[Mediziner]

mawa.32 (31 Май 2016 - 20:41) жазган:

Салам.
1. Озунду канчаалык денгелде акылдуумун деп ойлойсун?
2. Озунду аз суйлогондорун катарына кошосунбу же коп суйлогондордунбу?
3. Сенин билдируулорунду кобунча башка жактардан окуп калам. Эмне максатта суйроп келесен форумга?
4. Университетте акча берип зачёт алган учурун болгонбу?
5. Озунду табигый сулуулардын катарына кошосунбу же боёк аркылуу сулуулангандардын катарынабы?

Салам!

1. Жогорку да, төмөнкү да деңгээлде деп айта албайм. Билгенден биле элегим көп. Бирок ошол менен катар, жаман, жакшыны ажырата албаган акылы тайкы да эмесмин.

2. Көп сүйлөгөн жерде көп сүйлөйм, аз сүйлөш керек болгон жерде аз сүйлөйм. Баары жагдайга жараша.

3. Сиз кирген кыргыз тилдүү сайттардан көзүмө жылуу учураган, "макаланы" бул жака көчүрүп келгем убагында. Бирок ал сайттардагы маалыматтар толук канааттандырбагандыктан дээрлик кирбей калдым, акыркы учурдагы макала түрүндөгү жазган билдирүүлөрүмдүн баары башка тилден которулган. Б.а жөн гана алып келип "илип" койбой, которуп, керектүүсүн гана жазуудамын. Себеби жөпжөнөкөй: өзүм окууган маалыматты башкалар менен да бөлүшүү.

4. Болгон.

5. Азыркы учурда мен курактуу бардык эле жаштарда "табигый" сулуулук бар. Себеби организмибиз жаш, ден-соолугубуз чың. Мындан артык сулуулук барбы? "Бырыштан кантип арылам", "Төрөттөн кийинки такты кантип жок кылам" деген көйгөй бизде жок, б.а "жаштыктын табигый сулуулугу" бизде.. девеле))

Рахмат, келип туруңуз!

[Mediziner]

Tansuluu09 (31 Май 2016 - 20:50) жазган:

саламатсынбы!
Менин суроолорум томонкучо
1. Психологиялык кандай китептерди, кимдин китептерин окугансын?
2. Бизге психологиялык кайсыл китепти окуганды сунуш кылар Элен ?
3. Медитация эмне экенин билесинб??
ЖОоптор учун алдын ала ырахмат))

Саламатчылык!

1. Ар кандай мазмунду камтыган китептерди окугам, алсак: Адам психологиясы, Жаш балдардын психологиясы, Сүйлөшүүнүн психологиясы, Аң-сезимди өстүрүүгө арналган психология ж.б. Авторлору эстен чыгып кетиптир, көбүнчө эле чет өлкөлүк психологдордун жазган китептери болчу.

2.Мага өзгөчө жакшы таасир калтырган китеп, Роберт Энтони аттуу көп жылдык тажрыйбасы бар, мыкты психолог жазган "Хватит думать! Действуй! " аттуу китеп болду. Бул китепте, өзүңө болгон ишенимди кантип жогорулатууга болоору, ийгиликке кантип жетишүү жолдору, кандай учурда кандай жол тутуу керектиги, кантип жашооңду позитивдүү маанайга бөлөп жашоону, оптимисттердей ой-жүгүртүүнү ж.б. үйрөтөт. Текст аябай жөнөкөй, түшүнүктүү кылып жазылган. Кайсы бир нерсени түшүндүрүүдө теорияны эле айтып туруп албай, практика жүзүндө кандай болоорун кошо жазып кеткен. Кызыккандарга, көңүл коюп окугандарга өтө сонун пайдалуу китеп.

3. Медитация бул психологиялык көнүгүү. Адам ичиндеги ой-толгоолордун бир багытка карай топтолуусу.

Сизге да рахмат, келип туруңуз.

Билдирүүнү түзөткөн: Mediziner: 01 Июнь 2016 - 17:34

[Mediziner]

Kyrgyzdyn-kyzy (31 Май 2016 - 21:57) жазган:

Салам Мediziner, келгенин жакшы болуптур

1) Жаш кыз экенсин. Мен сени эже деп жургонмун.)
Айтсан ой-жугуртуундун озун менен тендерге салыштырмалу жогору экендигинин себеби эмнеде?
2) Берген кенештеринди озун да жашоодо колдоносунбу?
3) Кыздын сыры жака жазган коп жакшы кенештеринди окуйм. менин элестетишимче озуно карап жургон кызсын, озунду кантип ухаживать этесин?
4) Атана жакынсынбы же апанабы?

Салам Kyrgyzdyn-kyzy!

1. Билбесем эми..менимче ой-жүгүртүүм жаш курагыма ылайыктуу эле го дейм, мен деле дал өзүм курактуулар ойлогон ойду ойлойм.) Бирок..14-15 жаштагы секелектик курактын өткөнү качан...19 жашты тоготпогон менен, ал деле оңой сан эмес да..))

2. Кыздын сыры, медицина бөлүмүнө жазган көп эле кеңештерди өзүм да колдоном.

3. Туура баамдапсыз. Жалкоолугум тутуп калбаса эле, өзүмө кам көргөндү жакшы көргөн жанмын.)) Айрыкча бет териме көп көңүл бөлөм, себеби бет терибиз аябай назик, кам көрүүнү талап кылат. Жумасына 1 кээде 2 жолу, көбүнчө ак, жашыл глиналардан маска жасап турам.

4. Ата-энемди эки бөлүп карагым келбей турат, экөөнө тең жакынмын. Кубансам да, кайгырсам да, экөө эки капталымдан ар дайым жөлөп-таяп, колдоп турушат. Экөө бирдикте, жакшы насааттарын айтышып, мени жакшы жолго салып келишет...

Рахмат, келип туруңуз.

[Mediziner]

madin_ (01 Июнь 2016 - 00:52) жазган:

Салам Рейна эже ... Куш келиниз ! Элди аябай эле жалдыраттынызго. .

1) жазганда аябай эле кооп жазас ( албетте маанилуу маныздуу кылып) , бирок ошону мага окшогон зеерикчендер окубаса деле керек... Ошол бир бет эки бет жазгыча 10 суйлом менен деле жетчуу жерине жеткире жазсаныз болотго... Дегеним озунуз деле биз деле кыйналаткенбиз

2) реалда деле бир нерсени ийне жибине чейин майдалап суйлойспу ?


3) форумдан эмне таптыныз ?


Ийгилик каалайм

Салам Мадина! Куш келдик.)

1. Ошону айтсаң. Бүткөн бир ойду, бир-нече эле сүйлөм менен түшүндүрүп коюу "таланты" мага берилбеген окшойт, сыягы..аттиң. .))

2. Майдачыл эмесмин деген адам да, реалда "майдаланып" сүйлөөгө "мажбур" болуп калышы мүмкүн. Анткени муну жашоо дейт. Ошондуктан, баары кандай ситуацияга тушукканыма байланыштуу дейт элем..

3. Өзүмө керектүү көп жакшы кеңештерди .

Рахмат, келип тур!

[Mediziner]

Holerik10 (01 Июнь 2016 - 01:11) жазган:

Кел кесиптеш) 1-курста Рейна аттуу кыз опшим жок экенго мед колледж де окубайсынбы иши кылып же атын башкачабы

Келдим.)

"Изкубар" болуп алсаңыз да болчудай экен, девеле.))
Рейна деген кыз мед колледжде да жок, сиз окууган жерде эле окуйт ал.) Болгону "документимдеги" ат менен жүрөм ал жерде. Атымды үйдөгүлөр Рейна деп эле коюшкан, бирок 2 жыл мурун айрым себептерден улам өзгөрткөм. Бирок эс тартканда атынды өзгөрткөнүң бекер экен, кайра эле Рейна деп алышты. Мектепте да Рейна болуп бүттүм, досторум арасында да Рейнамын. Универге барганда эле башка ат болуп калды.) Негизи окууга документтерди тапшырганга чейин, мурдагы атымды калыбына келтирүү планым бар болчу, бирок каттоом башка шаарда болгондуктан үлгүрбөй калдым. Ошо..))

Woman. (01 Июнь 2016 - 04:29) жазган:

Чон эле айым деп ойлой берем, балалуу чакалуу. Уй було болумдорундо башынан откоргондой кылып эле жазатго кенеш-пенештерди. Жаш кыздар жакшынале чыгып кетишет чондор кенеш беришсинчи деп.
Че то такыр эле ишенбейм 1-курс экенине.

Мен бекнчимин десем менден откон бекерчи немесинго, качан караба форумда. Башка сайттардан маалыматтарды алып келип эле иле бересинго ( бул жакшы нерсе) бирок, ага да кыйла убакыт керек, медфакта окугандардын анчалык коп убактысы болбош керек эле.

Жогоруда болгонун болгондой жазып койдум. Ишенесизби же ишенбейсизби тандоо өзүңүздөн..

[Mediziner]

Shalunka1215 (01 Июнь 2016 - 06:32) жазган:

Салам Рейна кыз!
Суроом:
1. Буюрса кыргызстанга жакын арада бара турган ниетим бар...ошто болсон жолуга аласынбы?
2. Ангелочка96 деген кыз менен кандай таанышсынар?
Интервьюна ийгилик ! Суроолор болуп калса дагы келем

Салам Мээрим эже!

1. Ооба, ушул жерде болуп турсам эле буйурса жолугабыз.

2. Жакшы тааныш эмесмин.

Рахмат, сизге да ийгилик!

Milana. (01 Июнь 2016 - 07:53) жазган:

Салам бул жака катталууна эмне себеп болдууу?

Салам!

Макалаларга оюмду жазгым, форумчулар менен пикир алышкым келгени себеп болду десем болот.

Рахмат, келип туруңуздар!

Билдирүүнү түзөткөн: Mediziner: 01 Июнь 2016 - 18:46

[aiturgasha]

Салам Медизинер.

1. Азыр студенттердин баары буту куйгон тооктой болуп, эгзамен тапшырып журот. А сен форумда журосунго? Тем более медик болсон. Албетте каалоо болсо , барына жетишесин дейсин ушудан башка жооп кутом.

2. Форумдагы И универдеги жакын досун?

3. Бир кундук иш планыны айтып берчи? Каалаган кунунду.

4. Куйоо бала барбы

Интервьюна ийгилик! Дагы келемго..

[madin_]

Салам дагы келип калдым.
Азыркы учурдагы атыныз ким?
Реалда кайсы форумчулар менен жолуккансыз?

[Mediziner]

windom (01 Июнь 2016 - 09:43) жазган:

Салам бийкеч! Конок торго куш келипсиз!

Айтсаныз, форумда сиздин дарекке жамандыр жакшыдыр ушак-кептер, сын-пикирлер коп айтылат. Бул нерселердин жаралуусуна эмне себеп болуп жатат деп ойлойсуз?

Сиздин жазган билдируулорунуздон улам айрымдар жаш озгочологунуздон кумон санашат, кыргызда "коп жашаган эмес,копту коргон билет" деген накыл кепти эске алып, сизди жашоонун ысык-суугун коп коргон адам катары суроттосок болобу?

Жашоодо эки нерседен адашпоо керек дейт, 1-кесип,2-жар тандоо. Айтсаныз келечек жолдошунуздун кандай сапаттарына озгочо конул буруп,талап коесуз?

Исламда аялдын укугу абдан жогору дейт, муну кантип далилдеп бере аласыз?

Маалым болгондой сиз келечек даарыгерсиз, айтсаныз жаны торолгон ымыркайды киндигинен ылдый жагын жаап коюп, кыз же эркек экенин кантип билсе болот?

Башка улуттун мырзасы суйуусун билдирип," колунузду сураса" кандай жооп бермексиз?
Азырынча ушулар, рахмат.

Салам, куш келдик!

1. Психологияда "кабыл алуу каналдары" (каналы восприятия) деген түшүнүк бар. Бул канал ар адамда ар кандай өөрчүгөн. Б.а ар бир адамдын өз кабыл алуу каналы бар. Адамдардын ортосундагы пикир келишпестик да, дал ушул каналдардын бири-бирине төп келбей калгандыгынан жаралат.


2. "Жаш курак бул жөн гана цифра, ал адамдын ой-жүгүртүүсү менен жашоого болгон көз карашын айгинелеп бере албайт" деген экен даанышмандар. .. Ошол сыңары, цифра менен ой-жүгүртүүнү бир тегиздикте кароо туура эмес деп билем.
Жашоонун ыссыгын көргөнүм менен, суугун көрө элекмин. Ата-энемдин калкалоосу астында, бактылуу балалык күндөрүн өткөрдүм, азыр да дал ошондой сонун күндөрдү өткөрүүдөмүн. Менимче жашоонун ысык-суугун сезе билүү үчүн, сөзсүз аны башыңдан өткөрүү шарт эмес. "Акылдуу өзгөлөрдүн катасын көрүп сабак алат" демекчи, айланадабыздагы болуп жаткан окуялардан деле сабак алып, келечекте өзүбүзгө эле пайдасы тийүүчү туура чечимди чыгарып алсак болот да...

3. 1-чынчылдыгына - чынчыл адам өз кемчилиги менен артыкчылыгын эң жакшы сезе билет.
2-жоопкерчиликтүүлүгүнө - жоопкерчиликтүү адам үй-бүлөсүн кароосуз ара жолго таштап койбойт.
3-өзгөлөрдүн оюн сыйлай билүүсүнө
4-айланасындагы адамдарга кандай мамиле кыла билүүсүнө
көнүл бурмак экенмин.)

4. Исламда аял эркектен 3 эсе жогору турат. Мунун себеби, аялдын баланы төрөөсү же ага сүт берүүсүндө эмес.... Аял - бул баланы тарбиялоодогу чоң бир мектеп. Аппак барактай болгон баланы туура тарбиялап чыгаруу да оңойго турбайт. Коомчулукта кандай адамдардын пайда болуусу да дал ушул аял тарбиясына барып такалат экен.. Мына ошол себептен да аял укугу жогору турса керек деп ойлойм.

5. Кызык суроо экен..Бирок бул суроонун жообун табууга билимим жетишсиздик кылат окшойт.) Жообун өзүңүздөн күтөйүн.

6. Байкап көрмөкмүн..Жакшы инсан болуп, жылдызыбыз келишсе балким макул болмокмун.)) Жаман улут болбойт, жаман адамдар гана болот деп ойлойм...

Рахмат, келип туруңуз!

Билдирүүнү түзөткөн: Mediziner: 01 Июнь 2016 - 21:51

[atai9292]

Саламатсыңбы Акылдуу кыз
Өзү суроо берип мээңи чиритейин деген оюм жок болчу.Холешке берген жообуңан улам бергим келип кетти

1. Толук аты жөнүмү туулган айылымы айтпасам интервиюга келип мага эмне пайда деген ой келдиби?

2. Өзүң жөнүндө толук бирда маалымат жок экен,реал жашоодо көбүн сызга отургузуп сыздаткансынбы, же карыз алып бербей жүргөндөрүң барбы?

3. Биз бактылуубуз! Эмне үчүн? Ушул суроого толук жооп беришиңи өтүнөм

4. Дүйнөдө 8 керемет бар аталыштары жана кайсыл жерде жайгашкан?

[Mediziner]

Sagyn.91 (01 Июнь 2016 - 10:34) жазган:

Салам Рейна.

1) Жолугууга сунуш киргизсем жолугууга макулдук берет белен? жана да сени жактырып турмуш курууга колунду сурадым, ошондогу сенде пайда болгон сезимдеринден жаза кетсен.

2) Кенеш беруулорундон улам 30-35 жаштагы айым жазып жаткандай сезилет. Айтсан ушунча маалыматты кайсы жерден аласын жана убакытты кантип табасын?

3) Жашоодо жигиттерге айтаар кенешин барбы? Негизи кандай жигиттерди жактырасын? ( сага талапкер болуп короюн, тамаша)

4) Билдируулорундон байлыкка кызыкчуудайсын, жашоодо байлык, бийлик дегендерденсинби?

Азырынча ушулар, эгерде суроо болсо келемин.
Рахмат.

Салам!

1. Ойлонуп көрмөкмүн.
Алгачкы жолугушууда эле сунуш киргизсеңизби же кандай?) Кандай учур болбосун, мендеги реакция "сунуш киргизген убагыңызга чейинки" таштаган кадамдарыңызга карап болмок.

2. Медицина жаатына байланыштуу маалыматтардын көпчүлүгүн мурда окууган китептериме таянып берем. Айымдарга байланыштуу айрым маалыматтарды, өзүм бат-баттан кирүүчү башка тилдүү 2 сайттын маалыматтарына таянып жазышым мүмкүн.

3. Кеңешим деле жок.) Жигиттердеги баалаган сапаттарды жогоруда жазып кеткем.

4. Мени "байлыкка кызыгатка" чыгарып койгон кайсы билдирүүм болду экен...)) "Байлык" , "бийлик" дегендерден эмесмин, мен үчүн башкы байлык ата-энем, жакындарым, анан биздин ден-соолуктарыбыз. )

Рахмат, келип туруңуз.

[Mediziner]

Sweet-Lika (01 Июнь 2016 - 10:46) жазган:

Табалатып эле койсо силерге!
Айтаар сөзүңөр жок болсо жөн эле окуп отура бербейсиңерби!

***
Медизинерге суроом деле жок.
Сөз байлыгың, ой жүгүртүүң кенен. Азаматсың!
Ары акылдуу, ары амалкөй аялзаты бол.
Интервьюңа ийгилик.

Чооң рахмат! Сизди да ар дайым ийгиликтер коштоп жүрүүсүнө тилектешмин!

[Mediziner]

Begai_kg (01 Июнь 2016 - 15:05) жазган:

Дагы мен келип калдым. 19га чыгайын деп атсан 1997жылкы болосунбу? Ровесница экенбиз почти.
1) Адамдарга кандай кайрылган жагат? Сен деппи же сиз деппи? Башка бироолордун кандай кайрылганы жагат?

2) ЖОЖго колледжди буткондон кийин тапшыргансынбы?

3) Кайсы тилдерде эркин суйлой аласын?

4) Бир нерсеге жетуу учун бироого жагынып,кошомат кылуу туурабы? Адатта ошондой адамдарга ийгилик коп жылмаят го.

5)Бир баланы жактырып калсан,чындап эле кыялындагы бала болсо биринчи болуп кадам таштайт белен?

6) Турмушка чыгууга даярмын деп ойлойсунбу? Эгер ушул убакта турмушка чыксан окуу менен уйду чогуу алып кете алам деп ойлойсунбу?

7) "Медиктин айтканын кыл,бирок кылганын кылба" деген созго кандай карайсын? Бул суроону бергенимдин себеби врач болуп иштеген эжем бар,зыяндуу экенин билип туруп деле коп нерселерди жей берет да,кобунчо медик аялдар деле баарын билип туруп тамеки тарта беришет,менин да бир ото жаман,ден-соолугума зыян келтируучу адатым бар, баарын билип туруп деле ал адатымы таштай албай келем. Суроо: Сенде да ушул сыяктуу адат барбы?

Жооптор учун рахмааат!

Кел, Бегай.
Ооба, ошондой го.

1. Менден жашы улуу, же бейтааныш адам болсо "сиз" деп кайрылам. Кантсе да "сиз деген сылык сөз" эмеспи. Башкалардан да дал ушундай мамиле күтөм.

2. Менин планым боюнча, 9ду бүтүп мед колледжге тапшырып, аны бүткөн соң гана медфакка тапшыруу эле. Бирок тилекке каршы, ошол жылы 97лердин бешенесине, 9дун базасынан медколледж жабылып калган, 96лар акыркысы болду окшойт.

3. Кыргыз, орус.

4. Бирөөнүн жардамы менен жетишкен ийгиликке караганда, өз күчүң менен жетишкен ийгилик алда канча таттуу болот. Менимче ар бир адам, кимдир бирөөнүн жардамына таянып калбай, өз күчүнө ишенгени оң.

5. Андай "эрдикти" жасоого, намыс жол бербейт..)

6. Даяр эместеймин го... Айрыкча айылга түшүп калсам, шоорум гана куруса керек.))
Менимче, окуу менен үй-бүлөнү чогуу алып кеткенге болот. Бирок шашылбаш керек, 3-4-курс нормалдуу деп ойлойм. 1-курста эле турмушка чыгып алчу болсо, окуу жайдагы адаптация + үй бүлөлүк маселелер жаш келинди алда канча кыйнап коёт менимче.

7. Андай учур менде деле болот. Ачууларга (туз, мурч, калемпир) өчмүн, зыян экенин өзү өтө жакшы билем дечи..ошентсе да, мен да таштай албадым ушул адатымды.))

Рахмат, дагы келип тур.

[Shaa-82]

Медик кыз коноктокенго жакшы, ийгилик!

[Mediziner]

aiturgasha (01 Июнь 2016 - 20:15) жазган:

Салам Медизинер.

1. Азыр студенттердин баары буту куйгон тооктой болуп, эгзамен тапшырып журот. А сен форумда журосунго? Тем более медик болсон. Албетте каалоо болсо , барына жетишесин дейсин ушудан башка жооп кутом.

2. Форумдагы И универдеги жакын досун?

3. Бир кундук иш планыны айтып берчи? Каалаган кунунду.

4. Куйоо бала барбы

Интервьюна ийгилик! Дагы келемго..

Салам!

1. Мен деле "буту күйгөн тооктой" болуп эле экзамен тапшырып жүргөн кезим.)) Кечээги суроолорго бүгүн жооп берип жатканымдын себеби да ошондон.


2. Форумда жакын досторду таба элекмин, универдеги группабыздагы кыздардын дээрлик баарысы менен жакынмын.

3. Менде дээрлик бардык күндөр окшош өтөт.)
Убактымдын 60%ти окуума жумшалса, 30%ти үй жумуштарына, 10%ти дем алуума жумшалат.

4. Жок.

Рахмат, келип туруңуз!

[Ali_Kyrgyztaniy]

Асаламу Алейкум Медик кыз.
Таакс менин суроом мындай, баягы эле кумондуу суроода.))

Бирде Барс аванарды жоктогон элен,(жакшы тааныгандай) Анан Барс аванар менен Мондурдун заманы бир эле, Барсты жакшы тааныйт экенсинда, Мондурду эч корбогон адам болуп жатасын. Барсты тааныган Мондурдуда тааныйтда полюбомучу))) Жогорудагы оз атым, документ атым, атымы озгортком, деген создорунда ото кумондуу.
Ошондо тошна Мондурсунбу? )))

Билдирүүнү түзөткөн: Ali_Kyrgyztaniy: 02 Июнь 2016 - 00:01

[Mediziner]

madin_ (01 Июнь 2016 - 21:02) жазган:

Салам дагы келип калдым.
Азыркы учурдагы атыныз ким?
Реалда кайсы форумчулар менен жолуккансыз?

1. Көпчүлүк билген, алгачкы коюлган атым Рейна. Демек, ушул атты эле билүү жетиштүү деп ойлойм.

2. Эч ким менен жолуга элекмин.

atai9292 (01 Июнь 2016 - 21:56) жазган:

Саламатсыңбы Акылдуу кыз
Өзү суроо берип мээңи чиритейин деген оюм жок болчу.Холешке берген жообуңан улам бергим келип кетти

1. Толук аты жөнүмү туулган айылымы айтпасам интервиюга келип мага эмне пайда деген ой келдиби?

2. Өзүң жөнүндө толук бирда маалымат жок экен,реал жашоодо көбүн сызга отургузуп сыздаткансынбы, же карыз алып бербей жүргөндөрүң барбы?

3. Биз бактылуубуз! Эмне үчүн? Ушул суроого толук жооп беришиңи өтүнөм

4. Дүйнөдө 8 керемет бар аталыштары жана кайсыл жерде жайгашкан?

Саламатчылык!

1. Алгач ачык эле "бардык суроолорго жооп бере албай калышым мүмкүн" деп бул жака келүүдөн баш тарткам. Бирок супер интервьюнун айрым эрежелерин эскертип, кайра чакырып алышты. СССР мырзанын эрежелери боюнча, "айрым маалыматтарды жашырып коюуга укуктуу" экенмин.))

2. "Реал менен виртти аралаштырбайм" деген сөзүм бар болчу (ал сөзүмдү бузуп жибердим бирок)) Вирттин вирттей, реалдын реалдай болгону жакшы менимче.

3. Бактылуубуз, себеби Аллах бизди аң-сезими жакшы өөрчүбөгөн жаныбар кылып эмес, "Адам" кылып жаратты. Мусулман болуп жаралганыбыздын өзү чоң бакыт. Күндүн батышын, таңдын атышын көргөн да өзгөчө сонун бакыт! Ата-энебиздин, жакындарыбыздын, чыныгы досторубуздун жаныбызда болуусу да кандай гана бакыт! Биз бактылуубуз! Аллахка чексиз шүгүрлөр болсун!

4.
1. Египет пирамидалары
2. Семирамиданын асма багы
3. Зевстин эстелиги
4. Артемиданын храмы
5. Галикарнастагы Мавзолей
6. Александрийский
7. Колосс Родосский
8. Тадж-Махал ушундайбы..? ?) Чынында толук билбейт экем бул 8 керемет жөнүндө.

Рахмат, келип туруңуз!

Билдирүүнү түзөткөн: Mediziner: 02 Июнь 2016 - 00:41

[Mediziner]

Shaa-82 (01 Июнь 2016 - 23:29) жазган:

Медик кыз коноктокенго жакшы, ийгилик!

Рахмат, сизге да ийгиликтер!

[Ali_Kyrgyztaniy]

Яна битта суроо.

Мына жердеги сени коро албаган Холеш, Мадина, Маша ж.б. неге негативдуу суроолорду берип жатат деп ойлойсун? Же куйругун оптом баскансынбы алардын.))
Аларды коро албас байкуштар деп атасак болобу?)))
Кыздарго мейли байкуш боло берсин.)) ушул эле жерде кызга таарынып жургон эркекти ким деп атайсын?)))

Билдирүүнү түзөткөн: Ali_Kyrgyztaniy: 02 Июнь 2016 - 00:59

[atai9292]

Сенин кимдигиңи жакындан билиш үчүн ушул жака чакырдыкта, кесибиңи же башканы айтпасаң жарашат эже. Же өз үйбүлөңөн же фамиляңан уяласынбы?
3 суроого анча канааттана албадым ачыгы))


Дагы бир суроо пайда болуп калды
Египеттеги Пирамидалар кандай максатта курулган,ким тарабынан?

Билдирүүнү түзөткөн: atai9292: 02 Июнь 2016 - 01:02