[uikuchu7]

~АЛЛАХТАН УЯЛАМЫН~

Кол ачыктыгы,берешендиги менен эл оозуна алынган,айтылуу Умар бин Убайдулла бак аралап бара жатып дарактын көлөкөсүндө катыган нанды
жеп отурган балага көзү түштү. Жамачыланбаган жери калбаган эски кийимчен жаш бала,колундагы бир сындырым кара нандан бир өзү тиштеп, бир итине үзүп берип отурган экен. Баланын көптөн бери жарытылуу тойбогону кумсарган жүзүнөн көрүнүп
турат.Умар балага жакындап келип,салам берди да,суроо узатты:
-Эмне кылып олтурасың,жигит?
-Тамактанып олтурам- бала кыска жооп берди.
-Нандан бөлөк тамагың жокпу?
-Аллахка шүгүр, мындан башканын кереги жок.
-Бул ит сеникиби?
-Жок.
-Эмне үчүн ага наныңды берип жатасың?
-Кимдир бирөөнүн көзүнчө жалгыз тамактануудан уялам.
Умар баланын ыйманына,зиректигине таңдана анын жанына олтура кетти:
-Сен азатсыңбы же бирөөнүн кулусуңбу?
-Мен ушул бактын кожоюнунун кулумун- деди бала сумсайып.Умар акырын ордунан туруп,баланын далысынан таптады:
-Сен мени күтө тур,мен сенин кожоюнуң менен сүйлөшүп келейин.Умар бактын кожоюнуна барып,андан бакты да,баланы да сатып алды.Анан балага келип,сүйүнчү кабар айтты:
-Алла сени азат кылды жана бул бакты сага белек кылды,эми анын түшүмүн сен пайдаланасың. Бала сүйүнүп,ыраазылыгын билдирди да:
-Аллахтын алдында сен күбөсүң,бул бактын түшүмүн шаардагы кембагалдарга бөлүп беремин,- деп кошумчалады. Умар эми чындап таң калды:
- Өзүң кедейсиң,эмне үчүн түшүмүңдү башкаларга бересиң?
-Алла мага берешендик кылган нерсеге сараңдык кылуудан уялам-деп жооп берди бала камырабай.

"Куттуу коломто"журналы.

" САБАК АЛУУЧУ ТААСИРДУУ КЫССАЛАР
ЖАНА ОКУЯЛАР " китебинен.

[uikuchu7]

Кысаса

Бизге өтө сонун сабак. Андыктан төмөнкү окуяга көңүл буралы!
Бизди бул дүйнөгө мусулман кылып, бүт дене мүчөбүздү , акыл эсибизди аман соо жараткан, Аллах таалага чексиз мактоолор айтам.
Бүгүн мечитте Аср намазынан кийин шам намазын күтүп мечитте отургам. Даараткана жактан коляскада отурган, бир майып бир тууганды айдап, бир таксыр келип калды. Ал Алланын пендеси
коляскадан түшүп жатканда көтөрүшүп, жардам берейин десем:- " Таксыр, сизге оорлугум тийбесин" - деп, жылмайып өзү коляскадан жөрмөлөп, бир топ кыйынчылык менен түштү. Анан жаныма отуруп, мага жылмайып атыңыз ким болот таксыр? Менин атым Муса дейт. Мен атымды айтып, колун кыса кармадым.
-Намазга чейин убакыт бар экен, каршы
болбосоңуз Аллахты улуктап отуралы деп калды. Ал таксыр өзүнө жарашкан сакал коюп, жүзүнөн нур чачырап турат. Мен: - " Бизде илим жок, сизден пайдаланалы " - дедим.Ал жылмайып, Аллага чексиз
мактоолор айтып, Аллахтын улуктугун айтып, ага шүгүрлөр келтирип, көзүнө жаш алды. Мен төрөлгөндөн майып төрөлдүм, эки бутум, сол колум иштебейт. Чулдурап сүйлөй да алчу эмесмин, өмүр бою жакындарыма оорум тийип келет дейт. Аллахтын буйругу менен биржыл мурда сүйлөй албасам да,
намаз жаттап, чулдураган тилим менен сүйлөй албай бирок, чын дилим менен Аллахтан сурап намаз окуй баштадым. Аллах жоктон бар кылган, бүт ааламды кыйынчылыксыз жараткан өз мээрими
менен мага тил берип, сүйлөп калдым. Аллах дубаларымды укканына ушунча шүгүрлөр айтам деп, байкуш көзүнө жаш алды. Адамдарга Аллах ден-соолугун, акыл эсин аман - соо берсе да, канча бир туугандарыбыз шүгүр кылып, бир жолу чекесин саждага койбой, текеберленип жүрүшөт. Эртен кырсык болуп, майып болуп, өз муктаждыктарыны
аткарганга жарабай калса эмне болот? Бул жашоо сыноо жашоо, эртең жараткандын алдына кайсы акыбалда барабыз? Мен сага жашоо бердим, сен
мага эмне кылдың десе, кандай жооп беребиз? - деп, ыйлактайт байкуш.Омурткасы сыздап төрөгөн,
бапестеп багып өстүргөн ата-энесин ыйлатып, каяша сөздөрдү айткандарды көрүп боорум ооруйт. Ата-эне кандай үмүт менен түйшүктөрүңө чыдап, чоңойтсо дейт. Дагы кээ бир бир туугандар канчалаган кыздардын көчөдө намысын тепселеп, абийрин төгүп, таштап кетип жатат. Үйлөнгөндө аялыны менчиктеп алгандар уруп, сабап, кулдай
мамиле кылат, анысы аз келгенсип, никесиз зына кылып ойноштоп жүрүшөт, а мага окшогон майыптар бир аялга зар болуп, үйлөнгүсү келет, бирок кыздар
да майыптын азабын көтөргүсү келбейт. Балалуу болуп, бала жытын жыттайын деп эңсеймин. Чоңойгондо жөлөк болуп, керегиме жарайбы деп, үмүтү жок тилек кылам. А кээ бирөөлөр мөлтүрөгөн балдарын таштап, жаш баланы ата жытына зар кылып жатышат дейт. Сөзүн улап:- " Мен өз муктаждыгымды өзүм аткаралбайм, энем, карындашым мени даарат алдырат, үйдө намаз окуштан коркуп, Аллахтын үйүнө барып, жамаат менен намаз окуйун деп, мечитке алпарган кишиге зарыгам, мечиттер майыптар үчүн ылайыкташкан
эмес. Коляска менен даараткана нары турсун, мечиттин короосуна кириш кыйын дейт. А буту баскан бир туугандарым кантип мечитке басып келбейт, болбогон кафеде кыздарга жагынайын деп, акчасын чачып, шайтандын суусун ичип, зынакорлук өсүп, текеберленип жүрүшөт. Эки адамдын башы бириксе, үчүнчүсүн гыйбат кылышат. Эртең буларды эмне күтөт? Аллах өзүң кечир деп, ыйлап дуба кылам дейт. Бир жылда төрт жолу үч кундук дааватка, мына бүгүн экинчи жолу кырк күндүк дааватка кетип жатам, өзүмдүн кемчилигимди оңдойун.Аллах насип этсе башка бир тууганга эскертейин дейт. Тообо кылып, шүгүр кылып калалы, жамандан тыйынып, жакшылыкты көп жасайлы, өлүмгө даярданалы, өлүм ак, андан эч ким качып кутулбайт. Эртеңки кабырды эстеп корком, акыретти эстеп корком деп, муңканып ыйлайт, тубаса майып төрөлгөн жигит. Аңгыча намазга Азан айтып калды. Намазда туруп, ушул муктаждыгын өзү жасай албаган майып жигит ушунча аракет кылып, Аллахтан коркуп жашаса, анда мен чыныгы майып экенмин,чыныгы сокур экенмин,намазда туруп токтоно албай ыйладым,ушул жигитчелик диниме,өзумө кызмат кылсам боло деп.....

" САБАК АЛУУЧУ ТААСИРДУУ КЫССАЛАР
ЖАНА ОКУЯЛАР " китебинен.

[uikuchu7]

ТУЗ ЖАНА СУУ

...Бир акылманга айылдашы келип даттана берет. Турмуш ага жалаң гана кыйынчылыктарды бергенин, эмне иш кылса да кыйын болуп азап тарта берерин айтуудан жадабайт. Кошунасынын ийгилиги тууралуу айтып, ага кудай баарын бергенин, иштери да жакшы журушуп, балдары да тарбиялуу экенин, жакшы чыкканын, озунун балдары тентек экенин, жакшы бир иш кылууга убактысы да, мүмкүнчүлүгү да болбой жатканын айтып, арыздана берет. Ошондой күндөрдүн биринде акылман ал адамды туз алып келгени жиберет. Бир чыныга суу куюп, ага алып келген туздан бир кочуш салып, ичүүсүн буюрат. Чыны оозуна тийип- тийбей ал адам түкүрүнүп, чыныдагы сууну алыс чачат.
- Ачуу бекен?-деп сурайт акылман.
- Ии, аябай ачуу экен,- дейт анда айылдашы.
- Эми жүр,- деп, анча алыс эмес жердеги көлгө алып барат да, көлгө да бир кочуш туз салат.
- Эми көлдүн суусунан ичип көр,- дегенде, ал адам эңкейип, суусуну канганча ичет.
- Суунун даамы кандай экен? Туздун даамын байкадыңбы? - деп сурайт андан.
- Суунун даамы сонун, муздак экен. Туздун даамы такыр жок.
- Турмуштун тузу баарына бирдей берилет. Болгону, бир чындыкты түшүнүшүң керек: адамдын пейили- суу! Айрым адамдар пейли менен көл болот, турмуштун тузу канчалык болсо да, татымын билгизбей, жашоосун жакшы жакка багыттай алат. Ал эми ичи тар, башкалардын ийгиликтерин көрө албас адамдар чыныдагы суудай болот. Аларга кичинекей туз да даамын чыгарып, ачуу боло берет. Ошондуктан же пейилди кенен коюп башкалардын жакшылыгы үчүн кубанган ”көл” болушуң керек, же чыныгы суудай болуп турмуштун тузунун даамына чыдашың керек. Чечим сенин колуңда,- дейт.
Ачуу нерсе балды бузган сыяктуу ичи тардык ыйманды бузат (хадис)

" САБАК АЛУУЧУ ТААСИРДУУ КЫССАЛАР ЖАНА ОКУЯЛАР " китебинен.

[Nauca.]

Жакшы окуялар экен.

[uikuchu7]

ИТТИКЕ ЖОЛ БЕРБЕ!

Өткөн бир замандарда бир ит жашаган экен . Ал өзүнүн ит болуп аталып калганына аябай нааразы болчу. Күндөрдүн биринде көпкө ойлонуп, “ит”
деген атын өзгөртүүнү чечип, жаныбарлардын ажоосу арстанга арызданып келет:
-Оо, жаныбарлардын падышасы, мени “ит” дешип баары жаман көрүшөт. Менин “ит” атымды өзгөртүп берүүңдү суранам.
Анда арстан:
-Эй ,ит! Сенин атыңы эмне деп өзгөртмөк элек? Сен итсиң да, ит бойдон каласын. Капаланган ит:
-Балким бир жолу бардыр,өкүмдарым? !-десе. Арстан:
-Макул,өзгөртүү үчүн сага бир шарт коем. Шартты аткара алсаң ит атыңды өзгөртүп, каалагандай ат коюп берем.
Кубанычы койнуна батпай турган ит дароо шартты укпай туруп эле макулдугун берет. Арстан:
-Бул бир сан этти үйүңө алып барасын, эртеге ушул маалда, ушул бойдон бүтүн алып келсең атыңды өзгөртөбүз.
Итке бул тапшырма өтө эле жөнөкөй сезилип,үйүнө бир сан этти алып жөнөйт. Үйүнө барып, этти бийигирээк жерге илип коет.
Ары басат, бери басат. Баягы бир сан эт эч эсинен кетпей коет. Анан бир карап койсом эмне болот эле, эч нерсеси кемибейт да деген ойдо, этти келип бир карап кетет.
Ары басат, бери басат. Дагы эле бир сан эт оюнда. Бир жыттап койсом эмне болот эле деген ой менен этти жыттап да кетет.
Ары басат, бери басат . Ээч эсинен кетпеген эт, итти дагы өзүнө тартат. Эми бир тилимди тийгизип жаласам, эч нерсе болбостур деп, эттин жанына
келет.Өзүнүн НАПСИСИНЕ ээ боло албаган ит, этке тилин тийгизгенде эле тиши кошо тийип, эттин баарын жеп коет.
Эртеси куйругун шыйпаңдатып арстандын жанына келип калат. Жагдайды сезип турган арстан:
-Ит элең,дагы деле ит бойдон калыптырсын, -деген экен.
Бул икаядан көптөгөн пайдалуу сабак алсак болот,урматтуу туугандар.Анткени Жараткан Аллах тыйган арам иштердин баары кудум эт сымал бизди тартып турат.Ошондуктан арам ишти кылган бул
жакта турсун,ага жакындабаганга аракет кылуу керек.Жакындаган убакыт менен арам ишти кылуу аралыгы –бир саам эле.Иттин тили этке тийип,шилекейи акканда,анын мээси иштебей калган
сымал,арамга жакындаган адамдын акыл-эси иштебей калат.Аты өчкүр шайтан болсо,үстүңдөн шылдыңдап күлүп,кайра эле “иттикке” түртөт эмеспи.Ошондуктан ИТТИККЕ ЖОЛ БЕРБЕ,анткени сен экөөбүз АДАМБЫЗ!

[uikuchu7]

"Таасирдуу окуя"

Биз билбеппиз, билгенде..


Зулкарнайн алейхисалам жолдо келе жатып "аяктарына илинген нерселерди жыйнай жүргүлө" деп буйрук берет.
Аскерлери бул буйрукту уккан кезде ичтеринен бир бөлүгү "көп жүрдүк, катуу чарчадык. Түн ичиндебиз, буга кошо буттарыбызга илинген нерселерди жыйнап кыйналабызбы, эч нерсе жыйнабайбыз" деген чечимге келип, эчнерсе жыйнабайт.
Экинчи бөлүгү "Кол башчыбыз буйруган экен, амирине багынайлы аз гана болсо да жайнайлы. Анткени колбашчыбызга моюн сунуу керек" деп аз гана жыйнашат.
Үчүнчү топ болсо "Кол башчыбыз эч нерсени жөн гана буйрубайт. Милдеттүү түрдө бир нерсени билип айткан бөлүү керек, буйругун орундайбыз" деп бүткүл каптарын толтурушат.

Тан аткан кезде бүткүл армия түндө алтын койнунан өткөндөрүн түшүнүшөт. Аяктарына тийген нерселер алтын экенин эчким андабаган болот. Ошондо амирди тындабай эч нерсе албаган биринчи топ:
-Каап неге албадык! Кол башчыбыздын сөзүн неге тындабадык. Эч болбогондо бирөөнү алганыбыздааа. .. деп өкүнүп калат.
Экинчи топ болсо өзүн-өздөрү сөгө баштады:
- Каап дагы бир аз алуубуз керек эле. Каптарыбыздын оозуна чейин, чөнтөктөрүбүзгө толтуруп алуубуз керек эле...
Үчүнчү топ да өкүнүп:
- Керексиз, пайдасыз заттарыбызды таштаганда мындан да көп жыйнайт элек...

Мына ушул мисал сыяктуу Акыретте да бүткүл адамдар өкунөт. Каапыр болгон адам:
- Неге ыйманга келбедим. Ишенгенимде эч болбосо Тозоко түшсөм да имандын аркасында, соңунда баари бир Жаннатка кирээр элем. Түбөлүк тозоктон кутулаар элем, дейт.
Мусулман болгону менен сообу аз болгон киши:
Мындан да көп соопту иштерди жасоом керек эле. Мындан да көп нигметке ( милость, счастливая жизнь) кошулаар элем, дейт.
Мусулман болуп, сообу коп болгон киши болсо:
- Каап, мындан да чоң даражаларга көтөрө турган көбүрөөк ибадат жасоом керек эле, көбүрөөк садака берип, көбүрөөк орозо тутуп, көбүрөөк сооп жыйа турган амалдарды жасоом керек эле ... деп окунот.

Аягы..

[Meruet84]

Миң сөзүңөн бир үлгүлүү ишиң артык
Мечиттин имамы Британиянын Лондон шаарына көчүп барып, жашап калат. Ал шаарга чыкканда дайыма бир автобус менен каттачу. Күндөрдүн биринде дайым түшүп жүрчү автобусу менен мечитке жөнөйт. Бул автобусту дайыма бир айдоочу айдар эле. Имам жол билетин алуу үчүн айдоочуга акча берет. Айдоочу имамга 20 пенс ашыкча кайтарым кайтарат. Айдоочунун ашыкча кайтарым кайтарып бергенин көргөн имам ашыгын кайтарып берүүнү ойлойт. Бирок, бир кезде ал: “Кайтарып бербей эле коеюн. Бул Аллахтын мага белеги. Айдоочу менден башкаларга саткан билетинен деле пайда көрөт”-деп ойлонуп, кайтарып бербей турган болот. Автобус имам тушчү аялдамага келип токтойт. Бир саамга ойлонуп туруп калган имам айдоочуга ашыкча акча кайтарганын айтып, айдоочуга акчаны карматат. Имамдын чынчылдыгына ыраазы болгон айдоочу: “Сиз бул райондогу мечиттин имамысызбы? Мен көптөн бери сиз имамдык кылган мечитке кирейин деп жүрөм. Ал эми бул ашыкча кайтарымды сизди сыноо үчүн берген элем”-деди. Айдоочунун сөздөрүнөн кийин имам буттарын араң шилтеп автобустан түштү, алдындагы түркүктү кармап туруп калды да, “Оо, Аллахым! Арзыбаган аз акча үчүн исламды сатып ийейин дедим”-деп ыйламсырады.
Мына, туугандар, биздин жасап жаткан иштерибизди мүмкүн кимдир бирөө артыбыздан байкап жүрөт. Бир эле мусулмандын жаман жоруктарынан улам жалпы мусулмандарга сөз тийип калышы мүмкүн. Ошондуктан, ар дайым жасап жаткан иштерибиз менен башкаларга үлгү, мисал бололу.

[uikuchu7]

КЕДЕЙ ЖАНА КАЙЫРЧЫ

Бир үй-бүлөнүн турмушу оор болуп, тапканы тамак-ашына жетпей, катуу кысылат. Ошондой кыйынчылык күндөрү аялы үйдөгү буюмдарды түйүнчөккө ороп, сатып, акча кыл деп, күйөөсүн базарга жиберет. Киши сатаарын сатып, түшкөн акчага азык-түлүк алууга бет алганда, алдынан бир кайырчы чыгып:
- Үч күндөн бери тамак жегеним жок, садак берчи дейт.. Кишинин боору ооруп, акчасынын тең жарымын кайырчыга берейин деп, үч күндөн бери тамак ичпеген адамга бул акча эмне болмок эле деп ойлонуп, баардык акчасын берип койот. Үйүнө келип аялына болгон окуяны баяндап берет. Аны угуп аялы кубанып:
- Жакшы кылыптырсың, бүгүн экөөбүзгө курсак тойоорлук азык бар го.. Эртеге дагы көрө жатаарбыз дейт. Эртеси күнү аялы дагы үйүндөгү калган буюмдарды жыйнап, күйөөсүн базарга жиберет. Жолдошу аларды да сатып келатканда, кечээги кайырчы дагы жолунан чыгып:
- Оо, кайрымдуу адам! Сенин бергениңе жүрөгүм жылып, абалым жакшырып калды. Бирок, бүгүндүккө али тамак ичкеним жок. Эгер, мүмкүндүгүң болсо, дагы мага кайыр кылчы дейт. Кедей өзүнүн азгантай акчасынын жарымын кайырчыга берип, жартысына бир балык сатып алып үйүнө келет. Аялы балыктын ичин тазалап жатып:
- Ай абышка бери кел, биз эми байбыз. Бул балыктын ичинен асыл таштар чыкты деп, кубанычы ичине батпай ыйлап жиберет. Экөө деңиз маржандарын алакандарына салып, көздөрүн алалбай суктанып карап жатышканда эшиктин каалгасы кагылып, ар жагынан жанагы кайырчы көрүнөт.
Үй ээси аны кучактап:
- Эми сен да, мен да кедейликтен кутулдук. Мына бул дүнүйө экөөбүзгө тең жетет дейт. Ошондо кайырчы:
- Дүнүйөң өзүңө буюрсун. Мен кайырчы эмесмин. Сени сыноо үчүн жиберилген Алланын периштесимин. Аллах сага ыраазы болду деп, үйүнөн чыгып баса берет.
Дегеле, жүрөгүбүз кенен, пейилибиз таза болсун.
Берген кол - алган колдон жакшы.
Ким алса колун, ким берсе жүрөгүн толтурат!

[uikuchu7]

Оку бирок ыйлаба!

Энеке сизди сагындым...

Апаке, бизди таштап, көзүбүздү жашка
толтуруп кайда кеттиңиз?! Сиз көмүлгөнүңүздө бизге төгүлүп туруучу мээрим кошо көмүлдү. Сизден айрылганыбыздан кийин жакшы сөз,
жагымдуу эркелетуу, таза кийим, таттуу
даамдан да айрылдык. Көйнөгүмдүн кичине жери кирдеп калса, дароо башкасын кийгизет элеңиз, ал эми азыр болсо көйнөгүмдүн кирдигинен курдаштарымдын шылдынына айлангам. Айла жок, өзүм кир жууганды үйрөндүм. Сизден кийин үйүбүзгө башка бир
аял келди. Кичинекей уулу бар экен. Келген күнүнүн эртеси сиз сүйүп өстүрүүчү карападагы гүлдөрдү алып чыгып, акыр чикир ташталуучу жерге ыргытты.
– Эже, бул гүлдөргө апам ар
күнү суу куят эле. Апакем бул гүлдөрдү аябай жакшы көрүүчү. Акыр чикирге ыргытпаңыз, – дедим.
-Апакен жакшы көрсө, мен жаман көрөм, түшүндүнбү? Бул үйдүн ээси апан эмес,
менмин – деди. Атама карадым. Атам жүзүн алып качты. Эртеси карасам, сиздин жакшы көргөн көйнөгүнүздү алып тепшиге салды.
-Апам кирди бул тепшиде жуучу эмес эле, – деп айтуудан корктум. Эмне кылат экен деп күттүм. Тепшиге суу толтуруп карындашыма берди.
–Фатима! Бул чүпүрөктү алып, ашкананын полун жууп чык,–деп буюрду.
–Бул чүпүрөк эмес,апакемдин көйнөгү. Фатима пол жуушту билбейт, ал али кичине, полду мен жууймун, – дедим.
– Болду жубармек, көп сүйлөбө! Сага болсо башка иш бар. Апандын көйнөгү пол жуугандан башка эч нерсеге жарабайт – деди.
Сууга батырып-батырып Фатиманын алдына
таштады.
– Тезирээк бол, антпесен кечеги
таяктан дагы жейсин – деди. Кийин билсем кечээ Фатиманы аябай уруптур. Фатима аябай коркок болуп калган. Өлгөнүнүздөн бери эч бир күлө элек. Өлгөнүңүздөн бери анын чачын кимдир бирөө жакшыраак жууганын билбейм.
Фатима ашкананын полун жуушту баштады.
Мен короо шыпырууга кириштим. Тирүү
кезиңизде сизге жардам бербегенимди ойлоп, жүрөгүм эзилип кетти. Эшик ачылып, атам кирип келди. Колунда сумка бар эле. Алиги аял ырсайып келип, колундагы сумкасын алды. Сиз
отуруучу бөлмөгө кирип кетишти. Сизден
кийин ал үйгө биз кирбедик. Фатиманын
кроватында алиги катындын баласы жатат. Фатима болсо мени менен. Бир аз убакыттан кийин үй ичинен күлкүнүн үндөрү угулду. Узак күлкүдөн кийин баягы катындын уулу сыртка чыкты. Бир колунда балмуздак, экинчи колунда
печенье. Фатимага карадым. Эңкейип пол жууп жатыптыр. Сиз ар дайым: “Мына муну жеп алсан, балбан болосун”, деп оокат жедирү элеңиз. Азыр Фатима экөөбүз бөлөк отурабыз. Атам жаңы катын жана уулу өзүнчө отурушат. Апаке, качан кайтасыз?! Апажан,
качан бизди алып кетесиз?!
Эх, жашоо мынча ачуусуң, жаш наристелердин көз жашы, алардын кордолгону, аларда эмне күнөө деп
ичтен кейип кала бересиң. . .
“Атасыз жетим - жетим эмес, Энесиз жетим чыныгы жетим “деп бекеринен айтылбаптыр.
Сөзүмдүн аягында өгөй энелерге кайрылат элем. Силер да энесиңер го башканын баласы болуп калганында эмне айып, силердин деле жүрөгүңөр бар го, эмне үчүн жүрөгүңөр ташка айланып, мээримиңер муздай тоңуп калган, алар байкуштар апасынан айрылганы аз келгенсип, силердин азабыңар, аларга кайра бооруңар оорубайбы көп болбосо да бир аз көңүл буруп мээримиңди төгүп койсоң жакшы болмок. А аталарчы эмге үчүн балдарыңды коргобойсуң, сенде эмне бир аз болсо да аталык мээримиң жокпу, аялыңдан бадарыңды экинчи орунга койосуң, кантип чыдап турасың
алар сенин балдарың го. . . .
Эмне демекчимин эгер билсеңиз жетимдин көз жашы акса Аллахтын аршы титирейт. Пайгамбарыбыз (саллаллооху алейхи васаллам) айткан: ” Кимде ким жетимдин башын сыласа бейишке кирет, ал эми кимде ким жетимдин кепилдигин
мойнуна алса ал мени менен бейиште сөмөйлөрүн көрсөтүп ушундай аралыкта
жакын болот “деген.
Эй, Өгөй энелер! Жетимдерди кыйнап кордосоңор, бир күн келет Аллах алдында жооп бересиңер! Аларды
кыйнап тозокко отун болгуча, аларды сыйлап бейишке аттан! Бул жагын тандоо өзүңдөн, акыреттин бар экенин унутпа.

" САБАК АЛУУЧУ ТААСИРДУУ КЫССАЛАР ЖАНА ОКУЯЛАР " китебинен.

[uikuchu7]

УУЛБУ ЖЕ КЫЗБЫ?

АКШда эки төрөгөн аялдын балдары төрөт үйүндө алмашып кетет.Бирөөсү кыз төрөсө,экинчиси уул төрөгөн болот.Бирок мээрбан эжелер экөөнү
адаштырып жиберет.Ар бир төрөгөн аял уул баланы мен төрөгөнмүн деп чыгат.ДНК анализдери анчалык көп күткөндөй жыйынтык бере албайт,анткени эки баланын окшоштугу абдан эле көп эле.Дарыгерлер эмне кылууну билбеген абалда өз төрөт үйдүн баш дарыгерине кайрылат.Алар болсо бул маселенин
чечилүүсүн бир гана мусулмандар билүүсү мүмкүн экендигин тастыктайт. Дарыгерлердин бири Сауд
Арабия өлкөсүндөгү аалым кишиге телефон аркылуу чалышат:
-Сиздер тутунган динде баардык суроолорго жооп бар деп ишенесиздерби?
-Ооба,дал ошондой.
Анда америкалык дарыгер абалды түшүндүрөт. Мындай татаал суроого аалым киши жеңил жана өтө тездик менен жооп берет.Эки төрөгөн эненин сүтүн текшерип,кайсыл эненин сүтүндө пайдалуу заттар көбүрөөк болсо,дал ошол аял- уул төрөгөн болоорун
айтып берет.
Дарыгерлер дароо эле сүттүн анализин
жүргүзүп,кайсыл аял уул төрөгөнүн аныкташат. Бул ыкмага абдан таң калган дарыгер мусулман аалымынан мындай кереметтүү усулдун булагын сурайт.
Ислам аалымы жөн гана Ыйык Курандагы “Ниса(Аялдар)” сүрөсүнүн 11 аяты менен жооп берет:
“Аллах перзенттериңер жөнүндө,эркек бала үчүн эки кыздын үлүшүнчө осуят кылат”.Бул деген уул балага кызга караганда эки эсе көбүрөөк пайдалуу
азыктар сарпталат.Чындыгында Ыйык Куран-Жараткан Аллахтын Сөзү жана бүткүл илимдин булагы экендигин дагы да болсо тастыктайт!

[uikuchu7]

Ушул жакка илип койдум, "тепкилеп " кетмей жок.

ЫНГАЙСЫЗ СУРООЛОРГО ТАТЫКТУУ ЖООП БЕРYYНYН ЧЕБЕРЧИЛИГИ.

Абдышукур Ажы Нарматов.

Аябай семиз аял автобуска чыкса, жүргүнчүлөрдүн бири:
-Пилдерда автобуска чыгаарын ушул күнгө чейин билбептирмин - дейт. Анда жанагы аял мыйыгынан күлүп, сылыктык менен:
-Жоок мырзам, бул автобус Нух пайгамбардын кемеси сыяктуу. Ага пилдер да эшектер да түшө берет- деп жооп кайтарат.

Атактуу жазуучулардын бири Бернард Шоуго, текеберденген жазуучу:
-Мен сенден жакшыраакмын. Анткени сен акча үчүн, байлык үчүн чыгарма жазасың, а мен болсо атак-даңк, кадыр-барк үчүн чыгармаларды жазамын- дейт. Бернард Шоу:
-Ооба,туура айтасың!! Ар ким өзүндө жок нерсени издеп жазат- деп жооп берет.

Башшар бин Бирд деген көзү азиз кишиге, адеби начар бир адам:
-Алла Таала кайсы адамдын көзүн сокур кылса, анын ордуна сөзсүз башка бир жакшылык берет дечү эле. Сага Алла Тааладан кандай жакшылык берилди?- дейт. Башшар:
-Сен сыяктуу жагымсыз, өңү суук адамдардын жүзүн көрбөө бактысы берилди- дейт.

Бир көзү азиз адам үйлөнөт. Аялы күндө күйөөсүнүн кулагын кагып:
-Эгер сен менин сулуулугумду көргөнүңдө таң калмаксың- дей берет. Күйөөсү:
-Эгер сен чын эле өзүң айткандай сулуу болгонуңда, көзү көргөн эркектер сени мага калтырмак эмес - дейт.

Британиялык семиз министр, арык-тору Бернард Шоуго: -Сени көргөн адам, Британияда тамак-аштын кризиси болуп жатыптыр - деп ойлоп калат-дейт.
Бернард министрге карап:
-Сени көргөн адам кризистин эмне себептен болуп жатканын түшүнөт- дейт.

Бир киши бир аялды көрүп ага:
-Сен аябай сулуусуң! - дейт. Аял:
-Эгер сенда сулуу болгонуңда сага да ушул сөздү айтмакмын- дейт. Киши:
- Эч нерсе эмес, мен сени алдаган сыяктуу, сен дагы калп эле сулуусуң деп койсоң боло берет- дейт.

Бир аял төрт эшекти алдына салып айдап келе жатса, жанынан өтүп бараткан эки жигит мыскылдап:
- Кутман таң эшектердин энеси! - дегенде, ал аял:
-Кутман таң балдарым! - деп, жооп берип жолун улай берет.

Карылыктан бели эңкейип (көрүнүшү жаа сыяктуу болуп) калган киши көчөдө баратса, жаш жигит шылдыңдап:
- Жаа канчадан о ата?- дейт. Абышка:
-Алла өмүр берсе, сага да бекер берилет- дейт.

Бир ач көз киши падышанын алдында тамактанат. Анын ач көздүк менен козунун этин жеп жатканын көргөн падыша:
- Эмне мынча ач көздөнөсүң, эмне сени козунун энеси сүстү беле?- дейт. Ач көз киши:
- Эмнеге бооруң ооруп жатат, же сени козунун энеси эмизди беле?- дейт.

Апенди эшегин минип, айыл аралап баратса, бир киши:
-Сизди эшегиңизден эле тааныйм- дейт. Апенди:
- Ооба, эшектер бири-бирин жакшы тааныйт- деп жооп кайтарат.

Билдирүүнү түзөткөн: uikuchu7: 13 Февраль 2016 - 15:26

[uikuchu7]

ДИНГЕ ЧАКЫРУУДАГЫ ТУРУКТУУЛУК

Бир мусулман ѳлкѳсүндѳ бир имам жана анын он бир жаштагы Зайд аттуу уулу ар
жума күнү «Бейишке жол» деген китепче
таратышаар эле. Ушундай күндөрдүн бир жума күнүндө күн сууктап, жамгыр жаап жатты. Жылуу кийинип, өзүнүн жумушуна камданып бүткөн Зайд атасына карап:
-Ата, мен даярмын!-деди.
Атасы:
-Балам, бүгүн күн суук, үйдө эле бололу. Анын үстүнө мен бүгүн сасык тумоодон жакшы боло албай жатам,-дейт.
Зайд:
-Анда мен жалгыз эле бара берейин,-дейт атасына суроолуу карап.
Атасы:
-Бисмилля, бара кой.
Зайд кубанган көздөрүн жайнатып Бейишке чакырык кылган жука китепчелерди таратуу үчүн үйүнөн чуркап чыгып кетет.
Ал күндүн бүркөөсүнө, көчөдөгү адардардын сейрек болгонуна карабай китепчелерди таратып жүрдү. Бир маалда караса, колунда жалгыз китепче калган
экен. Зайд колундагы акыркы китепчени бере турган караан таппай туруп калат да, биринчи көргөн үйдүн
эшигин кагат. Коңгуроону басса, эч ким жооп
бербейт... 1... 2... 3-жолу басат... Жок, эч ким жооп бербейт...
Ал кетүүгө кам уруп жатып да коңгуроону баса берди... Акыркы жолу басканынан көп өтпөй, эшик акырын ачылды. Каалганын артынан улгайыңкы аял киши көрүндү. Көңүлү анча ачылбаган аял Зайдга
-Эмне болду? деди.
Зайд жылмайып:
-Кечирип коюңуз, мен сизге Аллах сизди жакшы көрөт. Ал сизге мээримин аябайт деп айткым келди,-дейт да колундагы китепчени сунуп,
-Бул китепчеден Аллах тууралуу, жашоодогу максатыңызды жана бул дүйнө менен акырет жашоосу тууралуу биле аласыз. Аял:
-Ыракмат, сага!
... Бул күндөн толук бир жума өткөндөн кийин имам жума хутбасын өтүп бүтүп, отургандардан суроо барбы?-деп сурайт. Тыным өтүп, мечиттин аялдар жамааты отурган тараптан аялдын үнү чыгат.
-Мен бир жума мурун эле Ислам тууралуу билчү эмесмин. Мусулманчылыкка кызыгам деген ой үч уктасам түшүмө кирчү эмес. Менин абышкам бир нече ай мурун каза болду. Мен бул дүйнөдө жалгыз калдым. Мен үчүн жашоонун мааниси жоголду.
Менин өлгүм келди. Өз өмүрүмө кол салып, арканды алып өлүмгө даярдана баштадым. Арканды шыптын устунуна байлап, моюнум бата тургандай кылып
даярдап башымды салдым. Мына бир кадам
калганымда, коңгуроону уктум. Азыр, кетип калат деген ой менен эшикти ачкым келбей өлгүм келипжатты. .. Жок, коңгуроо тынымсыз кагыла берди.
"Мени ким издеп жатат?" деген толкундоо эшикти ачуума себеп болду. Каалганы ачтым. Мен толкунданып кеттим! Анткени, көзүндө кубаныч
жайнаган, ууртунда жылмаюу уялаган өспүрүм турган экен. Анын: «Аллах сизди жакшы көрөт. Сизге мээримин аябайт!» деген сөзү менени денемди
аралап кетти. Мен эшикти жаап, колумдагы китепчени шашыла көз жүгүрттүм... Кубандым, жүрөгүм жибип кетти!.. Бир канча мүнөт мурдагы
келесоолугума ачуум келди! Жанымды сактап калган Аллахка миң мербе шүгүр айттым. Мен ошол мүнөттөн тартып Кудайды тааныдым... Исламды кабыл кылдым. Китепченин артында мечиттин
дареги жазылган экен. Мына, мен бүгүн аман-эсен, бактылуу абалда силердин алдыңарда турам. Мен ошол балага ыраазычылык билдирем...
Бул окуяны отургандар бир дем менен угушту. Зайддин атасы баласына келип кыса кучактап, Аллахка шүгүр келтирди. Оо, Аллах! Бизди жана биздин укум-тукумду ыкыласман, такыбаа кыла көр, амин!

[uikuchu7]

АДАМДАРДА КЕЧИРИМ КАЛБАЙ
КАЛЫПТЫР ДЕП АЙТЫШАРЫНАН КОРКОБУЗ

Умар ибн аль-Хаттаб (Аллах андан ыраазы болсун) башкаруучу болуп турган кезде үч киши бир жолоочуну Умарга алып келишет да:
-Момундардын башчысы, бул киши биздин
атабызды өлтүргөнү үчүн аны жазалашыңды суранабыз» - дешет, Умар күнөөлүү делген адамга карап:
-Сен эмне үчүн булардын атасын өлтүрдүң? -деп сурайт.
-Мен төө жана эчки багам. Менин төөлөрүмдүн бирөөсү булардын атасынын жайытынан бир түп чөп жеп алыптыр. Булардын атасы төөнү көрүп ачууланып, таш менен урду эле, төө эс-
учун жоготуп жыгылды. Анан мен да ачууланып, ошол төөнү урган таш менен анын өзүн урдум, ошентип ал өлүп калды. Умар болгон окуяны угуп мындай деди:
- Бирөөнү өлтүргөнүң үчүн жаза тартышың керек, биз сени өлтүрөбүз.
Умардын аябай адилеттүү, боорукер жана элинин суранычына көңүл бурган падыша экенин билип, малчы ага акыркы суранычы менен кайрылды:
- Башчым, мага үч күн убакыт бер, атамдан калган мурасты бөлүштүрө элек элем. Эгер силер азыр мени өлтүрсөңөр, иним да, мал-мүлк да жоголот, ошон үчүн буларды жай-жайына коюуга 3 күн
убакыт берүүңдү суранам, мага мындан башка эч нерсе керек эмес!
Муну уккан Умар ачууланып:
-Бул жерде сени эч ким тааныбайт. Сен чоочун адамсың! Сени кимге ишенип тапшырмак элем!»- деп каарданат.
Койчу аянтка чогулган адамдарды
үмүт менен карап туруп, тургандардын арасынан бир адамды көрсөтүп «мына бул адам!» - деп кыйкырып жиберет. Бул Пайгамбар Мухаммаддын (Аллахтын саламы жана ыракматы болсун) нурлуу тилектеши жана баары жакшы көргөн Абу Зарр эле.
Умар Абу Заррга кайрылып:
- Сен чын эле бул адам үчүн жооп бересинби? – дейт.
Абу Зарр башын ийкеп макулдугун билдирет. Аянттагы адамдар Абу Заррдын бул кылганы үчүн аны жемелеп жатышты. Эгер киши өлтүргөн чоочун адам качып кетсе, анын жазасын Абу Зарр тартмак
эле. Бирок бул ойлор Аллахтын Элчисинин нурлуу тилектешин артка кайтара албады. Ал берген убадасында турду. Чоочун адамга 3 күн убакыт
берилип, ал үйүнө жөнөтүлдү. Аянттагы адамдар Абу Зарр үчүн сарысанаа болушуп, үйлөрүнө кайтышты. Чоочун кишинин кайрылып келерине көпчүлүгү
ишенишпеди. Күндөр өтүп жатты. Мединадагы адамдардын баары жазага тарта турган күндү күтүп жатышты. Убадалашкан күн да келди. Элдин баары
аянтка чогулушту. Бирок чоочун кишинин карааны да көрүнбөдү. Күн батып баратты. Бир убакта көпчүлүктүн ичинен «Ал кайрылып келе жатат,кайрылып келе жатат»- деген үн угулду. Алыскы жолдон чарчап-чаалыккан малчы Умардын алдына
келип, бийик үн менен:
-Убадамды аткардым. Мен айткан мал-мүлктөрдү орду-ордуна жайгаштырдым. Эми жазамды алуу үчүн мага эч нерсе тоскоол болбойт,- деди. Умар таң калуу менен жүдөгөн малчыга карап, анын
чечкиндүүлүгүнө суктана:
- Оо, Аллахтын кулу! Сенин кайра кайрылып келишиңе эмне себеп болду? Эмнеге ушунча күн ичинде качып кетпедиң? Койчу:
- Мен адамдардын «Адамдарда ишеним калбай калыптыр»- деп айтышарынан корктум.
Умар Абу Заррды чакырып, «Сенин өмүрү
тааныбаган, бир да жолу көрбөгөн, дагы көрөр – көрбөсүңдү билбеген адамга жооптуу болгонуңа эмне себеп болду?» - деп сурайт. Абу Зарр:
- Мен адамдардын «Адамдарда ишеним калбай калыптыр»,- деп айтышарынан корктум.
Бул сөздөр өлгөн кишинин балдарынын жүрөктөрүн жумшартат. Алар Умар (Аллах андан ыраазы болсун) башчыга кайрылышып :
-"Биз аны кечирдик" , - дешти.
Момундардын башчысы:
- Эмнеге?
Тиги даттанып келген эки адам:
- Биз адамдардын «Адамдарда кечирим калбай калыптыр»,- деп айтышарынан коркобуз.

[uikuchu7]

~ЭНЕ МЕНЕН БАЛАНЫН КЫСКАЧА ОКУЯСЫ~

Автор: Абдышүкүр ажы Нарматов.

Бир аял тигүүчүлүк кылып жан бакчу. Анын жалгыз баласы бар эле. Баласын университетке окутуп, элден кем кылбай акча менен камсыз кылып турчу.Баласы университетти аяктай элегинде энеси көз жумуп бул жашоо менен кош айтышты.Күндөр күнгө уланып,айлар айга алмашып, арадан жылдар өтүп, баласы окуусун аяктап иштей баштады...

Студент кезинде: "Окуумду аяктап иштей баштасам, алган маянамдан ай-сайын энеме берип турам"- деп, ниет кылчу. Бирок, Аллахтын каалоосу менен апасы көз жумду. Апасынан айрылганына кайгырып, көпкө көз жашын төгүп жүрдү. Алган айлык-маянасынын төрттөн бирин кедей-кембагалдарга садака кылып, сообун апасына багыштай баштады... 
Апасынын көз жумганына 30 жылдын жүзү болгонун жана ар-бир намаздын артынан апасына дуба кылаарын, кудук каздырып суу чыгарып, бир канча мечиттерге суу муздаткычтарды коюп сообун апасына багыштаганын Аллахка ант ичип айтат.

Бир күнү өзү жашаган райондогу мечитке намазга барып бир нече кишилердин мечитке суу муздаткыч коюп жатканын көрүп калды. Ичинен өзүнө: "Чыгыш жана батыштагы көптөгөн мечиттерге суу муздаткычтарды коюп, өзүбүздүн райондогу мечитке койгонду унутупмун" - деп, кайгырып турган кезде мечиттин имамы жанына жакындап келип: "О, Мухаммадтын атасы мечитке суу муздаткыч койдурганыңызга рахмат, Аллах таала кылган жакшылыгыңызды кабыл кылсын!" -деди.
Уккан кулагына ишенбей бир азга таңыркап туруп калып:"Аллахка ант! Аны мен койдурган жокмун"-деди.
имам: "Аны бүгүн сиздин уулуңуз алып келип, сиздин берип жибергендигиңизди айтты"-деп, турган кезде уулу Мухаммад келип,атасынын колун өөп: "О, атаке! Аны мен койдурдум, сообун сизге багыштадым, Аллах Таала анын сообуна сизге бейиштеги "салсабила" ичимдигин ичкенди насип кылсын!" -деди.
Атасы: "О, балам! Өзүң мектепте окусаң, муздаткычка акчаны кайдан таптың?- деди.
Баласы: "Беш жылдан бери мектепке жана айт майрамдарына деп берген акчаларыңызды жыйнап, сиз чоң апамдын атынан кайрымдуулук кылганыңыз сыяктуу мен дагы сиздин атыңыздан кайрымдуулук кылдым"-деди.

Бул окуя эскиден айтылган сөздүн акыйкат экендигин дагы бир ирет тастыктайт:  

" Ата-энеге жакшылык кылуу карыз берген сыяктуу, ал карыз сага балдарыңдан кайтат"...

"Ата-энеге жакшылык кулууң өз колуң менен жазган окуяң, аны сага өз балдарың окуп берет".

" Ата-энеңе кызмат кылып, дубасын алып ыраазы кылсаң-анда ата-энең бейишиң... 

"Ата-энеңди кордоп, кызматын кылбай нааразы кылсаң-анда ата-энең кейишиң". ..

Ыйман нуру сайтынан.

" САБАК АЛУУЧУ ТААСИРДУУ КЫССАЛАР ЖАНА ОКУЯЛАР " китебинен.

[uikuchu7]

"АТАНЫН КАДЫРЫН ТИРУУСУНДО БААЛАЙ БИЛ"

Тагдырдын тамашасыбы же......
2003 жыл бешинчи класс окуп жаткан кезим. Бугун адаттагыдай эле эртен менен туруп атакеме эркелеп эркелеп мектепке жөнөп калдым. Атакем мен үчүн ээн кымбат адамым эле, чоноюп калсам да донкойтуп мойнуна отургузуп алар эле. Ошентип мектептен келсем эле үйдүн ичи ызы чуу адамдар да көп болуп чогулуп калышыптыр. Эмне болуп кетти деп коркуп карап туруп калдым, көрсө менин ээн сүйүктүү атакем сознаниясын жоготуп жатып калыптыр. Дароо эле больницага алып барышты. Ал жактан ар кандай анализ чыгарышты кыскасы эмне оору экенин дароо билишкен жок эч кимиси. Больницадан больницага алып барып оорусу менен күрөшүп жаттык. Ошентип убакыт да өтө берди, атам больницага жаткан сайын мектептен да кез кезде калып калып жатып окуум да начарлай баштады. Бир күнү атам аябай шиший баштады кайра эле больницага барышты бирок бул жолкусунда так анализи чыкты ал СЕРОЗ ПЕЧЕНИ деген оору экен ал сарыктан пайда болуп кара сарыка айланып СЕРОЗ ПЕЧЕНИ болуп калат экен. Аттин ошону эртереек так анализ чыгарса айыктырса болмок экен бирок кеч болуп калыптыр дешти докторлор. Анан такыр эле Больницадан чыгарып салышты БУЛ БААРЫ БИР АДАМ БОЛБОЙТ деп. Ошентип атам да баспай калды байкуш апам кичине алдей баккандай эле багып калды атамды. Атама жашоо узартат деген даары сая башташты. Чынбы же калппы билбейм бирок ошол дарысына ишенген жокмун. 3 ай баспай жатып калды атам анан ушул күн келди 7 февраль. Жетисинен сегизине караган түнү атам кыйналып жөөлүп бирде бизди тааныбай коркутуп жатты. Молдолор келип кайра кайра дем салып жатышты. Бирок тагдыр экен ажал жетсе алам дегенин алат экен. Жетинчи февраль саат экилерде атам башкача кыйнала баштады мойну тартылып кыркырап бир нерселерди эле айтып жатты бирок такыр түшүнбөдүм сөзүнө. Ошентип көз алдымда менин ээн кымбат адамым менин таянган атакем саат 03:10до тигил дүйнөгө сапар алды.
Атакем менин алтыным тирүү болуп неберелеринди эркелетбейт белен, уул кыздарындын сыйын коруп колубуздан ысык чай ичбейт белен. Алтыным атакем менин дагы эле эсимде мойнуна оролуп эркелегеним. Бирдеме жакбай калса коркутуп таарынсам да мени көкөлөтүп эркелеткенин. Мына бугун 8 февраль сени эскерип ичим орттонуп отурам. Атакебай жаткан жерин жайлуу болсун топурагын торко болсун,Алла Таалам билип билбей кетирген күнөөлөрүңдү кечирсин бейиштен орун берсин Оомийин....... ..

" САБАК АЛУУЧУ ТААСИРДУУ КЫССАЛАР ЖАНА ОКУЯЛАР " китебинен.

[uikuchu7]

" ПЕНДЕНИН ЭМЕС КУДАЙДЫН КААЛАГАНЫ БОЛОТ "

Кайгылуу окуя

Эки сүйүшкөн эми бир бирине жетишти бирок!!!

Жигит кызга күндө звонок кылат тойго канча күн калганын санап бактылуу
тойго да эки күн калды ЖИГИТ тааныштарына чакыруу баракчаны бере баштады, бир досун тойго айтканы келип дарбазасын ачканда эшек сыяктуу ит жигиттин бутунан тиштеди. Жигит той менен алек болгон ата энесине айтпады аларды дагы кыжалаат кылбайын деп. Той дагы бүттү жигит кыз көшөгөдө кыздын бакырган үнү угулду женелер көнүл бурбады, биринчи түндө болот деп. Кыйла убакыттан кийин женелер кирип караса кыз чала жан өлөйүн деп атат, бала ит тиштегенден кийин кутурган экен докторлор аларды укол менен өлтүрүшкөн имиш....

" САБАК АЛУУЧУ ТААСИРДУУ КЫССАЛАР ЖАНА ОКУЯЛАР " китебинен.

[osh93]

Бугунку Москва шаарына келип биздин улуу урматтуу,ажыбыз Абдышукур (ажы) Нарматовдун баянынан эсте калганча жаза кетейин.Элдер бул баянды укканда бир ыйлап алышты...

Абдышукур (ажы)Нарматовго бир мугалим болуп иштеген биздин бир тууганыбыздын баяны томондогучо;
Мен дептир омурум откончо мугалим болуп иштедим,бирок менде балдарды тарбиялоо деген тушунук башкача эле.Аларды мен эч-качан боорума кысып тарбиялаган эмесмин.Тескерисинче, тееп,уруп,ыйласа оозунан кычкач менен кымчычумун дейт.Аларды, эркелетип эмес омурумдо бир жакшы соз суйлобогонмун. 3-уул.1-кыздын атасымын баары чонойду,кыздарыбызды берип,уулдарыбызды уйлоп эми кана жакшы жошоодо жашап атканда жубайым отуп кетти.
Азыр,жашым жетимиште жубайым отуп кеткенден кийин.Мен ошол озум тарбиялаган баламдын уйундо жашап калдым.Бирок, кун сайын аларды коруп журогум сыгыла берчу болду.Анын да мага окшоп,3-уул,1- кызы бар бирок ал мага окшоп кун сайын урбайт,теппейт, кычкач менен кымчыбайт.Бирок, ошол жакшы тарбияны коруп менин журогум сыгылат эмнеге мен ушундай тарбия бере албадым? Эмне учун мен балдарымды урдум? Эмне учун алар менен ойнободум деп кун сайын журогум сыгылып.Туура эмес кылганымды тушундум.
Анан,балама оз оозум менен айта албай бир куну "смс"-жаздым. Балам мени кечир убагында мен сага туура эмес тарбия берген экенмин,азыр ошолорду эстеп сенин балдарын менен ойногонунду коруп журогум сыгылчу болду.Келчи балам мен да сени бир кучактайын деп "смс"айдап баласын кутуп туруптур.Баласы аны окуп макул ата сизде куноо жок бизге жакшы тарбия бердиниз,азыр чыгам деп жообун жазыптыр.
Ал чыккыча атасы босогодо кутуп туруптур,чыгып экоо кучакташып турушту,бул экоонун биринчи кучакташышы эле.Ал экоо кучакташып турушуп абдан ыйлашты,аны коргон баласынын жубайы да биринчи жолу коргонго абдан ыйлады,баласынын балдары кошо ыйлады.Мына сага бактылуулук.

[uikuchu7]

~КЫЗЫГАН ТЕМИРДИ КАРМАСАМ ДА КОЛУМ КҮЙБӨЙТ~

Бир адам "Ушул заманда да толук мусулманчылыгын карманган адам болду бекен?" деген ойго туш келип, ары-бери өткөндордөн сурамжылай баштайт. Бир күнү сакалдары кардай аппак абышкага жолугуп калып, суроосун узатат. Жолоочу ойлонбостон дароо жооп берет:
-Баланча жерде Ахмад деген темир уста бар, мына ошол адам толук мусулман,-дейт ал сакалын сылап.
Кайдагы темир устаны толук мусулман деген жолоочунун сөзүнө анча ишенбеген тиги, эмнеси болсо да өз көзү менен көрүп келүү үчүн жолго чыгат. Бир канча күн жол жүрүп, темир устаны табат да, сыртынан акмалып аңдый баштайт. Бир күн андыйт, эки күн андыйт, андан башка адамдардан айырмаланган эч нерсени байкай албайт. Акыры, устага түз эле келип, болгон окуяны баштан аяк айтып берет. Уста бир топко ойлонуп, анан сөзүн баштайт:
-Менин элден айырмаланган эч кандай амалым жок. Түнү дайым намаз окуймун, күндүзү дайыма орозо кармаймын деп да айта албайм. Бирок, кээде темирди кызытып жатканымда, тозок оту көзүмө элестеп кетет. Ошондо Аллага жалбарып "Оо, Жараткан Алла! Мусулмандардын эч бирисин тозокко күйгүзө көрбө! Аларга мээрим кыл! Алардын күнөөлөрүн кечире көр!" деп ыйлап дуа кылам. Ошентип катуу берилип кеткенимде темирдин кызыган учун кармап алсам да колум күйбөгөнүн көрүп таң калам...

"Бейиш" гезити

" САБАК АЛУУЧУ ТААСИРДУУ КЫССАЛАР ЖАНА ОКУЯЛАР " китебинен.

[osh93]

Ассаламу алейкум!! !
Бугун сиздерге, аябай оор болгон
пайгамбарыбыз саллаллаху алейхи
вассалламга келген сыноо жонундо баян
кылабыз.
Конул буруп окуп чыгыныз, козунузго жаш
келиши ыктымал, сабак болсун.
Пайгамбарыбыз саллаллаху алейхи вассалам
50 жаштан откондо уулду болду.
Кубанычы ичине батпай суйунуп журду,
дуалар кылды.
Баласы 7 кундук болгондо акыйка кылды,
Уулум Иброхимдей адам болсун деп уулуна
Иброхим деп ысым койду.
Ушу уулу 5,6 жаш болгондо ооруп калды,
пайгамбарыбыз саллаллаху алейхи ва
салламдын конулу ушундай чокту, чыракК
жакса жарышпайт эле, ыйлап хужурасында
олтуруп дуа кыла берди я Аллах уулума шпа
бер деп олтурган эле, дерезеге козу тушту
караса уулу Иброхим чуркап уйдон чыгып
калды.
Пайгамбарыбыз саллаллаху алейхи ва саллам
кубанып кетти, я Аллах озуно шугур дуамды
кабыл кылыпсын деп шугур кылып дуа кылды,
ошол замат пайгамбарыбызга Жабрейил
периште Аллахтан вахи алып келип
пайгамбарыбыздын желкесине башын койуп
ыйлап калды.
Пайгамбарыбыз саллаллаху алейхи ва саллам
эй Жабрейил неге ыйлап жатасыз, кыяматтын
кабары келип калдыбы деп сурады.
Жабрейил ыйлап жок расулаллах сиз балам
оорудан айыкты деп кубанып жатасыз,
уулунузду жакшы коросуз э деп ыйлай берди.
Пайгамбарыбыз я Жабраил уулумду
чындыгында жакшы кором, аны дуйноого
ишенбей кетем деди.
Жабрейил периште дагы ыйлады, я расулаллах
мени менен чогу ким келгенин билесизби
деди?
Пайгамбарыбыз ким келди деди.
Жабрейил мени менен чогу Азроил келди бугун
уулунузду жанын ал алат деди.
Аллах сизге эч качан уул перзент бербейт
экен , уулунузду сизден кийин адамдар
пайгамбар деп албашы учун, бир журокто эки
нерсеге махабат бирикпейт, же умотунузду
танданыз же уулунузду деди.
Пайгамбарыбыздын бут денеси титиреп кетти,
дат деп ыйлап жиберди я робби каарыган
чагымда бул кандай сыноо болду эми деп
жиберди.
Я Жабрейил бул кандай сыноо болду эми деп
ыйлап олтуруп калды, Жабрейилда ыйлап
айтты, я расулаллах мен бардык
периштелердин колун ачтырып койдум озумда
дуа кылам келиниз дуа кылабыз, уулунузду
сиз дуйнодон кайткандан кийин жаныны
алыштыгыны Аллахтан сурайбыз кабыл кылат
деди.
Пайгамбарыбыз ыйлап ушундайбы жабраил ....
мен уулунун омурун сураганы келген
пайгамбар эмесминда деди.
Макул деди расулаллах мен уммотумду
тандадым деди, колуну бардык периштелер
ачкан болсо дуа кылышсын менда дуа
кылам,сизда дуа кылын уммоторумо
уулумдун ордуна садакатту,диндар
перзенттерди берсин деп ыйлап дуа кылды.
Расулаллах айтты уулум менен коштошуп
алууга уруксат берилеби деди.
Жабрейил, Азроил периште сизден уялып
кирбей жатат, сиздин уруксатыныды кутот
деди.
Пайгамбарыбыз саллаллаху алейхи васаллам
чыгып караса баласы жакшына чуркап,
сахаба балдар менен ойноп журуптур, эн
жакшынакайы озуну баласы кроунуп кетти
козуно.
Сулуу мунозду,сулуу адептуу бала эле.
Расулаллах узаак баласына тигилип туруп, эй
козумдун карасы бул жака келиниз деди.
Уулу чуркап келди эле, уулун башынан сылап
уулум сиз сапарга кете турган болуп
калдынызго деди.
Уулу кубанып андай болсо жаны
кийимдеримди кийип алайын э деди.
Расулаллах ыйлап жок сиз кийим керек
болбойтурган, дуйно керек болбой турган
жакка кетишиниз керек болуп калды, уйдо бир
мейманды зыярат кылып чыгыныз деди.
Уулу атасына окшоп зиендуу бала эле, дароо
тушундуда, колундагы жангакты корсотуп,
ушуну балдардан аманатка алдым эле берип
койойунчу деди.
Муну угуп пайгамбарыбыз саллаллаху алейхи
ва саллам дат деп жиберди, я роби ушундай
аманатчым бар эле а деди.
Уулу барып жангакты берип баардык балдар
менен кол алышып коштошуп чыкты, кээ
бироолору менен чон кишилерче жузуго жузун
басып кучактап коштошту.
Жабрейил периште токтобой ыйлап турду, я
расулаллах дуа кылайлык деп.
Расулаллах ыйлап уулун кузотуп турду.
Уулу келип ата кана баштаныз, сиз коп ата
жонундо хадис айткансыз, сизден алдыда
бассам урматсыздык болор деди.
Бул соз расулаллахтын журогуно от салды, я
роби парасатту,акылдуу уулум бар эле а деп
ыйлап басты.
Жолдо сахабалар менендагы коштошту, Абу
Бакр сыдыкты кучактап коштошту бала.
Алар тушунбоду, неге расулаллах ыйлап жатат
а деп калышты.
Уйго киргенде бала Азроилди коруп, ата бул
мейман ким, аны карасам коркуп кетип
жатам деди.
Расулаллах корпонуз бул мейман ушундай зат.
Атаны баладан ажырата турган,дуйнону тугото
турган, горстанды гулдото турган зат деди
эле.
Баланы башына оору кирди , баласы башым
катту ооруп жатат деп калды.
Расулаллах тизесин бугуп келин уулум тиземе
башынызды койуп алын деди.
Уулуну катуу кармап туруп я жабрейил,
азроилге айтын баламы Аллахка бердим
жанын оорутпай алсын деди.
Жабрейил ыйлап жатты.
Баласы титиреп атасына карап бир
жылмайып, жан берди.
Расулаллах озу жууду,озу сурп ороду,озу
комуп болуп дат деп ыйлап жиберди эле
сахабалар, я расулаллах озунуз кайтарган
нерсени озунуз кыласызбы дешти.
Расулаллах саллаллаху алейхи васаллам ,
силер бугунку окуядан кабарынар жок,
бугунку окуя башка бир адамдын башына
тушкондо чыдап туралмак эмес деди.
Эгер балам силердин баланар болгондо азыр
ойноп жургон болор эле деди.
Сахабалар болгон окуяны угуп, ыйлап Аллах
сизге сабыр берсин деешти.
ээх бир фикир кылайлы туугандар, эртен
пайгамбарыбызга барып козуно кантип
карайбыз, баласына бизди сизди алмаштырды
эле а, ал урматты, ал сыйды кантип
кайтарабыз ойлонойлу...
Дайыма,кай жерде болбосун
пайгамбарыбыздын аты жанырса артынан
созсуз алейхи салам же, саллаллаху алейхи
васаллам деп кошо жазыныздар. Ката
кетирсем кечириниз. Досторунузга жибериниз
окушсун, билишсин. Сизден АЛлах раазы
болсун.
Мен жай гана копироват эттим ушул окуяны
талыкпай жазган инсанга Аллах эки дуйно
бакыт берсин.
‬: Салам, түшүнүп окуу, сураныч!
Мына жалган дуйно ушундай өтөт экен.
Эр адам өз жолу менен кетет экен.
Саждага мындай кундо тийбесе жер,
Жүрөк таза деп бекер экен.
Бирөөлөргө дүйно арман экен
Жалган дүйнө бизди алдаар бекен.
Лондон, Париж барууга арман болсо,
Сокурларга күндү көрүү арман екен.
Музыка мээбизди уулар бекен,
Кайгыга баскан жүрөгүмдү эми кантем
Керек болуп туулган адамзатка
Азан үнүн бир угуу арман экен
Шарап ташып жүрөбүз дүкөндөрдө
Кудай эмес коркобуз төбөлдөрдөн
Мен кантээр экем, буту жок майып болгон пенде болсом
Аллахка сансыз шүкүрлөр болсун!
Бизге ушул күндөрдү насип кылган
Аллахтын ыраазычылыгы үчүн
Билсин, үйрөнсүн.
Ассаламу алейкум!
Ишенсең, Алла сенин ишениңди таап берет. Сага Аллахтын нуру жаасын!
1.Эн жакшы сөз Алла
2.Эн жакшы үн Азан
3.Эн жакшы китеп Куран
4.Эн касиетүү жер Мекке
5.Эн касиетүү ай Рамазан
6.Эн жакшы иш Садага (берүү)
7.Эн жакшы касиет Орозо
8.Эн жакшы ангеме Хадис
9.Эн жакшы төшөгүн Жай намаз
10.Эн жакшы дин Ислам
11.Эн бактылуу адам Мусулман!

[uikuchu7]

ФАРАУНДУН СЫРЫ....

1981 жылы Франция өлкөсүнө Франсуа Миттеран президент болуп дайындалган соң,Франция бийлиги расмий түрдө Мысыр(Египет) башчылыгынан фираундун(фараон) сөөгүн изилдөөнү суранышат.Сурап жаткан фираундун денеси Франция өлкөсүнө чоң салтанат менен алып келинип,жадагалса аны тосуп алууга Франция президенти да катышат.Табытты көтөргөндөрдүн астына атайын кызыл килемче салынып,чоң зыйнат көрсөтүлөт. Баардыгы бул фираун башкалардан өзүнүн чексиз зулумдугу жана канкорлугу менен айырмалангандыгын тарых барактарынан мыкты билчүү.Бул изилдөөгө археология ,анатомия жана медицина илимдеринин түрдүү тармактарынын адистери катышат.Башкы хирург жана жоопкер катары Морис Букай аттуу окумуштууну тандап алышат.Илимпоздордон турган жоон топтун негизги максаты:фираундун өлүмүнүн себебин аныктоо эле.Башкы хирург жана жоопкер катары Морис Букай аттуу окумуштууну тандап алышат. Илимпоздордон турган жоон топтун негизги максаты:фираундун өлүмүнүн себебин аныктоо эле. Башка бальзамдаштырылган өлүктөргө салыштырмалуу фираун Рамзес Экинчинин денеси мыктыраак абалда экен.Өлүк денени маталардан бошотуп жатканда кызыктуу бир нерсени байкашат.Анткени фираундун колу капысынан көтөрүлүп, мурда атайылап бирөө бүгүп туруп,таңып койгондой болуп чыгат.Изилдөөлөрдүн жыйынтыгында фираун чөгүп өлгөндүгү аныкталат.Бул жыйынтыкка рентген тасмасында байкалган деңиз тузунун калдыктары жана тышкы күчтүн таасири жок эле сөөктүрү сынгандыгы билдирип турду.Себеби сууга чөккөн адамдын сөөгү сынганда,терисине зыян келбей, сөөк ичинен сынат экен.Мунун баары фираун өлгөн соң,анын денесин дароо эле суудан чыгарылгандыгын далилдейт. Бирок изилдөө башчыларын анын өлгөн себебинен мурда да,3000 жылдан ашкан мезгил аралыгында өлүктүн бузулбагандыгы таң калтырган.Профессор Морис бул илимий ачылыш көптөгөн сенсация жаратып,гезит беттеринен түшпөй калат го деп элестетип жатканда,кимдир бирөө ага: “Шашпаңыз,месье Морис,мусулмандар 13 кылым мурда эле фираун сууга чөктүрүлүп өлгөнүн билчүү”,-деп кайрылат. Улуу илимпоз буга көп деле маани берип,ишенбейт. Анткени мындай ачылышты бир гана жетишкен илимий техника аркылуу жүзөгө ашырууга мүмкүн эле. Профессор тааныштарына Тоорат китебин берүүнү сунуштап,андан тарыхий маалымат издеп таппайт.Анын оюнча жөөттөр бул жөнүндө көбүрүүк билүүгө тийиш эле,анткени фираун Рамзес Экинчи жөөтөр менен кошо аларга түшкөн Муса (ага Аллахтын саламы болсун) пайгамбарды куугунтуктап жатып,Кызыл деңизден өз ажалын тапкан. Бирок бул пикир профессордун оюнан эч кетпестен,түнү менен ойлонуп,сөзсүз кайсыл бир мусулман өлкөсүнө барып,ушул маселе боюнча Ислам аалымдарынын пикирин билүүнү чечти. Акыры көздөгөнүнө жетип,Сауд Аравиядагы бүткүл дүйнөлүк медицина илимпоздорунун конференциясына катышып,жергиликтүү аалымдар берген Ыйык Курандын маанилеринин котормосунан бул аяттарды окуду: “Бүгүн (сени өлтүрүп,бирок) денеңди куткарабыз, сенден кийинкилерге(кийинки коом- цивилизациялрга) сабак болушу(ң) үчүн.Чындыгында ,көпчүлүк адамдар биздин аяттарыбыздан кабарсыз калышкан” (Юнус сүрөсү,92) Бул аяттарды окуган профессор Морис Букайдын тизелери калтырап,аны куурчап турган адамдарга: “Мен Исламды кабыл алдым жан ушул Китепке ыйман келтирдим”, -деп жарыялайт.Өз мекенине кайткан соң,он жыл ичинде “Инжил,Куран жан илим:ыйык жазмалардын сыры илимдин көз карашында” деген китепти жазат. “Азыркы илим жетишкендиги Ыйык Курандын акыйкатынан 13 кылым артта экендигине ынандым”,-деп айткан бул кишинин сөздөрү Ыйык Куранда ачылбаган дагы көптөгөн сыр жатканына кабар берет. Ыйык Куран бизге фараондун өлүм алдындагы акыбалын да кереметтүү сүрөттөп жатат: “Качан гана Фираун (деңизге) чөгө баштаганда: “Ыйман келтирдим! Чын эле,Исрайил урпактары ишенген Аллахтан башка кудай жок!Мен да мусулмандардан биримин!”- деди.” Эмиби?!Кечээ эле күнөөкөр болуп,бузукулардан болуп жүрдүң эле!” (Юнус сүрөсү,90-91)
Бирок фираундун тообосу кабыл болбойт, анткени жаны алкымына келгендеги тоободон пайда жок.

Жаныбыз гаргарага келгенче ыйман келтирип калалы, туугандар! !!