Акындар айтышы.

(227 )
50
51
52
53
54

Акындар айтышы. Акынсыңбы? Күчүңдү сынап көр.

#1021 DOHKUXOT 29 Декабрь 2010 - 04:53

Активист

Кыймылы жок
654
20 Декабрь 10
: 25 Мар 2017 01:11
Жынысы:Эркек
Калаасы:Бийик тоолор койнунда.

Aкесине жообун берип, комуздун кылын терип, ДонКихоттун Strateg'ге жооп берип турган жери:
Уалейкум салам акыным
Калемпир сөзгө жакыным,
Талашты эки баатыр деп
Талашты мынча такыдың?
Салбаган чаңды салдырдың
Түз эле мени качырдың,
Катуу чыкты авазың
Сен кайсы кызды тарттырдың?
"Жардырдың" дедиң бул жерди
Терракттар күчөп турганда
Укпасын эч ким бул кебиңди,
Тиги МВД жакка угулуп
Каматып ийбе иниңди!
Шоктонгон сага жагат деп
Илхамына май тамат деп,
Шоктонуп ырдап жатырмын
Сен айтмакчы мен дагы
Тегирмен сайган баатырмын!
kom'дон албас өчүмдү
Ушу сенден алайын,
Айтышып куйкум сөз менен
Рахатка батып калайын!
Алым жетсе сабайын
Көтөрүп жерге чабайын,
үстөккө-босток ыр менен
Берейин сенин сазайың!
Ээн жерде элирген
Билеги жоон белемсиң?
Мушташ эле мушташ деп
Зеригип калган экенсиң!
Байкасам сөзгө чеченсиң
Ыр жагынан бекемсиң,
Жообуңду жаз, көрөйүн
Эми кантээр экенсиң?
деп шоктонуп,тамаша ыры менен Strateg акынга октолуп,тээ жүрөктүн түпкүрүндө акесине ишенип,анан сайын шерденип ДонКихот өз кезегин өткөрдү.

Калпагыңар башыңардан түшпөсүн, Кыргыз уулдары!!!

of the page up there ^

#1022 andormeda 29 Декабрь 2010 - 14:01

Супер-активист

Кыймылы жок
1 784
14 Май 08
: 26 Окт 2023 00:09
Жынысы:Аялзаты
Калаасы:Би City - 3Dвятое царство

Тоого чыгып коз салсам
Айыл жактан чан чыгат
Торго отуп тындасам
Айтыш жактан шан чыгат…
Албууттанган жигиттер
Абысындай айтышат…
Кирип келген адамдар
Артын карабай качышат… :tongue:

ДонКихоттон кызганган
KOM акем Аман турабы?
Кызганбаса деле жактырып
Мен жургонумду туябы?
Журоктон чыккан ак созум
Жалган кылып салабы???
Жалган айттын мага деп
Же баштан ары урабы??? :макоо:

Бир ай болду акетай
Дарегимди айткамын
Жада калса ал тургай
Картасын да тарткамын
Аракетти аз жумшап
Жалкоолук кылып аттынбы
Айтор
Мандайда турган жылдызды
асмандан издеп таппадын….
Сагындым деп айтыпсыз
Байкабадым анынды
Сагынсаныз келмексиз
Сураганы жайымды…
Жай сураганды мында кой
Жылуу созун айттынбы??? :crazy-girl:

Чынын айтсам агажан
Эми сизге капамын
Кулагына шыбырап
Сурагандын баарына
«Ме гой, алгын» деп мени
кармата сала жаздадын… :капамын:

˙·٠•●♥●•٠·˙ Жалгызым менин, жаркылдагым менин... ˙·٠•●♥●•٠·˙

of the page up there ^

#1023 Strateg 29 Декабрь 2010 - 14:21

Супер-активист

Тартип бузгандар
2 003
11 Июль 10
: 11 Май 2014 10:54
Жынысы:Эркек
Калаасы:Бишкек

Сабайм эле, сабайм деп
Айкырыкты салыпсын.
Акындардын өргөөсүн
Рингге алмаштырып алыпсын.
Көтөрүп жерге чабам деп
Боевик болуп калыпсын.
Мушташпайлы деп айтсам.
Ал сөзүмду таптакыр
Тескери буруп салыпсын.
Бузулду заман,бузулду
Азыркы кезде жумуртка
Учуп жүргөн бүркүткө
Акыл айтып калыптыр.
Тегирменден тепки жеп
Айтканын билбей калганбы?
Же болбосо сырадан
Түндө ашыкча ичип алганбы?
Айласын мунун тапсамбы?
Шапалак менен куйрука
Тарбия болсун буга деп
2-3 жолу чапсамбы?

Шоктугуң мага жакты деп
Айтып койсом ошол кеп
Эдиреңдеп кетипсиң
Сазайын мунун берем деп
Мактанычтын чегине
Чынында эле жетипсин.
Ушинтип айтыш баштаймын.
Намысты бекем сактаймын
Жакшы сөздү барктаймын
Жаман сөздү айтпаймын.
Айтышканга мен даяр.
ДонКихот сенден качпаймын.

```

of the page up there ^

#1024 DOHKUXOT 30 Декабрь 2010 - 19:29

Активист

Кыймылы жок
654
20 Декабрь 10
: 25 Мар 2017 01:11
Жынысы:Эркек
Калаасы:Бийик тоолор койнунда.

Мына кызык башталды деп ДонКихот Strateg'ди жакадан алып турган кези:
Келдиңби досум Стратегим
Бекерчилик болгондо
Айтышаар менин эрмегим!
Таптың бекен адашпай
Айтыш рингдин дарегин?

Брюс Лидей чап салып
Бет алдымдан чыгыпсың
Ырларыңдын сабына
Калемпир,мурч тыгыпсың!
Жообуңа караганда
Ушу сен досум кыйынсың!

Жумуртка десең жумуртка
Кааласаң болом кумурска!
Не десең дагы макулмун!
А бирок ушул бүркүттүн
Жумурткага теригип
Калганына негедир
Таң калып гана турумун!
Жумурткга бүркүттү
Теңеп койгон тез эле
Ушул тура турмушуң!

Бүркүткө өзүн теңеген
Фантазияң күчтүүбү?
Көрүнгөндү тепкилеп
Көкүрөгүң түктүүбү?
Шапалак менен көп чабып
үйрөнүпсүң сен досум,
Эр ойлосоң өзүңдү
Шер ойло дейт бирөөнү
Унутпагын сен досум!

Таанышпадык экөөбүз
Эмиии сага соболум,
Кайсы жердин кулуну
Азаматы болосуң?
Тарыхыңдан кеп салгын
Санжырадан улагын,
Кийинки айткан жообуңа
Кубансын менин кулагым.

Калпагыңар башыңардан түшпөсүн, Кыргыз уулдары!!!

of the page up there ^

#1025 supernurgazy 03 Январь 2011 - 16:32

Супер-активист

Тартип бузгандар
2 675
08 Март 08
: 16 Фев 2017 15:21
Телефон:Жазып алгандардан сурасаз!
Жынысы:Эркек
Калаасы:Талас!

СуперНургазы айышка адам тапай турган кези!

Саламым айтам калайык,
Жаңы жылды унутпай,
Кутуктап сизди алайык!
Жаңы жыл бизге кут болсун,
Бакты таалай, денсоолук,
Байлык да сизди коштосун.
Кайда гана барбалы,
Кимди гана көрбөйлү,
Баары бизди сыйлашсын!
Айткан сөздөр эки болбой,
Баары шыр ишке ашылсын!

Эми ишке кирейин,
Чын ниеттен тилейин,
Жаманга мес, жакшыга,
Бираз чыңалып алышка,
Келечекте сөзмөөр болуп,
Эл урматын алышка,
Деп сиздерге кайрылам,
Кадыр барктуу акындар,
Айтышк даяр турам!

Ким мени менен айтышат,
Күч сынашып жарышат!
Атаандашып коркпостон,
Тилимди каттуу чыңашат!

Кана достор келгиле,
Мага жазып кеткиле!
Көрбөй калып жооп жазбй,
Капа кылып албайын!
Бул бөлүмдү башчысы,
СуперНургазыга деп белгиле.

Анда эмесе амандык,
Айтышам дегенге урматтык!
Андыктан достор келгиле,
Атаандашып алалык!

Отунбаевага таазим!

of the page up there ^

#1026 supernurgazy 03 Январь 2011 - 22:49

Супер-активист

Тартип бузгандар
2 675
08 Март 08
: 16 Фев 2017 15:21
Телефон:Жазып алгандардан сурасаз!
Жынысы:Эркек
Калаасы:Талас!

Менден баары корктубу,

Жалтактап туруп көз катып,

Эч ким сөз айтпай койдубу?

Отунбаевага таазим!

of the page up there ^

#1027 DOHKUXOT 04 Январь 2011 - 13:42

Активист

Кыймылы жок
654
20 Декабрь 10
: 25 Мар 2017 01:11
Жынысы:Эркек
Калаасы:Бийик тоолор койнунда.

Көптөн бери ырдашпай калып зериккен ДонКихнт supernurgazy акынга жооп берип турган кези:
Супердин Супер баласы
Нургазы досум келипсиң,
Мындагы жалпы акынга
Жалындуу салам берипсиң.
Жаңы Жылдык майрамды
Куттуктап дагы кетипсиң.
Жан жыргаткан сөз менен
Жакшы эле досум ээрипсиң.

Урунаарга тоо таппай
Буулугуп калган белемсиң
Урушаарга жоо таппай
Оолугуп калган белемсиң.
Акындар менен айтышып
Алышайын дедиңби,
Куйкумдуу курч сөз менен
Чабышайын дедиңби?
Ээ досум,
Кылычты баары байланат
Чабышаарга келгенде
Азамат жигит шайланат.
Ээн жерде эркелеп
Кылычыңды ойнотуп
Эрөөлгө чыгып алыпсың,
Адашып кетип жыландын
Куйругун басып алыпсың!
Коркушту го баары деп
3 сап ырды жазыпсың,
Уктап жаткан жолборсту
Чочутуп гана алыпсың!

Сенден коркуп калгыдай
Коен жүрөк мен эмес,
Ойку-кайкы ырларың,
Кыш койгондой кыналган
Менкине тең эмес!
Жаш акын экен,мейли деп
Көңүл бурбай койду элем,
Мен тиги Барс,kom менен
Айтышсам деген ойдо элем.
Ушунча болуп калган соң
Сени деле көрөйүн,
Кулак төшөп угуп ал
Сен жөнүндө төгөйүн.
Катталып мында жаңыдан
Азыраак жазып,көп окуп
Аралашып жүрөмүн,
Олуттуу жазат кээ бирөө
Кээ бирине каткырып
Жаш чыкканча күлөмүн.
"Партия" ,"кыймыл" ,"союздар"
Модасы мында күч экен,
Юзердин дээрлик баарысы
"2х,3х кратный" мүчө экен.
Супердин супер баласы
Түзүптүр жалаң партия,
Партиядан тажаса
Башталат жаңы акция,
Форумда жүрүп жаткандай
Супернургазизация.

Кечээги ырың окусам
Урду-келди жазыпсың,
Ит кууп келе жаткансып
Каяккадыр шашыпсың,
Тамгалардын жарымын
Чай менен жутуп алыпсың,
Кыргыздын сөзүн туура жаз
Кетирбе баркын айтыштын.

Бул бөлүмдө башчы экен,
Аким болсоң бул жерде
Бийлигиң деле жакшы экен.
Бир эле күндө жети жүз
Билдирүү жазып салчу экен.
Бу аким деген жакшы экен
Банга айдап баардыгын
Балталап салчу калк экен,
Танкадай сүргөн юзерди
Талкалап салчу калк экен.
Таластык элең сен досум
Таарынып азил сөзүмө
Таласка кетип калбагын,
Сүйөнүп же бийликке
Сүргүнгө айдап салбагын!
Айтышам десең бери өт,
Айта турган сөзүң төк!
Айтышканга мен даяр,
Жүрөгү-от, сөзү-ок
Жаш чыкма акын ДонКихот!

деп сөзүн Супернургазыга узатты.

Калпагыңар башыңардан түшпөсүн, Кыргыз уулдары!!!

of the page up there ^

#1028 amantur 04 Январь 2011 - 13:50

Активист

Кыймылы жок
1 536
01 Май 08
: 10 Апр 2016 03:35
Жынысы:Эркек
Калаасы:Бишкек, Жалалабат, азырынча Москвада

Менден баары корктубу,
Жалтактап туруп көз катып,
Эч ким сөз айтпай койдубу?

Ассаляму алейкум байке
Коркок деп эрди кемсинтпе
Айтышканы маанай жок
Сөздөрүмдүн табы жок
Деги сөз издеп мээге баш баксам
Ал жагымда да сөз жок

Айтышкы каалап калыпсын
Айтышам деп жар салыпсын
Сабыр кылбай дароо эле
Коркоктор деп айтыпсын

Коркок жок кыргыз акында
Кордобо мынтип жыл башында
Жакшылаап көздү сен ачсаң
Айтышып турат кашың да
Комузун колго алышып
Каарысы да жашы да.

Айтышам десең сабыр кыл
Азаматтар табылат
Жаттабай айткан сөздөрү
Селдей болуп кабылат
А мен болсо барайын
Жумушумдан калбайын
Ишимде так бүтүрө албай
Айдалып үйдө жатпайын...

Ишенгениң ит болсо,иттин күнүн көрөсүң

of the page up there ^

#1029 andormeda 05 Январь 2011 - 09:54

Супер-активист

Кыймылы жок
1 784
14 Май 08
: 26 Окт 2023 00:09
Жынысы:Аялзаты
Калаасы:Би City - 3Dвятое царство

Кайда жүрөт акындар,
ал сынашкан такымдар
Гүлүн арнап, сөз айткан
жүрөгүмө жакындар... :108:

Жеңеке деп тийише...
сан талашкан баатырлар.. :76:

мушташууга күч жыйып
урушууга жакындар... :ох:

сурап, издеп, сыйпалап
мени таппай калгандар
келдим мына айтышка...
сөзүң болсо айтып кал... :crazy-girl:

˙·٠•●♥●•٠·˙ Жалгызым менин, жаркылдагым менин... ˙·٠•●♥●•٠·˙

of the page up there ^

#1030 DOHKUXOT 05 Январь 2011 - 15:20

Активист

Кыймылы жок
654
20 Декабрь 10
: 25 Мар 2017 01:11
Жынысы:Эркек
Калаасы:Бийик тоолор койнунда.

Кош келиңиз жеңекем
andormeda берекем,
"Узууун" сөздү чубапсыз,
Мындагы жалпы акындын
Акыбалын сурапсыз.
Алмашкыс менин жеңекем
Адашпай таап инеттен
Асылым болгон берекем.
Амандыгым сурасаң
Акын кайниң-мен эсен.
Зеригип өлмөк экемин
Жеңеке эгер келбесең.

Бул айылдын дегеле
Эң кыйыны ким эле?
Турган жерден жамгырдай
Нөшөрлөп төгүп ийчү эле?
Анткени жеңе көрдүңүз
Айтышпай эч ким койгонун
Айкырык салган kom акем
Көрүнбөй жоголгонун,
Айтыңызчы жеңеке
Буларга эмне болгонун?

Муну мындай таштасам,
Ай чырайлуу жеңеке
Сөздү сизден баштасам!
Тигилерге кошулуп
Жеңеке менден качпасаң!

Кыргызымдын бир кызы
Суперстан деген форумдун
Андора деген жылдызы.
Жеңесинин жакшысы-
Кайнисинин бактысы,
Кайниси үчүн дайыма
Кыздардан тандап тапчусу.
Тийишейин мен сизге
Келсе да komдун ачуусу.

Жакшылыктан жаа бою
Качкан жигит эмесмин,
Жаман жолго адашып
Баскан жигит эмесмин,
Ынтымактан, ырыстан
Безген жигит эмесмин,
Беймаани сүйлөп кыздарды
Эзген жигит эмесмин,
Сураса бирөө кезекти
Берген жигит эмесмин,
Бүт кыздарга гүл арнап
Терген жигит эмесмин,
Кулактарга лапшаны
Илген жигит эмесмин,
өткөрбөй ар бир "юбканы"
Сүйгөн жигит эмесмин,
Бейадеп болуп бирөөнү
Сөккөн жигит эмесмин,
Чиренип боюн көтөргөн
Көпкөн жигит эмесмин,
Анча-мынча кайгыга
Чөккөн жигит эмесмин.

Эмииии,мындай жеңеке
Бир жарачы керекке!
Жададым жеңе дей берип
kom акемди жыиыштыр,
Жүрөгүңдүн бир жерине
Кайниңди да сыйыштыр!
Макул десең Андора
Сүйгөнүң эле болоюн,
Эмкисинде бул жерде
Серенада созоюууууун!

Калпагыңар башыңардан түшпөсүн, Кыргыз уулдары!!!

of the page up there ^

#1031 DoctorVOROBEI 05 Январь 2011 - 16:31

Активист

Кыймылы жок
1 003
03 Декабрь 10
: 13 Июл 2020 19:35
Жынысы:Эркек
Калаасы:Аалам

Андорду издеп мен журсо,
биякта жургон турбайбы.
Жигиттин гулу Дон деген
чабуул койгон турбайбы.
женекелеп бул жигит
чын журоктон сыздайбы?
Озум акын эмесмин,
жазып ыр, коргон эмесмин.
Актай кагаз жузуно,
корбогом мен тогуло.
Женелеп сен калыпсын,
санга ыктай жатыпсын.
Кош колдоп сени колдоймун,
жолтоо сага болбоюн,
илгертеден салт экен,
жене деген оюнун.
Бирок, досум айтаарым,
ыраазы болгун санына,
менде ыраазы болоюн,
калганын баарына.
Ком деген жигитти
жиберейин айлына

of the page up there ^

#1032 DOHKUXOT 05 Январь 2011 - 17:40

Активист

Кыймылы жок
654
20 Декабрь 10
: 25 Мар 2017 01:11
Жынысы:Эркек
Калаасы:Бийик тоолор койнунда.

Алты таяк жечү эле
Арага түшкөн арачы,
"Третий" болуп тыгылган
Бул "шустрыйды" карачы?
Мен "движение" кылганда
Токтой тур Доктор Таранчы,
Кыздарга кандай сүйлөөнү
Четте карап турганча
үйрөнүп эле алсаңчы?
Анан барып башкадан
Кыздарды эле чапсаңчы?
Кезекти берип койчудай
Мен сага kom эмесмин,
Узатканча айлына
kom менен чогуу жылсанчы,
Убара болбой жок ишке
үйүңдө ыссык жатсаңчыыыы!

Калпагыңар башыңардан түшпөсүн, Кыргыз уулдары!!!

of the page up there ^

#1033 DoctorVOROBEI 05 Январь 2011 - 18:37

Активист

Кыймылы жок
1 003
03 Декабрь 10
: 13 Июл 2020 19:35
Жынысы:Эркек
Калаасы:Аалам

Дон жигит катуу кетипсин.
Таяктайм деп кетипсин,
таякка отпойт биздин тиш,
Андор сулуу биздин иш.
Таяктачу сен эмес,
таяк жечу биз эмес.
Дон досум сен оолукпа,
таяктайм деп коркутпа.
Андан коро Дон досум,
Айтканыма кон досум.
Женендин санын берейин,
калганын мен ээлейин.
Менда сендей жаш болгом,
женелерге маш болгом,
ажылдап чыккан эрлерин,
тумшуктан ары бир койгом.
Тушуном сени Дон досум,
Гармондорун ойноорун.
Акындыгына баа бердим,
жазганы тан бердим,
балли, балли деп туруп,
жененди сага бербедим.
Андан коро Дон досум,
Оштон кызды торгунун.
Бишкектеги кыздарга,
секиргенди койгунун.
Оштон сен келгенче,
Тоо Ашууга жеткенче,
Андор болоор келини,
Ата Энемдин кенжеси

of the page up there ^

#1034 DOHKUXOT 05 Январь 2011 - 19:40

Активист

Кыймылы жок
654
20 Декабрь 10
: 25 Мар 2017 01:11
Жынысы:Эркек
Калаасы:Бийик тоолор койнунда.

Көкөтөйдүн кара ашы
Чоң чырдын башы дечү эле,
Бу кызыгың түшкүр кыз талаш
Жигиттин башын жечү эле!

Доктор байке,сага не
Бишкекте башка иш жокпу?
Башка кызды тиштечү
Курчураак сенде тиш жокпу?

Талаша берсек байкеси
Аягы чырдын түгөнбөйт,
Сындыра чапсам тишиңди
Байке, карыпсың, тишиң бүтөлбөйт.

Сыйладым байке жашыңды
Ак кирген сенин башыңды,
Эл көзүнчө таяктап
Кетирбейин баркыңды.

Жаңы эле жазып баштапсың
Биринчи кадам таштапсың,
Ашыктыктын айынан
Акын боло жаздапсың.

Жаш болсом да мен сизден
Он жылдан бери ыр жазам,
Бу сенин туңгуч ырыңдын
Данеги бар баамдасам!

Кээ бири жазат урдуруп
Адамдын көөнүн буздуруп,
Туңгуч ырың дурустай,
Жаза түш байке дагы да
Бирок,мени урушпай!
Антпесең,жиним жаман билесиң
Жиниме тийсең тийишип
Көргүлүктү көрөсүң!

Экөөбүз мындай кылалы
Андорду мында тарталы,
Жардамын берсин өзү да
Токтотолу жаңжалды,
Арманда Андор калбасын
Көңүлүнө жакканды
өзү эле тандасын!

Калпагыңар башыңардан түшпөсүн, Кыргыз уулдары!!!

of the page up there ^

#1035 amantur 05 Январь 2011 - 21:19

Активист

Кыймылы жок
1 536
01 Май 08
: 10 Апр 2016 03:35
Жынысы:Эркек
Калаасы:Бишкек, Жалалабат, азырынча Москвада

Ассяляму алейкум
Алланын болсун саламы
Катту айтсам байкелерим
Жаман көрбө баланы

Жоош үйдүн коногу
Бийлей берсе болобу?
Сый көрсөтүп орун берсе
Тилдей берсе болобу?
Унчукпайт экен булар деп
Тиштей берсе болобу?
Кантсе да жазбай жатат деп
Тилдей берсе болобу?
Жакшы тоссо конок деп
Айткан рахмат ошобу?
Соңунда кызын талашып
Жиндей берсе болобу?

Ата бабам айтып келген
Конок койдон жоош деп
Айтышкандарды байкап туруп
Эсиме келди ошол кеп
Сый урмат менен айтышалы
Айтпасын элдер жаман деп
Оорунду билип талашалы
Кантсе да конок экем деп
Коноктор урмат көрсөтпөсө
Айдашып чыгат тепкилеп

Дон Кихот

Он жылдан бери ыр жазсаң да
Ойлобо өзүң акын деп
Он жылдан бери ыр жазып
Такшалып эми калдым деп
Илгертен келген бир салт бар
Акынга наамды эл берет
Эл сүйгөн акындарыбыздын
Тарыхта аты кезигет
Эл үчүн кызмат кылгындарга
Эл тараптан наам берет
Суперстандын мыйзамы бул
бири бириңерге сый керек
Ырдабасаңар сый менен
Бир эки айга "бан" берет
Ойлонуп туруп жазайлы
Форумга түшкөн саптарды
Толтуруп аста калбайлы
"Бан"га кеткен катарды

Ишенгениң ит болсо,иттин күнүн көрөсүң

of the page up there ^

#1036 DoctorVOROBEI 05 Январь 2011 - 22:13

Активист

Кыймылы жок
1 003
03 Декабрь 10
: 13 Июл 2020 19:35
Жынысы:Эркек
Калаасы:Аалам

Эсил кайран, асыл тиш,
эми кайдан коромун,
Дондон тушкон тиштерди,
кайда алпарып комомун?

Карыдым досум, карыдым,
акылыман айныдым,
сендей кыйын акынга,
кайсы арыма чабылдым.
Андорду ортого салалы,
анын созун угалы.
Эгер макул болбосо,
сырадан битта уралы.

of the page up there ^

#1037 DoctorVOROBEI 05 Январь 2011 - 22:16

Активист

Кыймылы жок
1 003
03 Декабрь 10
: 13 Июл 2020 19:35
Жынысы:Эркек
Калаасы:Аалам

of the page up there ^

#1038 DOHKUXOT 05 Январь 2011 - 22:43

Активист

Кыймылы жок
654
20 Декабрь 10
: 25 Мар 2017 01:11
Жынысы:Эркек
Калаасы:Бийик тоолор койнунда.

Ап-бали баатыр amantur
Айтышка өзүң келдиңби,
Катуу кетпей бул жерде
Аста тарт досум дедиңби.

Баш кесмек бар дейт элимде
Тил кесмейи жок эле,
Тамаша-азил сөз болсо
Чын кетмейи жок эле.

Көбү-азил, азы-чын
Көпчүлүктүн көөнү үчүн,
Тамашалай ырдасаң
Жагат го дегем көбү үчүн.

Чычалап кеткен чыдабай
Айтышка түшпөйт деп ойлойм,
Чырдап кетсе чынында-
Мен андайлар менен "ойнобойм" .

Чымчый-чымчый ырдасаң
Акындын келет илхамы,
Тамаша-азил болбосо
Айтыштын жоктур бир даамы.

Бу Суперстан өлкөбүз
Жалпыбыздын үйүбүз,
Жаран,конок баарыбыз
Аралашып жүрүбүз.

Конокторду жөн жүр деп
amantur досум жээрибе,
Буюрса пайдам көп тиет
Жалпы супер элине.

"Тиштеген" менен "кыз талаш"
Бул жөн гана оюнум,
Олуттуу эгер ырдасам
Мен деле сендей "сонунмун" .

Кечиресиң аmantur
Койдон жоош болуп жүрө албайм,
Ыйла десе жаш төгүп
Күл деген жерде күлө албайм.

Тамаша сөздү билбеген
Банга айдаса айдайттыр,
Токтогул деле ыр үчүн
Айдалып Шибер баргандыр.

Ээ койгула анда туугандар
Жактырбай мени тургандар,
Айдаса банга ыр үчүн
Түшүнбөй турум,бу кандай?

Суроо-талап боюнча
Олуттуу эми ыр кылам.
Тамаша ырды токтотуп
Эми мен ушул айтышка
Барс акимди чакырам!

Калпагыңар башыңардан түшпөсүн, Кыргыз уулдары!!!

of the page up there ^

#1039 Барс 06 Январь 2011 - 09:49

Супер-активист

Аким
2 987
24 Октябрь 08
: 14 Окт 2025 17:37
Жынысы:Эркек
Калаасы:Айылда

“Жаш балдар ырын ырдасын,

Жаш кыздар сырын сырдасын,

Аралашып нетем”- деп,

“Алар менен чарпышсам,

Не муратка жетем”,- деп.

Азыркылар тың болот,

Ары тапан, чечен деп.

“Айтышка” кирбей жүрдү элем,

А, бу деп күндө кечеңдеп...

“Айтышам чыксын Барс- дептир-

Башкалар майда тепеңдеп...”

Донкухот шунтип чакырды:

“Барс гана мага тептең!! !”- деп...

Ана шунтип алдыңа,

Келип калдым, акындар!

Аз болсо да менин да,

“Акын” деген атым бар.

Ассалоому алейкум

Алтын ооз какымдар.

Азыноолак ырдаймын,

Андан ооз татыңдар...

Айтышмай болдум Дон менен,

Кызыкка анда батыңдар...

Ал эми Донго айтаарым,

Акындыгың байкадым.

Андыктан сага баа берип,

Төмөнкү ойду айтамын:

Жамакчы эмес, чоң акын

Болуп калган экенсиң.

Бөксө болбой талантка,

Толуп калган экенсиң.

Кичине деп башкасын,

Жооруп калган экенсиң.

Барс агаңды акырын ,

Тооруп калган экенсиң.

Баралына акындык,

Келип калган экенсиң.

Жөн баспастан, а иним,

Желип калган экенсиң.

Аалам чапчып акылың,

Кеңип калган экенсиң,

Анча-мынча акынды,

Жеңип калган экенсиң.

Акындык улуу наамды,

Алайын деген экенсиң.

Алдына Барстын акырын,

Барайын деген экенсиң.

Алын байкап абайлап,

Чалайын деген экенсиң.

Оң келип калса оңкодон,

Саяйын деген экен экенсиң.

Ошентип туруп бир ишке,

“Жарайын” деген экенсиң.

Мен даярмын, Дон мырза,

Айтышам десең келегой.

Ажарын ырдын чыгарып,

Акагын сөздүн терегой.

Акындык салт ушундай,

Бир жеңилип, бир жеңет,

Алың жетсе жеңегой.

Билип турам, карагым,

“Жоо” эмессиң сен оңой!

Жаңыласың бирок да,

Жеңем десең мени оңой.

Бар ыкмаңды көрсөткүн:

Чалыш, чапчыш, торомой...

Чакырып алып айтышка,

Эки-үч күнү шылтоолоп,

Качып кетпе жолобой!

Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...