[kuba.94kg]

Каало айтып элиме
Тынчтык тилеп жериме
Айтышка келип тим турбай
Yн салыптыр Тогузбай(аке)

Сизден дагы жаратканым
Аябасын амандыгын
Элибизге корсотпосун жаратканым жамандыгын.

[Asanaka2]

Ассалоому алейкум
Форумчулар аманбы?
Кызуу тема талкуулап
Болоор болбос бир созго
Чычалап ага кас кармап
Эки экиден тытышкан
Момун жаран активистер аманбы?
Ден-соолук тилеп баарына
Кееде кычы кееде туз
Жазып жургон кутуруп
Жаз келбес ушул Сургуттан
Асанака2 айтат саламды
Кайдасынар акындар
Созго созду улантып
Узулбос кылып улантып
Айтыш аттуу темага
Эмнеге кирбей койдунар
Салам айтсам баарына
Алик алып саламга
Тегеле келбей койдунар
Айтыш аттуу теманы
Акыл насаат жакшы соз
Тамаша чыны аралаш
Создорго муктаж кылдынар
Ойлоп койом кее кееде
Эмне болгон буларга
Чекеден эле баардыгы
Банга кетип калдыбы
Банга кетсе эгерде
Башка ник ачып форумга
Келбес болуп калдыбы
Келиглечи акындар
Ушундай кызык теманы
Неге ээнсиретип салдынар

[Sairagul77]

Супер сынак стартта,
Кызып турган убакта .
Салам айтам баарына,
Суперстан калкыма.

Үч куплет ыр ичине
Терең маани камтыган,
Талпынтып бийик учурган
Тарбия берип жаштарга,
Мөмөлүү дарак аталган
Саламым сизге Барс ага,

Форумду кызытуунун жолдорун
Ортого салып ойлорун.
Суперстан үчүн күйүккөн
Жека агай сизге саламым.

Универсал, шок форумчу
Ар темага баш баккан.
Ар ким менен тартышкан
Айтканынан кайтпаган.
Ананда менин баамымда
Банга тез тез каттаган
Акысыз алып путевка
Кумурскадай күжүрмөн
Кышын жайын тынбаган
Иштеп жүргөн Сургутта
Салам айтам Асанакага.

Мен киммин деген темадан
Окуп алып муңайдым.
Токтоо мүнөз иним Кубанын
Баштан өткөн баянын.
Кайгырба Куба кайгырба
Келечегиң али алдыда.
Кудайым берип бактыңа
Жолуккун жакшы жубайга
Өзүң айтып өткөндөй
Ардактуу ата аталгын
Кудай берчүү уул кызга.

Билдирүүнү түзөткөн: Sairagul77: 14 Апрель 2014 - 19:31

[Lui]

Сайрагул эже кандайсыз,
Жазгы бир гулдөй жайнайсыз,
Ырларды жазып тынымсыз,
Казанда суудай кайнайсыз,
Комплимент айтып акынга,
Сөздөрдүн уузун тандайсыз,
Жазылган ар бир саптарды,
Каткырык менен жандайсыз,
Кулпурган назик үн менен,
Акын айлын шаңдайсыз,
Уйкаштырып ырларды,
Жазасыз, ак таңдайсыз,
Алоолонуп өчпөгөн,
Жаркыраган шамдайсыз...


Жетишпей кетип баратам,
Билемин, таарынып мага калбайсыз.))

[kaitpas]

Эскириптир чаң басып,
Амандашкан айылым.
Анда-санда ыр менен
Саламдашкан айылым.
Комуз кармап колуна
Кадамдашкан айылым.
Анча-мынча алышып,
Жамандашкан айылым.

Келсем тосуп алар жок,
Төгүп ырдап калар жок.
Саламдашып акынча
Кызуу маек салар жок.
Турат эле дап-даяр
Мурдакыдай чабар жок.
Кайда кетти дайынсыз?
Акындарым кабар жок.

Күн жылытып жай келип,
чымын пайда болуптур.
Ызылдашып башымда
Бүгүн абдан толуптур.
Ырда дешип жаткансып,
Төбөмө топ конуптур.

Мейли анда ырдайын,
Буулугуп мен турбайын.
Комуз үнү угулса,
Билдиргиле бир дайын.
Күтүп жатат досуңар,
Эстеп алып мурдагын.
Кана болсо караган
Кошулушуп ырдагын.

[kaitpas]

Эки күн мурун жоктогом,
Кайтпай артка токтогом.
Келсе кимдир айылга
Айтышууну "чоттогом"
Сактап жургон сөз мылтык
Куралымды октогом.
Бир бошонуп байланган
Тирилик деген ноктодон.

Эээй.........
Кайда кетти баарысы,
Жашы дагы карысы.
Сөз кураган тизилтип
Жан дүйнөнүн дарысы.
Жоктоп келдим сагынып
Барбы мында калысы?
Кыйнап койду келе албай
Аралыктын алысы.

Эээй.......
Айтсам ичим толо арман,
Айтпаганым оң болор.
Сабыр түбү сары алтын
Кемчиликтер оңдолор.
Азыр болсок кичине
Эртең үмүт чоң болор.
Тебеленген намыстар
Насип кылса корголор.

[Likvidator]

Айылыма жан берип

Кош келипсин Кайтпасым.

Акындарга дем берген,

Жаман созду айтпасым.

Сагынычты таратып,

Сайрап салчы сайтташым.




Учкан куштай сабалап,


Учат убакыт кайып.

Учурунда шан толгон,

Айылдан турат ал тайып.

Айтышпай койсо акындар,

Акындык онорлор айып.

Алптарымдын бири жок,

Аларды арбап алганбы

Тируулук деген тор жайып.

[Narynbek]

Амансыңбы акындар
шаан-шөкөткө жакындар
Көптөн бери көрүшпөй
Сагыншып калгандар
Ал-акыбал сурайын
Кандайсыңар деп баштайын
Бала-чака журт аман
Иш илгери баш аман
Жүрөсүнөрбү тынч аман?
Амандашып коюууга
Баш бактым акын айылына

[Likvidator]

Нарынбек агага...




Абалымды сурасан,

Аманчылык агатай.

Айылга салып айгайды,

Айгайлап турсан жагат ай.

Айтышка сен баш баксан,

Алтын созун агат ай.

Агалык кылып иниге,

Акыл созду багат ай.

Арбашчуу болсо ким бироо,

Асыл соз менен чагат ай.




Мен да абал сурайын,

Иштер, тиштер жакшыбы?

Тынчынызды албайбы

Женекемдин какшыгы?)))

[Narynbek]

Ликвидатор иниме

Алигиңди алайын
Амандашып алган соң
Жообумду айтайын
Көптөн бери көрүнбөй
Эми келдим айылга
Какшыктай турган жеңең жок
Жеңең калды айылда
Иштеп таап келүүгө
Келдим дагы Маскөөгө
Бир аз чыгып тоскоолдук
Жүрүп калдым айылда
Кабарын анын билеерсиң
Билбесең анда издеерсиң
Ушундай иним кабарым.

[detektiv]

Жаңыдан келип бул жакка
Жанданып сүйлөп турмакка
Саламым айтам баарыңа
Кошуп ал мени араңа
Кошулуп мен да турайын
Акындардын тушунда
Каршы чыкпас деп ойлойм
Кең пейил Кыргыз калкымда

Мекенден алыс мен болуп
Максатка карай аттанып
Мээнет кылып мен жүрөм
Экинчи мекен Орусияда

Окшошпой калса тизгеним
Окшотуп окуп койгула
Кызыгып жазып олтурам
Зоболуу акын айтышына

[kaitpas]

Ээээй.....
Бир туугандай элеңер,
Чынын айтсам мен эгер.
Байкелерим десем мен
Ини дечү белеңер?
Башка-башка болсок да
Эне мага энеңер.
Оорубастан ар дайым
Аман болсун денеңер.
Бирге жүрсөк айылда,
Ашыкчасын дебеңер
Эч чөкпөсүн бир түшкөн
Силер сүзгөн кемеңер.

Эээээй.....
Изи сууп калгандай,
Эскилерден эч ким жок.
Үмүтүмдү үзө албай.
Жолду карап кетким жок.
Жакшы-жаман күндү эстеп
Өткөн күндөн кечким жок.
Эски деле болсо да
Башка айылга көчкүм жок.

Эээй.....
Эски дептер колунда,
Дайым чындык жолунда.
Лириканы куюлткан
Динолордун доорунда.
Азыр болсо мага окшоп
Тоодой түйшүк боорунда.
Тирилик деп калгандай
Жеңешамдын торунда.
Ликви акем кандайсыз?
Ыр сабыңыз сонун да.....

Бир карасаң мекенде,
Бир карасаң океңде.
Кетип калат байкатпай
Жолугайын дегенде.
Шамалды сай кулуну
Өнөрү көп Накемде.
Ырдайт,төгөт талант бар,
Нарынбек акын акемде.
Амансызбы агатай
Саламы бар Какеңде......

[Likvidator]

Ээээээ....




Асыл создун баарысын,

Эки сапка батырып.

Каке келип калыптыр,

Айылга баарын чакырып.

Тизмектеп ыр сап таштаптыр,

Эстеликтей катырып.

Абалымды сурасан,

Жашырып мен нетейин

Тируулук келген жапырып.

Бир тараптан коркутуп,

"Интернетти токтот" деп

Женекен турат бакырып.




Токтото албай мен келем,

Интернет деген балээден.

Чырмалышып чыгалбайм,

Корунбос бул желеден.

"Зыян болот интернет деп,

Айтып жатат теледен"

- дейт женекен.




Угуп анын создорун,

Жумун алам коздорум.

Мага акыл айтпастан,

Билип алсын оздорун.

[Narynbek]

Көрүп көзүм кубанды
Кайтпас менен Ликвини
Чаң бастырбай айылды
Жандардырып айтышты
Бүгүн Жеңиш күнү деп
Куттуктап баарын кетейин
Кадыр баркын билели
Кан төгүп жан-тер менен
Аталар алып келген Жеңишти
Жыргал жашоо келгенче
Канча азап тартышты
Аталар кетип согушка
Энелер үйдө калышып
Эркектин кылып кызматын
Азабын далай тартышты
Келечекте урпактар
Жакшы жашап өтсүн деп
Биз үчүн жанды сайышты
Кээде жанды кейитет
Баркын билбей кээ бирлер
Улутчуларды айтамын
Ошолорду кинодогудай
Жөнөтмөкмүн фронтко
Жон тери менен сезишмек
Кандай экенин фашисттин!

[AMAH-2]

Окуп алып саптарды
Өзгөчө сезим каптады
Теги күчтүү кыргыздын
Сөз менен тоскон калканы
Саптар менен ырдагы
Баарын айтып жатканы
Кубандырат адамды
Төкмөлүк менен жазганы

Көңүл бурбай жүрүпмүн
Кызыктуу бул айылга
Көбүн билбей жүрүпмүн
Кээде кирип бул жакка
Төкмөлөрдүн сөздөрү
Түгөнбөгөн саптары
Билгенимде эртерээк
Тигилмекмин капкайда

Жакпай калса жазганым
Билмексен болуп калганым
Жооп жазбай койсоңор
Ошол менин силерге
Кошула албай калганым
Туура эмес жазсам айткыла
Жоголот бул жерден карааным
Тааныштырып койойун
Аман жүргөн Аманмын
Төкмөчүлүк жайым жок
Тантып кээде каламын
Ошентсе да сөз терип
Жазымыш болгон баламын

Жеңиш майрам кут болсун
Жүрөгүңөр жуп болсун
Жан дүйнөңөр ар дайым
Жакшы сөзгө жык толсун
Жеңиш берген аталар
Жандары бейишке консун
Ар бир үйдө ынтымак
Түбөлүккө орносун

[Narynbek]

Аман иним келиптир
Сөз берметин териптир
Акындардын айылын
Сыйра мактап өтүптүр
Келип тургун айылга
Булбулдай тилди сайратып
Шурудай тизип сөздөрдөн
Чаң бастырбай айылды
Үйлөп чаңын туралы.
Кези келсе айтышып
Тамашаны куралы
Чаң чыккан тилинен
акындар бар бул жерде
Дөө-шаалары айтыштын
Сөз берметин тизишкен.

[kaitpas]

Likvidator (09 Май 2014 - 08:43) жазган:

Ээээээ....




Асыл создун баарысын,

Эки сапка батырып.

Каке келип калыптыр,

Айылга баарын чакырып.

Тизмектеп ыр сап таштаптыр,

Эстеликтей катырып.

Абалымды сурасан,

Жашырып мен нетейин

Тируулук келген жапырып.

Бир тараптан коркутуп,

"Интернетти токтот" деп

Женекен турат бакырып.




Токтото албай мен келем,

Интернет деген балээден.

Чырмалышып чыгалбайм,

Корунбос бул желеден.

"Зыян болот интернет деп,

Айтып жатат теледен"

- дейт женекен.




Угуп анын создорун,

Жумун алам коздорум.

Мага акыл айтпастан,

Билип алсын оздорун.

Эээээээ......
Айтканым болот тамаша
Чындыгына жараша.
Ликви ага жүрөсүзбү?
Жеңеме дайым жанаша...
Кээде сөздөн талаша,
Кээде тириликке караша
Айылда деги барсызбы?
Жамактан кээде жамаша...

Эээээй...
Табышмагын таптырып,
Убагында жаткырып.
Жеңем жыргап калган го
Жатып алып бактырып.
Башка түйшүк арттырып,
Базарда соода саттырып
Иштетиваткан окшойбу?
Ары-бери чаптырып
Айтканында так туруп,
Кадамыңызга сак туруп
Байлаган окшойт сыягы,
Жеңекем сизди жактырып....

[detektiv]

Ээ акындын кылдуу кыягы
Бул жигит, чыныгы акын сыягы
Тамашадан төгүптүр
Жеңесин чымчыр өтүптүр
Байкесине тийишип
Кайсарлана сүйүнүп
Айлантып сөздүн төгүнүн
Жеткире айтын өтүптүр


Мына ушундай Кыргызда
Ага ини тууганда
Тамашалар айтылат
Маанайды көккө көтөрүп
Тамашага жараша
Жоопту айтаар агасы

Айылда күлкү тамаша
Акындар басат жанаша
Керемет сөздөн төгүшүп
Ааламды гүлгө бөлөшүп.

[James0791]

Акындар айтышына салам геп

Кыбыраган кыр ашып,
Салам айтып тайлашып,
Кош жүгүндү мен салып,
Кобурашкан силерди,
Заман дебей айтышып,
Ары бери тартышып,
Чын тамаша жаадыра,
Айткан сөзгө жараша,
Акындар доору улансын,
Кошулайын катарга.

Тээ заманда таңдайды,
Көөдөн жарган жыргалды,
Баалуу сөзгө балли деп,
Баалап келген акынды,
Бул форумда ачылган,
Бөлүк болду жакындан,
Таңдай сөзүң таш жарса,
Жазагой деп атыңдан.
Ким баштаса ал жакшы,
Элден сөздү камдады,
Ак калпакты бир кийип,
Дилин сөзгө жандады,
Сөзгө тартып бүт баарын,
Коркпогонго чакырды.

Мен боломун Жалалдан,
Курманбектин жердеши,
Кыраан сөзгө чакырган,
Акындардын элдеши,
Өтө кетпейм өпкөлөп,
Жөнөкөймүн жашоодо,
Жоомарт атым чын төгүн,
Таанышып кетем мен бүгүн..

[Narynbek]

Айтышка келсем зеригип
Жоомарт менен детектив
Саламын айтып өтүптүр
Азыраак болсо да өзүн
Тааныштырып өтүптүр
Алик алып саламга
Кош келипсиң демекмин
Акындардын айылына
Ликви агасына тийишип
Кайтпас ошол бойдон көрүнбөйт
Ликви дагы кирбептир
Же келин бала бошотпой
Көзү көрбөй калат деп
интернет зыян деп
Суперге киргизбей жатканго