[AMAH-2]

-Назик? -деди бир күнү Аскат Назик маршруткадан келчү жолдон тосуп чыгып.Назик Аскатты көрүп апкаарый түштү.Ансыз да уялчаак кыз уялып апрель айынын салкын тийген күндүн ысыгына тердей түшту.
-Аскат? -дегенге гана жарады көздөрү бакырайган Назик.
-Ооба менмин Нази,сүйлөшчү сөздөр бар.... -деген Аскат Назик менен күндө эле көрүшүп жүргөндөй эле сүйлөп туруп калды.
-Угуп жатам... -деген Назик Аскаттан чыкчу сөздү эмес Аскаттын өзүн карап тургандай туруп калды жалдырап.
-Азамат менен Бекжан жөнүндө билейин дегем...
-Сен дагы ошол жаккабы? Аскат мен өзүм эмне кылып жатканымды билбей жүрөм...
-Назик кандай болгон күндө да экөөнүн бирисин тандашың керек....деп дагы бир нерсени сүйлөп жатканда Назик анын сөзүн бөлдү:
-Кантип? Айтчы сен.... Сен үчүн унутуп койуу,тааныбай койуу турган эле иш го....Керек болсо азыр да ал-акыбал сураганга жарабай койдуң... Сен..сен жол көргөзчү-деген Назик көптөн бери даярдап,таптап жүргөн сөздөрүн эркиндикке агыткандай жеңил үшкүрүнүп алды.

Аскат Назиктен мындай созду күтпөгөн эле.Оозунан кеби түшүп,тамагына бир нерсе тыгылгандай соз таппай туруп калды бир саамга.
-Мен жөнүндө туура эмес ойдо окшойсуң Назик..... деген Аскат Назиктин өзүн тиктеп турган коздөрүнөн коздөрүн алып качты башка жакты карамыш болуп.
-Анан кандай ойдо болушум керек эле Аскат? Ошол түнү мени таанып туруп тааныбай койгонуңду кантип тушүндүрүп бересиң?
-Мен ошого аргасыз болдум Назик,түшүнчү, сен досум менен сүйлөшүп жүрсөң мени эмне кылышым керек эле? Ооба сени жакшы көргөм,бирок азыр биз ошол кездегидей каалаган нерсебизди жасай албайбыз Назик-деген Аскат ыйлап ийе турган акыбалга түшүп калды.
-Түшүнүктүү. ... А мен сени күткөм Аскат.... Сенин ошол кездеги көз карашыңды күткөм... Маакул,сен айткандай болсун.,ал эми досторуң жөнүндө кабатырланба! Бир күну болбосо бир күнү бирөөсү бирөөсүнө жол бошотот.Рахмат карааныңды көргөзүп койгонуңа... .деди да Назик коштошпостон жолуна тушүп кетип калды.Аскат артынан кыйкырып чакырганга да чамасы келбеди.Турган жеринде бир аз ойлонуп турду да ал да үйүно жөнодү.Ал Назик менен такыр башка нерсени сүйлөшкүсү келген эле."Мен сени күткөм" деген Назиктин коңур үну кулагына жаңырып жатты....

[AMAH-2]

Күндөр өтүп май айы кирип келди.Бул ай студенттер үчүн жайкы каникулдун алды чардап ойноп эс ала турган күндөр болгондуктан жаны тынбаган Азамат шаардан алысыраакта жайгашкан эс алуучу жерге достору менен эки-үч күнгө эс алып келүүну пландай баштады.Аскат макул болгону менен Бекжан караманча-каршы болуп туруп алды."Мен экзамендерге даярданышым керек,өзүңөр эле барып келгиле" деген Бекжанды да акыры көндүрүштү. Жеңиш күнүнөн өтүп эле жолго чыгууну пландащкан үчөө Аскаттын сунушу боюнча кеңешип акыры бирден кыз ээрчитип барууну сүйлөшүшту. Азамат Назикти макул болбоосун,анын үстүнө өзүнөн да Бекжанды көбүрөөк жакшы көрүшүн жакшы түшүнгөндүктөн башка кыз менен барууну чечти.Ал кыз дагы көрктүү,акылдуу кыз болгону менен Азамат аны анчейин деле жактыра бербейт эле.Бирок айла жок Аскаттын өтүнүчүн аткаруу керек.Аскат болсо өзү иштеген клубта эле иштеген кызды ээрчитип бармак болду.Ансыз деле Назик менен сүйлөшө албай жүргөндө Азаматтын "эс алып келели" деген сунушу көктөн издегени жерден табылгандай эле болду Аскат үчүн."Үчөө ошол жакта бир чечимге келээр" деген Аскат бирден кыз ээрчитип барууну сунуштаган эле.Ойлогон планы ийгиликтүү аяктаганын алдын-ала сезгендей Аскат бул күндөрү сүйүнүп жүрдү.Күткөн күн да келип үчөө үч кыз менен тоого жөнөштү.Бекжан менен бара жаткан Назиктен көзүн албай берки экөө да бара жатты калп эле тамашалашымыш болуп.Эки сааттан өтүп айлананын жапжашыл бак-дарактар каптаган кооз жерге келишти.Азамат өзү тапкан машиненин шоопуруна "эки күндөн кийин кел" деп узатып койуп ошол тоонун ылдыйында жашаган үйлөрдөн убактылуу жашоочу үй издеп тез эле табышты да өзүлөрүно бөлүнгөн чоң бир бөлмөдөн орун алышты.Кеч кирип калгандыктан ал күнү үйдүн алдына чыгышып эле таза абадан кере-кере жутканча топ эле ойношту.Бекжан Назиктин жанынан чыкпай,анын кареги менен тең айланып жүрдү.Ананчы, Назикти бул жакка алып келиш Бекжан үчүн түйшүк болду го.Каршы болгон Назиктин ой-боюна койбой эжеси Мүрөк менен таанышты." Сиздин алдыңыздан кандай кетсе,ошондой кайтып келишине сөз берем" деп жатып акыры эжесинин да уруксатын алган эле.Акыры аргасы түгөнгөн Назик да жалооруй караган Бекжандын сунушун кабыл алган болчу.Жанга жагымдуу Назик да Азамат менен Аскаттын жанында келген кыздар менен тез эле тиш табышканга жетишти.Үй кожейкеси жасап берген тамактан үчөө үйдүн жанында курулган кичинекей сөрүдө тамактанышты да жатчу бөлмөсүнө кирип үч кыз бир чекеге,үч дос бир чекеге жатып алышты.Түнү менен Азамат айткан анегдотторго кыраан каткырык түшшүшүп жатып уктап кетишти.Бир гана Назик ойгоо жатты.Ойлору тиги бурчта жаткан үчөө жөнүндө.Бүгүн кечке Бекжандын жанында жүргөнү менен Азамат менен Аскат эки жактан карап жаткандай болуп эле кызыктай болуп жатты."Эхх Аскат Аскат бир аз кечигип калдың да" деген Назик көбүнчөсү Аскат жөнүндө ойлонду.Аскат менен келген Жаркынай деген кызга суктанып турду бир жагынан.Бул кыз да Аскаттай эле токтоолугу менен жакты Назикке.Аскаттын ага карындашына мамиле кылгандай мамилесин да туйду.Аскаттын ошол күнкү сөздөрүн эстеди."Сени жакшы көргөм" деген сөзу дагы деле жадында эле.Бирок канчалык Аскат менен сүйлөшкүсү келбесин,канчалык анын кучагына бой ургусу келбесин бирок ага эрки жетпеди,намысы чыдабады.Бекжандын көңүлүн ооруткусу келбеди.Аны бир ай бою өзүнөн түрттү,алыстатты. Бекжандын "достор менен тоого чыгып эс алып келели эки күңгө" деген сунушуна караманча каршы болуп,эжесинин жибербөөсүн айтып эптеп бул жакка келбөөнүн айласын издеп көрдү."Эжем баары бир жибербейт" деп ойлоп алган Назиктин ою такыр башкача чыгып эжеси да Бекжандын жумшак,жанга жагымдуу сөздөрүнө,алдоону билбеген коздөрүнө ишенип макулдугун берип салбадыбы.Ал эми Азамат менен келген Айтолкунга боору оруп турду.Себеби Азаматтын ага болгон мамилесине жолдо келе жаткан машинада эле саресеп салып койгон эле.Ал Азаматка канчалык кылыктанып, канчалык анын көзүнөн өзүнө болгон сүйүүнү,көңүл бурууну издебесин Азамат ага салкын мамиле кылып жаткансыды. ...

[AMAH-2]

Эрте менен жарыша турушкан жаштар жылмайышып тамактанып жатышты." Кыздарды тамак кылдырбай буюртма эле кылабыз" деген Азаматтын сунушун Аскат менен Бекжан ээми баалап турушту.Эгер андай болбогондо кыздар керээлден кечке казандан башы чыкмак эмес.Сумкаларына түштөнгөнгө тамак алып алышып Азамат досторунан уккан тоонун башындагы шаркыратманы көздөй жөнөштү." Ал суунун касиетин бир ичкенде эле билесиң" деген уккан сөздөрүнө мына бүгүн жооп алышы мүмкүн.Телефондоруна улам-улам сүрөткө түшүп жыргап бара жатышты." Бах! Кандай сонун керемет жер" деди бир маалда айланага көзү жумулуу кучак жайган Назик.Себеби тоонун эң бийик жерине чыгышкан болчу.Айланадагы козгө көрүнгөн нерселер майда болуп бир кызыктай сезимдерди тартуу кылып жаткан эле.Аскаттын сунушу менен ал шаркыратмага эс алып келген элдер келчү жол менен эмес,башка жол менен бара жатышкан болчу.Айтолкун "бутум ай бутум" деп олтуруп алгандыктан ушул жерде бир аз дем алууну чечишти.Тизеге чейин жеткен көк чөптүн үстүнө алып келген тамак-аштарын бир паста жайната салышты жигиттер.Биринен- бир бийик,биринен- бири узун асман тиреген тоолорго көз чаптыра сыдырым желге саамайларын сылаттыра жаштар түштөнүп жатышты.Дагы бир аз басышса жетчү жерге жетишээрин Азамат билсе да эч кимди шаштыргысы келген жок.Мына ушулар Азаматтын түбөлүктүү достору,мына ушулар бар Азамат үчүн бул жашоо келечектүү, мына ушул достору ар кандай жаманчылыкта же жакшылыкта жанында бирге жүрүүчү достору.Азамат өзүндо болгон баардык нерсесин эки досу менен бөлүшө алат.Бирок,ушул бир гана Назикти эч кимисине ыраа көро албай кыйналып чыкты.Кечээтен берки анын Бекжан менен кыналыша басып,каткырып жүргөнүн көрүп өзүн зорго эле колго алып жүрөт.Ичи туз куйгандай ачышып кээде тишин кычырата тиштенип да алып жатты.Жанында мындай карасаң Назиктен да сулуу Айтолкун турганына карабай Назикке сырттан коз кырын салганын кое албай койду.....

[AMAH-2]

Аскат Жаркынай менен Назикти салыштырып койуп сыр бербей жүрө берди.Жаркынайды иштеген жерде эле официанттардын арасынан өзүнө кылган мамилесин баалачу." Тамак ичип ал Аскат" деп курсагын тойгузуп турчу да ушул кыз.Бирок эч качан чектен чыкпай жүрөөр эле.Ал бир аз бою кыска,сөөк-сактуу кыз болгону менен пешенеси Назиктикиндей эле жарык,жылдызы да адамды өзүнө тартып тураар эле.Азыр Назикке көңул бурбоонун айласын кылып Жаркынайдын жалаң жакшы жактарын ойлоп жатты.Чынында жакшы жубай болчу кыз эле.Бирок,канчалык аны сыйлабасын, канчалык ага тартылууну аракет кылбасын баары бир Назикти караган көздөру менен карай албай койду.Мындай эле,жакшы көргөн,же көптөн бери тааныш карындашындай кабылдап жүрөт.Балким ушунусу туура жолдур.Ушуларды ойлонуп турганда:
-Келгиле туралы достор,күн кечтеп кетпесин-деген Бекжандын баякы эле алдын-ала баарына даяр турган кыялынын айынан чыккан сөзу чыкты.Күндүн жарык нуру эми гана түштөн ооп саат экиден өтүп калганына карабай "койчу,олтуралычы дагы бир аз" дебестен баары эле ордунан козголушту. Бир жагынан Бекжандын кабатырланганы да туурадыр... Мынтип жүрүшсө күн тез эле кечтеп кетиши мүмкүн...
---Караан каткырык түшүшкөн жаштар жетчү жерлерине жетип барышты.Жыйырма метрдей бийиктиктен таштан куралган асканы тешип чыккан шаркыратманы таңыркап карашып алтоо тең кубанып жатышты.Нары- бери өзүлөрүнө окшоп эс алып жүргөн элдер буларды жаңы үйлөнгөн жубайлар деши анык болчу.Себеби эки-экиден болуп бирине бирине кыналышып турушкан эле.Бирден келип чоң шаркыратмадан чекеге бөлүнүп алыска тамчылап түшүп жаткан муздак тамчыларга карабай бири-бирин колдон кармай жакын барышты да муздак,таза суудан ичип жыргап киришти.Назик башкалардан озгөчөлөнүп тамчыларга да карбай Бекжандын колунан чыгып шаркыратманын артына өтүп суу ичкенче ошол жерде бир аз туруп калды.Башкалар алда качан суу болбоого күн тийип турган жерге келип Назикти күтүп калган эле.А Назик болсо башын жогору көтөрүп шаркыратмадан түшкөн ар бир тамчы менен учурашып жаткансып ууртунан жылмая рахат алып жаткансыды. Анын "Эх,канакей мен да ушул тамчылардай таза,тунук болсом,мен да ар бир мени ууртаган,мени таткан,мени караган адамга сүйүнүч тартуулай,жаман ойлордон алыстата алган адам болсом" деп ойлонуп жатканын Бекжандын:
-Назик суу болбодуңбу. .. Жүр эми,тигилер күтүп калды-деген жылмая айткан сөзү бөлдү."Макул" деген Назик Бекжандын сунган колун кармай берегирээкте карап тургандарга келгенде гана суу боло түшкөнүн туйду.Чачтары кадимкидей сууланышып суу болгонун билдирип турса деле үшүгөнүн сыр бербөөгө Азаматтын тамаша аралаш сүйлөгөн сөздөрүнө калп эле күлүмүш болуп жүрө берди.Бирок жарым саат өтпөй тиштери калчылдап,чыйрыга баштаганда гана Бекжан байкай калып өзү кийип жүргөн кара плашын жаба салды.Бир аз жылый түшкөнү менен ал деле анчейин жылыта албады Назикти.Жанатан бери эле Назиктин үшүгөнүн байкап турган Азамат анын бүрүшкөн ыраңын көрүп "кереги тиет" деп сумкасына салып алган калың спортивкасын Назикти ой-боюна койбой эле кийгизди да замогун сыдырып кымтылап кирди.Аскат менен Жаркынай бир аз алдыраакта жүрүшкөндүктөн алар эч нерсени көрүшкөн жок.Азаматтын жапкан кийиминеби же чын эле жылый туштүбу Назик Азаматты карап ыраазы болгон түрдө бир башкача жылмайып койду.Бул жылмайуусу Бекжандын кызганыч отун тутантып жибергени менен өзүн колго ала эч нерсени байкамаксан болду.Ошол эле шаркыратманын тегерегиндеги майда-чүйдө саткан кийинекей палаткаларды айланып жүрүшүп акыры үйгө кетишмек болушту.Бекжан ошол жердеги бир нерсеге алаксый түшкөндө кайдан-жайдан Азамат Назикти колдон ала ага ошол жерден сатып алган билерик түрүндөгү бир кооз жасалганы билегине тага салды.
-Ой,бул эмне?-деп эч нерсени түшүнбөй калган Назик колундагысына бир сыйра көз жүгүрттү да кайра аны чыгарууга бир колу менен кармалаганча Азаматты карап:
-Кечиресиз, муну мага эмес тиги Айтолкунга таксаңыз туура болот!-деп калды.Же анысы чыгып өлбөдү.
-Ага да тактым Назик,бул сага жөн эле белек катары-деген Азамат жанына келе калган Бекжандан актангандай чебелектеп ийди да досун карап:
-Сен айтчы дос,жарашып калды ээ Назикке?-деп жылмайып алды да нарыраакта карап турган Айтолкунду көздөй басты.Чынында Азамат Айтолкунга эч нерсе белек кыла элек болчу.Айтолкундун "Аяшыңа мамилең башкача го" деген какшык аралаш созүнөн кийин гана "Эмне болуптур?" демиш болуп ага да сатып бергенге аргасыз болду.Бекжанга көргөзбөй сатып берейин десе болбой Бекжан андан козүн албай туруп алды.Аскат менен Жаркынай жаркылдап күлүшө Бекжан менен Назиктин жанына келгенде Бекжан Азаматты көздөй басты."Кап, Бекжан башкача ойлоп калды окшойт" деген Азамат тилин тиштей "Эмне дей коет экен?" деп туруп калды өзүн көздөй басып келе жаткан Бекжанды байкамаксанга сала.
-Азамат жүрсөң-деген жанына келген Бекжандын үнүн уга калп эл:
-Эмне болуп кетти?-деди таңыркай.
-Сөздөр бар,жүрсөң-деген Бекжан элдерден оолактай чекеге басты.Артынан Азамат да барганга аргасыз болду.Оо чекеге келгенде гана Бекжан токтоду да Азаматты карап:
-Дос,сураныч, Назикти жайына койчу-деди.
-Эмне болуп кетти?-деген Азамат калп эле анткорлонуп кирди.
-Ал мени менен келди Азамат,сен ага жагалданганыңды койуп Айтолкунга көңул бурчу.
-Ээ дос мен эмне кылдым анчалык? Ошол кичинекей белек үчүн ушунчалык теригесиңби? -деген Азамат билмексенге салымышка аракеттене баштады.
-Ооба Азамат,спортивкаңды да азыр барып аласың,ал үшүсө мына мен жабам үстүнө кийимимди түшүндүнбү?
-Ээ дос көрдүңгө сенин үлбүрөгөн плашың ага эч кандай жылыта албаганын.Ооруп калса эмне болот?
-Сен андан кабатырланбай эле кой досум... ал менин түйшүгүм,кел сөздү көбөйтпөй менин айткандарымды кыл-деп ызырынган Бекжандын "менин айткандарымды кыл" деген сөзу Азаматка катуу тийди.Жанатан бери момун болуп жаткан Азамат жолборс кыялын ойготту да Бекжанга:
-Мынаны карап кой... Сен кимсиң мага буйрук бергидей?-деп кабагын түйө сүйлөп кирди атырыла.
-Кимсиң дегениң кандай? Мен сенен суранып атам Азамат-деген Бекжан да туура эмес сүйлөп алганын түшүндү.
-Суранган жоксуң сен,буюра сүйлөп жатасың-деген Азамат чындап эле жини келе баштады.Балким бул жиндери топтолуп жүргөн жиндеридир. Балким ушул жини менен ич күптүүсун айтып алганы келгендир.Эмнеси болсо да Азамат жакын досуна кыйкырып жатканын түшүнүп турса,кыйкыргысы келди негедир.
-Азамат өзүндү бас кеч боло электе!-деген Бекжандын да озүно биринчи жолу кыйкыра сүйлөп жаткан Азаматка жини келе түштү.
-Баспасам эмне кыла койосуң? Дагы айтам буюрбай сүйлө!-деди Азамат сөөмөйүн Бекжанга кезей.
-Мен Назиктин алдында сен менен мушташып ит болгум келбейт,экөөбүз башка жерде эркекче сүйлөшөбүз- деп кетмекчи болгон Бекжанды Азамат ийинден тарта:
-Токто, азыр баштадыкпы, азыр бүтүрөбүз... Сен эмне Назиктин алдында сулуу чымчык болуп көрүнүп атасың? Же мени Назикке тишим өтпөгөндүктөн сага жол бошотту дейсиңби? Андай эмееес Бекжан! Мен... Мен сени сыйлагандан сага жол бошотком,кааласам азыр деле аны мендик кылып алам түшүндүңбү?
-Чындап элеби? (күлүп) Сен Назикти башкаларга теңебе!
-Эмне ал айдан түшүпбү? Көзүңдү ач сен өзүнчө туура жүргөн адам боло бербей.Баардык кыздар бирдей эле,жылуу сүйлөсөң алданбаган кыз жок..деп сүйлөп жатканда Бекжан аны тумшуктан ары бир койду.Бекжандын биринчи сокку узатуусун күтпөгөнгөбү Азамат жыгылып кете жаздады.Кайра оңдолуп жооп узатайын деп Бекжандын анчалык оорутпай турган жерин издеп шымаланып жатканда арттан жүгүрүп келген Аскат ортого тура калды.
-Эээ достор эмне болду силерге? Бекжан бул эмне кылганың? Азамат өзүңдү колго ал дос....-деп Аскат экөөну алмак-салмак карап ажыраштырып кирди.Кудай жалгап Азамат тынчтанып калгансыды. Бекжан болсо тултуңдап:
-Өзү ошого жеткирди-деди да нары карай басып кетти.
-Болду дос болду, көрдүң го өзү биринчи уруп ийгенин... Мейли эми озү кечирим сураар-деген Азамат Бекжан урган сол бетин кармалап туруп калды."Туура эмес сүйлөп алдым Назик тууралуу" деп ичинен өкүнгөнү менен сыртынан сыр бербеди.
-Жүр дос,кетели-деп Азаматты далыдан таптады да Бекжан кеткен тарапты карап:-Каякка кетти эми тиги?-сүйлөп калды.
-Жөн кой,ананыраак өзү келет-деген Азамат кыздар турган тарапка басты.Аскат да Азамат менен келип эле Назикти таппай калышты.Аскат дагы,Азамат дагы Жаркынай менен Айтолкунду чочулай карап:
-Кана Назик? Каякка кетти?-деп сурап ийишти бир ооздон.
-Билбейм, азыр эле турган болчу жыныбызда,биз силерге алаксып....-деген Жаркынай да эки жагын карана Назикти таппай калды.Азамат Назиктин таарынып кетип калганын дароо эле түшүндү.
-Айылга кетип калган окшойт-деп Азамат бурк этти.
-Жалгызбы? -деген Аскат чочулай баштады эки жагын карана.Элдер да азая түшкөн эле.Бир маалда алтын таап алгандай:
-О! Тигинде кетип аткан Назик эмеспи?-деп айылга кетчү жолду көргөзүп калды.Жапырт караган берки үчөө да көрүштү да "Ооба,ошол окшойт" деп баштарын ийкеп киришти.Азамат Назик өзүнө таарынганын түшүнгөндүктөн Аскатты карап:
-Дос,сен бар артынан,адашып кетпесин-деп калды."Болуптур" деген Аскат ушуну эле күтүп тургансып Назик кеткен тарапка жөнөдү...

Билдирүүнү түзөткөн: AMAH-2: 31 Июль 2014 - 00:05

[AMAH-2]

Экөөнүн мушташуусуна өзүн күнөөлөгон Назик "Кетип эле калайынчы" деп Жаркынай менен Айтолкун тигилерди карап турганда эле айылды көздөй салган эле.Же ыйлай албай,же жиндене албай кетип баратты.Элдер кетчү жолго салбай,жана келген тоону кырлай салды.Себебин өзу да түшүнбөйт.Деги эмне болуп баратат? Же мунусу же тигиниси жолунан кайтпады.Экөөнүн айынан Назик эле кыйналды.Же экөөсүн тең кечип салыш керекпи? Бир жагынан Аскаттын көз карашы.... Кыйналды го байкуш кыз..... Ойдон да басуудан да бир аз чарчай түшкөн Назик бир бийик өскөн карагандын түбүнө көлөкөлөй олтура кетти.
---"Эмне жоголушту?" деп ойлоп алган Назик бир топтон кийин ордунан туруп күндүн уясына батайын деп калганын көрүп эки жагын элеңдеп карап эч кимди таппай калды.Коркуу сезими тез эле денесин ээлеп алды.Жана эле келе жатканда артына кылчайып карап Аскаттын өзү жакты карай келе жатканын көрбөду беле? Кайда жоголуп кетти? деген ойлор менен басыгын тездеткен Назик тээ алыста көрүнүп турган айылды көздөй басты.Башка маалда өтпөгөн убакыт азыр бир жакка шашып жаткандай өтүп жаткансыды. Тигине күндүн жарымы тоого жашырынды... . эми баары....Назик эки жагын каранып Бекжан менен Азаматтын кийимине кымтылана басып баратты.Бир маалда озу бара жаткан кууш жол да жоголо баштады.Эми чындап коркуп кирди."Чала сага" деп озүн өзү тилдеп алды да дагы деле өзүн колго алымыш болуп айыл тарапты божомолдоп бара жатты.Күүгүм болду.... Мына эми караңгы да желип-жортуп кирип келди.Ал эми кадамын тездеткен Назиктин кадамы деги эле арыбай жаткансыды. Ойуна ар кандай жаман ойлор келип,бир чоочун добуш чыкса бакырып ийчүдөй абалга жетти.Кашайгансып телефонунун да заряды өчүп калган эле.Бирок болбой тамызып кирди эле жанып барып кайра өчүп калды.

[AMAH-2]

...Аскат назиктин караанын көрүп баратып эле бир маалда таппай калды.Жүгүрдү дагы анын адашып кетүүсүнөн корккон Аскат.Бирок ошол жүгүрүүсү менен Назиктин олтурган жерин көрбөй калганын билген жок."Кай жакка житип кетти?" деген Аскат жүгүрүп келе жатып айылга да жакындап калды."Үйдө болсо экен" деп ойлоп алганы менен бул оюна анчейин ишене албай турду.Себеби тизеге чейин келген чөптө кичинекей Назик мынчалык жүгүрө албаса керек эле.Тилеги таш каап эки күндүк үйдөн да таппады." Балээ баспадыбы эми" деп Назиктен кабатырланган Аскат эмне кылышын билбей "Балким тигилерге кайрылып баргандыр" деген куру ойго алданып аларды күтө турууну эп көрдү.Шаарда болсо кана,телефондоруна чала койуп эле дайындарын билип алмак.А бул жерде антенна чыкпагандын айынан чалганга да болбойт эле.Калп эле телефонун кармалаган Аскат чыдамы түгөнө бир ордунда тура албай күйпөлөктөп жатты....
---Тигилер бир сааттан өтүп келишти.Бири- бирине чочулаган коздөрү менен карап Назикти таппай калышты." Сен күнөөлүсүң? " деген Бекжан дагы Азамат менен урушуп кетет жаздады.Экөөнү эптеп арачалаган Аскат кайра артка барып Назикти издөө сунушун киргизди.Каршы болушмак беле,экөө тең оз айыптарын сезгендей үйдүн кожейкесинен бир фонарик,бир асма чырак алып алышып шашылыш кайра артка жөноштү." Ме сага" дегендей үй кожейкенин "карышкырлар кээде уулуп калат,этият болгула" деген созү үчөөнүн чочулоосун миң эсеге көбөйтүп жиберди.Ошол маалда үчөө тең оз жандары үчүн эмес бир гана Назиктин жаны үчүн кооптонуп жатышты.Ар кандай жаман кырдаалда ар дайым пайда боло калчу,жоголбоочу ойлору менен "ылайым эле алдыбыздан чыгып калса экен Назик" деп тиленүүлөрүн да токтотушпады. Айылдан алыстап келип ошол шаркыратмага барчу тоонун түбүндө кайда барууларын ойлонушуп бир аз буйдалана түшүштү.Акыры үчөө үч жолго салышты.Кыйкырып турууларын бири-бирине улам-улам эскертип ар кимиси өзү тандаган жолго түштү.Азамат тоонун үстүн көздөй жөнөдү фонарик менен,Бекжан оң капталды карай салды асма чыракты чайпалткан бойдон жүгүрүп,ал эми Аскат сол капталга жөнөдү."Назииииик. ... Назиииик... Назииииии... .. деп бири-биринин кыйкырып жатканын он мүнөттөй угуп барышты да караңгыда тынчтык өкүм сүрүп кирди.Анда-санда гана өзүлөрүнүн Назикти чакырган кыйкырыгын угушпаса ааламда жалгыз калгандай бара жатышты үчөө үч жерде....

[AMAH-2]

Ушул үч жол келечекте Назик менен бир болуунун жолу экенин үчөө тең билген жок.Жарым сааттай телефону менен алдыга жарык кылып бара жаткан Аскат бир маалда мүдүрүлүп көмөлөнүп кетти.Он метрдей ылдый тоголонуп кеткени үчүн сөгүнүп алып дене-боюн туздөдү да колундагы телефонду таппай калды.Үмүтүнүн жарымын жоготкондой жан алакетке түшө чөптү колу менен аймалай телефонун издеп кирди.Дагы жыгылып кетпейин деп жөрмөлөп алып өзүн-өзү алаксытуу үчүн күбүрөнүп алып издеп жатты.Ошол маалда кулагына алысыраак жерден бир дабыш угулгансыды. Шарт кыймылын токтоткон Аскат дабыштын кай жактан чыкканын түшүнүүгө ошол ийилип турган бойдон эки жакка кулак төшөп калды.Ооба,бирөөнүн бир жакка жүгүргөн дабышын угуп жатты.Оюна ар кандай ойлор чубалжып келип Аскаттын коркуу сезимин күчөтүп жаткансыды. Мурда айылда түн ката уй издеп,же дагы башка нерсе издеп,жалгыз талаада ат откозуп жүрө берчү Аскат азыр коркуп турду.Чоочун жер,чоочун талаа,бут алдында тебеленип жаткан ар бир чөп Аскатка жат эле."Асылай эже айткандай карышкыр болсочу? Анда эмне кылам? Же дагы бир жырткыч жаныбар болуп калсачы? Бул тоодон ар нерсени кезиктирсе болот.... Кайдан да келе калдык бул жакка?" деген сансыз ойлор менен алпурушуп жатып акырын башын көтөрүп дабыш чыккан жакты карады.Жанатан бери жарык берген телефонунун айынан эки жакка жакшы көз чаптыра албай жаткан Аскаттын эми көзү караңгыга көнө түшүптүр.Ар жерде дүпүйгөн-дүпүйгөн жапыс карагандар көзгө көрүнө баштады.Бирок ар бир караган өзүнчө коркунуч тартуулаар эле.Ошол дүпүйгөн карагандын артында бир коркунучтуу жандык жашырынып тургандай сезилээр эле.Эч ким жоктугуна ынанган Аскат кайра телефонун издеп кирди.Бирок аны табышына негедир көзу жетпеди,ордунан туруп бир аз ойлонуп турду да өзүнө-өзү эрдик тартуулагысы келдиби же буга көрүнбөй жашырынып турган түнкү жандыктарды сестенткиси келдиби жок жерден эле:
-Азамааааааат- деп кыйкырып кирди.Кайра өзүнүн кыйкырыгынан өзү чочулай эки жакка кулак төшөй туруп калды.Бир мүнөткө жетпей эле жана дабыш чыккан тараптан:
-Аскат. ... сенби?-деген үнү каргылданган Назиктин үну чыкты.Уккан кулагына бир туруп ишенбей кетти."Балким жөн эле угулуп жаткандыр,кичинемде чоң кишилер айтып калчу шайтан же азыткы эмеспи?" деген сак ойлору ойлоп тапкан ой менен күрөшүп кирди.Бирок баары бир тобокел кылуу керек эле.
-Ооба... Назик?-деп кайра чакырып калды.Ошондо гана жана дабыш чыккан жактан бир караан көрүндү да өзү көздөй чуркап келе жатты абайлай.Аскат эми гана азыткы эмес эле Назик өзү экенин кайсы бир туюму менен сезди да ага карай басты.Жаккын келген Назик эч нерсени ойобостон эле Аскатка бой урду.Ыйлап жатты.Сүйүнүп жатты.Аскат да анын өзүн бекем кучактап турганынан магдырап Назиктин өпкүлөп жиберди.....

[AMAH-2]

-Аскаат. ... Аскааат... Эмне кылып атасың?-деген Назик Аскаттын өзүн өпкүлөгөну жагып турса аны өзүнөн оолактатканга аракет кылды.Кинодон гана көрүп жүргөн ушул өбүшүү ушунчалык ырахат тартууларын Назик эми билди.Ага жооп кыла аны да өпкүсү келди,бирок намысы чыдабады.Азыр эле көздөру алаңдап жашырынып турган Назик жанында миңдеген жоокерлер тургандай эч нерседен коркпой турду.Эки сааттай жолун таппай убара болгон Назик кокустан бир кызыктай үн чыгарып жаткан караанды (Аскатты) көрүп калып жашырынууга туш келди жакка качып барып бир карагандын түбүнө олтура кеткен эле.Кошконго кош көрүнөт болуп өзүн издеп жүргөн Аскаттын карааны башкача болуп көрүнгөн тура.Сүйүнгөнүнөнбү же шылтоо кылдыбы Аскатты кантип кучактап жибергенин да сезбей калды.Көздөрүнөн салаалап агып жаткан жашы да тез эле токтоп калгансыды. .. Аскатты "токто" деген сайын анысы кайра "Назик... Назик сени сүйөм... коркутуп жибердиң го..." деп бети-башын өпкүлөгөнчө күбүрөнүп сүйлөнүп жатып акыры экөөнүн эриндери чапталыша түштү.Аххх,кандай сонун эргүү,кандай сонун сезим... кандай жыргал.... Назиктин эки колу канатка айланып учуп бараткансыды. Сүйүү тууралуу кинону көп көргөнгөбү же китепти көп окуганданбы же жаратылыш өз ишин аткаргангабы Назик мурда-кийин өбушүп жүргөндөй эле өбушүп жатты.Ошол кинону көргөндө,китепти окуганда башкы каармандын ордуна өзүн койуп жыргап алган Назик ойдогу,кыялдагы өбүшүүдөн чыныгы өбушүү бир кыйла сонун экенине ынанды.
-Аскат болду кыл!-деди бир маалда өзүн колго алган Назик үнүн өктөм чыгара.Аскат эми гана эсин жыйды бейм токтоду да уялган тейде:
-Кечир. .. -деген сөзду айтууга гана жарады.Мына ушинтип экөөнүн биринчи өбүшүүсү болду.Экөө үн-сөз жок айыл тарапка басып келе жатып гана анан бири-биринин абалын сурай башташты.Колдор бирин-бири издешпей эле табышып,кое берсе бири-бирин жоготуп ийчүдөй бекем кармап алышты.Үйгө жакындаганда гана экөө бири-биринин колдорун кое бере,эч нерсе болбогондой кирип барышты.Азамат менен Бекжан келе элек экен.Төртөө Асылай эженин жасагын ашын жегенче тиги экөөнү күтүп олтурушту оо түн бир оокумга чейин....

[AMAH-2]

...Бир топтон соң Азамат келди.Анан Бекжан... Назикти көрүп Бекжан сүйүнгөнүн жашыра алган жок.Ал эми Азамат ооз учунан гана абал сурабаса унчуккан деле жок.Бул түнү Назиктин ойлору Аскат жөнүндө болду.Аскатын ойлору мурдагыдай эле Назик жөнүндө болгону менен бул саам жана эле болгон өбушүү жөнүндө болду.Эриндеринде калган Назиктин жытын жоготуп албоо үчүн ошол болгон окуяны ойлоп жаьып уктап кетти....
---Шаарга келишкен эс алуучулар ар кимиси өзү менен барган кызды жеткирип койуп анан үйлөрүнө келишти.Эң аягы болуп кирген Бекжан шарт эле Азаматка:
-Экинчи Назик жөнүндө жаман сүйлөбө уктуңбу?-деп зекип кирди.
-Бекжан, болду кыл эми...-деген Аскат аны токтотконго аракет кыла Азаматка сөз бербей эле сүйлөп калды.
-Дос,сен менин ордумда болгонуңда куддум мендей эле кадамга бармаксың... -деген Бекжанда дагы деле тынчтанайын деген ой жок болчу.Ананчы, бир жакшына жетелешип эс алып жүргөн эс алуусун Азамат өзүнүн "өзүм билем" кыялы менен бузуп салды.
-Бекжан, кандай болгон убакта да досуңа кол көтөргөнүн туура эмес! Сенден ушул кадамды таптакыр күткөн эмес элем-деген Аскат ошол болгон урушка Бекжанды күнөөлөп кирди.Бекжан эми гана өзүнүн күнөөсүн сезгендей бир азга ойлонуп калды да анан Аскатты карап:
-Болуптур, күнөөмдү мойнума алам,колум кантип көтөрүлүп кеткенин өзүм да сезбей калдым....-деп Аскатты карап айтты да анан Азаматты карап:-Кечир, дос!-деди козүн ала кача.Бирок Азаматтан:
-Ага,болуп турат-деген гана сөз чыкты.Ооба,капа болду дечи Бекжанга жана анысы эртеге эле жазылып кетет.Азамат бул маалда бүгүнкү көргөн,бүгүнкү байкаган Аскат менен Назиктин кээде кезиге калган бир башкача көз караштары жөнүндө ойлонуп жаткан эле....
---Назик үйүнө ойлуу кирип келди.Анын мунусун байкаган Мүрөк эжеси чай үстүндө:
-Ии,ойлонуп? Эс алып келген адамга окшобойсуң го?-деп тийишип калды.Жылмайган Назик:
-Чарчадым эжоу-деп эжесине эреркеп кете жаздады.Чынында бир тууган сиңдисинин эмнеден чарчаганын эжеси билген жок.Ал "эс алуудан чарчады" деп гана ойлоду.Ал эми Назик болсо эс алуудан да эмес көбүрөөк тандоодон,ойлонуудан чарчаган эле.Эми ойлорунун теңинен көбүн Аскат ээлей баштады.Аскатты канчалык ойлорунан куубасын эч майнап чыкпай жатты,тескерисинче кайра көбүрөөк ойлондуруп жатты.Ал эми Бекжан жөнүндө канчалык көп ойлонойун десе кайра анын ойлору кайдадыр бир жактарга түртүп,бекитип жаткансыды. ...

[AMAH-2]

-Салам алейкум,сен кайдан?
-Ой,кандайсың? Мен... тиги... мен Назикке келдим эле....
-Ии тынччылыкпы?
-Тынччылык эле... Ушу ал-акыбалын сурайын деп эле...
-Ммм жакшы....
-Ошооо. .. Мен барайын анда...
-Макул. ..деген Азамат Аскатты арттан карап кала берди.Мына үч күндөн бери Аскат досунун артынан түшүп жүруп акыр ушул жерден кармады." Экөөндө бир мандем бар" деп ошол эс алуудан берки ойлоп жүргөн суроолоруна акыры жооп алды.Аскаттын да көзү Назикке түшүп калганын туйду.Өзү деле мына Назик менен сүйлөшө албай жүрөт.Эки күн мурун ал окуган жерге кирип баратып ал жерден Бекжанды көрүп калып кайра ага көрүнбөй кетип калган эле.Кечээ болсо атайы эрте барса Назик аудиториядан чыкпай койду.Керек болсо карап да койбоду.Танаписте болсо алдын торогон Азаматка "убактым жок" деп кетип калды.Ал эми бүгүн болсо түз эле жашаган жерине келип Аскатты кезиктирип олтурат." Таза кызык болду го бул жагы" деп үчөөнүн ортосунда чиеленишип бараткан түйүндү ойлонуп ууртунан бир жылмайып алды.Бул жылмайуу эмне себептен чыкканын Азамат өзү да түшүно албады.Уйкусу келген көздөрүн укалап алып ал жерде эки сааттай күтүп олтурду.Сөөктөрү канталап турган муштумун карап алып кечээ түну болгон окуяны эстеди.Кечээ ар дайымкыдай эле бирге машыккан үч досу менен бир кафеге киришкен эле.Залдагыларга бир сыйра көз жүгүрткөнчө бир бурчта тамак ичип олтурушту.Бир кабинада беш кыз туулган күн белгилеп жатыптыр.Туулган күн экенин утур-утур кезектешип диджейге буяртма кылып куттуктаткан сөздөрүнөн билди.Ошол маалда оо четте олтурган төрт бала аларга тийише баштады.Ал кыздардын экөөсү тиги балдардын бирисине бир нерселерди түшүндүрүп жатты.Кыздардын сүйлөгөнүнөн, тиги жыртайган баланын ар чыккан сөзгө өзгөрүлүп жаткан жүзүндөгү мимикалардан кыздар аларга "жайыма кой" деп жатканын илгиртпей түшүндү." Балким жайын коер" деген үмүт менен Азамат достору менен олтура берди.Бирок алар токтоонун ордуна эми тиги кыздардын олтурган кабинасына кирип алардын белинен кармап.жамбашынан кармап ачык-айкын эле тийише башташты.Ошондо гана ордунан атып турган Азамат тиги төрт баланын экөөсүн эки сокку менен жерге кулатты.Кайра сөгүнүп турган алардын жүзүнө муштумун узатат берип алардын бүт кийимин канга булады.Берки эки досу Азаматка жалдырап жатышып токмок жеген эки досун алып чыгып кетишти.Мурда бетке мынтип ура бербөөчу Азаматка жанында жүргөн достору да таң калды.Керек болсо арачалай койгон бирөөсү да тумшукка жеген эле.Булардын мушташынан коркуп калган тиги кыздардын "Рахмат байке" деп алаңдаган коздөрү менен карап айткан сөзүнө "Ушул туулган күндү ата-энеңердин алдында тоссо болбойбу?" деп бир кыйкырып алды чыгып кеткен эле....

[AMAH-2]

...Июнь айынын орто чени.Бекжан Назикти күтүп ал окуган жайдын кире бериш жеринде турат.Колунда бир кучак кыпкызыл роза гүлдөр.Бул Бекжандын биринчи жолу гүл белек кылып жатышы.Бүгүн Назиктин акыркы экзамени.Бүгүн Назиктин колун сурайт,уруксат берсе ата-энесин жиберет.Анан экөөнүн үлпөт тою болот.Эч качан Назикти капа кылбай,ар дайым үй жумуштарына жардам берип,эч нерседен кем кылбай Назиктин жүзүнө түбөлүктүү бактылуулук тартуулайт. Экөө балалуу болушат,каарып бара жаткан ата-энесин кубантат..... ушуларды ойлонуп кыялданып жатты.Аппак көйнөк,капкара шым,күзгүдөй жылтыраган туфли кийип алып бир кучак гүл көтөрүп жылмайып турган Бекжанга нары-бери өтүп жаткан кыздар суктанып жатышкансыды. Кээ бирлери артына кылчайып да карап жатты.Балким ушул маалда Азамат болгондо анын төбөсу көккө жетмек,бирок Бекжан үчүн Назиктен башка адамдын көз карашы эч нерсеге теңелгис.Ушул күн балким бактылуу күндөрүнүн бири болуп аяктайт беле ким билет,бирок, ошол маалда колуна бир букет аппак роза гүл көтөргөн Азамат көзгө урунду.Ал дагы ар дайым кийип жүрчү спорттук кийимин классикалык кийимге алмаштырып, бир башкача болуп жасанып алыптыр.Анын жылмайып телефондо бирөө менен сүйлөшүп келе жатканын көрүп Бекжандын азыр эле турган ууртундагы жылмайуу кайдадыр бир жакка сиңип тыптыйпыл жок болуп кетти.Анын ошол телефондогу ар бир сүйлөгөн сөзу Назикке кетип жаткандай сезилип үлбүл жанып жүргөн кызганыч оту кайра алоолонуп тутанды." Кайда барат экен" деген оюна толук кандуу жооп алыш үчүн Бекжан бир чекеге жашырына калды.Артынан ага көрүнбөөгө аракет кылып Азаматтын артынан тепкичтен көтөрүлүп бара жатты.Азамат да эки жагын карана бара жатты.Мына,жана эле озу келип Назик менен көрүшүп кеткен кабат,мына ал окуган аудитория... Назикке келгенин жана эле туйса да куру үмүткө алданып "балким башкага келгендир" деген ойунун өтөсүнө чыкпай Бекжан турган жеринде кысылып турду берегирээкте. Ошол аудиториянын алдында нары-бери басып өз кезегин күтүп жүргөн студент кыздардын бирине барып бир нерселерди сурап жатты кыз менен тез эле тил табыша кетчү Азамат.Ошол маалда эле барып досуна "Кет" десе болмок,бирок кайсы бир күч Бекжандын бутун тушап тургансыды. Мүмкүн жөн эле баргысы келбей жаткандыр,мумкун экөөнүн ортосунда кандай мамиле бар экенин бүгүн билгиси келгендир...

[AMAH-2]

....Тигинде Назик чыкты.Курбулары аны кучактап куттуктап жатышты.Анан эле артына бурулган Назик Азаматты көрдү.Жылмайды, сунулган гүлдү колуна алып бир жыттап алды да Азаматка жылмая карай бир нерселерди сүйлөгөнсүдү. .. анан,анааан Азамат кичинекей Назикти эңкейип туруп бетинен өөп койду.Ушул моменттти Азамат Бекжандан тартып же уурдап алгандай Бекжан досун жек көрүп турду.Жинин сыртка чыгарбай басууга терезе жакка бурулуп окуу жайдын алдындагы бирин-серин студенттерге алаксый беш мүнөттөй туруп калды.Колундагы жана эле Назикке арналып жаткан гүлгө азыр алчу адам табылбай тургансыды. Ошол маалда арттан:
-Бекжан? -деген Назиктин үну угулду."Бекжан байкеден" бир жума мурун эле Бекжандын өзүнүн кыстоосу менен жөн эле "Бекжанга" өткөн эле.Жүзүндөгү жинин жоготууга шаша аны караганга аргасыз болду.Же далдоорак жерге турса эмне.
-Ой Назик чыктыңбы? Куттуктасам болобу?-деди Назиктен көзүн албай.Көздүн кыры менен тигиндейрээкте эмне кылышын билбей жер карап турган Азаматтын турганын да көрүп койду.
-Болбой анан!-деген Назик көздөрүн жүлжүйтө жагымдуу жылмайып койду.
-Анда куттуктайм! Бул сага!-деп колундагы гүлдү ага сунду да анын колундагы гүлдү эми байкагандай: -Ким?...Кимден? -деп сурап туруп калды бир Назикти бир гүлду карай.
-Ааа бул гулдү тиги Азамат байке алып келиптир.... деп нарыраакта турган Азаматты карап койду.Назиктин кучагындагы кыпкызыл роза гүл Азамат берген гулдөн бир кыйла чоң,сулуу,жагымдуу болуп турса деле негедир Азамат алып келген аппак роза гүлдөр Бекжандын көзүно кызганычтын айынан башкача көрүнүп турду.
-Азамат дечи...- деген Бекжан Азамат тарапка кадам шилтеди.
-Дос сен башкача түшүнүп калдың.... Мен тиги.... карындаш катары эле куттуктап койгону эле,ошон үчүн гүлдөр да ак болуп турат го-деген Азамат актанып кирди.
-Урганым барбы ошол гүлдөрүндү? Сага кантип түшүндүрүш керек Назик менин кызым экендигин? Ага мен гана гүл беришим керек уктуңбу? Ал деген менин сүйгөнүм! Сенин ага гүл бергенге акың жок....-деп Бекжан кыйкырып кирди.Көпчүлүк студенттер айылына кетип окуу жай дээрлик бош болгону менен Бекжандын кыйкырыгына ар аудиториядан студенттер чыга келишти.Азамат өзүнө кыйкырган Бекжанды көрүп анын да жини келе түштү.Азаматка ушул Бекжандан башка эч ким кыйкырып сүйлөй элек болчу көптон бери.Ал эми азырчы? Ушунча элдин арасында өзүн басынтты.Деги эле ким бул мага кыйкыргыдай? Эмне мен сүйсөм болбойбу? Же сүйүүгө татыксызмынбы? Бекем эмесминби? Көпчүлүк учурда Азамат атаандашынын үшүн алчу,кыйкырчу кааласа,жини келсе оң келтирип туруп оң буту менен так гана башка бир тээп ээсин оодарчу.Азырчы? Кыйкыра албай,же жооп кайтара албай,уурулугу билинип калган бир байкуштай мунун алдында актанып турат.Жетишет!
-Эгер билсең Назикти мына мен да сүйөм уктуңбу? Ал эми сени ал сүйбөйт! Сендей муздак жанды кантип сүйсүн? Сен деги эле Назикке татыксызсың. ...-деп өтө ашыра сүйлөп алганын билбей калды.Азамат оорулуу жерине чок басып алгандай Бекжан Азаматты тиктей туруп калды бир саамга.Миңдеген ойлор мээсинде жүгүрүп будуң-чаң тушүп жатты."Сени сүйбөйт,татыксызсың" деген сөз мээсине уюп туруп алгансыды." Чын эле сүйбөйбү?" деген суроо пайда болуп ага жооп таба албай турганда:
-Бекжан укпачы аны,мени карачы-деген Назиктин үнү угулганда азыр эле Азамат айткан сөздөргө жини келип турган Бекжан:
-Турчу нары!-деп Назикти оң колу менен бир түрттү эле ансыз деле колундагы гүлдөрдөн арыла албай турган Назик жыгылып кете жаздады.
-Колуңду тийгизбе ага!-деген Азамат Бекжандын кылыгын көрө аны жакадан алды.
-Тарт колуңду бузуку-деген Бекжан Азаматтын өзүн бош эле кармап турган колун бир силкип түшүрдү да кабыргага келиштирип туруп бир койду.Күтүлбөгөн сокку болдубу же чындап эле катуу урдубу Азамат кызарып татарып эле сокку тийген жерди колу менен басып туруп калды.Азамат да эми карап тура албады."Эч качан кол көтөрбөйм буларга" деп өзүнө-өзү дайым сөз берип жүрчү Азамат азыр ал берген сөзүн унутуп салды.
-Эми өзүндөн көр-деп ызырынып сүйлөнүп алды да катуу ылдамдык жана шамдагайлык менен Бекжанды көкүрөккө оң буту менен бир тепти.Ушул соккуну бет талаштыра да тееп салмак.Бирок тебе албады.Эгер бетке тепкенде Бекжан тура албай калышын да сезди мындай мушташтын канчалаганын баштан өткөзгөн Азамат.Артка эки кадамдай учуп кеткен Бекжан да күч бербей кайра тез эле туруп келди да Назикке алаксый түшкөн Азаматты белден кармай жерге бир чапты.Эмнеси болсо да көк жал Бекжанда күч бар болчу.Желкеси менен полго катуу түшкөн Азамат эсин жоготуп ийе жаздады.Азаматтан мындай нерсени такыр күткөн эмес эле.Ошол маалда чекеде карап турган бир олбурлуу жигит келип үстүндө жаткан Бекжанды тургузду.Ага удаа эле турган Азамат туруп эле өзүно болушкан жигитти бет талаштыра бир койду да "Эч кимиң жакындаба" деп кыйкырып алды.Азамат менен жекеме жеке өзу чечишип алгысы келди.Тап бере албай турган Азаматка эми ынтылганда ортого нары жактан чуркап келе калышкан ошол жердеги агай-эжейлер ызылдап түшүшүп экөөнү эки жакка тартып кетишти.Алардын "кой-айы" менен эки жакка кетип бара жаткан экөө тең Назикти издеп жатышты.Бирок Назик алда качан көзүн жашка булап кетип калган эле....

Билдирүүнү түзөткөн: AMAH-2: 05 Август 2014 - 03:05

[PAXMAT]

Азамат ал жактан чыгаары менен үйгө кирип кийимин которуп алып эле залга жөнөдү.Ичине толгон жинин залдан чыгарып жатты.Акыры машыктыруучусу Азаматтын өзү менен машыгып жаткан каршылаштарын аянбай тееп,уруп жатканын көрүп үйүнө жөнөттү.Бирок Азамат үйгө киргиси келбей ошол жашаган үйүнөн алысыраакта жайгашкан эс алуучу бакта олтура берди,олтура берди.Акыры кеч да кирди.Бир аз жини таркап калганын туйган ал илкий басып үйүнө жөнодү.Бекжан үйдө болсо азыр дагы мушташып кетээрин сезгендиктен үйгө киргиси келбей жатты.Жок,жок Бекжандан корккондон киргиси келген жок,аны катуураак какыс-кокус кылып койгондон чочулап киргиси келбей жатты.Ооба,Азамат Бекжанды эки сокку менен сулатышын билет,ишенет. ... Ал менен канчалык мушташкысы келбей турса да Бекжан баары бир көңүл оорутаарлык сөз айтып мушташууга мажбур кыла алат.Бекжандын күчү ушунда.Аз сүйлөгөнү менен так жана таамай сүйлөйт.Ал создөру кайра эле унутулуп калса эмне,жүрө берет бир канча убак жүрөккө жаанын огундай сайылган бойдон.Ушуларды ойлонуп келе жатып үйгө жетип калганын сезбей калды."Эмне болсо ошол болсун" деп күбурөнүп алды да үйгө кирип барды.Бактыга жараша Бекжан үйдо эмес экен."Ушунусуна шүгүр" деп бир сүйлөнүп жеңил үшкүрүнүп алган Азамат үйдө олтургусу келбей кайра эле асынып жүргөн сумкасын таштады да сыртка жөнөду.Курсагы ачканын сезсе да шам-шум эткенге көңүл чыдабады.Бекжан мына-мына келип калчудай болуп эле кайсы бир ойлору Азаматты шаштырып сыртка сүдүрөп чыкты.Ошол шашма ойлору өзүн алдыда күтүп турган кырсыкка жетелеп бара жатканын Азамат сезген жок....

[PAXMAT]

-Кандайсыз?
-Жакшы рахмат.
-Мүрөк эже Назикти чакырып койосузбу?
-Эмне болуп кетти? Тынччылыкпы? Кирбейсиңби үйгө....
-Рахмат, мен ушул жерде эле....Тынччылык эле.... Бир эки созүм бар эле Назикте,чалсам албай жатат....
-Ммм.. азыр анда-деген Назиктин тыпылдаган Мүрөк эжеси нары кирип кетти."Назике Бекжан келиптир.... Ач эшикти" деп эшикти тыкылдатып жатканы угулуп жатты.Үйгө кирип баргысы келип жатты,бирок чаң болгон,Азаматтын бутунун изи тушүп калган ак көйнөгүнөн уялып жатты.Ошол мушташуудан кийин эле ошол жердеги агай-эжейлерден эптеп бошонуп чыгып эле Назикти,Азаматты издеп жүрүп жарым сааттай убакыт кетирди.Назиктин телефону өчүк болгондуктан аны ал жерден табыш кыйын экенин билсе да өчпөс үмүттөр менен ар бир аудиториядан издеди.Таппаган соң Назик жашаган районго келип ылдыйда акмалап кечке чейин олтурду.Жана Азаматка болгон жини менен Назикти түртүп жибергенине өкүнүп жатты.Назик "Нан алып келе калайын" деп шылтоо кыла Бекжан менен жолугушууга өзү жашаган беш кабаттуу үйдүн жанындагы нан саткан кичинекей магазинчикке кээде түшүп калаар эле.Азыр да ошол магазинден көзүн албай алысыраакта олтурду.Курсагы да ачты.Бирок курсактын ачканынан да өкүнүү күчтүү эле.Ошондо жөн эле унчукпай кетип калса эмне Азаматка атырылбай.Башка кырдаал болгондо токтоолук менен эле ортодогу келишпестикти чечип алмак.Бирок бул жерде ичте топтолуп жүргөн кызганыч жеңип кеткенсиди. Азыр ушул убакта кичинесинен бирге ойноп,бирге чоңойгон жакын досу Азамат тууралуу такыр ойлогусу келбей жатты.Ага болгон жини дагы деле таркай элек эле....Ушуга окшогон ойлорду ойлоп жатып акыры Назиктин сыртка чыкпашын туйгандай түз эле үйүнө көтөрүлүп келди."Жездеси эмес эжеси чыкса жакшы болмок" деген ою орундалып эжеси эшикти ачкан эле.....
-Бекжан? Ал эшикти ичтен кулпулап алыптыр,чыкпай койду.... Эмне болду эле өзү?-деген Мүрөк эжеси чочулагандай суроолу карап калды.
-Эме....мммм бир аз таарынтып алдым эле...-деген Бекжан жер карады.
-Ааа болуп турат кыз-жигит ортосунда... андан көрө эртеге таарынычы жазылганда келип сүйлөшүп көр-деген Мүрөк эжесинин акылдуу сөзү Бекжанды аз да болсо кубантты.Чынында Бекжан Мүрөккө жагаар эле.Ал тургай Назикке да "Ошол баланы колдон чыгарба эсиң болсо" деп көп жолу айткан болчу.Жандай көргөн сиңдисине ушул бала өмүрлүк жолдош болушун тилээр эле.
-Ммм макул анда.... Рахмат сизге-деген Бекжан эптеп жылмайымыш болду."Кое тур" деген Мүрөк эженин чуркап кирип алып чыккан нанынан ооз тийип алып Бекжан жолуна туштү.Уйгө баргысы келбеди Бекжан дагы Азамат сыяктуу эле.Азыр үйгө барса досу менен дагы мушташаары анык.Аскат болгондо да бир жөн,экөөну мушташтырбай арачалап коймок.Ал дагы өчөшкөнсүп айылга кеткен эле эки күн мурун....

Билдирүүнү түзөткөн: PAXMAT: 06 Август 2014 - 02:11

[PAXMAT]

... Келе жаткан маршруткадан түшүп калып шам-шум эткенче,анан убакытты бир аз созгончо бир кафеге баш бакты.Эки жагын каранып алды да оо чекеде турган баш столго олтура кетти.Айлананы караңгылык каптай баштаган болчу.
-Саламатсызбы! ? Эмне заказ кыласыз?-деп чакчаңдаган официант кыздын добушуна селт эте карап алды да алдында жаткан менюну бир карап көзгө биринчи эле урунган тамакты заказ кылды.Эртеден бери эч нерсе иче элек жаны алдына келген тамакты тез эле түгөттү.Бирок жеп жаткан тамагынын даамын да сезе албады,жөн гана ичип,жеп жатты.Арттан эки кишинин "кел,алып ийели" деп бири-бирине каалоо тилек айтып жатканын угуп Бежандын да негедир ичкиси келип кетти.Качан ичкени эсинде жок.Эстеди,оо бир жыл мурун Аскат келгенде үчөө кафеге кирип Аскат экөө бир стакандан ичишкен болчу.Ошондо жагымсыз жыттанганы менен Бекжанга жакшы маанай тартуулаган эле.Азыр да маанайы чөгүңкү Бекжан маанайын бир аз оңдоого арак заказ кылды.Бир чекитти теше тиктеп ойлуу олтурган,чачтары уйпаланган, көйнөгү бырышып,чаң болгон Бекжанды таң калып деле карап койбой "макул" деп коюп тез эле бир шише арак көтөрүп келе калды.Эгер башка күнү өзүн бир сыйра ирээттеп,ардайымкыдай тыкан кийинип алып киргенде жок дегенде бир жолу кашын көтөрүп таң калыштуу карап коймок беле официант кыз.Ичкиси келбей турса да башындагы ар кандай ойлордон арылуу үчүн бир стакан тартып жиберди.... анан экинчисин... .үчүнчүсүн... ...
---Ушул эле жерде,бирок сыртта эмес ичкерки кабинанын биринде Азамат да бир досу менен олтурган эле."Азыр келем" деген дагы бир-эки достору да жок негедир.Ошол маалда кошуна кабинага шагырашып он чактуу балдар-кыздар кирип келишти.Ошолордун эле шаңкылдаша ызылдап сүйлөшүп жаткан үндөрүн буза бир маалда адаттагыдай эле кулакты тунуткан музыка да башталды." Кой" десе болбой Азамат да бир аз ичип алган эле.Мектепте гана анда-санда ичип койчу Азамат арактын даамын таптакыр унутуп калыптыр.Тез эле башы тегерене түшту."Жүр бир эки кыз имерип келели" деген Азамат жакшы билбеген досун кыстап эле ээрчитип чыгып күйүп-өчүп көрк берген бийге түшчү жерге келип тез эле бийге аралашып кетти.Азамат буга окшогон бийдин далайын көргөндүктөн, анын үстүнө арактын күчү менен тегерегиндегилерди козгө илбей жан-алакетке түшүп бийлеп кирди.Бийлегенче ошол жердеги бийлеп жаткан кыздардын ар бирин көз кыры менен электен өткөзүп жаткансыды. Бирок,деги эле көңүлгө төп келчү,каалоосун арттыруучу кыз таппай жатты.Бир сааттай өтүп көзүно бир кыз чалынды.Ал кыз өзу эле олтурган кабинанын жанындагы кабинадан чыгып кирип бийлеп жатты."Сулуу сугуңду арттырат" болуп анын жанынан бир бала чыкпай жүрдү.Бирок, Азамат үчүн ага окшогондор маселе эмес.Көзгө да илбейт.Болгондо да ушундай кызуу абалында.Оң келтирип туруп бир жолку чыкканда шак эле тааныша койду."Асел" деп жылмайып атын атаган ал сулуунун кыска кийген көйнөгүнөн көрүнүп турган аппак сандарын,көйнөгүн тикчийип тээп турган көкүрөгүнө сугун арта Азамат ага уйгактай жабышты да калды.Аны жандап жүргөн жигити утур келип экөөнү бөлө Аселди алып кетүүнүң жолун издеп жатты.Бирок Азамат да "Колго түшкөн коенду кое берүүгө болобу" дегендей бул сулууну колдон чыгаргысы келбей,кетирбөөнүн айласын кыла ал жигитинин алдын торой Аселди колдон тартып бийден алыстатпай жатты.Себеби Азаматтын бул кызга ою бузулганы качан.Ошол жигитин сүйбөгөнү үчүн жанында бийлеп жатат да.Бийлегени да шумдук.Жамбашын улам-улам такай,көкүрөгүн силкилдетип, кылгыра карап Азаматтын делебесин козгой башын тумандатып жатты.Назиктин артынан жүрүп Азамат да көптөн бери кыз менен боло элек эле.

[PAXMAT]

-Ээ брат ал менин кызым болот,андан башка табылбадыбы? -деди акыры тиги жигити музыка токтоп калганда жанына келип.Мына бүгүнкү күндүн эсебинен ушул сөздү Азамат экинчи жолу угуп жатат.Бекжандын ошол сөзү эсине келе калып жини келе түштү да аны карап:
-Болсо эмне экен?-деди аны "эмне дээр экен?" деген максатта коздөрүно тигиле.
-Оо шер окшойсуң ээ?-деген ал жигит тигиндейрээкте өзүлөрүн карап турган досторуна карап бир күлүп койду.
-Ооба,бар эс алууңду тынч уланта бер бир жериңди үзө тебе элегимде-деген Азамат анын жүзүндөгү күлкүсүн бир паста тыптыйпыл кылды.Ал болсо Азаматтын мындай жооп күткөн эмес окшойт уккан кулагына ишенбегендей бир азга катып калды да бир маалда:
-Эмне жашоодон тойдуңбу сен?-деген ал Азаматты эки колу менен көкүрөктөн бир түрттү.Бир кадамдай артка жыла түшкөн Азамат жана Бекжанга болгон жинин ушундан чыгаргысы келди.Бул чычым Азамат үчүн эч ким эмес! Тааныбайт... . Ошон үчүн аяп да олтурбайт... . "Коркутуп койдум" деп ойлоп эр болуп турган тиги жигит бир маалда шалак эте жерге кулап түшту.Азамат аны кулак түпкө бир тепкен эле.Ахх,кандай керемет тирүү адамды болгон күчүн менен тебүү.... Азамат үчүн мушташуу тамак сыяктуу эле нерсе болчу.Ошон үчүн ар дайым жакында болуучу олимпиада,таймашууларга жан дили менен машыгып даярданып бараар эле.Мелдешке чыккан Азамат каршылашы алсызыраак болсо анда ал менен мышык-чычкан ойноп атып эле оң келтирип туруп эки-үч сокку менен кулатаар эле.Досунун жыгылып түшкөнүн көргөн тигиндейрээкте карап турган достору бир маалда эле жабылып чуркап келип Азаматка сокку узата башташты.Азамат жана эле жанында олтурган досунун караанын издегенче кол салган тигилерди бирден сулатып жатты.Бир-экөөсү калганда сырттан кафенин күзөтчүлөру келип мушташкандарды ажыраштырып койушту.Алар Азаматты жакшы таанышкандыктан бириси да Азаматка унчукпады.Тигилерди "Дагы бир жолу ушинтсеңер айдап чыгабыз" деп эскертип койуп ажыраткандар да иш ордуларына кетишти.Тиги биринчи болуп жерге кулаган Аселдин жигити эсине келип Азаматты ызырынган коздөрү менен карап койуп кабинасына кирип кетти.Досунун кетип калганын тушүнгөн Азамат жана олтурган жерине келип калган арактан куюп алып ичип жатты.Ичте болгон бугун ушул арактан чыгаргысы келди.....
---Бир сааттай өтүп калганда жанакы жигит Азамат олтурган кабинага баш бакты да:
-Эркек болсоң жүр сыртка-деди атып жиберчүдөй коздөрү менен теше тиктей.
-Эмне жанакы аздык кылдыбы? Жүр...-деген Азамат ордунан козголду.Анын жанында жүргөн жанжөөкөрлөрү куйрук улаш арттан чыгып келишти.Кафенин артына өтүп эл жок далдоо жерине келгенде Азамат токтоду да:
-Ии даярсыңбы менин соккуларыма? -деген Азамат тушундагы турган тиги баланы карап маскарлай жылмайып алды.Себеби Азамат кыйла эле кызып калган эле.Азаматтын шылдыңдаган суроосун жоопсуз калтыра эле ал дагы тездик менен Азаматтын жаагына муштумун ойнотту.Жыгылып кете жаздаган Азамат түздөнүп алды да эми этияттана тушундагы каршылашына сокку узатуунун жолун издеп кирди.Анын сокку узатуусунан, кыймылынан бокс менен машыкканын түшүнду.Бирок ошентсе да Азамат дагы аны бет талаштыра бир тепти.Тегеректеп тургандар да бирине да болушушпады. Себеби кафенин күзөтчүлөрү да карап турган эле.Алар болбогондо жана эле бул эргулдар көптөп кетишмек.Ал алган соккудан оңдоло электе Азамат дагы бир тээп аны жерге кулатты.Ордунан чайпалып турган ал чөнтөгүнөн бир нерсе алды да Азаматтын кезектеги соккусунан буйтап өтүп ич талаштыра бир муздак нерсени тагып алды.Чыгарып туруп дагы сайды.Азамат бул жагымсыз нерсе бычак экенин шарт эле тушүнду.Тигини моюндан кармап сузөйүн деп жатканда ал Азаматтын колунан бир булкунуп чыкты да караңгыга жылт койду.Анын артынан калгандары да топурашып качып кетишти.Азамат көзу тумандап барып эсин жоготкон бойдон жерге узунунан кулап туштү.....

Билдирүүнү түзөткөн: PAXMAT: 06 Август 2014 - 04:13

[Gupa]

aqua- 94mema, miracle_m, чыгарма аягына чыкмайын "калганы, аягы, дагы" деген сыяктуу орунсуз билдирүүлөрдү жазуудан алыс болгула. Билдирүүңүздөр өчүрүлдү. Эскертүү!

Билдирүүнү түзөткөн: Gupa: 07 Август 2014 - 17:14

[AMAH-2]

...Бекжан ордунан эми турайын деп атканда ичкериден топтолушкан балдар кыжылдашкан бойдон сыртка чыгып кетишти.Мас боло тушүптүр.Айлана айлан-көчөк болуп тегеренип жатканына карабай столго тамагынын акчасын бир тыйынын да ашырбай санап таштап койду да сыртка жөнөду.Жай күнүнүн түнкү абасынан кере-кере жута кафеден алысыраак жайгашкан светофорго басып баратты.Машиналарды өткөзүп койуп нары жак,бери жагын карап алды да жолдон теңселе басып өтүп үйгө кетүүгө маршрутка күтүп туруп калды.Ошол маалда азыр эле чыккан кафе тараптан элдер дүрбөлөңгө түшүп нары-бери чуркап бир баланы эки жактан кучактаган кафенин күзөтчүлөрү машинага салышты да шашылган бойдон бир жакка кетип калышты." Абалыңа карап ичпейсиңби" деп сүйлөнүп алган Бекжан тиги кыймылсыз жаткан баланы бир мас деп гана ойлоп алып бир аз маршрутка күтүп турду да анан теңселген бойдон үйүнө жөө жөнодү.Уйүнө келген Бекжан Азаматтын жок экенин билген соң тошөгүнө кулады....
---Аскат үйгө кирип эле буркураган арактын жытына таң калды.Көтөрүнгөн сумкасын босогого таштай койуп эле өзү жаткан бөлмөгө баш бакты,анан Бекжан жаткан бөлмөгө кирип коңурукту кош тартып уктап жаткан Бекжанды көрдү.Чечилбеген кийиминен эле анын мас экенин сезген Аскат "Эмне болду экен мынчалык?" деп ойлонуп алып Бекжандын кийимдерин чечиндирип атканда:
-Тарт колуңду нары....Сен менин досум эмессиң мейлиби?-деп кыйкырып алды да анан Аскат экенин көргөн соң:
-Аскат сен белең?-деп алып ордунан турду.
-Дос тынччылыкпы? Акыбалың кантет? Азамат кайда? Эмне болдуңар дагы?-деген Аскат эч нерсени тушүнө албай жатты.
-Мен азыр...-деген Бекжан башын мыкчыган бойдон жуунганы кирип кетти.Аскат Бекжан кирип кетээри менен Азаматка чалып кирди.Телефону өчүк экенин билген соң үйдү желдетүүгө терезелерди ачып койуп Бекжандын чыгышын күткөнчө айылдан апасы болбой салып берген жумурткадан кууруп кирди.Апасынын "Аскат үйлөнөөр маалың келди" деп утур-утур кайталаган сөзүн эстегенче кууруп жатты.Адилет агасы,жеңеси апасынын жанынан чыкпай жүргөнүнө карабай апасынын табы бир аз айнып калганынан шашылыш айылга кеткен эле.Кыштан бери айылга бара элек Аскатты көргөн карындашы,атасы, апасы кубанып алышты.Адилет агасынын пешенесине да жакшы жубай кылгандыктан жеңеси да кубанып жүрдү.Апасынын жакшы болуп кетишин күтүп олтуруп эки күн жүрүп калды.Кечээ түнү гана апасы менен атасынын уруксатын алып алып таң агарганда жолго чыккан болчу.Келсе ушул көрүнүш...
-Айран алып келдиңби дос?-деген Бекжандын үнү Аскаттын оюн бузду.
-Ооба,тигине муздаткычка салып койдум-деди Аскат.Айранды тамшана ичип аткан Бекжанды көрүп Аскат "Түзүк эле ичкен окшойт ичкенине караганда" деп ойлонуп турганда айранды ичип болгон Бекжан Аскатты карап:
-Айыл тынчпы дос? Аяш энем жакшы бекен?-деп калды столго олтурганча.
-Тынч баары,апам деле кудаага шүгүр жакшы эле...-деген Аскат Бекжанды сынай карай:-Сүйлө анан?-деп калды.Оор ушкүрүнүп алган Бекжан:
-Сүйлөгөндө эмне... ичким келди кечээ,ичтим. ..
-Себеп?
-Азамат да баякы эле...
-Баса,ал кайда?
-Билбесем, чалдыңбы?
-Ооба,өчүк болуп атат телефону... Мушташпадыңарбы анан?
-Мушташтык да-деген Бекжан колунда турган бакалашкадагы айрандан дагы ичти.
-Жумурткадан жесең дос-деген Аскат алдында жаткан тарелкадагы жумуртканы көргөздү.
-Табитим тартпай жатат...-деген Бекжан бети башын бырыштырып койду.
-Эмнеге мушташтыңар? Мындай жарылсаң дос....,акыры сага чоочун адам эмесмин го-деген Аскат Бекжанга таарынымыш болуп койду.
-Назиктин айынан...-деген Бекжан уялгандай жер карады.
-Ааа тушүнүктүү- деген Аскат да андан ары эч кандай суроо деле узатпады.Ансыз деле баары түшүнүктүү да.Жанакы эле эки жакын досу өзү да жандай көргөн кызды талашып мушташыптыр. ..

[AMAH-2]

Ал күнү экөө кечке чейин үйдө болушту.Аскат тундөсу жумушка чыгыш керек эле.Азаматтын ушул убакка чейин жок болуп жатканы экөөнү тең кабатырга салып жатты.Бекжан болсо "Кеч кирсе Назикке барып келейин" деген ойлору менен алек.Кеч да кирди.Аскат жумушуна,анан бир аздан соң Бекжан Назикке жөнөдү.Бирок Назик менен көрүшөм деген ою таш каап Назиктин айылга кетип калганын билди."Болбой кетип калды" деген Мүрөк эженин сөзүн угуп кайра үйгө жөнодү."Катуу таарыныптыр да" деген тыянакка келип алдыдагы эки-үч экзаменин тапшырып койуп анан Назиктин айылын издеп таап ал менен сүйлөшүүнү пландап алды озүнчө.
-Кабар жок го андан дагы деле?-деген Аскат эртеси үйгө кирээри менен эле Бекжанды ойготуп кирди.
-Жүрсө керек да дос...,ичип башка достору менен... Билесиң го анын достору көп-деди Бекжан ордунан туруп бүгүнкү экзаменге даярданып кийинип атканча.
-Ошентсе деле анын дайынын билип койуш биздин милдет го Бекжан?-деди Аскат үнүн бийик көтөрө.
-Туура эле дос,бүгүн да күтөлү,эгер бүгүн да келбесе анан издеп баштайбыз макулбу?-деген Бекжан Аскатты тынчтандыра ушул сөздөрдү анын көздөрүно карай айтты.
-Макул дос-деген Аскат Бекжан менен коштошуп койуп өз бөлмөсүнө кирип кетти...

Билдирүүнү түзөткөн: AMAH-2: 08 Август 2014 - 02:04

[AMAH-2]

Түштөн ооп ойгонгон Аскат шарт эле телефонун карады.Эч кандай кабыл алынбаган чалуу жок болгондуктан маанайы чөгүп бир аз ойлонуп жатты."Эмне болуп жатат? Чындап эле үчөөнүн достугунун билинбей ыдырап баратышына Назик күнөөлүбү? Же өз эрктерин башкара албай бир Назикти сүйүп калган үчөө күнөөлубү?" деген суроолордун кайсынысы туура экенин түшүнө албай бир аз жатты да ордунан туруп шам-шум этимиш болуп алып көчөгө чыкты.Бекжанга да чалгысы келбеди.Ал негедир Азаматка кош көңүлдөй мамиледе жүрөт."Балким Бекжан Азаматты..... .?" деп ойлонуп баратып "Жинди болдуңбү Аскат?" деп өзүн-озү жемелеп алды.Телефонун чукулап атып Азамат менен залга барып жүргөндө жазып алган спортсмен балдардын номерлерин издеп жатты.Көп номерлер өчүп кетиптир." К..." аталган бир номерди таап алып "Ким эле бул?" деп ойлонуп жатып Куба экенин эстеди да сүйүнүп алды.Кубанын ошондогу "Азамат мени алда качан ыраазы кылып койгон" деген сөзүнүн төркүнун тушүнуш үчүн ал менен кийинчерээк издеп жүруп жолугушкан болчу."Азамат аны коркутуп жүрөбү эмне?" деген суроолуу оюна жооп алыш үчүн Кубанын ошол созүнө жооп алгысы келди.Бирок Кубанын "Менин машинамды жолдон чоочун балдар коркутуп алып койгон эле бир жолу.Каршылык көргөзгөнүмө чекемди томуйта уруп эсими оодарып кетип калышкан болчу.Ошондо жаңы гана залга барып жүргөндүктөн менин окуям кимдендир Азаматка жетиптир.Ошондо Азамат келип ал балдардын өң-түсүн,бой келбетин сурап,менин машинамдын номерин алып "Кыжаалат болбо досум,бир эки күндө машинаң колуңа тиет" деп далыман таптап кетип калды да айтканындай эле эки күндөн кийин машинанын кулпусун колума карматты.Чет жерде тытынып иштеп адал эмгегим менен алган машинам колума тийгенине жетине албай Азаматка абдан ыраазы болгом.Ошол күну кечке Азаматка "Дос,керек болгонумда айтып эле койсоң мен ар дайым бара калам" деп кайталап айта берип акыры Азамат "Макул" деп кутулган эле" деген жообу Аскатты кубанткан эле.Азаматтын ошол марттыгына бир жагынан ыраазы болсо,бир жагынан ушундай досу бар экенине сыймыктанып алган эле...
-Ало! -деген Кубанын үнүн угуп Аскат кубанып алды.
-Куба кандайсың? Тааныдыңбы? -деди ал менен көптөн бери сүйлөшө элек Аскат.
-Тааныдым. .. Жакшы рахмат... Өзүң кандайсың Асыке?-деген Кубаттын да кубанып турганы угулду.Билбейм, негедир бул бала ушундай.Бирөө менен таанышканда да толук атын айтпай "Куба" деп таанышат,Аскатты да тез эле "Асыке" деп атап алган эле.
-Тузүк. ... Куба сенин жардамың керек?
-Угуп жатам...
-Азаматтын кабары эки күндөн бери жок болуп жатат.
-Кандайча жок болуп жатат?
-Бекжан менен мушташа кеткен экен эле эки күн мурун,ошондон бери Бекжан да мен да көрө элекмин...
-Залга бардыңбы?
-Жок,ал жакка көптөн бери бара элек болсом кимди таанымак элем?
-Ммм туура... Мен анда азыр чалып сураштырып көрөйүнчү макулбу? Анан бир жообун берем...
-Ошентчи дос...-деген Аскаттын көңулү жайгаша түшкөнсүдү. ..