[Milana.]

Даярланып кирейин анан айтып берем ээ

[Lipton]

Кичинекей баланы магазинден салафан алып
кел деп жиберет бала магазинге барып
салафанга тили келбей фалафан берип
койунузчу дейт ал емне деп магазинчи
тушунбой кайра сурайт фалафан берип
койунузчу деп тажатат магазинчи жини
келип ей кетчи бар азыр тилинди мык менен
кагып салам деп кууп чыгат бала бир аздан
кийин кайра келет да байке мык барбы дейт
жок десе анда фалафан берип койозбу деген
екен

[askat2501]

-кайсы тамганы корсотуп жатам
-а сиз каерде турасыз

[Bek94]

Жакшы жакшы.

[Feijipiao]

Чоко машинелерди текшерип, постто дүжүр эле. Түн бир оокумда машине пипилдеп калды. Кызуу уйкусунун бузулганына нааразы болуп, Чоко ачуулуу чыкты. "Күндүзү өтсө өлөт бекен эми". Караса отун жүктөгөн машине, үстүндө отундун ээси болсо керек, бир караан соксоёт. Чоко тааныбайт экен - ал Айтпай деген жигит болчу.

- Кимсиң, эй?

- Айтпаймын.

- "Кимсиң" деп жатам?

- Айтпаймын дейм, тосмоңду аччы бачым, тоңуп калмай болдук.

- Акыркы жолу сурайм, чыныңды айтчы, кимсиң?

- Эмне эле тергөөчүдөй такыйсың? Айтпаймын дедим го. Чоконун андан бетер ачуусу келди, анан:

- Неге эле мынча жалынам, айтпасаң өлүп кет, - деп көөмүтүнө кирип кетиптир.

[Feijipiao]

Чоко автобус айдап жүргөндө бирөө өлүп, ошол тажыяга адамдарды алып барат. Барар жерге жетип адамдар түшкөн соң, автобустун эшиктерин жаап, кулпулап чыкканча адамдар өкүрүп, үйгө кирип кеткен болот. Жалгыз калган Чоко эмне деп өкүрөөрүн билбей калат. Себеби, ал эркек же аял, бала же кыз экенин сурап да алган эмес экен. Ойлонуп турууга убакыт жок, тобокел деп Чоко да өңгүрөп жөнөдү:

- Гражданин, ой, гражданин! ..

[Bek94]

Анча эмес.

[Feijipiao]

Анда Чоко айдоочу. Машинесин айдап шашып баратып, төрт көчөнүн кесилишиндеги чоң айлампага жакындаганда ал жак, бул жагын караса МАИ көрүнбөйт. Айлампасын айланып жүрөмбү деп, жакын жагына - солго буруп жиберет. Аңгычакты асмандан түшө калгансып, нары жактан МАИ токтотуп, тартип бузгандыгы үчүн жазаламак болот. Анда Чоко:

- Ой, аябай шашып бараткандыгыман билип туруп эле ушундай салып жибербедимби. Кечирип коюңуз, эмдигисинде оң жагы менен эки тегеренип коём, - дейт имиш.

[Feijipiao]

Аялы наалып жатат дейт:

- Байкабастыгым- ай, ушу сени кыйраткан эр болот деп тийген менде мээ жок!

- Ошону айтпайсыңбы, асылым. Мен да сени сүйүп калып, эсимди жоготуп,

мээңдин бар экенин, же жок экенин байкабай алганымды карачы,-деп алаканын шак койгон экен үнүн армандуу чыгарып күйөөсү.

[Feijipiao]

Базардын четинде бирөө бир терини булгалап кыйкырып жатат дейт:

- Норка, норка сатам, алгыла, норка сатам, алгыла...

- Ой, мунуң норка эмес эле иттин териси го?

- Итимдин аты Норка болчу да!

[Feijipiao]

Адвокат мырза, мен күйөөм менен ажырашкым келет. Төрт жыл бирге жашаптырбыз, ал эми ал болсо бул жылдары мага болгону төрт гана сөз айтыптыр...

- Та-ак, бийкеч, силердин балаңар барбы?

- Ооба, төртөө...

[Feijipiao]

Аялы күйөөсүнө кыйкырат:

- Сени менен бирге жашоого таптакыр болбой калды.

- Анда дароо энеңе жөнөгүн!

- Анын өлгөнүн сен билесиң да.

- Албетте, билем!..

[Feijipiao]

Күмүш тойдо күйөөсү аялына кайрылып, өткөндөгү жаңылыштыгын мойнуна алып жатпайбы:

- А сен билесиңби, кымбаттуум, биздин баш кошконубуз каталыктын кесепетинен болуптур.

- Кантип? - деди аялы таң калып.

- Ооба, ошондой. Мен ошондо таксини токтотуш үчүн ышкырсам, сен келип калбадыңбы. ..

[Feijipiao]

Ай, даяр болдуңбу? - деп кыйкырды дарбазанын жанында турган күйөөсү. - Болбойсуңбу, кечигип жатабыз.

- Деги кандай аңкоосуң! - деп кыйкырды ичкериден аялы. - Бир

саатча болду го сага айтканыма, эки мүнөттөн кийин эле даяр болом деп. Кандай түшүнбөгөн тажаткыр немесиң!

[Feijipiao]

Эшиктен шашып келген күйөөсү аялына ачууланды:

- Мындай иш сенин гана колуңан келет. Биздин балабыз канчанчы класста окуурун айтпай туруп да ата-энелер чогулушуна жибересиңби! ..

[Feijipiao]

АЙТБҮ: - Ай, Кантбү, кандай?

КАНТБҮ: - Апей, сен белең, Айтбү? Жакшы. Ай, бирок Кантбү дегениң жаман угулат экен, азыр менин атым Кантбү эмес, Катя болгон.

АЙТБҮ : - Ий, мендей болгон турбайсыңбы. Менин атым азыр Аня.

КАНТБҮ: - Уккам, Анечка, уккам. Өзүңдүн иштериң кандай?

АЙТБҮ: - Биздики качан жаман болчу эле. Во да!.. (бармагын көрсөтөт).

КАНТБҮ: - Ай-ий, көрүшпөгөнүбүзгө көп жыл болгон экен. Сен аябай өзгөрүптүрсүң.

АЙТБҮ: - Сен дагы бир топ өзгөрүптүрсүң.

КАНТБҮ: - Жаңылыктардан сүйлө. Кайда иштеп жатасың?

АЙТБҮ: - Убактынча эч жерде иштебейм. А өзүңчү?

КАНТБҮ: - Иштегенде эмне, айлык өзүнөн өзү жүрүп жатса.

АЙТБҮ: - Ал кандай айлык? Канча айлык аласың?

КАНТБҮ: - Үч миңге чамалап барат.

АЙТБҮ: - Ой-боо-ой. Эмне, министр болуп кеткенсиңби?

КАНТБҮ: - Министриң эле жыргап кетиппи? Алты жерден алимент алам.

АЙТБҮ: - Ай-ий, деги сен, Катя, башынан эле бактылуусуң. Мен куурадым. Алиментим аз. Бар болгону эки эле жерден алам. Сеники тим эле жыргал тура, үч миң сом не деген акча!..

КАНТБҮ: - Деги ушу алиментти ким чыгарса да, жакшы чыгарган! ..

АЙТБҮ: - Эх, сонун да, сонун!.. Бактылуусуң, Катюша, бактылуусуң. Мен дагы алиментимди сеникине жеткирсем...

КАНТБҮ: - Аракет кылсаң - берекет. Жакшылап аракет кыл да...

АЙТБҮ: - Аракет кылып эле жаткансыйм. Бирок, жарыбай койдум. Мен да сенчилеп үч миң сомго көтөрүп алсам, ханга салам бербейт элем.

КАНТБҮ: - Меники да анча-мынча өп-чап болуп турат. Береги коңшу айылдагы Жакып аялын кетириптир. Ошого тийип алсамбы деп баратам, айлыгы дурус дешет. Анан андан да алимент алсам...

АЙТБҮ: - Катюша, а балдарың кантет? Аларга каралашаар кишиң барбы?

КАНТБҮ: - Ошол да кеппи? Балдарды энем багат. Эне байкуш кыйын тура, баарына түтөт, тууп берип турганыма эле ыраазы.

АЙТБҮ: - Меники деле ошо. Энелерибиз бар, багыбыз бар.

КАНТБҮ: - Кой, мен кеттим, Жакып дагы бирөөнө үйлөнө салса, кур калбайын.

АЙТБҮ: - Мени ээрчите барчы.

КАНТБҮ: - Эмнеге?

АЙТБҮ: - Кокус, сени албайм десе, мени алып калгысы бардыр?..

КАНТБҮ: - Анда мейлиң, жүр. (Кетишет).

[Feijipiao]

Киши өтүүчү жайдан зуулдап токтоосуз өтүп жаткан автоунаалар бир заматта эле тартипке кире калышып "өтүңүз, өтүңүз" деп колдору менен булгалап, адамдарды өткөрүп калышат. Аларга таң калган бирөө сурайт:

- Эмне эле мынча маданияттуу болуп кеттиңер?

- Кайдагы маданият, тиги

МАИшник безирейип келип калбаганда силерге маданиятты көрсөтөр элем,- деп ай-доочу күбүрөп ызырыныптыр.

[Feijipiao]

Бир күнү СССРдин генералдык секретары Л.И. Брежнев Өзбекстандын партия жетекчиси Рашидовдон сурап калат:

- Силер, өзбектер, качан космоско учасыңар?

- Базар ачылса эле, эртеси учабыз, - деп жооп берген экен.

[Bek94]

Анектодту оюнардан чыгарган жакшы.

[Feijipiao]

Менин аялым да сеникиндей …

Караңгыда үйүнө шашып келе жаткан адамдын карп-курп алдын бирөө тосот:

- Жан керекпи, же капчык керекпи, тез айта сал?

- Албетте, жан керек, урматтуу каракчым, бирок аялым акчасы жок барсам баары бир жанымды сууруп алат…

- Менин аялым да так сеникиндей, болбосо жыргаганымдан каракчы болуп жүрүптүрмүнбү, эмне кыл дейсиң эми? - деп шаштырат дейт.