[Marsen]

Бир сенин үчүн согот менин жүрөгүм,

Ишен мага, ишенип кой, чүрөгүм.

Сен дегенде өртөнөмүн, күйөмүн,

Сенсиң менин түбөлүктүү түгөйүм.

[Marsen]

Сенсиз жаным соксоюп жалгыз жүрөм,

Бул жалганда бир өзүн деп өмүр сүрөм.

Бар менин бир эле жалгыз күнөөм,

Периштем, чын дилимден сени сүйөм.

Прикрепленные изображения

• 

Билдирүүнү түзөткөн: Marsen: 14 Август 2014 - 18:07

[Marsen]

Сени жаным эч бир жанга теңебеймин.

Сени менен дайым тегиз телегейим.

Сени менен түбөлүккө бирге болсом.

Бул жашоонун татаалдыгын кенебеймин.

[Marsen]

Уккум келет бал татыган сөздөрүңдү,

Көргүм келет табышмактуу көздөрүңдү.

Ээритчи тоңуп калган жүрөгүмдү,

Көрсөтүп сүйүүдөгү жөндөмүңдү.

Прикрепленные изображения

• 

Билдирүүнү түзөткөн: Marsen: 14 Август 2014 - 19:12

[Marsen]

Сени ойлосом жаман ойдон арыламын.

Ойлорумдун борборунда сенсиң жаным.

Дүйнөдөгү бүт жакшыны сага берсин -

Деп кудайга миң ирет жалынамын.

[Marsen]

Ишенем, убактылуу, бул «ашырашуу,»

Көп болсо ортобузда эки ашуу.

Ооба билем, мен сүйүүнүн кулумун,

Ишен мага, мен сендикмин, кулунум.

Прикрепленные изображения

• 

[Marsen]

Жүрсөм да сага эркелеп,

Жүрөсүң мени жемелеп.

Суранам сенден, суранам,

Айтпачы мени, «мерез» деп.

[Marsen]

Келчи бери, кучагыма кысайымбы?

Супсулуум деп, чачтарыңдан сылайымбы?

Койнумдан чыгырбай түнү-бою,

Эркелетип, жаным сени кыйнайымбы?

Прикрепленные изображения

• 
• 

[muke.1971]

суйуу бул ак шоола нур

[Marsen]

Marsen (14 Август 2014 - 20:31) жазган:

Келчи бери, кучагыма кысайымбы?

Супсулуум деп, чачтарыңдан сылайымбы?

Койнумдан чыгырбай түнү-бою,

Эркелетип, жаным сени кыйнайымбы?

Жаныңдан карыш чыкпай жүрөйүмбү?

Таңдан кечке бактыга бөлөйүмбү?

Ала жипти аттабай өмүр-бою,

Жаным деп жалгыз сени сүйөйүмбү?

Прикрепленные изображения

• 

[Marsen]

Кычырап кыш бизге кылат өктөм,

Эч нерсе эмес, экөөбүз көптөн күткөн,

Жакында жаркырап келет көктөм...

Ошондо канатымды кенен жайып,

(ага чейин кетпесем эстен тайып)

Барам сага сүйгөнүм учуп кайып.

Прикрепленные изображения

• 

[Marsen]

Олтурам саманчынын жолун карап,

Булбулдардын сайраган үнүн тыңдап.

Мына өттү салкын жел, Арым жактан,

Эркелетип сылап менин маңдайымдан.

Прикрепленные изображения

• 

[Lumia-800]

Жадыраган жароокерим эрмегим.
Жазда куттум,жазда отту келбедин.
Жакшы коруп жанылсамда мейли деп,
Салкын желде элесинди термедим.



Жайда куттум,тунук суулар агылып
Сезимдерди тумар кылып тагынып.
Жаным дебейм,бирок журом дагеле
Жар болбогон ак жузунду сагынып.


Куздо куттум,куугум менен жарыша
Сага болгон ойлор менен алыша.
Санаалардан бакыт курам тундордо
Озун болуп жандуйномдо ханыша.



Кышта куттум,кылым откон ондонуп
Кетпейм бирок суйбос болуп озгоруп.
Кереметпи, же башкабы билбеймин
Кетет кээде кош карегим олдонуп...



А.Жоодар.

[Marsen]

Ошол күнү , эмнегедир жүрөк ооруп,

Олтургам түндө көргөн түштү жооруп.

Жарк этип, күлүп-жайнап, сен келгенде,

Жан дүйнөм кубанычка кетти толуп...

Прикрепленные изображения

• 

Билдирүүнү түзөткөн: Marsen: 16 Август 2014 - 14:21

[Marsen]

Жаз мага өз таасирин тийгизгендей,

Өзүмдү сезип турам – Семетейдей.

Жазым бүтүп, күзүм кала электе,

Айчүрөгүм, келсең болду сен кечикпей.

[Marsen]

Ким билет, балким ал аян түштүр.

Жүрөктөгү ак сүйүүн сыйкыр күчтүр.

Мен аны жакшылыкка койдум жооруп

Сүйүү гүлүн дагы деле жүрөм коруп.

[Marsen]

Өзүнчө эле жаш баладай сүйүнүп,

Өттүн кечээ сен жанымдан жүгүрүп.

"Кандайсыз? "деп, койдун мага жылмайып,

Кала бердим бүткөн бойум дүүлүгүп.

Прикрепленные изображения

• 

[Marsen]

Бир мезгил жан дүйнөмө кылат өктөм,

Ооба туура, ал мезгилдин аты көктөм ...

Себебин жазайынбы жашырбастан?

Ошондо туң сүйүүмдүн даамын таткам.

Прикрепленные изображения

• 

[Marsen]

Мен ишенем баары жакшы болоруна.

Мен ишенем, менин ыйык тоолорума.

Мен ишенем экөөбүздүн багыбызга,

Бир күнү сүйүү күшү коноруна.

[Marsen]

О, жараткан суранам, болчу калыс.

Каалайсыңбы, мен сүйүүдөн болом алыс?

- Жок каалабайм, сен сүйүктүү пендемсиң,

Эч качан калтырбайм сени жалгыз.