Ниет кылдым АДЕПТҮҮ болууга!

(3 )
1
2
3

Ниет кылдым АДЕПТҮҮ болууга!

#1 Adep 08 October 2014 - 20:56

Момун

Кыймылы жок
15
08 October 14
: 07 Jun 2015 17:18
Жынысы:Эркек
Калаасы:Өзгөн

Урматтуу бир туугандар!
Баарыңыздарга салам айтуу менен бирге Жараткан Алла Тааланын ырайымын жана жашообузга береке беришин тилеп кетмекчимин.
Мен бул жакка жаңы келдим. Келип эле жаңы тема ача койуу - атыма жана темамдын атына туура келбесе, алдын ала кечирим сурайм. Бардык ишти жаңы баштаганда толкундоо болот эмеспи. Анын сыңарындай ошол толкундоо менен өзүмдү жоготуп жаңы тема ача койгон учурум

.
Темадан да байкалгандай эле, адеп тууралуу ойлорумду сиздер менен бөлүшкүм келди. Бул жакка жаза тургандарым баарынан мурда өзүмө, андан кийин башкаларга айта турган сөздөрүм. Себеби, эң алгач кеп-кеңешке, насыятка, сунушка жана сынга муктаж болгон өзүм экенимди билем. Эгер, мендей абалда болгон башка адамдар болсо, анда аларга да пайдасы тийип калаар деген жакшы ойдомун. Андыктан, жазгандарымы туура кабыл алышыңыздарды суранып кетмекчимин.

Адебим менен адаммын!

of the page up there ^

#2 Adep 08 October 2014 - 21:00

Момун

Кыймылы жок
15
08 October 14
: 07 Jun 2015 17:18
Жынысы:Эркек
Калаасы:Өзгөн

Дүйнөнү куткарган адам!

Өлкөбүздө жумушсуздардын саны канча экенин билбейм. Бирок, арабызда бир ишканада же бир окуу жайда иштегендер бар болсо керек деп ойлойм. Жумушсуз болгондор болсо деле, сөзсүз бир жерде чогулуп сүйлөшүп отурган учурларыбыз бар эмеспи.
Элестеткиле. ..
Ошол иштеген жериңизде чогулушта же сухбатта отурасыңар. Ишкананын жетекчиси же окуу жайдын башчысы (ректор, декан) жсөз сүйлөп жатат. Бир убакта бирөөнүн телефону шыңгырап калды. Ал адам эч камырабай телефонун карады да сыртка чыгып кетти. Сүйлөп жаткан адамдан уруксат сурамак турсун, аны карап да койгон жок. Же ошол эле жерден башын артка буруп, телефон чалган адам менен сүйлөшө баштады. Сүйлөшүп бүтүп, эч нерсе болбогондой айтылып жаткан сөздү угумуш болуп отура берди.
Ушундай окуяга күбө болдуңарбы?
Мен күбө болдум. Бир жолу да эмес. Өтө көп жолу. Алгач, "бир болсо ушул адам дүйнөнү куткарып жатат го” деп ойлодум. Дүйнөнүн эң маанилүү маселесин чечип жатат окшойт дедим. Болбосо, ошол учурдун маанилүү иши болгон чогулушта неге телефон менен алаксысын? Чогулуш бүтүп, сухбат бүтүп сыртка чыктым. Өзгөргөн эч нерсе жок! Дүйнө ошол эле мурдагы абалында. Анда, жанагы адам кайсы маанилүү иш үчүн ошончо элди көзгө илбей телефон менен сүйлөштү? Бул дүйнөнү куткарбаса, башка кайсы дүйнөнү куткарды ошол сүйлөшүүсү менен?
Дагы бир мисал...
Бирөө менен сүйлөшүп жатасыз. Бир нерсени түшүндүрүп, айтып берип жатасыз. Же ал сизге сүйлөп жатат. Же болбосо, сиз үчүн өтө маанилүү болгон иш жөнүндө айтып жатасыз. Бир убакта жаныңыздагы адамдын телефону шыңгырады. Эч камырабай, сизге “токтоп тур” дегендей сөөмөйүн көтөрүп коюп, телефон чалган адам менен сүйлөшө баштады. Бир мүнөт, эки мүнөт же андан да көп сүйлөшкөндөн кийин: “ии эми айта бер” деп эч нерсе болбогондой кайра сизге кайрылды. Сиз ал үчүн “pause” га басып токтотуп, кайра каалаганда “play”га басса иштей бере тургандай элесиз. Ал үчүн сиздин айтып жаткан сөзүңүздүн кызыгы жок. Анын эң маанилүү иши –шыңгыраган телефону. Себеби, чалган адам менен сүйлөшүп дүйнөнүн эң маанилүү маселесин чечип, адамзатты кыйынчылыктан куткарып жатат эмеспи...
Жалалуддин Румий Маснавий аттуу чыгармасында бир чымын тууралуу баяндайт. Ошол чымындын баяны дал ушул биз сөз кылып жаткан “дүйнөнүн куткаруучусуна” мисал боло тургандай. Кыскача айтайын: Жамгыр жаап, жер баткак болуп калганда аттар баскан жерде туягынын изи калып, суу топтолуп калат эмеспи. Ошол топтолгон кичине сууга жалбарык түшүп калат экен. Ошол жалбыракка конгон чымын эки жагын каранып, минтип койот имиш: “Менин деңизимден чоң деңиз барбы? Менин кемемден чоң кеме барбы? Менден кыйын кеменин башкарган барбы?”
Чынымды айтсам, адамдардын жанындагыларга “урганым барбы сени” дегендей мамиле кылып, уятсыздык же адепсиздик деп айтканга мажбур боло тургандай абалга келишин каалабайм. Тек гана алар өздөрүн ошол учурда дүйнөнү куткарып аткандай сезиши мүмкүн. Болбосо, өзүн адептүү, уяттуу деп санаган кайсы адам жанындагыларды сыйлабастыгын, урматтабастыгын көрсөткүсү келсин. Себеби, мындай көрүнүш эч кандай жүрүм-турум эрежесине, этикага, адепке туура келбейт. Макул, дүйнөнү куткарып жатат дейли. “Хусну занн” (жакшы ойлоо, жакшы ойдо болуу) деген бар эмеспи бизде. Бирок, баарынан мурун өзүбүздү адепсиздиктен куткарышыбыз керек. Өзүбүздү адепсиздиктен куткарбай туруп, кантип дүйнөнү адепсиздиктен куткара алмак элек?
Бирок, кантели. Тилекке каршы, мындай адамдар да толтура. Мына ошолорго сабак болоор деген максатта Л. Н. Толстойдун “Три вопроса” деген аңгемесинен үзүндү: “Эң маанилүү убакыт – ошол учурдагы убакыт. Себеби, ошол учурда гана бир нерсе кылганга мүмкүнчүлүбүз бар. Эң керектүү адам – ошол учурда жаныңда болгон адам. Себеби, эч ким андан кийин башка бирөө менен жолугуп, иш кылаарын так биле албайт. Эң маанилүү иш – ошол учурда жаныңдагыга жакшылык кылуу. Себеби, адам баласы жашоого жакшылык кылуу үчүн келген”.
“Учурдан пайдаланып” деген сөз да бекеринен айтылбаса керек. Учурдан мурунку убакыт өтүп кетти, кийинкисине жетип-жетпешибиз күмөн. Демек, эң кымбат убакыт – “ошол учур”! Учурдан пайдаланганды унутпайлы!

Себетов Жаркынбай

Адебим менен адаммын!

of the page up there ^

#3 alibekova94 08 October 2014 - 21:02

Супер-активист

Кыймылы жок
5307
18 July 13
: 26 May 2025 11:29
Жынысы:Аялзаты
Калаасы:Плутон

Жакшы тема экен! Автор азаматсыз жаза бериниз. Адепке чакырган жаман эмес башкаларга сабак, улгу болот.

Жүрөгүмсүң

of the page up there ^

#4 janusi 08 October 2014 - 21:45

Активист

Кыймылы жок
392
16 October 12
: 05 Sep 2021 21:51
Жынысы:Белгисиз
Калаасы:кыргызстан

жакшы тема экен,

of the page up there ^

#5 Lenin 09 October 2014 - 12:08

Активист

Кыймылы жок
780
20 June 13
: 11 May 2024 11:28
Жынысы:Белгисиз
Калаасы:http://marykaynsd.com/

Эми баардык жерде бир критик болуш керек да.(кыргыздар ушундайбыз да )))) ) Тема жакшы, максат жакшы бирок мисалын кичине туура эмес. Көпүчүлүк менен отурагн жерде конечно телефон менен суйлошкон туура эмес, андай жерде вааще өчүрүп салыш керек. Но кечиресин бироо менен суйлошуп жаткандагы мисалын через чур "паузага " баскандай деп. Адеп жалгыз киши менен суйлошуп жатканда ар кандай болуп озгоро берет. Мандайындагы кишиге байланыштуу. Ущу чалган кишиге байланыштуу. Конечно улуу киши болсо-уят. Бирок кечириниз жооп берип коёюн деп суйлошо бергенде эч нерсе жок. Чалып жаткан кишиге жооп бербей койгон дагы уят. Особенно улу киши чалып жаткан болсо. Жооп берип туруп-бошобой жатам деп койсо болот.
Кыскача этика деген бул сени курчап турган, же диалог кылып жаткан адамына жараша озгоро берет.
Кочодо какырынп тукурсо, таштанды ыргытса. Таштанды корсо алып койбосо. Улууга, аял затка орун бербесе. Жолду туура эмес жерден отуп жаткан болсо. Кочодо жалгыз жургонсуп согунуп сулошуп жатса. Обу жок сигнал басып жол эрежесин бузса. Театрга сланцы менен барса. итд итп. деген мисалдарды келтир да андан коро.

marykaynsd. com- бул ссылка эмес.

of the page up there ^

#6 Adep 10 October 2014 - 13:27

Момун

Кыймылы жок
15
08 October 14
: 07 Jun 2015 17:18
Жынысы:Эркек
Калаасы:Өзгөн

Урматтуу alibekova94, janusi жана Lenin, жакшы тилек, жакшы ойуңуздар үчүн баарыңыздарга чоң рахмат!

Урматтуу Lenin! Сыныңыз өтө жакшы. Албетте, сын болуш керек. Сын адамды өстүрөт, ой жүгүртүүсүн кеңейтет, кетирген кемчилигин көрсөтөт деп ойлойм. Себеби, бир эле адам бир убакта бардык нерсени көрүп,бардык нерсени ойлошу мүмкүн эмес. Мына, сиз дагы жогорудагы жазууну жазып жаткан учурда мен көрбөгөн, ойлобогон нерселерди көрүп, эскертип турасыз. Бул үчүн сизге рахмат!

Туура, экинчи мисалга чектөө киргизгенди унутупмун. Сиз айткандай маңдайындагы адамдан уруксат же кечирим сурап телефон менен сүйлөшүп алгандар ал жердеги мисалга кирбейт. Менин айтайын дегеним, эч уруксат да сурабай, кечирим да сурабай сөздүн ортосунда “тарс” эле телефон менен сүйлөшө баштагандар болчу.

Ал эми көчөдө какырынып-түкүрүнгөндөргө, туш келди таштанды таштагандарга, карыларга, аялдарга орун бербегендерге, жанындагыларды көзгө илбей сөгүнүп-сагынып сүйлөгөндөргө жана ушулар сыяктуу адепке туура келбеген иштерди кылгандарга айта турган дагы көп “сөзүм” бар. Баарын эле бир убакта жаза койгонго убакыт тардык кылды. Кудай буйурса, аларга да "кезек" келет.

Адебим менен адаммын!

of the page up there ^

#7 Adep 11 October 2014 - 18:28

Момун

Кыймылы жок
15
08 October 14
: 07 Jun 2015 17:18
Жынысы:Эркек
Калаасы:Өзгөн

Табакты "сүннөттөп" койойун!

Тамак жеп жаткан учурда “сүннөттөп койойун” же “сүннөттөп кой” деген сөздөрдү баарыбыз эле уксак керек. Мунун табакта эч нерсе калтырбай тазалап жеген деген маанини туйунтаарын да билебиз. Мына ошол табакты “сүннөттөө” тууралуу ойумду сиздер менен бөлүшө кетейин. Эгер, айта тургандарыма каршы пикир билдире тургандар болсо, адеп чийининен чыкпай кетирген кемчилигимди, кылган катачылыгымды айтсаңыздар жакшы болот. Пайгамбарыбыз (с.а.в): “Бардык адам баласы ката кылат. Бирок, алардын эң жакшысы – кылган каталарынан кайтканы”, - деп айткан. Анын сыңарындай, катадан кайтып, сүйүктүү Пайгамбарыбыз (с.а.в) айткан жакшы адамдардын катарына кошулуу мен үчүн баа жеткис сыймык.

Кыскача айта турган болсок, сүннөт – Пайгамбарыбыздын (с.а.в) айткан сөздөрү жана кылган иштери. Демек, табакты “сүннөттөп” койуу деген Пайгамбарыбыздын (с.а.в) айтканын жана кылганын аткаруу дегендикке жатат. Себеби, бул туурасында хадистерди кездештирүүгө болот. Бул хадистерде айтылгандай, Пайгамбарыбыз (с.а.в) өзү дагы табакты тазалап, башкаларга да ошондой кылууларын айткан. Мунун тамактын берекелүү, тойумдуу болушуна жана аткарган адамдын күнөөлөрүнүн кечирилишине себепкер боло тургандагын да баса белгилеген. Туура, муну танып, жокко чыгара тургандай акмакчылыкка барууга ниетим жок. Бирок, кээбир адамдардын бир сүннөттү аткарам деп, башка сүннөткө терс келген иштерди кылуусу жан кейитпей койбойт. Мисалы, ошол эле тамак учурунда сүннөттү аткарам деп, табактагы тамакка кошуп, казандагы тамакты да, дасторконду да тазалаган адамдарды көрүп эле жүрөбүз. Мейли, “тамагы таттуу болсун, жегени, ичкени аш болсун” дейли. А бул кылган жосунсуз жоругун сүннөткө таяганына эмне дейбиз? Муну сүннөт дей турган болсок, Пайгамбарыбыз (с.а.в) да ушундай кылган дегенге барып атпайбы. Пайгамбарыбыз (с.а.в) ушундай кылганбы? Жок! Ал (с.а.в) эч качан мындай кылган эмес. Өтө жөнөкөй жашоо кечирип, үйүндө бир күн тамак болсо, бир күн тамак болбой күн өткөргөн. Ачкалыктан курсагына таш байлаган. Аз жегенге үндөп, ашказандын үчтөн бир бөлүгүн тамакка, калган эки бөлүгүн суусундук жана абага бөлүү керек экендигин айткан. Өтө ач абалда дасторконго отурбаганга жана өтө көп тойуп дасторкондон турбаганга чакырган. Бардык иште орто жолду тандаган Пайгамбарыбыз (с.а.в) жеп-ичүү маселесинде да дайыма орточо тойгонго басым жасаган. Мына, сүннөт! Аз эмес, көп эмес, орточо жеген сүннөт. Биз буларга көңүл бурбайбыз да, табакта эч нерсе калтырбай жегенге келгенде тим эле “сүннөтчү” болуп кетебиз. Анан дагы муну “ысырап болбосун” деп койгонубузчу. “Ысырап болбосун” деп, ысыраптын дал өзүн кылып жатканыбыз менен, “сүннөт кылайын” деп, сүннөткө терс иш кылып жатканыбыз менен ишибиз жок. Эскерте кетейин, бул айткандарыман улам мени табакты сүннөттөгөнгө каршы экен деген ой болбосун. Албетте, бул сүннөттү аткарышыбыз керек. Бирок, табакка орточо тойо турган тамак салынган учурларда гана! Ашыкча жеп, ашказанды болушунча толтуруп, “жамандан жарым кашык ашат” болбосун, “сүннөттү” аткарайын деп табакты тазалаганга каршымын! Эмне үчүн каршымын? Биринчиден, "Жегиле, ичкиле. Бирок, ысырап кылбагыла! " деген аят бар. Экинчиден, жогоруда да айтылгандай Пайгамбарыбыздын (с.а.в) көп жегенге чакырган бир да сөзүн кездештире албадым. Демек, "ысырап болбосун" "сүннөттөп койойун" деп көп жегендик аятка да, хадистерге да туура келбеген көрүнүш.

Бардык иштин өз орду, убагы, эрежеси жана өлчөмү бар. Ушуларга көңүл буруп аткара турган болсок, ошондо гана ишибиз “өз жолунда” болушу мүмкүн. Болбосо, “менин ниетим түз” же “жүрөгүм таза” же болбосо “жаман ойум жок” деп сүннөткө коошпогон иштерди “сүннөт” деп койуу эч кандай пайда алып келбейт. Тескерисинче, зыян алып келип, акыретте да өтө чоң жоопкерчиликти талап кылаары шексиз.

Себетов Жаркынбай

Адебим менен адаммын!

of the page up there ^

#8 edu.kg 11 October 2014 - 23:42

Активист

Тартип бузгандар
489
04 October 12
: 10 Mar 2015 18:26
Жынысы:Эркек
Калаасы:Бишкек шаары.

Уланта бериниз баары жакшы эле суротолуп келе жатат,себеби турмушта баары мисал жазгандарыныз.

of the page up there ^

#9 Adep 12 October 2014 - 00:48

Момун

Кыймылы жок
15
08 October 14
: 07 Jun 2015 17:18
Жынысы:Эркек
Калаасы:Өзгөн

Урматтуу edu.kg, жакшы ойуңуз үчүн чоң рахмат!

Адебим менен адаммын!

of the page up there ^

#10 zinu 13 October 2014 - 15:25

Карапайым

Кыймылы жок
120
09 December 13
: 04 Aug 2019 19:52
Жынысы:Аялзаты

Баары туура эле айтылып жатат. Билбегенибизди билип алалы. Уланта бериниз.

of the page up there ^

#11 Adep 15 October 2014 - 20:20

Момун

Кыймылы жок
15
08 October 14
: 07 Jun 2015 17:18
Жынысы:Эркек
Калаасы:Өзгөн

Рахмат!

Адебим менен адаммын!

of the page up there ^

#12 Shorobashat 19 October 2014 - 21:10

Супер-активист

Кыймылы жок
2583
01 June 13
: 13 Apr 2025 17:18
Жынысы:Эркек
Калаасы:Ордолуу Ош

Түптүү кыргыз түгөнгөн сайын түтөп, үзүлгөн сайын уланып эчендеген кылымдардын суусун ичип келген. Селдей каптаган жоо, кан төгүлгөн кыргын, бел кайыштырган ачарчылык, балээдей жармашкан оору, сөөктөн өткөн суук, мээ кайнаткан ысык, булардын бири да кыргыздын беделин түшүрө алган эмес. Анткени, кыргызды кыргыз кылган анын ар-намыс, абийири болгон. Ак сакалын жайкалтып, акыл-насаатын айтып, ак батасын берген аталар, аталык абийирин сактаган. Келин-кызга үлгүлүү сөзүн айтып, үй ишини тейлеген ак элечек энелер, энелик абийирин сактаган. Эли-жери үчүн жанын курман кылып, эл четинде жоо бетинде жүргөн жигиттер, жигиттик абийирин сактаган. Адамга тике карабай, кемтик сүйлөбөй, кыйшык баспай кыз келиндер өз абийирин сактаган. Азыр болсо, оозунан арак буркурап, алгылыктуу бир сөз айта албай, бата ордуна тост көтөрүп, аталар абийирин кетирди. Чачтарын камгактай тармалдатып, тысырайа шым кийип, кыз-келинден орун талашып энелерден абийир кетти. Алсызды алдап, күчсүздү коркутуп, өз элин тоноп жигиттер абийирин жоготту. Улуудан уялбай, кичүүдөн тартынбай, атаны көзгө илбей, энеге кулак салбай кыз-келин абийирден ажырады. Адамзаттын акылманы, акылдуулардын кеменгери улуу Пайгамбарыбыз(Ага Аллахтын салам-салаваты болсун) бир осуятында:

«Силердин башыңарга бир күн келет, ошол күндө жакшы иштер силерге жаман, ал эми жаман иштер силерге жакшы көрүнүп калат» - деп айткан эле. Бүгүнкү замандын терезесинен карап отуруп, ошол күндүн илеби келип калганбы деп ойлоп кетем.

Аталарыбыз аракты оозуна алмак турсун, «каапырдын тамагы» деп, аны алыстан айланып өтчү. Азыр болсо, «агынан баштайлы» деп, аны тамактардын ана баш кылып алышты. Мас адамды көргөндө, ажыдаарды көргөндөй дене титиреп, жек көрүү күчөйт эле. Азыр болсо, «бул мас турбайбы» деп колтуктан жөлөп төргө чыгарабыз.

Кыз-келиндин бир тал чачы көрүнүп калса, энелер «кокуй атаң көрсө шерменде болот» деп жаны калчу эмес. Азыр болсо, «бети-башыңарды жаап араб болуп кеттиңер» деп жоолук салынгандарга асылышат.

Үйгө жат адам келгенде ага караанын көрсөтүүдөн тартынып, чыгдан ичине жашына калчу кыз-келиндер, бүт денесин «реклама» кылып көчөдө жүрүшөт.

«Баланчанын кызы эринен ажырап келиптир» деген сөздү угуу, өлгөн адамды угузгандан да катуу тийчү эле. Азыр болсо, ажырашуу жыртылган байпагын таштап салгандай эле жеңил болуп калды.

Пара, паракор деген сөздөрдү эзели кулак укчу эмес. Азыр болсо, дааратканын кароолчусу да пара алат.

Акыл-эстүү карыялардан да, алардан үлгү алган жаштардан да нускалуу кептер айтылып, уятсыз жаман сөздөр сүйлөнчү эмес эле. Азыр болсо, карысы да, жашы да кыйналбай эле кыйшык сөздөрдү сүйлөп калышты. Ал эмес, сөз куржунун асынып, тилдин баркын сактоочу куудулдарыбыз да абийир чегинен ашып кетишти. Бир нече жыл илгери «американын фильмдери болуп жатканда, үй бүлөөдө чогуу отура албайсың» деп какшайт элек. Эми, кыргыздын куудулдары тамаша айтып жатканда чогуу отура албай калдык. Чукугандай сөз таап, күлдүрүп да, күйдүрүп да сүйлөгөн кайран Куйручуктун, Жоошбайдын, кечээки эле Шаршендин алтындай сөздөрү жоголуп, куудулдарыбыз «киндиктен» өйдө көтөрүлө албай калышты.

Кыскасын айтканда «пай-пай, кайда барсаң мамай…» дегендей, кай тарабыңды карасаң да ачылган абийир менен сатылган абийрди көрөсүң. Бирок, мунун баары көзүбүзгө жакшы көрүнүп, жакшы менен жаманды, ак менен караны ажырата албай калгансыйбыз. Каадалуу кыргыздын наркы менен баркы кетип, чайпалса төгүлчүүдөй толуп турган абийир чөйчөгү күн өткөн сайын соолуп бараткансыйт…

of the page up there ^

#13 Xanif 20 October 2014 - 19:02

Активист

Тартип бузгандар
1684
03 October 14
: 16 Oct 2015 04:20
Жынысы:Эркек
Калаасы:Чет олко...

Шоробашат баракелде. Сонун жазыптырсыз. ..

of the page up there ^

#14 Xanif 20 October 2014 - 20:29

Активист

Тартип бузгандар
1684
03 October 14
: 16 Oct 2015 04:20
Жынысы:Эркек
Калаасы:Чет олко...

Тема адепке байланыштуу болгондугу учун, менда бираз кыстырма кыстыра кетууну чечтим. Эгер туура эмес жазып алсам, Адеп шейх кечирип койосуз.?

-Анда геп башынан болсун.

- Четолкодо окуп, иштеп жургонумо байланыштуу, кееде делегат болуп башка олколорго сапарга чыксак, кееде делегаттарды кабыл алып калабыз дегендей.
Мына ошол кезде, бисмиллаах дегенде эле Расулаллаах сав дын суннотуно амал кылып, таанышуудан башталат эмеспи сухбаттар. Анан кезек мага келгенде, мен чу дегенде эле - "Ана минал Кыргызстан же i ## from Kyrgyzstan - мен Кыргызстанданмын" деп созду баштаарда, (делегаттардын ичнде созсуз 2,3 аалымдар болоушат), аалымдар суроо ыргыта калышат: "Чубак хажии же Абдушакур хажии" деп. Ал дегени, ошолордун мекендешисинби дегениго. Мына ошол кезде, ушундай дуйного белгилуу аалымдардын мекендеши ж.а замандашы болгонума ичимен ичим жылып, коп-коп шукурлорду айтып, жада калса шукур намаздарыныда окуп журом.
Муну айтканымын себеби, откон жылы Кр га 1 айлык эсалууга барып, жоро-жолдош, тааныш дегендер м.н жолугушуп, маектешип жургон кезим. ЖОЖ до чогу окуган ж.а кеебирки аскерде чогуу кызмат кылган досторум, мурда динге каршы болсо, учурда ыйман чойросуно аралашып, Намаз окугандары аяббай суйунтурбой койбойт дечи. Бирок туура эмес тушунуктордон уламбы же туура эмес адамдардан дин маалыматтарыны алганданбы, айтор коп жолу эле келишпестиктерге такалып жаттык. Келишпестиктин себеби албетте адепсиздиктен ж.а сабатсыз илимсиздиктерден болуп жатканын тушунуп жаттым. Бир жолу бироосу мынтип суйлоп жатыры: "Арбир созунун биринде Чубак, Абдышукур" же "Чубак м.н Абдышукурду Кудайдай коруп алгансынар" деп. Алар м.н талашып тартышкандан ж.а аларга тушундуруштон жыйынтык жок экенин эчак эле сезгенимен, ушул форумдан же Супер инфодон жеткирууну туура кордум. Кыргызда "Кызым сага айтам, келиним сен ук" деген даанышмандуу соз бар эмеспи. Ошол сыяктуу менда бул жактан жазганымы ал досторум окуп каалар деген умуттомун, себеби алар маданияттуу эле балдар, газета-журнал окуйт деген ойдомун.
Негизи араб элдери же ислам олколорундо эчкимиси "Таксыр" деген созго тушунушпойт, аны биз Кыргыздар эле колдонобуз, же кыргызча болсочу ал созда. Ошого менин жеке ойум, "Чубак таксыр же Абдушукур таксыр" деген создорду дегеле аалымдарга ыраа корбойм, себеби бул создун баалуулугу деле жок. Илимдин жугуусунун негизги себеби адептуулукто, а адептуулук урмат-сый м.н толук болот. Урмат-сыйдын, адептуулуктогу орду, денедеги баш сыяктуу эле болуп калат. М: "Чубак ажы, Абдышукур ажы же Чубак устаз, Абдышукур устаз и дамыла" деген создорго эмне жетсин чиркин. Алардан сабак албасам эмнеге устаз дейм деп жатпайбы бироо. Алардын жазган ж.а ачыктаган китептерин окуп, пайдаланып, бираз илимге тушунук ачылуусу м.н талаба болуп калабыз, соссуз турдо мандайында, аудиторияда сабак алуу м.н, устаз-талаба болуш шарт эмес. Хадисте:- "Улууларды урматтабаган, кичуулорду ииззаттабагандар бизден эмес" дейт эмеспи. Бул инсандар жаш аалымдар болсода, улуулар сыяктуу эле урмат-сыйга татыктуу. "АЛЛААХ Ж.Ж дуйнону аалымдардын урматына ж.а дуаларыны себебинен кармап турат" эмеспи. Балким ушул аалымдарыбыздын урматына, Кыргызстаныбыздагы дин эркиндиги ж.а рахат жашоолорубузду АЛЛААХ Ж.Ж берип жаткандыр.
Аяббай эле мактаптырго, буларга жакын же тууган деп ойлогондорда жок эмес. Мен бул инсандарга жакын болгудай, мандайында отуруп сабак алган эмесмин, мени тааныбайтда булар. ЖОЖ ду Кр да бутком, бирок Исламий ЖОЖ ду башка жактан окугам. Болгону чет олкодо журуп, дуйнолук аалым статусуну багынтып жургон адамдардан дайыма угуп жургонум учун, бул инсандарды мактоо эмес (мактоо албетте АЛЛААХ Ж.Ж га гана татыктуу), шарияттын ж,а факттардын негизинде тастыктап кетким келди даражаларыны. Кр 6 миллионго жакын эл болсо, ошолордун жок дегенде 2,3 миллионунун кызматында кундоп-тундоп журушконуну четке каккандар, чындыгында наадандардан болуп калышаттарго. Арбир уйбулолук, жекече жашоодогу, дегеле чексиз суроолорго, ммк лардан, тактап, далили м.н жооп беруусу, ислам универ, медресе ж.а мечиттерде тынымсыз сабактарды отуусу, студияларгада жетишип келип, элдин купулуна толгон жоопторду беруусу кимдердин гана журокторуну жумшартпайт чиркин. Жада калса уй-булосунунда камкоруну жогорку даражада камсыздап, баарына жетишип жатуусу кантип кичине мактоого татыксыз болсун. А бизчи эмнени кыйратып жатабыз, кичине бирнерсени окуп же инеттен коро калып айтып чыккан аалым соройлор эмнени кыйратып, элдин муктаждыгыны чечип берип жатышат..?- албетте эснерсени, болгону ушактап, сындап гана журобуз. Кеебирлерибииз сарай аалымдары десе, кеебилери озум билемдик кылып гана женет дейт. А бирок силер эл учун кандай диний жа шариий кызмат кылып жатырынар...
Хадисте: "Аалымдар менин мураскорлорум" дегендей, бул жаш аалымдарда учурдун талабына жараша, Ааят, Хадистерден иштихад маселеси м.н гана жооп беруудо, эчкандай озум билемдик сыпаты байкалбайт. Бийликти каафир-заалимдер, орусиядагы кыздарыбызды бузулуп кетти, жигиттерибиз алкаш болуп кетти, мамлекетибиз кедей, ж.б.у.с сын пикирлерди айтыпеле ырдап, жургон жери жок. Баарыны орто коз караш м.н карап, илимдин негизинде гана жооп беруудо. Кеебирки аалым соройлордун сындарыны уксан, Кр да жакшы адам калбаптыр деп ойлонуп каласын.
Ушундай атактуу, жаш аалымдарыбыздан пайдаланып, замандашы болуп жашап жатканыбызга суйунуп, шукур айтып жашообуз керек. Менда бул инсандарга сыртта болсомда раазылыгымды билдирип, дайыма сый-урматтарынын кадырына жетууго аракет кылып келем. Дагы бир жолу айта кетким келет. Ушул адамдардын жасаган ишинин 100 дон бирини жасап койолу Кр учун, анан жамандай берели. Созумун аягында.
Уй-булосуно бактылуулук, оздоруно бекем ден-соолук каалап, кыргыз элинин негизги кызматында журо бериниздер демекмин.

Муну жазганымын себеби, илимдуулорубузду урматтап-сыйлоода, жогорку даражадагы адептуулуктон.

of the page up there ^

#15 kerakg 14 May 2015 - 18:46

Активист

Кыймылы жок
1082
19 November 14
: 27 Jan 2017 08:05
Жынысы:Эркек
Калаасы:Талас жери.

Теманы автор жакшы эле алып келе жатып аягында өздүк таанытуу, мактоо жарнамасына алдырып жибергендей, темасын улантпай таштап койгонуна караганда.

Адамга эң кыйын, күндөн күнгө адам болуу.

of the page up there ^

#16 Nuranna_93_kg 14 May 2015 - 20:04

Активист

Кыймылы жок
752
19 February 15
: 06 Feb 2016 01:00
Жынысы:Аялзаты
Калаасы:Кыргызстан

Туура айтасыз,озунун адептуулугун жарыялагандай болуп калыптыр.Аягын тим эле койбоптур да,ошондо оюмду жазмакмын.

of the page up there ^

#17 Nuranna_93_kg 14 May 2015 - 20:05

Активист

Кыймылы жок
752
19 February 15
: 06 Feb 2016 01:00
Жынысы:Аялзаты
Калаасы:Кыргызстан

of the page up there ^

#18 Nurmuhammad 14 May 2015 - 22:42

Активист

Тартип бузгандар
1527
04 June 14
: 07 Sep 2016 04:06

Эмне кереги бар ушундай создордун?!
Жумурткадан кыр издеп мусулманга бир тийишип коруу фарзбы же ваажипи сен учун?
Кайсы китеп же брашуураны караба созсуз алды артында автордун аты же фамийлясы болот бул катардагы эле корунуш. Андан кынтык издеп таап жумурткадан кыр издегенинди токтотсон!
Ошондо илимдуу экенине баа беремин. Канча нерсени туура эмес айтып фатва берип жатасын кичине Кудайдан корксон боло,андан коро илиминди онуктур остур,бироонун айыбын издебей. Ошончо жакшы нерселерди жазды рахмат Аллах раазы болсун деп кой бир жерин кемип калбайт.

of the page up there ^

#19 kerakg 14 May 2015 - 23:49

Активист

Кыймылы жок
1082
19 November 14
: 27 Jan 2017 08:05
Жынысы:Эркек
Калаасы:Талас жери.

Бул жерде жазган билдирүүмдө Адептен кыр издөө эмес, автор жакшы келе жатканда капталдан чыга калган ник ханиф, өздүк жарнама менен дегеним нурмухаммед сиздин нигиңиз беле, ката бизден кетсе кечиресиз, бул жерде да фатва чыгып кетиптирби. фатваны сиздерге окшогон илимдүүлөр чыгарбаса бизге кайдан.

Адамга эң кыйын, күндөн күнгө адам болуу.

of the page up there ^

#20 Nurmuhammad 15 May 2015 - 08:41

Активист

Тартип бузгандар
1527
04 June 14
: 07 Sep 2016 04:06

Бул жерде эч кандай менин кошумча нигим жок. Чыныгы жузумду ушул нигимден эле корсотом андай эки жуздуу болгум келбейт.
Башка темалардагы фатва берип жургонунду айтып жатам.
Эмне кереги бар ушундай нерсенин?

of the page up there ^

Дин жана философия

(3 )
1
2
3

Суперстан: Ниет кылдым АДЕПТҮҮ болууга! - Суперстан

Ниет кылдым АДЕПТҮҮ болууга!

#1 Adep 08 October 2014 - 20:56

#2 Adep 08 October 2014 - 21:00

#3 alibekova94 08 October 2014 - 21:02

#4 janusi 08 October 2014 - 21:45

#5 Lenin 09 October 2014 - 12:08

#6 Adep 10 October 2014 - 13:27

#7 Adep 11 October 2014 - 18:28

#8 edu.kg 11 October 2014 - 23:42

#9 Adep 12 October 2014 - 00:48

#10 zinu 13 October 2014 - 15:25

#11 Adep 15 October 2014 - 20:20

#12 Shorobashat 19 October 2014 - 21:10

#13 Xanif 20 October 2014 - 19:02

#14 Xanif 20 October 2014 - 20:29

#15 kerakg 14 May 2015 - 18:46

#16 Nuranna_93_kg 14 May 2015 - 20:04

#17 Nuranna_93_kg 14 May 2015 - 20:05

#18 Nurmuhammad 14 May 2015 - 22:42

#19 kerakg 14 May 2015 - 23:49

#20 Nurmuhammad 15 May 2015 - 08:41