[ayildik_kiz]

Сиздердей тушунуктуу турмуштун ачуу таттуусун коруп баамдай билген кайнене бизге да насип этсин!Бактылуу доолоттуу карылыкты баштан кечириниздер!

[ayildik_kiz]

Улуу эжелерибизге суроо(ушул жака берууну туура кордум)Эмнеге кайын энелер келиндерин торкунуно ташыйт,тууганына берет деп соз кылышат?Мисалы менин 4 женем бар,бири Алматыда ,бири Чымкентте,бири борбордо,бири Ошто(атамдын бир тууган инилеринин келинчектери) 3 женем жылына бир жолу айылга келип анан торкундоруно барышат.Энем да шаарда жашагандыктан алар келээрде чогу келет айылга.Чон небереси болгондуктан баарын мага айтат.Эмнеге чыгашаны коп кылышат ,не кереги бар деп...Таап жатабы алып бара берсин десем(бир абам убагында картошка сатып отурганда кайнагасы беделдуу кызматта отуруп уйу жакын туруп бир кесим эт бергенге жарабаган дейт) мунусу туура.Анткени кумуш уйлуу куйо бала,камыш уйлуу кайнатадан умут этет дегендей.Апам алтын сойко алса энелериме анан тайнеме да алат,жылына бир эки койнок тайнеме алып берсе ,энелериме ашыкча алып берет.Башка келиндери деле апаларына бирден алып берсе энеме учтон дегендей бирок баягы эле соз машинасы толтура каяка алып барды дегендей.Келиндердин баардыгы 10 бир туугандан ,алар бир тууганынын уйуно учурашканы барганда эле машинадагы нерселер тугонот даАзыр айтпай калды.Бирок бир жылдан бери айылда жашагандыктан, башка айылдагы кемпирлердин ушактарын да угуп калам.Келиним ташынат торкунуно деген.Эмнеге бир ууч таттууну оз апана алып барсан кайнене учун ал кооп корунот.

[kadam]

Биздин жашоо өз ыргагы менен өтүп жатат. Келиним кээде кеңешпей өз билгениндей кылып коюп, анысы жөнсуз экенин байкап жатат. Кайненелик кылып азырынча " Манас айта" элекмин. Байкаштырып коюп жүрөм... Бир чети жаш, экинчиси ушунтип жатып үйрөнүп онолот да...

[bai.kymbat]

Баардык келиндерге кудайым ыйман ынсап берсин!

[kadam]

Келин келип биздин үйдүн босогосун аттаганына беш ай болду. Кадимкидей көнүшүп калдык. Сабагынан кечигип калса чай ичпей күтөбүз, ал келгенде үйүбүз жарык болуп, шаңга бөлөнөт. Кудагыйыма аябай ыраазы болдум, ичи-башы ооруп анан апасына чалса, менден сураба, кайненең бар мындан ары ошондон сура деп коюптур, аны келиним өзү айтып берди. башында маани берген жок элем, өзүмчө ой жүгүртсөм, кудагыйым туура кылыптыр. Көпчүлүк энелердин катасы, кыздарын алыстаткысы келбей, улам-улам чалып кызына кийлигише беришет экен, аны мен кайдан билейин, аялдар отуруп сүйлөшүп калганда айтылып жатат. Менден тажрыйбалуу тааныштарым айтышат, келинибиздин келгенине төрт жыл болду. Келген күндөн баштап келиниме апасы бир чалат, анан атасы бир чалат, эмне кылап жатасыңар деп. Килтейген эле кишилерге айтуу кыйын экен. Акыркы күндөрү келиним телефонун басып койчу болду. Кызы бөлүндү бизге бүлө болду, болду да, эмне биздин жашообузга кийлигишет? Келинибиз милдеттүү эмес да отчет бергидей. Үч күндүн биринде эле,кызыбызды сагындык жиберип койгулачы дей беришет. Бул кепти угуп көңүлүмө түйүп койдум, ии ушундай да болот турбайбы деп. Кызын күйөөгө узаткан дагы бир таанышымдыкында кешик жеп отурсак, кызы телефон чалып жатат, апа эмне тамак кылайын деп. Ушундай кептерди угуп салыштыра баштайт экенсиң. Турмуш сабактары уланып жатат...

[raia]

Келин келгенде башына баш кошулуп,уйун толуп шатыра шатман болуп бактылуу болосун..
Кызын кеткенде бир кабырган боксоруп,уйундун ичи ангырап,жангызсырап кызым кантти экен,кайын журттун алдында уят болбой тиричилигин кылып атат бекен деп сарсанага батасын.Кудаларым кагып силкпей,оз баласындай корор бекен деп сызылып ойлоносун...
Бирок экоо тен балан.Келинди кел балам,тиричилике жардам берчи дей аласын.Кызынды чыкан кыз чийден тышкары дейт,тууп чонойтсон да ал бироонун булосу,аны кел деп чыкыра албайсын.Болбосо экоо тен балан.Кыз бироонун булосу.Келин сенин оз булон.Ошон учунбу мен экоону тен бирдей корушко аракет кылам.Кызыман келиндерим жакын,женилимди жерден оорумдуу колдон аларым,козум отсо ордумдуу басарым келиндерим.
Кыз сыйларым,козум отуп кетсе апакелеп чырылдап ыйлаарым.Бирок дайыма чон келиниме айтып келем,балам мен олсом сыйай жоолук салынып,апакелеп кошуп отурасын,кызына шерик болосун,калган келиндерим кызматта болот деп калам.Чон келинимди алганда мен 38 жашта элем ошондо мен келиним эмес кызым деймин,мен кыз кылып алам дегем..Ошондо тентуштарым келин кыз болмок беле,кайдагыны баштаба деп кулушкон.Чындап келиним эмес кызым,акылыма акыл кошор кенешчим,ичимдеги арманымды айтаар сырдашым,уйумдун боксосун толтурар кубанычым болот.Апакелеп жаркылдап келип,кобуроок корбой калса сагындым апа деп журогумдуу кубантып кетет.

[Taranchy]

Buga chein birda myndai jakwy sozdordu okugan emes elem. Kyrgyzda jaw kezde bersin meenetti karyganda korsun doolottu degen soz bargo... Uwundai jawoonuz ulana bersin

[kadam]

Бүгүн көптөн бери чыгынбай жүрдүк эле, балдар үй жумушун кылышып үйдө калышты, келиним экөөбүз шоппинг саякат кылдык. Адегенде детский мирден баштадык, анан шаардагы балдар дүкөндөрүн кыдырдык. биздин убакта момозуй жалаяк, анан чыт жалаяк эле болчу эле, азыр болсо, боди, слип дегендер чыгыптыр. Экөөбүз тең билбейбиз, боди м-н слипти кантип качан кийгизээрин. Мастер класс үйрөтүштү дүкөнчүлөр. Аябай күлдүк билбегенибизге, келиним мени карайт, мен аны карайм. Жаңы төрөлгөн балдарга кандай кийим алыш керек экенин үйрөнүп кайттык. Бысмылда деп даярдана баштайбыз буюрса. Келиним Винни-Пухтай оорлошуп калды, тоголонуп оокат кылып жүрөт. Ичимен "Винни-Пушка" - деп эркелетип коём. Уулум кызык, кош бойлуу экенин унутуп коёт окшойт, ары- бери куушуп жатып бутун оорутуп коюптур, эки жума мурун. Тойдон келсем, апа неприятный сюрприз дейт. Келиндин бутун гипстетип келиптир. Айй, оңбогур абайлабайсыңбы деп, тарбия саат өттүм. Чын эле, көзүнөн билдим, кош бойлуу экенин, аяр мамиле кылыш керек экенин түшүнө элек. Эх, жаштык.

[fittoniya]

Cиздин келин сиздей кайын энеси бар бактылуу!

[kadam]

Жаңы жыл алдында биздин үй-бүлөбүзгө кичинекей наристе кошулду. Күтүп жатканбыз, бирок маалы келгенде алапайыңды таппай калат экенсиң. Деги биздин үй-бүлө тамашасыз жүрбөйт. Үч төрт күн үйдөн киши үзүлгөн жок. Үйдү тазаладык, келиним ай-күнүнө жетип калса да чогуу иш кылып жүрдү, кем- карчыбызды толуктап иш кылып эле тазаланып жаттык. Балага деп алып койгон кийимдерди жуудум. Таңга жуук жарык күйүп өчпөйт, туруп барсам, келиним жалаяк үтүктөп жатыптыр. "Апа башталды" - деди. Түн ичинде эле толгоосу башталыптыр. Уулум болсо, " меня не беспокоить" -деп коюп уктап жатып алыптыр. Баарын ойготуп, даярданып, төрөтканага жөнөп калдык. Дем алыш күн болчу. Кудай жалгап, төрөгөндөр аз экен. Кечинде телефон чалышты, келип калгыла деп. Уулумду кошо киргизди, родзалга, мен терезеден карап турдум. Күйөөсү кошо катышат десе, таптакыр жаман көрдүм эле, ошо да болмок беле деп. Көрсө, абдан керектүү ыкма экен.Келиним аябай кыйналып жатыптыр, уулум көңулүн көтөрүп, жардамдашып жанында журдү. Төрөөр маалда чыгып кетти.Түнкү экиде көз жарды.Келинимдин кыйналганын көрүп жаным чыгып кетти. Үстүнө кирип, келиниме эле жалына берипмин, бир убакта карасам, бир кыбыраган кызыл эт ээмп жатат, анан эсиме келип, апей сен бар эмес белең депмин.Сөөмөйүн кезеп коёт. Бир сутка толготуп жатып,ымыркайды жарык дүйнөгө алып келди келиним. Үйгө барып эле сулк жыгылыппыз, аябай чарчаппыз. Ошентип, небере кызым баарыбызды суй жыгылтты. Үйгө чыгараарда, баарын камдаптырбыз да, келиндин өтүгүн унутуп коюппуз. мына тамаша! Тапичкеси м-н үйгө чыгардык. Андан мурун эле кеп кылып жаткам, таежем роддомдон чыгаарда, жездем байпагын унутуп коюп, өтүгүн коңултак кийип келиптир болчу. Анын сыңарындай биз да унутуп коюппуз. Үйгө келгенде келиним айтат, толгоо башталганда, кантип үтүктү алып, жалаяктарды үтүктөп калганымды билбейм деп. Эсиме бир гана жалаяк келди дейт. Жоруктарыбызды эсеп алып аябай кулдүк. Адамдын түйүлдук болуп жаралышын, жарык дүйнөгө келишин оңой көрөбуз. Канчалаган эмгекти, санааны басып өтөсүң? Анын кадырын билбей, ай-уй дейбиз. Жаңырган жылда эл-журтума, ӨЗГӨЧӨ ЖАШТАРГА КААЛАРЫМ! Эч убакта утурумдук үчүн, шапар тээп көңүл ачыш максатында гана жүрбөстөн, биринчи кезекте, тубөлүктүү түгөй боло алабызбы?- деген суроону коюп анан жүргүлө! Өмүр, Жашоо- бул оюнчук эмес. Ошол суроого туура жооп алсаңар, ТАШТАНДЫ болгон, КАРООСУЗ калган балдар болбойт! Туура чечим- туруктуу, туура жашоого апкелет! УРМАТУУ АТА-ЭНЕ! Көр оокат үчүн гана убакыт таппастан, балдарыбыз м-н мандай -тескей отуруп сырдашканга да убакыт табалык. Сый сөз м-н балдарыбыздын жан дүйнөсүн билгенди үйрөнөлүк. Ушуну м-н КЕЛИН сериалына чекитти коюп, НЕБЕРЕ сериалына өттүм. Ар бир үйдө наристе үну жаңырып, эл-журтубузга бай турмуш орносун!

Билдирүүнү түзөткөн: kadam: 02 Январь 2015 - 11:18

[mani]

Бактылуу уй булолодун катарын толуктап журо бериниз.

[zaika.tvo9.1990]

kadam (02 Январь 2015 - 08:14) жазган:

Жаңы жыл алдында биздин үй-бүлөбүзгө кичинекей наристе кошулду. Күтүп жатканбыз, бирок маалы келгенде алапайыңды таппай калат экенсиң. Деги биздин үй-бүлө тамашасыз жүрбөйт. Үч төрт күн үйдөн киши үзүлгөн жок. Үйдү тазаладык, келиним ай-күнүнө жетип калса да чогуу иш кылып жүрдү, кем- карчыбызды толуктап иш кылып эле тазаланып жаттык. Балага деп алып койгон кийимдерди жуудум. Таңга жуук жарык күйүп өчпөйт, туруп барсам, келиним жалаяк үтүктөп жатыптыр. "Апа башталды" - деди. Түн ичинде эле толгоосу башталыптыр. Уулум болсо, " меня не беспокоить" -деп коюп уктап жатып алыптыр. Баарын ойготуп, даярданып, төрөтканага жөнөп калдык. Дем алыш күн болчу. Кудай жалгап, төрөгөндөр аз экен. Кечинде телефон чалышты, келип калгыла деп. Уулумду кошо киргизди, родзалга, мен терезеден карап турдум. Күйөөсү кошо катышат десе, таптакыр жаман көрдүм эле, ошо да болмок беле деп. Көрсө, абдан керектүү ыкма экен.Келиним аябай кыйналып жатыптыр, уулум көңулүн көтөрүп, жардамдашып жанында журдү. Төрөөр маалда чыгып кетти.Түнкү экиде көз жарды.Келинимдин кыйналганын көрүп жаным чыгып кетти. Үстүнө кирип, келиниме эле жалына берипмин, бир убакта карасам, бир кыбыраган кызыл эт ээмп жатат, анан эсиме келип, апей сен бар эмес белең депмин.Сөөмөйүн кезеп коёт. Бир сутка толготуп жатып,ымыркайды жарык дүйнөгө алып келди келиним. Үйгө барып эле сулк жыгылыппыз, аябай чарчаппыз. Ошентип, небере кызым баарыбызды суй жыгылтты. Үйгө чыгараарда, баарын камдаптырбыз да, келиндин өтүгүн унутуп коюппуз. мына тамаша! Тапичкеси м-н үйгө чыгардык. Андан мурун эле кеп кылып жаткам, таежем роддомдон чыгаарда, жездем байпагын унутуп коюп, өтүгүн коңултак кийип келиптир болчу. Анын сыңарындай биз да унутуп коюппуз. Үйгө келгенде келиним айтат, толгоо башталганда, кантип үтүктү алып, жалаяктарды үтүктөп калганымды билбейм деп. Эсиме бир гана жалаяк келди дейт. Жоруктарыбызды эсеп алып аябай кулдүк. Адамдын түйүлдук болуп жаралышын, жарык дүйнөгө келишин оңой көрөбуз. Канчалаган эмгекти, санааны басып өтөсүң? Анын кадырын билбей, ай-уй дейбиз. Жаңырган жылда эл-журтума, ӨЗГӨЧӨ ЖАШТАРГА КААЛАРЫМ! Эч убакта утурумдук үчүн, шапар тээп көңүл ачыш максатында гана жүрбөстөн, биринчи кезекте, тубөлүктүү түгөй боло алабызбы?- деген суроону коюп анан жүргүлө! Өмүр, Жашоо- бул оюнчук эмес. Ошол суроого туура жооп алсаңар, ТАШТАНДЫ болгон, КАРООСУЗ калган балдар болбойт! Туура чечим- туруктуу, туура жашоого апкелет! УРМАТУУ АТА-ЭНЕ! Көр оокат үчүн гана убакыт таппастан, балдарыбыз м-н мандай -тескей отуруп сырдашканга да убакыт табалык. Сый сөз м-н балдарыбыздын жан дүйнөсүн билгенди үйрөнөлүк. Ушуну м-н КЕЛИН сериалына чекитти коюп, НЕБЕРЕ сериалына өттүм. Ар бир үйдө наристе үну жаңырып, эл-журтубузга бай турмуш орносун!

Ар дайым ушул калыбыныздардан жазбай бактылуу болунуздар. Неберениздин омуру узун болуп ден соолугу чын болсун. Жазгандарынызды окуп озунчо эле бактылуу болуп кеттим. Ар бир булоо сиздикиндей бактыга ээ болушсун. Ракмат жакшы тилектеринизге.

[kg.sity93]

Их эй.сиздердей болгон эжелер энелерибиз коп болсун.сиздин айткан окуяныздан мен билбеген кенештеринизди туйуп койдум.аман болунуз, ден соолукта болунуз..менин да кайненем бар мен да бироого келинмин..окуп алып салыштырыып койдум ичимде.))

[kadam]

Жашоо десе эле материалдык байлыкты биринчи орунга коюп , жан дүйнөнү байытуу, аруулугуна маани бербей келебиз. Адам канткенде бактылуу болот? Жан дуйнөсү тынч алса, жан дүйнөсү бай болсо турмуштун сыноолорун көтөрө билет. Элибизде бекеринен айтылбаптыр, "барга көппө, жокко чөкпө"-деп. Жаш жубайлар турмуш курууга олуттуу мамиле кылышса,бири- бирине ишеним артышса анан жемишин татышат. Чогуу барып бир кашык сатып алышса да кандай кубаныч, себеби үй-бүлө үчүн жасалган биринчи кадам.Кийин эстеп, айта жүргөнгө да жакшы. Мен да убагымда жаш болгом, кайнененин жакшы жагын да, жаман жагын да көргөм. Биздин убакта окууга маани берилип, кызды үй-бүлө күтүүгө даярдашчу эмес эле. Көп эле жаңылыштык, катачылыктар кетирпмин ойлосом. Азыр кайненемдин көтөрүмдүүлүгүнө баа берем.Дагы бир мисал келтире кетейин. Теңтуш кызым 18 жашында кайненеси СССРдин депутаты болгон үй-бүлөгө келин болуп түшкөн. Курбум "чала орус" болуп оокат кылганды билчү эмес. Акырындык менен кайненеси үйрөтүп, бүлө кылды. Үйрөтсө болот экен, убагында тамекини бурулдата соргон курбум кийин мыкты келин болуп чыга келди. Азыр өзү да кайнене, кайненесинен алган таалим тарбияны келинине үйрөтүп келет. Депутат кайнененин баалуулугу ушунда болду- Эң башкысы, баласынын тандоосун кабыл алганында болуп жатат.Тилекке каршы, бизде кызды болобу, баланы болобу үй-бүлөгө даярдоо жагынан өксүгүбүз көп. Көптөгөн катачылыктар АТА-ЭНЕНИН баласынын тандоосун кабыл албагандыгында жана келинден көптү күткөндүгүндө. Азыр заман башка, калыптанып кан жаныбызга сиңип калган "каардуу кайнененин" образын түп тамырынан бери өзгөртүшүбүз керек. Массалык маалымат булактары үй-бүлө баалуулуктары тууралуу жакшы берүүлөрдү байма-бай берип турушса коом, коомдогу ой-пикир өзгөрө баштайт. "Ала качуу салт эмес кылмыш деп коомдук ой-пикирди өзгөртө алдык го. Мына ошондо, кыздар "чыккан кыз чийден сырткары болуп, төркүнүнө сый-урмат көргөнү барып, кайын журтту туу тутуп, эл кылат.

[menedjer]

МАШАЛЛАХ

[Bakyt-nuru]

Аман болуңуз...

[Adilet2014]

Ооо жараткан, жашоосуна ыраазы болуп жашаса да болот экенго, баарыбыз эле жок, жетбейт, карыз, кредит деп башыбызды оорутбай! !! рахмат эже!!!

[azimova90]

Биз дагы турмуш куруп жатканда аябай тынчсыздандык. Жакшы иш жакшы жакка боту берет экен. Кудайга шугур уулубуз чоноюп баратат.Мен дагы сизге уузуууун омур тилейм,бактылуу болунуз.

[bazi83kg]

келининиздин убайын коруп узак бактылуу жашан

[diku.bek]

Сиздей кайненелер кобойо берсин омурунуз узун болсун!)