' Акындар айтышы. - Суперстан 55
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан
Информация о рекламе
☰ Меню

Суперстан: Акындар айтышы. - Суперстан

  • (227 )
  • +
  • 53
  • 54
  • 55
  • 56
  • 57

Акындар айтышы. Акынсыңбы? Күчүңдү сынап көр.

#1081   kom   10 February 2011 - 15:09

  • Активист
  • Кыймылы жок
  • 1373
  • 16 January 09
  • : 23 Mar 2021 11:44
  • Жынысы:Эркек
  • Калаасы:КЫРГЫЗ жыттуу айыл

Короздордун ичинен
Дакан келген турбайбы,
Көп акындын ичинен
Акам келген турбайбы,
Тамаша,азил ыр менен
Анда эмесе ырдайлы,
Ушундай жакшы күндөрдө
Ыр угайлы,жыргайлы,
Жооп бербей койсом акеме
Инисин кудай урбайбы!)))
............... ...................... ...........
Аялзаттын баянын
Кечинде аке улаймын,
Шашылыш жумуш бар эле
Мен азыр токтой турайын.
Бошосо колум түнкүсү
Көңүлүмдү бурайын,
Мындагы жалпы кыздарга
Ырдесте кылып сунайын,
Жетишип келем бат эле
Мен азыр чыга турайын.


Оргуштап сезимдеги ыр
Күтөйүн десем болбоду
Азил чыны аралаш
Ыр угуп, көңүл толбоду
Кире калсам жөн жайдан
Ильхамым жөн койбоду
А бирок келсем эч ким жок
Акындар жылас болгонбу?
Ассаламу алейкум
Мындагы акын, жаамы журт
Саламдашып мен келдим ,
Алик алып мени ук
Амандык сурап турамын
Эшигиң ачып тосуп чык
Кайда житип кеттиңер
Жүрдүңөр эле мында жык

Иним бар эле ДонКихот
Көптөн бери дайны жок
Ага арнап ырдап турайын
Кирип калаар тапан, шок.
Азамат элең алтындай
Алкынат элең айгырдай
Өзүмдүн иним деп жүрсөм 
Кеттиң го жигиң таптырбай
Же катуу иштетип сен мээңди
Тажаттыңбы далай акимди
Айдаштыбы чогулуп
Эстетип дагы Шиберди
Акыркы айткан сөзүңдү
Көрчү иничек сен эстеп
Шашылыш жумуш бар дедиң
Же ал бир айткан сөз беле
Кутулушка менден эптеп
Кечинде келип улайм деп...
Күтсөм ал күнү келбедиң
Куюлган сонун ыр менен
Акеңе жооп бербедиң
Ал эле эмес арадан
Канча кеч өттү белгисиз
Жетишип келем деп коюп
Жүрөсүң дале сен эссиз....

Айтышты келип улантчы
Акеңди бир кубантчы
Мындагы жүргөн көп кыздын
Шилекейин чубалтчы
14ү кирип келатат
Пайдалан туура убакты......
Cен бул ааламда жалгыз болсон, бироо учун буткул ааламсын...

#1082   kom   10 February 2011 - 15:28

  • Активист
  • Кыймылы жок
  • 1373
  • 16 January 09
  • : 23 Mar 2021 11:44
  • Жынысы:Эркек
  • Калаасы:КЫРГЫЗ жыттуу айыл

Кайдасынар туугандар,
жана дагы туубагандар  :crazy-girl:
ыр кеп менен муштумдап
тиштен ары ургандар
сая тушуп ар кимди
аркасынан куугандар:tongue:
шан чыгарып бул жакта
эл конулун бургандар... :80:

деп издемиш болуп коеюнчу.... :99:


Ананнайын алтыным
Издетип сени койдумбу
Күттүрүп көзүң үздүрбөй
Тиктетип жолум койдумбу
Көп күн кирбей, сагынтып
Сагынтып сени койдумбу
Же калп эле карайлап
Издемиш эле болдуңбу
Канткенде да мен келдим
Көңүлүң эми толдубу?
Кусалыкка баткан
Көздөрүң көрүп тойдубу?
Тойду окшойт эээ, себеби
Тиктешкенде көздөрүң
Жөн тура албай ойноду....
Аз келгенсип анысы
Мени да жөн койбоду
Жүрөгүмдү учуруп,
Сезимимде ойноду
Элесимде кучактап,
Экөөбүздүн той болду....
Ушунун баары эмнеден?
Биле албастан турам мен
Сагынычпы же башка?
Айтып койчу берекем......
Cен бул ааламда жалгыз болсон, бироо учун буткул ааламсын...

#1083   DOHKUXOT   11 February 2011 - 00:56

  • Активист
  • Кыймылы жок
  • 654
  • 20 December 10
  • : 25 Mar 2017 01:11
  • Жынысы:Эркек
  • Калаасы:Бийик тоолор койнунда.

Акындардан ыр качты
Илхамдарды чаң басты,
Кышкы сезон келгени
Аюудай болуп уктадык
Тамандарды май басты.

Айтышам десем акын жок
Айтылуу акем жакын жок
Кынынан суурган кылычты
Курулай эле чапкым жок.
Дееп ойлонуп жүргөмүн
Ошол бойдон бул жакка
Баш багып бир да көрбөдүм,
Бир айдан ашуун өтүптүр
Ырымды бир да төкпөдүм.

Андормеда жеңекем
Алты дубан элимден
Издесең тапкыс берекем,
Кабарын алып айтыштын
Келип кеткен экенсиз
Көрбөй калган экенмин,
Кечирип коер бекенсиз?
Айтышка кирип акырын
Издептирсиз бирисин,
Акеси же иниси
Издедиңиз кимисин?
Кыялга батып керемет
Ком акем мында термелет,
14ү калды жакындап,
Айына бир болсо да
Көңүлүн алды эртелеп.
Ээ аке, несин айтайын
өзүңүз жок, көңүл жок
Жарабады калганы,
Кызытаар эми айтышты
Баргынын эки жаманы.
Акесиз калып талаада
Карып болдук, кар болдук
өзүңүз эмес, жердеги
Изиңизге зар болдук.
Кабарсыз кетип жоголдуң
Кирчүдөй Кызыл Китепке
Кайыптай аке жок болдуң.
Айда-жылда бир келип
Күпүлдөп ырдап кирдиңиз,
Ай каратып иниңди
Акежан кайда жүрдүңүз?
Сынакка илген сүрөттөй
Кайсы бир кызды сүйдүңүз?
Бир кызга жетпей мен жүрсөм
Кыздарды чаап четинен
Коллекция кылып үйдүңүз,
Сиздей мырза боло албай
Кыйналып жүрөт иниңиз,
14үндө жапжалгыз
Калаарымды билиңиз,
Кандай бир мокок неме деп
Келбесе экен жиниңиз,
Байланып жипсиз айылга
Эркиндик көздөн учкан кез,
Жете албай шаарга,калаага
өзүмдүн ичим бышкан кез,
Сезимдер батпай жүрөккө
Төгүлчү жерин таба албай
Шакардай кайнап турган кез,
Жашыл жаз,баар көктөмү
Келсе экен эми абдан тез,
Бишкекке барсам деп турам
Калаага барып кыз жайын
Воробей менен кеп курам,
Кыздар менен таанышып
Сүйүшөйүн деп турам,
Инеттин учу-кыйрынан
Кызыктуу ар кыл кеп угам,
Кореянын балдарын
Кыздар сүйөт деп угам,
Алардай сулуу эмесмин
Ошентсе да жолун таап
Кыздарды сүйөм деп турам.
Кандай кеңеш бересиз
Сиздей акем акылын
Көкүрөккө түйөйүн
Ошого карап акырын
Бирөөнү мен да сүйөйүн,
Жетелешип жанаша
Бактылуу болуп жүрөйүн,
Сөз кезеги сизде эми,
Уруксат берсең акежан
Андан кийин сүйлөйүн.
Калпагыңар башыңардан түшпөсүн, Кыргыз уулдары!!!

#1084   DOHKUXOT   11 February 2011 - 16:48

  • Активист
  • Кыймылы жок
  • 654
  • 20 December 10
  • : 25 Mar 2017 01:11
  • Жынысы:Эркек
  • Калаасы:Бийик тоолор койнунда.

kom акемдин суроосу боюнча, кыздар тууралуу төрт кайрык:

Aта-бабам илгертен
Аялзатын урматтап
Ардактап келген турбайбы,
Ашыктык отко күйгөндөр
Арзышкан жанга ыр арнап
Ырдап келген турбайбы,
Анда эмесе биз дагы
kоm акемдин көөнү үчүн
Кыз жөнүндө ырдайлы!

Жакшы кыздын белгиси
Жүзүнөн нуру төгүлөт,
Албырган жүзү ак жуумал
Ай чыккандай көрүнөт,
Көчөдө басса буралып
Көпчүлүк көөнү бөлүнөт.
Жаш чыбыктай ийилет,
Жарашыктуу кийинет,
Жаштык оту алоолоп
Жаздын деми билинет.
Намысын ойлоп биринчи
Наздана сүйлөп жылмаят,
Мага окшогон жигиттер
Шилекей агып суктанат,
Кылгыра тиктеп астыртан
Баамчыл келет дээринен,
Жибектей жумшак үлбүрөп
Айланса болот пейлинен.
Алыс болот ушактан
Бөйрөктөн шыйрак чыгарбайт,
Болоор-болбос нерсеге
Жашын төгүп ыйлабайт,
Аны-муну каалайм деп
Жигиттерди кыйнабайт,
Так#### гана түшөм деп
Унаанын түрүн ылгабайт,
"Баягынын кызы" деп
Ата-эне атын булгабайт,
Көзү каткан немедей
Эркек көрсө туйлабайт,
Таанышалы жигит деп
Көчөдө атын сурабайт,
Беймаани сүйлөп какшанып
Бирөөнүн мээсин бурабайт.
Жумурткадан кыр издеп
Жамандык нерсе издебейт,
Кичине гана нерсеге
Жаш баладай тултуңдап
Кабак- кашы кирдебейт,
Намыска бекем, сөзгө бек
өз баасын жакшы билишет,
Ушундай сонун кыздарды
Артынан чуркап күйүгүп
Көп жигиттер сүйүшөт,
Шашпастан тандап бирисин
Бир азамат жигитке
Баш байлап эрге тийишет.
"жакшы эмес" кыздар жөнүндө кийинки сандан окуй аласыздар. :)
Калпагыңар башыңардан түшпөсүн, Кыргыз уулдары!!!

#1085   kom   12 February 2011 - 16:22

  • Активист
  • Кыймылы жок
  • 1373
  • 16 January 09
  • : 23 Mar 2021 11:44
  • Жынысы:Эркек
  • Калаасы:КЫРГЫЗ жыттуу айыл

 Шылтоолоп кыштын суугуна
Алгырлар турбайт туурунда
Акын эмес, эгерде
Аюдай жатса уйкуда
 “Ыр качты” деп чилдеде
Таманын шимип чээнинде...

Иэп, балли!!! Иним азамат
Жообуңду бердиң бир замат
Күтүп турган окшойсуң 
Күндөп-түндөп жол карап
Карааныма зар болуп
Сурапсың кайда жүргөнүм
Калыптырсың кар болуп
Кайып болсо сүрөөрүң
Карып болуп, келбесем
Билбепмин сенин жүдөөрүң
Билгенимде эгерде
Жаныңда жандап жүрмөкмүң
Мококтугуң билдирбей
Бир кыз илип бермекмин
14ү жалгыз калтырбай
Шерик таап иймекмин
Вестибулярный мээңе :tongue:
Гормонуң тебе баштаптыр
Жаз айын күтүп чыдабай
Чыдамың кете баштаптыр...

Дайнымды алгач айтайын
Бир четинен баштайын
Кыжалат кылбай мен сени
Ортого шиңгил таштайын
Хоней     айым айткандай
“Трудоголик” окшоймун
План-деген бул иштен
Билбедим качан бошоймун
Акеңдин азыр должносту
Көтөрүлгөн кичине
Жоопкерчилик ошончо
Бошоймун зоорго кечинде
Үйгө барып жыгылам
Кол тийбей чай-пай ичкенге
Анан каяктан ал жетсин
Маралдай болгон кыздарды
Коллекциялап ийгенге....

Комуздун кылын чыңайын
Ырымдын нугун бурайын
Берипсиң кезек ырдайын
Жөн карап четте турбайын
Акеңден кеңеш сурапсың
Билишимче сунайын

Угуп жүрөм мен дагы
Башы-көзүн жоготуп
Кореялык балдарды
Сүйүп жүргөн кыздарды
Анан дагы көп угам
Алардан да бийик койгон
Кыздар бар экен чалдарды
Кыскасы жашоо бумеранг
Ошончүн жакшы ойлоп, бак
Азгырылбай кылыкка
Татыктуусун издеп тап
Кулагы менен сүйүшкөн
Кыздар көп азыр заманда
Эки ооз жакшы сөз үчүн
Азгырылган заматта
Келбетке карап сүйгөн бар
Колдун кири байлыкты
Бакыт деп билип жүргөн бар
Акчанын четин көрсөтсөң
Калп эле сени сүйгөн бар
Косметика, бет майды
Көрбөй кала тургансып
Бетине баарын үйгөн бар
Кийимин баалап сүйүшүп
Арзаныраак кийинсе
Ары карап күлгөн бар
Айдан азыр түшкөнсүп
Түшүнүксүз, түркөй бай
Айылдыкмын дегенде
Кошкурушуп, үрккөн бар
Жашоодо жалгыз кызсынып
Чалжактаган эрке бар
Этеги жетпей тизеге
Мода кууган селки бар....
Кыскасы иним абайла
Капыстан капканда калба
“Кой аксагы менен жүз” делген
Эсиңден сөздү чыгарба

Жогордо өзүң айтыпсың
Кыздардын жакшы сапатын
Андай кыздар бизде көп
Адашпай бирөөсүн тапкын....

Таң калдым сенин кебиңе
Айылда жүрсөң эмне экен?
Акылдуу, жүзү албырган
Оймоктой эрди кызарган
Ак куудай мойну буралган
Чачтары узуун чубалган
Айылда кыздар жок бекен?
Жакшы кыздар толтура
Айылдан деле табылат
Сабыр кылып чыдасаң
Абийирдүү кыздар жолугат...

Баштап койдум акырын
Жаман жагын кыздардын
Сөз бергендей сен иним
Калганын өзүң улагын......
Cен бул ааламда жалгыз болсон, бироо учун буткул ааламсын...

#1086   DOHKUXOT   12 February 2011 - 17:36

  • Активист
  • Кыймылы жок
  • 654
  • 20 December 10
  • : 25 Mar 2017 01:11
  • Жынысы:Эркек
  • Калаасы:Бийик тоолор койнунда.


Баракелде жан аке,
Ырыңызга суктанып
Берип турам "там" аке!
Күлүктү күлүк көргөндө
Төрт аягы тыбырайт,
Жалгыз акын топ жарып
Айтыш ырын ырдабайт,
Ынтымак ырыс бар жерде
Ызы-чуу, талаш , чыр болбойт,
Бир эле акын кыйкырып
Ырдаса айтыш ыр болбойт,
Айтышаар акын болбосо
Жинденген бакшы өңдөнүп
Ырдай берсем бул жерде,
өзү менен айтышкан
Кайдан чыккан неме деп
Кеп болбоймбу бүт элге?
Напарнигим болбосо
Жалгыз калган мен карып,
Отчеттон отчет-кутулбай
Ырга жетпей сиз карып,
Сагынып жүргөн саргайып
Сизге жетпей кыз карып,
Жумуштан колуң бошобой
Чай иче албай сиз карып,
Ээ аке несин айтайын,
Ушундай илхам келгенде
Ырдалбаган ыр карып!

Эркиндикке жеткени
Келди далай агымдар,
Ошол агым ичинде
Валентин күнү дагы бар,
Сүйүүнү даңктап, урматтап
Бир күн арнайт экенбиз,
Кафелеп көчө кыдырып
Майрамдап жыргайт экенбиз,
Тууса да мышык майрамдап
Биз кыргыз шундай кененбиз!
Жүрүп барсак ушинтип
Обаманын днюхасын
Майрамдап калаар бекенбиз?
Ээ анысын мындай таштайлы,
Жаман кыздар жөнүндө
Санат ырын баштайлы!
Ыр баштаардын алдынан
Кечирим сурайм баарынан,
Феминисттик пикирди
Карманган аялзатынан.
Алтындай кыргыз кыздарын
Чиритээр жаман бир кызы,
Сын аралаш бул ырым
Болгону турмуш чындыгы!

Бабырган сымал кыздар бар
Маңызы жок кебинин
Ойду-тоону сүйлөгөн,
Эби жок бир кыздар бар
Этегин басып чалыштап
Мүдүрүлүп жүдөгөн,
Узун тилдүү бирөө бар
Чымындай болгон нерсени
Пилдей кылып үйлөгөн,
Тарбиясыз дагы бар
Жаштайынан үй ишин
Эзели жасап көрбөгөн,
Бой көтөргөн кыздар бар
Мелтейип тиктеп кишини
Көз кырын салган өйдөдөн,
Кызыгып кымбат буюмга
Ата-эненин акчасын
Оңду-солду чачкан бар,
Уурулук кылып жойлогон
Арам дүйнө тапкан бар,
Көчөгө чыгып түнкүсүн
өз денесин саткан бар,
Ата-эне тапкан нанын жеп
Же окуудан дайны жок
Бутту асып үйдө жаткан бар,
Ак, сары, кызыл түрүнөн
Ичимдик даамын таткан бар,
Тамекини мындай кой
Наркотиктин сазына
Белчесинен баткан бар.
Айланайын аялзат,
(Сөз болуп мында жаткандар)
Аялдардын эң ыйык
Бийик наамын сактаңдар,
Бузук жолдон баш тартып
Таза жолду тандаңдар!
Калпагыңар башыңардан түшпөсүн, Кыргыз уулдары!!!

#1087   Бектурган   22 February 2011 - 10:50

  • Активист
  • Кыймылы жок
  • 683
  • 17 May 09
  • : 04 Dec 2023 22:44
  • Жынысы:Эркек
  • Калаасы:Kyrgyzstan...

эээээй .....йй..ийй
саламатсынарбы туугандар,
саламдаша тургандар,
сакалдуусун сыйлашкан,
инетте супер тургандар,
ыр мек куруп суйлошкон,
аты улук токмо акында,
сагынып келдим айланып,
атымдан калган каазык бар,
ат айланып келет каазыкка,
бул жерде бар билем азыктар,
сагынуу менен караймын,
саламды ыссык айтамын,
суперстан тынч бекен,
акыбалын сураймын,
акындары коп экен,
окуп чыгып байкадым,
шаар озгоруп, онолуп,
кочолору озгоруп,
акындары кобойуп,
юзер уйуп донкойуп,
кызып калган маалы экен,
элди алып уйротууууп эээ....й.
Кана акын бар бекен,
ырынды айтчы кеп кенен,
саламга алик алышаар,
жергиликтуумун деген,
эс алайын анда эми мен,
чаап келген ат тердеген,
кантарып койдум атымды,
бир боо чоп акын ала келээр бекен,
тойгозупда алам атымды,
жашылдан болгон бедедэээээ. ...н эээй.
Чынгыры чынгыр чынгыр чын!!!
Ат-адамдын канаты.

#1088   Бектурган   22 February 2011 - 10:51

  • Активист
  • Кыймылы жок
  • 683
  • 17 May 09
  • : 04 Dec 2023 22:44
  • Жынысы:Эркек
  • Калаасы:Kyrgyzstan...

эээээй .....йй..ийй
саламатсынарбы туугандар,
саламдаша тургандар,
сакалдуусун сыйлашкан,
инетте супер тургандар,
ыр мек куруп суйлошкон,
аты улук токмо акында,
сагынып келдим айланып,
атымдан калган каазык бар,
ат айланып келет каазыкка,
бул жерде бар билем азыктар,
сагынуу менен караймын,
саламды ыссык айтамын,
суперстан тынч бекен,
акыбалын сураймын,
акындары коп экен,
окуп чыгып байкадым,
шаар озгоруп, онолуп,
кочолору озгоруп,
акындары кобойуп,
юзер уйуп донкойуп,
кызып калган маалы экен,
элди алып уйротууууп эээ....й.
Кана акын бар бекен,
ырынды айтчы кеп кенен,
саламга алик алышаар,
жергиликтуумун деген,
эс алайын анда эми мен,
чаап келген ат тердеген,
кантарып койдум атымды,
бир боо чоп акын ала келээр бекен,
тойгозупда алам атымды,
жашылдан болгон бедедэээээ. ...н эээй.
Чынгыры чынгыр чынгыр чын!!!
Ат-адамдын канаты.

#1089   DOHKUXOT   22 February 2011 - 11:49

  • Активист
  • Кыймылы жок
  • 654
  • 20 December 10
  • : 25 Mar 2017 01:11
  • Жынысы:Эркек
  • Калаасы:Бийик тоолор койнунда.

Акындар айтыш айлына
Бектурган салам айтыпсыз,
Атыңызды тердетип
Ит куугандай шашыпсыз,
Алтындай болгон шилекей
Ыр түрүндө чачыпсыз,
Ачка калган атыңа
Беде сурап жатыпсыз,
Абалкы калган казыкты
Адашпай эле табыпсыз,
Атыңыз карашалтак го
Аябай эле чабыпсыз!
Аргымакты байлаңыз
Төрдөн орун жайлаңыз,
Ыр төгүңүз акыным
Колго алып комузду,
Байкайлы, минген атыңыз
Күлүкпү же чобурбу.
Калпагыңар башыңардан түшпөсүн, Кыргыз уулдары!!!

#1090   Бектурган   22 February 2011 - 14:21

  • Активист
  • Кыймылы жок
  • 683
  • 17 May 09
  • : 04 Dec 2023 22:44
  • Жынысы:Эркек
  • Калаасы:Kyrgyzstan...

коп жол журдум ат менен,
комуз чертип ыр менен,
барган жерден сый коруп,
сойулуп союш сый менен,
бутун жилик эл менен,
ар кандай айыл, эл кордум,
бирок тааныштыгым бар бул жер менен.
сынасан менин атымды,
мин атты кысып такымды,
эгар кашта илинген,
коргондурсун камчыны,
канжыгада байланган,
ал тээриден чапанды,
таштап коюп алдына,
чаап келип ары жактан,
энилип текшер атымды,
текшерсен текшер озумду,
жылмайтып туруп козунду,
сынасан сына озумду,
кудай берген онорду,
алп акынга бирок тенелбейм,
ким десе бироо мен дебейм,
донкийхот мырза кел эми ой!
Тааныштыр кимсим? Ким деген.
Ат-адамдын канаты.

#1091   DOHKUXOT   24 February 2011 - 13:41

  • Активист
  • Кыймылы жок
  • 654
  • 20 December 10
  • : 25 Mar 2017 01:11
  • Жынысы:Эркек
  • Калаасы:Бийик тоолор койнунда.

Тердете атты чаапсың
Айтыш айылын таапсың,
Аттын оозун бурупсуң
Ыр-маек мында курупсуң.
Жооп күтүп менден турасың
Ким экеним сурапсың
Билбесең анда билип ал
Кулагың угуп кубансын.
Кең Алайды жай кылган
Таркаган уруум Баргыдан,
Бул жөнүндө кеп кылып
Кызыл тилим тешилген,
Жаза берип тегимди
Клавиатурам жешилген,
Таап окуп алаарсың
Ал барак эбак эскирген.
өз тарыхың айтууну
Чыгарба тууган эсиңден,
Кай жердин уулу болосуң
Айта кет кабар тегиңден?

Айылма айыл кыдырып
Айылчы атка конупсуң,
Кой сойдуруп,жилик жеп
Семирип абдан тоюпсуң,
Каатчылык заманда
Элди кыйнап коюпсуң,
Сөөгүнөн бери кошо жеп
"Эт жутар" конок болупсуң.
Колкоймоңду окусам-
"Ат-адамдын канаты",
Башка-көзгө койгулап
Ат мингениң калааты!
Арыктап байкуш аргымак
Качыр болуп калыптыр,
Жем-чөптөн өксүп жаныбар
Күчтөн кайтып карыптыр,
Такасы жок ташыркап
үстүндөгү кожоюн
Жиликке тоюп манчыркайт,
Тойгузуп атты турбасаң
Жаныбар жылкы жабыркайт.
Суу кадырын билбеген
Бир тамчы сууга зар болот,
Ат кадырын билбеген
Пияда басып кар болот.
Аттан түш баатыр, үйгө кир
Атыңды отко байлайын,
Сен мында ырдап турганча
Атыңды аз маз багайын,
Эми сен ырда жараным
Мен сени угуп турайын,
Жообуңа жараша
Андан ары улайын!
Калпагыңар башыңардан түшпөсүн, Кыргыз уулдары!!!

#1092   Demon   24 February 2011 - 17:30

  • Активист
  • Кыймылы жок
  • 1517
  • 26 November 09
  • : 27 Jan 2014 05:39
  • Жынысы:Эркек
  • Калаасы:Анкара

Саламым берип айтышка
Клавамды терип Кыргызча
Мен да келдим жарышка
Антпесең “латын” арибин
Жазгандарды сындаган
Жер менен жексен кылуудан
Тартынбаган, кыйбаган
Биринен бири өзгөчө
Айтып бүткүс чоң дастан
Кол жеткистей көк асман
Жөн адамдан бөтөнчө
Кеп сөздүн кени бүт чечен
Алп акындар көп экен
Алардан кем калышпай
Жеңди түрүп ашыкпай
Тойго мен да кошулдум
Ырдайын деп ашыктай
Жүргөн элем узактап
Ардактуу эс алышта
Четтеп турбай мен дагы
Келип калдым айтышка …

Окуп чыктым кызыкты
Сездим мында көп ыкты
Адамды тегиз күлдүргөн
Байкадым акын дегендер
Баары тегиз эң мыкты
Улансын ушул ырлардан
Элимде достук ырыскы …
:applause: :менин жүрөгүм:
Баркымды билгендердин эсиндемин...

#1093   Demon   24 February 2011 - 17:42

  • Активист
  • Кыймылы жок
  • 1517
  • 26 November 09
  • : 27 Jan 2014 05:39
  • Жынысы:Эркек
  • Калаасы:Анкара

Эң оболу саламым
Акыл айтып кеп салган
Опол тоодой бек калган
Айтылуу Барс авама
Мен өзүнө суктанам
Таасирленем кебинен
Сыйкырланып өзүмчө
Үлгү алам кут табам …

Андан аркы саламым
Андор менен Honey ге
Эр азамат жигиттин
Эс учун алып суктанткан
Келиштирип ыр жазган
Буларды көрсөм айтышта
Рахаттанам кубанам …

Менин эски жан досум
Бир кезде чымчып какшыктап
Айтыш деген майданда
Чыкырып мен жарышка
Тактык менен кеп айтып
Оордун билип эп айтып
Жайдары досум Strategим
Амансыңбы барсыңбы?
Же чыдабай азилге
Айтыштан сен да качтыңбы?
Болбосо айтыш айлынан
Кызыгыраак нерсе таптыңбы?

kom мырза да бар эле
Ашыктык отко малынып
Өзүнө теңдеш кут көргөн
Суйкайган сулуу селкиге
Жазып турчу жалынып
Же калганбы жаңылып ?
Сүйүүсүн айтып тартынбай
Жүрчү эле мында ыр ырдай
Ал да кеткен көрүнөт
Ашыктык дартка чыдабай …

Жамактап ырдай жалпыга
Алп чечен көсө акындар
Сөз тандап жазган калкына
Жарашчудай даңкына
Эскербей калсам кээ бириң
Таарынбагын акыным
Ырга кепке жакыным
Амандык айтып жалпыңа
Баштайын эми айтышым …

Менден болуп коркумуш
Кебин баштап ал укмуш
Легенда болуп аталып
Көрүнгөн жандан кат алып
Дуэльге баарын чыкырган
Кээде катуу чыр кылган
Дон Кухот иним кандайсың?
Жеңекелеп эркелеп
Кыздарды теги жандайсың
Кадыресе кеп салып
Айтыштан эч тайбайсың
Иштин кызык жеринде
Акындарды жиндентип
Кыжырына тийгенсип
Капалантып аласың
Моокумуң канып каласың
Артынан сурап кечирим
Жагынуунун жолдорун
Өздөштүрүп алгансың
Ары бери сооротуп
Сыйлоонун эбин тапкансың

Ламанчтан келип бул жерди
Ээлеп алам дегенсип
Көз кырыңды таштайсың
Атың минип тердетип
Кыйынсынып өзүнчө
Комузуң колдо ойнотуп
Келип калган Дон мырза
Жарашчу ишти аткардың
Мындагы жамы Кыргызга
Ырдан ырды чубатып
Айтып кирдиң сөзүңдү
Кээде кыйын өңдөнүп
Жылдыз сездиң өзүңдү
Акындан акын тандадың
Жанаштырбай эч кимди
Кыйынмын деп мактана
Билбегендей элиңди
Күчтүү айттың кебиңди
Сениби шашпа сениби …

Даярдап койгом бир сага
Айтаар сөзүм кебимди …
Андан мурун агайын
Сага суроо салайын
Оомат келип турганда
Сени сынап алайын
Учуру келсе усулга,
Жараша кебим айтайын
Кетчү болсоң аша чаап
Берейин сенин сазайың …
Түбүң түшкүр турмуштан
Күткөнүң сенин эмине?
Адам деген сыр сөздөн
Түшүнгөнүң эмине?
Тилиң буудай кууруйт го
Айтышта түшүп жарышка
Кандай пайда кылсам деп
Жүрөсүң Кыргыз элиме?

Кайсыл тема болсун деп
Сурадың айтаар сөзүбүз
Анда кеңеш сунайын
Көңүлүңдү бурайын
Эгер жетсе көзүбүз
Жалпы журтка мактайлы
Кыргызды бардай даңктайлы
Өнүксүн десек элибиз
Береке чачкан жерибиз
Алдыга койгон ойлогон
Максаттарды айтайлы
Колдоп турса Кудайым
Сендей мендей ак таңдай
Акындар блсо ар убак
Тартпайт тилим убайым
Ыймандан узак четтебей
Кызыктуу кеп куралы
Келгендерди кет дебей
Дастортон ачып туралы
Жалпыбыз чогуу бирлеше
Калкымды даңктап айтмакка
Мезгил жетип келгендей …

Билемин мени сындайсың
Жамактатып ырдайсың
“Мат” кылдым деп Демонду
Убагы келсе жыргайсың
Бирок сөз бер азыртан
Сыйкырдуу бул айтыштан
Себепсиз өзүң качпайсың …

Бирөөнү сөзгө жыгытып
Ачуу кептен ыргытып
Дайым болгун элимде
Көк шибердүү жеримде
Ал кылыгың жоругуң
Мага жагат чынында
Айтышам десең күнү түн
Шерик болоор мен мында
Бирок дагы кээ кээде
Боло бербей темада
Жанагы эле өзүбүз
Айтылсын Кыргыз жерине
Ыймандуу жана акылдуу
Адилеттүү, жагымдуу
Ырыскылуу кешиктүү
Кырманы мол энчилүү
Кичи пейил Кыргызга
Арналсын биздин сөзүбүз
Барсыңбы анда айтышка …

дедим да, эл арасында обочолонуп турууга көнүп калган Дон Кихот мырзанын жообун күтүп туруп калдым …
:cool:
Баркымды билгендердин эсиндемин...

#1094   Барс   24 February 2011 - 20:18

  • Супер-активист
  • Аким
  • 2987
  • 24 October 08
  • : 14 Oct 2025 17:37
  • Жынысы:Эркек
  • Калаасы:Айылда

Валейкум салам, Демонум!
Тамганын таап эми оңун,
Айтышка кирип келипсиң,
Айтканы сөздүн оролун.
Алтындай сөзүң төгө бер,
Арбысын айткан жомогуң.
Айтчу оюңду айтып кал,
Эч ким билбейт, чынында
Эртең күн кандай болоорун.
Өткөрдүк баштан бир далай,
Өмүрдүн
ысыгы менен бороонун.
Антсем мен көңүл чөкпөсүн,
Айланам Кыргыз элим бар,
Арманга такыр жок орун.
Унутпасак болду, иним,
Эл-жер деп жүрөк согоорун...
Үчтүктө үч сап - үч күлүк!
Үч кылы күүлүү комуздун,
Кыргыздар: Оң, Сол, Ичкилик...

#1095   Бектурган   24 February 2011 - 22:20

  • Активист
  • Кыймылы жок
  • 683
  • 17 May 09
  • : 04 Dec 2023 22:44
  • Жынысы:Эркек
  • Калаасы:Kyrgyzstan...

алайдан болгон жердигин,
даткалардан турган тегиндин
атакту болгон элиндин,
курманжан датка экенин
тушунуп жерге энилдим
ырына абдан берилдим,
тыншадым тогуп мээримим,
кыйын акын озун экенсин,
кыйла эле бар немесин,
жашын канчада экенин,
чындыгында акын билбеймин,
ини дейинби? Эмне дейин,
же аксакал ава, ака дейин,
айтканындай арткы жака,
талыкпай барып келейин,
жашын канчада экенин,
тастыктап тактап билейин,
озумдон айтып кетейин,
сурооно жообум берейин,
жакындап жакшы олтуруп,
былк этпей тыншагын деймин,
ордолуу оштун ой жеринен,
наамыской ноокат элинен,
меймандос экени билинген,
таалыкпай иштеп элибиз,
кайтпаган иштеп мээнеттен,
таанылып копко жерибиз,
иигиликтерге жетишкен.
Ошол ноокаттан келе жатам,
барып кел деп мени жиберишкен,
эми айтайын тегимди,
деги кимден экенимди,
озумдун атым Бектурган,
Абдыкаар деген атадан,
андан отуп жамакчы,
Маннап аттуу чон атам,
Жоробек деген даагы бар,
токмо акын экен айтышкан,
анын атасы Ысмайыл,
жашоого бизди жараткан,
андан отуп Гойту экен,
буларда ыйык ата экен,
Кара коозу деген бар,
Корпо коозу ага ата экен,
уруубуз биздин Сагындар,
баардыгы ушудан тараган,
Арбын атанын балдары,
Кармышак,Сагын, Барпылар,
Сагын атадан биз болсок,
кошналар башкалар,
Арбын айылында жашайбыз,
эстен чыкпайт аталар,
мына ушундай тарыхым,
озум алсыз акынмын,
арбак колдоп аталардын,
оркундоп гулдоп жанармын,
жаткан жерлери жаннат болсун,
жараткандан тилеп сураймын,
даагы маек кураймын,
сененда ушуну сураймын,
эми башкага бурайын,
тордон орун алайында,
малдашымды курайын,
атымды карап сынадын,
баалуу ат,аны айтпадын,
толубайдай сындадын,
бирок толубай деп сени айтпаймын,
эн жакшы кулук менин атым,
ага сен байкоо салбадын,
демек сынчы эмессинда,
сынчы деп сени айтпаймын,
ушундан коро акын достум,
башкале ишти таппапсын,
салдынбы беде атыма,
куруса тери кашыла,
тилегин айтат ат дагы,
суу болсо алдын курукта,
салтын кылып кыргыздын,
кучтуусун алып кел кымыздын,
кыргыз уйдо кымыз ичеличи,
бирбирибизге кычып тымъзын эээй...
Ат-адамдын канаты.

#1096   DOHKUXOT   25 February 2011 - 00:43

  • Активист
  • Кыймылы жок
  • 654
  • 20 December 10
  • : 25 Mar 2017 01:11
  • Жынысы:Эркек
  • Калаасы:Бийик тоолор койнунда.

Кел Демонум акыным
Жамак сөзгө жакыным,
Ырдаарга мен да сөз таппай
Эс алып турган акылым.
Кабарсыз кеттиң алыстап
Суперфорум элинен,
Сагынып мында келипсиң
Угалы шекер кебиңен.
Оң капталым шамалдап
Жүргөмүн сенсиз оңкулдап,
Кубанып турам чынында
Ыр ырдасаң зоңкулдап.
Кыргызча арип коюпсуң
Азамат досум, кем болбо!
"Кыргызча жаз!" деп какшаган
"Буквоедке" жем болбо!
Латынча арип көргөндө
Кашайып жиним кармалат,
Мына ошодон куткарган
Азамат,Демон азамат!
Калтырбай бир да акынды
Салам айтып келипсиң,
Арасынан Донуңду
Кепке тартып "эзипсиң"
Ырыңдын сексен пайызын
өзүмө жалгыз арнапсың,
Сындап,мактап- аралаш
Нары-бери калчапсың,
Ырахмат айта кетейин
Жараткан сени жалгасын!
Чынга жакын көп жери
Мага таккан сыныңдын,
Аның ырас,башында
Акынмын деп жулундум,
Кепке тартып баарысын
Айтышам деп урундум,
Ар бирине асылып
Чыры көп болду ырымдын.
Анткенимдин себеби
Ыр менен безге сайбасаң
Ырыңа деги жооп болбойт,
Ким элең сен дегенсип
Акындар деги козголбойт.
Кызытам деп айтышты
Жакшы эле кылдым далалат,
Түшүнбөй аны кээ бирөө
Кылгандыр балким жаманат.
Чокчоңдоп кайдан чыкты деп
Күлгөндүр балким табалап.
Акыбет кайтып, карачы
Кандай бир ырлар жаралат,
Көп адам кирип бул жакка
Жанданып айтыш баратат,
Зерикпей төккөн ырларын
Акындар баары-азамат,
Кантсе да айтыш кыргызга
Атадан калган аманат!

Эми сөздүн кезегин
Сурооңо жоопко берейин,
Ойлонуп акыл иштетип
Ой берметин терейин,
Жетпесе да акылым
өзүмдү аалым сезейин.)))
Эх Демонум не дейин,
Кандай бу сенин турмушту
Түбүң түшкүр дегениң?
Ыраазы болуп турмушка
Кубанып жашап келемин,
Айталбайм,ушул тирүүлүк
Түбүң түшкүр экенин.
Жашоонун өзү керемет,
Анткенимдин себеби
Кайталанбайт, бир келет.
Түбү түшкөн дегени
А балким досум жалгандыр?
Турмуштун өзү адамдан
Бир нерсе күтүп жаткандыр?
Анткени адам куруучу
Миң кырдуу ушул турмушту
Оңго же солго буруучу,
Адамзаттын ичинде
Көп болсо экен дурусу,
Ошондо гана оңолоор
Адамзаттын турмушу.
Адамдын сырын ырдасаң
Айлап- күндөп ыр болоор,
Жер жүзүндө маклуктун
Эң сырдуусу адамдыр,
Уруксат берсең эртеге
Ырдайын Демон-"командыр" ,
Азыр болсо уктайын
Сокур молдо келди эле,
Мени күтүп калгандыр,
Анда эмесе эртеге
Уланат эми калган ыр!
дедим да, обочолонбой эле топтун ортосуна жамбаштай жата кеттим жаздык таянып.:)
Калпагыңар башыңардан түшпөсүн, Кыргыз уулдары!!!

#1097   supernurgazy   25 February 2011 - 05:31

  • Супер-активист
  • Тартип бузгандар
  • 2675
  • 08 March 08
  • : 16 Feb 2017 15:21
  • Телефон:Жазып алгандардан сурасаз!
  • Жынысы:Эркек
  • Калаасы:Талас!

Акындардын баарынан жардам сурайм, сегизинчи мартка карата флеш мобго тарта турган плакаттарыбызга ыр чыгарып бергилечи. Ырынарды Суперстандагы Жаңы акция деген темага калтырып кеткилечи, аябай суранам. Рахмат!! !


Отунбаевага таазим!

#1098   Бектурган   02 March 2011 - 13:33

  • Активист
  • Кыймылы жок
  • 683
  • 17 May 09
  • : 04 Dec 2023 22:44
  • Жынысы:Эркек
  • Калаасы:Kyrgyzstan...

ушул жерге келишчуу,
акынды кутуп турамын,
жайылып жакшы ырдачуу,
ырчыны кутуп турамын,
айтышта кызып куч алчуу,
чеберди кутуп турамын,
келип калса эгерде,
алдындан тосуп чыгайын,
келип калсан шу жерге,
ыр менен маек курайын,
айтып калсан бирдеме,
кулак тошоп угайын,
буйрук кылсан эгерде,
дароо орундатайын,
айталбасан эчтеке,
анда мен созум айтамын,
ээй бул создорум баарысы,
кимге арналат белгисиз,
ыр саптардын жанысы,
жазылбайт эч себепсиз,
шайырбек, макар акындар,
ырдагыла келип кезексиз,
келгиле ырга жакындар,
биз меймандос элебиз
бул жакта да коп акын бар,
баш ийке5 салам беребиз
атагы чыккан, баркы бар,
олуттуу жерде элебиз,
каарысы бар,жашы бар,
ырыскылуу жерденбиз,
эр азамат бар,аял бар,
ынтымактуу элебиз,
келип ырдап кеткиле,
досторум! Деп чакырам,
жакшы ырдап бергиле,
келгиле деп соз сунам,
комуз чертип келгиле,
кумарланып, жакшы угам,
салтты кылып кеткиле,
кыргыз баары бир тууган,
откурду ала келгиле,
алда кыргыз уруудан,
сыйыбызды коруп кеткиле,
ичип кымызды куюлган,
мейман болуп келгиле,
даяр айран уюган,
эт коп келип жегиле,
силер учун куурулган,
кана эмесе келгилечи,
ассалоому алейкум!дегилечи,
кутуп турам мен силерди,
конок болуп кеткилечи,
супердин бир бурчунаааанээээээй. ....
Деп балыкчы жылмайып досторун кутуп олтуруп калган экен........
кыргыз уйдун ичинде тегеренип олтурган эл - эми кимдер келет экен? Деп отуруп калышыптыр...
Ат-адамдын канаты.

#1099   Demon   24 March 2011 - 06:04

  • Активист
  • Кыймылы жок
  • 1517
  • 26 November 09
  • : 27 Jan 2014 05:39
  • Жынысы:Эркек
  • Калаасы:Анкара

баракелде акындар
куйкум созго жакындар
мага окшоп жок болбой
жанылыктан жазындар
Баркымды билгендердин эсиндемин...

#1100   jeika   09 April 2011 - 23:40

  • Активист
  • Кыймылы жок
  • 613
  • 15 March 07
  • : 15 Mar 2013 23:33
  • Калаасы:Бишкек

ассалому алейкум
акындарым аманбы
алыс жакын карабай
атайлап айтам саламды
айтышты мен окудум
коп нерседен калгамбы
жигиттерим мурунку
секирип кетип калганбы
чыгынып мына эми мен келдим
тогойун эми арманды

эх бир досум ай, бир досум
ийгилик сени жолдосун
бакыт, ден соолук аралаш
кубаныч сени колдосун
жакшы эле дос болчу элек
таарыныч бизде болбосун

атайылап, кором деп,
алыстан сени байкагам.
Жумушунду мен тиктеп,
атынды сенин кайталап.
Жузунду коруп суйунуп,
сезимди ичтен балталап
келе бердим мен сыздап,
арманды кимге айталам

форумга кирип бир замат,
бойдок болуп алыпсын.
Кыздарга айтып ширин соз,
укурукту салыпсын
менде деле доступ бар,
ошону унутуп калыпсын %)

журокто муз чачырап,
боорумду ачырат.
Эркек деген созду эмес,
Э син уксам качырам.
Ушу мунозумо ким,
туруштук берип чачылат.
Андай эмес мындай деп,
эркекти мактап ачылат...
Жашоо керемет

  • (227 )
  • +
  • 53
  • 54
  • 55
  • 56
  • 57



БАШКЫ БЕТ СОҢКУ КАБАР СУПЕР-ИНФО SUPER.KG ВИДЕО МЕДИА-ПОРТАЛ Кинозал ЖЫЛНААМА Суперстан
Байланыш
Редакция
+(996) 779 47 39 39
kabar@super.kg
Жарнама бөлүмү
+(996) 770 882 500
+(996) 770 882 777
+(996) 312 882 777
pr@super.kg
reklama@super.kg
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.