' Акындар айтышы. - Суперстан 51

Суперстан: Акындар айтышы. - Суперстан

  • (227 )
  • +
  • 49
  • 50
  • 51
  • 52
  • 53

Акындар айтышы. Акынсыңбы? Күчүңдү сынап көр.

#1001   Demon   22 Декабрь 2010 - 12:22

  • Активист
  • Кыймылы жок
  • 1 517
  • 26 Ноябрь 09
  • : 27 Янв 2014 05:39
  • Жынысы:Эркек
  • Калаасы:Анкара

Ооу ДЕМОН кандайсыз???
Форумдан, форум тандайсыз
Сагындырып элдерди
Суперге неге жазбайсыз…? ??
Угуп калдым бироодон
Эми базарлык доолайвыз…
Туркиядан келдим деп
Неге бир ооз айтпайсыз???


Andormeda chooon salam
Kelip kalgan jayimdi
Aytpadim kechir sadagam
Kemchiligim bar bolso
Kachpayle moynuma alam
Saginip kalip kalsaniz
Jazbaysizbi kupuya
Anan men da batiraak
Jazmakmin da kimpiya
Murunkuday forumdun
Kizigin tabalbay kaldim
Oshon uchun ozumcho
Bekinip jashinip aldim
Azir jurum Bishkekte
Baylik toptop ar jerden
Jol tapkani jatamin
Bir demkeler tishteshke
Dagi jazip turamin
Birok bolboy ubakit
Forumdan uzaak ubagim
Men tuuraluu ugupsun
Maga taanish adamdan
Al adamga men raazi
Taap aldim aalamdan
Oshol biroo degenin
Sezet beken men uchun?
Ozgocho adam ekenin?

Ozun dagi jogolboy
Jazip tur Andor ayim
Kutoyun senden jiluu soz
Kunu tunu ar dayim ... :D
Баркымды билгендердин эсиндемин...

#1002   DOHKUXOT   22 Декабрь 2010 - 13:36

  • Активист
  • Кыймылы жок
  • 654
  • 20 Декабрь 10
  • : 25 Мар 2017 01:11
  • Жынысы:Эркек
  • Калаасы:Бийик тоолор койнунда.

Тээ алыскы Ла-Манчтан сапар тартып келе жаткан Донкихот Суперфорум деген өлкөгө туш болот. Тогуз жолдун тоомунда жайгашкан айылдагы бака-шака чыккан ыр-күүгө кызыгып, Росинантты көк чөпкө байлап, элге аралашат. Көрсө, бул чөлкөмдүн атпай акын аттуусу чогулуп чоң айтыш болуп жаткан экен. Ошол жерден комузун күүлөп, кымча бел кыздарга кашын кагып, кызыл жүз мырзалардан чоочуркап, Донкихот кыпакыргызча мындай деп төгүп баштаптыр:

Эээээй, жалпы журт мында аманбы?
Ламанчтан айтам саламды!
Кыргызым жалпы аманбы
Кыйкырып айтам саламды!

Кыргыздын айтыш өнөрүн
Улагандар аманбы,
Ааламдын сырын өкчөгөн
Уламалар аманбы?

Ата салтын, насилин
Колдогондор аманбы,
Атактуу айтыш өнөрүн
Жолдогондор аманбы?

Баятан бери ырларды
Угуп жаттым тамшанып
Ырдагым келди менин да
Көңүлдү ээлеп шашмалык!

Уруксат берип турсаңар
Мен дагы аз-маз төгөйүн
Күүлөнүп турган кезимде
Күч сынашып көрөйүн.

Чертип чертип комузду
Чын көңүлүм бөлөйүн,
өлсөм дагы айтышып
Силердин колдон өлөйүн.

Латынча менен жазгандар
Жараткан "кирилл" бергенде
Кечигип жетпей калгандар,
Айланткан адам акылын,
Бул деги кандай жарандар?
Каректин майын агызбай
Латынча менен жазбаңдар,
Канчалык кыйын болсо да
Кириллче клава тандаңдар,
"ө"," ү","ң" ды айтпай ак койдум
Оногу эле орустун
Клавасын басчы туугандар,
Менимче баары бул жерде
Компьютер,шрифт боюнча
Жакшы эле билим алгандар.
Жаман көрбөй сунушту
Мезгилден артта калбаңдар.

Strateg деген акын бар
Тамаша ырга жакын бар,
Стратегиялык маанилүү
Ыр саптарын жазгың бар.
Ырдашалы кел досум,
Байкайын канча алың бар?

Demon деген бир жигит
Жазат экен ырларын
Андан мындан бир кирип,
Ниги болсо бир укмуш
Болуп койдум коркумуш,
Жакшынакай адамды
Айланткан экен демонго
Түбүң түшкүр бул турмуш!
Балбандарча эрөөлгө
Чыкпайлыбы Демонум?
Жарыша чертип комузду
Ырдайлыбы Демонум?

amantur баатыр барсыңбы?
Улуусуңбу,жашсыңбы?
Айтканыңды бербеген
Катуулап калган башсыңбы?
Сен оппозиция түзгөндө
Мүчөлүккө катталдым,
Эртерээк жаран болсом деп
Виртжашоомду баштадым,
Административдик башкаруу
Жетпесем да уккукка
Жакшы ниет,жөрөлгөгө
Мен да кадам таштадым.
Айтышып мында көрөлү
amantur досум качпагын.

Эске түштү аргасыз
Байыркы гректин жомогу,
аndormeda сулууну
Айтпай кетсем болобу!
Нигиңе затың жарашкан
Татына сулуу окшойсуң
kom'го тартып сен тузак
Басаар жолун торойсуң,
Даана айтпай дайныңды
Бой көтөрүп болбойсуң.
Из кууган аңчы тайгандай
kom да артыңдан калбаптыр,
Жетиш үчүн өзүңө
Дүйнөдө баарын арнаптыр,
Ай,Күн,жылдыз баарысын
Подарить эте жаздаптыр!
Берейин десем мен белек
Бул kom деген жигиттен
Бир тутам гүл да калбаптыр!
Калтырбаптыр эч нерсе
Ааламдын гүлүн бүт үзүп,
Магазин,дүкөн жабылды
Шоколад,коньяк түгөнүп!
Ээмииии,ушунча болуп калган соң
Шанс бере көр жигитке,
Оюну бүткөн картадай
Чаба көрбө квитке!

....курсагы ачып кеткен Донкихот ушул жерден ырын токтотуп, жакын жердеги чайханага жөнөдү...
Калпагыңар башыңардан түшпөсүн, Кыргыз уулдары!!!

#1003   amantur   22 Декабрь 2010 - 14:25

  • Активист
  • Кыймылы жок
  • 1 536
  • 01 Май 08
  • : 10 Апр 2016 03:35
  • Жынысы:Эркек
  • Калаасы:Бишкек, Жалалабат, азырынча Москвада

Тээ алыскы Ла-Манчтан сапар тартып келе жаткан Донкихот Суперфорум деген өлкөгө туш болот. Тогуз жолдун тоомунда жайгашкан айылдагы бака-шака чыккан ыр-күүгө кызыгып, Росинантты көк чөпкө байлап, элге аралашат. Көрсө, бул чөлкөмдүн атпай акын аттуусу чогулуп чоң айтыш болуп жаткан экен. Ошол жерден комузун күүлөп, кымча бел кыздарга кашын кагып, кызыл жүз мырзалардан чоочуркап, Донкихот кыпакыргызча мындай деп төгүп баштаптыр:

Эээээй, жалпы журт мында аманбы?
Ламанчтан айтам саламды!
Кыргызым жалпы аманбы
Кыйкырып айтам саламды!

Кыргыздын айтыш өнөрүн
Улагандар аманбы,
Ааламдын сырын өкчөгөн
Уламалар аманбы?

Ата салтын, насилин
Колдогондор аманбы,
Атактуу айтыш өнөрүн
Жолдогондор аманбы?

Баятан бери ырларды
Угуп жаттым тамшанып
Ырдагым келди менин да
Көңүлдү ээлеп шашмалык!

Уруксат берип турсаңар
Мен дагы аз-маз төгөйүн
Күүлөнүп турган кезимде
Күч сынашып көрөйүн.

Чертип чертип комузду
Чын көңүлүм бөлөйүн,
өлсөм дагы айтышып
Силердин колдон өлөйүн.

Латынча менен жазгандар
Жараткан "кирилл" бергенде
Кечигип жетпей калгандар,
Айланткан адам акылын,
Бул деги кандай жарандар?
Каректин майын агызбай
Латынча менен жазбаңдар,
Канчалык кыйын болсо да
Кириллче клава тандаңдар,
"ө"," ү","ң" ды айтпай ак койдум
Оногу эле орустун
Клавасын басчы туугандар,
Менимче баары бул жерде
Компьютер,шрифт боюнча
Жакшы эле билим алгандар.
Жаман көрбөй сунушту
Мезгилден артта калбаңдар.

Strateg деген акын бар
Тамаша ырга жакын бар,
Стратегиялык маанилүү
Ыр саптарын жазгың бар.
Ырдашалы кел досум,
Байкайын канча алың бар?

Demon деген бир жигит
Жазат экен ырларын
Андан мындан бир кирип,
Ниги болсо бир укмуш
Болуп койдум коркумуш,
Жакшынакай адамды
Айланткан экен демонго
Түбүң түшкүр бул турмуш!
Балбандарча эрөөлгө
Чыкпайлыбы Демонум?
Жарыша чертип комузду
Ырдайлыбы Демонум?

amantur баатыр барсыңбы?
Улуусуңбу,жашсыңбы?
Айтканыңды бербеген
Катуулап калган башсыңбы?
Сен оппозиция түзгөндө
Мүчөлүккө катталдым,
Эртерээк жаран болсом деп
Виртжашоомду баштадым,
Административдик башкаруу
Жетпесем да уккукка
Жакшы ниет,жөрөлгөгө
Мен да кадам таштадым.
Айтышып мында көрөлү
amantur досум качпагын.

Эске түштү аргасыз
Байыркы гректин жомогу,
аndormeda сулууну
Айтпай кетсем болобу!
Нигиңе затың жарашкан
Татына сулуу окшойсуң
kom'го тартып сен тузак
Басаар жолун торойсуң,
Даана айтпай дайныңды
Бой көтөрүп болбойсуң.
Из кууган аңчы тайгандай
kom да артыңдан калбаптыр,
Жетиш үчүн өзүңө
Дүйнөдө баарын арнаптыр,
Ай,Күн,жылдыз баарысын
Подарить эте жаздаптыр!
Берейин десем мен белек
Бул kom деген жигиттен
Бир тутам гүл да калбаптыр!
Калтырбаптыр эч нерсе
Ааламдын гүлүн бүт үзүп,
Магазин,дүкөн жабылды
Шоколад,коньяк түгөнүп!
Ээмииии,ушунча болуп калган соң
Шанс бере көр жигитке,
Оюну бүткөн картадай
Чаба көрбө квитке!

....курсагы ачып кеткен Донкихот ушул жерден ырын токтотуп, жакын жердеги чайханага жөнөдү...


Алик алып Москвадан
Ламанчга салам айтайын
Угуп көрдүм ырыңызды
Анда жооп таштайын

Дон Кихот мырза сиз келип
Айтышайлы дептирсиз
Лексикондон сөз терип
Тартышайлы дептирсиз
Чоң акындан болбосом да
Чакырган жерден калбаймын
Айтышка мени чакырсаңыз
Кантип эле барбайын
Сөз менен ырды кооздотуп,
Комуздун үнүн боздотуп
Айтышсак келиңиз айтышалы
Конструктивдүү сөзгө өтүп
Болгону урушуп кетпесек
Аба ырайды өзгөрдүп
Эми
Сурасам суроолорумду
Уксам жообуңузду
Катталыпсыз жакында эле
Эмне жакты бул жерде
Жакпаганын айтып кетиң
Түзөтөбүз кез кезде
Анда сөздү узатпастан
Сизге кезек берейин
Анан барып, чай ысытып
Бир эки уртап келейин...
Ишенгениң ит болсо,иттин күнүн көрөсүң

#1004   DOHKUXOT   23 Декабрь 2010 - 13:44

  • Активист
  • Кыймылы жок
  • 654
  • 20 Декабрь 10
  • : 25 Мар 2017 01:11
  • Жынысы:Эркек
  • Калаасы:Бийик тоолор койнунда.

amantur баатырга:
аmantur баатырдын ырын уккан Донкихот акырын комузун күүлөп,улам кызуулап жооп айтып турган жери:
Уалейкум ассалям
amantur баатыр келдиңби?
Комузуңду боздотуп
Кооздоп ырдап бердиңби?
Айткан сөзгө бек турган
Эр экениң билинди,
Бетке айткан тайманбас
Шер экениң билинди.
Колдой жүр баатыр форумдан
ДонКихот деген иниңди.
Бешиктеги баланын
Бек болоорун ким билди?
Балким Суперфорумда
Насип этсе Жараткан
Калтыраармын изимди.
Эмии,сенин сурооңо
Бурайын ыр тизгинди.
Бул жактагы көпчүлүк
Жаштар экен билимдүү.
Жаштык шатка бөлөнгөн
Тамаша оюн жер экен,
Кыргыз жыты жыттанган
Керемет жайлоо,төр экен,
Кыргыз деп соккон жүрөгү
Мекенчил жаштар көп экен.
Күтүрөп жашап жатыптыр
Суперстан деген кең мекен.
Кемчилик жагын байкайын
Оппозиция кыймылдын
Мүчөлүгүм актайын,
Туура түшүн жарандар
Сын сөзүмдөн айтайын.
Жаңы келген конокмун
Башын баштап олтурам
Виртжашоо деген жомоктун.
Изилдеп жалпы абалды
Форумдун окуп көп жерин
Убактымды короттум.
Ынтымак жагы биразга
Аксагансып тургандай,
Тамсили сымал Крыловдун
Бири тартса кургакка
Бири сууга бургандай,
Уятсыз жазат кээ бирөө
Төбөдөн кудай ургандай!
Көкүрөгүн койгулап
Мен! дегендер бар экен,
Сөөмөйүн кезеп бийиктен
Сен! дегендер бар экен,
Жакпай калса бир жериң
Бан! дегендер бар экен,
Төрт тарабың кыбыла-
Бар! дегендер бар экен.
Көргөзсөң төөнү мына деп
Бээ дегендер бар экен,
Кыргыздын тили турганда
Орусча жазган эрендер,
Алардан жадап турганда
"конушкан" түркчө берендер,
Кыргызча жаз дегенди
Жакадан алып жеңгендер,
Мен эле мен дей бербей
Келгиле "бизге" өтөлү,
Сен деп сөөмөй кезебей
Сиз деп сүйлөп көнөлү,
Талашпай болбос нерсени
Ынтымак жагын көрөлү,
Эне тилди урматтап
Жашасак да алыста
Кыргызча сүйлөп жашоодо
Кыргыз болуп төрөлгөн соң
Кыргыз болуп өлөлү!
деп сөзүн аяктап, кезекти башка акындарга берип отуруп калат жеңилдеп.
Калпагыңар башыңардан түшпөсүн, Кыргыз уулдары!!!

#1005   andormeda   23 Декабрь 2010 - 14:34

  • Супер-активист
  • Кыймылы жок
  • 1 784
  • 14 Май 08
  • : 26 Окт 2023 00:09
  • Жынысы:Аялзаты
  • Калаасы:Би City - 3Dвятое царство

Эки кун болду байкасам
ДОНКИХОТ деген Шер чыкты…
Таамай айтып, так жазып
Тогот экен чындыкты…
Акындарга сын айтып
Мени кошо чымчыптыр…
Чымчып эле тим болбой..
Технично козун кысыптыр…
Таанышууга шанс бер деп
Тартынбастан айтыптыр…
Берерге белек жоккен деп
Шылтоо айта качыптыр…
Шылтоолорду жаадырбай…
Дукон жакка басыныз…
Букет-сукет жок дебей
ШАНЕЛЬдерден караныз…
атыр жыты жакпаса
«Алтын» жакка басыныз…
Алып туруп бир белек
Жолумду тосуп чыгыныз…
Мындай белек коргон сон
Мен таанышуудан качпаймын
Кыз назымды корсотуп
Тартынып артка кайтпаймын
«жашылсын» деп чалчандап
Квитке точно чаппаймын
˙·٠•●♥●•٠·˙ Жалгызым менин, жаркылдагым менин... ˙·٠•●♥●•٠·˙

#1006   kom   23 Декабрь 2010 - 19:35

  • Активист
  • Кыймылы жок
  • 1 373
  • 16 Январь 09
  • : 23 Мар 2021 11:44
  • Жынысы:Эркек
  • Калаасы:КЫРГЫЗ жыттуу айыл

Созду топтоп ыр курап
Жаза турчу чамам жок…
Чамам болсо туугандар
Айтышканга маанай жок
Баш бага албай айтышка
Артта калып калгам го
Агатайым куттуруп
Акылыман тайгам гооо….
Карындашты качты деп
Аке эмне шашып атасыз…???
Кудай берсе омур жаш
Дагы далай жазавыз

Жылысын деп конулунуз
Ырымды жазып атам да…
Кызыгып копко кутсун деп..
Сагындырып жатам да…
карындашын издээр деп
Каадаланып атам да…
Чопту асманга сапырып,
Башы менен жер казып
Сураштырып коншумдан
Таап алаар деп атам да…

Асман тушуп баратса да
Сизден кантип качайын…
Бетке бороон урса да
Утурлай тосуп чыгайын
Сурасаныз колумду,
экоону тен сунайын
айта турчу созунузду
кулак тошой угайын…




Сагынтып ырын илген кыз

Күттүргөнүн билген кыз

Чама-чаркым, маанай жок деп


Шылтоо да таап ийген кыз
Киргенге көңүл жок болчу
Бул жакка Andormeda сыз
Келип ырың илипсиң
Жүрөктү кылып сен ыз-тыз...

Көңүлдү жылытыш үчүн гана
Жазганың сенин жарабайт
Жүрөктөн эгер чыкпаса анда
Кусалык менде тарабайт
Сагындырдың чынында
Моокумум эми оңой канбайт
Кыз кылыгын кылыпсың да
Жүрөктү ошонуң арбайт......

Үч күн күтсөм келбесең
Качкан экен депмин мен
Издеп кантип бармакмын
Дарегиңди бербесең
Сураштырып тапмакмын
Коңшуңду эгер билсем мен
Давноооле алып качмакмын
Колуңдү эгер сен берсең
Бирөө эмес экөөн берем деп
Алдадыңбы агаңды?
Эми кантип түшүнөм
Бул айтылган жалганды?!
Жалган эмей эмине
Бир күн кирбей калса эле
Жоктугумдан пайдаланып,
Кызгантып сен агаңды
Технично көз кысканга
Көзүңдү сүзө калганды
Же жалган деп айтуу жалганбы?    %)
Cен бул ааламда жалгыз болсон, бироо учун буткул ааламсын...

#1007   DOHKUXOT   23 Декабрь 2010 - 19:46

  • Активист
  • Кыймылы жок
  • 654
  • 20 Декабрь 10
  • : 25 Мар 2017 01:11
  • Жынысы:Эркек
  • Калаасы:Бийик тоолор койнунда.

Бийкечтер айтышка аралашып, жардаган эл күүлдөй түшүп бали ,бали деп кыйкырып тынчыганда, гректин жомогундагы айтылуу сулуудан чырайы калышпас andormedaга ДонКихоттун берген жообу:
andormeda келипсиз
Акынга салам берипсиз,
ДонКихоттун шер экенин
Алыстан эле сезипсиз!
Күлгөнүңүз Андора-
Булуттан ай чыккандай,
Сөздөрүңүз Андора-
Бал менен шекер тамгандай,
Көздөрүңүз адамды
Жипсиз тартып алгандай,
Бу жигит деген баарысы
Сизди сүйүп калгандай,
Форумда сиз бассаңыз
Жигиттин баары карашат,
Колтукташып Сиз менен
Бир басууну самашат,
Сырттан эле сүйүшүп
Кызганышат, талашат.
Келишкен мүчөңүзгө
Кандай кийсеңиз да жарашат,
Кызгалдактай кулпуруп
Элдин баары карашат,
Атыр жыттуу саамайыңыз
Жыттасам деп самашат.

Шылтоо эмес чынында
Болгонун айтам болгондой,
Жашырганда не пайда
Ачыгын айтам ойлонбой.
ДонКихот мырза билесңиз
Жок нерсеге урунбайт,
Дүйнө топтоп кызыгып
Байлыкка да умтулбайт,
Кылымдардын кыйрына
Кыялы менен серпилген,
Какайганга какайып
Эңилгенге ийилген.
Белек берсем мен сизге
Жообу сөзсүз келеби?
Же поклонниктер топтолуп
Талкалап мени тебелеп
Төөбасты кылып кетеби?
Жалгыз аттуу салт жүргөн
Мен жылаңач баатырмын
Дос-тааныштар менде жок
Жалгыздык кылып жатырмын.
Менден сизге бир сунуш
Жакыным менин болуңуз,
Колдоп таяп көп жерде
Мени менен "ооруңуз" .
Эскерте кетчү бир нерсе
Аны да угуп коюңуз,
Мен дагы биле жүрөйүн
Кандай экен оюңуз.
Ара жолдо зорукса
Аргымактан не пайда?
Темир экен жаны жок
Жалтырактан не пайда?
Нары бери кийгенге
Шай жибектен бөз артык,
Кымбат баалуу алтындан
Көңүлдүн кушун көтөргөн
Мээримдүү майин сөз артык.
Шанель деген немеден
Сейдана мончок жыттанган
Табигый эле жыт артык.
Бул сөзүмө сулуу кыз
Кандай экен оюңуз
Ошого карап уланаар
Кийинки карта ойнубуз.
деп сулууга собол салып ырын токтотот ДонКихот.
Калпагыңар башыңардан түшпөсүн, Кыргыз уулдары!!!

#1008   kom   23 Декабрь 2010 - 21:52

  • Активист
  • Кыймылы жок
  • 1 373
  • 16 Январь 09
  • : 23 Мар 2021 11:44
  • Жынысы:Эркек
  • Калаасы:КЫРГЫЗ жыттуу айыл

Иэ де, кызык тамаша
Башталыптыр бул жакта
Донкихот мырза келиптир
Алыстан ат арыта
Ассаламу алейкум
Салт бузбай учурашайын
Төр жактан орун көрсөтүп 
Ыр менен сөзгө тартайын
Келипсиз ыраак жол басып
Жактыбы биздин айлыбыз?
Ламанчтан бери келдим деп
Жогору жакта айтыпсыз
Бел барбы кыргыз ашпаган
Жер барбы кыргыз баспаган
Кыргыз эли улуу эл
Кылымга уучу тараган
Ата тегин билбеген 
Кыргыз жок десем адашпайм
Андыктан сиз да айтыңыз
Кененирээк таанышайн...
Бир жаңсыл кепке келе албай
Турамын сиз же сен дей албай.....

Аянбай аттын арышын
Угуп комуз дабышын
Бурганыңыз жакшы экен
Корунбастан, ат башын
Гүлдөгөн эле бир кезде
Бул шаарыбыз айтыштын
Акындар да көп эле
Тынбай төккөн аш бышым
Сүрөөчүлөр көп эле
Аянбаган алкышын
Гүлдөп турган шаарыбыз
Жапжашыл болуп жай кышын
Уучубуз кур эмес азыр да
Ойлобоң жолун кайтыштын
Андан көрө бирөөсүн
Кармап алып какшытың
Азил менен чымчылап
Оюп алың бир капшытын
А бирок, кайда болсо да
Закону болот өзүнчө
Эки-экиден айтышмай
закону бар айтыштын
Илгертен келген бул салтты
Бузбай биз тек туралы
Кезегибиз келгенде
Ыр маегин куралы
Мына ошондо айтышып
Кумардан да чыгалы
Күчтүүбүз алсызыбызбы
Сөзүбүз менен жыгалы
Оң келсе он-лайн айтышта
Төкмөлүктү сынайлы
А бирок азыр эртерээк
Андормеда сулууну
Таба албай жүрөм мен эптеп
Ошону тапсам бошоймун
Ага чейин чыдайлы....... ... :)
Cен бул ааламда жалгыз болсон, бироо учун буткул ааламсын...

#1009   DOHKUXOT   24 Декабрь 2010 - 19:09

  • Активист
  • Кыймылы жок
  • 654
  • 20 Декабрь 10
  • : 25 Мар 2017 01:11
  • Жынысы:Эркек
  • Калаасы:Бийик тоолор койнунда.

ДонКихот катуу ырдап койгонбу, бул өрөөндүн мыкты чыкма бектери, эл бийлеген шептери күнүнө үч эле жолу ырдагын деп талап коюшту эле, "конок койдон жоош" деген макалды жакшы түшүнгөн салтбилги ДонКихот өз кезегин чыдамсыздана күтүп, kom'го жооп берип турган кези:
Aтагы кеткен алыска
Акын жигит аманбы,
Кыз-келинге аарыдай
Жакын жигит аманбы,
Чукугандай сөз тапкан
Такым жигит аманбы?
Ламанчтан келген алыскы
ДонКихот алды саламды.

Айтканың чындык калет жок
Кыргыздын изи калбаган
Бир дагы кокту-колот жок.
Кыргыздын минген атынын
Такасы кайда калбаган,
Көк мелжиген тоолордо
Ашуу жок кыргыз ашпаган.
Тиги эле өткөн кылымда
Ракетасы чүрчүттүн
Айга барып конгондо,
Биринчи келдик Айга деп
Көкүрөктү койгондо,
Армстронг менен Нил мырза
Жолугуп Айдан Эшматка
Таңгалып шок болгон го?
Кылымдардан кылымга
Кыргыздын көчү уланат,
Канатындай шумкардын-
Оң канат менен сол канат,
Адигине уруудан
Ай тамгалуу баргыдан,
Айтылуу өрөөнүн
Жайы-кышы жай кылган,
Жайыттын кууп жакшысын
Көчүп-конуп мал жыйган,
Карабаргы уругум,
Гүлчөнү көздөй баратып
Чыйырчыкты ашканда
Жылуу-Суунун тургуну,
Ата-энемдин эң кенже
Көкүрөк күчүк кулуну,
Тайларымды сурасаң-
Жылуу-Суулук коңурат,
Алар да барып тамыры
Адигинеге кошулат.
Илгерки кыргыз каганы
Адилхан деген бар экен,
Эрдиктерин айтканга
Убакыт деген тар экен,
Ошол хандын атынан
Ысымымды коюптур,
Кечээги эле заманда
Кыргызды эзип кокондук
Исхак хан чыгып кыргыздан
Алган дейт элет боштондук,
Атакем менин кубатым
Исхактын ысмын алыптыр,
Ысмайыл деген чоң атам
Кечээги фашист согушта
Берлинге чейин барыптыр,
Баатыр бабам Эрназар
Абдылда менен кол курап
Кокондукту чабыптыр,
Бубам менин Бийназар,
Кожакмат деген дагы бар,
Жети атамды сурасаң
Атактуу далай баргы бар.
Окуумду бүтүп жаңыдан
Мен жүрөм азыр айылда,
Каралашып мал-жанга
Кызмат кылып жатам да.

Кыргыз деп күйгөн жигитмин
Адашпай буруп ат башын
Жакшы эле мында кирипмин,
Айтышка тушсөм күзүрмүн
Жеңилип калсам кивитмин!
Ырымдын эмки ыргагын
Бир өзүңө бурайын,
Жашаган жериң,элиңдин
Санжырасын сурайын.
Андора деген суулунун
Изине сая түшүпсүң
3 күтүп бийкечти
Кыш чилдеде үшүпсүң,
Гүлдөрдү терип талаадан
Алтын,коньяк, шоколад
Дүңүнөн алып калаадан,
Ушунча аракет кылсаң дагы
Кызды таба албасаң,
Мындан көрө тууганым
Убара болбой ак койгун,
Не десе макул дей бербей
Сен деле кызга шарт койгун.
Мыктыдырсың сен деле
Калбасаң керек талаада,
Азыр эмне, кыздар көп
Таш ыргытсаң асманга
Адашпай тиет кыздарга.
Сен ошентип кыз тооруп
Жүргөнүңдө тор жайып
Айтышат элем деп коюп
Тураткем да аңкайып?
Кое тур тууган,мени ук
Айтыштын шаңы ажайып,
Угалы мында айтыш деп
Карап турат калайык,
Эки экиден айтышат деп
Эреже айттың кашайып,
Законду бузган өзүңсүң
Жооп берген менде не айып?
Учкансаң соң эшекке
Түшө көрбө тууганым
Көйкашка күлүк ээликкен
Ыргагымды бузбагын,
Тура турсун оногу
Андорго жайган тузагың,
Жиниме тийсең айтышпай
Ортоңорго тикен болуп
Сүйүүңөрдү бузамын!

деп ырын аяктаган ДонКихот, жыландын куйругун бастымбы деп бир чети кооптонуп,бир чети айтыштын кумарына каны кызып, kom'дун жообун күтүп карап калды.
Калпагыңар башыңардан түшпөсүн, Кыргыз уулдары!!!

#1010   kom   24 Декабрь 2010 - 21:01

  • Активист
  • Кыймылы жок
  • 1 373
  • 16 Январь 09
  • : 23 Мар 2021 11:44
  • Жынысы:Эркек
  • Калаасы:КЫРГЫЗ жыттуу айыл

:applause: :good::applause:малдесс. ...
Cен бул ааламда жалгыз болсон, бироо учун буткул ааламсын...

#1011   kom   24 Декабрь 2010 - 21:47

  • Активист
  • Кыймылы жок
  • 1 373
  • 16 Январь 09
  • : 23 Мар 2021 11:44
  • Жынысы:Эркек
  • Калаасы:КЫРГЫЗ жыттуу айыл

Айтаар сөзүн айтып бүткөн Донкихоттун өнөрүнө тан берген kom сөздү эмнеден баштасам деп саамга ойлоно калды. Ал аңгыча көөдөндөгү ырлары өзүнөн өзү төгүлдү...

Алик алып саламга

ДонКихот мырза келген го


Жаккан окшойт кайрылуум
Мыктап жообун берген го
Күтпөгөм жоопту чынында
Бул да бир өжөр неме го
Шиңгил таштап мага арнап
Ыр менен жолум торойт го
Түн кирсе да карабай
Жооп жазбасам болбойт го...

Салтын сактап айтыштын,
Сактык менен ырдаймын.
Чоочуласаң кемсинтип,
Авторитет да жыйбаймын
Улууларды урматтап,
Кичүүлөрдү ызааттап,
Кыз-келинди сыйлаймын.
Ан сыңары сени да
Жамандыкка кыйбаймын.
  Сын айтам деп мен сага
Сындырып тишти албайын
Деп ойлогом чынында
“катылбай азыр турайын”
Четирээк азыр турайын
Аз-аздан ачып сырларың
Байкап көрүп ырдаарың
Анан алым-сабак курайын
Деген ойум бар эле
Эми ал оюм кое турайын
Ката элек азыр кабыргам
Кайыштырып албайын
Деп чоочулап тургамын
Эми не болсо да чыдайын

Төкмөсүз кыргыз ким эле?
Кудайдан берилген энчиге.
“Оп, Балли”-деп эл коштоп,
Кызытып тойлор өтчү эле.
Ал ан сайын акындар
Көбүрүшүп төкчү эле
Кыз менен жигит айтышса
Кызыгын эл көрчү эле.
Ан сыңары мен мында
Кызытайн деп айтышты
Кыз тандагам чынында
Көрө албапсың аны да...

Айтылуу Алай өрөөнү
Кызыкдар көп эл көргөнү
Жакшы экен сенин жерлигиң
Кыргызстандын бир төрү
Жети атаңды калтырбай 
Айтыптырсың азамат
Санжыраны билбесе
Жигит адамга ал уят
Байкаштырсаң башынан
Акындар менен айтышкам
Айткамын туулган жеримди
Жети атамды, тегимди
Ошол жакта жазылган
Мен жөнүндө кеңири...

Ордолуу Оштун кулуну
Кара-Кулжа – тургуну
Кыргызымдын туйгуну
Ата энемдин тун уулу
Атымды койгон чоң атам
Биз үчүн кымбат болду деп
Чакырып азан атымды
Атаган экен Кымбатбек...

Алай менен кыркалаш
Кыздары сулуу керме каш
Адигиненин Баргысы
Жайлоого чыккан катарлаш
Карасы болсоң баргынын
Сарысы болом замандаш...

Угуп турсам төккөнүң
Куйкум сөзгө толуптур
Тийишкеним Андорага
Негизги мисал болуптур
Шылтоолоп акыл айтыпсың
Түпкүргө оюң катыпсың
Айтканыңды баамдасам
Алаам болуп жатыпсың
Жаккан болсо эгерде
Кулакка айтсаң эмине
Кезекти берип турмакмын
Үшүтпөй сени чилдеде
Күттүрбөстөн чын дилде.
Таш ыргытсаң чын эле
Кыздардын тиет бирине
Тандасаң боло шолордон
Асылдың мага эмнеге?
Тоорусам кызды калаада
Ортого түшө калганча
Аңкайып турбай кара да
Акындар көп бул шаарда
Башка кыздар толтура 
Ошолордон жанда да
Эки экиден айтышат деп
Эскерткемин кыйытып
Айтышты күткөн калайык
Айтышты күтсө экиден
Кайдан чыга калды дейт го
Ортодо жүрсөң кыпчылып

Оюм жок бузуу ыргагың
Турса турсун тузагым
Көйкашка боло калыпсың
Төгө бер анда тууганым
Корко турган мен эмес
Сүйүү элеби бузаарың
Сүйүүнү бузаар сен эмес
Колуңдан келбейт бул заарың
Тамаша айттым кичине
Таарынып чыр кылбагын
Ырдагың келсе эгерде
Коркутпай эле ырдагын
Cен бул ааламда жалгыз болсон, бироо учун буткул ааламсын...

#1012   DOHKUXOT   25 Декабрь 2010 - 00:21

  • Активист
  • Кыймылы жок
  • 654
  • 20 Декабрь 10
  • : 25 Мар 2017 01:11
  • Жынысы:Эркек
  • Калаасы:Бийик тоолор койнунда.

Татыктуу өнөктөш чыкканына кубанып, ырлары өзүнөн-өзү куралып, түн уйкудан калып үнүн созгон ДонКихотту угалык:
Aзаматсың тууганым,
Тууганым деп айтканым
Туура чыгып калганына
Кубанып гана турамын.
Тулпарды тулпар көргөндө
Төрт туягы кызыйт дейт,
Экөөбүз мында айтышсак
Чыгаар дейм далай кызык кеп.
Кызууда соккун темирди,
Тамаша-куйкум ыр менен
Ыраазы кылгын элиңди.
Ушунча акын ичинен
Урунаарга тоо таппай
Талантыңа баа берип
Асылдым сага адашпай.
Мага айткан сөзүңө
өз жообумду берейин,
өнөрүңдү байкайын
Чама-чаркың ченейин.

Кыз тооруш сенин ыкмаңа
Алаам деле болбодум,
Канча күн боздоп какшапсың
Кыйналып калды окшойт деп
Жардам берейин деп ойлодум.
Муну кара,"алаам" деп
"Жылдыз" боло койгонун.
"Кулакка айткын" деп айттың
Деги ушуну кантип айттың?
Же жеңеси белең Андордун?
Анда эле тууган жыргаттың!
"Беремин" дедиң- "кезекти"
Кыз деген эмне,дүкөнбү
Же киного кирчү белетпи?
Кыздар көп деги кыргызда
Чырайы теңдеш жылдызга,
Анда не мага бул жигит
Асылды деп тултуйба.
Асылган сага себебим
Айтышсам деп тийиштим,
А так сүйүү жаатында
Кыздарды сүйгөн жигитмин.
Кызганып кеткен белемсиң
andormeda селкини,
Технично кыссам көзүмдү
Тийдиби сага эпкини?
Акындын болом эркини
Каалаган жерге кыпчылчу,
Жөн туралбас төкмөмүн
Ортону жарып ыр кылчу.
"Коркутпа" дейсиң "бузам" деп
"Бузалбайсың тууган" деп,
Коркконуң эгер чын болсо
Коркутпай эле ырдайын,
Көргөн жерде ийилип
Акетай деп сыйлайын.
Алыстан келсең бастырып,
Акетай келди,урааа деп
Аш бышым жерден чуркайын.
Мына ошентип тууганым
Иниңдин көргүн убайын.
Кадырлуу сендей жигитке
Дос болсом экен ылайым,
Аралаш кылып ыр төктүм
Ажыратып алаарсың
Тунугу менен ылайын.
А мен болсо бир азга
Эс алып гана турайын.

деп ДонКихот өз кезегин берип четке отуруп калды.
Калпагыңар башыңардан түшпөсүн, Кыргыз уулдары!!!

#1013   Барс   27 Декабрь 2010 - 20:23

  • Супер-активист
  • Аким
  • 2 987
  • 24 Октябрь 08
  • : 14 Окт 2025 17:37
  • Жынысы:Эркек
  • Калаасы:Айылда

Ассалоому алейкум,

Акындардын турагы.

Мындагы тили шекерлүү,

Акындар аман турабы?

Анчадан бери кирбеген,

Агаңар алың сурады.

Азыркы жаштын бир тобу:

«Саламдашкан ким бу?»- деп,

Акырын мойнун бурабы?

«Аксакал экен келсин»,- деп,

Ордунан ыргып турабы?

Же карайбы көңүл кош:

«Жолоочунун бири,- деп,

Кайдан жүргөн бу дагы?..»



Ошону бир аз байкайын,

Эгерде көңүл бурушса,

Келиңиз деп турушса,

Ыр-нанын сунуп ызаттап,

Ыр-чайынан сунушса,

Ошого көңүл бөлөйүн,

Ак жамгыр сындуу шатырап,

Ырымды анан төгөйүн.

Айтышам деген эр болсо,

Анысын дагы көрөйүн.

Азамат болсо ал акын,

Алкышыма бөлөйүн.:good:

Акылсыз урган жан болсо,

Ашатып туруп сөгөйүн.

Көпкөлөң жүргөн жан болсо,

Көтөрүп атка салайын да,

Көкбөрү кылып жөнөйүн.%)



Акындар, ырды баштай бер,

Аңыраңдабай, шашпай жел.

Алың канча, шыгыңчы,

Сынасын аны турган эл...


Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

#1014   amantur   27 Декабрь 2010 - 21:16

  • Активист
  • Кыймылы жок
  • 1 536
  • 01 Май 08
  • : 10 Апр 2016 03:35
  • Жынысы:Эркек
  • Калаасы:Бишкек, Жалалабат, азырынча Москвада

Ассалоому алейкум,
Акындардын турагы.
Мындагы тили шекерлүү,
Акындар аман турабы?
Анчадан бери кирбеген,
Агаңар алың сурады.
Азыркы жаштын бир тобу:
«Саламдашкан ким бу?»- деп,
Акырын мойнун бурабы?
«Аксакал экен келсин»,- деп,
Ордунан ыргып турабы?
Же карайбы көңүл кош:
«Жолоочунун бири,- деп,
Кайдан жүргөн бу дагы?..»

Ошону бир аз байкайын,
Эгерде көңүл бурушса,
Келиңиз деп турушса,
Ыр-нанын сунуп ызаттап,
Ыр-чайынан сунушса,
Ошого көңүл бөлөйүн,
Ак жамгыр сындуу шатырап,
Ырымды анан төгөйүн.
Айтышам деген эр болсо,
Анысын дагы көрөйүн.
Азамат болсо ал акын,
Алкышыма бөлөйүн.:good:
Акылсыз урган жан болсо,
Ашатып туруп сөгөйүн.
Көпкөлөң жүргөн жан болсо,
Көтөрүп атка салайын да,
Көкбөрү кылып жөнөйүн.%)

Акындар, ырды баштай бер,
Аңыраңдабай, шашпай жел.
Алың канча, шыгыңчы,
Сынасын аны турган эл...


Ва Алейкум Ассалям
Келиңиз ава келиңиз
Бериптирсиз сиз салам
Алик алып кетиңиз
Конок келсе кыргызда
Чай нанын коймой адат бар
Кымызын да этин да
Калтырбай коймой адат бар
Жыл өтсө дагы өзгөрбөс
Бул...
Бабамдан калган адаттар
Келиңиз ава келиңиз
Төр жакка өтүп кетиңиз
Алтымыштан ашыпсыз ата
Насаатыңыздан бериңиз.

Улууга дайым сый урмат
Көрсөткөн кыргыз элимде
Урматтагын улууну деп
Атам куюп койгон сезимге

Карысы барда ырыс бар
Деп айтып келет кыргыздар
Карыларга сый көрсөт деген
Пайгамбардан хадис бар
Деге, "Каарылар эгер жок болгондо
Балээлер келмек башыңарга"
Деп айткан бир дагы аят бар
Айтылуу ыйык куранда.
Билишет жакшы, имамдар

сиздерди дайым сыйлайбыз
Сиз барда биз да жыргайбыз
Сиз келип ырда десеңиз
ойлонбой туруп ырдайбыз

Сыйлайбым мен өзүңүздү
Эки кылбайм сөзүңүздү
Тантыбай эми артыкча
Угайын насаат сөзүңүздү...
Ишенгениң ит болсо,иттин күнүн көрөсүң

#1015   Барс   27 Декабрь 2010 - 21:44

  • Супер-активист
  • Аким
  • 2 987
  • 24 Октябрь 08
  • : 14 Окт 2025 17:37
  • Жынысы:Эркек
  • Калаасы:Айылда

Билемин, балам, билемин,
Жаралбайт сенден жаман ыр.
Жайдары көңүл, жакшы акын
Жакшысыңбы, Амантур!
Алгач өзүң тосконго
Алик алып, ыр төгүп,
Аргендей үнүң созгонго,
Алкышын айтат абаң бул.

Жаңы Жыл келет жакында,
Кыргызга жыргал кут консун.
Башкалар менен кошула,
Балам, сенин да
ушул Жаңы Жылың кут болсун!
Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

#1016   amantur   27 Декабрь 2010 - 22:27

  • Активист
  • Кыймылы жок
  • 1 536
  • 01 Май 08
  • : 10 Апр 2016 03:35
  • Жынысы:Эркек
  • Калаасы:Бишкек, Жалалабат, азырынча Москвада

Билемин, балам, билемин,
Жаралбайт сенден жаман ыр.
Жайдары көңүл, жакшы акын
Жакшысыңбы, Амантур!
Алгач өзүң тосконго
Алик алып, ыр төгүп,
Аргендей үнүң созгонго,
Алкышын айтат абаң бул.

Жаңы Жыл келет жакында,
Кыргызга жыргал кут консун.
Башкалар менен кошула,
Балам, сенин да
ушул Жаңы Жылың кут болсун!


Рахмат аба каалооңузга
Жаратканым кабыл кылсын
Жаңы жылда баарыбызга
Аллахтын мээрими жаадырсын
Эми
кааломду айтсам элиме
Улуу кыргыз жериме
Кабыл болсун тилектер
Күчкө толсун билектер
эки миң он бир жылында
Көбүрөөк болсун тиректе
Колдосун кыргыз элими
Жараткан Аллах ар дайым
Жамандыкты кыргыз элден
алыс кылсын кудайым
Депутаттар иштесин
Карапайым калк тиштесин
бешенелер тердесин
Аткарып ата кереезин
Жаңырытып кыргыз ырларды
Ашалы бийик кырларды
комуздун күүсүн жаңыртып
Өзгөртүп ушул кырдаалды
Мен, мен деген азайын
Мекен деген көбөйсүн
Кара булут жайылып
Асманыбыз агарсын
Мөңгүдөн таза суу ташып
Көлдөрүбүз тазарсын
Мугалим менен доктурдун
айлыктары көбөйсүн
Кыргыздын санын көбөйтүн
Энелерибиз төрөсүн
Иии
Анан
Уул кызын ороп жакшылап
Ак бешикке бөлөсүн
Тарбия алып жашынан
Патриот болуп чоңойсун
Кызмат кылп мамлекетке
Ар тараптан оңдосун
Жайлоолордо чөп болсун
ГЭСтерде суу көп болсун
Үшүбөй кышкы суукта
Ар бир үйдө от болсун
Мэр болсо
Балдар үйүн тынч койсун
Балдарга көзү болбосун
балдардын жесе акысын
Аллахым өзү кордосун
майрамдап майрам тосолу
бирок, арактан алыс бололу
Каалорум ушул, кабыл ал
Жүрөгүңө катып ал
Алаканды кенен жайын
Оомин жүздү сылап ал...
Ишенгениң ит болсо,иттин күнүн көрөсүң

#1017   kom   27 Декабрь 2010 - 22:56

  • Активист
  • Кыймылы жок
  • 1 373
  • 16 Январь 09
  • : 23 Мар 2021 11:44
  • Жынысы:Эркек
  • Калаасы:КЫРГЫЗ жыттуу айыл

Татыктуу өнөктөш чыкканына кубанып, ырлары өзүнөн-өзү куралып, түн уйкудан калып үнүн созгон ДонКихотту угалык:
.................. ...................... ...
Аралаш кылып ыр төктүм


Ажыратып алаарсың
Тунугу менен ылайын.
А мен болсо бир азга
Эс алып гана турайын.

деп ДонКихот өз кезегин берип четке отуруп калды.


Балыкчыны балыкчы
Алыстан тааныйт деп угам
Ал сыңары сени да
Алына карап “сайылып”
Кеп аткан экен деп турам
Комуздун алып өрүгүн
Айкашып чын-төгүнүң
Оорутпай бөөдө көңүлүн
Жакшы экен сенин төгүшүң
Айтыштын баркы кетет дейт
Чолуп, чокуп айтышсаң
Кызыгына жетет дейт
Тымызын чымчып, какшысаң
Жыргайт экен эл дагы
Тамаша менен айтышсаң
Бир-бириңе төп келип
Тамаша айтып тартышсаң
А бирок элдин маанайын
Түшүрөт экен ар дайым
Жанагы тамаша деп, орду жок
Катуу сөз айтып тантысаң.

Байкап көрсөм төккөнүң
Жүрүшүндөй жоргонун
Тамаша айткан сөздөрүң
Ээледи көңүл чордонун
Азамат жигит экенсиң
Сөздөрдүн гүлүн терипсиң
Уруулаш тууган агаңа
Мыктап жообуң берипсиң
Ойлонуп көрсөм башынан
“Кайдан бул мыкты жаралган?”
 “Агасын көрүп иниси
Өсөт” делген абалтан
Жообун таптым макалдан...
Айткан сөзүм сынапсын,
Куйкум сөзгө чылапсың
Ортого салып Андошту
Өзүңчө эле жыргапсың
Балким, сен да ырассың
Ортодон чыккан кычассың

Акындын бол мейли эркини
Жөн койчу бирок беркини,
“Каалаган жерге кыпчылам”десең
Кай жакка кетти сөз эпкини?
Кыпчылчу жай толтура,
Этият болчу сен деги.
Кычык издеп кыпчылууга
Ары-бери жойлобо
“Коркутпа” өңдүү сөз айтса
Коркуптур деп ойлобо
Көрүнө элек марага
Жетипмин деп тойлобо 
Кыз көрсөң эле кызартып
Көзүңдү кысып шоктонбо
Сыйлайын десең ийилип
Качмак белем көгөрүп
Сыйыңды, кылган кызматың
Кылчы кана көрөлү
Сыйыңа жанаш ызаатын
Биз дагы дайым берели
Жолума жолдош болгону
Кубандырат, кел бери
Кучакташып коелу
Дос болдук деген белги
Кадырлашып, сыйлашып
Ынтымакта жүрөлү
Кезекти сага сунайын
Жообуңа кулак түрөлү
Cен бул ааламда жалгыз болсон, бироо учун буткул ааламсын...

#1018   Strateg   28 Декабрь 2010 - 01:07

  • Супер-активист
  • Тартип бузгандар
  • 2 003
  • 11 Июль 10
  • : 11 Май 2014 10:54
  • Жынысы:Эркек
  • Калаасы:Бишкек

DOHKUXOT (22 Декабря 2010 - 10:36) писал:

Тээ алыскы Ла-Манчтан сапар тартып келе жаткан Донкихот Суперфорум деген өлкөгө туш болот. Тогуз жолдун тоомунда жайгашкан айылдагы бака-шака чыккан ыр-күүгө кызыгып, Росинантты көк чөпкө байлап, элге аралашат. Көрсө, бул чөлкөмдүн атпай акын аттуусу чогулуп чоң айтыш болуп жаткан экен. Ошол жерден комузун күүлөп, кымча бел кыздарга кашын кагып, кызыл жүз мырзалардан чоочуркап, Донкихот кыпакыргызча мындай деп төгүп баштаптыр:
...
Strateg деген акын бар
Тамаша ырга жакын бар,
Стратегиялык маанилүү
Ыр саптарын жазгың бар.
Ырдашалы кел досум,
Байкайын канча алың бар?...

Ассалоом алейкум ,акындар
Калемпир мурчка жакындар
Карасам мында кыздарды
Талашкан экен баатырлар.
Дон Кихот келип алыстан
Чаң салган экен капыстан.
Бегимайын бирөөнүн
Тартып алам деп айтыштан.
Айтышса анда баштайлы
Айтыштан биз да качпайлы
Качып кетсек айтышпай
"Коркту" деп Дон айтпайбы
ДонКихот келип калыпсын
Акындардын өргөөсүн
"Уктап" жаткан кезинде
Ырас эле "жарыпсын"

Айтаарым сага азамат!
Шайырдык мага да жагат.
Жигит болсон шок болгун
Шок болбосо жок болгун.
Алыстан өзүң келдиңби?
Тегирмендерин ал жердин.
Баардыгын сен жеңдиңби?
Же болбосо жеңилип
Сактаган ошол өчүңдү
komдон алам дедиңби?

Эмне дейин ,акындар
Айта турган сөзүм бар
Талашсаңар сулууну
Сөздөрдү кылдат тандаңдар.
Айтышат элек деп бул жерде
Мушташып кетип жүрбөйлү
Карап турган көпчүлүк
Шылдыңдап анда күлбөйбү...
;)
```

#1019   DOHKUXOT   28 Декабрь 2010 - 20:36

  • Активист
  • Кыймылы жок
  • 654
  • 20 Декабрь 10
  • : 25 Мар 2017 01:11
  • Жынысы:Эркек
  • Калаасы:Бийик тоолор койнунда.

Аңгыча ырлар ырга уланып,kom акесин көргөн ДонКихот да кубанып,тамылжып жүзү нурданып,мындай деп төгүп турган жерин угалык:
Келиңиз аке,келиңиз
Колуңузду бериңиз,
Көрүнбөй кайда жүрөсүз
Сагынды го иниңиз?
Кыпчылбай шүк жүр дедиңиз
Түйүлдү мээге кебиңиз,
Караңчы,
Тиги Барс акимге асылбай
Созулуууп калды иниңиз!

Сиз айткан жерди-"кыпчылчу"
Кыпчылып калып байкабай
Кыйналган адам билбесе,
Көрбөгөм андай нерсени,
Түшүндүрүп бере сал
Азаптуу эмне ал нерсе?
Отурсам угуп ырыңыз
Кыпчылчу жерлер жөнүндө
Оголе көп сөз кылдыңыз,
Бир болсо сиз да көп жолу
Адашып "кыпчылдыңыз" .

Ээ аке,аны мындай таштайлы
Ай чырайлуу кыздардан
Кеп учугун баштайлы!
Сиз гооо түгөй табыпсыз,
Жыгылсаң төөдөн жыгыл деп
Чертип тандап сулуудан
Эң сулуусун чабыпсыз!
Жеңелүү болуп мен дагы
Кубанып гана турамын,
Жеңем менен таанышсам
Макалга таяп,негиздеп
өз энчимди сураймын!
Ээ тамаша аке, коюңуз
Кармап калчу түрү бар
"Кызганыч" деген "ооруңуз" .

Жеңекелеп эркелеп
Көңүлүн мен да алайын
"Уул" деп мени жумшаса
Жумшаган,айткан жагына
Шамалдан мурун учайын.
Макул десе жеңекем
Мен да бир кыз сурайын.
Таап берсе жеңекем
Сизге окшоп мен дагы
Ичейинчи жамбаштап
Чайга чылап чырайын.

Аке ,анан бир сөз бар
Шыбырайын акырын
Жанагы коңшу Гүлү кыз
Айтты эле мага өз сырын.
"Акеңдин тартчы тамырын,
Тиет элем акеңе
Айтчы"-дейт сизге,-"акырын" .
Атамдар угуп калелекте
Ошонун оозун жап кылың,
Андораны апкелип
Акетай тойду шарт кылың!
Эрте менен кетесиз,
Омкоруп тоону ийгенсип
Түн оогондо келесиз,
үйгө келин керегин
Түшүнүп,качан сезесиз?

Күтө берип Андорду
Кыш күнүндө үшүбөң,
Кыз кылыгы деп коет
Анысын деле түшүнөм.
Күтө бербей акежан
Экөөбүз мындай кылалы,
Машинени минели да
Андорага баралы,
Кыргыздын салты деп туруп,
Жеңемди алып качалы!
Жигит пири колдосо
Той берип жыргап жаталы!

деп акесине сөз кезегин берет.
Калпагыңар башыңардан түшпөсүн, Кыргыз уулдары!!!

#1020   Burabiya   29 Декабрь 2010 - 00:54

  • Карапайым
  • Кыймылы жок
  • 58
  • 21 Декабрь 10
  • : 11 Мар 2013 14:31
  • Телефон:996-779-311-990
  • Жынысы:Аялзаты
  • Калаасы:Bishkek

саламатсынбы туугандар,
айтышта кепти ургандар.
амансынбы туугандар,
алоолоп кепти ургандар.
кайдасынар туугандар,
кайгыга батып тургандар.
барсынарбы туугандар,
байкоого салып тургандар.
кыргызымдын ыры деп,
жарышып айтып тургандар.
талантынар топ келип,
тогушуп айтып тургандар.
мугалим,доктор, инженер,
юристерден кирчуулор,
бухгалтер,кассир, бизнесмендер,
кандайсынар туугандар.
жаны оспурум студенттер,
барсынарбы туугандар.
уй бекеси эжекелер,
кайдасынар туугандар.
ар-намысын кыздардын,
коргоймун деп жургондор,
душман келсе алыстан,
батыратып качырган,
барсынарбы туугандар.
баарынарга саламын,
айтып жатат кызынар!!!
Ден- соолукта болунуздар! тел: 0779-31- 19-90

  • (227 )
  • +
  • 49
  • 50
  • 51
  • 52
  • 53



Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: