баягы колун тийгизүү менен
көрүү мүмкүнчүлүгүн берген сокурга келет:
-Мекенимден алыс жүргөн бактысыз жакыр
адаммын. Үйүмө кайтууга акчам жок. Жалгыз Аллах
мени үйүмө кайтарат,сен мага жардам берет деген
ишенем. Сага көрүү мүмкүнчүлүгүн берген Аллах
Таала үчүн, жолумдун акысын берүү үчүн бир кой
берчи.
-Чындап мен сокур элем. Аллах менин көздөрүмө
жарык берди. Мен кедей элем, Аллах мени бай
кылды. Сага кой керекпи-каалаганча ал. Аллахтын
ыраазычылыгы үчүн эч нерсемди аябайм.
-Сенин байлыгың сенде эле кала берсин. Аллах
үчөөңөрдү сыноону каалаган. Ал сага ыраазы. Ал
эми башы таз жана денеси ала өзүлөрүнүн жазасын
алышты,-деп периште көздөн кайым болду. Калган
экөөбү денеси ала-була менен башы таз бардык мал
мүлкүнөн кол жууп,абалкы ала-була менен тазга
айланышкан экен. Ошондуктан жашообуздагы ар бир
бизге берилген неемат- жакшылыктар Алладан
берилген сыноо болуп эсептелет.Ал жакшылыктарды
туура колдонолу.Байлыгыбызга чиренип Алладан
келген экенин унутуп калбайлы!

[Abuxanifa]

nurik2103 (02 Февраль 2016 - 21:46) жазган:

рак болуп олуп калса неси жакшы окуя! бирок сабак боло турган окуя екен

Рак менен ооруганды эмес, окуянын таасирдуу маанисине баа берип "Жакшы экен" дедим...)))

[Meruet84]

������БИЗДИН ААЛЫМДАРДЫ ЫЙЛАТКАН АЯЛ������

"Бир куну бир келин муфтиятта иштеп жатканымда келип мага мындай суроо берди:
-Мен 5 убак намаз окуйун десем, куйоом катуу каршылык корсотот. Бирок куйоомду капа кылып албайын деп ваннага кирип сууну агызып койуп, ванна ичинде тар жерде намазымды окуйм. Намазымды окуп бутуп, чачымды суулап, Сулгу менен оронуп чыгам. Бир кундо 5 жолу ушинтип куйоомду алдап келем. Ушул намазым жарайбы жарабайбы??? ?
МЕН ЖООП БЕРЕ АЛБАЙ КАЛДЫМ!!
Ал келин Кетээри менен Кабинетиме кирип алып ыйладым.
Бир чети окунуп ыйласам бир чети кубанып ыйладым
- УШУНДАЙ КУДАЙДАН ЧЫН ЫКЛАСТАН КОРККОН АЯЛДАР КЫРГЫЗСТАНДА БАР ЭКЕНИНЕ КУБАНЫП ЫЙЛАДЫМ
-КЫРГЫЗДА ДА УШУНДАЙ ЧЫН ЫКЛАСТАН КУЙООСУН СЫЙЛАГАН АЯЛДАР БАР ЭКЕНИНЕ КУБАНЫП ЫЙЛАДЫМ.
МЕН ИШЕНЕМ МЫНА УШУНДАЙ АЯЛДАРДАН ГАНА КЫРГЫЗДЫ БАШКАРУУЧУ ЭЛИНЕ ЧЫН ЫКЛАСТАН КУЙУП КЫЗМАТ КЫЛУУЧУ ЭЛ ЛИДЕРЛЕРИ ТОРОЛУШУНО! !
Эстен чыгарбайлы АР БИР КУРЧ, атактуу ЭРКЕКТИН АРТЫНДА АЯЛ ЖОЛОП ТУРАТ..."

/Дин аалымы, устазыбыз Чубак ажы /

Билдирүүнү түзөткөн: Meruet84: 03 Февраль 2016 - 09:50

[Meruet84]

Окуя:~ ЖАШЫЛ ШЫМ КИЙГЕН ЖИГИТ ~


Ушул окуя туркиялык бир жигитибиз тарабынан айтып берилген.
Мен аны жакшы корот элем. Билимдуу, оз ишине пухта жигит эле. Кем суйлойт элего бирок, чертиип, чертип суйлоор эле. Келишкен эле, чырайлуу кийинээр эле. Бир гана кемчилиги Намаз окубас эле. Мен динге болгон сезимини ойготуш ниетинде намаз жонундо коп айтаар элем ага. Бирок, биркыл себепти шылтоо кылар эле мага ал. Туура тушун, мен чырайлуу кийиништи жакшы коромун, анын устуно сезген болсон жашыл туско мээримим башкача. Жашыл шымым бар, аны ушунчалык жакшы кором. Аялыма ар куну утуктотуп кочого чыгамын. Намаз окусам шымымдын кыры кетип калышы мумкун. Кызык шылтоого бирок, мен анын ушул шылтоосун себеп ордунда коргонмун.
Анткени ардайым жолуктурсам жашыл шым, кызыл койноктору ага жакшы жарашканын сезээр элем. Бир куну жолум тушуп, Истамбулдун чон мечиттеринин бирине кирдим. Танк калыштуу, менин таанышым жамаатттын алдынкы катарында эле. Бир омур шымынын кыры кетип калышынан чочуп мечит аттабаган таанышымды биринчи сапта коруп баашында тан калдым. А бирок кийин озумду басып адына бардым. Аа, баарыбир келээр экенсинго! Озунчо жашыл шымынды шылтоо кылып мени оз абалыма койбос элен.
Мен сени ото акылдуу деп билсемда бирок ушул шылтооно тан калаар элем. Кызык, Адам ушулчалык акылдуу болуп туруп да акылсыз бир шылтоо табышы мумкунбу деген суроо менин ич-ичимди тырмаар эле. Жышыл шымыны деп бир омур мечитке кирбей оттун а? Бирок мен сени бугун ушул жерде коруп турамын. Баарыбир келипсин а! Ал ундобос эле, анткени таанышым ак кепинге оролуп, таабыт ичинде ундобой жатаар эле. Оба! Ушул окуянын тубундо чон бир икмат жатат. Озуну момунмун деп эсептеген Адам, баарыбир мечитке келет. Ахмат Яссави азиреттери айткандай торт чубулдук чойон ат бир кун сага жетер, Торт чубулдук чойон ат деген бул Табыт дегени. Бугун шымдарынын кырлары эмес, балким жогоруда айтылып кеткен жигиттин жообунанда акылдуу кээбирлеринин себеп ордунда болгон шылтоо кылган адамдардын, мечит аттабаган буттарын, бир кунмес-бир куну мечитке алып келишет. Баарыбир биринчи сапта туруш бар. Бирк Аллахтын алдында, Адам адамдар тарабынан эмес. Оз ыктыяры менен мечитке кадам басып келсе кадырлуудур. Табытта жатып калгы чейин, Аллахтын суйукуу пенделери топтолгон мечитке келип турунуздар урматтуу мекендештер.


✏ Которулду баяндаган Хайрулло Хамидов

[uikuchu7]

АЛЛО,МЕН АПАМДЫ ЖОГОТТУМ....
— Алло, бул табылган буюмдар бюросубу? — деди жаш баланын үнү.
— Ооба, шириним. Сен бирдеме жоготтуңбу?
— Мен апамды жоготтум. Ал силерде эмеспи?
— Сенин апаң кандай болчу?
— Ал сулуу, анан ак көңүл эле. Анан дагы мышыктарды жакшы көрөт.
— Ооба, кечээ күнү биз бир аялды таап алдык,балким ошол сенин апаңдыр. Сен каерден чалып жатасың?
—№1-балдар үйүнөн.
— Жакшы, анда биз сенин апаңды балдар үйүнө жөнөтөбүз. Күтүп тургун!
Ал анын бөлмөсүнө кирди, абдан сулуу, ак көңүл,колунда кадимки тирүү мышык бар.
— Апа! — деп, кичинекей бала ага жабышып калды.
Бала аны ушунчалык катуу кучактагандыктан,
бармактары да бозоруп кетти.
— Апакем менин!!! Апакееееееем!
… Азамат өзүнүн кыйкырыгынан улам чочуп ойгонду.
Мындай түштөрдү ал дээрлик ар түнү көрөт. Ал колун жаздыктын алдына салып, бир кыздын сүрөтүн
сууруп чыкты. Бул сүрөттү ал бир жыл мурда көчөдө ойноп жүрүп таап алган. Ал сүрөөтү жаздыктын алдына катып коюп, ошол өзүнүн апасы экенине бекем ишенип алган. Караңгыда Азамат анын сулуу жүзүнө көпкө тигилип, анан уктап
кеткенин өзү да байкабай калчу …
Эртең менен балдар үйүнүн башчысы Майрам эже адаттагыдай эле тарбиялануучулардын бөлмөлөрүн
кыдырып жүрдү,ал бардыгына кутман таң каалап,ар бир бөбөктүн башынан сылайт. Азаматтын керебетинин жанына келгенде, жерде жаткан сүрөткө көзү түштү,сүрөт түндө баланын колунан түшүп калган экен. Сүрөттү жерден алып,Майрам
эже баладан сурады:
— Азамат, бул сүрөт кайдан сенде жүрөт?
— Көчөдөн таап алгам.
— А бул ким?
— Менин апам,— деп жылмайды да, - ал абдан сулуу,ак көңүл, мышыктарды жакшы көрөт, - деп кошумчалап койду.
Башчы бул кызды жазбай тааныды. Биринчи жолу ал балдар үйүнө өткөн жылы волонтёрлор тобу менен
келген. Сыягы,ошондо сүрөттү түшүрүп койсо керек. Ошондон бери бул кыз бала багып алууга уруксат алуу үмүтү менен түрдүү мекемелерге ат тезегин
кургатпай барып жүргөн. Бирок, жергиликтүү аткаминерлердин пикири боюнча,анын бир кемчилиги бар: күйөөгө чыккан эмес.
— Ошондойбу, — деди балдар үйүнүн башчысы, — ырас эле ал сенин апаң болсо, анда иштер толугу менен өзгөрөт.
Кабинетине кирип олтурду да, күтө баштады. Жарым сааттан кийин бирөө эшикти акырын тыкылдатты:
— Мүмкүнбү,Майрам эже? — Эшиктин алдында дал ошол сүрөттөгү кыз турган эле.
— Ооба, Амина, кириңиз.
Кыз кабинетке кирди да, башчынын алдына документтер салынган жоон папканы койду.
— Мына, — деди ал, — Мен бардыгын топтодум.
— Жакшы, Аминочка. Мен сага бир топ суроолорду беришим керек, түшүнөсүң да, шарт ушундай... Сен өзүңө кандай жоопкерчиликти алып жатканыңды
аңдап-сезип жатасыңбы? Бала деген — бул эки саат ойногонго эмес, өмүр бою берилет.
— Мен баарын түшүнөм,- деп олуттуу жооп берди жаш кыз , — жөн гана мен бирөөгө керек экенимди билип туруп, тынч жашай албайм.
— Жакшы, — деп макул болду башчы, — сен балдарды качан көрөсүң?
— Мен көрбөйм аларды, кандай баланы берсеңер, ошону алам, — деди Амина, башчынын көзүнө тике карап.
Майрам эжей таң калуу менен каштарын бүйрүдү.
— Билесизби, — деп Амина көшөкөрлөнө түшүндүрө баштады, — чыныгы ата-энелер баланы тандап албайт да... алар баланын кандай төрөлөрүн күн
мурунтан билбейт ... сулуубу же андай эмеспи...сообу же оорулуубу... Алар аны кандай төрөлсө,ошондой жакшы көрүшөт. Мен чыныгы эне болгум
келет.
— Биринчи жолу жолуктуруп жатам ушундай багып алуучуну, — деп жылмайды эжей, — керек болсо мен билемин, сиз кимдин апасы болоруңузду. Анын аты
Азамат, 5 жашта, өз энеси андан төрөт үйүндө эле баш тарткан. Азыр алып келем аны, эгер даяр болсоңуз.
— Ооба , мен даярмын, — деп ишенимдүү айтты Амина, көрсөтүңүз мага менин уулумду.
Башчы чыгып кетип, 5 мүнөттөн кийин кичинекей баланы жетелеп келди.
— Азамат, — деп баштады Майрам эже, — таанышып ал, бул …
— Апа! — деп кыйкырып жиберди Азамат. Ал Аминага ушунчалык катуу жабышкандыктан, бармактары бозоруп кетти.
— Апакем менин!
Амина анын кичинекей далысынан сылап, шыбырады:
— Уулум, уулум менин … мен сени мененмин …
Амина башын көтөрүп, башчыдан сурады:
— Качан мен алып кетем уулумду?
— Демейде ата-энелер менен балдар бара-бара көнүшөт бири-бирине, адегенде ушул жерде карым-катышта болушат, анан дем алыш күндөрү үйлөрүнө алып кетишет, андан кийин, эгерде баары жайында болсо, биротоло.
— Мен Азаматты азыр эле алып кетем, — деп Амина ишенимдүү айтты.
— Макул, — деп колун шилтеди башчы,— эртең баары бир дем алыш, алып кете бериңиз, дүйшөмбү күнү келсеңиз, бардык документтерди талаптагыдай
жасайбыз.
Азаматтын бактысына чек жок эле. Ал апасынын колунан кармап алып, көз ирмемге да аны коё
бергиси жок. Булардын айланасында тарбиячылар чуркап калышты... бири анын буюмдарын жыйнап
жүрөт, айрымдары жөн гана четте туруп, көз жашын бет аарчысына сүртөт...
— Азаматик, жакшы бар. Бизге конокко келип тур,— деп коштошту Майрам эже.
— Жакшы калыңыз, келем, — деп жооп берди мотурайган бала.
Алар баары менен коштошуп бүткөн соң көчөгө чыгышты, ошондо ал акыры апасына эң негизги суроосун берүүнү чечти:
— Апа… сиз мышыктарды жакшы көрөсүзбү?
— Абдан жакшы көрөм, менин үйүмдө экөө бар, — деп, Амина баланын кичинекей алаканын назик
кысып күлдү.
Азамат бактылуу жылмайып, өз үйүнө кадам таштады.

[Shalunka1215]

Окуялар ыйлататко..; -(

[FCMUKG]

Асемдик креми. 
Сыналгыдан туз эфирден репортаж журуп жатат. Диктор колундагы микрафонду жаш бир кызга сунат:- Асемдик (сулуулук) тууралуу бир изилдоо жургузуудобуз. Кадыресе, териниздин сулуулугу неге байланыштуу деп ойлойсуз? - Жеткиликтуу олчомдо киреше таппагандыктан бетиме бадыран ( огурцы) кабыктарынан маска жасайм. Кээде крем( огуречный крем) колдоном. Ошондуктан жалтырап турат.Диктор жаш аялга барып: - Сизчи, мырзайым, сиз да бетинизге башкача кам корот сыяктуусуз? - деп сурады. - Мен кымбат кремдерди колдоном. Орто жаштагы аял аралашып: - Мурда мен да ошондой колдонгомун, кызым. Бирок териме зыян келтирген болуу керек, 3 - 4 жылдан кийин бошоп калды деп каршы чыкты. - Бирок териниз жаман эмес сыятуу.- Пластикалык операция дегенди эшиттин беле? Теримди тарттыруу учун бычака аз тушту дейсинби мени?!Диктор маркеттин полкалына заттарды коюп жаткан жашы чон аялды корот. Оз жумушун жасаган телеарнага коп жаргама берген косметикалык фирмаларды капакылбоо учун ошол жака барып: - Эже, тери кутуму тууралуу сураштыруу жургузуудобуз. Сиз улгайган жашынызга карабастан ушундай адеми болуп сакталган бетинизге кандай крем коесуз?- деп сурады. Аял оромолун ондонуп: - Мен бетиме крем суртпоймун, балам. Мен бетими жайнамазга суртомун, - деди. 

[FCMUKG]

~КЫЗЫКТУУ ОКУЯ~✏.

Падышанын аялы падышага:" Сен тозокусун" -деди.Падыша: "Эгер мен тозоку болсом,сага 3 талак "- деди.Эми бул аялга 3 талак туштубу же тушподубу? Бул Имам Шаафиьий же башка бир аалымдардын доорунда болгон окуя. Ошол убакыттын падышасы оз аялы менен жалгыз олтурган эле. Кайсы бир себептен аялы андан нараазы болгон. Падыша махабат менен жана кулуп жайнап убакыт откорууну каалайт. Бирок аялы ачууланган абалда отурат. Ал аны бир козу менен карашты да каалабайт эле. Бир канча убакыт откондо падыша махабат менен дагы бир соз суйоду ,анда аялы :" Сен тозокусун, жогол бул жерден"-деп айтты. Аялы ушунчалык жаман созду айтканда,Падышанын ачуусу келип жогорудагы созду айткан болчу. Падыша созду айтаары айтты,бирок экоо тен туну бою ойлонуп чыкты,талак туштубу же тушподубу? Тан атканда алардын ачуусу таркаган эле,андыктан фатва чыгаруу учун ойлонду. Кайсы аалымдын алдына барса толук фатва чыгарып берет? Анда ага аалымдар мындай жооп беришти:" Мен буга толук фатва бере албайм,себеби сенин тозоку же бейиштик экенинди Аллах билет". Коптогон аалымдардан суралды,бирок алардын баары фатва бере албады.Себеби бул талак тозок менен шарт коюлуптур, биз билбейбиз. Падыша ушунчалык сулуу аялынан ажырап калуусун каалабайт эле. Бирое маселе чечилбей,чон маселеге айланды. Падышанын маселеси буткул жакка таркап кетти,акырында бир аалымдан сурады :" Сиз айтыныз!" . Ал жооп берди:" Жообун айтамын ,бирок ал учун мен жалгыздыкта падышадан бир нерсени суроом керек". Падыша макул болуп,андан жалгыздыкта сурады:" Сиз омурунуздо бир чон куноого кудуретиниз жетип туруп,аны Аллахтан коркуп,кылбай койгонсузбу? " Падыша ойлонуп бир аздан кийин:" Ооба бир жолу болгон,бир жолу мен болмомо эс алуу учун кирсем ,бир сулуу кыз болмону жыйнап атыптыр. Анын сулуулугун коруп оюм жаман жакка. кетти.Андыктан мен эшикке кулпу салып,ага карай бастым.Ал таза,уялчаак кыз эле,менин кулпу салып,ага карай басканымды коруп,аны калтырак басты. Мен ага жакын барганда:" Ээ падыша! Аллахтан корк!"- дегенде,Аллахтын атын угуп ,тобо чачым тик турду жана Аллахтын чондугу,улуулугу журогумо келди.Ошондуктан дарбазаны ачып,ага:" Кете бер"-дедим. Эгер мен ошол учурда куноо кылганымда кыла алат элем,менден сурай турган адам да жок болчу,бирок мен Аллахтан корккондугумдан кызды жонотуп,куноодон сактанып калдым". Анда Аалым айтты:"Эгер ушундай окуя болсо,мен сен бейиштиксин, талак тушкон жок деп фатва берем".,Башка аалымдар:" Сиз кандай фатва бердиниз" .Ал айтты:"Мен оз тарабымдан фатва берген жокмун ,балким Куран фатва берип жатат",алар: "Куран кантип фатва берди"- деп тан калышты. Ал жообунда Куран аяттарын окуду."Ва амма ман хоофа макоома роббихи ва нахан нафса ьанил хаваа фа иннал жанната хияал ма ваа".Маанси: Ал эми Эгесинин алдында туруудан коркуп,конулу каалаган нерселерден озун тыйган адамдын бара турган жери -албетте Бейиш.

[FCMUKG]

Али (РА) бир христян дининдеги адамдын үйүндө конок болду. Коноко жүзүм алып келип сунду. Али (РА) жеди. Анан жүзүмдөн жасалган шарап алып келишти. Али (РА) айтты: - Бул арам!Анда христян: Мен мусулмандарга таң калам. Жүзүм адал, ал эми жүзүмдөн жасалган суусундук арам...?Али (РА) айтты: - Аялың барбы?- Ооба, бар.- Кызың барбы?- Бар.- Ал экөөнү бул жерге ээрчитип кел.Көп узабай алар келишти. Аз. Али (РА) : - Көрдүңбү? Бул кыз жана анын энесин. Энеси сага адал. Бирок анын кызы сага арам!Анда Христян : - Ант ичем! Аллах жалгыз! Мухаммед анын элчиси жана сен анын орун басарысың! !! - деп ислам динин кабыл алганын жарыялады

[Meruet84]

~АЯЛ ЖАНА АРЫСТАН .~

Бир күнү бир Аалымга бир аял келип, күйөөсү өзүнөн башканы сүйбөй турган кылып, уу чөптөрдөн дары жасап беришин сурайт. Аалым айтты: - Бисмилях! Макул, жасап берейин. - Чын элеби? - Ооба, бирок ал дарыны жасаш үчүн мага бир нерсе керек. - Эмне? - Мага тирүү арстандын жалындагы кылынан алып кел. - Мен аны кайдан табам? Тирүү арстандын жалынын кылын кантип алам? Өлүк арстандан болсо, алып келмекмин. - Жок, тирүү арстандыкын гана алып келишиң керек. - Макул, алып келгенге аракет кылам. Аял күйөөсү өзүн гана сүйөрүн аябай каалагандыктан, мергенчилерге барып айтты. - Арстандын жалынан кылды кантип алууга болот? - Арстан адамды жанына жакын жолотпойт, кылды арстандын курсагы ток кезинде гана алса болот. Аял аракет кылып көрүүнү чечет. Мергенчилерден арстандар жүрчү жерлерди билип, эт сатып алып, токойго жөнөдү. Күткөн арстандарга кезигип, эттен аз-аздан ыргытып бере баштады. Ар бир күнү ушинтип арстанга эт берүүсүн уланта берди. Арстан да аялдын курсагын тойгозгонун сезип, ага үйрөнүп калды. Экөөнүн аралыгы күндөн-күнгө жакын болуп баратты. Акыры бир күнү арстандын жанына барды. Жалын колу менен сыйпалады, арстан каршылык көрсөтпөдү. Ошол убакыттан пайдаланып, аял арстандын жалынан бир тутам кыл кесип алып, артка карай жөнөдү. Аалымдын айтканын алып келди. - Мынаке, алып келдим. - Субхан Аллах! Мага айтып берчи, кандай айла менен алып келдиң? Аял болгон окуянын баарын айтып берди. - Мен арстандын мүнөзүн, адаттарын, өзүн кантип алып жүрөөрүн, баарын үйрөнүп чыктым. Анан мен ага жакындоонун эң жакшы ыкмасын тандадым. Анда окумуштуу жылмайып, “Эми үйүңө бар да, ушул ыкманы күйөөңө колдон! Бирок ал арстандай жырткыч эмес, ал сени жебейт!”- деди.

[uikuchu7]

~Башкы дарыгердин баяны..~

Кырк жылдан бери рак оорусуна жолуккан
бейтаптарды дарылайм. Ушул убакка чейин түрдүү окуяларга туш келдим. Алардын ичинен 1976-жылы болгон бир окуяны баяндап берейин...
Башкы дарыгер болуп иштеп турган убагымда жаш жигит өпкө рагына чалдыгып келип калды. Аны өзүм дарылачу элем. Кудайдын уруксааты менен кыска убакыт ичинде абалы
жакшыра баштады. Болгону, кеминде беш
жылга чейин өзүн жакшы карап, кээ бир
нерселерден тыйылып турушу керек эле. Төрт жыл өтүп, ал жигит Измирге барып келүүнү суранып калды. Кыш айы болгондуктан самолётто барып келүү шарты менен уруксат бердим.
Тилекке каршы ал самолётко билет алалбай, автобус менен жолго чыгыптыр. Анын үстүнө автотыгында алты саат суукта калып кетиптир. Кесели тез арада анын сөөк жана өпкөлөрүнө таркап кетти. Бул болсо башка оорулардын да сезгенишине себеп болуп, баса
албай, дайыма кислород менен дем ала
турган абалга алып келди.
Бир жолу үйүнө барганымда:
«Доктор... Мен сизге абдан нааразымын», – деди.
«Эмне үчүн?» деп сурадым.
«Сиз... диндар адам экенсиз. Неге мага да Аллахты, өлүмдү, акыретти түшүндүрүп бербедиңиз? »
Анын суроолорунан бир аз ыңгайсыз боло
түштүм.
Жигиттин көңүлүн алуу үчүн аракет кылып: «Догдурга ар кандай абалда акчасын берип, дарылана бересиң. Бирок, ыйман дарысын алуу үчүн чын дилден каалашың керек», – дедим.
Ал чын дилден каалайм деген мааниде башын ийкеди. Ушундан кийин үмүтсүз медициналык дарынын үстүнө ыйман менен да дарылоо башталды. Ал болсо мен үйрөтүп жаткан ыйман акыйкаттарын чын жүрөктөн тыңшап, айрым учурда суроолорун берип турар эле.
Бир күнү «Доктор, – деди... өлүп баратканда эмне дешим керек?»
«Сага али шахадат келмесин айтуу узундук кылат. «Аллах, Мухаммад», десең сага үзүр»,– дедим. Оорусу күчтүү болгон үчүн көп кыйнабайт элем. Бул арада сапарга кетип калып, кыска убак көрүшпөй калдык.
Кайтып келгенимде апасы коңгуроо кылып: «Балам бир жумадан бери укол албай жатат», – деди.
Тезинен анын үйүнө барып, эмне үчүн укол албай жатканын сурадым. Анын жообун ушул убакка чейин унута албайм... Эстегенде титиреп кетем:
«Дарынын таасири менен уктап жатканда
өлүмгө туш келип «Аллах, Мухаммад», дей албай калсамчы?» – деди.
Эртеси күнү ага: «Эч коркпо – беймарал укол алышың мүмкүн» дедим.
Жигит бул учурашуубузда акыркы суроосун берди:
«Доктор! Азраил... мага кандай... абалда көрүнөт?»
«Уулум, Азраил алейхи салам бир периште. Кыйналба, ал сага жакшы кебетеси менен келет, Кудайым буюрса», деп жооп бердим. Шейшенби күнү жигиттин абалы оорлошкондуктан үйүн көздөй жол тарттым. Бирок, тилекке каршы аны менен амандашуу мага насип болбоду. Үй-бүлөсү бүтүндөй ызы-чууга түшүп калган экен. Бир гана диндар
карындашы, мени көргөндө жаныма келип,
анын соңку абалын айтып берди: «Бир аз
мурун үйдө бир муъжиза болуп өттү. Агам кислородун чечип, кыймылдаба дегенибизге карабай, туруп даарат алды. Андан кийин эки рекет намаз окуду. Баардыгыбыз нес болуп калдык. Кийин болсо шахадат келмесин келтирди жана «Догдурга айтып койгула, өлүм
периштеси ал айткандан да сонун кебетеде көрүндү», – деп жаны үзүлдү»

[uikuchu7]

Андалус, азыркы учурда Испания деп аталган Шаар мусулмандардын эң өнүккөн, эң өрчүгөн борбору болгон. Християндардын падышасы ал жака өзүнүн аңчысын жиберет, абалын билип кел деп.
Ал барса, багымдатка жумаага топтолгондой мусулмандардын жамаатын көрөт. Намаздарын окуп бүтүшүп бирөөлөрү кураан окуса кийинкилери илимий чогулуштарга айланып олтурушуп билимдерин өрчүткөнүн көрөт. Бир да мусулман Алланы дүнүйөлүк нерседен артка таштабаганын байкайт.
Жолдо баратса 10 жашардагы бала ыйлап аткан болот, андан сурайт: Эмнеге ыйлап жатасың" деп?- ал : он жаанын огун атсам тогузу мээлеген жерге тийип бири тийбей калды дейт.
Ал болгон абалды християндардын падышасына айтып барат.
Ал айтат: Бул коомду биз ааламдагы эң мыкты куралдар мененда кулата албайбыз.
Буларды;" кумарга, күнөөгө, бузукулукка чөктүрүшүбүз керек" дейт.
Ошондо ал өз жеринен эң сулуу аялдардан он чактысын мусулмандардын мамлекетине эркектерин азгыртуу максатта жиберет.
Тиги аялдар мусулмандардын эркектерин күнөөгө батырып, зина, бузукулукту ырбатып салышат.
Кийин жанагы элчи кайта барып мечиттерде жамааттарды таппай калат, бирааз өтсө жаш жигит ыйлап жаткан болот. Андан сурайт: Эмнеге ыйлап жатасың? Деп, жообу: паландай сүйгөнүмө жетпей калдым деген сөз болот.
Ошондо християндардын падышасы, мына эми биз буларды кулатабыз деп, айткандай эле ислаам халифаты ошондон баштап каапырлардан жеңилип, өз кубатын кетирип, шарият мыйзамы кулайт.
Аллах бизди аялдардын бузукуларынан сактаган болсун.....

[uikuchu7]

ТУРМУШТАГЫ ӨЗ ЖОЛУҢДУ ТАПТЫҢБЫ?
Беш акылман токойдо баратып,бир мезгилде адашып кетишет экен.
Анда биринчи акылман: “Мен сол тарапка барайын-ички туйгум(интуиция) ушул тарапка тартып жатат”,- дейт.
Экинчиси болсо: “Мен оң тарапка жол тартайын,бекеринен “оң” деген сөз “туура” дегенди билдирбесе керек”,- деп чечим кылат.
Үчүнчүсү өз кезегинде: “Мен артка кайтайын-биз ошол тараптан келдик,демек ушул тарап менен бассам-сөзсүз токойдон чыгам”,- дейт экен.
Төртүнчү олуя киши: “Мен алдыны карай баса берейинчи,акыры токойдун бүткөн жеринен чыгам” ,-деп чечет.
Анда бешинчи акылман: “Силер баарыңар туура эмес нерсени тандадыңар. Мындан да жакшы ыкма бар.Мени күтүп тургула”,-деп эң бийик дарактын чокусуна чыгат.Ал даракка чыкканча калган акылмандар төрт тарапка тарап кетишет.Дарак үстүнө чыккан соң,ал элден мурун токойдон чыгуу үчүн кайсыл жол менен басууну даана байкайт.Бул бийиктиктен төрт акылмандын кимиси биринчи,экинчи же акыркы болуп келүүсүн да божомолдосо болот эле.Ал бул бийиктикке чыгуу менен көйгөйдү оңой эле жеңип койду.Акылман баарын туура кылганын билчүү.Калгандары болсо аны уккан жок.Анткени, ал чыныгы акылман эле!
Бирок бул окуянын аягы эмес,себеби. ....
Ал адашты....!
Баары туура жолду тандашкан!
Сол тарапка кеткен биринчи акылман токойдо адашып,жапайы жырткычтар менен да бир топко салгылашып, курсагы ач болуп абдан кыйналат.Бирок ал токойдо тирүү калууну абдан жакшы өздөштүрүп, өз тажрыйбасы менен көп адамдарга пайда берет.
Оң тарапка кеткен акылман каракчылардын колуна түшүп калат.Алар аны тоногон соң,өз тобуна кошулуп каракчы болууга мажбур кылышат.Бирок арадан бир топ убакыт өткөн соң акылман алардын жүрөгүндө эки улуу -Боорукерлик жана Адамгерчилик сезимин жарата алат.Алар чын ыкласы менен тообо кылышып,акылман өткөн соң анын жолун улап,өздөрү да чыгаан даанышман болушат.
Артка кайткан акылман киши болсо,өзүнүн басып өткөн изи менен токой аркылуу өтчүү жол салат.Мындан кийин токойго келген адам,адашпай ушул жол менен басканга мүмкүнчүлүк жаралат.
Алдыны карай умтулган акылман болсо,буга чейин Адам баласынын буту баспаган жерлерди ачат.Ал укмуштуудай жерлердин жаныбарларын жана дары-чөптөрүн адамдарга көрсөтө алды.
Ал эми даракка чыгып кеткен акылман көйгөйлөрдү абдан тез чечүү боюнча адис болуп калат.Кимде- ким кыйналганда дароо ага кайрылаар эле.Балким бул ыкма адамды өнүктүрбөсө да,бирок маселени тез чечкенге жардам берчүү.
Демек беш акылман кишинин ар бири өз милдетин так аткарды.
БААРЫНАН МУРУН БИЙИКТИККЕ ЧЫГЫП,ЭҢ КЫСКА ЖОЛДУ КӨРҮҮНҮ ҮЙРӨН!
АР БИР ИНСАНГА ӨЗ ЖОЛУ МЕНЕН БАСУУГА УРУКСАТ БЕРГЕНДИ ҮЙРӨН!
АР БИР ЭЛЕ ИНСАНДЫ АКЫЛМАНДАЙ КАБЫЛ АЛГАНГА ҮЙРӨН,АНТКЕНИ АР БИР ТАНДАЛГАН ЖОЛ УРМАТТООГО ТАТЫКТУУ.
ЖАНА.....
ЭЧ КАЧАН КЫСКА ОЙЛУУ БОЛБОСТОН,ТЫЯНАК ЧЫГАРУУГА ШАШПА!

[Meruet84]

Икая

Бир киши икая кылат:
Колу желкесинен кесилген бир кишини кордум. Ал мени коргон ар бир инсан бираар адамга эч бир зулум кылбасын деп соз кылаар эле. Ага жакындашып:
-Эй бураадар, кандай окуя себеп болду деп сурадым. Ал, таасирлуу окуя деп соз кылып берди:
-Мен заалымдардын жардамчыларынан элем. Бир куну кыйла чоон балык туткан балыкчыны коруп калдым, анын алдына келип балыгын беришин сурадым. Ал болсо бул балыктын акчасына уй-булосуно керектүү буюмдарды алып бара тургандыгын айтып, жон бекер бере албастыгын тушундурду. Мен болсо ага карата куч иштетип, балыкты тартып алдым. Балыкты которуп уйго кетип баратканымда, жаны узулбогон жаныбар колумду тиштеп алды. Уйго келип балыкты ылдый койгон сон, бармагым зыркырап ооруй баштады. Оорунун катуулугунан уктай албадым. Колум шишип да кетти. Тан атып табыпка барып оорума арызданып бардым. Ал бармагымды коруп:
-Бул соок чириши кеселинин башталышы, бармагынды кесип ташташ керек болбосо, колундан айрыласын деди!
Бармагымды кесип таштадым.Андан кийин колум ооруй баштады ооруунун зордугунан козумо уйку келбеди! Билегинден кесип ташта дешти, билекти да кесип ташташка мажбур болдум! Кийин бул дарт чыканака отту, карап турганындай чыканактан да айрылдым. Ошентип, бутундой колду кесип таштаган сон, кээ бирлери мунун себебин сурай башташты. Балык окуясын икая кылып бергенден кийин, алар балыкчыга алдыныраак барып ага оз узурунду айтканында, ыктымал бир азайын кесилбейттир эле.Дагы да кеч эмес барып кечирим сура болбосо беделине отуп кетпесин деп кенеш беришти. Мен балыкчыны издей издей таптым. Буттарына жыгылып ыйлай ыйлай,Аллах акы мени кечирин- деп жалбара баштадым. Ал:
-Сиз кимсиз?- деп сурады. Мен балыгынызды тартып алган кишимин деп болгон окуяны баштан аяк соз кылып бердим. Колумду коруп ыйлап жиберди:
-"Башынызга ушундай балее тушуптур, минден мин ыраазымын" -деди.
-Айтынчы, мен балыгынызды алып койгондо, мага каргыш дуба кылган белениз?
- Ооба, "эй Аллахым, бул пенден кучтуулугу себептуу, мага ырыскы кылып берген нерсенди зордук менен тартып алды, болду мага ушул пенден устундо оз кудуретинди корсот" - деп дуба, бата кылган болчум деди! Саидим мына Аллах менин устумдо Оз Кудуретин корсотту, мен эми заалымдарга кызматчы болгонумдан Аллах ва тьаала тообо кылдым,экенмин заалымдардын эшигине кадам баспаймын жана алардын жардамчыларынан болбоймун! Тауфик Аллахтан дедим.

(малuк кадыр)

[uikuchu7]

СЫР САНДЫК

Абышка-кемпирдин түтүн-булатканына алтымышжыл болду. Жашоонун бир караганга узун, бирок көз ачып жумганча өтүп кеткен бул ирмемин экөө
ынтымак, бакыт менен өткөрүштү. "Казан аяк кагышат" деп коёт эмеспи эл ичинде, булардын казан аягы деле кагышкан жок. Мунун сыры эмнеде
деп ойлоп калдыңызбы? Мунун сыры кичинекей темир сандыкчанын ичине катылган болчу. Баса, абышка-кемпир эч качан сырларын жашырышчу эмес. Алардын жашоосунда баары ачык болчу.
Болгону баягы эле кичинекей сандыкча сырдуу эле.
Ооба, ал абышкага гана сырдуу болчу. Колуктусу босогосун аттаганда ошол сандыкчаны көтөрө келген эле. Алгач анын кооздугуна суктанып, колуна алып
көрүү үчүн жанына барганда, жаш жубайы акырын гана:
- Сүйүктүүм, бул менин сыр сандыгым, сизден сураныч, мен уруксат бермейинче ага колуңузду тийгизбеңиз, - деген жылмайып. Көөдөнүндө жубайына болгон сүйүүсү ашып турган жигитке анын сөзү мыйзамдай сезилген. Колун сандыкчага
жеткирбей акырын тартып алган. Ошол күндөн ушул күнгө чейин сандыкты көзү менен гана карап койгону болбосо, ага кол суна элек. Бир канча жолу батынып анын сырын сурагысы келди, бирок
"Мен уруксат бермейинче ага колуңузду
тийгизбеңиз" деген жагымдуу үн кулагына жаңырып, жагымдуу жаштыгы эсине түшүп кыялга батат да, сандыкты эсинен чыгарып коёт. Мына андан бери
арадан алтымыш жыл өтсө да сандык сырдуу бойдон турат.

* * *

Кемпирдин ооруусу күчөп, төшөккө жатып калды. Табып көпкө чейин тамырын кармап, абышканын кулагына: "Байбиче адам боло албайт, аркы-беркисине камына бер" деп шыбырады. Абышка
кайгыга батты. Өмүрлүк жарыңды жаш кезиңде канча сүйбө, канча жакшы көрбө андан ажыроо ал кезде жеңил болот. "Катын жолдо, бала белде" дейт эмеспи. Дагы бирөөнү таап аласың да, мурункусун бат эле унутасың. Бирок, карыгандыкы кыйын экен. Картайганда кемпирден жетим калгандан сактасын
Кудай. Абышканын муундары бошошуп кетти. Сексендин сересине чыгып калса да, баскан-турганы тың абышка, бир күндө өзүн таштап жиберди. Керебетте кыймылсыз жаткан кемпир да өз абалын билип калды. Абышкасынын колунан акырын сылап, текчедеги сандыкчаны алып келүүсүн суранды. Калтыраган колдору менен сандыкчаны кармап, абышка кемпирге алып келди. "Ача бер"
дегендей белги берди кемпир, жылмайып. Абышка сандыкчаны ачты. Кызык, сандыкчада кийизден жасалган эки куурчак, бир баштык толо күмүш тенгелер бар экен. Кемпир алсыз колдору менен куурчактарды кармалап, абышканын суроолуу көз карашына жооп кыла күбүрөдү:
- Мен сизге жаңы турмушка чыккан күнү чоң энем мага насаатын айтты: "Эркек менен жашоо өткөрүү абдан оор, эгер бүгүнкү чыгып жаткан сапарыңдын
ийигиликтүү болуусун кааласаң, менин бир осуятымды өлөр-өлгөнчө аткарып өт" - деди ал.
–"Менин осуятым ушул: качан күйөөңө ачууң келгенде кийизден бир куурчак жаса жана ачууңду күйөөңө билдирбе, бир күн келет сен бул ишиңе ыраазы болосуң". Мен чоң энемдин осуятын
аткарып, сизге ачууланган сайын бирден куурчак жасап койчумун.
Кемпирдин жанатан берки икаясын угуп отурган абышка азыр эле башына түшүп турган кайгыны эсинен чыгарып, көздөрү күлмүңдөй түштү:
- Сен мага ушунча жылдын ичинде болгону эки эле жолу ачууландыңбы, демек, мен татыктуу күйөө боло алган турбаймынбы?
Ооба, абышка чындап эле кудуңдай түштү, анан баштык толо теңгелерди колуна алып:
- А булардын сыры эмне, булар кайдан келген? – деп сурады. Кемпирдин көздөрү жашылдана түштү, жылмаюуга аракет кылды, үнү жанагыдан алсыз
чыкты:
- Булар ошол куурчактарды саткандан түшкөн акча.
Абышканын жанагы кубанычы суу сепкендей болду. Кемпирдин алсыз колун кармап, көзүнө жаш алды. Ушунчалык көп ачуусун басып, сабыр менен жашаганына ыраазылык айтып, кечирим сурайын деп
кемпирине үңүлө карады. Бирок......