[AZIK01]

.

Ие, ушул "Ойнош" дегендин ордуна, ошол аялды никесине эле алып албайбы!?
Жок дегенде, Аллах Таала алдында тазараак болмок. Аялы кааласа, каалабаса бирге болуп жатышпайбы.

[Kg.lady]

Суу сунуп туруп, ичейин дегенде тартып алгандай эле болдунго. Улант эми!

[Nariste...12]

Клара эже кутуп атабыз. Аябай эле кызыктуу экен.

[jakshy-niet]

Менин оозум чындап Ошту карады Клара айымдын ангемесине

[aliyam]

меники ошту эмес Американы эле карап калды...

[alibekova94]

Тан гору , ойнош дегенден жийиркенем турмушта башка салбасын...

[Clara_Zh]

Ой, кечиргиле. Улантайын деп эч убакыт таба албай жатам. Сериал деле эмес болчу, образга кирип кеттим окшойт.
Кыскача жазып бүтүрүп коёюн десем окшошпой калчудай. Бир күнү убакыт болгондо аягына чыгарып коём.)

[rumaika5544]

Clara_Zh , ойлонтуруп койдуңузго

[Giza]

Кудай анын бетин ары кылсын, Бирок ошондой бир демкесин билсем, гордо басып кетем. Чыккынчылыкты кечире албайм.

[vankuver.]

Ангемесин бүтүргондүр Клара эже" деп келдим эле бул жака, дагы эле жок да. "Ушундай да аялдар болот экенда" деп таң калып атам бир чети.

[rumaika5544]

Аааааааааанан Клара эже,бул жактын эшигин унуттузбу? Кутуп калдык

[Clara_Zh]

rumaika5544 (25 Декабрь 2014 - 20:50) жазган:

Аааааааааанан Клара эже,бул жактын эшигин унуттузбу? Кутуп калдык

Аай Румай, сен айтпсаң чын эле ишке алаксып унутуп коюптурмун. Кой бүтүрөйүн ээ уят болбой.

[Clara_Zh]

(Уландысы)
...."Эртеси жолдошум берген дарек боюнча дүкөндү таап бардым да, колумдагы шакекти дүкөнчү эжеге көргөзүп, дагы барбы деп сурадым...
Ошондон көп өтпөй КРди көздөй сапар тартып калдык. Жолду катар түркүн ойго батып келе бердим. Өз балам кайненемин колунда эле. Биринчи кезекте баламды барып көрүүгө ашыктым. Аман-соо, оорубай-сыктабай чоң энесине эрмек дагы, караан дагы болуп чоңоюп калган экен. Бараарым менен балапанымды боорума кысып, кучактап жытынан искеп-искеп алдым. Байкушум мени көрүп бир чети сүйүнүп, бир чети таарынгандай түр көрсөттү. Азыраак отурган соң мен кетүүм керектигин айтып, алыстан ала келген кийим-кече, белек-бечкектеримди тапшырдым да, бетимден аккан туздуу жашты аста сүртүп, кош айтышып чыгып кеттим.
Андан кийинки сапар бир кезде өзүм менен бирге иштеген эженин үйүнө болчу. Жолдошум экөөбүз болжошкон жерден кезигип, андан ары үйүн көздөй такси менен сызып бараттык. Ал учурда мени ар кандай ойлор курчап, бушайманга түшүп бара жаттым. Азыр кирип барсам "үй-бүлөсү" мени кандай кабыл алышаар болду экен? "Договор" менен кетпедим беле? Аныбыздын мөөнөтү деле аяктагансыды. .. "Рахмат, эми сен бошсуң, сага деген убадабызды аткарган соң мындан аркы жашооңду башка жактан улант, бизди тынч кой!" - десе эмне кылам? Кайда барам? Толук меники болбосо да, чогуу жашап көнүп калган жолдошумсуз кантип жашайм? - деген түркүн, баш катырган суроолорго жооп издегиче барчу жерибизге дагы келип жеттик.
Биз унаадан түшөөр замат алдыбызан жолдошумдун кызы менен уулу тосуп чыгып, мени менен абдан жылуу учурашышты. Муздак денем жылый түшкөнсүдү. Ууртума жылмаюу пайда болуп, экөөн тең өз жакындарымдай көрүп беттеринен жай гана сүйүп койдум. Ичкери кире бергенде эжем күлүп-жайнап кучагын жая тосуп алды. Ары карай кирсек дасторкон үстүн дүр-дүйүм, тамак-ашка толтуруп дайындап, бизди күтүп олтурушкан экен. Ошол жерден эженин ичи кенен айкөлдүгүнө таңданып бүтө албай жаттым ичимден. Чынында мындайды күтпөгөн жаным, каректериме кандайча жаш толуп кеткенин да сезбей калыптырмын.
Үстөлгө олтураарым менен акырын бөлмөнүн ичине көз жүгүрттүм. Жасалгасы укмуш көз жоосун алчудай суктандырбаса да, абдан тыкан жана жарашыктуу жасалыптыр. Бул да болсо эженин тыңдыгынан жана сабырдуулугунан деп ойлоп койдум. Көп деле кысылбадым. Мүмкүн мени жылуу кабыл алышкандыктан, алардын үй-бүлөсүнө тез эле аралышып кеттим. Балдарына да жакшы тарбия бергени көрүнүп турду. Улуу кызы бир аз орус мүнөз, өзү менен өзү, адамга көп жакындай бербейт экен. Уулу болсо менин жанымдан чыкпай ар кайсы суроолорду берип, экөөбүз тез эле тил табышып кеттик. Өзүмө деп сатып алган акыркы үлгүдөгү кол телефонумду улам баскылап көрүп жатканынан, "Жакса ала гой" деп бере салдым. Жаш баланын кубанганын айтпа.
Баса, баягы өзүмдүкүнө шерик кылып алган окшош шакектерди сумкамдан алып чыктым да, эжеге болгон сый-урматымды айтып тапшырып койдум. Эжем күлүмсүрөп, ыраазы болгондой мага дагы бир нерселерди айткысы келди. Аңгыча бакалдар кып-кызыл винолорго толуп, эжем экөөбүздүн бактыбызга жазылган "сүйүктүүбүз" тамагын дайындап, тост айтууга камданып калды..."
(Аягы)

[Clara_Zh]

Мына ушундаай, достор! Көрсө жашоодо ар кандай нерселер болуп турат экен.
Бул аңгеме эмес, чыныгы жашоодо болгон окуя. Мен биринчи укканда мага дагы бул жат нерседей туюлган. Кантип эле өзүнүн канча жыл бою чогуу жашаган эрин, өзүнөн жаш келинге ишенип, алыс жакка узак мөөнткө жиберип койсун? - деп, аябай таң калгам. Мындай болбошу керек, же жубайынын акыл-эси жайында эмес деп, курбумдун өзүнө дагы айткам. Бирок, курбум ал сөзүмдү төгүнгө чыгарып, "ишенип-ишенбөө сенин ишиң, мен сага болгонун айттым. Эже ушунчалык жакшы адам"- дегенде таң калган бойдон кала бергем.
Балким, ал аял дагы айласы куругандан баргандыр ал кадамга, ким билсин?
Эми бул жерде силерге, арабызда көрсө ынтымакташып жашаган гумандуу күндөштөр дагы бар экен деп айткым келген. Болгону ошол. Бул окуядан сабак алгыла, тигил-бул деп айтпайм. Ар кимдин жашоосу өзүндө, колдон келсе ар бир үй-бүлө ойнош, күндөш деген нерселерден алыс болуп, Кудай кошкон жубу менен гана бактылуу жашашса дейт элем!

[rumaika5544]

Ошондо, экинчи аял кылып бергенда э? Журогу доо аял экен. Ммм...

[suiuktuujar]

Ойноштон кудай өзу сактасын.

[kyrgy3bai]

Баарына эле чыр,жаңжал жакпайт,жубайлар күйөөлөрүн ошентип сактайм дебей эле коюшсун,эркектер өз бүлөсүн бузгулары келишпейт,болгону алар жаңылыштык кетиришет,аялдары чыр салып жатып күйөөлөрүн өздөрү жоготушат.

[Aikoo2014]

Клара эже адамды аябай тан калтырдынызго. ....

[Oceana.]

Уландысы чыгып калар.

[MIRlan]

Согушуп, согушуп акыры экөө подружка болуп алышатта не.