[AMAH-2]

Эртеси керээлден кечке Азамат үчүн ар кандай сөз даярдап убара тартып жатып оюна төп келген сөз таба албай койду.Кеч да кирип кетти тез эле.Нурлан Азамат эшикте турганын кабарлады.Жумушун бүттү кылып койуп кийимин которду да сыртка чыкты.Кымтыланып алган Аскат бут алдындыгы суу кар пайда кылган чыланы чалпылдата кечкен бойдон обочороок жерде телефон менен сүйлөшүп жаткан Азаматка келди.Кол алышып,баш кагыштырып учурашкан эки дос Аскаттын "Жүр" деген жагына карай басышты.Курсагы ачка Аскат жакынкы магазинге кирип жегенге,ичкенге майда-чүйдө алып чыкты да аппак кар жамынган парк тарапка салды.Күүгүм кире баштаган болчу.Бир далдоораак жерге келишти да олтурчу жердеги карларды буттары таптап алышып анан Аскат алып келгендерин ачып кирди.Кагышып кеткен шишенин үнун уккан Азамат:
-Мине балеее,пиво алып келип алган эмессиңби?-деди каткыра.
-Ооба,эмне болуптур? Бирден ичип койсок эч нерсе болбостур... .
-Койчу дос... Билесиң го мен ичпейм...
-Мен деле ичпейм досум.Бирок азыр негедир ичким келип турат..
-Эмне болду? Тынччылык элеби?
-Тынччылык элеее.Кел андан көрө ал-деп буусу чыгып жаткан бул өлкөдө популярдуу тооктун этин көргөзүп калды.
-Айтпасаң деле алам дос-деген Азамат "грилге" колун сунду.Бир сааттай "ичпейм" деп сөздү ар башкага буруп жаткан Азамат акыры ичти.Аскат дагы ичти.Азамат жанараакта эле Жаныбек менен сүйлөшкөнүн айтып мактанып да алды."Анын кайнатасы мени өзүнө жан сакчылыкка жумушка алам деп жатыптыр" деген созүн улам-улам кайталап жатты кубана.Себеби бул өлкөгө келгени менен башкаларга окшоп жумуш кылбаса да кыйла жүдөй түшкөн болчу.Келгенде эле Аскаттын кеңеши менен ата-энесине "Олимпиядага катышууга даярданып жүрөм" деп чалып койгон эле.Эки сааттай ар нерсени божурашкан эки дос алдыларындагы грилди да жеп болушту,колдорундагы экиден пиволорун да ичип болушту.Дээрлик ичпеген экөө тең ошол эки шише пивого эле кызый түшүштү.
-Аза-деди бир маалда Аскат.
-Оув-деген Азамат досун карап калды сүйлөп жаткан сөзүн токтото.
-Сенден ушул убакка чейин эмне сурандым?
Ойлонумуш болуп калган Азамат бир топтон кийин:
-Эч нерсе деле сурана элек болушун керек.... Ийи?
-Анда жакшы.... Сеебеби азыр бир нерсе суранам досум...
-Эмне экен ал? Колумдан келеби иши кылса?-деген Азамат Аскат эмне жөнүндө суранаарын божомолдоп койду.
-Келет дос...
-Андай болсо кулагым сенде.
-Өзүн деле сезип жатсаң керек.. Назикти жайына койчу сенден сураныч.Мени сыйласаң ушул өтүнүчүмдү жөн гана соз менен эле эмес жүрөгүң менен аткар.
Экөөнүн ортосунда бир азга жымжырттык орноду.Анан эле Азамат Аскаттын далысын бир колун кое:
-Болуптур дос! Бирок бир шартым бар,ошону аткарасың! Анан бир суроом бар,ошого жооп бересиң...
-Эмне десең ошол дос.Бир гана менин суранычымды чын дилден кабылдасан болду.
-Шартты айтайынбыыыы же суроону биринчи узатайынбы? -деген Азамат табышмактатып сүйлөп кирди.
-Өзүң бил!
-Анда суроом мындай:Назик экөөңдүн бул жакта жолугуп калышыңар кокустукпу же алдын-ала сүйлөшүлгөн нерсеби?
-Кокустук дагы эмес,сүйлөшүлгөн дагы нерсе эмес Азамат!

Билдирүүнү түзөткөн: AMAH-2: 22 Август 2014 - 02:57

[AMAH-2]

-Кандайча? -деген Азамат досунун бул жообуна түшүно албай турду.Аскат курткасынын замогун токтоор жерге чейин сыдырып,башындагы шапкесин баса кийди да Назиктин адресин кантип алганын,анан кантип издеп келип,кантип тапканын баштан-аяк айтып берди.Кунт кое угуп турган Азамат Аскат айтып бүткөндө гана:
-Ушундай дегин... Мен ушул суроого жооп таба албай жүргөн болчум чынында.Сенин Назик менен атайы келишип алып анан бул жакта бирге жүрүшүңор тууралуу ойлор мээмди жеп бул нерсеге кандай чара көрөөрүмдү билбей жургөн болчум.Келчи досум ушул мүнозүң үчүн-деген Азамат күпүйө кийинге Аскатты белинен кучактап жерден көтөрүп кирди каткыра." Эээ түшүрчү... үшүп аткан адамды анан сайын үшүттүң го" деп каткырган Аскат да досуна кошула жаш балача кубанып жатты.
-Анан эмне болду? Менин суранычымды аткарасыңбы же жокпу? Түз жооп бербедиң го-деди кийимдерин түздөп жаткан Аскат.
-Түз жооп бериш керек беле?-деген Азамат кыска каткырып койду да-Кабатыр болбо дос,эми Назикке чындап эле аяшымдай гана мамиледе болом-деди.
-Рахмат дос... Баса "Шартым бар" дедиң эле го.Эмне болгон шарт?
-Черттуку десе... Кубанганымдан унутуп кое жаздаган турбаймбы.Анда эмесе шартым төмөндөгүдөй: Азыр менин колумду кысасың да анан Назиктин жанынан эч жакка узабашынды, бир-эки жылдын ичинде ага сөссүз үйлөнүшүңдү айтып жигиттик убадаңды бересиң жарайбы?
-Жарайт! Келе колду-деп Азаматтын сунган колун кыса кармап туруп: Назиктин жанынан эч жакка чыкпайм жана ага сөссүз бир-эки жыл аралыгында үйлөнөөөөөөм. ... деп караңгылык каптап,эч ким жок паркты жаңырта бакырып алды.
-Эй кантет моогу,секин бол-деген Азамат Аскаттын бакырыгынан чочулагандай эки жаагын каранып койду.
-Ахххх, бүгүн үстүмөң ооор жүктү түшүргөндөй жеңилдеп алдым досум-деген Аскат дагы деле кубанып турду.
-Кыйын экенсиң.... Жүр эми кетели бир жолу тоңуп кала электе-деген Азамат жерде ачылып жаткан өзүлөрүнөн чыккан калдыктарды пакетке салыштырып кирди.Аскат экөөлөп жыйнаштырды пакеттин оозун бууп туруп бир чекеге таштап коюшту.Чоң жолго сүйлөшүп келишип "Жүр метро менен эле кетебиз" деген Аскаттын созүно кулак салбай Азамат жолдон такси тосо баштады.Биринчи эле токтогон машинанын шоопуру менен эптеп-септеп орусча сүйлөшүп жаткан досун көрүп Аскат ошол жерде каткырып жибере жаздады.Машинада бара жатып "Эмне күлөсүң э? Мен сендей болуп орустар менен иштеген эмесмин да" деген Азамат да күлүп бара жатты.Бул күн экөөнө тең күлкү,кубаныч тартуулады. Үйүнө келген Аскат шоопурга акча сунса Азамат болбой кайра кайттартты шоопурду." Бул иштебей жүрүп да өзу төлөмөк беле" деген Аскат да көгөрүп атып таксинин акчасын акыры өзү берди.Ал кайдан билсин Азаматка Жаныбектен ар жума сайын акча келип жатканын...

[AMAH.]

Жаны-Жыл жакындап калды.Жаны жыл демекчи элдин баары жакшы коргон адамдарына, бир туугандарына же жон эле жакшы тааныштарына белек берет эмеспи.Аскат да Назикке озгочо белек кылууну ойлонуп жүрдү.Бир букет гүл,жумшак оюнчук,же жөнокой эле кымбат бир буюм катардагы эле белектер болгондуктан Аскат аларды чекеге сурду да кандайдыр бир эсте калаарлык,же тан калаарлык,ардайым жанында журо турган белек издештирип жатты.Бирок оюна эч кандай варианттар келбей журуп акыры досу Азаматка кайрылууну эп корду.Бир кунку экоонун жолугушуусунда он келтирип туруп досуна айтты.Коп кыздардын сезими менен ойноп,башын айлантып жургон Азамат да ошол эле Аскат ойлонгон белектерди сунуш кылды.Бирок Аскаттын оюн уккан Азамат да досуна кошулуп ойлонуп олтуруп калды.Акыры Аскат Назиктин жанынан ардайым блокнот узулбой жургонун эстеди да ошол блокноттун ордун ээлей турган кандайдыр бир озгочо кундолук дептер белек кылууну сунуштады." Азыр ким блокнот колдонмок эле? Бул вариант эмес досум" деген Азамат акыры Аскаттын "Ээ дос Назиктин жанынан акыркы кундору блокнот узулбой калганын байкадым,Мен белек кылсам менин блокнотум ошол блокнотунун ордун ээлейт эмеспи.Ошон учун ушул гана белек туура келет" дегенине акыры конду.Азаматка койсо кайсы бир кымбат белек кылып эле олтуруп калмак.Бирок Аскат Назиктин туулган кунундо белек кылган белегинен кийин ага кымбат белек кылууну жыйыштырган болчу.Сеебеби "Аскат мындай белектерин албетте мага жагымдуу,бирок кабыл алыш мага ынгайсыздыкты жаратат.Мени ынгайсыз абалга калбасын десен мындай эле арзан белектен белек кылсан боло берет,Эн башкысы чын журоктон болсо болду" деп эркелей суранган Назиктин сунушун четке кага албай койгон эле.Анан эки дос ээрчишип алышып магазин кыдырганга отушту.Бирок негедир таба албай жатышты.Аскатка жакса Азаматка жакпайт,же тескерисинче Азаматка жакса Аскатка жакпайт.Акыры Аскат издеген кундолуктон чарчаган Азамат "Ээ дос суйушкондор жон эле бир букет гул,же кымбат буюм белек кылышат эле.Сенин бул нерсене такыр тушуно албай жатам" деп наалып кирди.Анан кокустан бир магазинге кире койуп эле сырты кожа менен жасалгаланган, козго жагымдуу кундолук коруп калышты да аны башка бироо алып кетип кала тургансып шарт эле сатып алышты.Аскаттын да Азаматтын да конулуно топ келгендиктен кубангандарын айтпа.Жаны-Жылды учоо конулдуу откорушту.Азамат адаттагыдай эле бир букет роза гул белек кылды.Аскат жанакы кундолукту кутучага салып тапшырды.Аны ачып коргон Назик бир башкача жылмая суйунуп алды.Назик Аскатка кол саат даярдап коюптур.Ошол кол саат экоонун эки айрым жолго тушушунун ырымы экенин Назик кайдан билди дейсин.Деги эле андай ырым-жырымдарга Назик такыр конул бурбайт эле...
Январь айы күпүлдүтү жааган кар менен кошо тез эле отуп кеткенсиди. Анан февраль айы кирип келди.Аскат баалап алган жумушун бутуп койуп бир айдай эс алууда жургон эле.Назикти жумушунун алдынан тосуп алат,эркелетет, эркелейт,тамашалап суйлоп боорун эзет.Анын жээни Абдурасул менен да таанышты.Тамашакой Абдурасул тез эле тамашалай "жезде" дегенге отуп алды.Ошол кундордун биринде Аскатка эки жумалык жумуш чыгып калды Нурлан аркылуу." Бекер жургончо эрмектеп турайын" деген Аскат макул болоору менен эле жумушка киришти.Бир бай адамдын уйу экен.Бой жеткен эрке кызына бийик кабаттуу уйлордун биринен үч болмолуу квартира белек кылыптыр.Ошол квариранын бир бөлмөсүн азыркы заман талабына жооп бере тургандай кылып жабдуулап чыгыш керек экен."Өзүм каалагандай жасатам" деп эркелеген кызы Аскаттын "Тиги керек" деген үйго керектелүүчү жабдуулардын буюртмаларын өзү атасынын берген адамы менен алып келип берип атты.Кээ бир кундору атасынын ал адамы кандайдыр себептер менен келбей калганда Аскатты машинасына салып алып магазинге экөө каттап жүрүштү.Аскаттан эмне тапты белгисиз бирок,үйгө турбаган ал кыз акыркы күндөрү Аскаттын жанынан чыкпай калганы байкалды.Анча- мынчада келип калчу жигит сөөрөйүнүн да караанынын аягы үзүлдү.Бир-эки жолу озүнө окшогон кайсар курбу кызы да келип төркү бөлмөнүн ичинен чыкпай жумуш кылып жаткан Аскатка көз сала нары-бери карамыш болуп кетип калды.Ал бөлмөнү белгиленген күнгө жетпей эле бүтүргөн Аскат ал эрке кыздын колунан бир тутам акчаны колуна кармап үйүнө кайтты.Ата-энесине салды азыраак.Калганын Назик экөөнүн боло турган тоюна даярдап жүргөн акчаларга кошуп койду.Кайра эле күнүнүн теңинен көбүн сүйүктүүсү Назикке арнаган күндөр башталды.Кээ бир күндөрү досу Азаматты да ээрчитип алаар эле.Башында дулдуйуп сүйлөбөй жүргөн Назик акыры Азамат менен да жакшы мамиледе болуп калды.Ага болгон таарынычы жазылды.Андан күткөн,ал жөнүндө ойлогон жаман ойлоруна бөгөт койгонсуду. Себеби Азаматтын эки сөзүнүн биринде "Аяш" деп кайрылуусу эле.Бир жума өтүп-өтпөй Нурлан Азаматка дагы кайрылды.Болгондо да өткөн жумада эле ремонт кылган үйдүн дагы бир бөлмөсүн ремонт кылыш керек экендигин айтып таң калтырды.

Билдирүүнү түзөткөн: AMAH.: 27 Август 2014 - 12:08

[AMAH.]

Ал кыздын эмне максат менен башка адамды эмес бир гана Аскаттын ремонт жасашын тандаганын, суранганын аңдабай эле Аскат эки күндөн кийин жумушка киришти.Бир жакшына эле болуп турган бөлмөнү бузуп жатканына таң калганы менен Аскатка баары бир эле.Башкысы акчасын төлөсө болду.Бул жолкусунда орус улутундагы бул кыз (аты Вероника) Аскатка башкача мамиле кыла баштады.Эрте мененки саат ондорго жумуш кылчы үйгө кирип келген Аскатка кофе даярдап берип озүнчө эле камкор адам болуп баштады.Аскаттын сүйлөшкөн кызы жөнүндө сураар эле.Аскаттын телефонунан көргөзгөн Назиктин сүрөтүн көрүп "жакшынакай экен" деп гана тим болуп коет болчу.Бир жолу болсо атайы кылдыбы же унутуп койдубу колун жууганы чыккан Аскаттын алдынан ич кийимчен чыга келди.Уялымыш болуп өз бөлмөсүнө кире качты.Анын тикчийген көкүрөгүн,делебени козгогон жамбашына козү илинип кеткен Аскат буйдала түшту.Бирок тез эле өзүн колго алганы менен ойлорунун тее түпкүрүндө бул орус кызга болгон каалоо түнөк таап алгансыды.Дагы бир күнү Аскат өзүнө берген кулпу менен эле үйдү ачып кирип жумуш кылчу бөлмөгө өтүп бара жатып эшиги ачылуу бөлмөнүн ичиндеги уктоочу диванда дырдай жылаңач болуп уктап жаткан Вераны көрдү.Көзүн буруп көрмөмүшкө салганы менен анын делебени козгогон аппак денесин дагы карагысы келди.Өзүнүн эңсөөсүн уяты,ыйманы, эркинин күчтүүлүгү менен гана жеңип өз бөлмөсүнө кирип кетти.Ананчы, ушул убакка чейин кыз атту менен жатып көрбөгөн жаны ал кызды каалап турду.Ал эми Назик менен анда-санда гана обушүп койгону эле болбосо андан аркысына колу барбайт.Назикти ата-энесинин алдына таза бойдон алып баргысы келет.Ал менен башталган турмуш жолун ак барактан баштагысы келет.Бирок шайтан азгырган ойлорго жеңилбей Аскат жумушун кылып жатты.Түшкөө маал Вероника тамакка чакырды.Бул убакта да Верониканын үстүндө жеңил гана халат кийилип туруптур.Аскат кайдан билсин эрте мененки окуя,азыркысы бул кыздын Аскаттын башын айландыруу үчүн жашап жаткан ыплас ойлору экенин.Бирок бул шайтан кыздын азгырыгына өз эркин жеңүү менен азгырылбаган Аскат бул жумушун да бүтүп калды.Толугу менен бүтөөр күндөн эки күн мурун Вероника үйгө магазинден майда-чүйдө кылып келди."Меймандар келет окшойт" деп ойлогон Аскат кылып жаткан жумушун нары-бери бүткөрө салды да кетүүгө камданып кирди.Бирок эч кандай меймандар келбегендигин, бүгүн жөн эле рахмат айтуу менен эле бирге өзүн (Аскатты) сыйлаарын айтып Аскатты болбой токтотуп калды.Аскат эмне демек,аргасыз макул болду.Азыр кетип калса эле ушул эки жумалык акчасын ала албай калчудай сезилди.Үч-төрт түрлүү салаты менен эле Веранын буту-бутуна тийбей жүгүрүп жүрүп жасап жаткан тамагын жеп бүткөндөн кийин столдун үстүндо турган винону бокалдарга куйуп сунуштап калды.Бир-эки "Ичким келбей жатат" деген Аскат аргасыз биринчисин ичип жиберди.Анан дагы бирди.Бир маалда Назик чалып калгандыктан балконго чыгып беш мүнөттөй сүйлөшүп келди да Верага кетүү керектигин айтып кетейин деп жатканда "Ушул акыркысы" деп дагы бирди сунду.Аскат ошону ичп жатканын билет андан кийинкиси бүдөмүк.Эртеси башы ооруганынан ойгонуп эле Веранын жанында жатканын көрүп башы маң болуп калды.Экөө тең дырдай жылаңач экен.Өзүн-өзү ошол замат жек көрүп кетти.Башындагы башаламан ойлорун ирээтке келтирип кечээки болгон окуяны эстегенге аракет кылды.Бирок эч майнап чыкпаган соң ордун шырп алдырбай турду да ал үйдөн чыга качты."Эми кантип карайм Назиктин көзүн? Мен мынтип өзүмдүн эркимди өзүм башкара албай жүрсөм анда Назикти бир өмүр кантип бактылуу кыла алам?" деген ойлор менен алышып бара жатты.Бара жатып кечээ кечинде Назик менен телефондо сүйлөшкөнүн эстеди.Мээсиндеги катылган элестерди казып жатып Назикке "Азыр барып калам" деп айткан сөзүн да эстеди да шарт эле Назиктин номерин терип кирди.
-Ало?!
-Нази кандайсың?
-Ой Аскат кайда жүрөсүң? Эмне телефонуңдү албай жатасың? Тынч элесиңби?-деген Назик суроолорду үстөккө-босток берип кирди.
-Мен... Мен.. Тиги...-деп барып оор ушкүрүп алды да көзүн жумуп туруп-Жумушта кармалып калдым,баары жайында...-деп калп айта салды.Бул экөөнүн кыз-жигит болгонунан бери биринчи жолу калп айтып жатышы эле.
-Аа ошондой эле болсун...
-Өзүң кайдасың азыр? Жолугалычы. ..
-Ой кайдаан? Мен жумушка баратам Аскат.. Кечээ сени күтүп-күтүп үйгө өзүм келген болчум-деген Назик барам деп бара албай калган Аскатка кыпындай да таарынычы жоктой сүйлөп жатты.
-Кечирип койчу шириним... Мен,мен... жумушум кобөйүп кетпедиби.
-Эч нерсе эмес болуп турат... Аскат мен метрого тушүп баратам,азыр связь жоголуп кетиши мүмкүн,ананыраак сүйлөшбүз ээ?
-Макул,жакшы жетип ал-деген Аскат Назик менен коштошуп телефонун өчүрдү.

[AMAH.]

Азаматка чалды.Уйкудан жаңы ойгонгон үнү менен Азамат жооп берди да Аскаттын "Сөз бар" деген сөзүн угуп жолугушчу жерди белгилээри менен бир аздан соң келип калаарын билдирди.Жолугушчу жерге келген Аскат Азаматтын клишин күткөнчө ойлонуп жатты."Эмне кылсам? Айтсамбы досума? Же ким көрдү кылып койсомбу? Балким эч кимге ооз ачпай койгон оңдур... "Кыңыр иш кырк жылда болсо да билинет" дейт,балким айткан туурадыр... Уф кайсы шайтан менин көзүмдү тумандатты экен? Кече Веранын сунушуна макул болбой эле кетип калсам эмне болмок?" деп ойлонуп жатканда телефону шыңгырап калды."Азамат болсо керек" деп чөнтөгүнөн телефонун чыгарган Аскат Веранын чалып жатканын көрду.Бир аз ойлонуп турду да өчүрүп койду.Кайра дагы чалды.Аргасыз көңүлдөнбөй:
-Да-деди.
-Аскат?
-Угуп жатам?
-Кайдасың?
-Кайда болмок элем?
-Сүйлөшчү сөздөр бар...
-А менин уга турган оюм жок! Кечир..-деди да телефонун койуп койду.Он мүнөттөй тынбай чалып жатты да акыры тажады окшойт чалбай калды.Өзүнө- өзү жини келе ойлонуп олтурганда арттан:
-Иий баатыр эмне ойлонуп?-деген досунун үнү чыкты.
-Кел.. . Ойлонбогон адам көрдүң беле?-деп колун суна башын тийиштире учурашты да:
-Эмне кылып жаттың эле? Алагды кылбадымбы? -деди Азаматты карай.
-Жок э.. Сенин "Сөз бар" деген сөзүң мени эч качан алагды кылбашын билесиң да-деген Азамат Аскатты далысынан таптап койду.
-Аа жакшы-деп оор үшкүрүп алган Аскат досун карай:-Дос,чекилик иш кылып койдум-деди кайгырган түрдө.
-Эмне болуп кетти? Тынччылык элеби иши кылса?-деген Азамат кыжаалат болгон түрдө кабагын түйө карап калды.Аскат кечээки болгон ишти айтып берди.Чынында эмне болгонун эстей албай жатканын да айтты.Назикке айтаарын,айтпашын биле албай жатканын да айтып өттү.Кунт кое угуп турган Азамат Аскат созү айтып бүтөөрү менен:
-Дос шашылба! Назикке айтаардын алдын тигиниң менен ачык сүйлөшүп чынында эмне болгонун бил! Мүмкүн эч нерсе болбогондур. .. Анан да ичкен винонун аталышын да сурап койчу макулбу?-деди
-Эмне кыласың аны?-деген Аскат түшүнө албай турду.
-Жөн эле мага кызык болуп жатат... Кантип эле дээрлик такыр ичпеген мына сага окшогон дени-карды соо адам виного мас болуп калсын?
-Эмиии. ...мммм көптөн бери ичпегенге мас боло түшсөм керек да-деген Аскат ойлонуп калды жер тиктей.
-Мүмкүн күчтүү винодур... Бирок ошентсе да сурап билип кой макулбу?
-Болуптур. ..
-Эч кыжаалат болбо,баары жайында болот!-деген Азамат Аскаттыын далысынан дагы таптай ордунан турду да:-Жүрчү тиги жакка кирип бир нерсе шам-шум этип алалы,үйдөн чай ичпей чыкканыма курсагым сынып калды-деп алысыраак жерде жайгашкан кафеге окшош бир курулушту көргөзддү.Анын сунушун уккан Аскат да курсагы ач экенин туйду да досун ээрчий артынан илкий басып бара жатты.Эки сааттай ошол кафеде ар нерселерди сүйлөшүп олтурушту.Бекжанды эстешти.Аскат ага чалып да көрдү.Бирок Бекжан жумушта болгондуктан андан жооп болбоду.Азамат менен коштошоору менен Аскат үйүнө келип ойлуу кечке чейин жатты.Кеч Назик менен жолугушту.Канчалык маанайын жаркылдатпасын, канчалык ага сыр бербөөгө аракеттенбесин бирок зээндүү Назик Аскатты бир нерсе кыжаалат кылып жатканын билип койду.Бирок сөздү ар жакка бурган Аскат эч нерсе айтпады.Эртеси бутун араң шилтей жумуш кылып жаткан үйгө өтүп барды.Бактыга жараша үйдө Вероника жок экен.Ал эми бул үйгө кайрылып келбечүдөй кубанган Аскат жумушуна киришти.Түштөн өтүп саат экилерге жакын сырттагы эшик ачылып бирөөнүн кирип жатканы угулду.Демин ичке ката,бирок ал үндөргө көңүл бөлбөгөндөй жумушун кыла берди.Мына жумуш кылып жаткан бөлмөсүнүн эшиги да ачылды.
-Асик салам! Кандайсың?-деген үн чыкканда гана карады.
-Салам. .. Жакшы эле-деди кайра жасап жаткан жумушуна башын бура.
-Кечээ эмнеге албай койдуң телефонуңду?
-Бош эмес элем..-деди дагы деле ал жакты карабай.
-ммм.. . Эрте менен мени ойготпой качып да кетиптирсиң. ..-дегенде гана Аскат ордунан турду да Веранын жанына басып келип:
-Вера ачыгын айтчы,эмне болду ошол түнү?-деди көздөрүнө тигиле.Аскат кээ бир адамдардын коздөрүнө карап эле анын сүйлөп жаткандагы коз карашына карап анын калп айтып жатканын же туурасын айтып жатканын билип коер эле.Бирок бул кыздын коздөрүндө эч кандай белги көрө албады.
-Баары болду Асик-деген Вера Аскаттын койкойгон мурдун бир колу менен чымчып койду да-Колуңду жуу тамак ичебиз,курсагың ач болсо керек ээ?-деп туруп чыгып кетти.Аскаттын кулагына анын "Баары болду" деген создөрү кайталанып угулуп жатты.Биринчи эле ойунда "Назик кечире алабы?" деген суроо туулду.Анан "Мен ага айта аламбы?" деген суроо,анан "Эми эмне болот?" деген суроолор пайда болду.Ошентип ойлонуп турганда Веранын озүн чакырган үну чыкты.Карды ач болгондуктан колун жууп алып кухняга кирип барды.Куурулган жумуртканы унчукпай жеп бүттү да жанында өзүн карап олтурган Вераны карап:
-Вера? ! Ошол түн ошол бойдон калып кетсин,бир нерсе кылып капа кылган болсом мени кечир... Себеби менин эсимде таптакыр эч нерсе жок-деди жалооруй карай.Үнсүз угуп турган Вера:
-Макул- дегенге гана жарады.Андан соң ошол ичкен винонун аталышын сурап көрдү.Бирок Вера айткысы келбегендей жооптон кача берди. Эки күндүк жумушун үч кун дегенде гана бүттү да акчасын колуна толугу менен алган Аскат эми Назикке айтыш-айтпоо тууралуу ойлонуп жүрдү.Керек болсо эки үч жолу аракет да кылып көрдү.Бирок күчү жетпеди,күчү жетсе да Назикти жоготуп алуудан айбыгып жатты.Азамат болсо ар жолугушууда "Айтышың керек дос.Назик андай мамилеге таатыктуу эмес!"деп кыстап жатты."Анда айтам,мында айтам" деп жүрүп он күндөй убакыт өткөзүп жиберди.Айтчу учурдун ынгайлуулугун күтүп жаткансыды. Бир күнү чоочун номерден телефонуна чалуу келип калды."Ким болуп кетти экен?" деп ойлонуп алган Аскат телефон чалууга жооп берди.Вероника экенин угуп жини келе туштү.Себеби анын номерин алда качан өчүрүп салган эле.Анан эле анын "Сенден боюмда бар" деген созүн угуп Аскат шок боло түштү.Улам-улам тамаша эмес экендигин сурап жатты.Бирок Веранын "Ишенбесең кел азыр,чогуу текшертип келебиз" деген жообу аргасыз ишенүүгө мажбур кылды.

Билдирүүнү түзөткөн: AMAH.: 27 Август 2014 - 12:08

[AMAH.]

Колум бошобой калып атат туугандар.Азыр эки саатка убакыт таба койуп эле кире калдым.Бутөт да бир күнү каякка шашыласыңар кызык

[AMAH.]

Аскаттын айласы кетти.Эгер чындап эле боюнда болгон болсо анда аны боюнан алдыртып кое албайт.Кудай алдында күнөөгө баткысы келбейт.Мейли сүйгөнүнөн айрылсын,мейли дини башка адам болсун эмне болгон күндө да бойдон алдыруу чоң күнөө экени талашсыз.Эки күн үйдөн чыкпай ойлонду.Назиктин, Азаматтын чалууларына да жооп бербей жатты.Бир чечим чыгарыш керек болчу.Анан Назикке дем алыш күнү бети-башын түздөп алып өтүп барды.
-Салам-деди Аскат суз гана.
-Салам,эмне маанайың жок?-деген Назик Аскатты суроолу карады.
-Назик?
-Оув
-Эки күн ойлондум,акыры айтууну туура көрдүм...
-Эмнени?-деген Назиктин жымшыйган коздөрү чоң болуп ачылып кетти.
-Сураныч,сөзүмдү бөлбөй тур-деди да Назикти өзүно тартып пешенесинен аяр өбүп койду.
-Макул...-деген Назик Аскаттын айткан сөздөрүн кунт кое угуп олтурду.Бирде көзү чоң ачыла,бирде кабагын бүркөй бир башкача болуп жатты.
-Мына ушундай шириним... Мени кечир...-деген Аскат жер карады.
-Ооба,дем алуу күнүм жакшы башталды...-деген Назик уккан сөздөргө дагы деле ишене албагандай күбүрөнүп алды да:
-Эгер чындап эле анын (Ал кыздан атын укса да анын атынан атагысы келбеди) сенден боюнда болуп калса,ал кыздын өзүнүн сенде көңулу болсо сен аны ушул акыбалда таштап койгонуң болбос Аскат... Билбейм ай,эмне дээримди билбей турам...
-А бизчи? Сенчи? Биздин алдыга койгон максаттарыбыз эмне болот Назик?
-Эмне болбок эле? Менин пешенеме да бирөөнү жазгандыр... Эми биз "Биз" эмеспиз.. Максаттарыбыз болсо-деп келе жатып бир аз ойлоно түштү да-Алар эми адашкан же жөн гана айтылып калган максаттарга айланат.
-Назик?! Антпечи? Көрөсүң го мен бир айласын кылам...
-Эмне боюнан алдырасыңбы? Мен ойлогом сени башка деп... Көрсө... көрсө-деп келатып ыйлап жиберди.Ыйын канчалык ичке катканы менен сыртка болбой эле атып чыгып кеткенсиди.
-Балким эч нерсе болбогондур Назик?...Айтпадымбы эсимде жок деп...
-Андай дебе Аскат? Кылаар ишти кылып койуп эми мынткениң сага такыр жарашпайт... -дегенде Аскаттын оозунан бир да сөз чыкпай калды.Туура айтат Назик.Ага коз агыткан,аны тымызын каалаган өзү эмей ким? Анын үстүнө бир төшөктө энеден туума жылаңач ойгонгон болсо.Түнү менен оюндагы ишин кылбай эшек такалады дейсиңби? Кызык,эмнеге эсиме эч нерсе келбей жатат? Мурда-кийин деле анча-мынча ичип жүрүп мынчалык эс-учунан кете мас болгон эмес элем го? деп ойлонуп жатты Аскат.
-Жакшы кал-деген Назиктин үнүнөн гана селт эте чочуп алды да аны карай:
-Сен кайда? Дагы качан жолугабыз?-деди
-Үйгө! Жолукпайбыз эми.... Кош бол-деди да артын карабаган бойдон кете берди.Аскат да анын артынан бара албай ошол турган жеринде кала берди.
Ошол жерде бир аз ойлонду да Азаматка чалды.Азамат шаардын башка жагында жумуштары менен жүргөнүн айтып кааласа ошол жакка келе берүүсүн билгизди.Илкий баскан Аскат элдер жыйкжыйма толгон метрого түштү да бир чекитти тиктеген бйодон Азамат жүргөн тарапка баратты.
-Эми эмне кыласың?-деди Азамат Аскаттын жанакы эле Назик менен болгон сөзүн угуп бүтүп.
-Билбейм...-деген Аскат ооз уучунан гана жооп берди.
-Кантип эле? Мен эч түшүнө албай турам дос... Кантип эле бир түндө боюна бүтүп калсын? Анын үстүнө мас болсоң... Анан дагы ал айтып жаткан кызың бир байдын кызы болсо сенден ага эмне керек?
-Билбейм...
-Ал менен жолуктуңбу озү?
-Жок...
-Жолугуп сүйлөшүп,аныгын бил да биринчи... Балким бул жерде бир сыр жаткандыр...
-Билбейм...
-Эов... Сенин бул билбеймиң менен эч нерсе бүтпөйт... Бир жолу эле тиги эч жакка ага албаган же бара албаган көлчүккө (Жолдун боюнда ар жерде кардан ээрип көлчүк болуп калган кардын эритиндилерин көргөздү) бир ордуңда олтура бербей кыймылдасаң дос...
-Эмне кылышты билбей калдым дос-деген Аскат Азаматты бечара адамдай карап койду.
-Азыр озүңдү колго аласың да тигиниңе (Орус кызды айтып жатат) чаласың.Анан ал менен жолугуп эмне болгонун дагы бир жолу аныктайсың.
-Айтты го өөткөндө эле "Баары болду" деп.
-Мен тиги боюна бүтүп калган сөз тууралуу айтып жатам дос.
-Ммм-деген Аскат дагы унчукпай олтуруп калды.
-Жүрчү мен сени менен барайын-деген Азамат бирөөгө чалды да "Жумушум чыгып калды өзүңөр бүтүрө бергиле" деп туруп жооп күтпөй эле телефонун өчүрүп Аскатты карап калды.
-Каякка?-деген Аскат досун түшүнө албай турду.
-Тигиниңе да.Көргөзчү мага ошонуңду.Кандай кыз болуп кетти экен сенин башыңды айланткан.
-Эч ким менин башымды айланткан жок-деген Аскаттын жини келип кетти.
-Аа болуптур болуптур... Сени жакшы көрүп калган деп койойунчу-деген Азамат жылмайып койду.

Билдирүүнү түзөткөн: AMAH.: 29 Август 2014 - 11:16

[AMAH.]

Аскат менен Азамат Веранын үйүнө келишти.Телефондо эле анын үйдө экенин уккандыктан Аскат Азаматты "Туруп тур,мен азыр" деп койуп түз эле үйүнө көтөрүлүп барды.Вера жалгыз эмес экен.Өзүнө окшогон үйүнө көп келчу курбусу бар экен жанында.Эч нерсе деле сурай албады.Курбусу Аскат менен таанышканча эч жакка кетпей олтуруп алды.Аскаттын кайдан болоорун сурады,үйлөнгөн- үйлөнбөгөнүн сурады.Бир сааттай олтургандан кийин Аскат башка күну келүүнү ойлонуп кетүүгө камаданып калганда тиги экөө да бир жакка бара жаткандыктарын айтып Аскат менен чогуу чыгышты.Чынында эле экөө үйдүн алдында турган Веранын машинасына олтурушту да бир жакка кетип калышты." Жеткизип коелубу?" деген алардын сунушун четке каккан бойдон Аскат эки жакты карап досун издеп жатты."Кетип калган окшойт" деп ойлоно баштаганда Азамат арттан келди.Азыркы экөөнүн кайсынысы экенин сурады.Кайсынысы экенин уккан соң эмне жөнүндө сүйлөшкөнүн сурады.Баарын укту да эч нерсе дебей эле Аскаттын жанында бара жатты.Аскат да ойлуу,Азамат да ойлуу.Аскат го мейли,Азаматтын эмнени ойлонуп жатканы Аскатка кызыгуу жаратпады.Ушул маалда Азаматтын эмне жөнүндо ойлонуп жатканы Аскаттын түшүно да кирбейт болчу.
-Азаматтын бул шаарда жүргөнүнө беш айдан өтүп калды.Эки айдай эч нерсе менен алектенбей жүрдү.Анан зээриге баштады.Бирге жашаган балдарга кошулуп түн ката кыргыздардын кафелерине барып жүрду.Кээ бир күндөрү кызыл-ала болуп мушташып үйгө келээр эле.Азамат үчүн мушташуу тулку бойго даары сыяктуудай. Кыргызстанда жүргөндө залга тынбай барып,түнкү клубдарда мушташып жүргөн болсо бул жерде андай моокумуң кана мушташа албайт экендигин билди.Себеби бир жолу полициянын убактылуу кармачу жеринде таң аткыча олтуруп чыккан эле.Эртеси гана кое беришти.Экинчи жолкусу Кыргызстанга кыстоо жолу менен кетирип жиберээрин айтып эскертип да өтүштү.Эми Азамат жалаң гана эле жок жерлерде гана мушташа алат.Эл бар жерде коркок адамдын кейпин киет да "тигиндейрээк баралы" деп жатып эл жок жерге ээрчитип келет.Жана эле Азаматтын түрүн көрүп шер болуп аткан адамдар он мүнөткө жетпей жер кучактап жатып калат.Ушинтип жүрүп өзүнчө топтолушуп жүргөн,эч жерде иштебеген кыргыз балдардан турган,өзүнчө банда болгон балдарга кошулуп калганын сезбей калды.Көбүнчөсү акча алып бербей жүргөн кыргыз эле балдардын артынан түшүп акча өндүрүп беришпесе козгө көрүнүктүү деле жумуш кылышпайт.Мына бүгүн да бир жумадан бери дарегин таппай жүргөн бирөөнү табышкан эле.Анын жумуштан чыгаар маалын күтүп ал иштеген жерди айланчыктап жүргөндө Аскат чалып калбадыбы.Ар дайым жумушу чыгып калганда каалаган убакта кетип кала алчу Азамат бул саам дагы кетип калды досу менен.Аскат үйгө кирип кетээри менен далдоораак жерге олтурду да күтүп олтура берди.Зээриккендиктен азыр жолугуп эрмектеп жүргөн кызына чалды.Бирөөсү менен сүйлөшүп бүтүп дагы бирөөсүнө чалды.Бир маалда Аскат эки орус кыз менен чыгып келди.Сүйлөшүп жатканын унутуп кое эле коштошпостон өчүрдү да тиги эки кыздын жүздөрүн телефонуна тартып алды.Азыр болсо ал экөөнүн артына түшүп Аскаттын ишин иликтеп көргүсү келди.Анын үстүнө жакында Кыргызстанга да кетип калышы мүмкүн.Аскаттын андай ишке барышына ишене албай койду.Ар дайым жети өлчоп бир кескен Аскат ошондой жеңил ойлуулукка алдырып койушу таң калыштуу эле."Менин эсимде жок" деген созүнөн кийин эле бир мандем бар экенин туйган болчу.Эртеси эле кечээ Аскат экөө келген жерге келип орус кыздын үйүн акмалап олтурду.Ал күнү аны көрө албады.Эртеси дагы жолуктура албай койду.Төрт күн дегенде үйүнөн чыгып бара жатканын көрдү.Машинасына олтурбай жөө жөнөгөңдүктөн артынан түштү.Бирок бир жерге келип жоготуп алды да үйүнө баса берди.Эртеси да ошол эле маалда келип дагы акмалап олтуруп калды.Бирок бул жолу ал кыз үйдөн телефондон бирөө менен жылмая сүйлөшө чыгып келди да машинасына олтуруп бир жакка кетип калды.Эки күндөн кийин жакынкы күндөрдө эле дос болгон бир баланын машинасы менен келди.Кечээкиге окшоп бүгүн да машинасында бир жакка бара жаткан машинанын артынан айдап илешип келе беришти,келе беришти.Бир жерге токтоду да жолдун боюнда турган кафеге кирип кетти.Эмне кылышын билбей бир аз ойлонуп олтуруп калган Азамат "Азыр чыгам" деп досуна айтты да машинадан чыгып жанакы кыз кирип кеткен кафеге кирип барды.Бир бурчта өзү акмалап жүргөн кыз жалгыз телефонун чукулап олтуруптур. Жанындагы бош столдордун бирине барып жайгашты да кофе заказ кылды.Он мүнөттөн өтүп-өтпөй жанындагы кызга дагы эки кыз келип кошулду.Телефонунун видеосун тамызды да калп эле бир нерсе көрүп жаткан адамдай болуп олтура берди.Кыздыр ар кандай ушактарды башкаларды көзгө илбей каткырып сүйлөшүп жатышты.Акыры озү акмалап келген кызга суроо узатып киришти.Орусчаны жакшы түшүнбөсө да алардын сөзүнөн Аскат бул үч кыздын спору экенин түшүнду.Көрсө тиги (Вераны айтып жатат) "Мен кааласам үйдөгү устамды да чаап алам,мейли орус эмес болсун,мейли негр болсун,мен деген оюмдагыны сөзсүз жүзөгө ашыра алган адаммын.Каааласам анын башын айлантып үйгө көчүрүп келип алам" деп мактанып койгон экен.Анда тиги эки курбусу "Колуңдан келбейт" деп намысына тийишип жатышып ортодо спор пайда болуп кетиптир.Укчу нерсесин укмак турсун видеого тартып алган Азамат үчүнчү жолу келген кофесин ичип бүттү да ордунан туруп тиги олтурган үч кыздын бет маңдайына келип "Аскат силерге оюнчук эмес спорлошкудай" деп туруп чыгып кетип калды.Үчөө Азаматты таң кала карай узатып кала беришти....

[AMAH.]

-Назик тур даярдан,азыр коноктор келет?-деген апасынын эрте мененки созү Назикти таттуу уйкудан ойготту.Келгенине бир айга жакындап калса да деги эле уйкуга канчудай эмес.Москвада күнү деле түнү деле жумуштар менен алек болуп жүрүп уйкудан калып калат болчу.Сатын караса эми сегиз болуптур.
-Апооов, коноктор да ушундай эрте келчү беле?-деди апасынан эркелей. Наркы бөлмөдө бир нерселерди кылып жүргөн апасы кайра Назик жаткан үйгө кирди да:
-Ботом үй-пүй жыйнаштырыш керекпи? Турчу ээля жата бербей.Мынтсең эриңен токмок жеп эле күнүң өтөт го-деди жылмая.
-Ооба сизге,ошон үчүн эрге тийгиче сизге эркелеп уктап-уктап алайын деп жатам да-деген Назик да күлүп койду.Назик менен апасы курбулардай сүйлөшүшөөр эле кээде.Азыр да ар нерселерди сүйлөшушө чай ичишти да үйлөрдү,короодогу нерселерди ирээттеп жыйнап жатышты.Негизи аларды чачкан деле адам жок.Ошентсе да аларды жерден ала кагып,ирээти менен койуп же башка жакка орун которуп жүрө беришти.Москвадан келгенден бери Назик ушул үйдү курчап турган короодон эч жакка чыга элек.Сырттан окуп жаткан университетине да баргысы жок.Ушул үйдө гана өзүнө эң жакын адамдар жашагандай. Ал эми бул үйдөн башка жердеги өзү тааныган,көңулү жакын адамдар жалаң гана өзүнөн бир нерсе тилеген,бир нерсе каалаган,же көңулүн оорутуп алдаган адамдар.Ошондо Аскат Назикке кылган ишин ачык айтканда бир жагынан ага ыраазы болсо бир жагынан ага капа болгон эле.Анын ошондой жеңил ойлуулугун билбептир.Кантип эле бир төшөктө жаткан адам андан наркысына барбасын?Деги эле сүйлөшкөн,сүйүшкөн кызы болуп туруп кантип кайдагы бир кыз менен чогуу олтуруп ичсин? Анан кылгылыкты кылып койуп "Менин эсимде жок" деп бетти сыйрып былтыйып олтуруп калсын? деген суроолорго дагы деле жооп таба албай келет.Кээде "Бекжандан качканым жашоодогу чоң жаңылыштыгым окшойт.Ал мындай ишке бармак эмес" деп өкүнүпда алчу болду.Ошол күндөн (Аскат экөөнүн акыркы сүйлөшкөн күндү айтып жатат) бир жумадай мурун апасы "Кызым жуучулар тынбай келип жатат.Баардыгын эле артка кайтара берсең да адамдар башкача ойлой баштайт экен.Биздин үйгө дагы бир мүчө кошуп атаң экөөбузду кубантсаң болмок" деген болчу.Аскатка капа болгон тейде эле үйгө келээри менен апасына чалды да "Апоов,биринчи эле келген жуучуларга макул боло бергиле,мен жакында барып калам" деп салганын озу да билбей калды.Эки күн үйдөн чыкпай ичтен сызып олтура берди да акыры үйдөгүлөргө кетип жатканын кабарлады.Назик үчүн эми бул жерде иштеш,жүрүш, жашаш кызыксыз болуп калган эле.Аскатты ал иши үчүн кечире да албайт болчу.Бир гана Аскатты сүйбөдү беле,ага гана жүрөгүнүн эшигин ачып берген эле го? Эмичи,эми... Абдурасул тез эле Кыргызстанга билет алып келе койду.Аскат экөө бир акыркы көрүшкөн күндөн бир жумадан кийин эле Назик Кыргызстанга кетчү аэропортто олтурду.Адатынча наушникте ырдап жаткан ырга көңүл бурбай эле ойлуу.Кыргызстанга тушөөру менен эле ошол эле жерден такси кармап айылга айдатты.Ата- энесин убара болуп тосуп албай эле койушун айткандыктан алар үйдө күтүп олтурушуптур. Мына ошентип Назик адатынча дагы качты.Мурдагысында башка себеп менен качкан болсо мунусунда таптакыр башка себеп менен качып олтурат.Деги эле дагы канча качат экен? "Биринчи эле келген жуучуларга макулдугун да бере салды.Кызынын бул кылыгына ата-энеси түшүнө албай турду.Бирок унчугушпады. Себеби Назик чет мамлекетте жүрүп келгендиктен булардын коздөрүнө чоң адамдардай, көптү көргөн адамдардай көрүнүп калган эле.Азыр болсо болочок күйөөсүнүн туугандары тойдун күнүн белгилөө,чыгымдары тууралуу жана башка нерселер тууралуу сүйлөшүш үчүн келет.Кубат бул дагы келеби же келбейби дайынсыз.Ошондо жуучу болуп келишкенде Кубат өзү машинаны айдап келген болчу.Аны шоопур бала деп эле Назик көңүл бурбаптыр.Бир топтон кийин гана апасынын айтуусу менен күйөө болчу бала ошол экенин билди.Толмочунан келген,ак жуумал жигит экенин гана байкады.Бир эки ооз сүйлөшкөнүн да билет.Бирок эмне жөнүндө сүйлөшкөнү эсинде жок.Себеби убакыт табылбай калгансып ошол маалда Аскат тууралуу ойлоп жаткан эле.Байкуш издеп убаралынып жатса керек Москвада.Эч кимге өзу жөнүндө эч нерсе айтпоону да тапшырышты унутпаган болчу.Бир гана сыр сактай албаган Наргизага ишенүү кыйын.Аскатты го билбейм бирок Азамат андан каалаган созүн угуп алышы талашсыз болчу...

Билдирүүнү түзөткөн: AMAH.: 29 Август 2014 - 12:07

[AMAH.]

Ооба күткөңдөй эле бул саам да Кубат машинасын айдап келди.Өөткөндө бир аз тайсалдап жакшы сүйлөй албай жаткан жигит бүгүн өзүнчө эле башкача.Ата- энелер үйдүн ичинде олтурушканда Кубат очок боюнда тамак кылып жүргөн Назикке келди.Ал акыбалды сурады.Бир эки жолу тамашаламыш болду.Бирок Назиктин жүзүно чын жүрөктөн жылмайуу такыр жолобой туруп алды.Эгер ушул эле тамашаны Аскат же Азамат айтканда ичин тырмай каткырмак.Бирок Назик калп эле күлүмүш болуп ишин жасай берди.Же мунусу нары үйгө киргидей түрү жок.Мактанчаак дагы экен.Кечээ машинасында бара жатып бирөө менен жол талаша кеткенинен бери айтып жатты.Кызык, Назикке алардын эмне кызыгы бар? Андан көрө Назикке каралашып жардам бербейби? Же,жок дегенде кайсы жерде окуурун,келечекте ким болгусу келгенин сурабайбы? Же эмне Назик тууралуу маалыматты алда качан алып болгонбу?..
-Той да белгиленди. Эки жумадан кийин боло турган тойго катуу даярдык башталды.Колунда бар адамдар окшойт Назикти үйдөн,ата-энесинин алдынан алып кете турган болушуптур. Назик өзү келгенде эле апасына берип койгон акчасы да кыз узатууга кетчү чыгымдын теңинен кобүн жабып калат экен.Апасы Назикке Кубаттын жакпай калганын туйса да унчукпады.Туура кылат,себеби Назиктин курагындагы кыздар алда-качан турмушка чыгып азыр бала жытын искеп калышты.Кайненеге кантип жагышты,кайсы жерде кандай кылып жүрүштү,кимди кантип атоону,кимге жүгүнүүнү деги эле койчу баардык ырым-жырымдарды, милдеттерин айтып жатты.Атасы болсо унчукпайт.Убакытты канчалык созбосун,канчалык анын өтүшүн каалабасын бир жума тез эле өтүп кетти.Шаардан эжеси да келишти.Эжеси ооз учунан Бекжан жөнүндө сурамыш болгону менен анчейин деле эч нерсе деген жок."Бул тагдыр сиңдим" дегенге гана жарады.Бирок Назиктин кайсы бир ойлору,кайсы бир каалоосу ушул тапта Аскатты көрүүгө,аны менен сүйлөшүүгө суусап жатты.Өзүн эч нерсе өспөгөн чөлдөгү адашып чыгып алган жапжалгыз кызыл гулдөй элестетип,ошол эле маалда бир күн келип баары бир куурап калышын сезген,ошентсе да асмандан жамгыр тилеген бир назик гүлдөй сезип жатты.Ошол эле жамгырга кошула жааган,өзүнө тийбесе да жанындагы нерселерге пайдасы же зыяны тийген Аскаттын достору Бекжанды,Азаматты да көргусү келип жатты.Аскат белек кылган күндөлүккө ар күнү кечинде олтуруп алып аны сагынганын, көргүсү келгенин,бирок аягында ага сөссүз капа экенин унутпай жазып жүрду.Мына үч күн калды.Бугүн базарга барып кийим-кечек кылып келишти.Башкаларчасынан үйгө келе калып эле бирден кийип чыкпай көңул кош гана кырын чыгара бүктөп туруп жакында өзү менен кетчү сумкага салып койду.Дагы бир күн өттү.Атасы-апасы күндө кечки тамактын үстүндө кудагыйлар менен телефондо сүйлөшүп тойдогу ыкыр-чыкырлар жөнүндө сурап тактагандан тажашкан жок.Бул үйдөгү баардык адамдар жакында болчу Назиктин тоюна кубанып жатса,ошол тойдун күнөөкөрү,башкы каармандарын бири Назик гана кубана албай койду.Тойго мүнөт,саат,күн жакындаган сайын Аскатка таарынып шашылыш чечим чыгарып алганын сезди.Бирок эми баары кеч эле.Кайра келген жагына кетип калып ата-энесинин жуздөрүнө көө сыйпагысы келбеди.Дагы бир күн өттү.Бул түнү уктабай таң атырды.Эрмеги жаздыгынын астындагы күндөлүгу.Жакында бул күндөлүк менен да кошошоорун сезип аны аяп жатты.Анча-мынча ал менен сүйлөшүп да коер эле.Мынакей эртеси той.Түнү менен уктабаганга Назик бүгүн ныксырап өзүнчө эле башкача болуп жүрдү.Атасы, апасы,эжеси да Назикке бул күну тийишпеди.Анын акыркы күн бул үйдүн мүчөсү болуп жаткандыгына белек кылгандай Назик эмнени кармабасын, эмнеге колун тийгизбесин аны аяп,аны кастарлап,анын бүгүн эч кандай жумуш кылбоосун кайталап айтып жатышты.Назиктин ыйлагысы келди.Мына эртеге эле озүнүн жан апасына каалагаганда эркелей албай калат.Эжеси менен ушакташа албайт.Чоочун эле бир аялды апа деп,чоочун эле эркекти ата деп үйрөнүүгө мажбур болот.Ушуларды ойлоп кыжаалат болуп жаткан Назик биринчи жолу кыз киши болуп төрөлүп калганына өкүнүп алды.Эркек адам болгон кандай сонун.Чоочун үйгө барбайсың,барсаң да ал жакта көпкө жүрбөй каалаганда баса берсең болот.Алам деген кызды эч кандай сүйүүсү,жолугуп сыр бөлүшүп көңүл алуусу жок эле жуучу жөнөтүп өзүңдүн жарың кылып алууга мүмкүнчүлүгүң бар... Кеч да кирди.Мына эртеге бул маалда Кубаттын жанында олтурган болот.Анын эртеси анын жанында ойгонот.... Ушуларды ойлоп жатканда сырттан Жолборстун (Итинин аты) үргөнү угулуп калды.Атасы менен апасы бир жакка конокко кетишкен болчу.Эжесинин да чыгып койойун деген ою жок.Бүгүн шаардан келген жездесине эркелей адатынча сериалын көрүп жатса керек.Жолборстун да жаагы басылчудай эмес.Жылуу кийинип алып сыртка абайлай чыкты.Коргондун наркы бетинде кандайдыр бир жарык козгө урунду.Машинаны жарыгыбы же фонариктен чыккан жарыкпы? деген Назик бутуна илешкен калошту (апасыныкы) илип алып дарбазага жакын басып келди.Үн чыгарбай келе жатканда өзүн Жолборсу көрө койуп эркелей куйругун шыйпаңдата калды да кайра эле үрүп кирди сыртты карап алып.Адамдардын күбүр-шыбыр үндөрү кээде угулуп жаткандыктан "Эртеңки тойго алыстан келген адамдар окшойт" деген кыязда дарбазаны этият кыла ачты да:
-Кимсиздер?- деди.Он кадамдай алысыраак жерде машинанын жанында күбүрөшүп сүйлөшүп жаткан караандардын кыймылдары менен кошо эле үндөру ды тып токтоп калды.Бир караан жанындагылардан бөлүнүп бери басты.Назик үрүп жаткан итин тынчтандыра аны жонунан аяр сыйлай үрбөөсүн буюура cүйлөй озүнө келе жаткан караанды карап калды.
-Назик?-деди жакыныраак келген тиги караан.

[AMAH.]

Үнүн башкача кылып айткан ченде дагы "Назик?" деп башкача кылып чакырган бул үн кимге таандык экенин жазбай таанымак.Эмне мынча кеч? Деги эле эмне максат менен келди экен? деп ойлоп алган Назик сүйүнгөнүн же таң калганын озу да ажырата албай:
-Оув-деди үнүн токтоо чыгарганга аракет кыла.
-Кандайсың ширин кыз?-деди эч нерсе болбогондой, экөөнүн ортосунда эч кандай тарынуу,ажырашуу болбогондой.
-Жаман эмес.... Сен кайдан?
-Мен... Мен сага келдим Назик.. Мен... мага...
-Эми баары кеч Аскат...-деди Назик анын созүн бөлө.
-Билем. .. уктум Назик! Бирок мен үчүн дагы деле кеч эмес эгер билсең.Сураныч мага баарын түшүндүрүүгө убакыт бер.Болгону беш гана мүнөт жетиштүү...
-Аскат? -деген Назик анын сөзүн уккусу келбегендей жактырбагандай сүйлөдү.
-Акыркы суранычым болсун... Четке кага көрбө.. Мен ишенем,менин созүмдү уканыңдан кийин мен жөнүндө оюң өзгөрүүлөрүнө. Балким сага да эч нерсе кеч эместигин ойлоноорсуң. ..-деген Аскат жан алы калбай сүйлөп жатты.Ушул үндүн ээси,ушул турпаттын ээси озүнүн өмүрлүк жары болушун канча убак тилеп,эңседи эле? Деги эле эртеңден кийин бул адамды көро алабы? Мүмкүн бүгүнкү жолугушуу акыркы жолкусудур. .. деген Назик акыры Аскатты угууга уруксат берди.
-Макул, бирок беш гана мүнөт...
-Жетишет! -деген Аскаттын жаш балача сүйүнүп алганы үнүнон билинип турду.
-Кулагым сенде Аскат,кошуна колоң көрүп калса сөз болоорумду унутпа....
-Ааа кечир,кечир. .. Жүр тиги машинага...
-Ал жакта эмне бар?-деп чочулай тушкөн Назиктин оюна жаман ойлор келип кетти."Эмне той үстүнөн алып качып кетүүгө келдиби? Жооок,жок Аскат мынчалык акылсыз эмес да" деп өзүнүн коркуу сезимдерин кайра өзу сооротуп жатты.
-Назик коркпо,ишен, ошол жерде тушүндүрүү тез жана ыңгайлуу болот...
-Макул- деген Назик эки жагын каранып алды да Аскатты карай машина тарапка басты.Жакын келгенде ичинен бирөөсү чыкты.
-Салам Назик? Кандайсың?-деген Азаматтын адаттагы шандуу үнү Назикти ого бетер таң калтыртты.Бирок үчүнчү караан сыртка чыкпады.Анын ким экени Назиктин оюна да келген жок.Азамат менен кош көңүл саламдашты да Аскатты карап калды.Жолдун наркы жак,берки жагын тынчсыздана карап жаткан Назикти түшүнгөндөй Азамат чөнтөгүнөн телефонун алып чыкты да ошндогу тартып алган видеону койуп берди.Баарын эми түшүнгөн Назиктин сүйүнгөнүн айтпа.Аскатты кучактап жибергенин билбей да калды.Бирок "Бирок?" деген ой Назиктин оюн жеп кирди.Эми эмне кылат? Жок дегенде бир жума мурун келсе болбойт беле? Ансыз деле Кубатка өмүрлүк жар болушун элестете албай жаткан Назиктин айласы куруду.Аскат болсо баарына коз жумуп "Жүр мени менен,эртеге алыыс жакта,башка өлкөдө болобуз.Ата- энең бир күн болбосо бир күн кечирет.Назик сени түбөлүк бактылуу кыла алаарыма ишенем" деп жатып Назикти үйдөн сууруп чыкты.Назик эмне кылып жатканын бул маалда тушүнүүгө кудурети жетпеди." Мен дагы бактылуу болууга умтулганга укуктуумун" деген оздү гана девиз катары колдонуп бара жатты машинанын артында Аскатты кучактай.Айылдан бир топ узап калганда гана машинаны айдап бара жаткан адамдын кыймылы көзгө жылуу учурай баштады.Ооба, бул Бекжан эле.Ичинде болгон ызаны,таарынычты, ошол эле маалда Назикке болгон махабатты сыртка чыгара албай бара жаткан болчу.Азамат менен Аскаттын эки күн мурун жумуштан кайтып келген өзүн убагында бирге жашаган үйүнүн алдынан тосуп алганы өтө чоң жаңылык болду.Бир аз кубана алар ал акыбалды сураша сүйлөшкөн Бекжан Назик тууралуу укканда озүн коерго жер таппай калды.Унчукпай угуп олтурганы менен ичиндеги дүйнөсү алоолонуп өрттөнүп күйүп жатты.Эми гана бул кызды унутуп жакында түбөлүк жар болуучу кызы жөнүндө ойлоп баштаганда бул экөөнүн өзүлөрү менен эле кошо ала келген жаңылыгы Бекжанга оор тийди.Бирок бул тандоо Назиктин өзүнүн тандоосу экенин түшүнгөн соң аргасыз өзүн тынчтандырганга туура келди...

Билдирүүнү түзөткөн: AMAH.: 30 Август 2014 - 00:40

[AMAH.]

Арадан эки жыл өттү.Бул убакта Бекжан үйлөнүп бир кыздан атасы болгонго жетишти.Сүйлөшүп жүрүп эле алган келинчегинен кээде баары бир Назиктин кыймылдарын, күлкүсүн издеп калаар эле.Бир банктын башчысынын жардамчысына чейин көтөрүлдү.Анын бул жетишкендиктери бир гана өзүнүн тактыгынын, жоопкерчилигинин акыбети.Ал эми Азамат болсо борборго келип өзү убагында өмүрүн сактап калган Жаныбектин кайнатасына жан сакчы болуп иштеп калды.Мурдагыдай кыздарды тез-тез алмаштырганын дагы деле тыя элек.Кимди тартып калганын өзу да түшүнбөйт.Атасынын "үйлөнбөйсүңбү? " деген адаттагы созүнөн качып айылга бара элегине да көп болду.Деги эле үйлөнгүсү жок.Уч айдай машыгуулардан өтүп,экзамен да тапшырды.Булар жөн гана башкалардын алдынан өтүү гана экендиги болгондуктан Аскат бул машыгууларда эч нерсе деле үйрөнбөдү.Бекжандын үйлөнүу тоюнда жакын досу да болуп чыгып берди.Аскатты чыгасың деп туруп алган Бекжанга Аскат макулдугун берди да атайы Москвадан кечигип келди.Азамат экөө телефондон алдын ала сүйлөшкөндөй Азаматты аргасыз чыгарганга туура келди.Себеби Бекжандын тойго чыкчу жоро-жолдошторунан жумушта чогуу иштеген үч-төрт бала анан Аскат менен Азамат гана бар экен.Аскат тойго бир аз кечигип келгени менен Бекжандын кубанычында чек жок эле.Ким билет балким өз тоюна Назикти ээрчитпей өзү келгенине кубангандыр. Бекжанды түшүнүү акыркы күндөрү кыйын боло баштаган болчу.Бирок Азамат канчалык аракет кылбасын,канчалык Бекжан менен мурдагы мамилени өз калыбына келтирүүгө болгон дитин койбосун бирок баары бир экөөнүн ортосундагы ажырым бүтөлбөй койду.Аскат менен Назик болсо кайра эле Москвага келип бирге жашап калышты.Назик ата-энеси менен бир канча убакыт сүйлөшө албай жүрдү.Ананчы, ата-энесинин, бир туугандарынын эл караган бетин жер каратпадыбы. Ошондогу "Ата,апа мени кечиргиле" деген каты эч нерсени тушүндүрө алган эмес.Бирок эне жүрөгү кызына узаккка деле капа боло албады.Бир гана атасы дагы деле сүйлөшпөй жүрөт.Бирок ошондо туура чечим кылганына Назик дагы деле ишенет.Себеби Аскаттын өзүнө жасаган мамилеси эч нерсеге теңегис эле.Эмне Бекжан ушундай камкор,боорукер боло алмакпы? Жок,Бекжан камкор,жоош, токтоо болгону менен муздак адам.Жан дүйнөсү бай болгону менен аны сыртка оңойлук менен сыртка чыгара албаган өзүмчүл адам.Ал эми Кубатчы?...
Мынакей жакында той.Эки сүйүшкөндөрдүн үйлөнүү үлпөт тойу.Бири-бирине кыйынчылык менен,күтүү менен,чыдамкайлык менен жеткен эки жаштын тойу.Өз канынан жаралган кызы эмеспи,атасы да Назикти кечиргенине аз эле болду.Аскат Назиктен алдын келип эки досуна жолукканы менен той тууралуу ачыгын айтпады.Себеби биринчи даярданыш керек эле.Аз убакыт өтпөй Назик да келди.Тойду атайы Назиктин туулган күнүнө белгилешти. Экөө олтуруп алып өзүнүн жакын адамдарына чакыруу кат жазышты." Жөн эле жазып койуу эле жетиштүү" деген Аскаттын кенебес созүнө ийибей анын Бекжан менен Азаматка атайы чалуусун да айтып бет маңдайында карап олтуруп алды.Өзгөчө көптөн бери көрө элек Бекжанды көрө электигин айтып анын сөссүз келүүсүн каалады.Анын жубайы менен таанышкысы келди.Интернеттеги анын баракчасындагы сүрөттөрун көргөнү менен ал менен жакын олтуруп сүйлөшүү,сыр бөлүшүү башкача эле.Назик күз башталаары менен окуусун улантаарын да пландап койду.Себеби кызына катуу таарынган атасы Назиктин окуусунан да кабар албай койуптур... Экөөнүн бири-бирине болгон махабаты,кумары такыр эле түгөнбөчүдөй бири-бирине болгон коз караштары дагы деле өзгөчөлүгүн жоготпой келет.Айтмакчы Аскат ушул эки жыл аралыгында Назиктин кыздык намысына кол тийгизбеди. Керек болсо соз да кылбады.Күндүгө кучактап жатып да кантип чыдады,кантип өзүнүн каалоосун башкара алды бул Назик үчүн табышмак бойдон кала берди....



АЯГЫ! !!

[AMAH.]

Урматтуу чыдамы жок жана чыдамдуу окурмандар! Кээ бир жерлерин окшоштура албагандырмын, аны мойнума алам.Бирок ошентсе да колдон келишинче жазганга аракет кылдым.Бир убакта төрт мүнөздүү төрт адамдын жашоосун бир убакта алып кетиш өтөөө кыйын экенин түшүндүм.Ал үчүн үч достун ар бирин элестетип жазганга туура келди.Уйкудан калып жазган күндөрүм да болду.Бирок кыздын (Назиктин) образын таптакыр эле ача албай койдум.Кыз кишинин образын эркек болуп туруп толугу менен ачып бериш кыйын экен чынында.Ошон үчүн окшошпой же адашып жазып алган жерлерин өзүңүздөр тууралап окуп койууңарды суранам.


Байкасаңар керек аягын кыскартып салганымды. Ззэригип да кеттим,тупикке да камалып калдым.Анан кээ бир коменттер да себеп болду.

[Altyndai]

Рахмат сизге! Сонун чыгарма экен, калеминиз курчуй берсин!

[talant.elmira]

Сонун чыгарма экен. Аягына чыгарганынар учун рахмат.

[Dinakg]

Аман рахмат сага,мындан да жакшы чыгармаларды кутобуз.

[danik0101]

Рахмат брат калемин курчуй берсин! Сонун чыгарма кимдир бироонун жашоосунан алынган эмесби?

[PAXMAT]

danik0101 (30 Август 2014 - 13:25) жазган:

Рахмат брат калемин курчуй берсин! Сонун чыгарма кимдир бироонун жашоосунан алынган эмесби?

Жок алынган эмес.Алынбаганы үчүн жазып бүтүш кыйынга туруп калды.Эми жазсам бирөөнүн турмушунан алып алымча-кошулмалары менен жазам буюрса.

[Batken]

Aftorgo yraazychylyk!Dagy chygarmalarynyzdy kutobuz.

[Nariste...12]

Рахмат автор сонун чыгарма экен.
Калемин курчуй берсин, мындан да сонун чыгармаларды жазышына тилектешмин.
Ийгилик!