Кайсы автомобиль мыкты?

Азыркы заманда унаа үйдөн кийинки эле орунда турган материалдык зарылчылыкка айланды. Кандай шартта болбосун, каалаган
жериңе жеткирген унаалар чыккан тегине карата көп түрлөргө бөлүнөт. Ал эми анын тегин аныктаган логотиптер жөн гана белги
эмес, анда терең сыр жатат. Эмесе, айдап жүргөн унааңыздын тарыхына кайрылып ал тууралуу билип алыңыз.
Унаа чыгаруучу япондун “Хонда” компаниясынын негиздөөчүсү - инженер Соитиро Хонда. Ал 1946-жылы
Хонданы техникалык изилдөө институтун ачып, ал институттун ичинде алгач мопед жана чакан моторлорду
жасап баштаган. Ал унаанын маркасында өзүнүн атынын баш тамгасы турууну каалап, “Н” деп койгон.
«Хонда» компаниясы жеңил унааларды, мотоцикл жана ар кандай техникаларды чыгарат. Аталган компаниянын башкы штабы
Токиодо жайгашкан.
1913-жылы Мюнхенде Карл Рапп менен Густав Отто авиамоторлорду жасоочу чакан фирма ачышат. Бул фирмага
Биринчи дүйнөлүк согуш башталганда аябай көп буйрутма бериле баштайт. Мындан улам фирманын ээлери Bayerische
Motoren Werke (Бавариянын мотор заводу) - BMW деген аталыштагы авиамотор чыгаруучу завод ачышып, ал 1917-
жылы каттоодон өтөт. Согуш бүткөндө немистерге авиамотор чыгарганга тыюу салынып, жыйынтыгында эки дос
мотоцикл чыгарууга, андан кийин автоунаа чыгарууга өтүшөт. BMWнын биринчи унаасы 1928-жылы чыккан.
Түштүк Кореянын «Hyundai Motor» компаниясы 1967-жылы негизделген. “Hyundai» сөзүн которгондо
“заманбап”, “жаңы заман” деген түшүнүктү берет. Эмблемасындагы белги эки инсандын кол алышып турганын
чагылдырып турат. Бул “кардар менен болгон байланыш, достук жана эки тарапка тең пайда алып келет”
дегенди түшүндүрөт. Аталган компаниянын башкы штабы Сеулда жайгашкан.
Япониянын «Ниссан Мотор» компаниясынын негизделген жылы 1933-жылдын 26-декабры деп көрсөтүлгөн. Бул
компания жеңил, жүк ташуучу жана автобустарды чыгарат. Мындан тышкары спорттук кайыктарды, спутник менен
байланыштарды жана башка техникалар менен муктаждарды камсыз кылат. Ал эми эмблемасына токтоло турган
болсок, чыгып турган күнгө фирманын аты жазылган.
Япониянын “Toyota” унааларды чыгаруучу компаниясы - дүйнөдөгү ири компаниялардын бири. Аталган компания
1935-жылы текстиль станокторун чыгаруучу заводун ишке киргизип, аны негиздөөчүнүн улуу баласы Сакичи
Тойода жетектеп баштаган. Ал Америкадан чыккан унаалардын үлгүсүндө жеңил жана жүк ташуучу унааларды
чыгарып баштайт. Чыгарган унаалардын атын өзүнүн фамилиясынан Тойота деп атаган. Эмблемасындагы эки
сүйрү тегеректин кесилиши “айдоочу менен унаанын жүрөгү биригип бир дем менен иштейт” дегенди туюнтат.
Дагы бир мааниси – чексиздикти билдирген бул белги менен негиздөөчүлөр “корпорациянын келечеги кенен” деген сөздү
айткылары келген.
Япониянын жеңил унааларды чыгаруучу «Лексус» компаниясы “Toyota Motors” корпорациясынан бөлүнүп
чыккан. Андагы учу кайрылып турган “L” деген белги “жасалгасы жагынан эч нерсеге муктаж эмес” дегенди
түшүндүрөт. Lexus LS400 унаасы сырткы көрүнүшү боюнча эч жери Япониядан чыккан унааларга окшош эмес.
Себеби бул унаа атайын АКШнын стилине ылайыкташтырылып жасалган.
«Мерседес-Бенц» деген аталыштагы немис компаниясы жеңил, жүк ташуучу, автобус баш болгон техникалык
керектөөлөрдү чыгарат. Ал 1926-жылы негизделген жана анын алгачкы аты «Даймлер-Бенц» деп аталып, ал
кийин «Мерседес-Бенц» болуп өзгөргөн. Себеби аталган компанияны негиздеген Готлиб Даймлер 1900-жылы
каза болуп, анын ишин баласы Пауль жана Готлибдин эң жакын жардамчысы Вильгельм Майбах уланта
баштаган. Майбах ошол эле жылы жаңы үлгүдөгү унааны чыгарып, анын атын аталган компаниянын энчилеши
Эмиль Еллинектин кызынын атынан Мерседес деп атаган. Ошол жылдан баштап унаалардын эмблемасы «Даймлер-Бенц» эмес,
«Мерседес-Бенц» деген аталыш менен чыга баштаган. Mercedes-Benz жазуусунун үстүндөгү үч жылдыздуу эмблема “бул
компания абада, деңизде жана кургакта жүрө турган транспорт каражаттарын чыгарат” дегенди түшүндүрөт.
Белгилүү немис конструктору Фердинанд Порше 1934-жылы дүйнөгө белгилүү “Porsche AG” компаниясын негиздеген.
Ал компанияны ачкан жылы Германия өкмөтүнөн жеңил унааларды чыгаруу боюнча буйрук алып буйрутмаларды
аткара баштайт. Чыккан жеңил автомобилдерге «Фольксваген» деген ат беришкен. Бул сөздү кыргызча которгондо
“элдик автоунаа” дегенди түшүндүрөт. Ал “Volkswagen” жазуусунун кыска аталышын W, V тамгалары аркылуу
түшүндүрүүнү туура көргөн. Учурда бул компания жеңил унаадан тарта жүк ташуучу жана чакан унааларды дагы чыгарып келет.

Суперстан: Кайсы автомобиль мыкты? - Суперстан

Кайсы автомобиль мыкты?

#281 KARL-MARKS 11 Август 2015 - 15:11

#282 kg_salim 16 Август 2015 - 15:27

#283 medina. 08 Сентябрь 2015 - 00:23

#284 toha 15 Сентябрь 2015 - 22:38

#285 adidas.08 15 Сентябрь 2015 - 23:36

#286 Nurmatova 15 Сентябрь 2015 - 23:40

#287 Nurmatova 15 Сентябрь 2015 - 23:42

#288 atai9292 15 Сентябрь 2015 - 23:50

#289 Adiee 17 Сентябрь 2015 - 10:13

#290 sekret94 18 Сентябрь 2015 - 00:40

#291 Oceana 19 Сентябрь 2015 - 15:01

#292 aytkulova 19 Сентябрь 2015 - 16:40

#293 killer-star 19 Сентябрь 2015 - 22:21

#294 killer-star 19 Сентябрь 2015 - 23:50

#295 mister.kantemir 20 Сентябрь 2015 - 00:04

#296 Adiee 20 Сентябрь 2015 - 18:51

#297 Gulnazz93 20 Сентябрь 2015 - 19:30

#298 sekret94 21 Сентябрь 2015 - 02:41

#299 akyn-jurogu 21 Сентябрь 2015 - 20:30

#300 Kaple 21 Сентябрь 2015 - 20:47