[aminali]

Эх жаштык кез жаштык кез,
Билинбестен өттү тез-деп ырдап калаарымды билгенде,окуучулук күндөрүмдү укмуш өткөрмөкмүн. Бул теманы ачканымдын себеби ар бир адамдын окуучулук кезиндеги отуруштарды(вечеринкалар)эстеп жыргап аларбыз.Өзгөчө ата энелерибизден сурана албай,сурансак да алар ойлонуп көрөлү дешип,кошомат кылып жуулган полду жууп, кайра кайра эшиктин алдын шыпырып,тим эле өзгөчө элпексиң да андай учурда.Ошентип баарын кылсаң,ата энең ойлонуп туруп 1 саатка убакыт берип коет да,иштери жок алардын 1 саатtа араң чогуларыбыз менен(кыргызбыз да).Достор келгиле ошол убактагы сезимдерибизди жазабыз.

[aminali]

Бул жагынан менин ата энем рекорд коет.Баардык отурушта чогу отурдук ко чиркин (апам менен же сиңдим дайыма).Бир күнү дискотека,досторума да бир көйгөй мени сурап чыгыш үйдөн,мен байкуш баргым келет бирок жибербейт.Анан апам да билет же уккан чыгар бирөөдөн "ии дискотегага даярданып жатасыңар?" баарыбыз башыбызды ийкеп,айта да албайбыз десең.Анан апам алма терип бүткүлө анан бара бергиле деди.Ураааа баарыбыз алма бакта жүрөбүз,балдарыбызды да чакырып алдык(алар жашынып турган да).Ошентип кечкээ чейин тердик,ойноп каткырып жатып убакыт да өттү. Күн кире элек.Дискотекада жүрөбүз эшик жарык,зал караңгы деп кой.Же кыйратып бийлебейсиң жаңы келген коноктой болуп.Караңгы кирди апам келди,алып кетти.

[aminali]

Бир күнү бир балабыздын туулган күнү болду.Анда да араң суранып чыктым 2 саатка эле деп.1 сааты чоңулгуча 2 сааты отурабыз деген план менен.Чогулдук отурдук,отуруш башталды 2 саат өттү.Мен 17-00 чыккам үйдөн саат 20-00 жүрөк дүкүлдөп баштады,негизи таң аткыча отурушат меники,эң эле көп деген саат 21-00 чейин отурганым.Ошентип кайра кайра терезени карамай башталды.Сегиз жырмада ызы чуу апам да атам да кирип келди үйгө колдорунда колтойгон таяк(ал мага эмес көчөдөгү иттерден коркуп алып алган да).Ошентип аларды ээрчип үйгө келдим,уялганымды айтпа атамды карагандан уялып көп күн жүрдүм.Ата энем уруп сабап көргөн адамдар эмес өзүм тил уккандан абдан корком,көңүлдөрүн оорутуп албайын деп эле аракет кылам.

[aminali]

Жаңы үй бүлөө тооо малчы болуп көчүп келди.Ал үй бүлөөнүн кызы биз менен окуучу.Бир күнү ал байкесинин армияга кетээрин айтып,бизден жардам сурап калды,мамам жалгыз коноктор келет шаардан боорсок,салат жазашып койгула деп.Макул болдук апамдан суранып саат 15-00 анын үйүнө келдик.Тоодо жашашат экен алыс эле бир топ айылга.Ошентип жардам берип жатып кеч болуп кетти,кантип кетээбиз деген ой менин мээмди оорутуп жатты.Кеч кирди дасторкон жайып,столун даярдап шаардык конокторун күтүп жатык.Алар да келди менин жүрөгүм бол-болк согуп жатты.Бир убакта эле сыртта ызы чуу десең билдим апам келгенин,эки классташ балам биринчи кирип келип эле азыр өлдүңөр деди(ал балдарды жол көрсөткүч кылып алып алыптыр).Мен катып эле туруп калдым,эки кызыбыз көрүнбөй калчуудай болуп терезе парданын артына жашынып алыптыр.Тигил кыздын апасы апамды жакшы эле түшүндүрдү бирок болбоду.Жашынып турган эки кизды да таап чыкты,машынага отурдук 3 кыз,иии үйгө келгиче урушуп келди.Атаң азыр аябай урушат"провод" деген эң жаман вечер дейт же мурда уксамчы андай вечерин.Чын эле өлдүмго деп ,үйгө кирээрим менен атооов кечирип койчу деп ыйлай баштадым бутуна жыгылып.Атам байкуш түшүнбөй калды,апам аркы үйгө алып кирип"Ай атаңа айтпа ал билбейт"- деп жатпайбы уят кылып кишини,кайра каткырып баштадык эстеп.Тигил шаардан келген балдардын ээси ооп калды го деп апам да кайра күлдүрүп жатты.Бул менин окуп жүргөндөгү акыркы отурушум болду.Ошондон кийин суранбай да калдым.Барган да жокмун.

[kyrqyz]

до конца отурган кунун болгонбу?

[aminali]

Ошентип окуумду бүтүп окуу жайга келдим,апам мени менен бирге жатаканада жатты.Кээде болбой калса комендантка татту патуу берип тапшырып кетчү.Студентик күндөрүм апам менен өттү,отурушка бармай жок консертке эле барабыз экөөбүз.Турмушка чыктым.Балауу болдум баламды каралашып апам үйдө.Бир күнү кошуна дос балабыздын туулган күнү болду,апамдан суранып чыктык жолдошум экөөбүз.Адрести таштап койгом,кошуна болгондуктан бизден кийинки подезде(керектүү тамга жок туура эмес жазылды кечирим сурайм)турчу. Түн болуп калган эшик чырылдап калды ачсак апам турат"Ай бала ыйлап жатат баскыла үйгө жүрө берсиңерби? "-деп.Мен күлүп үйгө келдик,аайй айй апакем ай тун баласы болгондуктанбы бөтөнчө мага ушундай болчу.Азыр болсо иним жыргап эле жүрөт отуруш отуруш,дискотека деп,сиңдимди деле көп анткен жок.

[Cyldyzka]

Mınça sonun okup alıp ayabay küldüm,baykuş apalar men da apamdan zorgo surançumun anı da keede coop berçü a tak eç cakka cönötpöyt bolçu

[zarkokul]

A men apamyn jonotpowun bilip ele, atamyn iwten keleer ubagyn kutup tur4uum. Birok ayabai takap surait ele, ve4erinka bolup jatkan jerdin adresin, kimdin kyzy je balasy ? atasynyn aty kim, apasynyn aty kim, telefonu kan4a dep baaryn surap alat ele, hotya 4albait ele, jon ele meni korkutup koyuwat bol4u.

[skatoruk]

Сонун убак го чиркин. Жасанып алып эле жоноп каласын , апан ээй бала кайда деп кыйкырып калат , азыр келем деп кетесин ошол бойдон тун жарымда кирип келесин.

[nurai92]

Менин апам эч жок дебейт эле, кайра досторум келип апама айтышчу кызынызды бар денчи деп, же кээде озу айтчу, тиги досундун уйундо вечер экен го неге барбадын деп

[Likvidator]

3-классты бутуп эле шаарга окууга кетип андай нерсеге анча аралашпай калдым. Бирок окуучулук кундорум жалан жатаканаларда откондуктон оюн-кулку жакшы эле болду го менде . Жаш эжей , агайлар ноомотко турган куну эле бий уюштура койчуубуз . Айылга келгенде уйдо конок адамдай болуп эч ким киришпейт эле мага .

[kaitpas]

Жакшы элестер!
Чындыгында эн соонун кез окуучулук кундор экен.Мен да дрын деген жерден калбайт элем.Уйдогулор ушу сенин оюнун тугонбойт да деп урушчу.Классташ дос балдарым менен дайым уюштурчумун, анан мектепке да магнитофон алып барып мугалимдерден да уруш эшитчу элек.Бирок сабак буткондон кийин жаш эжейлер оздору да бош класска чакырышып бийлейт болчу.Эстесем эн бактылуу кундор окуучулук кундор экен.

[Aydashka]

Окуучулук мезгилди эстесем бир жылмайып калам.Апам отурушка жиберсе экен деп алдын ала жагалданып оокат кылган күндөрүм,ак эткенден,так этип ошол күндү аябай күтөсүң да,анан ата-энең 2саатка эле жиберип койчу"облом" кылып."2 саттан кечиксең,үйгө келбей эле кой,кайда барсаң анда бар"деп койчу эле.Анан көрүп ал отурушта улам саат карап,чыйпыйың чыгып.Анан 2саат өтпөсүн десен шуулдап өтүп кетээр эле.Ошентип окууну аяктап,выпускной бал да келди.Классташтардын баары мага"сен бир аягына чейин отурганга суран эми,акыркы отурушубуз" дешкен эле.Апамдан сурансам таптакыр болбой койду,баякы эле 3-4саат ашып кетсе.Отурушка барып,4саат өткүндөн кийин кетейин десем кайран балдарыбыз бут кийимимди катып коюп,таң аткыча отургам.Анан таң атып келатканда жүрөктүн лакылдаганын угуп ал,ыйлап атам шолоктоп "апам-атам өлтүрөт" деп.Ошентип, классташтар таң атпай баары мени артка салып алып,биздин үйгө жөнөдүк актаныш керек эле да эптеп.Үйгө жетип эле мен ээң артына туруп алдым классташтардын, апам чыкса эле баары кыдыракей тизилген,чоочуп "кокууй деги аманчылыкпы, кызым аманбы" деген экен.Ооба апа коркпоңуз,аман эле,кечөө ушундай болуп калды десе,апам күлүп жиберген экен.Анааан артынан ууру мышыктай болуп мен чыгып келатпаймынбы" кечирип койгулчы" деп.

[cirkakol]

даа окуучулук кундорго не жетсин. Мен озум мугалимдин баласымы,отуруштар болгондо кыздардын баарын ата энелеринен сурап чыкчу элем мени мен жиберишчу анын баарын чогултуп келип бир аз отургандан кийин каайра жеткизиш керек болчу барып баарын тапшырып берчумун. Анан жалан балдар калып озубуздон чонраак кыздар менен отурчу элек тан атканча.

[temu]

Ушу отуруш маселесине келгенде менде такыр туйшук болчу эмес. Эми кантсе да кыздарга караганда эркектерге суроо талап азырак да. Башкалар айтып кеткендей эле класста уйнон чыгарбаган кыздарыбыз бар болчу. Анан аларды уйунон сурап чыгара албай туйшук тартып эле журчу элек. Эсте бар, бир отуруш болуп калды. Анан класста уйунон чыгарбаган эки кыз бар болчу. Ата энелеринен сурап чыгуу учун кыздар балдар жетелешип барып калдык. Биринчисине барсак тиги чыкпаган кыз барса койберебиз дейт, анысына барсак бунусун шылтоолойт. Ненен эки уйдун ортосунда топтошуп алып эле ары бери эле басып журобуз десен. Акыры ары бери бир сааттан ашык басып журуп тажаган мен "Барбай эле коюшсун, озубуз деле отура беребиз" - деп жаныбызда жургон кыздарды уйлоруно жеткирип салып, отурушта жалан кочкорлор отурдук эле . Бая отурушта карасан кыздар жок кызыксыз, жарымы карта ойноп отурушса жарымы эчак эле уктап калган. А бир экоо улуу братандар кыздарынарды эшикке чыкырып бергиле деп келип калгандарга арак парагын бузуп эшикте сый корсотуп журушот. (Же алар кыздар жок дегенге ишенсечи, анан кыздарды чыкырып бербегени учун бир эки токмок жегендер да бар)

Билдирүүнү түзөткөн: temu: 24 Апрель 2012 - 10:56

[Leanor]

Менин омурумдо 1-жолу 8-мартта 11-кл. классташтар менен отурабыз деп суранып (уйуно чакырган классташымдын апасы таэнемден сурап)чыксам, анда да жигитим(азыркы куйоом) 2 сааттан кийин ал жерден алып чыгып,уйго жеткизип койгон.

[helena]

temu (24 Апрель 2012 - 10:52) жазган:

Ушу отуруш маселесине келгенде менде такыр туйшук болчу эмес. Эми кантсе да кыздарга караганда эркектерге суроо талап азырак да. Башкалар айтып кеткендей эле класста уйнон чыгарбаган кыздарыбыз бар болчу. Анан аларды уйунон сурап чыгара албай туйшук тартып эле журчу элек. Эсте бар, бир отуруш болуп калды. Анан класста уйунон чыгарбаган эки кыз бар болчу. Ата энелеринен сурап чыгуу учун кыздар балдар жетелешип барып калдык. Биринчисине барсак тиги чыкпаган кыз барса койберебиз дейт, анысына барсак бунусун шылтоолойт. Ненен эки уйдун ортосунда топтошуп алып эле ары бери эле басып журобуз десен. Акыры ары бери бир сааттан ашык басып журуп тажаган мен "Барбай эле коюшсун, озубуз деле отура беребиз" - деп жаныбызда жургон кыздарды уйлоруно жеткирип салып, отурушта жалан кочкорлор отурдук эле . Бая отурушта карасан кыздар жок кызыксыз, жарымы карта ойноп отурушса жарымы эчак эле уктап калган. А бир экоо улуу братандар кыздарынарды эшикке чыкырып бергиле деп келип калгандарга арак парагын бузуп эшикте сый корсотуп журушот. (Же алар кыздар жок дегенге ишенсечи, анан кыздарды чыкырып бербегени учун бир эки токмок жегендер да бар)

Кочкорлор ден хе хе хе..
Экоонун айынан байкуш кыздар отуруштан кур калышыптыр да.

[aizadochka]

Мени да аран жиберишчу, бирок озум деле калчу эмесмин андай отуруштардан. Кеч кирип баштаганда эле баягы мен чыйпылыктап баштайм. Иним, апам дайыма жетип келишчу же чалып алып атан урушуп атат дей беришчу (атам билчу деле эмес). Анан бир жолу 3 курсту бутуп каникулда барсам классташтарым чакырып калышты, бардым, тан атканча отурабыз деп болбой коюшту, анан мен чонойгон киши болуп отуруп калдым. Бир маалда тун жарымда апам чалып "мээн ордундабы,азыр келип кал" деди, анда да шер экем, "барбайм" деп салдым (жиним менен,сонун отурган болчумун да), телефонду албай койдум. Анан тан атпай жонодум уйго,тура электе барып калайын деп. Келатсам атам,апам,иним болуп тоого кетип баратышыптыр, атамдын коз карашынан эле тушундум. Кирерге жер таппай, бетим кызарып аябай уялгам. Ошондон бери барбайм, барсам да эрте кетем. Апам азыркыга чейин шылдындай берет "бул опасный барбайм деп салат" деп.

[aminali]

Кетмен көтөрүп талаада жүргөн күндөр деген темадан кийин дагы бир окуя эсиме түшүп кетти.Бир күнү отуруш кылмай болдук,үй табылбайт тайкемдин кызы тайатамдыкына жатып окуучу классташ биз менен.Экөөбүз уйуштурдук кыйын болуп,мен да суранып барганга жакшы болду деп жыргап алгам.Тайатаман үйдү сурасак жүгөрүсү бар болчу(гектарга жетпайт 40 с) ошону отоп бергиле ана отургула деп калды.Ары бери чогулдук баарылап бүтүрүп салдык тобоо.Кечинде чогула баштадык,эч нерсе даяр эмес,боорсок да жок эптеп үйлөрүбүздөн бирдемелерди көтөрүп келдик жегенге.Тайатамдыкына деп суранып алгам да,карасам апам жүрөт үйдө.Калп эле атасыныкына келимиш болуп,бизге тамак жазап берип жатты.Түн бир оокумда үйүңөргө кеткиле деп баарын кетирип салды..

[andormeda]

Менде андай отуруштар болгон эмес. Тескерисинче майрамдарда класташтар отуруш кылабыз дегенде мен барбайм деп чыкчумун. Эмнеге экенин билбейм, бирок үйдө отурган көбүрөөк жакчу. Майрам күндөрү эле мамам экөөбүз урушуп жатып калчубуз. "Ай, кийин өкүнүп каласың, классташтарың сагынасың. Бар, үйдө отура бербей эс алып кел" деп урушчу. Мен көгөрүп отура берчүмүн. 11-классты бүткүчө 2-3 жолу эле баргам.
Ушу шаарга келгени эле бузулдум ар түрдүү отуруштарды көрүп...

Билдирүүнү түзөткөн: andormeda: 26 Апрель 2012 - 10:22